Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай өзгерістер енгізілсін:
1) «Қазақстан Республикасында ғарыш қызметiн дамыту жөнiндегi 2010 – 2014 жылдарға арналған бағдарламаны бекiту туралы» Қазақстан Республикасы Үкіметінің 2010 жылғы 29 қазандағы № 1125 қаулысында:
көрсетілген қаулымен бекітілген Қазақстан Республикасында ғарыш қызметiн дамыту жөнiндегi 2010 – 2014 жылдарға арналған бағдарламада:
«Бағдарламаның мақсаттары, мiндеттерi, нысаналы индикаторлары және iске асыру нәтижелерiнiң көрсеткiштерi» деген 4-бөлімде:
«Мақсаттарға, нысаналы индикаторларға, мiндеттерге, нәтижелер көрсеткiштерiне қол жеткiзуге жауапты мемлекеттiк және өзге де органдар» деген 4.5-кіші бөлімде:
екінші бөліктегі «Инфракос-Экос» ЕМК» деген сөздер «Ғарыш-Экология» ҒЗО» РМК» деген сөздермен ауыстырылсын;
«Қазақстан Республикасында ғарыш қызметiн дамыту жөнiндегi 2010 – 2014 жылдарға арналған бағдарламаны iске асыру жөнiндегi iс-шаралар жоспары» деген 7-бөлімде:
«Ғарыш саласының шарттық, құқықтық және нормативтiк-техникалық базасын құру» деген 6-кіші бөлімде:
реттік нөмірі 6.10-жолдың 4-бағаны мынадай редакцияда жазылсын: «ҰҒА, «Ғарыш-Экология» ҒЗО» РМК»;
ескертпеде: аббревиатуралардың толық жазылуында:
«Инфракос-Экос» ЕМК» – «Инфракос-Экос» еншiлес мемлекеттiк кәсiпорыны» деген жол мынадай редакцияда жазылсын:
«Ғарыш-Экология» ҒЗО» РМК» – «Қазақстан Республикасы Ұлттық ғарыш агенттiгiнің «Ғарыш-Экология» ғылыми-зерттеу орталығы» шаруашылық жүргізу құқығындағы республикалық мемлекеттік кәсіпорны»;
2) «Базалық қаржыландыру субъектілері болып табылатын ұйымдардың тізбесін бекіту туралы» Қазақстан Республикасы Үкіметінің 13 мамырдағы 2011 жылғы № 511 қаулысында (Қазақстан Республикасының 2011 ж., № 38, ПҮАЖ-ы, 461-құжат):
көрсетілген қаулымен бекітілген базалық қаржыландыру субъектілері болып табылатын ұйымдардың тізбесінде:
«Қазақстан Республикасы Ұлттық ғарыш агенттігі» деген бөлімде:
реттік нөмірі 159-жол мынадай редакцияда жазылсын:
«159. «Ғарыш-Экология» ғылыми-зерттеу орталығы» шаруашылық жүргізу құқығындағы республикалық мемлекеттік кәсіпорны».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов