Қазақстан Республикасының Үкiметi ҚАУЛЫ ЕТЕДI :
1. Қазақстан Республикасы Индустрия және сауда министрлiгiнiң Техникалық реттеу және метрология комитетi "Қазақстан метрология институты (ҚазМетрИн)" шаруашылық жүргiзу құқығындағы республикалық мемлекеттiк кәсiпорнының "Қазақстан метрология институты консалтинг" еншiлес мемлекеттiк кәсiпорны жарғылық капиталына мемлекет жүз пайыз қатысатын "Казметконсалтинг" жауапкершiлiгi шектеулi серiктестiгi (бұдан әрi - серiктестiк) болып қайта құрылсын.
2. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi заңнамада белгiленген тәртiппен:
серiктестiктiң қатысудың мемлекеттiк үлесiн иелену және пайдалану құқықтарын Қазақстан Республикасы Индустрия және сауда министрлiгiнiң Техникалық реттеу және метрология комитетiне берсiн;
Қазақстан Республикасы Индустрия және сауда министрлiгiнiң Техникалық реттеу және метрология комитетiмен бiрлесiп:
1) техникалық реттеу және метрология саласында техникалық құзыреттiлiк сәйкестiгiн сараптамалық бағалауды жүзеге асыруды, техникалық реттеу және метрология саласында консалтингтi, персоналды оқыту мен дайындауды оның қызметiнiң негiзгi мәнi деп белгiлеп, серiктестiктiң жарғысын бекiтсiн;
2) серiктестiктiң әдiлет органдарында мемлекеттiк тiркелуiн қамтамасыз етсiн;
3) осы қаулыдан туындайтын өзге де шараларды қабылдасын.
3. Қазақстан Республикасы Үкiметiнiң кейбiр шешiмдерiне мынадай толықтырулар енгiзiлсiн:
"Акциялардың мемлекеттік пакеттерiне мемлекеттiк меншіктiң түрлерi және ұйымдарға қатысудың мемлекеттік үлестері туралы" Қазақстан Республикасы Үкiметiнiң 1999 жылғы 12 сәуiрдегi N 405 қаулысында (Қазақстан Республикасының ПҮАЖ-ы, 1999 ж., N 13, 124-құжат):
көрсетiлген қаулыға 2 қосымшада:
"Астана қаласы" деген бөлiм мынадай мазмұндағы реттiк нөмiрi 21-87 жолмен толықтырылсын:
"21-87. "Казметконсалтинг" ЖШС";
2) "Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелiк ету және пайдалану жөнiндегi құқықтарды беру туралы" Қазақстан Республикасы Yкiметiнiң 1999 жылғы 27 мамырдағы N 659 қаулысында :
көрсетiлген қаулыға қосымшада:
"Қазақстан Республикасының Индустрия және сауда министрлiгiне" деген бөлiм мынадай мазмұндағы бөлiммен толықтырылсын:
"Қазақстан Республикасы Индустрия және сауда министрлiгiнiң Техникалық реттеу және метрология комитетiне
292-1. "Казметконсалтинг" ЖШС".
4. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi.
Қазақстан Республикасының
Премьер-Министрі