"2006 жылға арналған республикалық бюджет туралы" Қазақстан Республикасының 2005 жылғы 22 қарашадағы Заңына сәйкес және минералдық тыңайтқыштармен, тұқым улағыштармен және гербицидтермен қамтамасыз етуде отандық ауыл шаруашылығы тауарын өндiрушiлердi қолдау мақсатында Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған Өндiрiлетiн ауыл шаруашылығы дақылдарының шығымдылығы мен сапасын арттыруды қолдауға арналған қаражатты төлеу ережесi бекiтiлсiн.
2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi.
Қазақстан Республикасы
Премьер-Министрiнiң
мiндетiн атқарушы
Қазақстан Республикасы
Үкiметiнiң
2006 жылғы 14 наурыздағы
N 157 қаулысымен
бекiтiлген
Өндiрiлетiн ауыл шаруашылығы дақылдарының шығымдылығы мен
сапасын арттыруды қолдауға арналған қаражатты төлеу
ережесi
1. Осы Өндiрiлетiн ауыл шаруашылығы дақылдарының шығымдылығы мен сапасын арттыруды қолдауға арналған қаражатты төлеу ережесi (бұдан әрi - Ереже) тиiстi жылға арналған республикалық бюджетте Қазақстан Республикасы Ауыл шаруашылығы министрлiгiне (бұдан әрi - Ауылшарминi) көзделген қаражат есебiнен және шегiнде субсидиялау жолымен өндiрiлетiн ауыл шаруашылығы дақылдарының шығымдылығы мен сапасын арттыруды қолдауға арналған қаражатты төлеу тәртiбiн айқындайды.
2. Өндiрiлетiн ауыл шаруашылығы дақылдарының шығымдылығы мен сапасын арттыруды қолдауға арналған қаражат (бұдан әрi - субсидиялар) ауыл шаруашылығы дақылдарын өңдеу үшiн жер учаскелерi бар отандық ауыл шаруашылығы тауарын өндiрушiлер (бұдан әрi - ауылшартауарын өндiрушiлер) заңды тұлғалардан сатып алатын минералдық тыңайтқыштардың, тұқым улағыштардың және гербицидтердiң құнын iшiнара өтеуге арналады.
2. Өндiрiлетiн ауыл шаруашылығы дақылдарының шығымдылығы мен сапасын арттыруды қолдауға арналған қаражатты төлеу тәртiбi
3. Минералдық тыңайтқыштарды, тұқым улағыштарды және гербицидтердi сатушылар (бұдан әрi - сатушылар) заңды тұлғалар болып табылады.
4. Минералдық тыңайтқыштарды, тұқым улағыштарды және гербицидтердi сатып алушылар ауылшартауарын өндiрушiлер болып табылады.
5. Облыстар бойынша субсидиялар сомалары облыстардың ұсыныстарына және жоспарланған егiс алқабына минералдық тыңайтқыштарды, тұқым улағыштарды және гербицидтердi енгiзудiң (қолданудың) ғылыми негiзделген нормаларына сәйкес қалыптастырылған, Ауылшарминi ұсынған сомалар негiзiнде заңнамада белгiленген тәртiппен бекiтiледi.
6. Сатушыларды айқындау Қазақстан Республикасы Азаматтық кодексiнiң
915-бабына
сәйкес тендерлiк негiзде жүзеге асырылады. Тендердi облыс әкiмiнiң шешiмiмен құрылған комиссия (бұдан әрi - комиссия) жүргiзедi.
Тендердiң шарттарын облыстық әкiмдiктердiң ауыл шаруашылығы департаменттерi (басқармалары) (бұдан әрi - ауыл шаруашылығы департаменттерi) осы Ереженiң 8-тармағына сәйкес жасалған шарттар негiзiнде айқындайды. Бұл ретте тендер бойынша сатып алынатын минералдық тыңайтқыштардың, тұқым улағыштардың және гербицидтердiң түр-түрi мен көлемi Ауылшарминiмен келiсiледi.
Сатушыларды айқындау жөнiндегi тендер өткен жоқ деп танылған жағдайда ауыл шаруашылығы департаменттерi сатушыларды тендерлiк рәсiмдердi қолданбай-ақ айқындай алады.
7. Комиссия шешiмiнiң негiзiнде ауыл шаруашылығы департаменттерi сатушылардың тiзбесiн, минералдық тыңайтқыштардың, тұқым улағыштардың және гербицидтердiң жеткiзу орнын, сондай-ақ түр-түрiн, олардың санын, 1 тоннасының (киллограмының, литрiнiң) сату бағасын тиiстi жылға әрбiр облыс үшiн заңнамада белгiленген тәртiппен бекiтiлген қаражат шегiнде бекiтедi.
8. Ауылшартауарын өндiрушiлер үшiн сатушыларды айқындау кезiнде ауыл шаруашылығы департаменттерi Ауылшарминi бекiткен нысан бойынша ауылшартауарын өндiрушiлермен жасалған шарттар негiзiнде және ауылшартауарын өндiрушiлер жер учаскесiне құқығын куәландырушы құжаттарды ұсынған кезде ауылшартауарын өндiрушiлер атынан әрекет етедi.
9. Минералдық тыңайтқыштардың, тұқым улағыштардың және гербицидтердiң көлемiн ауылшартауарын өндiрушiлер арасында бөлудi Ауылшарминi ұсынған облыстың өңiрлiк мамандану схемасын ескере отырып, әр облыста облыс әкiмiнiң шешiмiмен құрылған жұмыс тобы жүргiзедi. Жұмыс тобы:
ауылшартауарын өндiрушi сатушылардан сатып алуды көздеп отырған минералдық тыңайтқыштардың, тұқым улағыштардың және гербицидтердiң көлемi мен түр-түрiн қарайды;
осы Ереженiң 5-тармағына сәйкес заңнамада белгiленген тәртiппен бекiтiлген қаражат шегiнде минералдық тыңайтқыштар, тұқым улағыштар және гербицидтер алатын ауылшартауарын өндiрушiлердiң тiзбесiн жасайды. Бұл ретте сатушылардан сатып алу көзделiп отырған минералдық тыңайтқыштардың, тұқым улағыштардың және гербицидтердiң көлемi сатушыларды айқындау жөнiндегi тендер нәтижелерi бойынша белгiленген нақты көлемнен асқан жағдайда жұмыс тобы минералдық тыңайтқыштарды, тұқым улағыштарды және гербицидтердi бөлудi егiс алқаптарына тепе-тең жүргiзедi.
Ауылшартауарын өндiрушiлердiң тiзбесiн жұмыс тобының ұсыныстары негiзiнде ауыл шаруашылығы департаменттерi бекiтедi. Тiзбенiң нысанын Ауылшарминi бекiтедi.
10. Сатушыларды айқындау нәтижелерi бойынша ауыл шаруашылығы департаменттерi, сатушылар және ауылшартауарын өндiрушiлер арасында Ауылшарминi бекiткен нысан бойынша минералдық тыңайтқыштарды, тұқым улағыштарды және гербицидтердi белгiленген көлем шегiнде жеткiзудiң және мақсатты пайдаланудың үш жақты шарттары жасалады.
11. Сатушылар көрсетiлген өнiмдi ауылшартауарын өндiрушiлерге сатушыны айқындау процесiнде ауыл шаруашылығы департаменттерi қабылдаған баға бойынша сатады. Бұл ретте ауылшартауарын өндiрушiлер сатушыларға минералдық тыңайтқыштар, тұқым улағыштары және гербицидтер құнының 60 пайызын төлейдi.
12. Ауылшартауарын өндiрушiлер сатушыдан минералдық тыңайтқыштарды, тұқым улағыштарды және гербицидтердi сатып алудан бас тартқан жағдайда ауыл шаруашылығы департаменттерi жұмыс тобы ұсыныстарының негiзiнде ауылшартауарын өндiрушiлердiң бекiтiлген тiзбесiне тиiстi өзгерiстер енгiзедi.
13. Қажет болған жағдайда ауыл шаруашылығы департаменттерiнiң ұсыныстары негiзiнде Ауылшарминi заңнамада белгiленген тәртiппен облыстар бойынша бекiтiлген субсидиялар сомаларына тиiстi өзгерiстер енгiзедi.
14. Ауылшартауарын өндiрушiнiң минералдық тыңайтқыштарды, тұқым улағыштарды және гербицидтердi алу фактiсi бойынша сатушылар, ауылшартауарын өндiрушiлер мен ауыл шаруашылығы департаменттерi арасында Ауылшарминi бекiткен нысан бойынша минералдық тыңайтқыштарды, тұқым улағыштарды және гербицидтердi жеткiзу туралы үш жақты актiге қол қойылады.
Тараптардың минералдық тыңайтқыштарды, тұқым улағыштарды және гербицидтердi жеткiзу және мақсатты пайдалану туралы үш жақты шарттарға, сондай-ақ минералдық тыңайтқыштарды, тұқым улағыштарды және гербицидтердi жеткiзу туралы үш жақты актiлерге қол қоюды ауыл шаруашылығы департаменттерi қамтамасыз етедi.
15. Субсидияларды ауыл шаруашылығы департаменттерi осы Ереженiң 6-тармағына сәйкес айқындалған сатушыларға ауылшартауарын өндiрушiлер нақты сатып алған минералдық тыңайтқыштар, тұқым улағыштар және гербицидтер үшiн төлейдi.
16. 1 тоннаға (килограмға, литрге) бөлiнетiн субсидиялардың мөлшерi ауылшартауарын өндiрушiлер сатып алған минералдық тыңайтқыштардың, тұқым улағыштардың және гербицидтердiң әрбiр түрi бойынша есептеледi және оны ауыл шаруашылығы департаменттерi комиссияның шешiмi негiзiнде минералдық тыңайтқыштардың, тұқым улағыштардың және гербицидтердiң 1 тоннасы (килограмы, литрi) құнының 40 пайызы шегiнде бекiтедi.
17. Субсидиялар алу үшiн сатушылар ай сайын, есептi кезеңнен кейiнгi айдың 15-күнiне, бiрақ тиiстi жылдың 10 қарашасынан кешiктiрмей ауыл шаруашылығы департаменттерiне мынадай құжаттарды:
Ауылшарминi бекiткен нысан бойынша ауылшартауарын өндiрушiлер нақты алған минералдық тыңайтқыштардың, тұқым улағыштардың және гербицидтердiң көлемi жөнiндегi жиынтық актiнi. Жиынтық акт осы Ереженiң 10 және 14-тармақтарында көрсетiлген минералдық тыңайтқыштарды, тұқым улағыштарды және гербицидтердi жеткiзу және мақсатты пайдалану шартының және минералдық тыңайтқыштарды, тұқым улағыштарды және гербицидтердi жеткiзу туралы үш жақты акт негiзiнде жасалады;
минералдық тыңайтқыштарды, тұқым улағыштарды және гербицидтердi жеткiзу туралы үш жақты актiнi ұсынады.
18. Ауыл шаруашылығы департаменттерi ұсынылған құжаттарды тексередi және заңнамада белгiленген тәртiппен күнтiзбелiк жылдың аяғына дейiн мiндеттемелер мен төлемдер бойынша бекiтiлген қаржыландыру жоспарларына сәйкес сатушылардың шоттарына субсидияларды аударады.
19. Ай сайын, есептi кезеңнен кейiнгi айдың 25-күнiне, бiрақ тиiстi жылдың 1 желтоқсанынан кешiктiрмей ауыл шаруашылығы департаменттерi Ауылшарминiне Ауылшарминi бекiткен нысан бойынша бюджеттiк бағдарламаны iске асыру туралы есептi ұсынады.
20. Минералдық тыңайтқыштарды, тұқым улағыштарды және гербицидтердi қолданған күннен бастап бiр ай iшiнде, бiрақ тиiстi жылдың 1 желтоқсанынан кешiктiрмей ауылшартауарын өндiрушiлер Ауылшарминi бекiткен нысан бойынша ауыл шаруашылығы департаменттерiне минералдық тыңайтқыштарды, тұқым улағыштарды және гербицидтердi мақсатты пайдаланғаны туралы актiнi ұсынады.
21. Ауыл шаруашылығы департаментi тиiстi жылдың есептi кезеңiнен кейiнгi айдың 20-күнiнен кешiктiрмей Қазақстан Республикасы Қаржы министрлiгi Қазынашылық комитетiнiң аумақтық органына Ауылшарминi бекiткен нысан бойынша сатушыларға субсидиялар төлеуге арналған ведомостi және төлеуге арналған шотты ұсынады.