«Қазақстан Республикасының рұқсат беру жүйесін одан әрі реформалаудың 2012-2015 жылдарға арналған тұжырымдамасы туралы» Қазақстан Республикасы Үкіметінің 2012 жылғы 11 шілдедегі № 929 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес құрамда Рұқсат беру жүйесін жетілдіру мәселелері жөніндегі ведомствоаралық комиссия (бұдан әрі – Комиссия) құрылсын.
2. Қоса беріліп отырған Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Рұқсат беру жүйесін жетілдіру
мәселелері жөніндегі
ведомствоаралық комиссияның
ережесіне қосымша
Рұқсат беру құжаттарына (рәсімдеріне) және хабарламаларына
түгендеу жүргізу жөніндегі әдістемелік нұсқау
1. Кіріспе
1. Рұқсат беру құжаттарына (рәсімдеріне) және хабарламаларына түгендеу жүргізу жөніндегі әдістемелік нұсқау (бұдан әрі – Әдістемелік нұсқау) Қазақстан Республикасының рұқсат беру жүйесін одан әрі реформалаудың 2012-2015 жылдарға арналған тұжырымдамасының (бұдан әрі – Тұжырымдама) іске асырылуын қамтамасыз ету мақсатында әзірленген.
2. Әдістемелік нұсқау мемлекеттік органдармен жүйелеу және оңтайландыру мақсаттарында рұқсат беру құжаттарына (рәсімдеріне) және хабарламаларға кешенді түгендеу жүргізуге арналған.
Түгендеу өткізу нәтижесінде:
1) барлық қолданыстағы рұқсат беру құжаттарының (рәсімдерінің) және хабарламаларының тізбесін жасау;
2) рұқсат беру құжаттарына (рәсімдеріне) сыныптауды және санаттауды жүзеге асыру;
3) рұқсат беру құжаттарын және хабарламаларды беру кезінде қойылатын талаптарды қайта қарау;
4) рұқсат беру рәсімдерін оңтайландыру және автоматтандыру;
5) рұқсат беру құжаттарын (рәсімдерін) алумен (өтумен) байланысты бизнестің операциялық шығындарының көлемін белгілеу көзделеді.
3. Әдістемелік нұсқауда түгендеуді дайындау мен өткізудің кезеңдері, сонымен қатар осы жұмыста пайдаланатын нысандардың стандартталған жиынтығының сипаттамасы көрсетілген.
4. Осы Әдістемелік нұсқаудың қолданысы мемлекеттік органдармен, мемлекетпен уәкілетті етілген ұйымдармен және тұлғалармен берілетін (жүзеге асырылатын) барлық рұқсат беру құжаттарына, сондай-ақ хабарламаларға таралады.
Осы Әдістемелік нұсқауда көрсетілген «рұқсат беру құжаты (рұқсат)», «рұқсат беру рәсімі», «хабарлама құжаты (хабарлама)» ұғымдары Тұжырымдамада көрсетілген мағыналық мәнімен сәйкес пайдаланады.
5. Рұқсат беру құжаттарына (рәсімдеріне) және хабарламаларға мониторинг және үйлестіруді Қазақстан Республикасы Үкіметінің жанындағы Рұқсат беру жүйесін жетілдіру мәселелері жөніндегі ведомствоаралық комиссия (бұдан әрі – ВАК) жүзеге асырады.
6. Түгендеу нәтижелері негізінде әзірленген нормативтік құқықтық актілерді өзгерту бойынша ұсыныстар Қазақстан Республикасының Үкіметіне жіберіледі.
2. Рұқсат беру құжаттарын (рәсімдерін) және хабарламаларын
түгендеу үдерісін ұйымдастыру
7. Рұқсат беру құжаттарын (рәсімдерін) және хабарламаларын түгендеу үдерісі мынадай кезеңдер бойынша жүзеге асырылады:
Рұқсат беру құжаттарын (рәсімдерін) және хабарламаларын түгендеу бойынша сараптамалық топ құрамын қалыптастыру және бекіту
8. ЭДСМ рұқсат беру құжаттарын (рәсімдерін) және хабарламаларын түгендеу бойынша сараптамалық топ (бұдан әрі – СТ) құрамын қалыптастырады және ВАК-қа келісуге ұсынады.
9. ВАК СТ құрамын бекітеді.
10. СТ құрамына ЭДСМ қызметкерлері, бизнес қоғамдастықтар өкілдері, тәуелсіз сарапшылар, сондай-ақ өзге мемлекеттік органдар өкілдері (ротациялық негізде) кіреді.
11. СТ жетекшісі болып ЭДСМ тиісті департаментінің басшысы (немесе басшының орынбасары) тағайындалады.
СТ жұмысының жоспар-кестесін әзірлеу және бекіту
12. СТ жұмысының жоспар-кестесі оның отырысында әзірленеді және ЭДСМ-мен келісіледі.
13. СТ жұмысының жоспар-кестесі ЭДСМ келісілгеннен кейін ВАК-ға бекітуге жіберіледі.
14. ВАК шешімі рұқсаттарды беруге, хабарламаларды қабылдауға және тиісті салаларда бақылау жүргізуге жауапты барлық мемлекеттік органдардың басшыларына жіберіледі.
Бастапқы түгендеу: рұқсат беру құжаттары (рәсімдері) және
хабарламалар туралы ақпаратты жинау, оны СТ қарауға тапсыру
Орындаушылар – мемлекеттік органдар.
15. Бастапқы түгендеу орталық және жергілікті деңгейде рұқсат беру құжаттарын (рәсімдерін) және хабарламаларды жүргізуді, беруді (жүзеге асыруды) реттейтін заңнаманы талдаудан басталады.
16. Әр нормативтік құқықтық актінің мәтінінде рұқсат беру құжаттары (рәсімдері) және хабарламалары, сонымен қатар олармен байланысты талаптар және оларға сілтемелері бар нормаларды анықтау қажет.
17. Түгендеу үдерісінде кәсіпкерлік қызметті немесе жеке әрекеттерді (операцияларды) жүзеге асыру басталғанға дейін, сонымен қатар бір реттік әрекеттер, ресурстарды, жиіліктерді, жерлерді, үй-жайларды, нарыққа тауарлар мен қызметтерді шығаруды пайдалануда алынуы міндетті болатын рұқсат беру құжаттарын (рәсімдерін) анықтау қажет.
Мұндай құжаттарға лицензиялар, рұқсаттар, келісілулер, қол қою, сертификаттар, тіркеу, аттестация, аккредитация, шешімдер, қорытындылар, актілер, төлқұжаттар, куәліктер, бекітулер, анықтамалар, паспорттар, кодтарды беру (нөмірлер, белгілеу), билеттер, ордерлер, техникалық шарттар, өзге құжаттар жатады.
Белгілі бір әкімшілік құжаттың рұқсат құжаты болып келетінін анықтау үшін Тұжырымдаманы басшылыққа алу керек.
18. Хабарлау мен декларациялау талаптары мен рәсімдерін белгілейтін нормалар бөлек анықталады.
19. Бастапқы түгендеуді өткізуге рұқсат беру құжаттарын (рәсімдерін) беруді (жүзеге асыруды) тікелей жүзеге асыратын мамандар тартылуы тиіс.
20. Бастапқы түгендеу барысында мемлекеттік органдар өз қызмет саласында барлық рұқсат беру құжаттары мен хабарламаларын анықтап алуы тиіс. Пайда болған сұрақтар ЭДСМ-мен және СТ-мен талқылау арқылы шешілуі тиіс.
21. Рұқсат беру құжаттары (рәсімдері) немесе хабарламалар туралы ақпаратты ұсынбау, сонымен қатар рұқсат беру құжатының (рәсімінің) немесе хабарламасының паспорт нысанын тиісті түрде толтырмау Қазақстан Республикасының Үкіметіне тиісті рұқсатты алып тастауға қатысты ұсыныстарды беруде негіздеме бола алады.
СТ мемлекеттік органдармен ұсынылмаған рұқсат беру құжаттарын (рәсімдерін) немесе хабарламаларды анықтамаған жағдайда, соңғылары 10 (он) күнтізбелік күннен кешіктірмей осы Әдістемелік нұсқауға 1 және 2-қосымшаға сәйкес толтырылған паспорттарды СТ қарауға ұсынуы тиіс.
22. Бастапқы түгендеу үдерісінде анықталған барлық рұқсат беру құжаттарына (рәсімдеріне) мемлекеттік орган рұқсат беру құжаты (рәсімі) паспортының А-бөлігін толтырады. Рұқсат беру құжаты (рәсімі) паспортының А-бөлігінің нысаны осы Әдістемелік нұсқауға 1-қосымшада ұсынылған.
23. Бастапқы түгендеу үдерісінде анықталған барлық хабарламаларға мемлекеттік орган хабарлама паспортының А-бөлігін толтырады. Хабарлама паспортының А-бөлігінің нысаны осы Әдістемелік нұсқауға 2-қосымшада ұсынылған.
24. Барлық рұқсат беру құжаттарының (рәсімдерінің) және хабарламалар паспорттарының А-бөліктерін мемлекеттік орган басшысы бекітеді және ортақ тізіммен ВАК басшысына және СТ-ға ВАК бекіткен кестеге сәйкес электрондық және қағаз түрінде жіберіледі.
25. Сондай-ақ рұқсат беру құжаттарының (рәсімдерінің) және хабарламаларының әрбір паспорттарының А-бөлігіне осы Әдістемелік нұсқауға 3-қосымшада анықталған нысан бойынша рұқсаттарды (хабарламаларды) беру (ұсыну) талаптары мен шарттары бойынша электрондық үлгіде және қағаз түрінде ақпарат қоса беріледі.
26. Рұқсат беру құжаттарына (рәсімдеріне) және хабарламаларына бастапқы түгендеу жүргізудің уақтылығы мен толықтығына мемлекеттік органдардың бірінші басшылары жауапты болады.
Ақпаратты сапасыз ұсыну фактілерін ВАК қорытады және Қазақстан Республикасының Үкіметіне және Қазақстан Республикасы Президентінің Әкімшілігіне ұсынылады.
27. Бастапқы түгендеу жүргізу үшін мемлекеттік органдар тәуелсіз сарапшыларды тарта алады.
Рұқсат беру құжаттарының (рәсімдерінің) және хабарламаларының
бастапқы түгендеуін талдау және бағалау
Орындаушы – Сараптамалық топ.
28. СТ мемлекеттік органдардан алынған рұсқат беру құжаттарының (рәсімдердің) және хабарламалардың паспорттарын талдайды және бағалау жүргізеді. Талдамалық жұмысты өткізу барысында СТ мыналар бойынша ұсыныстар әзірлейді:
1) рұқсат беру құжатының (рәсімінің) сыныбын анықтау;
2) рұқсат беру құжатының (рәсімінің) қауіп санатын анықтау;
3) рұқсат беру құжатының (рәсімінің) атауын өзгерту;
4) рұқсат беру құжатын (рәсімі) хабарлама тәртібіне ауыстыру;
5) рұқсат беру құжатын (рәсімін) алу (өту) және хабарлама беру үшін ұсынылатын жеке талаптарды жою және өзгеше қайта қарау, сондай-ақ талаптарға сәйкестігін растау тетіктерін анықтау;
6) рұқсат беру құжатының қолданылу мерзімін өзгерту;
7) рұқсат беру құжатын (рәсімін) алу (жүзеге асыру) мерзімін өзгерту;
8) рұқсат беру құжатын (рәсімін) беруге (жүзеге асыруға) төлемді алып тастау немесе мөлшерін өзгерту;
9) рұқсат беру құжатының иеліктен шығарылуы;
10) рұқсат беру құжатын жою;
11) рұқсат беру функцияларын жүзеге асыратын мемлекеттік органдарға тапсырылатын есептіліке қойылатын талаптар;
12) хабарландырудың қолданыстағы жүйесінің «Әкімшілік рәсімдер туралы» 2000 жылғы 27 қарашадағы № 107 Қазақстан Республикасының Заңымен анықталған хабарлама тәртібі негізінде қызметін ұйымдастыру принциптеріне сәйкестілігін анықтау және қажет болған жағдайда қайта қарау.
29. Талдау мен бағалау барысында СТ мемлекеттік органдар өкілдерімен рұқсаттарды берудің қолданыстағы тәртібіне ұсынылатын өзгерістер мәселелері бойынша кеңестер өткізеді.
Мемлекеттік органның әзірленген ұсыныстармен келіскен жағдайда, сараптамалық топ рұқсат беру құжаты (рәсімі) паспортының Б-бөлігін жасайды. Рұқсат беру құжаты паспортының Б-бөлігінің нысаны осы Әдістемелік нұсқауға 4-қосымшада ұсынылған.
30. Осындай талдау хабарламаларға қатысты да жүргізіледі. Мемлекеттік органның әзірленген ұсыныстармен келісуі жағдайында хабарлама паспортының Б-бөлігі құрылады. Хабарлама паспорты Б-бөлігінің нысаны осы Әдістемелік нұсқауға 5-қосымшада ұсынылған.
31. Мемлекеттік орган өкілдері консультация жүргізу барысында СТ қорытындыларымен келіспеген жағдайда, келіспеушіліктер туралы меморандум жасалады. Келіспеушіліктер туралы меморандум нысаны осы Әдістемелік нұсқауға 6-қосымшада ұсынылған.
32. Рұқсат беру құжаты (рәсімі) және хабарлама паспортының А және Б-бөліктерінің нысандарын толтыру бойынша әр нысанға ұсынылатын арнайы нұсқаулық әзірленген.
33. Рұқсат беру құжаты (рәсімінің) және хабарламасының Б-бөлігіне қосымша ретінде СТ әзірленген ұсыныстарға сәйкес нормативтік құқықтық актілерге өзгерістер жобаларын әзірлейді.
Түгенделген рұқсат беру құжаттарын (рәсімдерін) және хабарламаларын жіктеу мен санаттау бойынша ұсыныстар үшін СТ осы Әдістемелік нұсқауға 7-қосымшаға сәйкес рұқсат беру құжаттарының және хабарламалардың Үлгілік атауларын пайдаланады.
34. СТ рұқсат беру құжаты (рәсімі) және хабарламасы паспорттарының Б-бөлігінде әр рұқсат бер құжатына (рәсіміне) және хабарламасына есептік нөмірлерді береді.
ВАК-тың СТ ұсыныстарын қарау тәртібі
35. Рұқсат беру құжаты (рәсімі) паспортының А және Б бөліктерінен, немесе хабарламадан, келіспеушілік туралы меморандумдардан (келіспеушіліктер болған жағдайда) тұратын құжаттар пакеті СТ ВАК-ға ВАК бекіткен кестеге сәйкес жіберіледі.
36. ВАК СТ ұсынған құжаттар пакетін отырыста қарайды және дауыс беру арқылы ұсыныстарды бекіту немесе пысықтауға жіберу туралы шешім қабылдайды. Ұсыныстарды пысықтау туралы шешім қабылданған жағдайда, құжаттар пакеті СТ-ға қайтарылады.
37. ВАК бекіткен СТ ұсыныстары Қазақстан Республикасының Үкіметіне кейіннен Қазақстан Республикасының заңнамасына өзгерістер мен толықтыруларды енгізу туралы әрі қарай шешім қабылдау үшін жіберіледі.
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
1-қосымша
Рұқсат беру құжатының (рәсімдерінің) паспорты «А» бөлімі
(мемлекеттік орган толтырады)
2012 жылғы __________ жағдай бойынша
1 |
Рұқсат беру рәсімінің атауы |
Рұқсат беру құжаты берілетін рәсімнің атауы, ол көрсетілген нормативтік құқықтық акт ұсынылады. Мысалы: (1) Тұқым шаруашылығы субъектілерін аттестациялау; (2) Медициналық қызметті лицензиялау; (3) Дәрілік заттарды тіркеу және басқалары. |
|
2 |
Рұқсат беру құжатының атауы |
Рұқсат беру рәсімінің талаптарымен сәйкес кәсіпкерлік субъектісіне немесе жеке тұлғаға берілетін құжаттың толық атауы көрсетіледі. Мысалы: (1) Тұқым шаруашылығы субъектілерін аттестациялау туралы куәлік; (2) Медициналық қызметті жүзеге асыруға арналға лицензия; (3) Дәрілік заттарға арналған тіркеу куәлігі. |
|
3 |
Рұқсат беру құжатын (рәсімін) енгізу мерзімі |
Рұқсат беру құжатын беру рәсімін бекітетін соңғы нормативтік құқықтық актіні қабылдау күні. Рәсімде өзгерістерді бекітетін нормативтік құқықтық актіні қабылдау күні қойылмайды. |
|
4 |
Рұқсат беру құжатын беруге жауапты мемлекеттік органның атауы |
Рұқсат беру құжатын беруге жауапты мемлекеттік органның толық атауы. Мұнда мемлекеттік органның департаменттері, ұйымдары немесе өзге құрылымдық және өңірлік бөлімшелері көрсетілмейді. |
|
5 |
Рұқсат беру құжатын беретін мемлекеттік орган бөлімшесінің атауы (құжатты мемлекеттік органның бөлімшесі ұлттық деңгейде берілсе) |
Рұқсат беру құжаты берілетін мемлекеттік орган бөлімшесінің толық атауы көрсетіледі. Мұндай бөлімшеге мемлекеттік органның бақылауындағы департамент, қызмет, агенттік, өзге ұйым, мемлекеттік органның өзге құрылымдық бөлімшелері жатады. Рұқсат беру құжаты барлық мемлекеттік орган тарапынан берілетін болса, орын қалдырылады. Рұқсат беру құжаты өңірлік немесе жергілікті деңгейде берілетін болса, орын қалдырылады. |
|
6 |
Рұқсат беру құжаты қандай деңгейлерді беріледі: |
Орталық деңгейде ____ |
Рұқсат беру құжаты қандай деңгейде берілуімен байланысты «Х» белгісі қойылады. Субъект рұқсат беру құжатын берудің деңгейін таңдау құқығына ие болса, барлық мүмкін нұсқалар анықталады және «таңдау бойынша» сөздері қосылады. Беру деңгейі өзге параметрлерге байланысты болған жағдайда, барлық мүмкін болатын нұсқалар көрсетіледі және рұқсат беру құжатын беру деңгейі тәуелді болатын параметрлер «Келесілерге байланысты...» сөздерінен кейін көрсетіледі. |
7 |
Рұқсат беру құжаты берілетін халықаралық шарттардың атауы және баптың нөмірі |
Шарттың нормасы тікелей әрекетке ие ме (рұқсат беру құжатының атауы) |
Рұқсат беру құжаты берілген халықаралық шарттың толық атауы жазылады, рұқсат беру құжатын енгізудің қажеттілігін анықтайтын халықаралық шарт бабының (баптарының) және (немесе) бөлімінің (бөлімдерінің) нөмірі және (немесе) атауы көрсетіледі. |
8 |
Рұқсат беру құжаты берілетін Қазақстан Республикасы Кодекстердің және Заңдарының атауы, баптың нөмірі |
Кодекстің, Заңның нормасы тікелей әрекетке ие ме (рұқсат беру құжатының атауы) |
Рұқсат беру құжатын енгізу көрсетілген (рұқсат беру құжаты аталатын) Қазақстан Республикасы Заңының толық атауы көрсетіледі, рұқсат беру құжатын енгізудің қажеттілігін анықтайтын Қазақстан Республикасы Заң бабының (баптарының) нөмірі жазылады. |
9 |
Рұқсат беру құжаты берілетін Қазақстан Республикасы Президенті жарлықтарының атауы және баптың нөмірі |
Жарлық нормасы тікелей әрекетке ие ме (рұқсат беру құжатының атауы) |
Рұқсат беру құжатын енгізу көрсетілген (рұқсат беру құжаты аталатын) Қазақстан Республикасы Президенті жарлықтарының толық атауы көрсетіледі, рұқсат беру құжатын енгізудің қажеттілігін анықтайтын Қазақстан Республикасы Президенті жарлығы бабының (баптарының) нөмірі жазылады. |
10 |
Рұқсат беру құжаты берілетін Қазақстан РеспубликасыҮкіметі қаулыларының атауы, нөмірі және бабы |
Қаулы нормасы тікелей әрекетке ие ме (рұқсат беру құжатының атауы) |
Рұқсат беру құжатын енгізу көрсетілген (рұқсат беру құжаты аталатын) Қазақстан Республикасы Үкіметі қаулысының толық атауы көрсетіледі, рұқсат беру құжатын енгізудің қажеттілігін анықтайтын Қазақстан Республикасы Үкіметі қаулысы бабының (баптарының) нөмірі жазылады. |
11 |
Рұқсат беру құжатының қажеттілігі мен берілу тәртібін бекітетін бұйрықтардың және өзге нормативтік құқықтық актілердің атаулары мен нөмірлері |
Рұқсат беру құжатының берілу тәртібін анықтайтын немесе рұқсат беру құжатын атап өтетін қолданыстағы бұйрықтардың, өзге нормативтік құқықтық актілердің толық атауы (түсіндірмелі хаттарды қоса алғанда) жазылады. |
|
12 |
Рұқсат беру құжатын реттеу обьектісі |
Кәсіпкерлік субъектілерінің қызметі ____ |
«Х» белгісі рұқсат беру құжатын реттейтін объектінің тиісті өрісіне қойылады. Осы бөлікте бір ғана өрісті көрсету қажет. |
13 |
Рұқсат беру құжаты шешуге тиіс мәселені немесе бүгінгі таңда шешіліп жатқан мәселені сипаттаңыз |
Рұқсат бер құжаты шешетін немесе шешуге бағытталған мәселені сипаттау Қазақстан Республикасының заңнамасында және нормативтік құқықтық актілермен мәлімденген рұқсат беру құжатын енгізу мақсаттарымен сәйкестендірілуі тиіс. Осы бөлікте мәселені сипаттау мәлімдеу сипаты ие болмай, рұқсатты енгізудің (болудың) мәлімделетін мақсаты мен рұсқат арқылы оған қол жеткізу тетіктері арасындағы себеп-салдарлық байланысты көрсететін дәлелді жауап ұсынуы тиіс. |
|
14 |
Мәселенің болу фактісін анықтайтын мәліметтер бар ма |
Иә ____ |
Иә жолындағы «Х» белгісін мәселенің болу фактісін растайтын өлшенетін (сандық) индикаторлар болған кезде қою қажет. Мысалы, адамдардың қазасына алып келген апатты жағдайлар санының себебі, оны шешуге бағытталған рұқсат беру құжаты. Зерттеулер мен үлгілеу нәтижелерін де пайдалануға болады. Қалған жағдайларда «Х» белгісі Жоқ жолына қойылады. |
15 |
Бар болса, мәселенің болу фактісін анықтайтын мәліметтерді көрсетіңіз (мәліметтерді қосымшада келтіруге болады) |
Иә жолындағы «Х» белгісін қоюда рұқсат беру құжаты паспортының «А» бөлігінің 14-сұрағына жауап беру кезінде, міндетті түрде 15-жол толтырылады. Деректемелерді, зерттеулер қорытындыларын, сараптамаларды, деректемелері көрсетілген үлгілеуді бере отырып статистикалық есептілік мәліметтерін келтіруге болады. |
|
16 |
Қолданыстағы мәселе тәуекелдің қандай дәрежесіне жататынын анықтаңыз |
Иә ____ |
«Х» белгісі Жоқ жолына қойылады, егер рұқсат беру құжатын беру кезінде тәуекелді талдау жүйесі пайдаланбаса. Аталған жүйе болған күннің өзінде жоспарлау мен тексерістерді жүргізу кезінде, ол рұқсат беру құжаттарын беруде пайдаланбайды, ол уақытта Жоқ жолы таңдалады. |
17 |
Қолданыстағы мәселе тәуекелдің қандай дәрежесіне жататынын анықтаңыз |
Жоғары (адамдардың денсаулығы мен өміріне, экологияға, мемлекет пен қоғамның қауіпсіздігіне ықпал ететін жағдайлардың мүмкіндігі жоғары) ____ |
«Х» белгісі рұқсат беру құжаты шешуге бағытталған қолданыстағы мәселе жататын тәуекелдің сәйкес деңгейі көрсетілген жолға қойылады. Осы бөлікте бір ғана жолды таңдау қажет. |
18 |
Рұқсат беру құжаты тікелей немесе жанамаланған әрекетті құжат болып табылады ма (басқа рұқсат беру құжаттарын алудың негіздемесі ретінде) |
Тікелей әрекет ______ |
«Х» белгісі рұқсат беру құжаты рұқсаттардың тізбегінде соңғы болып келіп, қызметке, әрекет етуге, нарыққа тауарларды шығаруға немесе пайдалануға және өзгелерге рұқсат берген жағдайда осы жолға қойылады. |
19 |
Нормативтік талаптармен арызды беру мерзімінен бастап рұқсат беру құжатын берудің барынша үлкен мерзімі ескеріледі ме? |
Жоқ ____ |
«Х» белгісі заңнамамен рұқсат беру құжатын беру мерзімі ескерілмеген жағдайда Жоқ жолына қойылады. |
20 |
Рұқсат беру құжатын беру үшін төлемақы алынады ма? Алынған жағдайда, мөлшерін көрсетіңіз. |
Жоқ ____ |
Заңнамамен немесе өзге нормативтік құқықтық актілермен рұқсат беру құжатын беру үшін төлемақы ескерілмеген жағдайда Жоқ жолында «Х» белгісі қойылады. |
21 |
Рұқсат беру құжатының әрекет ету мерзімі (қандай кезеңге беріледі) |
Нормативтік құқықтық актілерге сәйкес рұқсат беру құжаты әрекетінің барлық мүмкін болатын мерзімі көрсетіледі. Мысалы, мемлекеттік орган рұқсат беру құжаттарын бір жылға немесе 3 жылға, не 15 жылға берген жағдайда «1 жылдан 15 жылға дейін» ескерту қойылады. Рұқсат беру құжаты әрекетінің мерзімі шектелмеген болса, «шектелмеген» деген ескерту қойылады. |
|
22 |
Соңғы 3 жылда аталған түрдегі-кіші түріндегі рұқсат беру құжаттарының саны |
Соңғы 3 жылда мемлекеттік органмен берілген барлық рұқсат беру құжаттарының саны көрсетіледі |
|
23 |
Соңғы 3 жылда рұқсат беру құжаттарының талаптарына сәйкес келетін тексерістер саны |
Жылдар бойынша бөліністе, жоспарлы және жоспарлы емес тексерістер көрсетіледі. |
|
24 |
Соңғы 3 жылда анықталған бұзылулар саны |
Жылдар бойынша бөліністе. |
|
25 |
Соңғы 3 жылда салынған айыппұл санкциялары және анықталған бұзылулар үшін айыппұлдардың жалпы сомасы |
Салынған айыппұлдардың саны ____ |
Жылдар бойынша бөліністе. |
26 |
Соңғы 3 жылда тоқтатылған немесе жойылған рұқсат беру құжаттарының саны |
Жылдар бойынша бөліністе, тоқтатылған және жойылған құжаттар жеке көрсетіледі (қайтарылған, күші жойылған және өзгелері). |
|
27 |
Рұқсат беру құжатын алып тастаудың салдарлары? |
Еркін, алайда қысқа үлгіде рұқсат беру құжатын алып тастау салдарлары дәлелденген түрде сипатталады. |
|
28 |
Рұқсат беру құжатын хабарламаға ауыстыру мүмкіндігі бар ма? Жоқ болса, себебін түсіндіріңіз? |
Иә ____ |
Мемлекеттік орган рұқсат беру құжатын хабарламамен ауыстыруды жөн көрген уақытта Иә жолына «Х» белгісі қойылады. |
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
2-қосымша
Хабарландыру паспорты «А» бөлімі
(мемлекеттік органмен толтырылады)
2012 жылдың __________ жағдайы бойынша
1 |
Хабарламаның атауы |
Рәсімнің толық атауы және кәсіпкерлік субъектісінің хабарламаны пайдаланатын талаптардың толық атауы көрсетіледі. |
|
2 |
Хабарламаны енгізу күні |
Хабарландыру рәсімін орнататын соңғы нормативтік құқықтық актіні қабылдау күні. |
|
3 |
Хабарламаны ұсыну бойынша талапқа жауапты мемлекеттік органның атауы |
Хабарламаны талап етуге жауапты мемлекеттік органның толық атауы. Мұнда мемлекеттік органның департаменттері, ұйымдары немесе өзге құрылымдық және өңірлік бөлімшелері көрсетілмейді. |
|
4 |
Хабарландыру рәсімін жүзеге асыратын мемлекеттік орган бөлімшесінің атауы |
Хабарламаны талап ететін мемлекеттік орган бөлімшесінің толық атауы көрсетіледі. Мұндай бөлімшеге мемлекеттік органның бақылауындағы департамент, қызмет, агенттік, өзге ұйым, мемлекеттік органның өзге құрылымдық бөлімшелері жатады. Хабарлама барлық мемлекеттік орган тарапынан талап етілетін болса, орын қалдырылады. Хабарлама өңірлік немесе жергілікті деңгейде талап етілетін болса, орын қалдырылады. |
|
5 |
Хабарлама келесі деңгейлерде талап етіледі: |
Орталық деңгейде ____ |
Хабарлама биліктің қандай деңгейінде қажет болуымен байланысты «Х» белгісі қойылады. Субъектінің хабарламаны ұсыну таңдауы болған жағдайда, барлық мүмкін болатын нұсқаулар белгіленіп, қажет жерінде «таңдай отырып» сөздерімен толықтырылады. Деңгей өзге параметрлерге байланысты болса, «келесілерге байланысты» сөздерінен кейін хабарламаны беру тәртібі тәуелді болатын параметрлер көрсетіледі. |
6 |
Хабарлама берілетін халықаралық келісімдердің атауы мен баптың нөмірі |
Шарттың нормасы тікелей әрекетке ие ма (рұқсат беру құжатының атауы) |
Хабарлама рәсімі енгізілген халықаралық келісімдердің толық атауы жазылады (немесе хабарлама аталатын), хабарлама енгізудің қажеттілігін анықтайтын Заң бабының (баптарының) нөмірі жазылады. |
7 |
Хабарлама берілетін Қазақстан Республикасы Кодекстері мен Заңдарының атауы, баптың нөмірі |
Кодекстің, Заңның нормасы тікелей әрекетке ие ме (рұқсат беру құжатының атауы) Иә ____ Жоқ ____ |
Хабарлама рәсімі енгізілген Қазақстан Республикасы Заңының толық атауы жазылады (немесе хабарлама аталатын), хабарлама енгізудің қажеттілігін анықтайтын Заң бабының (баптарының) нөмірі жазылады. |
8 |
Хабарлама берілетін Қазақстан Республикасы Президенті жарлықтарының атауы және баптың нөмірі |
Жарлық нормасы тікелей әрекетке ие ме (рұқсат беру құжатының атауы) |
Хабарлама рәсімі енгізілген Қазақстан Республикасы Президенті жарлықтарының толық атауы жазылады (немесе хабарлама аталатын), хабарлама енгізудің қажеттілігін анықтайтын Қазақстан Республикасы Президенті жарлықтары бабының (баптарының) нөмірі жазылады. |
9 |
Хабарлама берілетін Қазақстан РеспубликасыҮкіметі қаулыларының атауы, нөмірі және бабы |
Қаулы нормасы тікелей әрекетке ие ме (рұқсат беру құжатының атауы) иә ____ жоқ ____ |
Хабарлама рәсімі енгізілген Қазақстан РеспубликасыҮкіметі қаулысының толық атауы жазылады (немесе хабарлама аталатын), хабарлама енгізудің қажеттілігін анықтайтын Қазақстан РеспубликасыҮкіметі қаулы бабының (баптарының) нөмірі жазылады. |
10 |
Хабарламаның қажеттілігі мен берілу тәртібін анықтайтын бұйрықтардың және өзге нормативтік құқықтық актілердің атаулары мен нөмірлері |
Барлық қолданыстағы бұйрықтардың, мемлекеттік органдардың өзге нормативтік-құқықтық актілердің толық атауы (Мәслихаттар шешімдері, Әкімдіктердің қаулылары) жазылады, олар хабарландыру рәсімін анықтайды немесе хабарламаны атап кетеді. |
|
11 |
Хабарламаның реттеу объектісі |
Кәсіпкерлік субъектілерінің қызметі ____ |
«Х» белгісі рұқсат беру құжатын реттейтін объектінің тиісті өрісіне қойылады. Осы бөлікте бір ғана өрісті көрсету қажет. |
12 |
Рұқсат беру құжаты шешуге тиіс мәселені немесе бүгінгі таңда шешіліп жатқан мәселені сипаттаңыз |
Хабарлама шешетін немесе шешуге бағытталған мәселенің сипаттамасы Қазақстан Республикасының заңнамасында бекітілген нормативтік құқықтық актілермен негізделуі тиіс. Осы бөлікте мәселені сипаттау мәлімдеу сипаты ие болмай, рұқсатты енгізудің (болудың) мәлімделетін мақсаты мен рұсқат арқылы оған қол жеткізу тетіктері арасындағы себеп-салдарлық байланысты көрсететін дәлелді жауап ұсынуы тиіс. |
|
13 |
Мәселенің болу фактісін анықтайтын мәліметтер бар ма |
Иә ____ |
Иә жолындағы «Х» белгісін мәселенің болу фактісін растайтын өлшенетін (сандық) индикаторлар болған кезде қою қажет. Мысалы, адамдардың қазасына алып келген апатты жағдайлар санының себебі, оны шешуге бағытталған хабарлама. Зерттеулер мен үлгілеу нәтижелерін де пайдалануға болады. Қалған жағдайларда «Х» белгісі Жоқ жолына қойылады. |
14 |
Бар болса, мәселенің болу фактісін анықтайтын мәліметтерді көрсетіңіз (мәліметтерді қосымшада келтіруге болады) |
Иә жолындағы «Х» белгісін қоюда рұқсат беру құжаты паспортының «А» бөлігінің 13-сұрағына жауап беру кезінде, міндетті түрде 14-жол толтырылады. Деректемелерді, зерттеулер қорытындыларын, сараптамаларды, деректемелері көрсетілген үлгілеуді бере отырып статистикалық есептілік мәліметтерін келтіруге болады. |
|
15 |
Хабарландыру барысында құжаттарды беруге талаптар қойылады ма? |
Жоқ ____ |
Хабарлама сүйемелдеу құжаттарынсыз берілген жағдайда Жоқ жолына «Х» белгісі қойылады. |
16 |
Сүйемелдеу құжаттарының нотариаттық расталған көшірмелері қажет пе? |
Жоқ ____ |
Сүйемелдеу құжаттары растауды талап етпеген жағдайда, Жоқ жолына «Х» белгісі қойылады. |
17 |
Мемлекеттік орган хабарламаны қабылдай қоймауға құқылы ма? |
Жоқ ____ |
Мемлекеттік орган барлық хабарламаларды қабылдаған жағдайда Жоқ жолына «Х» белгісі қойылады. |
18 |
Хабарлама өзге рұқсат беру құжаттарын алуды негіздемесі бола алады ма? |
иә _______ |
Хабарлама өзге рұқсат беру құжаттарын алудың алғышарты болған жағдайда, осы жолға «Х» белгісі қойылады. |
19 |
Өтінім берушіге хабарламаны алудың растауы беріледі ме? |
Жоқ ____ |
Хабарламаны алуға растау алынбаған жағдайда, Жоқ жолына «Х» белгісі қойылады. |
20 |
Хабарлама үшін төлемақы алынады ма? Алынған жағдайда мөлшерін көрсетіңіз. |
Жоқ ____ |
Заңнамамен немесе өзге нормативтік құқықтық актілермен хабарлама беру үшін төлемақы ескерілмеген жағдайда Жоқ жолында «Х» белгісі қойылады. |
21 |
Мемлекеттік орган хабарламаны тоқтатуға немесе жоюға құқылы ма? |
Жоқ ____ |
Мемлекеттік орган хабарламаны тоқтатуға немесе жоюға құқығы болмаған жағдайда Жоқ жолына «Х» белгісі қойылады. |
22 |
Хабарламаның әрекет ету мерзімі |
Хабарламаның әрекет ету мерзімі көрсетіледі. Хабарламаның әрекет ету мерзімі шектелмеген болса, «шектелмеген» белгісі қойылады. |
|
23 |
Заңнамамен хабарламаны беру мерзімі бекітілген бе? |
Субъектінің қызметтің немесе жеке әрекеттердің басталуы туралы немесе аталған қызмет басталғаннан кейін оның басталғаны туралы хабарландыруы тиіс күндердің саны көрсетіледі. Бұл ретте хабарламанығ қызмет басталғанға дейін немесе басталғаннан кейін алынғаны міндетті түрде көрсетіледі. |
|
24 |
Хабарлама берген субъектілердің тізілімі жүргізіледі ме? |
Жоқ ____ |
|
25 |
Хабарламаны алып тастау салдарлары қандай? |
Еркін әрі қысқа үлгіде хабарламаны алып тастау салдарлары келтіріледі. |
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
3-қосымша
Рұқсат беру құжатын беру талаптары мен шарттары
№ |
Рұқсат беру құжатын беруге қойылатын талаптар |
Қажетті құжаттар |
Нотариалды растау |
Көшірмелер саны (парақ) |
Электрондық құжаттар немесе автоматизация пайдаланады ма |
Келісулер мен сараптама |
Беру алдында тексеру |
Ескертулер |
Осы бөлімде өтінім берушілер рұқсат беру құжатын алу үшін орындауға тиіс барлық талаптардың тізімі келтіріледі. Әр талапқа жеке реттік нөмір беріледі. Ескерту: белгілі бір талап осы кестеде көрсетілмеген жағдайда, ол рұқсат беру құжатының нормативтік құқықтық базасынан алынып тасталады |
Осы бөлімде рұқсат беру құжатын алу рәсімінен өтуге талап етілетін құжаттардың атаулары ғана жазылады. Құжаттардың атауы өздері растайтын рәсімдердің реттік нөмірлерінің астына жазылады. Арыз, төлқұжат сияқты нақты талаптармен байланыстырылмаған, жалпы құжаттар болған кезде, олар тізімнің соңында жеке реттік нөмірлермен ұсынылады |
Осы бөлімде әр құжаттың жанында көшірмесі нотариаттық растауды қажет ететін кезде «Х» белгісі қойылады |
Әр құжаттың талап етілетін көшірмелерінің саны көрсетіледі. Санның жанында жақшада бір көшірмедегі парақтардың жалпы саны көрсетіледі |
Электрондық үлгіде беруге болатын немесе электрондық үлгіде берілетін әр құжаттың жанында «Х» белгісі қойылады. |
Тиісті талаптың жанында немесе оның реттік нөмірінің астында оны орындау үшін басқа мемлекеттік органдармен немесе ұйымдармен келісу, сараптама өткізу қажеттілігі көрсетіледі. Қажет болған жағдайда мемлекеттік органның атауы қойылады |
Тиісті талаптың жанында немесе оның реттік нөмірінің астында оны орындау үшін сапар жасау арқылы тексеру өткізу немесе өзге қосымша тексерістерді өткізу қажеттілігі көрсетіледі. Тексеріс қажет болған жағдайда, тексеріс түрі көрсетіледі |
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
4-қосымша
Рұқсат беру құжатының (рәсімінің) паспорты Б бөлімі
(СТ толтырылады)
1 |
Рұқсат беру құжаты жойылуға қойылған |
Жоқ ____ |
Рұқсат беру құжатын келесі жағдайларда жоюға қоюға болады: талдау барысында келесілер анықталған жағдайда (1) рұқсат беру құжаты өзге рұқсат беру құжаттарын қайталаған кезде; (2) шектеулер мен квоталарға қатысты болмаған кзде мәселелер немесе олармен байланысты тәуекелдер болмаған жағдайда; (3) мемлекеттік орган рұқсат беру құжаты жойылған кезде не болатынына негізделген жауап бермеген кезде. Талдау барысында рұқсат беру құжатын алып тастаудың өзге де себептері болуы мүмкін. |
2 |
Рұқсат беру құжатына берілген тап |
1-тап (кәсіпкерлік субъектілерінің қызметі ) _____ |
Бөлім паспорттың А бөлімімен және рұқсат беру құжатын реттеу объектілеріне қатысты өткізілген талдауға сәйкес толтырылады. |
3 |
Рұқсат беру құжатына берілген санат |
Бірінші (Тәуекелдің жоғары деңгейі) ____ |
Бөлім паспорттың А бөлімімен және рұқсат беру құжатын реттеу объектілеріне қатысты өткізілген талдауға сәйкес толтырылады. Мәселелердің болуын және тәуекел деңгейін анықтауға қатысты мемлекеттік органның дәлеліне назар аудару қажет. |
4 |
Рұқсат беру құжатын хабарлама тәртібіне ауыстыру қажет |
Жоқ _____ |
Рұқсат беру құжатын келесі жағдайларда хабарламаға ауыстыруға болады: талдау барысында келесілер анықталған жағдайда (1) мәселелермен байланысты тәуекелдер төмен болған жағдайда, ол шектеулер мен квоталарға қатысты болмауы тиіс; (2) мемлекеттік орган рұқсат беру құжатын хабарламаға ауыстыруға болатыны туралы жауап берген жағдайда. Талдау барысында рұқсат беру құжатын хабарламаға ауыстырудың басқа да себептері болуы мүмкін. |
5 |
Рұқсат беру немесе хабарлама құжаты атауының жаңа редакциясы |
Рұқсат беру құжатын хабарлама тәртібіне ауыстыру қажет болған жағдайда, Б бөлім 11-тармаққа дейін әрі қарай толтырылмайды |
Рұқсат беру құжаты немесе хабарлама атауының жаңа редакциясы рұқсат беру құжаты немесе хабарлама тобы мен санатына қатысты тұрпатты атауларына пайдалана отырып осы Әдістемелік басшылыққа 7-қосымшаға сәйкес жазылады. Ерекше жағдайларда пайдаланатын атауды беруге болады. |
6 |
Рұқсат беру құжатының әрекет ету мерзімі бойынша ұсыныстар |
Күшінде қалсын ____ |
Мақсаты – рұқсат беру құжаттарын мерзімсіз құжаттарға ауыстыру жатады. Яғни олардың әрекет ету мерзімін мерзімсіз мерзімге дейін ауыстыру. 3 және 5-санаттағы рұқсат беру құжаттары пайдаланбайды. өзге жағдайларда әрекет ету мерзімі мерзімсіз күннен қысқа болуы мүмкін, мемлекеттік органдар тиісті дәлел келтірген жағдайда. |
7 |
Өтінімді берген мерзімнен бастап рұқсат беру құжатын берудің барынша үлкен мерзіміне қатысты ұсыныстар |
Күшінде қалсын ____ |
Осы бөлімде мерзімд мемлекеттік органдар немесе сарапшылар тарапынан тиісті дәлелдеу болған жағдайда тәуекелдің бірінші санатындағы рұқсат беру құжаттары үшін арттыруға болатынын айта кету қажет. Тәуекелдің брінші санаты үшін «үндемеу – келісу белгісі» рәсім енгізілмейді. |
8 |
Рұқсат беру құжатын бергені үшін төлемақы жасау бойынша ұсыныстар |
Күшінде қалсын ____ |
Рұқсат беру құжатын беруде әкімшілік шығындарды өтеу үшін төлемақы жүргізудің мөлшерін келтіру қажет. 3-тап пайдаланбайды |
9 |
Рұқсат беру құжатын алып тастау бойынша ұсыныстар |
Жоқ ____ |
4-таптағы рұқсат беру құжаттары алынып тастала алады. Кейбір жағдайларда 5-таптағы құжаттарды алып тастау қажеттілігін қарастыру қажет. |
10 |
Рұқсат беру құжатын алуға қатысты өтінімді беру кезінде қажетті талаптар мен құжаттар тізімі бойынша ұсыныстар, өтінімді қоса алғанда |
Күшінде қалсын ____ |
Осы Әдістемелік нұсқауға 3-қосымшаға сәйкес тізім бойынша толтырылады. |
11 |
Реттеу құралы ретіндегі рұқсат беру құжаты әрекетінің мерзімі бойынша ұсыныстар |
Өзгеріссіз қалсын ____ |
Талдау барысында рұқсат беру құжатымен бекітілген реттеу әрекетінің мерзімін орнату қажеттілігін қарастыру ұсынылады. Бұл өз кезегінде тәуекелдің үшінші санатындағы рұқсат беру құжаттары үшін жасау қажет. Тәуекелдің екінші санатындағы рұқсат беру құжаттары үшін тиімділігін мерзімімен бағалауды енгізу ұсынылып отыр. Аталған бағалау мерзімі – 3 немесе 5 жыл болуы мүмкін. |
12 |
Рұқсат беру құжаты берілетін Қазақстан Республикасы Заңдарының өзгертулер жобасы |
Рұқсат беру құжатының паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
13 |
Рұқсат беру құжаты берілетін Қазақстан Республикасы Президенті Жарлықтарының өзгертулер жобасы |
Рұқсат беру құжатының паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
14 |
Рұқсат беру құжаты берілетін Қазақстан Республикасы Үкіметі қаулыларының өзгертулер жобасы |
Рұқсат беру құжатының паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
15 |
Рұқсат беру құжаты берілетін халықаралық шарттарда өзгертулерді енгізу бойынша ұсыныстар |
Рұқсат беру құжатының паспортына қоса ұсынылады |
Негіздемесін көрсете отырып ережелерге сәйкес жазылады. |
16 |
Рұқсат беру құжатына немесе хабарламасына берілген есептік нөмір |
||
17 |
Аталған рұқсат беру құжаты немесе хабарлама ілеспелі болып табылатын негізгі рұқсат беру құжаттарының есептік нөмірлері |
Рұқсат беру құжаты немесе хабарлама өзге рұқсат беру құжатын алудың алғышарты немесе шарты болмаған жағдайда, олардың есептік нөмірлері осы бағанға қойылады. Аталған рұқсат беру құжаты болмаған жағдайда баған толтырылмайды. |
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
5-қосымша
Хабарлама паспорты Б бөлімі
(Сараптама тобы толтырады)
1 |
Рұқсат беру құжатына берілген тап |
1-тап (кәсіпкерлік субъектілерінің қызметі ) _____ |
Бөлім паспорттың А бөлімімен және хабарламаны реттеу объектілеріне қатысты өткізілген талдауға сәйкес толтырылады. |
2 |
Хабарлама хабарлама құжатының барлық критерийлеріне жауап береді ма |
Иә ____ |
Қолданыстағы хабарламаның хабарлама тәртібіндегі критерийлерге сәйкестілігін анықтау үшін СТ 2012-2015 жылдарға арналған рұқсат беру жүйесін одан әрі реформалау тұжырымдамасында көрсетілген критерийлерді және «Әкімшілік рәсімдер туралы» Қазақтстан Республикасы Заңының тиісті баптарын басшылыққа алуы тиіс. |
3 |
Автоматтандыруды пайдалану бойынша ұсыныстар |
Ұсыныстар еркін үлгіде жазылады. |
|
4 |
Хабарлама тәртібін реттейтін хабарлама әрекетінің мерзімі бойынша ұсыныстар |
Тиімділікті мерзімі келген уақытта бағалауды енгізу ____ мерзім ____жыл |
Талдау барысында хабарламамен бекітілген реттеу әрекетінің мерзімін орнату қажеттілігін қарастыру ұсынылады. Тиімділіктің мерзімі келген уақытта бағалауды енгізу қажеттілігін енгізу қажет. Аталған бағалау мерзімі – 3 немесе 5 жыл болуы мүмкін. |
5 |
Хабарлама берілетін Қазақстан Республикасы Заңдарының өзгертулер жобасы |
Хабарлама паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
6 |
Хабарлама берілетін Қазақстан Республикасы Президенті Жарлықтарының өзгертулер жобасы |
Хабарлама паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
7 |
Хабарлама берілетін Қазақстан Республикасы Үкіметі қаулыларының өзгертулер жобасы |
Хабарлама паспортына қоса ұсынылады |
Негіздемесін көрсете отырып норма шығарушылық ережелеріне сәйкес жазылады. |
8 |
Рұқсат беру құжатына немесе хабарламасына берілген есептік нөмір |
||
9 |
Аталған рұқсат беру құжаты немесе хабарлама ілеспелі болып табылатын негізгі рұқсат беру құжаттарының есептік нөмірлері |
Хабарлама өзге рұқсат беру құжатын алудың алғышарты немесе шарты болмаған жағдайда, олардың есептік нөмірлері осы бағанға қойылады. Аталған рұқсат беру құжаты болмаған жағдайда баған толтырылмайды. |
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
6-қосымша
Келіспеушіліктер меморандумы
қол қою орны қол қою күні
Осы Келіспеушіліктер меморандумы сараптама тобы мен ____________________________________________________________________ (мемлекеттік органның атауы) арасында сараптама тобының ұсыныстарымен келіспегені үшін келесі рұқсат беру рәсімдеріне (құжаттарына), хабарламаларына жасалған:
р/с № |
Рұқсат беру рәсімінің (құжатының) немесе хабарламасының атауы |
Жұмыс тобының ұсынысы |
СТ негіздемесі |
Мемлекеттік органның позициясы (келіспеуі немесе сәйкес ұсыныс) |
Мемлекеттік органның позициясын негіздеу |
Осы Меморандум Қазақстан Республикасының Үкіметі жанындағы Рұқсат беру жүйесін жетілдіру мәселелері жөніндегі ведомствоаралық комиссияға соңғы шешім қабылдау үшін жіберіледі.
Тараптардың қолдары:
Сараптама тобынан Мемлекеттік органнан
_____________________ ________________________
_____________________ ________________________
(қол қоюшы тұлғаның аты-жөні, қызметі көрсетіледі)
Рұқсат беру құжаттарына
(рәсімдеріне) және хабарламаларға
түгендеу өткізу бойынша
әдістемелік нұсқаулыққа
7-қосымша
Рұқсат беру құжаттарының және хабарламалардың үлгілік атаулары.
Сыныптар |
Тәуекелдер бойынша санаттау |
||
Төмен тәуекел |
Орташа тәуекел |
Жоғары тәуекел |
|
1-сынып |
Хабарлама |
Екінші санаттағы лицензия |
Бірінші санаттағы лицензия |
2-сынып |
Хабарлама |
Кәсіби рұқсаттар |
Кәсіби лицензия |
3-сынып |
Арнайы рұқсат |
Арнайы лицензия |
|
4-сынып |
Хабарлама |
Екінші санаттағы қорытынды |
Бірінші санаттағы қорытынды |
5-сынып |
Хабарлама |
Рұқсаттар |
|
6-сынып |
Декларациялау |
Сәйкестікті растау |
Тіркеу |
Қазақстан Республикасы
Үкіметінің
2012 жылғы 4 қыркүйектегі
№ 1140 қаулысына
1-қосымша
Рұқсат беру жүйесін жетілдіру мәселелері жөніндегі
ведомствоаралық комиссияның құрамы
Комиссия мүшелері:
төраға – Қазақстан Республикасының Экономикалық даму және сауда министрі;
төрағаның орынбасары – «Нұр Отан» халықтық-демократиялық партиясының хатшысы;
төрағаның орынбасары – «Атамекен» Одағы» Қазақстан ұлттық экономикалық палатасының басқарма төрағасы;
хатшы – Қазақстан Республикасының Экономикалық даму және сауда вице-министрі;
Қазақстан Республикасының Қаржы вице-министрі;
Қазақстан Республикасының Көлік және коммуникация вице-министрі;
Қазақстан Республикасы Бас прокурорының орынбасары (келісім бойынша);
Қазақстан Республикасы Бәсекелестікті қорғау агенттігі (Монополияға қарсы агенттік) төрағасының орынбасары;
Қазақстан Республикасы Мемлекеттік қызмет істері агенттігі төрағасының орынбасары (келісім бойынша);
Қазақстан Кәсіпкерлері форумының жетекшісі;
Қазақстан Республикасы Парламенті Мәжілісінің депутаттары (келісім бойынша).
Қазақстан Республикасы
Үкіметінің
2012 жылғы 4 қыркүйектегі
№ 1140 қаулысына
2-қосымша
Рұқсат беру жүйесін жетілдіру мәселелері жөніндегі
ведомствоаралық комиссия туралы ереже
1. Жалпы ережелер
1. Рұқсат беру жүйесін жетілдіру мәселелері
жөніндегі ведомствоаралық комиссия (бұдан әрі – Комиссия) Қазақстан Республикасының Үкіметі жанындағы консультативтік-кеңесші органы болып табылады.
2. Комиссия өз қызметінде Қазақстан Республикасының Конституциясын, 1998 жылғы 24 наурыздағы «Нормативтік құқықтық актілер туралы» Қазақстан Республикасының Заңын, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
3. Комиссияның жұмыс органы Қазақстан Республикасы Экономикалық даму және сауда министрлігі болып табылады.
2. Комиссияның міндеттері, функциялары және құқықтары
4. Мыналар Комиссияның негізгі міндеттері мен функциялары болып табылады:
1) рұқсат беру жүйесін жетілдіру бойынша ұсыныстар әзірлеу;
2) рұқсат беру жүйесін жетілдіру мәселелері бойынша ведомствоаралық өзара іс-қимыл жасауды қамтамасыз ету;
3) қолданыстағы рұқсат беру құжаттарын (рәсімдерін) жою және жеңілдету туралы ұсыныстарды қарау;
4) жаңа рұқсат беру құжаттарын (рәсімдерін) енгізуді келісу;
5) мемлекеттік емес ұйымдармен және бизнес қоғамдастықпен рұқсат беру жүйесін жетілдіру мәселелері бойынша өзара іс-қимыл жасау;
6) мемлекеттік органдардың рұқсат беру жүйесін жетілдіру шеңберінде бизнестің операциялық шығасыларын қысқарту бойынша жоспарларын келісу;
7) сараптамалық және жұмыс топтарының ұсынымдарын қарау және олар бойынша шешім қабылдау;
8) сараптамалық және жұмыс топтарының жұмыстары мен отырыстарының жоспар-кестесін бекіту.
5. Өз міндеттері және функцияларына сәйкес Комиссияның:
1) орталық атқарушы және басқа да мемлекеттік органдар мен ұйымдармен өзара іс-қимыл жасауға;
2) Қазақстан Республикасының Үкіметіне рұқсат беру заңнамасын жетілдіру мәселелері бойынша ұсыныстар мен ұсынымдар енгізуге;
3) Комиссия құзыретіне кіретін мәселелер бойынша Комиссия отырыстарына Қазақстан Республикасының мемлекеттік органдары мен ұйымдарының өкілдерін шақыруға (келісім бойынша) және тыңдауға;
4) заңнамада белгіленген тәртіппен мемлекеттік және өзге ұйымдардан Комиссия міндеттерін іске асыруға қажетті материалдарды сұрауға және алуға;
5) уақытша және тұрақты жұмыс істейтін сараптамалық және жұмыс топтарын ұйымдастыруға;
6) Комиссияға жүктелген міндеттер мен функцияларды жүзеге асыруға қажетті өзге де құқықтары бар.
3. Комиссия жұмысының бағыттары
6. Комиссия жұмысы мынадай бағыттар бойынша жүзеге асырылады:
1) рұқсат беру жүйесін түгендеу;
2) жаңа рұқсат беру құжаттарын (рәсімдерін) енгізу бойынша ұсыныстар әзірлеу;
3) қолданыстағы рұқсат беру құжаттарын (рәсімдерін) кезеңділігімен қайта қарау.
4) рұқсат беру жүйесін жетілдірудің өзге бағыттары.
7. Әрбір бағытты іске асыру үшін Қазақстан Республикасының заңнамасын басшылыққа алатын сараптамалық (жұмыс) топтары құрылады.
8. Рұқсат беру жүйесін түгендеу осы Ережеге қосымшаға сәйкес рұқсат беру құжаттарына (рәсімдеріне) және хабарламаларына түгендеу жүргізу бойынша әдістемелік нұсқауға сәйкес жүзеге асырылады.
4. Комиссия қызметін ұйымдастыру
9. Комиссия төрағасы оның қызметін басқарады, отырыстарда төрағалық етеді, жұмысын жоспарлайды. Комиссия төрағасының шешімімен ол болмаған уақытта оның функцияларын орынбасарлардың бірі атқарады.
10. Комиссия төрағасын қоса алғанда, Комиссияның әрбір мүшесі өзі мүддесін білдіретін мемлекеттік органның құзыреті шеңберінде Комиссия әзірлейтін шешімдерге Қазақстан Республикасының заңнамасына сәйкес дербес жауапты болады.
11. Комиссия жұмысын ұйымдастырушылық-техникалық қамтамасыз етуді Комиссияның жұмыс органы (бұдан әрі – жұмыс органы) жүзеге асырады.
12. Жұмыс органы Комиссия қарауына тиісті материалдарды қоса бере отырып, сараптамалық (жұмыс) топтарының ұсынымдарын енгізеді.
13. Жұмыс органы Комиссия отырысының күн тәртібін (бұдан әрі – күн тәртібі) қалыптастырады.
14. Күн тәртібін, сондай-ақ отырысты өткізу орны мен уақытын Комиссия төрағасы айқындайды және нақтылайды.
15. Жұмыс органы күн тәртібін электронды түрдегі қажетті материалдарды қоса бере отырып, Комиссия мүшелеріне, Комиссия отырыстарында тыңдалатын мемлекеттік органдарға және қажет болған жағдайда басқа да мүдделі тұлғаларға Комиссия отырысын өткізуге дейін екі жұмыс күнінен кешіктірмей жібереді.
16. Комиссия отырыстары қажеттілігіне қарай өткізіледі.
17. Комиссия отырысы Комиссия мүшелерінің жалпы санының кемінде жартысы қатысқан жағдайда заңды болып табылады. Комиссия мүшесін тек оның орынбасары немесе тең лауазымдағы тұлға ғана ауыстыра алады.
18. Комиссия мүшелері шешім қабылдау кезінде тең дауысқа ие. Дауыстар тең болған жағдайда Комиссия төрағасы дауыс берген шешім қабылданады.
19. Комиссияның тиісті шешімдерін дайындауды ұйымдастыруды Комиссия хатшысы жүзеге асырады.
20. Комиссия шешімдері Комиссия төрағасы мен хатшысы қол қоятын хаттамамен ресімделеді.
21. Қол қойылғаннан кейін хаттама қосымша материалдары қоса беріле отырып, түпкілікті шешім қабылдау үшін Қазақстан Республикасының Үкіметіне қарауға жіберіледі.
5. Комиссия қызметін тоқтату
22. Қазақстан Республикасы Үкіметінің Комиссия қызметін тоқтату туралы шешім қабылдауы оның қызметін тоқтатуға негіз болып табылады.