Бюджеттік инвестициялық жобаларды қарау, іріктеу, іске асыруды мониторингілеу және бағалау ережесін бекіту туралы

      Қазақстан Республикасының 2008 жылғы 4 желтоқсандағы Бюджет кодексінің 153-бабының 8-тармағына , 154-бабының 12-тармағына , 157-бабының 10-тармағына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Бюджеттік инвестициялық жобаларды қарау, іріктеу, іске асыруды мониторингілеу және бағалау ережесі бекітілсін.
      2. Мыналардың күші жойылды деп танылсын:
      1) "Бюджеттік инвестициялық жобаларды (бағдарламаларды) қарау ережесін бекіту туралы" Қазақстан Республикасы Үкіметінің 2005 жылғы 18 наурыздағы N 245 қаулысы (Қазақстан Республикасының ПҮАЖ-ы, 2005 ж., N 12, 135-құжат);
      2) "Басым бюджеттік инвестициялық жобалардың (бағдарламалардың) тізбелерін қалыптастыру ережесін бекіту туралы" Қазақстан Республикасы Үкіметінің 2005 жылғы 18 наурыздағы N 247 қаулысы (Қазақстан Республикасының ПҮАЖ-ы, 2005 ж., N 12, 137-құжат).
      3. Осы қаулы қол қойылған күнінен бастап қолданысқа енгізіледі және ресми жариялануға тиіс.

      Қазақстан Республикасының
      Премьер-Министрі                             К. Мәсімов

Қазақстан Республикасы
Үкіметінің    
2009 жылғы 17 сәуірдегі
N 545 қаулысымен  
бекітілген    

Бюджеттік инвестициялық жобаларды қарау, іріктеу, іске асыруды
мониторингілеу және бағалау ережесі

1. Жалпы ережелер

      1. Осы Бюджеттік инвестициялық жобаларды қарау, іріктеу, іске асыруды мониторингілеу және бағалау ережесі (бұдан әрі - Ереже) Қазақстан Республикасының 2008 жылғы 4 желтоқсандағы Бюджет кодексінің 153-бабының 8-тармағына , 154-бабының 12-тармағына , 157-бабының 10-тармағына сәйкес әзірленді және мыналарды:
      бюджеттік инвестициялық, оның ішінде техникалық-экономикалық негіздеме әзірлеуді талап етпейтін жобалар бойынша инвестициялық ұсыныстарды әзірлеу, қарау және іріктеу тәртібін;
      бюджеттік инвестициялық жобаларды қарау, іріктеу тәртібін;
      техникалық-экономикалық негіздеме әзірлеуді талап етпейтін бюджеттік инвестициялық жобаларды қарау, іріктеу тәртібін;
      сметалық құнын ұлғайту болжанатын бюджеттік инвестициялық жобаларды қарау, іріктеу тәртібін;
      бюджеттік инвестициялық жобаларды іске асыруды мониторингілеу және бағалау тәртібін айқындайды.
      2. Осы Ережеде мынадай ұғымдар қолданылады:
      1) бюджеттік бағдарламалардың әкімшісі - бюджеттік бағдарламаларды жоспарлауға, негіздеуге, іске асыруға және нәтижелеріне қол жеткізуге жауапты мемлекеттік орган;
      2) инвестициялық ұсыныс - тиісті іс-шаралардың жиынтығын қоса алғанда, оның мақсатын, оған қол жеткізу жолдарын көрсететін, бюджеттік инвестициялық жобаны одан әрі дайындау мақсатында бюджеттік бағдарламалар әкімшілері әзірлейтін бюджеттік инвестициялық жобаның тұжырымдамасы;
      3) бюджеттік инвестициялық жоба - жаңа объектілерді құруға (салуға) не қолданыстағыларын қайта жаңғартуға бағытталған, белгілі бір уақыт кезеңі ішінде бюджет қаражаты есебінен іске асырылатын және аяқталған сипаты бар іс-шаралар жиынтығы;
      4) жобаның ақпараттық парағы - бюджеттік инвестициялық жоба бойынша негізгі ақпаратты қамтитын, оны іске асыру орындылығын ашып көрсететін құжат;
      5) салалық сараптама - инвестициялық ұсынысты және/немесе бюджеттік инвестициялық жобаның техникалық-экономикалық негіздемесін саланы дамыту басымдықтарына сәйкестігі, сондай-ақ бюджеттік инвестициялық жобаны іске асырудың оңтайлы нұсқасын таңдау мәніне бағалау;
      6) бюджеттік инвестициялық жобаның техникалық-экономикалық негіздемесі - маркетингтік, техникалық-технологиялық және әлеуметтік-экономикалық және экологиялық зерттеулер нәтижелерін, сондай-ақ бюджеттік инвестициялық жобаны іске асырудың орындылығы мен мүмкіндігін, ықтимал қатерлер мен оларды азайту жөніндегі іс-шараларды ескере отырып, неғұрлым тиімді ұйымдастырушылық, техникалық және экономикалық шешімдерді таңдауды дәйектейтін институционалдық шешімдерді қамтитын құжат;
      7) бюджеттік инвестициялық жобаны әзірлеуге техникалық тапсырма - бюджеттік инвестициялық жобаның техникалық-экономикалық негіздемесіне қойылатын талаптарды, оның ықтимал әзірлеушісіне қойылатын біліктілік талаптарын айқындайтын, сондай-ақ бюджеттік инвестициялық жобаның техникалық-экономикалық негіздемесін әзірлеу жөніндегі жұмыстардың мерзімдері мен көлемін регламенттейтін құжат;
      8) экономикалық бағалау - инвестициялық ұсынысты бюджеттік инвестициялық жобаның орындылығы мен іске асырылымдығын айқындау мәніне бағалау;
      9) бюджеттік инвестициялық жобаны экономикалық сараптау - бюджеттік инвестициялық жобаның техникалық-экономикалық негіздемесін бекіту шеңберінде жүргізілетін жобаны экономикалық талдауды кешенді бағалау;
      10) сметалық құн - құрылысқа арналған жобалық құжаттаманы әзірлеу кезінде сметалық нормативтерге сәйкес анықталатын объектіні (кешенді) салу құны;
      11) бюджеттік инвестициялық жобалардың мониторингі - жаңа объектілерді құру (салу), жұмыс істеп тұрғандарын қайта жаңарту және оларды кейіннен пайдалану барысы туралы ақпаратты жинау және талдау жөніндегі іс-шаралар жиынтығы;
      12) бюджеттік инвестициялық жобаларды іске асыруды бағалау - жоба мақсатына қол жеткізу дәрежесін және нақты алынған нәтижелердің жоспарланғандарға сәйкестігін айқындау жөніндегі іс-шаралар жиынтығы;
      13) инвестициялық кезең - бюджет қаражатын бөлу сәтінен бастап пайдалануға беру сәтіне дейінгі бюджеттік инвестициялық жобаны іске асыру кезеңі;
      14) инвестициялаудан кейінгі кезең - бюджеттік инвестициялық жобаны пайдалануға беру сәтінен бастап іске асыру кезеңі.

2. Бюджеттік инвестициялық жобалар бойынша инвестициялық
ұсыныстарды қарау тәртібі

1. Бюджеттік инвестициялық жобалар бойынша инвестициялық
ұсыныстарды әзірлеу, ұсыну және іріктеу тәртібі

      3. Инвестициялық ұсыныстарды әзірлеу, қарау және іріктеу үдерісі мынадай негізгі кезеңдерді қамтитын іс-шаралар кешенін білдіреді:
      1) бюджеттік бағдарламалар әкімшілерінің инвестициялық ұсыныстар беруі және оларды экономикалық бағалауды жүргізу;
      2) техникалық-экономикалық негіздемелерін (бұдан әрі - ТЭН) әзірлеу және сараптау мемлекеттік жоспарлау жөніндегі уәкілетті органның тиісті бөлінетін бюджеттік бағдарламасының қаражаты есебінен жүзеге асырылатын бюджеттік инвестициялық жобалардың (бұдан әрі - Жоба) тізбесін қалыптастыру және бекіту.
      4. Инвестициялық ұсыныстарды әзірлеуді мемлекеттік органдардың стратегиялық жоспарларын әзірлеу кезеңінде бюджеттік бағдарламалардың әкімшілері жүзеге асырады.
      5. Инвестициялық ұсыныстар мынадай құжаттарды қамтуы тиіс:
      1) Жобаның ақпараттық парағы;
      2) түсіндірме жазба;
      3) Жобаның ТЭН-ін әзірлеудің және оған сараптама жүргізудің құнын негіздейтін ақпарат;
      4) Жобаның ТЭН-ін әзірлеуге және оған сараптама жүргізуге техникалық тапсырма;
      5) инвестициялық ұсыныстың салалық сараптамасы.
      6. Жобаның ақпараттық парағы Жоба мақсаттарының Қазақстан Республикасының стратегиялық және бағдарламалық құжаттарында белгіленген экономика саласын (аясын) дамыту басымдықтарына сәйкестігі туралы, оның ішінде саладағы (аядағы) проблемаларды шешудің ықтимал жолдары туралы ақпаратты, оның негізгі көрсеткіштерін қоса алғанда, Жоба бойынша жалпы ақпаратты қамтиды.
      7. Ақпараттық парақ осы Ережеге 1-қосымшаға сәйкес нысан бойынша ұсынылады.
      8. Жобаға түсіндірме жазба мынадай мәліметтерді қамтуы тиіс:
      1) Жобамен шешілетін проблеманың сипаты мен тарихы;
      2) Жоба тұжырымдамасының қысқаша мазмұны, оның ішінде:
      Жобаны іске асыру болжанатын қазіргі саяси, әлеуметтік-экономикалық, құқықтық және басқа да жағдайлар;
      өнімге/қызметтерге қазіргі және болжамды (Жобаның тіршілік циклі кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштері;
      инженерлік-көліктік инфрақұрылымның (теміржол магистральдары, автомобиль жолдары, құбыржолдар, электр, жылу желілері, су құбырлары, газ құбырлары және басқа инфрақұрылым) болуы;
      негізгі әлеуметтік-экономикалық көрсеткіштер және Жобаның орналасқан жерін және әсер ету саласын сипаттайтын көрсеткіштер, оның ішінде Жобаны іске асыру үшін қажетті ресурстардың (шикізаттың) болуы және олардың құны;
      3) Жобаны таңдау негіздемесімен бірге проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқалар;
      4) Жоба іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқалары;
      5) Жобаны басқарудың институционалдық схемасының сипаты (негізгі қатысушылар, олардың өзара іс-қимылының схемасы, пайда мен шығындарды бөлу, теңгерім ұстаушылар, инвестициялық және инвестициялаудан кейінгі кезеңдерде Жобаны басқару схемасы);
      6) Жоба бойынша болжамды қатерлер және оларды азайту жөніндегі іс-шаралар.
      9. Жобаның ТЭН-ін әзірлеу және оған сараптама жүргізу құнын негіздеу үшін мыналар ұсынылады:
      1) құрамдауыштар және оларды әзірлеу мерзімдері бөлінісінде Жобаның ТЭН-ін әзірлеу және оған сараптама жүргізу құнының есептеме-негіздемесі;
      2) Жобаның ТЭН-ін ықтимал әзірлеушілер туралы ақпарат;
      3) құнын және тиісті сараптаманы жүргізетін ұйымды көрсете отырып, қажетті сараптамалардың тізбесі.
      10. Жобаның ТЭН-ін әзірлеуге техникалық тапсырма мемлекеттік жоспарлау жөніндегі орталық уәкілетті орган белгілейтін Жобаның ТЭН-ін әзірлеуге және сараптауға қойылатын талаптар негізінде жасалады.
      Сондай-ақ техникалық тапсырма жобасында мыналар көрсетіледі:
      Жобаның ТЭН-ін ықтимал әзірлеушіге қойылатын біліктілік талаптары;
      қолдану саласы және әзірлеушінің міндеттерін шектеу;
      Жобаның ТЭН-ін әзірлеудің және оған сараптама жүргізудің болжамды мерзімдері;
      Жобаның ең жоғары құны.
      Жобаның ТЭН-і бойынша Жобаның құны техникалық тапсырмада көрсетілген Жоба құнынан аспауы тиіс.
      Жобаның ТЭН-ін жобалауға арналған мемлекеттік сатып алу мемлекеттік жоспарлау жөніндегі уәкілетті органмен келісілген техникалық тапсырма негізінде жүргізіледі.
      Республикалық жобалар, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланып отырған жергілікті жобалар бойынша техникалық тапсырма салалық орталық мемлекеттік органмен және мемлекеттік жоспарлау жөніндегі уәкілетті органмен келісіледі.
      Салалық орталық мемлекеттік органның және мемлекеттік жоспарлау жөніндегі уәкілетті органның келісімінсіз бюджеттік бағдарламалар әкімшісінің техникалық тапсырмаға өзгерістер енгізуіне жол берілмейді.
      11. Инвестициялық ұсыныстың салалық сараптамасының қорытындысы мыналарды қамтуы тиіс:
      1) оның одан әрі дамуына әсер ететін саланың ағымдағы жай-күйінің проблемаларын бағалау;
      2) Жобаны іске асыру болжанатын қазіргі саяси, әлеуметтік-экономикалық, құқықтық және басқа да жағдайларды бағалау;
      3) өнімге/қызметке қазіргі және болжамды (Жобаның тіршілік циклі кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштерін бағалау;
      4) инженерлік-көліктік инфрақұрылымның (теміржол магистральдары, автомобиль жолдары, құбыржолдар, электр, жылу желілері, су құбырлары, газ құбырлары және басқа инфрақұрылым) болуын бағалау;
      5) негізгі әлеуметтік-экономикалық көрсеткіштер мен Жобаның орналасқан жерін және әсер ету саласын сипаттайтын көрсеткіштерді бағалауды, оның ішінде Жобаны іске асыру үшін қажетті ресурстардың (шикізаттың) болуын және олардың құнын бағалау;
      6) Жобаны таңдаудың негіздемесімен бірге проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқаларды бағалау;
      7) Жоба іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқаларын бағалауды;
      8) Жобаны басқарудың институционалдық схемасын бағалау (негізгі қатысушылар, олардың өзара іс-қимылының схемасы, пайда мен шығындарды бөлу, теңгерім ұстаушылар, инвестициялық және инвестициялаудан кейінгі кезеңдерде Жобаны басқару схемасы);
      9) Жоба бойынша болжамды қатерлерді және оларды азайту жөніндегі іс-шараларды бағалау;
      10) Жоба бойынша есептемелердің негізділігін бағалау.
      12. Егер Жобаны республикалық бюджеттің, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланатын жергілікті бюджеттердің қаражаты есебінен іске асыру ұсынылған жағдайда, инвестициялық ұсыныстың салалық сараптамасын салалық орталық мемлекеттік орган жүргізеді.
      13. Егер Жобаны жергілікті бюджет қаражаты есебінен іске асыру ұсынылған жағдайда, инвестициялық ұсыныстың салалық сараптамасын жергілікті бюджеттен қаржыландырылатын салалық жергілікті атқарушы орган жүргізеді.
      14. Инвестициялық ұсыныстың салалық сараптамасына тиісті саланың мемлекеттік органының бірінші басшысы не оны алмастыратын тұлға қол қояды.
      15. Бюджеттік бағдарламалардың әкімшісі мәлімдеген жобалар бойынша инвестициялық ұсыныстар бойынша осы Ережеге 2-қосымшаға сәйкес бірыңғай тізбе жасайды.
      Жобаның ерекшелігіне байланысты тізбе басқа көрсеткіштермен толықтырылуы мүмкін.
      Келтірілген көрсеткіштерді салыстырмалы талдау негізінде жобалардың басымдығы айқындалады.
      Жобалардың басымдығы тізбеде мәлімделген жобаларға қатысты Жобаның маңыздылық дәрежесі мен салаға әсерін көрсететін сандық мәнде айқындалады.
      16. Бюджеттік бағдарламалардың әкімшілері Жобалар бойынша ұсынылатын инвестициялық ұсыныстардың негізділігі үшін жауапты болады.
      17. Жобалардың ТЭН-ін әзірлеу және оларға сараптама жүргізу жоспарланатын жылдың 15 ақпанына дейінгі мерзімде бюджеттік бағдарламалардың әкімшілері осы Ереженің 5 және 15-тармақтарында көрсетілген құжаттар қоса берілген инвестициялық ұсыныстар тізбесін қалыптастырады және мемлекеттік жоспарлау жөніндегі уәкілетті органға ұсынады.
      18. Мемлекеттік жоспарлау жөніндегі уәкілетті орган бюджеттік бағдарламалар әкімшілерінің инвестициялық ұсыныстарын инвестициялық ұсыныстарды қараудың және іріктеудің тиісті әдістемелері бойынша, оның ішінде шығындар мен пайданы талдау негізінде (бұл әдістемені қолдану мүмкін болғанда) қарайды және мынадай өлшемдерді ескере отырып, әрбір инвестициялық ұсынысты экономикалық бағалаумен бірге қорытынды дайындайды:
      1) қажетті құжаттаманың болуы;
      2) бюджеттік инвестициялардың басымдықтарына сәйкестігі;
      3) Жобаны басқарудың институционалдық схемасының пысықталуы (іске асыру барысында да, инвестициялаудан кейінгі кезеңде де барлық жобаға қатысушылар туралы ақпарат, олардың өзара іс-қимылы);
      4) тікелей нәтиженің (белгілі бір көлемде өнім шығару, қызметтер көрсету) және соңғы нәтиженің (оларды алушылар үшін өндірілген өнімнің, көрсетілген қызметтердің әсері) өлшенетін (сандық) көрсеткіштердің болуы;
      5) қатерлерді бағалау тұрғысынан Жобаны іске асыру мүмкіндігін;
      6) Жобаның ТЭН-ін әзірлеу және оған сараптама жүргізу құны
есептемелерінің негізділігі;
      7) осы Ереженің 15-тармағына сәйкес айқындалған Жобаны(-ларды) іске асыру басымдығы.
      19. Инвестициялық ұсыныстарды қарау және іріктеу әдістемесін мемлекеттік жоспарлау жөніндегі орталық уәкілетті орган айқындайды.
      20. Олардың болуы инвестициялық ұсынысты экономикалық бағалауды жүргізу үшін қажет құжаттар болмаған жағдайда инвестициялық ұсыныс түскен күннен бастап он жұмыс күні ішінде мемлекеттік жоспарлау жөніндегі уәкілетті орган оларды тиісті бюджеттік бағдарламалар әкімшісіне қайтарады.
      21. Мемлекеттік жоспарлау жөніндегі уәкілетті орган тиісті жылдың 15 сәуірінен кешіктірмей инвестициялық ұсыныстар бойынша қорытындыны тиісті бюджет комиссияларының қарауына енгізеді.
      22. Тиісті бюджет комиссиясының қарауына шығарылатын инвестициялық ұсыныстар бойынша қорытынды мынадай негізгі мәліметтерді қамтуы тиіс:
      1) Жобаның(-лардың) атауы;
      2) бюджеттік бағдарламалардың әкімшісі мәлімдеген Жобаның(-лардың) ең жоғары құны;
      3) бюджеттік бағдарламалар әкімшісінің қаржыландыруына ұсынылатын Жобаның(-лардың) ТЭН-ін әзірлеу және оған сараптама жүргізу құны;
      4) мемлекеттік жоспарлау жөніндегі уәкілетті органның қаржыландыруына ұсынылатын Жобаның(-лардың) ТЭН-ін әзірлеу және оған сараптама жүргізу құны;
      5) Жобаның(-лардың) Қазақстан Республикасының стратегиялық және бағдарламалық құжаттарына сәйкестігі;
      6) Жобаның(-лардың) ТЭН-ін әзірлеуге және оған сараптама жүргізуге техникалық тапсырманы бағалау;
      7) нәтиже көрсеткіштерін бағалау.
      23. Тиісті бюджет комиссиялары іріктеп алған, инвестициялық ұсыныстарда қамтылған жобалар бойынша мемлекеттік жоспарлау жөніндегі уәкілетті орган ТЭН-ін әзірлеу және оған сараптама жүргізу мемлекеттік жоспарлау жөніндегі уәкілетті органның тиісті бөлінетін бюджеттік бағдарламасының есебінен жүзеге асырылатын жобалардың тізбесін қалыптастырады.

2. Техникалық-экономикалық негіздеме әзірлеуді талап етпейтін
бюджеттік инвестициялық жобалар бойынша инвестициялық
ұсыныстарды әзірлеу, ұсыну және іріктеу тәртібі

      24. ТЭН әзірлеуді талап етпейтін жобалар бойынша инвестициялық ұсыныстарды әзірлеуді мемлекеттік органдардың стратегиялық жоспарларын әзірлеу кезеңінде бюджеттік бағдарламалардың әкімшілері жүзеге асырады.
      25. ТЭН әзірлеуді талап етпейтін әрбір Жоба бойынша инвестициялық ұсыныс мынадай құжаттардан тұрады:
      1) Жобаның ақпараттық парағы;
      2) түсіндірме жазба;
      3) Жобаның ТЭН-ін әзірлеуді талап етпейтін жобалар бойынша жобалау-сметалық құжаттаманы (бұдан әрі - ЖСҚ) әзірлеу (байланыстыру) және оған сараптама жүргізу бойынша есептемелер мен негіздемелер;
      4) жобалауға тапсырма;
      5) инвестициялық ұсыныстың салалық сараптамасы.
      26. Ақпараттық парақ жоба мақсаттарының Қазақстан Республикасының стратегиялық және бағдарламалық құжаттарында белгіленген экономика саласын (аясын) дамыту басымдықтарына сәйкестігі туралы, оның ішінде саладағы (аядағы) проблемаларды шешудің ықтимал жолдары туралы ақпаратты, оның негізгі қаржылық өлшемдерін қоса алғанда, Жоба бойынша жалпы ақпаратты қамтиды.
      27. Ақпараттық парақ осы Ережеге 1-қосымшаға сәйкес нысан бойынша ұсынылады.
      28. Жобаға түсіндірме жазба мынадай мәліметтерді қамтуы тиіс:
      1) Жобамен шешілетін проблеманың сипаты және тарихы;
      2) Жоба тұжырымдамасының қысқаша мазмұны, оның ішінде:
      Жобаны іске асыру болжанатын қазіргі саяси, әлеуметтік-экономикалық, құқықтық және басқа да жағдайлар;
      өнімге/қызметтерге қазіргі және болжамды (Жобаның тіршілік циклі кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштері;
      жобаның қуаты;
      жобаның өткізу қабілеті (уақыт бірлігінде көрсетілуі мүмкін қызметтердің ең жоғары көлемі);
      инженерлік-көліктік инфрақұрылымның (теміржол магистральдары, автомобиль жолдары, құбыржолдар, электр, жылу желілері, су құбырлары, газ құбырлары және басқа инфрақұрылым) болуы;
      негізгі әлеуметтік-экономикалық көрсеткіштер және Жобаның орналасқан жері мен әсер ету саласын сипаттайтын көрсеткіштер, оның ішінде Жобаны іске асыру үшін қажетті ресурстардың (шикізаттың) болуы және олардың құны;
      3) Жобаны таңдаудың негіздемесімен бірге проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқалар;
      4) Жоба іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқалары;
      5) Жобаны басқарудың институционалдық схемасының сипаты (негізгі қатысушылар, олардың өзара іс-қимылының схемасы, пайда мен шығындарды бөлу, теңгерім ұстаушылар, инвестициялық және инвестициялаудан кейінгі кезеңдерде Жобаны басқару схемасы);
      6) жоба бойынша болжамды қатерлер және оларды азайту жөніндегі іс-шаралар.
      29. Жобаның ТЭН-ін әзірлеуді талап етпейтін жобалар бойынша ЖСҚ байланыстыру (әзірлеу) бойынша негіздеуші есептемелер тиісті негіздеуші құжаттама қоса берілген есептемелерді қамтуға тиіс.
      30. ТЭН әзірлеуді талап етпейтін жобалар бойынша инвестициялық ұсыныстың салалық сараптамасының қорытындысы мыналарды қамтуы тиіс:
      1) оның одан әрі дамуына әсер ететін саланың ағымдағы жай-күйінің проблемаларын бағалау;
      2) Жобаны іске асыру көзделетін қазіргі саяси, әлеуметтік-экономикалық, құқықтық және басқа да жағдайларды бағалау;
      3) өнімге/қызметтерге қазіргі және болжамды (Жобаның тіршілік циклі кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштерін бағалау;
      4) инженерлік-көліктік инфрақұрылымның (теміржол магистральдары, автомобиль жолдары, құбыржолдар, электр, жылу желілері, су құбырлары, газ құбырлары және басқа инфрақұрылым) болуын бағалау;
      5) негізгі әлеуметтік-экономикалық көрсеткіштерді және Жобаның орналасқан жері мен әсер ету саласын сипаттайтын көрсеткіштерді бағалау, оның ішінде Жобаны іске асыру үшін қажетті ресурстардың (шикізаттың) болуы және олардың құнын бағалау;
      6) Жобаны таңдаудың негіздемесімен бірге проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқаларды бағалау;
      7) Жоба іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқаларын бағалау;
      8) Жобаны басқарудың институционалдық схемасын бағалау (негізгі қатысушылар, олардың өзара іс-қимылының схемасы, пайда мен шығындарды бөлу, теңгерім ұстаушылар, инвестициялық және инвестициялаудан кейінгі кезеңдерде Жобаны басқару схемасы);
      9) жоба бойынша болжамды қатерлерді және оларды азайту жөніндегі іс-шараларды бағалау;
      10) Жоба бойынша есептемелердің негізделуін бағалау.
      31. Егер Жобаны республикалық жобалардың, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланып отырған жергілікті жобалардың қаражаты есебінен іске асыру ұсынылған жағдайда, инвестициялық ұсыныстың салалық сараптамасын салалық орталық мемлекеттік орган жүргізеді.
      32. Егер Жобаны жергілікті бюджет қаражатының есебінен іске асыру ұсынылған жағдайда, инвестициялық ұсыныстың салалық сараптамасын жергілікті бюджеттен қаржыландырылатын салалық атқарушы орган жүргізеді.
      33. Инвестициялық ұсыныстың салалық сараптамасына тиісті саланың мемлекеттік органының бірінші басшысы не оны алмастыратын тұлға қол қояды.
      34. Бюджеттік бағдарламалар әкімшісі мәлімдеген ТЭН әзірлеуді талап етпейтін жобалар бойынша инвестициялық ұсыныстар бойынша осы Ережеге 2-қосымшаға сәйкес бірыңғай тізбе қалыптастырылады.
      Жобаның ерекшелігіне байланысты тізбе басқа көрсеткіштермен толықтырылуы мүмкін.
      Келтірілген көрсеткіштерді салыстырмалы талдау негізінде жобалардың басымдығы айқындалады.
      Жобалардың басымдығы тізбеде мәлімделетін жобаларға қатысты Жобаның маңыздылығы дәрежесі мен салаға әсерін көрсететін сандық мәнде айқындалады.
      35. Бюджеттік бағдарламалардың әкімшілері жобалар бойынша ұсынылатын инвестициялық ұсыныстардың негізділігіне жауапты болады.
      36. Бюджеттік бағдарламалардың әкімшілері ЖСҚ байланыстыру (әзірлеу) және сараптама жүргізу жоспарланатын жылдың 15 ақпанына дейінгі мерзімде осы Ереженің 25 және 34-тармақтарында көрсетілген құжаттармен бірге ТЭН әзірлеуді талап етпейтін жобалар бойынша инвестициялық ұсыныстардың тізбесін қалыптастырады және мемлекеттік жоспарлау жөніндегі уәкілетті органға ұсынады.
      37. Мемлекеттік жоспарлау жөніндегі уәкілетті орган инвестициялық ұсыныстарды қарау мен іріктеудің тиісті әдістемелері бойынша, оның ішінде шығындар мен пайданы талдау негізінде (бұл әдістемені қолдану мүмкін болған жағдайда) бюджеттік бағдарламалар әкімшілерінің инвестициялық ұсыныстарын қарайды және мынадай өлшемдерді ескере отырып, әрбір инвестициялық ұсынысты экономикалық бағалаумен бірге қорытынды дайындайды:
      1) қажетті құжаттаманың болуы;
      2) бюджеттік инвестициялардың басымдықтарына сәйкестігі;
      3) Жобаны басқарудың институционалдық схемасының пысықталуы (іске асыру барысында да, инвестициялаудан кейінгі кезеңде де барлық жобаға қатысушылар, олардың өзара іс-қимылы туралы ақпарат);
      4) тікелей нәтиженің (белгілі бір көлемде өнім шығару, қызметтер көрсету) және түпкілікті нәтиженің (оларды алушылар үшін өндірілген өнімнің, көрсетілген қызметтердің әсері) өлшенетін (сандық) көрсеткіштердің болуы;
      5) қатерлерді бағалау тұрғысынан Жобаны іске асыру мүмкіндігі;
      6) осы Ереженің 34-тармағына сәйкес айқындалған Жобаны(-ларды) іске асыру басымдығы.
      38. ТЭН әзірлеуді талап етпейтін жобалар бойынша инвестициялық ұсыныстарды қарау және іріктеу әдістемесін, сондай-ақ олар бойынша қорытындыға қойылатын талаптарды мемлекеттік жоспарлау жөніндегі орталық уәкілетті орган айқындайды.
      39. ТЭН әзірлеуді талап етпейтін жобалар бойынша инвестициялық ұсынысқа экономикалық бағалау жүргізу үшін қажетті құжаттар болмаған жағдайда, мемлекеттік жоспарлау жөніндегі уәкілетті орган инвестициялық ұсыныс түскен күннен бастап он жұмыс күні ішінде оларды тиісті бюджеттік бағдарламалар әкімшісіне қайтарады.
      40. Мемлекеттік жоспарлау жөніндегі уәкілетті органның ТЭН әзірлеуді талап етпейтін жобалар бойынша инвестициялық ұсыныстар бойынша қорытындысы тиісті бюджетті қалыптастыру кезінде бюджеттік өтінімдердің қатарында тиісті бюджет комиссияларының қарауына енгізіледі.

3. Бюджеттік инвестициялық жобаларды қарау тәртібі

1. Бюджеттік инвестициялық жобаларды қарау және іріктеу тәртібі

      41. Жобаларды қарау және іріктеу мемлекеттік жоспарлау жөніндегі орталық уәкілетті орган белгілеген талаптарға сәйкес әзірленген ТЭН негізінде жүргізіледі.
      42. Жобалардың ТЭН-і әзірленгеннен және оларға Қазақстан Республикасының заңнамасына сәйкес талап етілетін сараптамалар жүргізілгеннен кейін бюджеттік бағдарламалардың әкімшілері оларды экономикалық сараптама жүргізу үшін Жоба ТЭН-інің электронды нұсқасын ұсына отырып, мемлекеттік жоспарлау жөніндегі уәкілетті органға жібереді.
      43. Жобаға экономикалық сараптама жүргізу үшін қажетті құжаттар болмаған не олар белгіленген талаптарға сәйкес келмеген жағдайда мемлекеттік жоспарлау жөніндегі уәкілетті орган олар түскен сәттен бастап бес жұмыс күні ішінде ТЭН-ді және Жобаның сараптамасын тиісті бюджеттік бағдарламалар әкімшісіне қайтарады.
      44. Мемлекеттік жоспарлау жөніндегі уәкілетті орган Жобаның экономикалық сараптамасын жүргізу үшін ТЭН-ді және Жобаның сараптамасын Қазақстан Республикасының Үкіметі айқындайтын заңды тұлғаға (бұдан әрі - уәкілетті ұйым) жібереді.
      45. Республикалық жобалардың, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланатын жергілікті жобалардың экономикалық сараптамасын уәкілетті ұйым жүзеге асырады.
      46. Жергілікті бюджеттік инвестициялық жобалардың экономикалық сараптамасын жергілікті атқарушы органдар айқындайтын заңды тұлғалар жүзеге асырады.
      47. Жоба ТЭН-ін әзірлеуге және оның сараптамасына қойылатын талаптарды мемлекеттік жоспарлау жөніндегі орталық уәкілетті орган айқындайды .
      48. Жобаның экономикалық сараптамасы Жобаны экономикалық талдауды кешенді бағалаудың міндетті нысаны болып табылады және осы Ереженің 49 және 50-тармақтарында көрсетілген құжаттардың толық пакеті мемлекеттік жоспарлау жөніндегі уәкілетті органға келіп түскеннен кейін қырық бес жұмыс күні ішінде жүргізіледі.
      49. Жоба ТЭН-інің экономикалық сараптамасы ұсынылған Жоба ТЭН-інің және жобаның ерекшелігіне байланысты талап етілетін сараптамалардың тиісті оң қорытындылары негізінде жүргізіледі, атап айтқанда:
      1) жобалардың мемлекеттік сараптамасын жүзеге асыруға Қазақстан Республикасының Үкіметі уәкілеттік берген заңды тұлғаның мемлекеттік сараптамасы;
      2) салалық орган сараптамасы;
      3) қоршаған ортаны қорғау саласындағы уәкілетті органның экологиялық сараптамасы;
      4) мемлекеттік ғылыми-техникалық сараптама;
      5) санитарлық-эпидемиологиялық қадағалау саласындағы уәкілетті орган сараптамасы.
      50. Құрылыс қызметін болжайтын жобалар бойынша мемлекеттік ведомстволықтан тыс құрылыс сараптамасының, экологиялық, санитарлық-эпидемиологиялық сараптаманың қорытындысы, жер учаскесін таңдау актісі, техникалық шарттар талап етіледі.
      Ақпараттандыру саласындағы жобалар бойынша ақпараттандыру саласындағы уәкілетті органның қорытындысы талап етіледі.
      Инновациялық және/немесе ғарыштық қызметті болжайтын жобалар бойынша мемлекеттік ғылыми-техникалық сараптаманың қорытындысы талап етіледі.
      Жобаның ерекшелігіне байланысты Қазақстан Республикасының заңнамасына сәйкес басқа да қажетті сараптамалар талап етілуі мүмкін.
      51. Жобалардың салалық сараптамасын салалық уәкілетті орган жүргізеді және мыналарды көздейді:
      1) Жоба ТЭН-інің Жоба ТЭН-ін әзірлеуге арналған техникалық
тапсырмаға сәйкестігін бағалау;
      2) саланың одан әрі дамуына әсер ететін оның ағымдағы жай-күйінің проблемаларын бағалау;
      3) Жобаны іске асыру көзделетін қазіргі саяси, әлеуметтік-экономикалық, құқықтық және басқа жағдайларды бағалау;
      4) өнімге/қызметтерге қазіргі және болжамды (Жобаның тіршілік циклі кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштерін бағалау;
      5) Жобаны іске асырудан болатын пайда мен шығындарды бөлуді
бағалау;
      6) технологиялық, техникалық және бағалық шешімдерді бағалау;
      7) Жобаны таңдаудың негіздемесімен бірге проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқаларды бағалау;
      8) Жоба іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқаларын бағалау.
      52. Егер республикалық Жобаны, сондай-ақ жергілікті Жобаны республикалық бюджеттен берілетін нысаналы даму трансферттері мен кредиттер есебінен қаржыландыру жоспарланған жағдайда, салалық сараптаманы тиісті саланың орталық уәкілетті органы жүргізеді.
      Егер Жобаны жергілікті бюджет қаражаты есебінен іске асыру ұсынылған жағдайда, инвестициялық ұсыныстың салалық сараптамасын жергілікті бюджеттен қаржыландырылатын салалық атқарушы орган жүргізеді.
      Салалық сараптамаға мемлекеттік органның бірінші басшысы қол қояды.
      53. Басқа мемлекеттердің аумағында іске асыру жоспарланып отырған, сондай-ақ құрылыс қызметі көзделмейтін Жобаның экономикалық сараптамасы Жобаның ТЭН-і және оған салалық орган сараптамасының қорытындысы негізінде жүргізіледі.
      54. Қажет болған жағдайда Жобаның экономикалық сараптамасын жүзеге асыруға белгіленген уәкілетті ұйым ұсынылған құжаттамада қамтылмаған немесе толық қамтылмаған мәселелерді қарау үшін қосымша ақпаратты сұрайды.
      55. Қажет болған жағдайда Жобаның экономикалық сараптамасын жүзеге асыруға белгіленген уәкілетті ұйым жүргізілген сараптамада қамтылмаған немесе толық қамтылмаған мәселелер бойынша қосымша сараптаманы, сондай-ақ тәуелсіз сараптаманы талап ете алады.
      56. Экономикалық сараптаманы жүзеге асыруға белгіленген уәкілетті ұйым Жобаның экономикалық сараптамасының қорытындысын мемлекеттік жоспарлау жөніндегі тиісті уәкілетті органға жібереді.
      57. Экономикалық сараптаманың оң қорытындысын алған Жобаның ТЭН-ін бюджеттік бағдарламалардың әкімшісі бекітуі тиіс.
      58. Жобаның бекітілген ТЭН-інің, Жобаның ТЭН-і бойынша экономикалық сараптаманың оң қорытындысының және тиісті бюджет комиссияның оң шешімінің негізінде Жоба тиісті бюджет жобасына қосылады.

2. Техникалық-экономикалық негіздеме әзірлеуді талап етпейтін
бюджеттік инвестициялық жобаларды қарау және іріктеу тәртібі

      59. ТЭН әзірлеуді талап етпейтін жобалар бюджеттік бағдарламалар әкімшісінің бюджеттік өтінімінің құрамында тиісті бюджет комиссиясының қарауына енгізіледі.
      60. Тиісті бюджет комиссиясы мақұлдаған ТЭН әзірлеуді талап етпейтін жобалар тиісті бюджет жобасына қосылады.
      61. Тиісті қаржы жылының бюджетіне қосылған, ТЭН әзірлеуді талап етпейтін жобалар бойынша бюджеттік бағдарламалардың әкімшісі Қазақстан Республикасының сәулет, қала құрылысы және құрылыс қызметі туралы заңнамасында белгіленген талаптарға сәйкес ЖСҚ әзірлеуді қамтамасыз етеді.
      62. Бірыңғай техникалық параметрлері бар жобалар бойынша үлгі жобаны әзірлеу жүзеге асырылады.
      63. Жобаларды іске асыру кезінде үлгі жобаларды қолдану нақты құрылыс алаңына байланыстыру арқылы жүзеге асырылады.

3. Сметалық құнын ұлғайту болжанатын жобаларды қарау және
іріктеу тәртібі

      64. Сметалық құнын ұлғайту болжанатын республикалық жобаларды, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланған жергілікті жобаларды қарауды мемлекеттік жоспарлау жөніндегі орталық уәкілетті орган жүзеге асырады.
      65. Сметалық құнын ұлғайту болжанатын, жергілікті бюджеттерден қаржыландырылатын жобаларды қарауды мемлекеттік жоспарлау жөніндегі жергілікті уәкілетті органдар жүзеге асырады.
      66. Сметалық құнын ұлғайту болжанатын жобаларды бюджеттік бағдарламалардың әкімшісі жоспарланатын жылдың алдындағы жылдың 1 наурызынан кешіктірмей мемлекеттік жоспарлау жөніндегі уәкілетті органға ұсынады.
      67. Сметалық құнын ұлғайту болжанатын әрбір Жоба бойынша бюджеттік бағдарламалардың әкімшісі мынадай құжаттарды ұсынады:
      1) болжанатын қымбаттау сомасы көрсетілген, мемлекеттік орган - бюджеттік бағдарламалар әкімшісінің бірінші басшысы қол қойған өтінім-хат;
      2) бастапқы құн бойынша ЖСҚ-ның мемлекеттік ведомстводан тыс құрылыс сараптамасының қорытындысы.
      Егер Жоба шет мемлекеттердің аумағында іске асырылған жағдайда, Жобаның бастапқы және түзетілген құнын растайтын, аумағында осы жоба іске асырылып жатқан мемлекеттің құрылыс саласындағы заңнамасында белгіленген тәртіппен бекітілген тиісті құжаттар ұсынылады;
      3) егер Жобаның сметалық құны ағымдағы бағалар бойынша 500 (бес жүз) мың айлық есептік көрсеткіштен асса, сәулет, қала құрылысы және құрылыс істері жөніндегі уәкілетті мемлекеттік органның бастапқы және түзетілген құнға бұйрығы;
      егер Жобаның сметалық құны ағымдағы бағалар бойынша 500 (бес жүз) мың айлық есептік көрсеткіштен аспаса, бюджеттік бағдарламалар әкімшісінің бастапқы және түзетілген құнға бұйрығы;
      4) мемлекеттік орган - бюджеттік бағдарламалар әкімшісінің бірінші басшысы қол қойған, мынадай ақпаратты қамтитын түсіндірме жазба:
      ЖСҚ әзірлеу басталғаннан бастап жобаны бюджеттен әрбір жыл сайын қаржыландыру. Игерілмеген жағдайларда оның себептері көрсетіле отырып, бұл ақпарат әрбір жыл үшін жоспармен және фактімен сүйемелденуі тиіс;
      қымбаттауға әкелетін себептерді егжей-тегжейлі көрсету (мердігерлердің бюджеттік бағдарламалардың әкімшілеріне шартта көрсетілген құнды (сметаны) өсіру қажеттілігі туралы хаттарының көшірмелерін қоса бере отырып ескерткендігін растайтын);
      оның кінәсінен қымбаттау болған ұйым не жеке тұлға, сондай-ақ осы ұйымға не жеке тұлғаға қатысты қабылданған шаралар;
      бюджеттік инвестициялық жобаны іске асыруды аяқтау үшін бөлінуі қажет қосымша сома;
      ЖСҚ әзірлеуден бастап жобаны іске асыру шеңберінде жасалған келісім-шарттар туралы ақпарат, сондай-ақ мемлекеттік сатып алуды жүргізу нәтижесінде үнемделген сомалар;
      5) осы Ережеге 3-қосымшаға сәйкес нысан бойынша мөрмен расталған, бірінші басшы қол қойған салыстырма кесте;
      6) бірінші басшы қол қойған, мөрмен расталған сметалық құнның ұлғаю негіздемесін растайтын тиісті саланың уәкілетті органының салалық қорытындысы;
      7) бюджет қаражатының нысаналы пайдаланылуы мәніне, сондай-ақ бұзушылықтардың болмауы туралы мемлекеттік қаржылық бақылау органының актісі. Мемлекеттік қаржылық бақылау органының актісі ЖСҚ әзірлеуден бастап Жобаны іске асыру шеңберінде бөлінген барлық бюджет қаражатын қамтуы тиіс.
      Мемлекеттік қаржылық бақылау органының актісіне қойылған күн құжаттарды ұсынған күннен бастап 12 айдан кеш болмауы тиіс;
      8) ЖСҚ түзетуге жобалау ұйымы үшін жобалауға арналған тапсырма;
      9) құжаттарды ұсынған күнге дейін бір айдан бұрын емес түсірілген, объектінің нақты жай-күйі туралы толық ұғым беретін фото, бейне түсірілімдердің материалдары.
      68. Құжаттаманың толық пакеті ұсынылмаған не қымбаттаудың пайда болуының дәл және негізді себептері берілмеген, сондай-ақ кінәлі тұлғалар немесе ұйымдар және оларға қолданылған шаралар көрсетілмеген жобалар сметалық құнының қымбаттауы мәніне қаралмайды.
      69. Мемлекеттік жоспарлау жөніндегі уәкілетті орган осы Ереженің 67-тармағында көрсетілген құжаттардың толық пакеті ұсынылған сәттен бастап оларды отыз жұмыс күні ішінде қарайды және олар бойынша қорытындыны тиісті бюджет комиссиясының қарауына енгізеді.
      70. Мемлекеттік жоспарлау жөніндегі уәкілетті органның қалауы бойынша жобаның қымбаттауы себептерін қарау үшін басқа мүдделі мемлекеттік органдардың өкілдерінен тұратын жеке жұмыс тобы құрылуы мүмкін.
      71. Тиісті бюджет комиссиялары іріктеп алған сметалық құнын ұлғайту болжанатын, жобалар бойынша тізбе қалыптастырылады және бюджет заңнамасында белгіленген тәртіппен тиісті бюджетке қосылады.
      72. Бекітілген ТЭН-де көзделмеген және бюджеттің қосымша шығыстарына әкеп соғатын қосымша құрамдауыштарды бюджет комиссияның ұсыныстарын ескермей, Жобаның ЖСҚ-ына қосуға жол берілмейді.
      73. Егер Жоба, республикалық бюджеттен берілетін нысаналы трансферттердің есебінен қаржыландырылатын жағдайда, бекітілген ТЭН-де көзделмеген және бюджеттің қосымша шығыстарына әкеп соғатын қосымша құрамдауыштар Жоба ЖСҚ-ына республикалық бюджет комиссиясының ұсыныстарын ескере отырып қосылады.
      74. Жобалардың ЖСҚ-н техникалық шешімдердің өзгеруіне байланысты және бюджеттің қосымша шығыстарына әкеп соғатын түзету тиісті бюджет комиссияларының ұсынысы ескеріле отырып жүзеге асырылады.
      75. Жобалардың құнын бюджет комиссиясының қарауынсыз және ұсынысынсыз арттыруға жол берілмейді.
      76. Республикалық немесе жергілікті бюджетке енгізілмеген жобалар бойынша ЖСҚ әзірлеуге жол берілмейді.
      77. Жобаның ЖСҚ-ын бюджет комиссиясының ұсынысынсыз, техникалық шешімдердің өзгеруіне байланысты, бюджеттің қосымша шығыстарына әкеп соғатын түзетуге жол берілмейді.

4. Бюджеттік инвестициялық жобаларды іске асыруды
мониторингілеу және бағалау тәртібі

1. Жоспарлау кезеңінде бюджеттік инвестициялық жобаларды
мониторингілеу тәртібі

      78. Барлық іріктелген және іске асырылып жатқан инвестициялық ұсыныстар бойынша мемлекеттік жоспарлау жөніндегі уәкілетті мемлекеттік орган мынадай ақпаратты көрсете отырып, осы Ережеге 4-қосымшаға сәйкес тиісті тізбе қалыптастырады және жүргізеді:
      Жобаның атауы;
      инвестициялық ұсынысты енгізген бюджеттік бағдарламалар әкімшісінің (Жоба бастамашысының) атауы;
      Жобаның ТЭН-ін әзірлеуге және оған сараптама жүргізуге немесе ТЭН әзірлеуді талап етпейтін Жобаның ЖСҚ-ын байланыстыруға (әзірлеуге) және оған сараптама жүргізуге қажетті (бөлінген) ақша қаражатының мөлшері;
      Жобаның ТЭН-ін әзірлеу және оған сараптама жүргізу кезінде немесе ТЭН әзірлеуді талап етпейтін жобалардың ЖСҚ-ын байланыстыруға (әзірлеуге) және оған сараптама жүргізуге игерілген ақша қаражатының мөлшері;
      Жобаның ТЭН-ін немесе ТЭН әзірлеуді талап етпейтін жобалардың ЖСҚ-ын әзірлеу және оларға сараптама жүргізу мерзімдері;
      Жобаның ТЭН-ін немесе ТЭН әзірлеуді талап етпейтін жобалардың ЖСҚ-ын әзірлеудің және оларға сараптама жүргізудің барысы туралы ақпарат.
      Тізбе өзге де мәліметтерді қамтуы мүмкін.
      79. Бюджеттік бағдарламалардың әкімшілері мемлекеттік жоспарлау жөніндегі уәкілетті органға ай сайын есепті айдан кейінгі айдың 10-күніне дейін осы Ережеге 4-қосымшаға сәйкес қағаз және электронды жеткізгіштерде Жобаның ТЭН-ін немесе ТЭН әзірлеуді талап етпейтін жобалардың ЖСҚ-ын әзірлеу жөніндегі іс-шаралардың іске асырылу барысы туралы ақпаратты ұсынады.

2. Инвестициялық кезеңде бюджеттік инвестициялық жобаларды іске
асыруды мониторингілеу тәртібі

      80. Инвестициялық кезеңде жобаларды іске асыруды мониторингілеу Жобаны тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынған нәтижелерді есепті күнге жоспарланғандармен салыстыру арқылы жүргізіледі.
      81. Инвестициялық кезеңде жобаларды іске асыруды мониторингілеу мыналарды көздейді:
      1) Жобаның іске асырылу барысы туралы ақпаратты жинау;
      2) әрбір уақыт аралығында Жобаны іске асырудың қол жеткізілген көлемін және ТЭН-ге және/немесе ЖСҚ-ға сәйкес шығындарды нақты қол жеткізілген сандық-сапалық нәтижелерді Жобаны іске асыруды жоспар-кестесінде (бұдан әрі - Жоспар-кесте) көрсетілген көрсеткіштермен салыстыру арқылы талдау;
      3) жобаларды мониторингілеу нәтижелері туралы есепті (бұдан әрі - Мониторинг бойынша есеп) дайындау.
      Нақты көрсеткіштердің бұрын жоспарланғандардан (Жоспар-кесте бойынша) ауытқуы анықталған жобалар бойынша жобаларды тиімді іске асыру жөнінде ұсынымдар мен шаралар қалыптастырылады.
      82. Жобаларды іске асыру мониторингін жүргізу үшін бюджеттік бағдарламалардың әкімшілері мен мемлекеттік жоспарлау жөніндегі жергілікті уәкілетті органдар мемлекеттік жоспарлау жөніндегі орталық уәкілетті органға мынадай есептілік құрамында ақпарат ұсынады:
      1) Жоспар-кесте;
      2) Мониторинг бойынша есеп;
      3) Мониторинг бойынша жиынтық анықтама.
      83. Республикалық жобалардың, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланатын жергілікті жобаларды іске асыру бойынша мониторинг жүргізу үшін бюджетті атқару жөніндегі орталық уәкілетті орган мемлекеттік жоспарлау жөніндегі орталық уәкілетті органға инвестициялық жобалар бөлінісінде республикалық бюджеттік даму бағдарламаларының орындалуы бойынша есепті ұсынады.
      84. Жоспар-кесте әрбір жоба бойынша есептік көрсеткіштерді айқындайтын құжат болып табылады және осы Ережеге 5-қосымшаға сәйкес ресімделеді.
      Жоспар-кесте бүкіл жоба бойынша, оның құрамдауыштары бойынша  және әрбір құрамдауышқа арналған іс-шаралар (жұмыс түрлері) бойынша белгіленген тәртіппен бекітілген жұмыстарды орындаудың және қаржыландырудың жоспарлы көлемін қамтиды.
      Бұл ретте жоспарланған жылға арналған орындау және қаржыландыру көлемі тиісті бюджеттік бағдарламамен келісіледі және тоқсандарға бөлінеді.
      Жоспар-кестеде, сондай-ақ жоспарланған жыл басталғанға дейінгі кезеңге арналған нақты көлем және жоспарланған жылдан кейінгі екінші жылға және кейінгі жылдарға арналған болжамды көлем көрсетіледі.
      Жоспар-кесте Жобаның бекітілген ТЭН-і негізінде қалыптастырылады, ал ТЭН әзірлеуді талап етпейтін жобалар бойынша ЖСҚ Жоспар-кестені дайындаудың негіздемесі болып табылады.
      85. Мониторинг бойынша есеп есепті кезеңде Жоба бойынша орындалған жұмыстар мен қаржы қаражатын және игеру сомаларының нақты және жоспарланған көлемі туралы ақпаратты қамтиды және осы Ережеге 6-қосымшаға сәйкес нысан бойынша ұсынылады.
      Бұл ретте Мониторинг бойынша есептің жоспарлы көрсеткіштері Жоспар-кесте көрсеткіштеріне сәйкес келеді.
      86. Мониторинг бойынша жиынтық анықтама осы Ережеге 7-қосымшаға сәйкес нысан бойынша ұсынылады.
      87. Республикалық жобаларды, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланатын жергілікті жобаларды іске асыру жөніндегі ақпаратты республикалық бюджеттік бағдарламалардың әкімшісі болып табылатын тиісті орталық уәкілетті орган мемлекеттік жоспарлау жөніндегі орталық уәкілетті органға ұсынады.
      88. Жергілікті бюджет қаражатынан қаржыландырылатын жергілікті жобаларды іске асыру жөніндегі ақпаратты мемлекеттік жоспарлау жөніндегі тиісті жергілікті уәкілетті органдар мемлекеттік жоспарлау жөніндегі орталық уәкілетті органға ұсынады.
      Облыстық бюджет, республикалық маңызы бар қаланың, астананың бюджеттері, ауданның (облыстық маңызы бар қаланың) бюджеті жергілікті бюджеттерге жатады.
      89. Қажетті ақпарат қағаз және электронды жеткізгіштерде мынадай мерзімдерде ұсынылады:
      Жоспар-кестені бюджеттік бағдарламалардың әкімшілері және мемлекеттік жоспарлау жөніндегі жергілікті уәкілетті органдар жыл сайын есепті жылдың 25 қаңтарынан кешіктірмей ұсынады;
      Мониторинг бойынша есепті және оған түсіндірме жазбаны бюджеттік бағдарламалардың әкімшілері мен мемлекеттік жоспарлау жөніндегі жергілікті уәкілетті органдар жарты жылда бір рет есепті кезеңнен кейінгі 15 шілдеден және 15 қаңтардан кешіктірмей ұсынады;
      Республикалық және жергілікті бюджеттердің қаражаты есебінен жүзеге асырылатын жобаларды іске асыру барысы туралы жиынтық ақпаратты мемлекеттік жоспарлау жөніндегі орталық уәкілетті орган жарты жылда бір рет есепті кезеңнен кейінгі 25 тамыздан және 25 ақпаннан кешіктірмей Қазақстан Республикасының Үкіметіне ұсынады.

3. Инвестициялаудан кейінгі кезеңде бюджеттік инвестициялық
жобаларды іске асыруды мониторингілеу тәртібі

      90. Инвестициялаудан кейінгі кезеңде жобаларды іске асыруды мониторингілеу Жобаны тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынатын нәтижелерді есепті күнге жоспарланғандармен салыстыру арқылы жүргізіледі.
      91. Инвестициялаудан кейінгі кезеңде жобаны іске асыруды мониторингілеу жыл сайын объектіні пайдалануға берген жылдан бастап үш жыл ішінде жүргізіледі.
      92. Инвестициялаудан кейінгі кезеңде жобаларды іске асыруды мониторингілеу мыналарды көздейді:
      1) Жобаның іске асырылуын барысы туралы ақпаратты жинау;
      2) оларды мемлекеттік органның стратегиялық жоспарларында және/немесе Жобаның ТЭН-інде көзделген көрсеткіштермен салыстыру арқылы Жобаның қол жеткізілген тікелей нәтижелерін (өнімдер шығару, қызметтер көрсету) талдау;
      3) жобаларды мониторингілеу нәтижелері туралы есеп дайындау.
      Нақты көрсеткіштердің бұрын мемлекеттік органның стратегиялық жоспарларында және/немесе Жобаның ТЭН-інде жоспарланғандардан ауытқуы анықталған жобалар бойынша Жобаны тиімді басқару мақсатында жүйелі және жедел шаралар бойынша ұсынымдар қалыптастырылады.
      93. Жобалардың іске асырылуына мониторинг жүргізу үшін бюджеттік бағдарламалардың әкімшілері мемлекеттік жоспарлау жөніндегі орталық уәкілетті органға мынадай есептілік құрамында ақпарат ұсынады:
      1) Жобаның іске асырылуы барысы туралы есеп (бұдан әрі - Мониторинг бойынша есеп);
      2) Мониторинг бойынша жиынтық анықтама.
      94. Мониторинг бойынша есеп есепті кезеңдегі өнімдердің (қызметтердің) нақты және жоспарланған көлемі туралы ақпаратты қамтиды және осы Ережеге 8 және 9-қосымшаларға сәйкес нысан бойынша ұсынылады.
      Мониторинг бойынша жиынтық ақпарат осы Ережеге 10-қосымшаға сәйкес нысан бойынша ұсынылады.
      95. Республикалық меншіктегі жобаларды пайдалану жөніндегі ақпаратты тиісті орталық уәкілетті орган ұсынады.
      96. Коммуналдық меншіктегі жобаларды пайдалану жөніндегі ақпаратты тиісті жергілікті атқарушы орган ұсынады.
      97. Қажетті ақпарат қағаз және электронды жеткізгіштерде мынадай мерзімдерде ұсынылады:
      Мониторинг бойынша есепті және оған түсіндірме жазбаны бюджеттік бағдарламалардың әкімшілері және мемлекеттік жоспарлау жөніндегі жергілікті уәкілетті органдар жыл сайын есепті жылдан кейінгі 15 қаңтарға дейін ұсынады;
      Республикалық және жергілікті бюджеттердің қаражаты есебінен жүзеге асырылатын жобалардың іске асырылуы барысы туралы жиынтық ақпаратты мемлекеттік жоспарлау жөніндегі орталық уәкілетті орган жыл сайын есепті жылдан кейінгі 25 ақпанға дейін Қазақстан Республикасының Үкіметіне ұсынады.

4. Бюджеттік инвестициялық жобаларды іске асыруды бағалау тәртібі

      98. Жобаларды іске асыруды бағалау жобаларды жүзеге асырудың нәтижелері мен салдары туралы деректерді жинауды, алынған деректерді талдауды және жобаларды іске асыруды тиімділігін бағалауды көздейді.
      99. Жобаларды іске асыруды бағалау инвестициялаудан кейінгі кезеңде Жобаның мониторингі жөніндегі деректер негізінде объектіні пайдалануға берген жылдан бастап үш жыл өткеннен кейін жүзеге асырылады.
      100. Жобаларды іске асыруды бағалау іске асырылатын жобалардың түпкілікті нәтижесіне (оларды алушылар үшін өндірілетін өнімдердің, көрсетілетін қызметтердің әсері) қол жеткізу дәрежесін айқындау, сондай-ақ Жобаны одан әрі тиімді басқару мақсатында жүйелі шаралар бойынша ұсынымдар қалыптастыру үшін жүргізіледі.
      101. Жобаларды іске асыруды бағалауды жүзеге асыру мыналарды қамтиды:
      1) деректер жинау;
      2) инвестициялаудан кейінгі кезеңдегі мониторинг деректерін пайдалана отырып, ақпаратты талдау;
      3) Жобаның қол жеткізілген түпкілікті нәтижелерін және оның саладағы (өңірдегі) әлеуметтік-экономикалық ахуалға әсерін бағалау;
      4) ұсынымдар әзірлеу.
      102. Жобаларды іске асыруды бағалауды жүргізу үшін деректер жинау бюджеттік бағдарламалар әкімшілерінің және жергілікті уәкілетті органдардың мемлекеттік жоспарлау жөніндегі орталық уәкілетті органға мынадай ақпаратты ұсынуын көздейді:
      1) осы Ережеге 11-қосымшаға сәйкес нысан бойынша ұсынылатын жобаларды іске асыруды бағалау жөніндегі жиынтық анықтама;
      2) осы Ережеге 12-қосымшаға сәйкес нысан бойынша ұсынылатын Жобаларды іске асыруды бағалау жөніндегі жиынтық ақпарат.
      103. Республикалық жобаларды, сондай-ақ республикалық бюджеттен берілетін нысаналы даму трансферттері мен кредиттер есебінен қаржыландыру жоспарланатын жергілікті жобаларды іске асыру жөніндегі ақпаратты республикалық бюджеттік бағдарламалардың әкімшісі болып табылатын тиісті орталық уәкілетті орган мемлекеттік жоспарлау жөніндегі орталық уәкілетті органға ұсынады.
      104. Жергілікті бюджет қаражатынан қаржыландырылатын жергілікті жобаларды іске асыру жөніндегі ақпаратты мемлекеттік жоспарлау жөніндегі тиісті жергілікті уәкілетті органдар мемлекеттік жоспарлау жөніндегі орталық уәкілетті органға ұсынады.
      105. Жобаларды іске асыруды бағалауды орындаған кезде мемлекеттік органның стратегиялық жоспарын әзірлеу шеңберінде жаңа және қолданыстағы жобаларды дайындау мен іске асыруды жақсарту жөніндегі ұсынымдар қалыптастырылады.
      106. Жобаларды іске асыруды бағалау жөніндегі есептер қағаз  және электронды жеткізгіштерде мынадай мерзімдерде ұсынылады:
      бюджеттік бағдарламалардың әкімшілері және мемлекеттік жоспарлау жөніндегі жергілікті уәкілетті органдар келесі үш жылдық кезеңнен кейінгі жылдың 1 наурызына дейін мемлекеттік жоспарлау жөніндегі орталық уәкілетті органға ұсынады;
      мемлекеттік жоспарлау жөніндегі орталық уәкілетті орган жыл сайын келесі үш жылдық кезеңнен кейінгі жылдың 1 мамырына дейін Қазақстан Республикасының Үкіметіне ұсынады.
      107. Жобаларды іске асыруды мониторингілеу және бағалау деректерінің негізінде мемлекеттік жоспарлау жөніндегі орталық және жергілікті уәкілетті органдар қазіргі және болжанатын әлеуметтік-экономикалық және саяси ахуалды ескере отырып, Қазақстан Республикасының Үкіметіне және жергілікті атқарушы органдарға жобаларды тиімді жүзеге асыру шараларын іске асыру жөнінде ұсыныстар енгізе алады.

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
1-қосымша        

БЮДЖЕТТІК ИНВЕСТИЦИЯЛЫҚ ЖОБАНЫҢ АҚПАРАТТЫҚ ПАРАҒЫ

1. Жобанын атауы: _________________________________________________

2. Бюджеттік бағдарлама әкімшісі: ________________________________

3. Құрамында жобаны іске
асыру көзделген Қазақстан
Республикасының белгіленген
стратегиялық бағдарламалық
құжаттарының атауы: _______________________________________________

4. Сектор: _________________________________________________________

5. Сала: ___________________________________________________________

6. Жобаның күні:        (Егер белгісіз болса, шамамен көрсету)

      Іске асыру мерзімі: ____________ ай

      Жобаның басталуы:   жыл: _______ ай: _______

      Болжамды аяқталуы:  жыл: _______ ай: _______

7. Жобаның жалпы құны:      ______________ мың теңге

8. ТЭН әзірлеудің құны:     ______________ мың теңге

9. ЖОБА ІСКЕ АСЫРЫЛАТЫН ОРЫН:
(Жоба іске асырылатын орынды, оның негізгі құрамдауыштарын және жоба
бойынша шығындардың өңірлер бойынша бөлінуін көрсетіңіз)

9.1. Елді мекен
9.2. Осы елді мекенде тұратын адам саны (соңғы 5 жылдағы серпінмен)
9.3. Жобадан тікелей пайда алатын адам саны
9.4. Теңгерім ұстаушы*
9.5. Бос жердің болуы:
      бар (соған сәйкес жер учаскесі бөлінген шешімнің күні мен
      нөмірі көрсетіледі) жоқ (жер учаскесін сатып алу үшін қажетті
      сома көрсетіледі)
9.6. Инфрақұрылымның қамтамасыз етілуі
      бар (нақты не екені көрсетіледі)
      жоқ (қанша қосымша шығын қажет екені көрсетіледі)

* жаңа объект құрылған (салынған) жағдайда болашақ меншік иесі
көрсетіледі, қайта жаңартылған жағдайда қазіргі меншік иесі
көрсетіледі

10. ЖОБАНЫҢ МАҚСАТЫ МЕН МІНДЕТТЕРІ:

а) мақсаты
(Мақсат Қазақстан Республикасының стратегиялық бағдарламалық
құжаттарында белгіленген экономика саласын (аясын) дамытудың неғұрлым
ауқымды міндеттерін/басымдықтарын көрсетуі тиіс)
_____________________________________________________________________

б) сандық міндеттер
(Олар арқылы жобаның ауқымын айқындауға болатын жобаның санмен
өлшенетін міндеттерін көрсетіңіз. Белгілі бір сандық көрсеткіштерді
ұсыныңыз, мысалы, жоба қуаты, және т.б.)
_____________________________________________________________________

11. ЖОБАНЫҢ СИПАТТАМАСЫ:
(Жобаның және оның барлық құрамдауыштарының мазмұнын сипаттаңыз)
_____________________________________________________________________

(Құрамдауыштар бойынша бөлуді беріңіз)

12. ЖОБАНЫҢ НЕГІЗДЕМЕСІ:
(Осы жобаны іске асыру қажеттігін дәлелдеңіз.
Жоба іске асырылмаған жағдайдағы салдарды сипаттаңыз.)
_____________________________________________________________________

13. ПАЙДА:

       а) жобаны іске асырудан кім ұтады?
       (Жобаны іске асырудан ұтуы мүмкін адамдардың және нысаналы
      топтардың санын көрсетіңіз.
      Сондай-ақ жобаны іске асыруға тікелей немесе жанама тартылатын
      адамдардың санын бағалауды ұсыныңыз.
      Қанша тұрақты жұмыс орны құрылады?
      Жоба жұмыспен қамтуға, әлеуметтік қамсыздандыру жүйесіне,
      бизнестің дамуына және басқаларға қалай әсер етеді?)
       _______________________________________________________________

       б) жобаны іске асырудан күтілетін нәтижелерді көрсетіңіз
      (Жобаны іске асыру нәтижесінде өндірілетін өнімнің оларды
      алушыларға әсері)
      _______________________________________________________________

14. ӘЛЕУМЕТТІК ЖӘНЕ ЭКОЛОГИЯЛЫҚ ӘСЕРІ:
(Жобаның адамдарға және қоршаған ортаға әсерін қысқаша сипаттаңыз.
Жоба әрекет ететін аумақта кедейліктің азаюына және адамдардың өмір
сүру деңгейінің жақсаруына жоба көмектесе ме?
Жоба жұмысына әйелдер белсенді түрде тартыла ма?)
_____________________________________________________________________

15. ЖОБАНЫҢ МӘРТЕБЕСІ:
(Жоба жаңа болып табылатынын немесе іске асырылып жатқанын
көрсетіңіз. Жобаның дайындалу және іске асырылуы барысы туралы
қысқаша ақпарат беріңіз. Жобаны дайындауға немесе іске асыруға
кедергі болатын басты проблемаларды және қабылданатын шараларды
көрсетіңіз)
_____________________________________________________________________

16. ЖОБАНЫҢ ҚҰНЫ ЖӘНЕ ҚАРЖЫЛАНДЫРУ КӨЗДЕРІ:

16.1. Объектінің пайдаланылу (қызмет) мерзімі
16.2. Объектіні ұстауға арналған жыл сайынғы шығындар (бюджеттің
деңгейін көрсете отырып)

ТАӘ: ________________________________________________________________

Лауазымы: ___________________________________________________________

Бөлімше/Ұйым: _______________________________________________________

Мекен-жайы: _________________________________________________________

Байланыс телефоны: __________________________________________________

Факс: _______________________________________________________________

Электронды почта: ___________________________________________________

      ______________________________________________  М.О. _______
      Мемлекеттік органның бірінші басшысының Т.А.Ә.        қолы

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
2-қосымша        

Бюджеттік инвестициялық жобалар бойынша инвестициялық
ұсыныстардың тізбесі

      ______________________________________________  М.О. _______
      Мемлекеттік органның бірінші басшысының Т.А.Ә.        қолы

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
3-қосымша        

Сметалық құнын ұлғайту болжанатын жоба бойынша салыстырма кесте

      ______________________________________________  М.О. _______
      Мемлекеттік органның бірінші басшысының Т.А.Ә.        қолы

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
4-қосымша        

Іріктеп алынған және іске асырылып жатқан инвестициялық
ұсыныстардың тізбесі

      ______________________________________________  М.О. _______
      Мемлекеттік органның бірінші басшысының Т.А.Ә.        қолы

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
5-қосымша        

Бюджеттік инвестициялық жобаларды дайындаудың және
іске асырудың жоспар-кестесі

РББӘ немесе ЖАО: ____________________
Есепті кезең: 20__ жылғы ____________

    ______________________________________________  М.О. _______
      Мемлекеттік органның бірінші басшысының Т.А.Ә.        қолы

Бюджеттік инвестициялық  
жобаларды қарау, іріктеу, 
іске асыруды мониторингілеу
және бағалау ережесіне  
6-қосымша        

Инвестициялық кезеңде бюджеттік инвестициялық жобаларды
іске асыру мониторингі бойынша есеп

РББӘ немесе ЖАО: ____________________
Есепті кезең: 20__ жылғы ____________