Алматы қаласының электр және жылу желілерін басқару жүйесін ретке келтіру, сондай-ақ оны энергиямен үздіксіз жабдықтауды қамтамасыз ету мақсатында Қазақстан Республикасының Үкіметі ҚАУЛЫ ЕТЕДІ :
1. Қазақстан Республикасы Энергетика және минералдық ресурстар министрлігінің, Алматы қаласы әкімінің, "Самұрық" мемлекеттік активтерді басқару жөніндегі қазақстандық холдингі" (бұдан әрі - "Самұрық" холдингі" АҚ) және "Алматы Пауэр Консолидейтед" (бұдан әрі - Қоғам) акционерлік қоғамдарының:
Алматы қаласының коммуналдық меншігіндегі электр желілерін заңнамада белгіленген тәртіппен бұдан әрі ретімен Қоғамға беру үшін кейіннен "Самұрық" холдингі" АҚ-ның жарғылық капиталына беріп, республикалық меншікке беру туралы;
Қоғамның "Алматы жылу желілері" акционерлік қоғамы акцияларының 100 % пакетін кейіннен Алматы қаласының коммуналдық меншігіне беріп, республикалық меншікке өтеусіз беруі туралы ұсыныстарына келісім берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті, Қазақстан Республикасы Экономика және бюджеттік жоспарлау министрлігі, Алматы қаласының әкімі, "Самұрық" холдингі" АҚ заңнамада белгіленген тәртіппен осы қаулының 1-тармағынан туындайтын іс-шаралардың орындалуын қамтамасыз етсін.
3. Алматы қаласының әкімі "Алматы жылу желілері" акционерлік қоғамымен бірлесіп, "Алматы жылу желілері" акционерлік қоғамының құрылыстарын қалпына келтіру және жаңғырту жөніндегі іс-шаралар жоспарын (бұдан әрі - Іс-шаралар жоспары) әзірлеп әрі бекітсін және мүдделі мемлекеттік органдарға оны іске асыру үшін инвестициялар тарту жөнінде ұсыныстар берсін.
4. Қазақстан Республикасы Энергетика және минералдық ресурстар министрлігі Алматы қаласының әкімімен бірлесіп, заңнамада белгіленген тәртіппен Қазақстан Республикасы Экономика және бюджеттік жоспарлау министрлігіне Іс-шаралар жоспарын орындауға байланысты бюджеттік инвестициялық жобаларды іске асыру үшін нысаналы даму трансферттерін бөлу жөніндегі ұсыныстарды жыл сайын беруді қамтамасыз етсін.