Қазақстан Республикасының Үкіметі ҚАУЛЫ ЕТЕДІ:
1. Мыналар заңнамада белгіленген тәртіппен:
1) "Қазақстан Республикасы Президентінің Іс басқармасы Медициналық орталығының "Санитарлық-эпидемиологиялық сараптау орталығы" мемлекеттік мекемесі "Қазақстан Республикасы Президенті Іс басқармасының "Санитарлық-эпидемиологиялық сараптама орталығы" шаруашылық жүргізу құқығындағы республикалық мемлекеттік кәсіпорны (бұдан әрі - Орталық) болып;
2) осы қаулыға қосымшаға сәйкес республикалық мемлекеттік қазыналық кәсіпорындар шаруашылық жүргізу құқығындағы республикалық мемлекеттік кәсіпорындар (бұдан әрі - кәсіпорындар) болып қайта құру жолымен қайта ұйымдастырылсын.
2. Қазақстан Республикасы Президентінің Іс басқармасы Орталықты мемлекеттік басқару органы болып белгіленсін.
3. Мыналар:
"Қазақстан Республикасы Президентінің Іс басқармасы" Қазіргі заманғы медициналық технологияларды енгізу орталығы" республикалық мемлекеттік кәсіпорны қызметінің негізгі мәні - денсаулық сақтау және ғылым саласындағы өндірістік-шаруашылық қызметті жүзеге асыру;
"Қазақстан Республикасы Президенті Іс басқармасының ауруханасы", "Қазақстан Республикасы Президентінің Іс басқармасы Медициналық орталығының Орталық клиникалық ауруханасы" республикалық мемлекеттік кәсіпорны және "Қазақстан Республикасы Президентінің Іс басқармасы Санитарлық-эпидемиологиялық сараптама орталығы" республикалық мемлекеттік кәсіпорны қызметінің негізгі мәні - денсаулық сақтау саласындағы өндірістік-шаруашылық қызметті жүзеге асыру болып белгіленсін.
4. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) күші жойылды - ҚР Үкіметінің 05.08.2013 № 796 қаулысымен;
2) "Республикалық мемлекеттік меншіктің кейбір мәселелері туралы" Қазақстан Республикасы Үкіметінің 2007 жылғы 11 маусымдағы N 483 қаулысында (Қазақстан Республикасының ПҮАЖ-ы, 2007 ж., N 19, 214-құжат):
көрсетілген қаулымен бекітілген жалпымемлекеттік міндеттерді орындау үшін қажетті республикалық мемлекеттік кәсіпорындардың тізбесінде:
"Қазақстан Республикасы Президентінің Іс басқармасы" деген бөлімде:
реттік нөмірлері 107, 108 және 114-1-жолдар мынадай редакцияда жазылсын:
"107. Қазақстан Республикасы Президенті Іс басқармасының Орталық клиникалық ауруханасы" республикалық мемлекеттік кәсіпорны
108. "Қазақстан Республикасы Президенті Іс басқармасының ауруханасы" республикалық мемлекеттік кәсіпорны
114-1. "Қазақстан Республикасы Президенті Іс басқармасының "Қазіргі заманғы медициналық технологияларды енгізу орталығы" республикалық мемлекеттік кәсіпорны";
мынадай мазмұндағы реттік нөмірі 114-2-жолмен толықтырылсын:
"114-2. "Қазақстан Республикасы Президенті Іс басқармасының "Санитарлық-эпидемиологиялық сараптама орталығы" республикалық мемлекеттік кәсіпорны".
Ескерту. 4-тармаққа өзгеріс енгізілді - ҚР Үкіметінің 05.08.2013 № 796 қаулысымен.
5. Қазақстан Республикасы Президентінің Іс басқармасы (келісім бойынша) заңнамада белгіленген тәртіппен:
1) Орталықтың және кәсіпорындардың жарғыларын Қазақстан Республикасы Қаржы министрлігінің Мемлекеттік мүлік және
жекешелендіру комитетіне бекітуге енгізсін;
2) Орталықтың және кәсіпорындардың әділет органдарында мемлекеттік тіркелуін қамтамасыз етсін;
3) осы қаулыдан туындайтын өзге де шараларды қабылдасын.
6. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2009 жылғы 12 наурыздағы
№ 289 қаулысына
қосымша
Қазақстан Республикасы Президенті Іс басқармасының
республикалық мемлекеттік кәсіпорындары болып қайта
ұйымдастырылатын Қазақстан Республикасы Президенті Іс
басқармасының республикалық мемлекеттік қазыналық
кәсіпорындарының тізбесі
1. Қазақстан Республикасы Президентінің Іс басқармасы Медициналық орталығының N 2 ауруханасы" республикалық мемлекеттік қазыналық кәсіпорны Қазақстан Республикасы Президенті Іс басқармасының ауруханасы" шаруашылық жүргізу құқығындағы республикалық мемлекеттік кәсіпорны болып.
2. "Қазақстан Республикасы Президенті Іс басқармасы Медициналық орталығының Орталық клиникалық ауруханасы" республикалық мемлекеттік қазыналық кәсіпорны "Қазақстан Республикасы Президенті Іс басқармасының Орталық клиникалық ауруханасы" шаруашылық жүргізу құқығындағы республикалық мемлекеттік кәсіпорны болып.
3. "Қазақстан Республикасы Президентінің Іс басқармасы медициналық орталығының "Қазіргі заманғы медициналық технологияларды енгізу орталығы" республикалық мемлекеттік қазыналық кәсіпорны "Қазақстан Республикасы Президенті Іс басқармасының "Қазіргі заманғы медициналық технологияларды енгізу орталығы" шаруашылық жүргізу құқығындағы республикалық мемлекеттік кәсіпорны болып.