«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 75-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған мынадай салықтық өтініштердің нысандары бекітілсін:
1) құжаттық тексеру жүргізу туралы;
2) қызметті тоқтату туралы;
3) салық төлеушінің (салық агентінің) салық есептілігін кері қайтарып алу туралы;
4) салық есептілігін табыс ету мерзімін ұзарту туралы;
5) салық есептілігін табыс етуді тоқтата тұру (ұзарту, қайта бастау) туралы;
6) қосарланған салық салуды болдырмау туралы халықаралық шарттың негізінде төленген табыс салығын бюджеттен немесе шартты банк салымынан қайтаруға;
7) салық резиденттігін растауды алуға;
8) Қазақстан Республикасындағы көздерден алынған табыстардың және ұсталған (төленген) салықтардың сомалары туралы анықтаманы алуға;
9) патент негізіндегі арнаулы салық режимін қолдануға;
10) патент негізіндегі арнаулы салық режимін қолдануды тоқтату туралы;
11) оңайлатылған декларация негізіндегі арнаулы салық режимін қолдануға;
12) оңайлатылған декларация негізіндегі арнаулы салық режимін қолдануды тоқтату туралы;
13) шаруа немесе фермер қожалықтарына арналған арнаулы салық режимін қолдануға;
14) шаруа немесе фермер қожалықтарына арналған арнаулы салық режимін қолдануды тоқтату туралы;
15) ауыл шаруашылығы өнімдерін, акваөсіру (балық өсіру шаруашылығы) өнімін өндіруші заңды тұлғалар мен селолық тұтыну кооперативтері үшін арнаулы салық режимін қолдануға;
16) ауыл шаруашылығы өнімдерін, акваөсіру (балық өсіру шаруашылығы) өнімін өндіруші заңды тұлғалар мен селолық тұтыну кооперативтері үшін арнаулы салық режимін қолдануды тоқтату туралы;
17) тіркеу есебіне қою туралы;
18) тіркеу есебінен шығару туралы;
19) дара кәсіпкерді, жеке нотариусты, жеке сот орындаушысын, адвокатты тіркеу есебі туралы;
20) қосылған құн салығы бойынша тіркеу есебі туралы;
21) электрондық салық төлеушінің тіркеу есебі туралы;
22) бензин (авиациялықтан басқа), дизель отынын өндіру, бензинді (авиациялықтан басқа), дизель отынын көтерме және (немесе) бөлшек саудада өткізу жөніндегі қызметті жүзеге асыратын салық төлеуші ретінде тіркеу есебі туралы;
23) темекі өнімдерін өндіру және (немесе) көтерме саудада өткізу жөніндегі қызметті жүзеге асыратын салық төлеуші ретінде тіркеу есебі туралы;
24) этил спиртін және (немесе) алкоголь өнімін өндіру, алкоголь өнімін көтерме және (немесе) бөлшек саудада өткізу жөніндегі қызметті жүзеге асыратын салық төлеуші ретінде тіркеу есебі туралы;
25) ойын бизнесі қызметін жүзеге асыратын салық төлеуші ретінде тіркеу есебі туралы;
26) ұтыссыз ойын автоматтарын, ойынға арналған жеке компьютерлерді, ойын жолдарын, карталарды, бильярд үстелдерін пайдалана отырып көрсетілетін қызметтер - қызметін жүзеге асыратын салық төлеуші ретінде тіркеу есебі туралы;
27) қосылған құн салығының асып кетуін қайтару туралы;
28) грант қаражаттары есебінен сатып алынатын тауарлар, жұмыстар, қызмет көрсетулер бойынша төленген қосылған құн салығын қайтару туралы;
29) салық берешегінің, міндетті зейнетақы жарналары мен әлеуметтік аударымдар бойынша берешегінің жоқ және (немесе) бар екендігі туралы мәліметтерді алу үшін;
30) салық міндеттемесін орындау бойынша бюджетпен есеп айырысулардың жай-күйі туралы дербес шоттан үзінді көшірме алуға;
31) салықтарды, басқа да міндетті төлемдерді, кедендік төлемдерді, өсімпұлдар мен айыппұлдарды есепке жатқызу және (немесе) қайтару жүргізуге;
32) бақылау-касса машинасын салық органдарында есепке қою туралы;
33) бақылау-касса машинасын есептен шығару туралы;
34) бақылау-касса машинасын пайдалану кезінде туындайтын міндеттемелердің орындалуы туралы;
35) бақылау-касса машинасының моделін мемлекеттік тізілімге енгізу туралы;
36) лотереялар ұйымдастыру, өткізу және лотерея билеттерін сату жөніндегі қызметті жүзеге асыратын салық төлеуші ретінде тіркеу есебі туралы;
37) акцизделетін тауарларды өндіру, жинау (жинақтау) жөніндегі қызметті жүзеге асыратын салық төлеуші ретінде тіркеу есебі туралы.
2. Осы қаулы 2012 жылғы 1 қаңтардан бастап қолданысқа енгізіледі және ресми жариялануға тиіс.
Қазақстан Республикасының
Премьер-Министрі К.Мәсімов