Порт құрылыстары мен теңіз порты акваториясын техникалық пайдалану қағидасын бекіту туралы

      «Сауда мақсатында теңізде жүзу туралы» Қазақстан Республикасының 2002 жылғы 17 қаңтардағы Заңының 4-бабы 2-тармағының 24) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Порт құрылыстары мен теңіз порты акваториясын техникалық пайдалану қағидасы бекітілсін.
      2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                           К. Мәсімов

Қазақстан Республикасы 
Үкіметінің        
2011 жылғы 3 шілдедегі 
№ 775 қаулысымен   
бекітілген      

Порт құрылыстары мен теңіз порты акваториясын техникалық пайдалану қағидасы

1-тарау. Жалпы ережелер

      1. Осы Порт құрылыстары мен теңіз порты акваториясын техникалық пайдалану қағидасы (бұдан әрі – Қағида) «Caудa мақсатында теңiзде жүзу туралы» Қазақстан Республикасының 2002 жылғы 17 қаңтардағы Заңының 4-бабы 2-тармағының 24) тармақшасына сәйкес әзірленген және порт құрылыстары мен теңіз портының акваториясын техникалық пайдалану тәртібін айқындайды.
      2. Осы Қағиданың талаптары теңіз портының барлық жұмыскерлеріне, кеме экипаждарына, сондай-ақ меншік нысанына қарамастан, өз қызметін теңіз портының аумағында жүзеге асыратын басқа ұйымдардың жұмыскерлеріне қолданылады.
      3. Негізгі терминдер мен анықтамалар:
      1) ағымдағы жөндеу – тірек элементтерді қоспағанда, құрылыс конструкциясының жекелеген элементтерін ауыстыруды немесе қалпына келтіруді көздейтін операциялар кешені;
      2) жобалау ұйымы – объектіні (құрылысты) жобалаған кәсіпорын немесе тиісті объектілерді (құрылыстарды) жобалау жөніндегі мамандандырылған кәсіпорын;
      3) жөндеу – құрылыс жарамдылығын қалпына келтіру жөніндегі шаралар кешені (жөндеудің түрлері ағымдағы жөндеу мен күрделі жөндеу болып табылады);
      4) күрделі жөндеу – құрылыс конструкциясының кез келген элементтерін, оның ішінде тірек элементтерді ауыстыруды немесе қалпына келтіруді көздейтін операциялар кешені;
      5) қалыпты пайдалану – құрылысты оның паспорттық параметрлеріне сәйкес пайдалану;
      6) қайта жаңарту – құрылыс параметрлерін қалпына келтіру, жақсарту немесе жаңа пайдалану режимі кезінде оның тағайындалуын өзгерту жөніндегі операциялар кешені;
      7) пайдаланудан шығару – құрылысты тағайындалуы бойынша одан әрі пайдалану мен жөндеудің мүмкін еместігін немесе тиімсіздігін тіркейтін және белгіленген тәртіппен құжаттамалық ресімделген оқиға;
      8) пайдалануға енгізу – құрылыстың тағайындалуы бойынша пайдалануға әзірлігін тіркейтін және белгіленген тәртіппен құжаттамалық ресімделген оқиға;
      9) порт құрылыстары – теңіз портының аумағында және (немесе) акваториясында орналасқан, сулы ортамен өзара әрекеттесетін және теңізде жүзу қауіпсіздігі мен кемелер тұрағын қамтамасыз етуге арналған инженерлік-техникалық құрылыстар (жағалау қорғау құрылыстары, толқын тосқылар, дамбалар, тосқауылдар, пирстер, айлақтар, сондай-ақ түбін тереңдету жұмыстарын жүргізу нәтижесінде жасалған жақындап келу арналары, суасты құрылыстары);
      10) порт құрылысының паспорты – құрылыстың тағайындалуын, сипаттамалары мен техникалық жай-күйін (зақымданулар, жөндеулер, конструктивті өзгерістер, авариялар және пайдаланымдық сенімділігін қалпына келтіру жөнінде қабылданған шаралар) көрсететін техникалық құжат.
      11) пайдалану режимі – құрылысты жобада анықталған параметрлері бар немесе құрылысты пайдалану үдерісінде белгіленген параметрлері бар тағайындалуы бойынша пайдалану қарқындылығы;
      12) пайдалану шарттары – құрылысты пайдалану кезінде оған әсер ететін факторлар жиынтығы;
      13) пайдалану – құрылыс тағайындалуы бойынша пайдаланылатын, жарамды жай-күйде ұсталатын және жобада белгіленген бастапқы параметрлеріне келгенге дейін қалпына келтірілетін құрылыстың өміршеңдік циклының сатысы (пайдалану құрылысты тағайындалуы бойынша пайдалануды және оны техникалық пайдалануды қамтиды);
      14) теңізде жүзушілерге хабарлама – теңізде жүзуге арналған навигациялық карталарды, оқулықтар мен нұсқауларды түзету жөніндегі гидрографиялық деректердің өзгерісін қамтитын құжат;
      15) техникалық тексеру журналы – құрылыстарға тұрақты техникалық тексеру жүргізу үдерісінде жүзеге асырылатын, порт құрылыстарының техникалық жай-күйін және олардың пайдалану режимін қадағалауларды ескеру жөніндегі құжат;
      16) теңіз портының паспорты – теңіз портына жүктелген өндірістік функцияларды орындауға арналған теңіз портының өндіріс құралдары және материалдық ресурстары жиынтығының болуы мен жай-күйін, өндірістік мүмкіндіктерін куәландыратын құжат;
      17) теңіз портының режимі – Қазақстан Республикасы заңнамасының негізінде теңіз портында жүзу қауіпсіздігін, сондай-ақ осы теңіз портына келген кемелер үшін Қазақстан Республикасының заңнамасында көзделген бақылау және қадағалау функцияларын жүзеге асыратын мемлекеттік органдардың талаптарын қамтамасыз ету жөнінде теңіз порты белгілеген шаралар жиынтығы;
      18) техникалық пайдалану – порт құрылысын немесе теңіз портының акваториясын барынша тиімді пайдалану мен қауіпсіздік талаптарын сақтау кезінде есептік қызмет ету мерзімінің ішінде олардың пайдаланымдық сипаттамаларының сақталуын қамтамасыз етуге бағытталған порт құрылысы мен теңіз портының акваториясына техникалық қызмет көрсету және оларды жөндеу жөніндегі ұйымдастырушылық және инженерлік-техникалық іс-шаралар кешені;
      19) техникалық қызмет көрсету – құрылысты тағайындалуы бойынша пайдалану кезінде оны жарамды күйде ұстап тұру жөніндегі операциялар кешені;
      20) техникалық жай-күйі – құрылысты пайдалану үдерісінде өзгеріске ұшыраған, белгілі бір уақыт кезеңінде бақылау арқылы анықталған және оның паспортында көрсетілген белгілермен сипатталатын параметрлер жиынтығы (құрылыстың техникалық жай-күйінің түрлері жарамдылық пен жарамсыздық болып табылады);
      21) табиғи тозу – механикалық тозудың, коррозияның, деформациялар мен қираудың салдарынан құрылыстың жобада белгіленген өзінің параметрлерін біртіндеп жоғалтуы.
      4. Порт құрылыстары мен акваториясын техникалық пайдалану оларды тиімді пайдаланған және қауіпсіздік талаптарын орындаған кездерде қызмет ету мерзімі ішінде олардың пайдаланымдық сипаттамаларының сақталуын қамтамасыз етуі тиіс. Порт құрылыстары мен акваториясының пайдаланымдық сипаттамаларын ұстап тұру және қауіпсіздік талаптарын орындау үшін оларға техникалық қызмет көрсету, олардың техникалық жай-күйін бақылау және оларды жөндеу жөнінде ұйымдастырушылық және инженерлік-техникалық іс-шаралар кешені көзделуі тиіс.
      5. Порттың құрылыстарын пайдалану өнеркәсіптік қауіпсіздік декларациясын қабылдағаннан кейін «Қауіпті өндірістік объектілердегі өнеркәсіптік қауіпсіздік туралы» Қазақстан Республикасы Заңының талаптарына сәйкес пайдалануға арналған рұқсат негізінде жүзеге асырылуы тиіс.
      6. Порт құрылыстарын техникалық пайдалану:
      1) порт құрылыстарының паспорттарын әзірлеумен және жүргізумен;
      2) құрылыстарды пайдалану режимін белгілеумен және оны сақтаумен;
      3) порт құрылыстары мен акваториясын техникалық тексеріп қарау мен (тексеруді) жүргізумен;
      4) қажетті көлемдегі жөндеу-қалпына келтіру жұмыстарын уақтылы жүргізумен;
      5) аса маңызды құрылыстарды қайта жаңартуды және жөндеуді жаңа құрылыспен байланыстыра және үйлестіре отырып, перспективалы жоспарлаумен;
      6) құрылыстарды ағымдағы және күрделі жөндеумен;
      7) құрылыстар мен акваториялардың қауіпсіз пайдаланылуын қамтамасыз ететін нұсқаулықтар мен басқа да құжаттарды әзірлеумен және оларды орындаумен;
      8) порт құрылыстарына қызмет көрсететін білікті персоналдың болуымен;
      9) гидротехникалық құрылыстардың өнеркәсіптік құрылыс талаптарына сәйкестігін Сәйкестік декларациясы нысанында міндетті растаумен қамтамасыз етіледі.
      7. Порт құрылыстарын техникалық пайдалануды осы құрылыстарды жалға алушы немесе оның иесі жүзеге асырады.
      8. Порт құрылыстары мен акваториясын техникалық пайдалану кезінде олардың жай-күйі мен пайдалану режимінің өрт қауіпсіздігінің, санитарлық-эпидемиологиялық қағидалар мен нормалардың талаптарына, сондай-ақ заңнамада белгіленген, осы объектілерге қойылатын еңбекті қорғау және қауіпсіздік техникасының талаптарына сәйкестігі қамтамасыз етілуі тиіс.
      9. Теңіз порты үшін тұтастай және порттың әрбір құрылысы үшін бөлек-бөлек паспорттар жасалуы тиіс.
      10. Теңіз портының және порт құрылыстарының паспорттарын портты немесе құрылысты салуға, қайта жаңартуға немесе қайта жайластыруға арналған жобаларды әзірлеген ұйым жасайды.
      Қолданыстағы құрылыстарға арналған паспорттар болмаған жағдайда, оларды теңіз порттары мен порт құрылыстарын жобалау жөніндегі, қызметтің осындай түрімен айналысуға лицензиясы бар мамандандырылған ұйымның көмегімен қалпына келтіру керек.
      11. Құрылыстар кезек-кезек салынған жағдайда, порт құрылыстарының паспорттары құрылыстың әрбір кезегі үшін бөлек, осы кезектің объектісі пайдалануға енгізілгеннен кейін жасалады.
      12. Порт құрылыстарының паспорттарын жүргізуді порт құрылыстары және күрделі құрылыс қызметі (бұдан әрі – ПҚжКҚҚ) жүзеге асырады, теңіз портының паспортын жүргізу теңіз порты басшысының бұйрығы бойынша теңіз порты қызметіне немесе бөліміне жүктеледі.
      Порт құрылыстарының паспортын жасау және жүргізу осы Қағиданың 1-қосымшасына сәйкес үлгілік нысандар бойынша жүзеге асырылады.
      Теңіз портының паспортын жасау және жүргізу осы Қағиданың 2-қосымшасына сәйкес үлгілік нысан бойынша жүзеге асырылады.
      Порт құрылыстары паспорттарына порт құрылыстарын техникалық тексеру мен зерттеулердің деректері мен оларды қалыпты пайдалану мүмкіндігі туралы қорытындылар енгізіледі.
      Теңіз портының паспорты теңіз портында сақталады.
      Порт құрылыстары паспорттарының даналары ПҚжКҚҚ-да, порт құрылысын пайдаланатын ұйымда және жобалау ұйымында сақталады.
      13. Порт құрылыстарын қауіпсіз техникалық пайдалануды қамтамасыз ету үшін пайдаланушы ұйым мыналарды:
      1) теңіз порты аумағының, онда орналасқан порт құрылыстарының, акваториясының, сондай-ақ олардың ауданындағы атмосфераның ластануын болдырмау жөніндегі нұсқаулықты;
      2) Порт құрылыстары мен акваториясын техникалық тексерулердің және зерттеулердің бағдарламасын әзірлейді және бекітеді.

2-тарау. Порт құрылыстары

§1. Пайдалану режимі

      14. Порт құрылыстарын пайдалану режимі олардың жобалық сипаттамаларына, іс жүзіндегі техникалық жай-күйіне, пайдалану талаптарына, олардың қызмет ету мерзіміне және әрбір порт құрылысының тағайындалуына сәйкес жүзеге асырылады.
      15. Порт құрылысының пайдалану режимін өзгерту жобалау ұйымымен келісіледі, теңіз порты басшысының өкімдік құжатымен ресімделеді   және порт құрылысының паспортында көрсетіледі. Порт құрылысының пайдалану режимі өзгерген жағдайда, теңіз портының басшысы үш жұмыс күні ішінде өнеркәсіптік қауіпсіздік саласындағы аумақтық бөлімшені хабардар етеді.
      16. Порт құрылыстарын пайдаланудан шығарған кезде теңіз портының басшысы үш жұмыс күні ішінде өнеркәсіптік қауіпсіздік саласындағы аумақтық бөлімшені бұл туралы хабардар етеді. Порт құрылыстарын пайдаланудан шығару құрылыстың меншік иесі тағайындайтын Жұмыс комиссиясының қорытындысы бойынша жүргізіледі және порт құрылысын пайдаланудан шығару қажеттігі туралы актімен ресімделеді. Актіні теңіз портының басшысы бекітеді.
      17. Порт құрылыстарын техникалық пайдалану үдерісінде техникалық құжаттама жүргізіледі. Техникалық құжаттаманың тізбесі осы Қағиданың 3-қосымшасында келтірілген.
      18. Қайта жаңарту, жаңғырту немесе күрделі жөндеу аяқталғаннан кейін порт құрылыстарын пайдалануға қабылдау Қазақстан Республикасының сәулет, қала құрылысы және құрылыс қызметі және қауіпті өндірістік объектілердегі өнеркәсіптік қауіпсіздік туралы заңнамасының талаптарына сәйкес жүргізіледі.
      19. Порт құрылыстарын салу, қайта жаңарту, жаңғырту, күрделі жөндеу және пайдалануға енгізу жөніндегі барлық құжаттама ПҚжКҚҚ-да және порт құрылысының меншік иесінде сақталады.
      20. Порт құрылыстарын пайдалану режимі порт құрылысын пайдаланатын теңіз порты қызметкерлері мен кемелер экипаждары орындайтын шарттар мен талаптардың жиынтығын білдіреді.
      21. Порт құрылыстарын пайдаланудың белгіленген режиміне өзгерістер енгізу порт құрылыстарын жүйелі түрде бақылаулар нәтижелерінің және оларды пайдалану шарттарының өзгергені туралы деректердің негізінде жүргізіледі.
      22. Порт құрылыстарын техникалық пайдалану:
      1) кемелердің жүзуі, арқандап байлануы, тұрақтары мен оларды өңдеу үшін қауіпсіз жағдайларды;
      2) құрылыстардың кемелермен өзара әрекеттесуі кезінде, жабдықтар мен көліктің жұмысы кезінде, жүктерді қоймалап жинау кезінде және гидрометеорологиялық факторлардың әсері кезінде қауіпсіздігін, сақталуын және қызмет ету ұзақтығын арттыруды қамтамасыз етеді.
      23. Порт құрылыстарын қалыпты пайдалануға кедергі келтіретін немесе құрылыстың жекелеген элементтерінің қирауына әкеп соғатын табиғи тозуы бар порт құрылыстарын пайдалануға жол берілмейді.
      24. Барлық айлақтық құрылыстар олардың паспорттарында көрсетілген, жобалау ұйымы әзірлеген олар үшін белгіленген пайдалану жүктемесінің нормаларын қатаң түрде сақтай отырып пайдаланылады.
      25. Айлақтық құрылыстарға белгіленген нормалардан жоғары жүктемелерді арттыруға рұқсат етілмейді. Айлақтарды пайдалануды жүзеге асыратын ұйым басшылары теңіз портының айлақтық құрылыстарына, рұқсат берілетін жүктемелер нормаларының сақталуын қамтамасыз етеді.
      26. Айлақтық құрылыстарға арналған пайдаланымдық жүктемелердің нормалары құрылыстың конструктивтік элементтерінің іс жүзіндегі жай-күйін және оның қызмет ету шарттарының жобалау және салу кезінде алғаш қабылданған шарттарға сәйкестігін ескере отырып, ұдайы қайта қаралады және айлақтық фронттың әрбір учаскесі үшін бөлек белгіленеді. Пайдаланымдық жүктемелер нормаларын қайта қарау жобалау ұйымының зерттеулерден кейінгі ұсынымдары негізінде жүргізіледі.
      27. Айлақтарды пайдалану шарттары мен олардың техникалық жай-күйі өзгерген жағдайда, жобалау ұйымы құрылысты салыстырып тексеру есептеулерін жүргізеді, олардың нәтижелері айлақтарды пайдаланудың жаңа режимі тағайындалған кезде ескеріледі.
      28. Айлақтық құрылыстарға түсірілетін жүктемелердің схемалары айлақтардағы, тиеу кешендерінің үй-жайларындағы, кордон жанындағы қоймалардағы және айлақтық құрылыстарды пайдаланумен байланысты қызметкерлер бар басқа да қызметтік үй-жайлардағы көрінетін жерде ілінеді.
      29. Рейдтік айлақтық құрылыстар (арқандап байланатын палдар мен бөшкелер) арқандап байланатын кемелерден оларға белгіленген түсірілетін жүктемелердің порт құрылыстарының паспортында көрсетілетін нормаларын қатаң түрде сақтай отырып пайдаланылады. Кері итергіш құрылғылар ілінбеген немесе зақымдалған құрылыстарға кемелерді арқандап байлауға рұқсат етілмейді.
      Гидротехникалық құрылыстарға орнатылған арқандап байлау және кері итергіш құрылғылардың техникалық жай-күйін бақылауды Порттың теңіз әкімшілігі жүзеге асырады.
      30. Айлақтарды пайдалану үдерісінде портты жобалау кезінде осы айлақ үшін есептелген тереңдік сақталады. Тиісті түрдегі тереңдіктердің сақталуын бақылауды Порттың теңіз әкімшілігі жүзеге асырады.
      Кемелердің жақындап келуі мен арқандап байлануы, қауіпсіз тұрағы, орын ауыстыруы, кемелердің гидротехникалық құрылыстарды зақымдауларының алдын алу шаралары теңіз портының режимімен белгіленеді.
      31. Кордон маңындағы әртүрлі тереңдіктері мен әртүрлі тірек қабілеттері бар айлақтардың шекаралары сол орында тұтас ақ көлденең сызықпен, ал пайдаланымдық жүктемелердің схемалары – айлақтағы сызық үстінде орнатылған көрінетін жердегі плакатта белгіленеді.
      32. Кемелердің қауіпсіз арқандап байлануын және айлақтық құрылыстардың сақталуын қамтамасыз ету үшін мынадай талаптар сақталады:
      1) айлақтық құрылыстың арқандап байлау және кері итергіш құрылғыларының жарамды техникалық жай-күйде болуы және өздерінің сипаттамалары бойынша айлаққа арқандап байланатын кемелердің сипаттамаларымен сәйкес болады;
      2) кемелерді арқандап байлау кезінде айлақтардың еркін ұзындығының іс жүзіндегі қоры арқандап байланатын кеменің ұзындығына байланысты нормативтік қордан кем болмайды.
      3) кемелердің айлақтарға жақындап келу жылдамдықтарының қалыпты құрауыштары оларды арқандап байлау кезінде порт құрылысына арналған жобаның талаптарымен сәйкес болады.
      33. Кемелердің, порт құрылыстарының зақымдануларын және адамдармен болуы мүмкін қасіретті жағдайларды болдырмау үшін айлақты пайдаланатын ұйым кемені қабылдауға қатысты айлақты алдын ала дайындайды. Айлақты қауіпсіз пайдаланудың қамтамасыз етілуін бақылауды Порттың теңіз әкімшілігі жүзеге асырады.
      34. Кемелерді арқандап байлау арқандап байлауға арналған арқандармен жүргізіледі. Арқандап байлауға зәкір шынжырларын ұсынуға тыйым салынады.
      35. Теңіз дауылы туралы ескертулер алынғаннан кейін кемелерді арқандап байлау дауылдық арқандап байлау құрылғылары арқылы жүргізіледі, егер олар порт құрылысына арналған жобада көзделген болса.
      36. Арнайы арқандап байлау үшін тағайындалмаған кері итергіш құрылғыларға және құрылыс бөліктеріне кемені арқандап байлауға тыйым салынады.
      37. Порттық құрылыстарын қысқы кезеңде пайдаланған кезде теңіз порты ауданның климаттық және гидрометеорологиялық сипаттамалары мен гидротехникалық құрылыстардың конструктивтік ерекшеліктерін ескере отырып, порт құрылыстарын, акваториялар мен кеме жүзетін каналдарды қысқы жағдайларда техникалық пайдалану жөніндегі іс-шаралар әзірлейді. Қажет болған жағдайда әзірлемелерге жобалау ұйымдары тартылады.
      38. Айлақтық құрылыстар кордон бойынша доңғалақ ұрғыш құрылғылармен жабдықталады.
      Еркін жүрісті кемелерді (Ро-Ро үлгідегі) айлақтарда қабылдаған кезде айлаққа аппарелиді түсіруге тек сол үшін арнайы тағайындалған және тиісті жазулармен жабдықталған орындарда ғана рұқсат етіледі. Аппарелиді орнатуға арналған учаске алынбалы-салынбалы доңғалақ ұрғыш білеумен жабдықталады. Аппарели төсеу аймағының өлшемдері айлақта айқын сызықтармен бояумен немесе басқа тәсілмен белгіленеді.
      39. Әрбір арқандап байлау тумбасының бас кеңістігінде жағалау жақтан оқылатын цифрлық белгілеулер енгізіледі:
      1) жоғарыдан – айлақтың жағалау сызығынан бастап есептелетін тумбаның реттік нөмірі (толассыз нөмірлеу);
      2) төменде, көлденең сызықтың астында – ең жақын арқандап байлау тумбаларына дейінгі метрмен алғандағы қашықтық – сол жақтан және оң жақтан бір-бірінен тік сызықтармен бөлінген.
      40. Қадалық үлгідегі порт айлағында арқандап байлау, тұраққа тұрған және тиеу-түсіру жұмыстарын жүргізу кезінде кеменің сыртқы қабырғаға (жаққа) қисаюына жол берілмейді. Гравитациялық үлгідегі айлақта кеменің сыртқы қабырғаға (жаққа) 5^о артық емес шамаға қисаюына жол беріледі.
      41. Айлаққа жақындап келгенде және одан кері кеткенде кемелер машинамен жұмыс істейді, бұл ретте кеменің алдыңғы бөлігі гидротехникалық құрылыстардан кемінде 10 метр қашықтықта болады.
      42. Порт айлағынан жөнелетін ірі тоннажды кемелерге өз машиналарымен айлаққа жақын маңда маневрлеуге тыйым салынады. Олар тіркеп сүйретулердің көмегімен акватория ауданына қарай жылжиды, мұнда маневрлеу басқа кемелердің, гидротехникалық құрылыстардың зақымдану және құрылыс түбін шаю қаупін тудырмайды.
      43. Есу бұрандасының жұмысымен байланысты кемелердің арқандап байлау сынақтарын осы мақсатқа тағайындалмаған гидротехникалық құрылыстарда жүргізуге тыйым салынады.
      44. Кемелер тікелей айлақта тұрақта тұрған кезде машиналарды жылыту үшін есу бұрандасын барынша аз айналу жиілігімен айналдыруға жол беріледі.
      45. Кемелер айлаққа жақын келгенде және айлақтан кеткен кезде тіркеп сүйреуіштерді пайдалану кеменің тіркелімдік сыйымдылығына және порттың жергілікті (географиялық, гидрологиялық және басқа) ерекшеліктерімен байланысты теңіз портының режимімен регламенттеледі.
      46. Айлақта тұрған кемелер айлақты артық су балластын айдап шығарған кезде және палубаны жинастырғанда оған су шашырамауы үшін, борт саңылаулары арқылы шығарылатын будың әсерінен қорғау үшін айлақты қоршайды.
      47. Айлақ аумағында кеме жабдығын және басқа да ауыр салмақты жүктерді түсіруге тиеу-түсіру кешені басшысының немесе айлақты пайдаланатын бөлімше басшысының рұқсатымен ғана жол беріледі.
      48. Айлақ құрылыстарының кордонында кемелерді арқандап байлаудың қажетті жағдайларын және басқа операциялардың орындалуын қамтамасыз ету үшін кордон сызығынан ені кемінде 2 метр жолақ шегінде жүктерді текшелеп қоймалауға тыйым салынады.
      49. Құбырлар мен айлақ бетінен жоғары шығып тұрған басқа да коммуникация арқылы адамдардың қауіпсіз жүріп өтуі үшін өтпе көпіршелер орнатылады.
      50. Оларға тез тұтанатын және жарылыс қаупі бар сұйық жүктер құйылатын және төгу жүзеге асырылатын қауіпті өндірістік объектілерге жатқызылған сұйықтық құйылатын терминалдар мен айлақтарды техникалық пайдалану белгіленген тәртіппен Сәйкестік декларациясы алынғаннан кейін Қауіпті өндірістік объектілердегі өнеркәсіптік қауіпсіздік туралы Қазақстан Республикасы заңнамасының талаптарына сәйкес жүргізіледі.
      51. Сұйықтық құйылатын терминалдар мен айлақтарды пайдалану режимі олардың жарамды техникалық жай-күйін, құйма өнімдерді қауіпсіз ауыстырып тиеуді, өрт қауіпсіздігі талаптарының, санитарлық-эпидемиологиялық талаптардың, сондай-ақ еңбек қауіпсіздігі талаптары мен қауіпсіздік техникасы талаптарының орындалуын қамтамасыз етеді.
      52. Қауіпті құймалы жүктерді (шикі мұнай мен мұнай өнімдері, сұйық химиялық заттар) ауыстырып тиеу қауіпті жүктің түріне, физика-химиялық қасиеттеріне және адамның денсаулығы мен қоршаған ортаға төндіретін қауіптілік дәрежесімен байланысты қауіпті жүктің әрбір класы үшін айлақты пайдаланатын ұйым теңіз портымен келісім бойынша әзірлеген технологияға сәйкес, мамандандырылған айлақтарда жүзеге асырылады.
      Қауіпті жүктерді қайта ауыстырып тиеу Теңізде адам өмірін қорғау жөніндегі халықаралық конвенцияда (СОЛАС-1974) көзделген қауіпті жүктерді теңізде тасымалдау қағидасы талаптары, өрт қауіпсіздігі қағидасы талаптары, сондай-ақ еңбекті қорғау, қауіпсіздік техникасы және өндірістік санитария талаптары сақталған жағдайда мамандандырылмаған айлақтарда жүзеге асырылады.
      53. Қоршау құрылыстарының және жағалау нығайтқыш құрылыстардың кескіні оларды пайдаланудың барлық кезеңі ішінде жобалық жағдайда ұсталады.
      54. Массивтерді, темірбетон бұйымдарды және басқа да жүктерді қоршаулы және жағалау нығайтқыш құрылыстарда олардың көтергіштік қабілеттерін тексермей және оларға жол берілетін жүктемелерді айқындамай қоймалауға тыйым салынады.
      55. Қоршаулы және жағалау нығайтқыш құрылыстарға кемелерді арқандап байлауға, осы құрылыстардың конструкциясы кемелердің жақындап келуіне және тұраққа тұруына жол беретін, ал құрылыстардың арқандап байлау мен ұрғыш құрылғылары болған жағдайларды қоспағанда, тыйым салынады. Белгілі бір өлшемдегі және түрдегі кемелерді қоршаулы және жағалау нығайтқыш құрылыстарға арқандап байлауға рұқсат теңіз портының режимінде алдын ала ескеріледі.
      56. Ашық жүк қоймалары тікелей жанаса орналасқан жағалау нығайтқыш құрылыстары үшін кордон жанындағы белдеуде пайдаланымдық жүктеменің теңіз порттарымен порт құрылыстарын жобалау жөніндегі, қызметтің бекітілген нормалары белгіленеді.
      57. Төсемесі жоқ жағалау нығайтқыш құрылыстардың беткейін судың шаюынан қорғайды. Жағалау нығайтқыш құрылыстардың беткейінде пайда болатын және олардың төсемесінің қирауына әкелетін өсімдіктер мұқият жүйелі түрде жойылады.
      58. Жағалау нығайтқыш құрылыстардың беткейінде қандай да болмасын бір заттарды текшелеп жинауға тыйым салынады.
      59. Ішкі және сыртқы рейдтері бар портта рейдте зәкірге тұратын кемелер үшін қоршаулы құрылыстарға және жағалау нығайтқыш құрылыстарға шектік жақындау белгіленеді. Рейдтердегі зәкірлердің тұрақ орындары Теңіз порты әкімшілігі әзірлейтін теңіз портының схемалық жоспарында көрсетіледі.
      60. Рейдтердегі кемелерді қою Теңіз порты әкімшілігінің нұсқауы бойынша жүргізіледі.
      61. Гидротехникалық құрылыстарға, суасты кабельдерін және құбырларды жағалауға шығару орындарында, тыйым салатын белгілер орнатылады.

§2. Техникалық қызмет көрсету

      62. Порт құрылыстарына техникалық қызмет көрсету мыналарды:
      1) белгіленген пайдалану режиміне және құрылыстардың техникалық жай-күйіне бақылау жасауды қамтамасыз ететін бақылауларды;
      2) арқандап байлау және ұрғыш құрылғылардың, құрғатқыш жүйелердің жарамды жай-күйін қамтамасыз ету жөніндегі жұмыстарды;
      3) жағалау нығайтқыш құрылыстардың беткейлерін ластанудан тазалауды, құрылыстың су үсті бөліктерінің ұсақ зақымданулары мен ақауларын жоюды;
      4) айлақтардағы санитарлық қағида нормаларының сақталуы жөніндегі жұмыстарды, оның ішінде айлақтарды қоқыстан, қардан және мұздан тазалауды;
      5) құрылыстардың маңайындағы мұзды ойып шығаруды қамтиды.
      63. Түбін тазалау жөніндегі жұмыстарды және айлақтарға техникалық қызмет көрсетумен байланысты басқа да суасты жұмыстарын сүңгуір жұмыс саласындағы мамандандырылған ұйымдар жүргізеді.
      64. Гидротехникалық құрылыстардың су асты бөліктерін зерттеуді теңіз портының тапсырмасы бойынша жобалау ұйымының мамандандырылған бөлімшесі жүргізеді.
      65. Порттың гидротехникалық құрылыстарын пайдалануды жүзеге асыратын ұйым басшысы осы құрылыстардың су үсті бөлігінде санитарлық қағида нормаларының сақталуын қамтамасыз етеді.
      66. Жағалау нығайтқыш құрылыстар беткейлерінің деформациясы туындаған кезде беткейлердің кескінін қалпына келтіру және оларды бекіту жөнінде шұғыл шаралар қабылданады.
      67. Порт құрылыстарына техникалық қызмет көрсету порт құрылыстарына тұрақты техникалық қарап тексерулерді, кезеңдік техникалық қарап тексерулерді, кезекті және кезектен тыс тексерістер жүргізуді және оларды пайдаланудың белгіленген режимін бақылауды көздейді.
      68. Порт құрылыстары мен акваториясының техникалық жай-күйі мен оларды пайдалану режимі оларды пайдаланудың барлық кезеңі ішінде   порт құрылыстарын техникалық қарап тексерулер мен тексерістерді жүзеге асыру жолымен айқындалады. Техникалық қарап тексерулер мен тексерістер:
      1) тұрақты техникалық қарап тексеруді;
      2) кезеңдік техникалық қарап тексеруді;
      3) кезекті және кезектен тыс тексерістерді қамтиды.
      69. Тұрақты техникалық қарап тексерулерді порт құрылысын пайдаланатын ұйым жүргізеді.
      70. Тұрақты техникалық қарап тексерудің нәтижелері Порт құрылыстарының жай-күйін және оларды пайдалану режимін техникалық қарап тексеру журналына түсіріледі, онда қарап тексеру күні, құрылыс конструкциясының жаңадан анықталған ақаулары көрсетілген тексеру нәтижелері, құрылысқа жол берілген жүктеменің сәйкестігі немесе асып кетуі және оларды жою жөнінде қабылданған шаралар туралы жазылады.
      Теңіз портының басшысы тағайындаған адам техникалық қарап тексеру журналын ай сайын қарап отырады және порт құрылыстарына техникалық қызмет көрсету мен оларды ағымдағы жөндеу сапасына жалпы баға береді.
      71. Кезеңдік техникалық қарап тексерулерді порт құрылысын пайдаланатын ұйым басшысының бұйрығымен осы ұйымның қызметкерлері ішінен тағайындалатын комиссия жүргізеді.
      Кезеңдік техникалық қарап тексерулер порт құрылысының жай-күйі туралы толық мағлұмдама береді және жөндеулерді жоспарлау үшін қажетті деректер мен техникалық пайдалану жөніндегі басқа да іс-шараларды қамтиды.
      72. Порт құрылыстарын кезеңдік техникалық қарап тексерулер жылына кемінде бір рет жүргізіледі. Кезеңдік техникалық қарап тексерулердің нәтижелері тексерулер актісі түрінде ресімделеді.
      Порт құрылыстарына кезеңдік техникалық қарап тексерулер жүргізу жөніндегі материалдарды ПҚжКҚҚ қызметкерлері жинақтайды.
      73. Кезекті тексерістерді теңіз портының меншік иесі тағайындайтын комиссия жобалау ұйымының қатысуымен жүргізеді. Комиссия құрамына теңіз порты, жобалау ұйымы және порт құрылысын пайдаланушы ұйымының қызметкерлері кіреді.
      Кезекті тексерістер «Қауіпті өндірістік объектілердегі өнеркәсіптік қауіпсіздік туралы» Қазақстан Республикасы Заңының талаптарына сәйкес Сәйкестік декларациясын жасау алдында жүргізіледі. Кезекті тексерістер порт құрылыстарының, сондай-ақ олардың барлық конструктивтік элементтерінің жай-күйін зерделеу жөніндегі жұмыстарды қамтиды. Тексерістер нәтижелері актілер түрінде ресімделеді, олар Сәйкестік декларациясының дәлелдемелік базасы болып табылады.
      74. Кезектен тыс тексерістер оларды қалыпты пайдалану шарттары бұзылған жағдайда немесе олардың авариялық жағдайында жүргізіледі. Кезектен тыс тексерістерді теңіз порты басшысының бұйрығымен тағайындалатын комиссия жүргізеді. Комиссияның жұмысына жобалау ұйымының өкілдері тартылады. Кезектен тыс тексерістің нәтижелері актімен ресімделеді.
      Комиссия құрамына теңіз порты, жобалау ұйымы және порт құрылысын пайдаланушы ұйымының қызметкерлері кіреді.
      75. Теңіз порты аумағындағы порт құрылыстарының техникалық жай-күйіне аспаптық бақылау жүргізу үшін (жоспарлық және биіктік жағдайымен) геодезиялық желінің тіректік белгілері (реперлер) орнатылады, ал порттық гидротехникалық құрылыстардың өздерінде бақылау геодезиялық желісінің белгілері (бақылау маркалары) орнатылады.
      76. Пайдаланушы ұйым геодезиялық желінің тіректік және бақылау белгілерінің орнатылуын және олардың сақталуын қамтамасыз етеді.
      77. Тереңдіктің іс жүзіндегі нөлдік деңгейін тұрақты анықтауға арналған деректерді жақын маңда орналасқан Мемлекеттік гидрометеорологиялық қызмет жүйесі қосынынан алуға болады.
      78. Порт құрылысын пайдаланатын ұйым басшысының гидротехникалық құрылыстардың тұрақты техникалық қарап тексерулердің мерзімділігі порт құрылыстарының техникалық жай-күйіне және оларды пайдалану жағдайларына байланысты, бірақ айына кемінде бір рет белгіленеді.
      Порт құрылыстарына тұрақты техникалық қарап тексерулерді жүргізу кезінде айлақтардағы жүктерді қоймалаудан түсетін пайдаланымдық жүктеме жобалау ұйымы белгілеген нормаларының сақталуына ерекше назар аударылады.
      79. Пайдаланымдық жүктеменің белгіленген нормадан тыс асып кетуін, порт гидротехникалық құрылыстарының, олардың бөліктері мен элементтерінің зақымдануларын екі жақты актілермен ресімделеді, оларға ПҚжКҚҚ өкілдері мен осы құрылысты пайдалануды жүзеге асыратын ұйымның өкілдері қол қояды.
      80. Тұрақты техникалық қарап тексерулердің нәтижелері мен айлақтарда жүктерді қоймалаудан түсірілетін пайдаланымдық жүктеме нормаларының сақталуын тексеру деректері Порт құрылыстарының жай-күйін және пайдалану режимін техникалық қарап тексеру журналына енгізіледі. Осы журналды жүргізу тәртібі осы Қағиданың 4-қосымшасында айқындалған.
      81. Порт құрылыстарын кезеңдік техникалық қарап тексерулерді құрылысты пайдаланушы ұйым басшысының бұйрығымен тағайындалатын комиссия жылына кемінде бір рет жүргізеді.
      82. Теңіз портының басшысы өлшеу құралдарын пайдалана отырып, кезеңдік техникалық қарап тексеру жүргізілуге жататын порт құрылыстарының тізбесін бекітеді.
      83. Порт құрылыстарын кезекті тексерістер құрылыстардың жай-күйіне және оларды пайдалану жағдайларына байланысты жүргізіледі.
      84. Кезекті тексерістер бағдарламасын ПҚжКҚҚ қызметі жобалау ұйымын тарта отырып жасайды.
      85. Кезекті тексерістер кезінде айлақтардың іс жүзіндегі көтергіштік қабілетін анықтау үшін қызмет ететін, айлақтардың тәжірибелік жүктемесін жобалау ұйымы шарт бойынша немесе жобалау ұйымымен келісілген бағдарлама бойынша теңіз портының өзі жүргізеді.
      86. Порт құрылысын пайдаланатын ұйым порт құрылыстарының техникалық жай-күйінің жалпы бағалауын және оларды жөндеу немесе қайта жайластыру жөніндегі ұсынымдарды қамтитын кезекті тексерістердің нәтижелері порт құрылыстарының паспорттарына енгізіледі.
      87. Айлақтық құрылыстарды кезектен тыс тексерістер олардың ығысулары, деформациясы немесе зақымданулары, пайдаланымдық жүктеменің белгіленген нормалардан тыс артып кетуі анықталған жағдайларда, сондай-ақ бес баллдан артық толқулары бар аса күшті дауылдардан кейін жүргізіледі.
      88. Порт құрылысын пайдаланатын ұйым кезектен тыс тексерістердің нәтижелері бойынша тексеріс (зерттеулер) актілері негізінде анықталған бұзушылықтарды жою жөніндегі жөндеу жұмыстарының тізбесі жасайды, олар жылдық жөндеу жұмыстарының жоспарына енгізіледі.

§3. Жөндеу

      89. Порт құрылыстарын және рейдтік айлақтардың жабдығын жөндеу (ағымдағы, күрделі) тұрақты, кезеңдік қарап тексерулердің және кезекті және кезектен тыс тексерістердің нәтижелері бойынша жоспарланады.
      90. Порт құрылыстарын күрделі жөндеуді құрылыстарды техникалық қарап тексеру мен тексеріс нәтижелерін ескере отырып әзірленген жоба бойынша жұмыстардың осы түрлерін орындауға тиісті рұқсаты бар мамандандырылған ұйым орындайды.

3-тарау. Теңіз портының акваториялары

§1. Пайдалану режимі

      91. Теңіз порттар мен кеме қатынасы каналдарының акваториясын техникалу пайдалану оларды неғұрлым тиімді пайдалану және қауіпсіздік талаптарын сақтау кезінде олардың пайдаланымдық сипаттамаларын қызметтің есептік мерзімі ішінде сақталуын, сондай-ақ авариясыз жүзу мен кеменің теңіз портындағы тұрағын қамтамасыз етеді.
      92. Теңіз портының акваториясын пайдалану режимін пайдаланушы ұйым теңіз портының режиміне сәйкес және оның паспорттық сипаттамаларын және техникалық жай-күйін ескере отырып белгілейді.
      93. Теңіз портының акваториясы жобада жобалау ұйымы белгілеген ауқымдарда ұсталады.
      94. Акваторияны немесе кеме қатынасы каналын пайдалану жағдайларында өзгерістер (тереңдіктердің, құрылыс конструкциялары элементтерінің техникалық жай-күйінің және топырақ қабатының, олардың негіздерінің өзгеруі) туындаған кезде пайдалану режимі өзгертіледі.
      Пайдалану режимінің өзгертілуі құрылыс паспортында көрсетіледі. Теңізде жүзудің навигациялық қауіпсіздігіне әсер ететін пайдалану режимінің өзгеруі туралы теңіз портының капитаны тиісті өкім жасайды, ол Теңізде жүзушілерге хабарлама арқылы теңізде жүзушілердің назарына жеткізіледі.
      95. Кемелердің теңіз портына жақындап келу жолдарында және порттық суларда жүзуі кезінде шөгуі теңіз портында белгіленген өтулік шөгуден аспауы тиіс. Кемелердің рұқсат етілген өтулік шөгуі теңіз портының фарвартерлері мен акваториясындағы ең аз тереңдіктер туралы деректер негізінде жүзудің гидрометеорологиялық шарттарын ескере отырып белгіленеді және теңіз портының капитаны шығаратын өкіммен хабарланады.
      96. Теңіз порттарының акватория мен кеме қатынасы каналдары навигациялық жабдық құралдарымен (бұдан әрі - НЖҚ) жарақталады.
      НЖҚ-ны пайдалану режимі НЖҚ-ға техникалық қызмет көрсетуді жүзеге асыратын ұйым әзірлеген және Порттың теңіз әкімшілігімен келісілген нұсқаулықтарға сәйкес жүзеге асырылады.
      97. Теңіз порты акваториясының кеме қатынасы учаскелерінде тереңдік өзгерген кезде навигациялық жабдықтың белгілерін қою бұл туралы теңізде жүзушілерді Теңізде жүзушілерге хабарлама арқылы хабардар ете отырып өзгертіледі.
      98. Навигациялық жабдықтың белгілері зақымдалған және олардың жарамсыздығы, кеме қатынасы үшін қауіп төндіретін батқан заттардың табылған кезінде Теңіз әкімшілігі кемелер қозғалысының қауіпсіздігін қамтамасыз ету бойынша шұғыл шаралар қабылдайды.
      99. Су асты кабельдері мен құбырларының, егер олардың трассалары акваторияны немесе кеме қатынасы каналдарын кесіп өткен жағдайда зақымдалу мүмкіндігін болдырмау үшін қорғау аймақтары белгіленеді. Қорғау аймақтары Қазақстан Республикасы Үкіметінің 2006 жылғы 22 қыркүйектегі № 901 қаулысымен бекітілген Су асты құбырлары мен кабельдерді салу, жүргізу және пайдалану кезіндегі қауіпсіздік пен қоршаған ортаны қорғау ережесіне сәйкес белгіленеді.
      Қорғау аймақтарындағы және оларға жақын жерде орындалатын барлық жұмыстар қарамағында су асты кабельдері мен құбырлары бар кәсіпорындармен алдын ала келісіледі.
      100. Белгіленген пайдалану режимінің сақталуын және акватория мен кәсіпорының кеме қатынасы каналдарының кепілді ауқымдарын қамтамасыз етілуін бақылау олардың тереңдіктерінің жай-күйін тұрақты бақылау жолымен жүзеге асырылады. Өлшеу жұмыстарының кезеңділігін пайдаланушы ұйымның басшысы гидрометеорологиялық факторлардың әсеріне және қызмет көрсетілетін акваториялар мен кеме қатынасы каналдарында тасындылардың шөгу қарқындылығына байланысты белгілейді.
      Акваторияға және кеме қатынасы каналдарына іргелес жатқан аумақта өлшеу және түбін тереңдету жұмыстарын жүргізу үшін тұрақты геодезиялық желі құрылады.

§2. Техникалық қызмет көрсету

      101. Акватория мен кеме қатынасы каналдарына техникалық қызмет көрсету бойынша жұмыстардың тәртібі мен ұйымдастырылуы:
      1) талап етілетін навигациялық габариттердің ұсталуын;
      2) жобада белгіленген НЖҚ габариттерінің сақталуын және кеме жүрісін анықтау кезінде оларға акваторияда белгілерді қою схемаларына сәйкес қызмет көрсетілуін;
      3) қоршаған табиғи ортаның жай-күйін мемлекеттік бақылау органдары талаптарының сақталуын қамтамасыз етеді.
      102. Теңіз портының акваториясы мен кеме қатынасы каналдарына техникалық қызмет көрсету:
      1) тереңдіктерді өлшеуді;
      2) акватория мен кеме қатынасы каналдары суларының тазалығын бақылауды;
      3) кеме қатынасына бөгет болатын әр текті заттардан су түбін тазартуды қамтиды.
      Теңіз портының акваториясы мен кеме қатынасы каналдарына техникалық қызмет көрсетуді мамандандырылған ұйым шарт бойынша орындайды.
      103. Акваториялар мен кеме қатынасы каналдарын қауіпсіз пайдаланудың қамтамасыз етілуін бақылауды Порттың теңіз әкімшілігі жүзеге асырады.
      104. Өлшеу және тральдық жұмыстардың кезеңділігін құрылысты пайдаланушы ұйым қызмет көрсетілетін акваториялар мен кеме қатынасы каналдарында тасындылардың шөгу қарқындылығына байланысты белгілейді.
      105. Акватория мен жақындап келу каналдарына техникалық қызмет көрсетуді жүзеге асыратын ұйым теңіз портында және акваторияда НЖҚ-ның жарамды қолданылуын қамтамасыз етеді.
      106. Теңіз портының кеме қатынасы каналдары мен акваториясына жобалау ұйымы әзірлейтін паспорттар жасалады. Акватория мен кеме қатынасы каналдарының паспорттары ПҚжКҚҚ-да, Порттың теңіз әкімшілігінде, жобалау ұйымында және осы объектілерге техникалық қызмет көрсетуді жүзеге асыратын ұйымда сақталады.
      Акваториялар мен кеме қатынасы каналдарының паспорттарын түзетуді жобалау ұйымы жүргізеді.
      107. Акваториялар мен кеме қатынасы каналдарының сулары мен олардың түбінің беті қолданыстағы санитарлық-эпидемиологиялық және экологиялық талаптарға сәйкес ұсталады.
      Акваториялар мен кеме қатынасы шлюздерін пайдалану мен оларға техникалық қызмет көрсетуді жүзеге асыратын ұйым олардың беті мен түбін таза ұсталуын қамтамасыз етеді.
      108. Теңіз портында кемелердің қозғалысын басқару жүйесін бақылауды Порттың теңіз әкімшілігі жүзеге асырады.

§3. Жөндеу және түбін тереңдету жұмыстары

      109. Теңіз портында акваториялар мен кеме қатынасы каналдарының түбін тереңдету жұмыстары мен техникалық қызмет көрсету жұмыстарының осы түріне лицензиясы бар мамандандырылған ұйым орындайды.
      Акватория мен кеме қатынасы каналдарының жөндеу түбін тереңдету жұмыстарының көлемдерін техникалық қызмет көрсетуді жүзеге асыратын ұйым анықтайды және теңіз портының басшысымен және Порттың теңіз әкімшілігімен келісіледі.
      110. Акваториялар мен кеме қатынасы каналдардың жөндеу түбін тереңдетуге техникалық тапсырманы техникалық қызмет көрсетуді жүзеге асыратын ұйым жасайды және теңіз портының басшысымен және Порттың теңіз әкімшілігімен келісіледі. Теңіз портының басшысымен және Порттың теңіз әкімшілігімен айлақтардағы жұмыстарды орындау мерзімдері, порт құрылыстарын жұмыстық тереңдігі мен көсіп алу шектері келісіледі.
      111. Жөндеу түбін тереңдету жұмыстарын жүргізу мерзімдері мен көлемін, сондай-ақ топырақты үю орындарын қоршаған ортаны қорғау, табиғи ресурстарды қорғау, өңдеу және пайдалану саласындағы мемлекеттік бақылауды жүзеге асыратын органдармен келісуді теңіз порты жобалау ұйымын тарту арқылы жүргізеді. Жөндеу түбін тереңдету жұмыстары мен топырақ үюге арналған рұқсаттарды келісу және алуға арналған материалдарды пайдаланушы ұйым қолданыстағы нормативтік-техникалық құжаттамаға сәйкес жобалау ұйымын тарту арқылы дайындайды.
      112. Акватория мен кеме қатынасы каналдарындағы жөндеу түбін тереңдету жұмыстарының басшылары осы жұмыстарды жүргізу тәртібін Порттың теңіз әкімшілігі келіседі.
      113. Порттың теңіз әкімшілігі су асты коммуникацияларын қорғау аймағында жөндеу түбін тереңдету жұмыстарын жүргізу шарттарын дұрыс анықтауды қамтамасыз етеді.

Порт құрылыстары мен теңіз
порты акваториясын техникалық
пайдалану қағидасына
1-қосымша

Титул парағы

__________________ ПОРТ ҚҰРЫЛЫСЫНЫҢ ПАСПОРТЫ

_________ жыл
________ бастап _________ ______ аралығындағы жылдар кезеңі
(пайдалануға жаңадан енгізілген порт құрылыстары үшін ғана толтырылады)

жасалған жері

Гидротехникалық және порт құрылыстарының (ғимаратты қоса алғанда) жалпы сипаттамасы

Айлақтар

      Ескертпе: 5, 6, 10, 11-бағандар осы қосымшада келтірілген Сыныптауышқа сәйкес кодтармен толтырылады

Қоршаулық құрылыстар

      Ескертпе: 10-баған осы қосымшада келтірілген Сыныптауышқа сәйкес кодтармен толтырылады

Жағалау нығайтқыш құрылыстар

      Ескертпе: 8-баған осы қосымшада келтірілген Сыныптауышқа сәйкес кодтармен толтырылады.

Қойма

      Ескертпе: 2-баған бойынша қойманың нөмірінен кейін қойманың (жабық, қалқасы бар, ашық) үлгісі көрсетіледі; 5-баған және 9-баған осы қосымшада келтірілген Сыныптауыштан тиісті кодтар көрсетіледі; 6-баған бойынша тасымалдау түрі (импорттық, экспорттық, каботажды) көрсетіледі.

Жөндеу-механикалық шеберханалар

Темір жол жүк фронттары

(кестенің жалғасы)

      Ескертпе: 4-баған бойынша темір жол бөлімшесі көрсетіледі, 13-баған бойынша осы қосымшада келтірілген Сыныптауышқа сәйкес код көрсетіледі.

Тазарту құрылыстары

      Ескертпе: 4-баған бойынша көрсеткіш пен өлшем бірлігі көрсетіледі; 5-баған бойынша осы қосымшада келтірілген Сыныптауышқа сәйкес код көрсетіледі.

Ғимараттар мен басқа құрылыстар

      Ескертпе: нысанға олардың тағайындалымы бойынша топтастырылған ғимараттар енгізіледі (басқару, жолаушылар, тұрмыстық, дәрігерлік-санитарлық және т.б.); 2-бағанда осы қосымшада келтірілген Сыныптауышқа сәйкес ғимараттардың атаулары көрсетіледі; 8-бағанда ғимараттың тағайындалуына байланысты өлшем бірлігі көрсетіледі (отырғызу орындары, келу саны және тағы басқасы); 10-бағанда осы қосымшаға сәйкес келтірілген Сыныптауышқа сәйкес код көрсетіледі.

Порт құрылыстары мен теңіз
порты акваториясын техникалық
пайдалану қағидасына
2-қосымша

Титул парағы

___________________ ТЕҢІЗ ПОРТЫНЫҢ ПАСПОРТЫ

_________ жыл

________ бастап _________ ______ аралығындағы жылдар кезеңі
(пайдалануға жаңадан енгізілген порттар үшін ғана толтырылады)

жасалған жері

Порттың деректемелері

Порттың атауы________________________________________________________
Жоғары тұрған ұйым___________________________________________________
Облысы_______________________________________________________________
Мекенжайы____________________________________________________________
Пошталық мекенжайы___________________________________________________
Телефон (қалааралық кодты қоса алғанда)______________________________
Факс (қалааралық кодты қоса алғанда)_________________________________
Электрондық пошта____________________________________________________
Бірінші басшының Т.А.Ә.______________________________________________
Банктік деректемелер_________________________________________________
Жасалған күні________________________________________________________
Порт басшысының қолы_________________________________________________

1-бөлім

Тарихи анықтама

      Тарихи анықтама

      Порттың пайда болуының географиялық, экономикалық және саяси жағдайлары мен оны салудың және қайта жаңартудың маңызды кезеңдері туралы қысқаша мәліметтер келтіру.
      Алдыңғы жылғы паспортты толтыру сәтінен бастап орын алған өзгерістерді қысқаша шолуды келтіру (пайдалануға жаңадан енгізілген порттар үшін келтірілмейді).

2-бөлім

Геологиялық және гидрологиялық деректер

Геологиялық деректер

(кестенің жалғасы)

Гидрологиялық деректер

Толқулар, ағыстар, тасындылар туралы деректер

Гидрологиялық деректер

Ординатадан басталатын теңіз деңгейінің тербелістері

20____жылғы «____»___________бастап 20______жылғы «____»_____________қоса алғандағы кезеңге дейін

_______________________________________________ деректері бойынша

3-бөлім

Порттың топографиясы мен акваториясы

Порттың топографиясы мен акваториясы

      Ескертпе:

      1. Биіктік нөлі үшін қабылданды____________________
      репермен бекітілген________________________________

      1. Тереңдік нөлі үшін қабылданды___________________
      репермен бекітілген________________________________

4-бөлім

Метеорологиялық деректер

Метеорологиялық деректер

Ауаның температурасы, жауын-шашындар
20____жылғы «____»___________бастап 20______жылғы «____»_____________қоса алғандағы кезеңге дейін
_______________________________________________ деректері бойынша

Метеорологиялық деректер

Желдер
20____жылғы «____»___________бастап 20______жылғы «____»_____________қоса алғандағы кезеңге дейін
_______________________________________________ деректері бойынша

5-бөлім

Гидротехникалық және порт құрылыстары (ғимаратты қоса алғанда)

      Гидротехникалық және порт құрылыстарының (ғимаратты қоса алғанда) жалпы сипаттамасы

Айлақтар

      Ескертпе: 5, 6, 10, 11-бағандар осы қосымшада келтірілген Сыныптауыштарға сәйкес кодтармен толтырылады

Қоршаулық құрылыстар

      Ескертпе: 10-баған осы қосымшада келтірілген Сыныптауышқа сәйкес кодтармен толтырылады

Жағалау нығайтқыш құрылыстар

      Ескертпе: 8-баған осы қосымшада келтірілген Сыныптауышқа сәйкес кодтармен толтырылады.

      Қойма

      Ескертпе: 2-баған бойынша қойманың нөмірінен кейін қойманың (жабық, қалқасы бар, ашық) үлгісі көрсетіледі; 5-баған және 9-баған осы қосымшада келтірілген Сыныптауыштан тиісті кодтар көрсетіледі; 6-баған бойынша тасымалдау түрі (импорттық, экспорттық, каботажды) көрсетіледі.

      Жөндеу-механикалық шеберханалар

      Темір жол жүк фронттары

(кестенің жалғасы)

      Ескертпе: 4-баған бойынша темір жол бөлімшесі көрсетіледі, 13-баған бойынша осы қосымшада келтірілген Сыныптауышқа сәйкес код көрсетіледі.

      Тазарту құрылыстары

      Ескертпе: 4-баған бойынша көрсеткіш пен өлшеу бірлігі көрсетіледі; 5-баған бойынша осы қосымшада келтірілген Сыныптауышта келтірілген код көрсетіледі.

      Ғимараттар мен басқа құрылыстар

      Ескертпе: нысанға олардың тағайындалымы бойынша топтастырылған ғимараттар енгізіледі (басқару, жолаушылар, тұрмыстық, дәрігерлік-санитарлық және т.б.); 2-бағанда осы қосымшада келтірілген Сыныптауышпен сәйкес ғимараттардың атаулары көрсетіледі; 8-бағанда ғимараттың тағайындалуына байланысты өлшем бірлігі көрсетіледі (отырғызу орындары, келу саны және тағы басқасы); 10-бағанда осы қосымшада келтірілген Сыныптауышқа сәйкес код көрсетіледі.

6-бөлім

Технологиялық жабдықтың болуы және құрамы, оның техникалық сипаттамалары

      Ауыстырып тиеу жабдығы

      Жүктердің массасын өлшеу құралдары

      Бункерлеу базасының жүзбелі сыйымдылықтары

(кестенің жалғасы)

       Бункерлеу базасының жағалау құрылыстары

7-бөлім

Флоттың болуы және сипаттамасы

       Порт флотының болуы және сипаттамасы

      Ескертпе: флоттың әрбір түрі бойынша флот бірліктері атауы (маркасы) бойынша топталады, әрбір атау (марка) үшін жеке жол толтырылады, оған реттік нөмірі беріледі, оның алдында флот түрінің жол коды көрсетіледі. Мысалы: бункерлеушілердің әрбір атауы (маркасы) үшін 3.1.1, 3.1.2 және тағы да сондай нөмірлі жол толтырылады (4 және 5-бағандар).

8-бөлім

Төтенше жағдайлар зардаптарын жоюға арналған құралдардың болуы мен сипаттамалары

Төтенше жағдайлар зардаптарын жоюға арналған арнайы жабдық

      Ескертпе: егер қолдауға болса, 3-баған толтырылады; 4-баған құрал түріне байланысты толтырылады; 4, 5 және 6-бағандар жол кодына байланысты толтырылады; 3-6-бағандар әрбір атау (марка) үшін жеке жолдарда толтырылады, бұл ретте әрбір осындай жолға реттік нөмір беріледі, оның алдында құралдар түрінің жол коды көрсетіледі (мысалы, бөгеу бондарының маркалары 1.1.1, 1.1.2 және тағы да сондай кодтары бар жолдарда сипатталады)

Төтенше жағдайлар зардаптарын жоюға арналған материалдар