Қазақстан Республикасының Үкіметі ҚАУЛЫ ЕТЕДІ:
1. Республикалық бюджеттен қаржыландырылатын зерттеулердің және шетелдік ұйымдармен бірлескен зерттеулердің тақырыбын қарау мәселелері жөнінде комиссия (бұдан әрі - Комиссия) құрылсын.
2. Қоса беріліп отырған:
1) Комиссияның құрамы;
2) Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2009 жылғы 18 маусымдағы
N 936 қаулысымен
бекітілген
РҚАО-ның ескертпесі!
Құрамға өзгерту енгізу көзделген - ҚР Үкіметінің 2010.06.18 № 612 Қаулысымен (жариялануға жатпайды).
Республикалық бюджеттен қаржыландырылатын зерттеулердің және шетелдік ұйымдармен бірлескен зерттеулердің тақырыбын қарау мәселелері жөніндегі комиссияның құрамы
Орынбаев - Қазақстан Республикасы Премьер-Министрінің
Ербол Тұрмаханұлы орынбасары, төраға
Құсайынов - Қазақстан Республикасының Экономика және
Марат Әпсеметұлы бюджеттік жоспарлау вице-министрі, төрағаның
орынбасары
Қамбарова - Қазақстан Республикасы Экономика және
Халида Мұрдынқызы бюджеттік жоспарлау министрлігі
Макроэкономикалық талдау және болжамдау
департаментінің директоры, хатшы
Бектұров - Қазақстан Республикасының Көлік және
Азат Ғаббасұлы коммуникация вице-министрі
Біртанов - Қазақстан Республикасының Денсаулық сақтау
Елжан Амантайұлы вице-министрі
Қосынов - Қазақстан Республикасының Индустрия және
Алмас Олжабайұлы сауда вице-министрі
Мағауов - Қазақстан Республикасының Энергетика және
Әсет Маратұлы минералдық ресурстар вице-министрі
Майлыбаев - Қазақстан Республикасының Мәдениет және
Бағлан Асаубайұлы ақпарат вице-министрі
Нүсіпова - Қазақстан Республикасының Еңбек және халықты
Әсел Бекқызы әлеуметтік қорғау вице-министрі
Оразаев - Қазақстан Республикасының Ауыл шаруашылығы
Марат Әбілахатұлы вице-министрі
Шолпанқұлов - Қазақстан Республикасының Қаржы вице-министрі
Берік Шолпанқұлұлы
Жарқынбаев - Қазақстан Республикасы Табиғи монополияларды
Жасер Әзімханұлы реттеу агенттігі төрағасының орынбасары
Өскенбаев - Қазақстан Республикасының Туризм және спорт
Қайырбек Айтбайұлы вице-министрі
Қазақстан Республикасы
Үкіметінің
2009 жылғы 18 маусымдағы
N 936 қаулысымен
бекітілген
Республикалық бюджеттен қаржыландырылатын зерттеулердің және
шетелдік ұйымдармен бірлескен зерттеулердің тақырыбын қарау
мәселелері жөніндегі комиссия туралы ереже 1. Жалпы ережелер
1. Республикалық бюджеттен қаржыландырылатын зерттеулердің және шетелдік ұйымдармен бірлескен зерттеулердің тақырыбын қарау мәселелері жөніндегі комиссия (бұдан әрі - Комиссия) Қазақстан Республикасы Үкіметінің жанындағы консультативтік-кеңесші орган болып табылады.
2. Комиссия қызметінің мақсаты бюджет қаражатын тиімді пайдалану мақсатында республикалық бюджеттен қаржыландырылатын зерттеулер мен шетелдік ұйымдармен бірлесіп жүргізілетін зерттеулерді жүргізу жөнінде ұсыныстар әзірлеу болып табылады.
3. Комиссия өз қызметінде Қазақстан Республикасының Конституциясын, Қазақстан Республикасының заңдарын және Қазақстан Республикасының өзге де нормативтік құқықтық актілерін , сондай-ақ осы Ережені басшылыққа алады.
2. Комиссияның міндеттері мен функциялары
4. Комиссияның негізгі міндеттері мен функциялары:
1) елдің әлеуметтік-экономикалық даму басымдықтарына сәйкестігі мәніне республикалық бюджеттен қаржыландырылатын және шетелдік ұйымдармен бірлескен зерттеулерді жүргізу жөніндегі ұсыныстарды қарау;
2) зерттеулер тақырыптарының қайталануына жол бермеу үшін республикалық бюджеттен қаржыландырылатын зерттеулер мен шетелдік ұйымдармен бірлесіп жүргізілетін зерттеулердің тақырыптары бойынша ұсыныстар әзірлеу болып табылады.
3. Комиссияның құқықтары
5. Комиссия белгіленген тәртіппен және өз құзыретіне жататын мәселелер бойынша:
1) Қазақстан Республикасының Үкіметіне республикалық бюджеттен қаржыландырылатын және шетелдік ұйымдармен бірлесіп жүргізілетін зерттеулер жүргізу мәселелері жөніндегі заңнаманы жетілдіру жөнінде ұсыныстар енгізуге;
2) Комиссияның құзыретіне жататын мәселелерді шешу үшін мүдделі мемлекеттік органдардың мамандарын, консультанттарды тартуға;
3) Комиссияның құзыретіне жататын мәселелер бойынша мемлекеттік органдардан, ведомстволар мен ұйымдардан қажетті ақпаратты сұратуға;
4) Комиссия мүшелерінің отырыстарында Комиссияның қарауына жататын мәселелер бойынша мемлекеттік органдар мен өзге де ұйымдардың жауапты өкілдерін тыңдауға;
5) Комиссияға жүктелген міндеттерді жүзеге асыру үшін қажетті өзге де құқықтарды жүзеге асыруға құқылы.
4. Комиссияның қызметін ұйымдастыру
6. Комиссияны төраға басқарады.
Комиссия төрағасы оның қызметіне басшылық жасайды, оның отырыстарында төрағалық етеді, оның жұмысын жоспарлайды, оның шешімдерінің іске асырылуын жалпы бақылауды жүзеге асырады және оның қызметіне жауапты болады. Төраға болмаған уақытта оның функцияларын орынбасары атқарады.
7. Комиссия отырысының күн тәртібі бойынша ұсыныстарды, қажетті құжаттарды, материалдарды дайындауды және оны өткізгеннен кейін хаттаманы ресімдеуді Комиссияның хатшысы жүзеге асырады. Хатшы Комиссия мүшесі болып табылмайды.
РҚАО-ның ескертпесі!
8-тармаққа өзгерту енгізу көзделген - ҚР Үкіметінің 2010.06.18 № 612 Қаулысымен (жариялануға жатпайды).
8. Қазақстан Республикасы Экономика және бюджеттік жоспарлау министрлігі Комиссияның жұмыс органы болып табылады.
9. Отырыстардың күн тәртібін, сондай-ақ оларды өткізу орны мен уақытын Комиссия төрағасы белгілейді.
10. Комиссияның жұмыс отырыстарының материалдары төрағамен келісілгеннен кейін Комиссияның әрбір мүшесіне отырысқа дейін кемінде үш жұмыс күнінен кешіктірмей жеткізіледі.
11. Комиссияның отырыстары қажетіне қарай жарты жылда кемінде бір рет өткізіледі және егер оған Комиссия мүшелерінің жалпы санының жартысынан астамы қатысқан болса, заңды деп саналады.
12. Комиссия шешімдері ашық дауыс беру арқылы қабылданады және оған Комиссия мүшелерінің жалпы санының көпшілігі дауыс берген болса, қабылданды деп саналады. Дауыстар тең болған жағдайда, төраға дауыс берген шешім қабылданды деп саналады. Комиссия мүшелерінің ерекше пікір білдіруге құқығы бар, ол білдірілген жағдайда жазбаша түрде баяндалуы және хаттамаға қоса тіркелуі тиіс.
Комиссия шешімдері оған міндетті түрде оның барлық мүшелері қол қоятын хаттамамен ресімделеді. Комиссия қабылдайтын шешімдер ұсынымдық сипатта болады. Шешімдердің орындалуын Комиссияның жұмыс органы қамтамасыз етеді және бақылайды.
5. Комиссияның қызметін тоқтату
13. Комиссияның қызметін тоқтатуға Қазақстан Республикасы Үкіметінің шешімі негіз болып табылады.