1. "Қазақстан Республикасының Бiрыңғай бюджеттiк сыныптамасын жасау ережесiн бекiту туралы" Қазақстан Республикасы Үкiметiнiң 2004 жылғы 14 қыркүйектегi N 959 қаулысына (Қазақстан Республикасының ПҮКЖ-ы, 2004 ж., N 35, 460-құжат) мынадай толықтыру мен өзгерiстер енгiзiлсін:
көрсетiлген қаулымен бекiтілген Қазақстан Республикасының Бiрыңғай бюджеттiк сыныптамасын жасау ережесінде :
2-тармақ мынадай мазмұндағы абзацпен толықтырылсын:
"Бюджеттiк сыныптама шоғырландырылған бюджет үшiн бiрыңғай және мiндеттi әрi республиканың стратегиялық, орта мерзiмдi бағдарламалары мен даму жоспарларының, республикалық және жергiлiктi бюджеттердiң теңдестiрiлуiне қол жеткiзу мақсатында олардың көрсеткiштер жүйесiн үйлестiру құралдарының бiрi болып табылады.";
13-тармақтағы "республикада мемлекеттiк саясатты" деген сөздер "республиканың стратегиялық, орта мерзiмдi бағдарламалары мен даму жоспарларын" деген сөздермен ауыстырылсын;
15-тармақ мынадай редакцияда жазылсын:
"15. Функционалдық топ елдiң стратегиялық даму басымдықтарына сай келетiн және олардың әрқайсысының айқын мақсатын көрсететiн елдiң негiзгi даму бағыттарын көрсетедi. Сыныптамалық коды 2 белгiден тұрады.";
17-тармақтағы "бюджет қаражатының функционалдық топ iшiнде жұмсалу бағытын" деген сөздер "ел дамуының әрбiр стратегиялық басымдығы жөнiндегi мiндеттер тобын функционалдық топ iшiнде" деген сөздермен ауыстырылсын;
21-тармақ мынадай редакцияда жазылсын:
"21. Бюджеттiк бағдарлама - мемлекеттiк басқару функцияларын, республиканың немесе өңiрдiң стратегиялық, орта мерзiмдi бағдарламалары мен даму жоспарларын iске асыру үшiн қабылданған, бюджет қаражатымен қамтамасыз етiлетiн мiндеттер. Сыныптамалық коды 3 белгiден тұрады.";
24-тармақтың екiншi және үшiншi абзацтары мынадай редакцияда жазылсын:
"Ағымдағы бюджеттiк бағдарламалар - нәтижелерi:
1) бюджеттiк бағдарламалар әкiмшiлерiнiң Қазақстан Республикасының заңнамалық кесiмдерiне сәйкес тұрақты сипаты бар мемлекеттiк басқару функциялары мен мемлекет мiндеттемелерiн орындау жөнiндегi қызметiн қамтамасыз етуге;
2) республиканың немесе өңiрдiң стратегиялық, орта мерзiмдi бағдарламалары мен даму жоспарларының мақсатына қол жеткiзуге, нақты мiндеттерi мен iс-шараларын шешуге бағытталған бюджеттiк бағдарламалар.
Бюджеттiк даму бағдарламалары - нәтижелері республиканың немесе өңiрдiң стратегиялық, орта мерзiмдi бағдарламаларының, даму жоспарларының мақсатына қол жеткiзу дәрежесiне, мiндеттерi мен iс-шараларын шешуге тiкелей ықпал ететiн, экономикалық пайда немесе әлеуметтiк-экономикалық әсер алуға бағытталған бюджеттiк бағдарламалар.".