Қазақстан Республикасы Үкіметінің 2000 жылғы 10 қарашадағы № 1693 қаулысына өзгерістер мен толықтырулар енгізу туралы

      Ескерту. Күші жойылды - ҚР Үкіметінің 12.12.2014 № 1315 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      Қазақстан Республикасының Үкіметі ҚАУЛЫ ЕТЕДІ:
      1. «Қазақстан Республикасында есірткі құралдары, психотроптық заттар және прекурсорлар айналымын мемлекеттік бақылауды жүзеге асыру ережесін бекіту туралы» Қазақстан Республикасы Үкіметінің 2000 жылғы 10 қарашадағы № 1693 қаулысына (Қазақстан Республикасының ПҮАЖ-ы, 2000 ж., № 47-48, 556-құжат) мынадай өзгерістер мен толықтырулар енгізілсін:
      көрсетілген қаулымен бекітілген Қазақстан Республикасында есірткі құралдары, психотроптық заттар және прекурсорлар айналымын мемлекеттік бақылауды жүзеге асыру ережесінде:
      3, 13, 13-1-тармақтарда «Қазақстан Республикасының Индустрия және сауда министрлігі», «Қазақстан Республикасының Энергетика және минералдық ресурстар министрлігі» деген сөздер тиісінше «Қазақстан Республикасы Экономикалық даму және сауда министрлігі», «Қазақстан Республикасы Индустрия және жаңа технологиялар министрлігі» деген сөздермен ауыстырылсын;
      43-тармақтың 1) тармақшасында «Қазақстан Республикасының Денсаулық сақтау істері жөніндегі агенттігі» деген сөздер тиісінше «Қазақстан Республикасы Денсаулық сақтау министрлігі» деген сөздермен ауыстырылсын;
      4-тармақтың 3) тармақшасы мынадай мазмұндағы абзацтармен толықтырылсын:
      «Есірткі құралдары, психотроптық заттар мен прекурсорлар айналымы саласындағы қызметке лицензиясы бар заңды тұлғалар:
      тоқсан сайын есепті кезеңнен кейінгі айдың 5-күніне белгіленген нысан бойынша лицензиар органға бақылаудағы заттардың айналымы туралы есеп ұсынады (4-қосымша);
      Тізімнің II, III, IV кестелеріне енгізілген есірткі құралдарының, психотроптық заттар мен прекурсорлар санының, жай-күйінің өзгеруіне байланысты кез келген операцияларды арнайы журналға тіркейді. Есепке алу журналының беттері нөмірленіп, тігіліп, мөрмен және Комитеттің жауапты адамының қолымен расталады (9-қосымша). Журнал толық толғанға дейін жүргізіледі және оған соңғы жазба түсірілген күннен бастап он жыл бойы сақтайды;
      әрбір айдың 1-күніндегі жағдай бойынша өздерінің иелігіндегі есірткі құралдарына, психотроптық заттар мен прекурсорларға түгендеу жүргізеді. Нақты саны кітаптағы қалдықпен салыстырылады және салыстырып тексеру актісінде көрсетіледі (10-қосымша). Нәтижелердің алшақтығы немесе сәйкес болмауы туралы ақпарат салыстырып-тексеру актісі жасалған сәттен бастап үш күн мерзімде лицензиар мемлекеттік органның назарына жеткізіледі;
      есірткі құралдарының, психотроптық заттар мен прекурсорлардың кірісі мен жұмсалуына қатысты барлық құжаттарды (шот-фактуралар, жүк құжаттар, сенімхаттар және өзгелер) осы құжаттаманың толық сақталуына кепілдік беретін жағдайларда кәсіпорында олардың сақталуына жауапты адамда сақтайды.»;
      44-тармақ мынадай мазмұндағы 2-1) тармақшамен толықтырылсын:
      «2-1) Еуразиялық экономикалық қоғамдастықтың кеден одағына кірмейтін мемлекеттерден бақыланатын заттарды әкелген жағдайда өтініш беруші Импортқа (экспортқа) лицензия (бұдан әрі - Импортқа (экспортқа) лицензия) алу үшін Комитетке мынадай құжаттарды табыс етеді:
      лицензия беру туралы өтініш (20-қосымша);
      өтініштің электрондық көшірмесі;
      сыртқы сауда шартының (келісімшарттың) көшірмесі, қосымшалар және (немесе) оған толықтырулар;
      салық органына есепке қойылғаны туралы құжаттың көшірмесі;
      егер осындай қызмет түрі бірыңғай кеден аумағында лицензиялануы енгізілген тауарлардың айналымына қатысты болса, лицензияланатын қызмет түрін жүзеге асыруға лицензияның көшірмесі;
      құрамында есірткі құралдары, психотроптық заттар мен прекурсорлар бар дәрілік заттарды мемлекеттік тіркеу туралы Қазақстан Республикасы Денсаулық сақтау министрлігінің сараптамалық қорытындысы (дәрілік заттарды әкелген жағдайда);
      Қазақстан Республикасы Қоршаған ортаны қорғау министрлігінің келісім хаты (дәрілік заттар болып табылмайтын прекурсорларды әкелген жағдайда);
      мемлекеттік баждың (лицензиялық алым) төленгенін растайтын құжат.
      Импортқа (экспортқа) лицензия беру және оның телнұсқасын ресімдеу Қазақстан Республикасының заңнамасына сәйкес жүзеге асырылады.
      Лицензияны бақылаудан алған кезде тиісті кеден органы 5 жұмыс күні ішінде өтініш берушіге оның жазбаша өтініші негізінде лицензияның орындалғаны туралы анықтама береді.
      Лицензияның қолданылу мерзімі аяқталғаннан кейін лицензиат 15 күн ішінде Комитетке лицензияның орындалғаны туралы анықтама беруге міндетті.
      Құжаттардың ұсынылған көшірмелерінің әрбір парағына өтініш берушінің қолы қойылып, мөрімен куәландырылуы тиіс немесе құжаттардың көшірмелері тігіліп, өтініш берушінің қолымен және мөрімен куәландырылуы тиіс.
      Импортқа (экспортқа) лицензия өтініш беруші Тарап мемлекетінің заңнамасында көзделген тәртіппен және мөлшерде лицензия берілгені үшін алынатын мемлекеттік баждың (лицензиялық алымның) төленгенін растайтын құжатты ұсынғаннан кейін беріледі.»;
      45-тармақ мынадай редакцияда жазылсын:
      «45. Әкелуге (әкетуге) рұқсаттың қолданылу мерзімі алты айды құрайды. Импортқа (экспортқа) лицензия күнтізбелік жылға ресімделеді.»;
      46-тармақ «Рұқсатты» деген сөзден кейін «Импортқа (экспортқа) лицензияны» деген сөздермен толықтырылсын;
      47-тармақтың 2) тармақшасы «рұқсатты» деген сөзден кейін «Импортқа (экспортқа) лицензияны» деген сөздермен толықтырылсын;
      48-тармақ мынадай редакцияда жазылсын:
      «48. Есірткі құралдарын, психотроптық заттар мен прекурсорларды әкелуді (әкетуді) жүзеге асыру кезінде Әкелуге (әкетуге) рұқсаттың/Импортқа (экспортқа) лицензияның бланкілері тауардың нақты топтамасының түскені немесе жөнелтілгені туралы белгі қою және әкелу (әкету) бойынша операцияны аяқтау үшін кеден органдарына ұсынылады. Есірткі құралдарының, психотроптық заттар мен прекурсорлардың айналымына байланысты қызметке арналған лицензияның түпнұсқасы, сондай-ақ Әкелуге (әкетуге) рұқсаттың данасын/Импортқа (экспортқа) лицензияның нотариалдық куәландырылған көшірмесі жүктерді ресімдеу жүргізілетін кеден органдарына ұсынылады. Қызмет түріне арналған лицензияның көшірмесі және Әкелуге (әкетуге) рұқсаттың түпнұсқасы/Импортқа (экспортқа) лицензия алушы (жіберуші) елдің уәкілетті органына жіберіледі.»;
      осы қаулыға 1, 2, 3, 4 және 5-қосымшаларға сәйкес 20, 21, 22, 23, 24-қосымшалармен толықтырылсын.
      2. Осы қаулы алғашқы ресми жарияланған күнінен бастап күнтізбелік жиырма бір күн өткен соң қолданысқа енгізіледі.

      Қазақстан Республикасының
           Премьер-Министрі                               К. Мәсімов

Қазақстан Республикасы  
Үкіметінің        
2010 жылғы 24 қарашадағы
№ 1246 қаулысына    
1-қосымша       

«Қазақстан Республикасында есірткі 
құралдары, психотроптық заттар және
прекурсорлар айналымын мемлекеттік
бақылауды жүзеге асыру ережесін 
бекіту туралы»         
Қазақстан Республикасы Үкіметінің
2000 жылғы 10 қарашадағы    
№ 1693 қаулысына         
20-қосымша            

Тауарлардың жекелеген түрлерінің экспортына лицензия беру
туралы өтініш

Тауар жекелеген түрлерінің импортына лицензия беру туралы
өтініш
 

Қазақстан Республикасы  
Үкіметінің        
2010 жылғы 24 қарашадағы 
№ 1245 қаулысына    
2-қосымша       

«Қазақстан Республикасында есірткі 
құралдары, психотроптық заттар және
прекурсорлар айналымын мемлекеттік
бақылауды жүзеге асыру ережесін 
бекіту туралы»         
Қазақстан Республикасы Үкіметінің
2000 жылғы 10 қарашадағы    
№ 1693 қаулысына         
21-қосымша            

Тауарлардың жекелеген түрлерінің экспортына немесе импортына
лицензия беру туралы өтінішке қосымша
 

Қазақстан Республикасы   
Үкіметінің         
2010 жылғы 24 қарашадағы 
№ 1246 қаулысына     
3-қосымша        

«Қазақстан Республикасында есірткі 
құралдары, психотроптық заттар және
прекурсорлар айналымын мемлекеттік
бақылауды жүзеге асыру ережесін 
бекіту туралы»         
Қазақстан Республикасы Үкіметінің
2000 жылғы 10 қарашадағы    
№ 1693 қаулысына         
22-қосымша            

Тауарлардың жекелеген түрлерінің экспортына арналған лицензия
 

Қазақстан Республикасы   
Үкіметінің         
2010 жылғы 24 қарашадағы
№ 1246 қаулысына     
4-қосымша        

«Қазақстан Республикасында есірткі 
құралдары, психотроптық заттар және
прекурсорлар айналымын мемлекеттік
бақылауды жүзеге асыру ережесін 
бекіту туралы»         
Қазақстан Республикасы Үкіметінің
2000 жылғы 10 қарашадағы    
№ 1693 қаулысына         
23-қосымша            

Тауарлардың жекелеген түрлерінің импортына арналған лицензия

Қазақстан Республикасы  
Үкіметінің        
2010 жылғы 24 қарашадағы 
№ 1246 қаулысына     
5-қосымша        

«Қазақстан Республикасында есірткі 
құралдары, психотроптық заттар және
прекурсорлар айналымын мемлекеттік
бақылауды жүзеге асыру ережесін 
бекіту туралы»         
Қазақстан Республикасы Үкіметінің
2000 жылғы 10 қарашадағы    
№ 1693 қаулысына         
24-қосымша           

Тауарлардың жекелеген түрлерінің экспортына және (немесе)
импортына арналған лицензияға қосымша