"Мемлекеттiк мүлiктi мемлекеттiк меншiктiң бiр түрiнен екiншi түрiне беру ережесiн бекiту туралы" Қазақстан Республикасы Үкiметiнiң 2003 жылғы 22 қаңтардағы N 81 қаулысына сәйкес және мемлекеттiк меншiктi тиiмдi басқару мақсатында Қазақстан Республикасының Yкiметi ҚАУЛЫ ЕТЕДI:
1. "Павлодар әуежайы" акционерлiк қоғамының коммуналдық меншiктегi, жарияланған акцияларының жалпы санының 100 пайызы мөлшерiндегi акцияларының мемлекеттiк пакетi заңнамада белгiленген тәртiппен республикалық меншiкке қабылдансын.
2. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi:
1) Павлодар облысының әкiмдiгiмен бiрлесiп, осы қаулының 1-тармағынан туындайтын шараларды қабылдасын;
2) "Павлодар әуежайы" акционерлiк қоғамы акцияларының мемлекеттiк пакетiн иелену және пайдалану құқықтарын Қазақстан Республикасы Көлiк және коммуникация министрлiгiне берсiн.
3. Қазақстан Республикасы Үкiметiнiң кейбiр шешiмдерiне мынадай өзгерiс пен толықтырулар енгiзiлсiн:
1) "Акциялардың мемлекеттiк пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы" Қазақстан Республикасы Үкiметiнiң 1999 жылғы 12 сәуiрдегi N 405
қаулысында
(Қазақстан Республикасының ПYКЖ-ы, 1999 ж., N 13, 124-құжат):
Акцияларының мемлекеттiк пакеттерi мен үлестерi коммуналдық меншiкке жатқызылған акционерлiк қоғамдар мен шаруашылық серiктестiктердiң тiзбесiнде:
"Павлодар облысы" деген бөлiмде:
реттiк нөмiрi 967-4-жол алынып тасталсын;
Акцияларының мемлекеттiк пакеттерi мен үлестерi республикалық меншiкке жатқызылған акционерлiк қоғамдар мен шаруашылық серiктестiктердiң тiзбесiнде:
"Павлодар облысы" деген бөлiм мынадай мазмұндағы реттiк нөмiрi 265-10-жолмен толықтырылсын:
"265-10 "Павлодар әуежайы" АҚ";
2) "Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелiк ету және пайдалану жөнiндегi құқықтарды беру туралы" Қазақстан Республикасы Үкiметiнiң 1999 жылғы 27 мамырдағы N 659
қаулысында
:
көрсетiлген қаулыға қосымшада:
"Қазақстан Республикасының Көлiк және коммуникациялар министрлiгіне" деген бөлiм мынадай мазмұндағы реттiк нөмiрi 160-19-жолмен толықтырылсын:
"160-19 "Павлодар әуежайы" АҚ";
3) "Қазақстан Республикасы Көлiк және коммуникация министрлiгiнiң мәселелерi" туралы Қазақстан Республикасы Үкiметiнiң 2004 жылғы 24 қарашадағы N 1232
қаулысында
(Қазақстан Республикасының ПҮКЖ-ы, 2004 ж., N 46, 582-құжат):
көрсетiлген қаулымен бекiтiлген Қазақстан Республикасы Көлiк және коммуникация министрлiгiнiң қарамағындағы ұйымдардың тiзбесiнде:
2-тармақ мынадай мазмұндағы 10) тармақшамен толықтырылсын:
"10) "Павлодар әуежайы" АҚ".