Ақтау портын солтүстiк бағытта одан әрi кеңейту мақсатында Қазақстан Республикасының Yкiметi ҚАУЛЫ ЕТЕДI :
1. Маңғыстау облысының әкiмi Қазақстан Республикасы Ауыл шаруашылығы министрлiгiмен келiсiм бойынша заңнамада белгiленген тәртiппен "Ақтау халықаралық теңiз сауда порты" республикалық мемлекеттiк кәсiпорнына су қоры жерiнен 49 (қырық тоғыз) жылға жалпы алаңы 35 гектар жер учаскесiн уақытша өтемдi жер пайдалануға мынадай шарттарда берудi қамтамасыз етсiн:
1) жер учаскесiн кепiлге беру және жалға алушының жер учаскесiн нақты иелiктен шығаруға әкеп соқтыратын кез келген шаралар мен шешiмдердi қабылдау құқығынсыз;
2) қолданыстағы заңнамаға сәйкес табиғи ресурстарды және қоршаған ортаны қорғауды қамтамасыз ету.
2. Қазақстан Республикасы Көлiк және коммуникация министрлiгi, Қазақстан Республикасы Ауыл шаруашылығы министрлiгi, Маңғыстау облысының әкiмi осы қаулыдан туындайтын өзге де шараларды қабылдасын.
3. Мыналардың күшi жойылды деп танылсын:
1) "Ақтау халықаралық теңiз сауда портының екiншi кезегi құрылысының кейбiр мәселелерi" туралы Қазақстан Республикасы Yкiметiнiң 2005 жылғы 13 қыркүйектегi N 916
қаулысы
;
2) "Қазақстан Республикасы Yкiметiнiң 2005 жылғы 13 қыркүйектегi N 916 қаулысына толықтыру енгізу туралы" Қазақстан Республикасы Үкiметiнiң 2006 жылғы 22 маусымдағы N 573
қаулысы
.