"Шар станциясы - Өскемен" жаңа темiр жол желiсiн салу жөнiндегi шаралар туралы" Қазақстан Республикасы Үкiметiнiң 2005 жылғы 18 қаңтардағы N 21 қаулысына сәйкес Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған "Шар станциясы - Өскемен" жаңа темiр жол желiсiн салу және пайдалану жөніндегі концессиялық келiсiмнiң жобасы мақұлдансын.
2. Қазақстан Республикасы Көлiк және коммуникация министрлігіне Қазақстан Республикасының Үкiметі атынан осы қаулының 1-тармағында көрсетiлген Концессиялық келiсiм жасасуға өкiлеттiк берiлсiн.
3. Шығыс Қазақстан облысының әкiмдігі заңнамада белгiленген тәртiппен "Шар станциясы - Өскемен" жаңа темiр жол желiсiн және тиiстi инфрақұрылым объектілерiн салу үшiн Қазақстан Республикасы Көлiк және коммуникациялар министрлiгiне жер учаскесiн берудi қамтамасыз етсiн.
4. Орталық және жергiлiктi атқарушы органдар, Қазақстан Республикасының Президентiне тiкелей бағынысты және есеп беретiн мемлекеттік органдар (келiсiм бойынша) осы қаулыны iске асыру жөнiнде шаралар қабылдасын.
5. Осы қаулы қол қойылған күнінен бастап қолданысқа енгiзiледi.
Қазақстан Республикасының
Премьер-Министрі
Жоба
"Шар станциясы - Өскемен" жаңа темiр жол
желiсiн салу және пайдалану жөнiндегi концессиялық
келiсiм
Астана қаласы 2005 жылғы "___"_______
Бұдан әрi "Құзыреттi орган" деп аталатын Қазақстан Республикасы Көлiк және коммуникация министрлiгi "Шар станциясы - Өскемен" жаңа темiр жол желiсiн салу және пайдалану жөніндегі концессиялық келiсiмдi жасасу туралы" Қазақстан Республикасы Үкiметiнiң 2005 жылғы "___"_______ N____ қаулысына сәйкес Қазақстан Республикасы Үкiметiнiң атынан әрекет ететiн Қазақстан Республикасы Көлiк және коммуникация министрi Қажымұрат Ыбырайұлы Нағмановтың тұлғасында бiрiншi жақтан және бұдан әрi "Концессионер" деп аталатын "Досжан темiр жолы" акционерлiк қоғамы, Жарғы негiзiнде әрекет ететiн Басқарма төрағасы ________________________ тұлғасында екiншi жақтан, бiрлесiп "Тараптар" деп аталатын, осы "Шар станциясы - Өскемен" жаңа темiр жол желiсiн салу және пайдалану туралы концессиялық келiсiмдi (бұдан әрi - Келiсiм) жасасты.
Тараптар осы келiсiм арқылы Қазақстан Республикасы Президентiнiң 2001 жылғы 4 желтоқсандағы N 735 Жарлығымен бекiтiлген Қазақстан Республикасының 2010 жылға дейінгi Стратегиялық даму жоспарына сәйкес "Шар станциясы - Өскемен" жаңа темiр жол желiсiн салу және пайдалануға мүдделіліктерiн бiлдiредi.
Тараптар "Шар станциясы - Өскемен" жаңа темiр жол желiсiн салуды жеке капиталдың мемлекетпен өзара ынтымақтастығы принциптерi негізiнде жүзеге асырады.
Тараптар жаңа темiр жол желiсiн салуды жүргiзу және пайдалану кезiнде, сондай-ақ "Шар станциясы - Өскемен" жаңа темiр жол желiсiне мемлекеттiк меншiк құқығын ресiмдеу кезiнде олардың өзара құқықтары мен мiндеттерiн Келiсiм реттейтіндігіне келiседi.
1. Ұғымдар және терминдер
Осы Келiсiмде пайдаланылатын терминдер:
Объект - темiр жол желiсiнен, сондай-ақ электр энергиясымен қамтамасыз ету, сигнал беру, байланыс жүйелерiнен, құрылғыдан, жабдықтан, ғимараттардан, құрылыстар және өзге де технологиялық қажетті мүлiктен тұратын "Шар станциясы - Өскемен" жаңа темiр жол желiсi;
Келiсiлген аумақ - осы Келiсiмнiң қолданылу мерзiмiнде Объектiнi салу және пайдалану үшiн Концессионерге Құзыретті орган төлемсiз қолдануға ұсынатын, қажеттi көлемдер және орындағы жер учаскесi;
Техникалық маманданым - Келiсiмге ____ қосымшаға сәйкес темiр жол желiсiнiң техникалық сипаттамасы;
Жоба - осы Келiсiмнiң қолданылу кезеңiнде Объектiнi салуға, пайдалануға бағытталған iс-шаралар кешенi;
Құрылысқа арналған мердiгерлiк шарты - жобалық-сметалық құжаттамаға, жұмыс жоспарына және Қазақстан Республикасы заңнамаларының талаптарына сәйкес құрылыс жұмыстарын жүргiзуге арналған Концессионер мен үшiншi тұлға (үшiншi тұлғалар) арасындағы шарт;
Жоба бойынша шарттар және келiсiм-шарттар - Жобаны iске асыруға қажетті барлық шарттар мен келiсiм-шарттар;
Жобаны iске асыру кезеңi - осы Келiсiмге қол қойылған сәттен бастап Объектiнi пайдалануды аяқтау және оны мемлекеттiк меншiкке беруге дейiнгi кезең;
Қаржылық-экономикалық модель - Объектiнi пайдаланудан, сондай-ақ инвестициялардан түсетін кiрiстердiң, күтiп ұстау, жөндеу мен басқаруға арналған шығыстардың, салықтарды, алымдардың және басқа да шығыстардың қалыптасуын анықтайтын базалық қаржылық-экономикалық параметрлерге негiзделген Концессионердiң Объектiнi салу мен пайдалануының қаржылық нәтижелерiнiң кешендi болжамы. Қаржылық-экономикалық модельдердi iске асыру деп Жобаны iске асырудан келген нақты нәтижелерiнiң макроэкономикалық шарттарға енгiзiлуi мүмкiн өзгерiстердi ескере отырып, жобаның берiлген экономикалық көрсеткiштерiне сәйкес келуiне қол жеткiзу түсiніледi;
Жобаны қаржыландыру - Жобаны iске асыру үшiн ақша тарту жөнiндегi Концессионердiң қызметi.
2. Келiсiмнiң мәнi
1. Келiсiмнiң мәнi Объектiнi салуға, оны пайдалануға және мемлекеттiк меншiк құқығын ресiмдеуге Концессионерге құқық беру кезiнде тараптардың қарым-қатынастарын реттеу болып табылады.
2. Объектінi салуды бiрден бiр мақсаты Объектiнi салу, оны концессиялық келiсiм негiзiнде пайдалану және одан кейiн мемлекеттiк меншiкке беру болып табылатын Концессионер жүзеге асырады.
3. Пайдалану мерзiмiнiң ұзақтығы, Концессионер Объектiнi пайдалануды iске асыратын экономикалық және құқықтық орта Концессионердің Жобаны қаржыландыру нәтижесiнде болған барлық қарыздық мiндеттемелерiн орындауға, сонымен қатар Концессионердiң акциялар капиталына кiрiсті қамтамасыз етуiне ықпал етедi.
4. Осы Келiсiмдi iске асыру кезеңi - 2005 жылдың ____ бастап 2028 жылдың ____ қоса алғандағы кезең, соның iшiнде осы Келiсiмнiң жекелеген кезеңдерiн жүзеге асыру мерзiмдерi:
құрылыс кезеңi - 2005 жылдан ____ бастап 2008 жылдың ____ қоса алғандағы кезең;
пайдалану кезеңi - 2008 жылдың ____ бастап 2028 жылдың ____ қоса алғандағы кезең.
5. Объектiнің пайдалану мерзiмi бiткеннен кейiн Концессионер Объектiнi мемлекет меншiгiне, оның уәкiлеттендiрген органдар тұлғасына, 2028 жылдан кешiктiрмей бередi.
3. Келiсiмнiң мақсаты
Осы Келiсiмнiң мақсаты Қазақстан Республикасының заңнамасына сәйкес Объектiнi салу, пайдалану және мемлекеттiк меншiкке беру жөніндегі Құзыреттi орган мен Концессионер арасындағы шарттық қарым-қатынастарды анықтау және заңды ресiмдеу, сондай-ақ осы Келiсiмнiң ажырамас бөлiгі болып табылатын Жобаның қаржы-экономикалық моделiн iске асыру болып табылады.
4. Келiсiлген аумақ
1. Құзыреттi орган Жобаны iске асыру үшiн Объектiнiң құрылысы үшiн қажеттi көлемдегi жер учаскесiн мемлекеттiк нақты кепiлдiк ретiнде уақытылы ұсынуды қамтамасыз етедi.
2. Концессионер Осы Келiсiмнiң шарттарына сәйкес Шарттық аумақтың шегінде Объектінiң құрылысын орындайды.
3. Концессионер оған Шарт аумағының шегiнде берілген жер көлемiн Объектіні салу және пайдалану мақсатында ғана қолданады.
4. Концессионер Шарттық аумақта жобалау-сметалық құжаттамаларда көзделген және Объектiнi салу және одан әрi пайдалануды жүзеге асыру үшiн қажетті өндiрiстiк және әлеуметтiк инфрақұрылым объектілерiн салады.
5. Егер құрылысты жүргiзу барысында құрылыстың географиялық шекаралары Жер бөлуде және осы Келiсуге қосымшада көрсетiлген шеңберден шығып кеткендiгі анықталса, Шарттық аумақты кеңейту туралы мәселе жер пайдалану актілерiне өзгерiс енгізу және Келiсiм шарттарына өзгерiс пен толықтыру енгiзу жолымен шешiледi.
5. Тараптардың жалпы құқықтары мен мiндеттерi
1. Құзыретті органның құқықтары мыналар:
1) Келiсiмнiң шарттары бойынша Концессионермен болған келiссөздерде Қазақстан Республикасы Үкiметiн бiлдiру;
2) Қазақстан Республикасы Үкiметiне Концессионердiң осы Келiсiм шарттарын орындағаны немесе орындамағаны туралы ақпарат беру;
3) Концессионерден Келiсiм шарттарының орындалу барысы туралы ақпарат пен есеп сұрату және алу;
4) Келiсiмнiң шарттарын орындау бойынша Концессионердiң қызметiн бақылау;
5) Концессионердiң Келiсiмдi iске асыру барысына мониторинг өткiзу.
2. Құзыретті органның мiндеттерi мыналар:
1) Келiсiмнiң орындалу мерзiмiнде үшiншi тұлғаларға осы Келiсiмнiң 2.1 тармағында көрсетiлгенге ұқсас құқықтарды бермеу;
2) Қазақстан Республикасының заңнамасында көзделген тәртiпте және негiздерде Келiсiм шарттарының орындалуын қамтамасыз ету;
3) өз құзыретi шегінде Келiсiмге сәйкес Келiсiлген аумақты Концессионерге берудi қамтамасыз ету;
4) Объектi пайдалану мерзiмi аяқтағаннан кейiн өз құзыретi шегінде белгіленген тәртiппен Объектiге мемлекеттік меншiк құқығын ресiмдеуге қатысу;
5) өз құзыретті шегiнде инвестициялық салық преференцияларын осы Келiсiмнiң шеңберiнде Концессионерге беруге қатысу.
3. Концессионердiң құқықтары мыналар:
1) Келiсiмде көзделген шарттарға сәйкес оған берiлген Келiсiлген аумақ шегінде Объекттi салу жөнiндегi кез келген заңды iс-әрекеттi өзi жасау;
2) Келiсiлген аумақта Объектiнi пайдалануға қатысты өндiрiстiк және әлеуметтiк сала объектілерiн салу;
3) Объектiнi салу және пайдалану жөнiндегi мердiгерлiк жұмыстарды орындау үшiн мердiгерлердi тарту;
4) бағалы қағаздар рыногы туралы заңнамаға сәйкес Жобаны қаржыландыруға институциялық инвесторларды бiрiншi кезекте жинақтаушы зейнетақы қорларын тарту мақсатында инфрақұрылымдық облигациялар шығару;
5) Қазақстан Республикасында және одан тыс жерлерде, егер бұл Қазақстан Республикасының заңнамасына қайшы келмейтiн болса, Объектiнiң құрылысын қаржыландыру үшiн заемды кез келген валютада еркiн-алу;
6) Келiсiм бойынша түсулер мен кiрiстер болып табылатын ақша қаражатын алу үшiн осы Келiсiмнiң шарттарын орындау мақсатында Қазақстан Республикасының банктерiнде және одан тыс жерлерде ұлттық және шетел валютасында шоттары болу.
4. Концессионердiң мiндеттерi мыналар:
1) нормативтiк құқықтық актілерге, жобалық-сметалық құжаттамаларға сәйкес Объектiнi салу және пайдалану жөнiндегi жұмыстарды Келiсiмде белгіленген мерзiмде, өз тәуекелi есебiнен және тартылған мердiгерлiк ұйымдардың күшiмен орындау;
2) Объектiнi салуды Келiсiлген аумақта ғана жүргізу;
3) Жобаны орындауға осы Келiсiмнiң шарттарына сәйкес оған қол қойылғаннан кейiн _______ мерзiмнен кешiктiрмей кiрiсу;
4) Объектiнi салуды жүзеге асыру кезiнде неғұрлым тиiмдi, сапалы әдiстердi және технологияны таңдау және пайдалану;
5) Жобаны қаржыландыру мақсатында, инфрақұрылымдық облигацияларды қосқанда, қаржы құралдарын, шығаруды және орналастыруды iске асыру;
6) Келiсілген аумақты Жобаны iске асыру мақсатында ғана пайдалану;
7) Объектіні салуды Қазақстан Республикасының заңнамасына, жоба-сметалық құжаттамаларға және осы Келiсiмге қатаң сәйкестiкте жүргiзу;
8) егер бұл қауiпсiздiктің ерекше талаптарына байланысты болмаса және мұндай қызмет Объектіні салу және пайдалану бойынша жұмыстар жүргізуге керi әсерiн тигiзбесе, басқа тұлғалардың Келiсiлген аумақ шегiнде еркiн жүруiне, жалпы пайдаланымдағы объектілер мен коммуникацияларды пайдалануға немесе жұмыстың кез келген түрiн жүргiзуге кедергi жасамау;
9) Объектiнi салу және пайдалану жөнiндегi жұмыстар сапасын техникалық қадағалауды және технологиялық қамтамасыз етудi ұйымдастыру жолымен қамтамасыз ету;
10) темiр жол желiсiн салуды жүзеге асыру кезiнде Қазақстан Республикасында өндiрiлген жабдықтар мен материалдарды басым тәртiпте пайдалану;
11) Объектiнi салу кезiнде отандық мердiгерлiк ұйымдарды басым тәртiппен тарту;
12) Қазақстан Республикасында қызметтердiң қажеттi түрi болмаған жағдайда, шетелдiк ұйымдардың қызметтерiн Қазақстан Республикасының заңнамасында белгіленген тәртiпте пайдалану;
13) Объектiнi салу жөніндегі жұмыстарды жүргізу кезiнде қазақстандық кадрларға артықшылық беру;
14) бюджетке салықтарды және басқада мiндеттi төлемдердi уақтылы төлеу, Құзыреттi органға және бюджеттi орындау жөнiндегi уәкiлеттi орталық органға әр тоқсан сайын қаржылық есеп берудiң типтiк түрлерiн (бухгалтерлiк теңгерiм, қаржылық-шаруашылық қызметтiң нәтижелерi туралы есеп) және Концессионердің қаржылық жағдайын анықтайтын басқа қажетті құжаттарды беру;
15) Қазақстан Республикасының уәкiлеттi органдарына олардың қызметтік функцияларын орындау кезiнде қажетті құжаттарды, ақпаратты және жұмыс орындарына кiру мүмкiндігін беру және олар анықтаған бұзушылықтарды уақтылы жою;
16) өз қызметiнiң барысында Келiсiлген аумақта орналасқан мәдени-тарихи мәнi бар объектілердi сақтау, қоршаған ортаны қорғау жөнiндегi талаптардың орындалуын қамтамасыз ету;
17) Келiсім бойынша Концессионер қызметiнен жай-күйi бұзылған жер учаскелерiн және басқа да табиғи объектiлердi Қазақстан Республикасы заңнамаларының талаптарына сәйкес одан әрi пайдалану үшiн жарамды жай-күйге дейiн қалпына келтiру;
18) Объектiнiң құрылысын аяқтағаннан кейiн Объектінi белгiленген тәртiппен пайдалануға енгiзу, Объектiге меншiктік құқықты ресiмдеу;
19) Объектiнi пайдалануды оның мақсаттық пайдалануына сәйкес iске асыру;
20) Қазақстан Республикасының темiр жолдарын техникалық пайдалану ережелерiне сәйкес техникалық құралдарды дұрыс күйде ұстауды қамтамасыз ету;
21) Құзыретті органның өкiлдерiнiң және Қазақстан Республикасының темiр жолдарында тасымалдау процесiнiң қауiпсiздiгiне жауапты тұлғалардың темiр жол көлiгi объектiлерiн тексеру үшiн кедергісiз өтудi қамтамасыз ету және Объектiнiң күйi бойынша анықталған ескертулердi жою жөнiнде шаралар қолдану;
22) ревизорлық аппараттың санын, оның құрылымын және поезд қозғалысына қатысты жұмыскерлердiң штатын Құзiретті органмен келiсудi қамтамасыз ету;
23) тасымалдау процесiн темiр жол көлiгiнде қолданылып отырған нормативтік құқықтық актiлерге сәйкес iске асыру;
24) Жобаны құрылыс бөлiмiнде қаржыландыруды бекiтiлген Жоба жөнiндегi жобалау-сметалау құжаттамасының шегiндегi қаржымен iске асыру;
25) облигациялық заемдар бойынша мiндеттемелердi уақытылы орындауды қамтамасыз етуге арналған қаржыны арнаулы шоттарда жинақтау;
26) инфраструктуралық облигацияларды шығаруды мемлекеттік тiркеу үшiн құжаттарды, сонымен қатар инфраструктуралық облигацияларды орналастыру және қарызды жабу нәтижелерi мен Қазақстан Республикасындағы және одан сырт банкiлерде бар шоттар туралы есептi қаржы нарығын және қаржы ұйымдарын реттеу мен қадағалау жөнiндегi уәкілеттi органға келiсуге ұсыну;
27) пайдалану мерзiмiнен соң Объектiнi мемлекеттiк меншiкке беру;
28) мемлекетке Концессионердiң несие берушiлер алдындағы инфрақұрылымдық облигациялар бойынша мiндеттемелерiн орындамауына байланысты шығындардың орнын толтыру.
6. Жобаны қаржыландыру
1. Жобаны қаржыландыру шаралары Қазақстан Республикасының заңнамасына сәйкес iске асырылатын болады.
2. Жобаны қаржыландыру акцияларды, облигацияларды және басқа да заемдарды шығару есебiнен, сондай-ақ пайдалану кезеңiндегi Концессионердiң кiрiстерi есебiнен жүргiзіледi.
3. Жобалау құжаттамаларын дайындау кезеңiнде Жобаны қаржыландыру акцияларды шығару және орналастыру есебiнен жүзеге асырылады. Құрылыс кезеңiнде Жобаны қаржыландыру акцияларды және облигациялық заемдарды шығару және орналастыру есебiнен жүзеге асырылады.
4. Концессионер пайдалану кезеңiнде кассалық ажырату (кiрiстер мен шығыстар арасындағы қысқа мерзімдi сәйкессiздiктер) туындаған жағдайда ақша қаражаттарын толықтыру үшiн несиелердi тартуға құқылы. Заемдарды (облигациялық заемдардан басқа) тарту Концессионердiң мiндеттемелерiн Концессионер активтерінің 10 % бағасынан артық сомаға және 1 жылдан артық мерзiмге көбейтуге әкелген жағдайда Концессионер мұндай заемның шарттарын бюджетті орындау жөнiндегi уәкілетті органмен келiседi. Келiсу мерзiмi - 3 жұмыс күнi. Концессионердiң хабарламасына 3 жұмыс күнi iшiнде бюджеттi орындау жөнiндегi уәкiлетті органнан жауап болмаған жағдайда келiсiм орындалды деп есептеледi.
5. Облигациялық заем инфрақұрылымдық облигацияларды шығару және орналастыруды көздейді. Облигацияларды орналастыру құрылысты жүзеге асыру үшiн қаражатқа қажеттілiкке қарай жүргізіледi.
6. Облигациялық заемның шарттары облигацияларды шығару анықтамалығында көзделеді, Концессионермен белгіленедi. Концессионер бағалы қағаздардың екiншi рыногында облигацияларды сатып алуды жүзеге асыруға құқылы.
7. Үкiмет, Құзыреттi органның тұлғасында Концессионермен бiрге осы Келiсiмнiң шеңберiнде шығарылатын инфрақұрылымдық облигациялар жөніндегі кепiлдемеге сәйкес мiндеттемелерiнiң орындалуы үшін, мемлекетке берiлетiн Объектiнiң қаржылық-экономикалық моделiне сәйкес анықталатын құнына сәйкес сомада, субсидиарлық жауапкершiлiк алады.
8. Концессионердiң осы Келiсiмнiң шеңберiнде шығарылатын инфрақұрылымдық облигациялар жөніндегі мiндеттемелерiн орындауды қамтамасыз ету ретiнде Қазақстан Республикасы Үкiметiнiң қаулысы негізінде бюджеттi орындау жөніндегі орталық уәкілеттi органнан кепiлдеме берiледi.
9. Кепiлдеме, iшiнде:
1) кепiлдеме оған сәйкес берiлiп отырған Қазақстан Республикасының Үкiметi қаулысының деректемелері;
2) Концессионердің аты мен мекен-жайы;
3) кепiлдеме шартқа тараптары және негiзгi мiндеттемелердiң (облигациялық заемдардың) мазмұны;
4) кепiлдеме келiсiм-шартына қол қойған жауапты тұлға көрсетілген бюджеттi орындау жөніндегі орталық органның және облигацияны ұстаушының өкiлi арасында жасалған жазбаша нысандағы шарт арқылы беріледi.
7. Қаржылық-экономикалық модель
Осы Келiсiмнiң ажыратылмайтын бөлiгі болып табылатын, бастапқы базалық қаржылық-экономикалық параметрлерге негізделген және Тараптармен келiсілген Жобаның қаржылық-экономикалық моделi осы Келiсiмнiң қосымшасында берiлген.
8. Құрылыс кезеңi
1. Келiсiмге сәйкес Объектiнiң құрылыс кезеңi қатарынан үш жылдан тұрады.
2. Концессионер құрылыстың басталатын нақты күнiн Құзыреттi органмен келiседi.
9. Пайдалану кезеңi
1. Келiсiмге қол қою арқылы Құзыреттi орган және Концессионер, өзгесiнен басқа, осы Келiсiмнiң 16.1 және 16.2-тармақтарында көрсетiлген жағдайларды қоспағанда, осы Келiсiмнiң қолданылу мерзiмi iшiнде Объектiнiң талап етілмейтiндiгiн куәландырады.
2. Объектi үшiн тариф қаржылық-экономикалық моделдi iске асыруды қамтамасыз ететiн деңгейде белгiленедi.
3. Жүк айналымының өсуi және тиiсiнше кiрiстердiң өсуi жағдайында Тараптар кiрiстердiң бiр бөлiгiн (келiсiлген жоспар бойынша) инфрақұрылымды, кеңейту және жақсартуға жолдардың электрлендiруге және өзге де көлiк жағдайларын өзгеде мүмкiн болатын жетiлдiруге бағыттау бойынша қосымша келiсiм жасасуы мүмкiн.
4. Келiсiмге қосымша Келiсiм бойынша инвестицияларға бағытталмайтын кiрiстер облигацияларды сатып алу, Объектінi мемлекетке мерзiмiнен бұрын қайтарылуының өзге де экономикалық жағдайларын қамтамасыз ету, резервтердi және Концессионердiң соңғы кiрiстердi қалыптастыру үшiн пайдаланылуы мүмкiн.
5. Осы Келiсiмде көзделген мерзiмдер басталған кезде, аталған Келiсiмге сәйкес туындаған Концессионердiң барлық қаржылық мiндеттемелердi орындаған жағдайда, Концессионер Объектiнi мемлекеттiк меншiктi жайғастыру жөнiндегi уәкiлеттi орган анықтаған мемлекеттiк ұйымға бередi.
10. Жобаны iске асыруды қамтамасыз
ету жөнiндегi шаралар
1. Тараптар Келiсiм шарттарына сәйкес қаржылық-экономикалық моделдi iске асыру мақсатымен Объектiнi тиеудi қамтамасыз ету үшiн барлық қажеттi шараларды қабылдайды.
2. Құзыретті орган Келiсiмдi атқару кезiнде туындайтын Концессионердiң қарсылық мiндеттемелерiнiң орындалуын және өтелуiн қамтамасыз ететiн тарифтi белгілеу бойынша қосалқы әрекет етедi.
3. Егер мемлекеттік органдардың қызметi тарифтiң негізсiз төмендеуiне әкелсе, жүктердiң қозғалысына кедергі жасаса, Келiсiмде көрсетiлген темiр жол желісін пайдалануда кiрiстiң төмендеуiне соқтыратын бәсекелес көлiк жолдары бойынша кемсiтушілiк тарифтер орнатса, басқалай түрде Жобаның қаржылық-экономикалық моделiнiң базалық көрсеткiштерiн нашарлатса және Концессионердің Келiсiм бойынша мiндеттемелерiн орындауын мүмкiн етпеуге әкелсе, Қазақстан Республикасының Үкiметi тиесілi Уәкілетті органның тұлғасында Концессионердiң қанағаттандырылмаған мiндеттерiн өзiне алады.
11. Сақтандыру
1. Тараптар Концессионер заңнамамен белгіленген тәртiппен сақтандыруға мiндеттi сақтандыруға жататын тәуекелдердi анықтайды.
2. Сақтандыру:
құрылыс жүргiзiлетiн орынға жеткiзілетiн жүктердi тасымалдау және қоймаға қоюға;
жалға алынған және лизинг бойынша қолданылатын мүлiктердi қоса алғанда, құрылысты жүргiзу процесiнде қолданылатын Концессионердiң мүлкіне;
қоршаған табиғи ортаны, соның iшiнде жердi ластаумен және қоршаған табиғи ортаға келтiрiлген зиян салдарын жоюға арналған шығыстарға;
үшiнші тұлғалардың алдындағы жалпы азаматтық-құқықтық жауапкершілiкке байланысты мүлiк тәуекелділiгi және жауапкершілік тәуекелділігі үшiн көзделедi.
3. Концессионер өз қалауы бойынша Қазақстан Республикасының заңнамасына сәйкес сақтандыру компанияларын таңдайды.
12. Форс-мажор
1. Осы Келiсiм бойынша Тараптар қандай да бiр мiндеттемелердi орындамағаны немесе тиiстi орындамағаны үшiн, егер мұндай орындамау немесе тиiстi орындамау Қазақстан Республикасының заңнамасына сәйкес дүлей күш жағдайына (форс-мажор) байланысты болмаса, жауапты болмайды.
2. Дүлей күш жағдайына берiлген шарттардағы тосын және күтпеген жағдайлар, мысалы: осы Келiсiм бойынша Тараптардың мiндеттемелерінің орындалуына тiкелей әсер ететiн әскери қақтығыстар, табиғи апаттар жатады. Келтiрiлген тiзiм нақты болып табылмайды. Мұндай жағдайларға жекелеп алғанда жұмыстарды орындау үшiн қажеттi материалдардың немесе қызметтердiң рынокта болмауы немесе тапшылығы жатпайды.
3. Дүлей күш жағдайлары туындаған жағдайда, одан зардап шеккен Тарап бұл туралы кездейсоқтық жағдайдың басталған күнiн және сипатын нақтылайтын жазбаша хабарламаны табыс ету не почта бойынша жөнелу жолымен екiншi Тарапты дереу хабардар етедi.
4. Кездейсоқтық жағдайлар туындаған кезде Тараптар дереу қалыптасқан жағдайдан шығу жолдарын iздестiру үшiн кеңес өткiзедi және мұндай жағдайлардың зардаптарын барынша азайту үшiн барлық құралдарды пайдаланады.
5. Кездейсоқтық жағдайлардан туындаған Келiсiм бойынша жұмыстарды толығымен немесе iшiнара тоқтатқан кезде бұл жұмыстарды жүргiзу кезеңi кездейсоқтықтың әрекет ету мерзiмiне созылады және кездейсоқтық тоқтаған сәттен бастап қайта жаңартылады.
13. Құпиялылық
1. Келiсiмдi орындау барысында қандай да бiр Тарап алған немесе сатып алған ақпарат құпия болып табылады. Тараптар құпия ақпаратты Қазақстан Республикасының заңнамасында көзделген қажетті есептер жасау үшiн пайдалана алады.
2. Тараптардың мынадай жағдайларды қоспағанда екiншi Тараптың келiсiмiнсiз үшiншi тұлғаға құпия ақпаратты беруге құқығы жоқ:
Қазақстан Республикасының заңнамасында көзделген тәртiппен сот немесе құқық қорғау органдарына ақпарат берiлсе;
ақпарат Концессионерге қызмет ететiн үшiншi тұлғаға осы үшiншi тұлға мұндай ақпаратты құпия ретiнде қарасуға және оны Тараптар белгiлеген мақсатта ғана және Тараптар анықтаған мерзiмде пайдалануға өзiне мiндеттеме алған жағдайда берілсе;
ақпарат Концессионер Жобаға қаржы қаражатын тарту туралы келiссөздер жүргізетiн институциялық инвесторға осы инвестор мұндай ақпаратты құпия ретiнде қарасуға және оны тек көрсетiлген мақсаттарға пайдалануға өзiне мiндеттеме алған жағдайда ғана берiлсе;
осы Келiсiмге қосымшадағы Жобаның қаржылық-экономикалық моделi туралы ақпарат.
3. Тараптар Қазақстан Республикасының заңнамасына сәйкес Келiсiлген аумақта құрылыс жүргiзуге және Объектiнi пайдалану процесiне қатысты барлық құжаттар, ақпараттар және есептер бойынша құпиялылықты сақтау мерзiмiн белгiлейдi.
14. Дауларды шешу тәртiбi
1. Келiсiм және Келiсiм негізiнде қол қойылған басқа да келiсiмдер үшiн Қазақстан Республикасының құқығы қолданылады.
2. Тараптар осы Келiсiмнен туындайтын барлық даулар мен түсiнiспеушілiктердi келiссөздер жолымен шешу үшiн барлық шараларды қолданады.
3. Егер даулы мәселе келiссөздер жолымен шешiлуi мүмкiн болмаса, онда Тараптар даулы мәселенi Қазақстан Республикасының сот органдарына оны шешу үшiн тапсырады.
15. Келiсiм ережелерiнiң тұрақтылық кепiлдерi
1. Осы Келiсiмнiң шарттары Келiсiм қолданылуының барлық мерзiмi iшiнде күшiн сақтайды. Шарттардың өзгеруiне Тараптардың өзара келiсуiмен ғана жол беріледi.
2. Концессионердiң жағдайын нашарлатуға әкеп соқтыратын Қазақстан Республикасының заңнамасына, салықтықтан басқа, өзгерiстер мен толықтырулар мұндай өзгерiстер мен толықтыруларға дейiн жасасқан келiсiмге қолданылмайды.
16. Келiсiмнiң әрекетiн тоқтату шарттары
1. Тараптардың бiрi осы Келiсiмнiң шарттарын едәуiр бұзған жағдайда Тараптар Қазақстан Республикасының заңнамасында белгіленген тәртiпке сәйкес Келiсiмдi бiр жақты бұзуға құқылы.
2. Келiсiм Құзiретті органның талабы бойынша өз iс-әрекетiн мынадай:
егер Концессионер Объектiнiң құрылысына Келiсiмде белгіленген мерзiмде кiрiспеген;
адамдардың денсаулығы мен өмiрiне қауiп төндіруге байланысты құрылысты уақытша тоқтатуға әкеп соқтыратын себептердi жою мүмкiн болмаған;
Концессионерге пайдалануға берiлген уағдаласқан аумақты және Объектіні мақсатқа сай емес пайдаланған;
Келiсiммен не жұмыс бағдарламасымен белгіленген мiндеттемелердi Концессионердiң елеулi бұзған;
Концессионердi Қазақстан Республикасының қолданылып жүрген заңнамасына сәйкес банкрот деп мойындаған жағдайларда ғана мерзiмiнен бұрын тоқтатады.
3. 16.2-тармақтың шарттары туындаған жағдайда Қазақстан Республикасының заңнамасына сәйкес және қызығушы тараптардың ұсыныстарын ескере отырып Объектiнi одан әрi салу мен пайдалану және мемлекеттiк меншiкке беру шарттары туралы шешiмдi Қазақстан Республикасының Үкiметi қабылдайды.
17. Қосымша ережелер
1. Тараптар тәуелсiз аудитті, сараптаманы, бұқаралық ақпарат құралдарын, қоғамдық ұйымдармен өзара iс-қимылды және өзге де шараларды пайдалану жолымен Келiсiмдi орындаудың транспаренттігiн қамтамасыз етедi.
2. Тараптар Келiсiм қолданылған мерзiм iшiнде экологиялық, санитарлық-гигиеналық талаптар мен стандарттарды қамтамасыз ету бойынша күш салады.
3. Тараптардың заңды мәртебесiнiң немесе ұйымдастыру-құқықтық нысанының өзгеруi осы Келiсiмнiң қолданысын тоқтатпайды және Тараптар Келiсiмдi бұзуға, оны өзгертуге тілек бiлдiрген немесе құқық нормалары оны қайта ресiмдеудi талап еткен жағдайларды қоспағанда, барлық құқықтар мен мiндеттемелер тиiстi құқықтық мирасқорға өтедi. Бұл ретте Талаптар қайта тiркеу фактiсiнен кейiн заңды мәртебесiнiң өзгергенi туралы бiр-бiрiн хабардар етуге мiндеттi.
4. Келiсiм олардың әрқайсысының бiрдей заң күшi бар мемлекеттiк және орыс тiлдерiнде екi данада жасалған, олардың бiрi Құзыреттi органда қалады, екiншiсi Концессионерге берiледi.
5. Келiсiмге өзгерiстер мен толықтырулардың, егер оларды бұған уәкiлеттiк берiлген тұлғалар жасаған болса, заң күшi болады.
6. Осы Келiсiм оны тиiстi тiркеу органында мемлекеттiк тiркеуден өткен сәтiнен бастап күшiне енедi.
18. Тараптардың заңды мекен-жайы
және банктiк деректемелерi
Құзыретті орган: Концессионер:
Астана қаласы, Алматы қаласы,
Қабанбай батыр даңғылы, 47 Зенков көшесi, 80
Қазақстан Республикасы "Досжан темiр жолы"
Көлiк және коммуникация акционерлiк қоғамы
министрлiгi
БИК______________________ БИК________________
ИИК______________________ ИИК________________
СТН______________________ СТН________________
Қазақстан Республикасының Басқарма төрағасы
Көлiк және коммуникациялар
министрi
"Шар станциясы - Өскемен"
жаңа темiр жол желiсiн салу
және пайдалану жөніндегі
концессиялық келiсiмге
қосымша
Қаржы-экономикалық модель
1. Қаржы-экономикалық модельдiң сипаттамасы:
1) қаржы-экономикалық модель - Объектiнi пайдаланудан қалыптасатын кiрiстердiң, сондай-ақ инвестициялық шығындардың, ұстауға, жөндеуге және басқаруға шығыстардың, салықтардың, алымдар мен басқа да шығыстардың қалыптасуын анықтайтын базалық қаржы-экономикалық параметрлерге негiзделген, Объектiнi Концессионердiң салу мен пайдаланудың қаржы-экономикалық нәтижелерiнiң кешендi болжамы;
2) қаржы-экономикалық модельдiң базалық сценариi - осы Келiсiмде қабылданған базалық қаржы-экономикалық параметрлерге негiзделген қаржы-экономикалық модель;
3) қаржы-экономикалық модельдi iске асыру деп макроэкономикалық және басқа да жағдайлардың ықтимал өзгерiстерiн есепке ала отырып, Жобаны iске асырудың нақты нәтижелерiнiң Жобаның берілген экономикалық көрсеткiштерiне сәйкес келуiне қол жеткiзудi айтады;
4) тараптар қаржылық-экономикалық модельдi iске асыру үшiн барлық күш-жiгерiн салады;
5) қаржы-экономикалық модельдiң базалық параметрлерi мыналар болып табылады:
бастапқы инвестициялық шығындар;
инфрақұрылымдық облигацияларды шығару және орналастыру арқылы (бұдан әрi - инфрақұрылымдық облигациялық қарыздар) облигациялық қарыздарды тарту шарттары;
акционерлiк капиталдың мөлшерi;
жолдарды басқаруға және ұстауға арналған шығыстар;
күрделi шығыстар;
тариф, тарифтi индексациялау;
жүк ағыны, жүк ағынының өсуi;
жолаушылар ағыны, жолаушылар ағынының өсуi;
салық режимi;
макроэкономикалық және саяси-әлеуметтiк орта.
Егер бұл қаржы-экономикалық модельдi iске асыруға ықпал ететiн болса, Тараптар базалық параметрлердi өзгерте алады;
6) Жобаның экономикалық көрсеткiштерi:
Келiсiмнiң қолданылу кезеңiнде Объектiнi басқаруға және күтiп ұстауға арналған барлық шығыстарды жабу;
инфрақұрылымдық облигацияларды сатып алу немесе өтеу үшiн және жоспардағы күрделi жөндеудi жүзеге асыру үшiн резервтердi қалыптастыру;
инфрақұрылымдық облигациялар бойынша және басқа да қарыздар мен кредиттер бойынша сыйақы төлеу жөнiндегi төлемдердi жабу;
өтеу немесе сатып алу кестесiне сәйкес Концессионердiң инфрақұрылымдық облигацияларды толық өтеуi немесе Келiсiм мерзiмi бiткенге дейiн сатып алуы, басқа мiндеттемелерiн өтеуi. Инфрақұрылымдық облигацияларды өтеу немесе сатып алу кестесi Концессионердiң органдарымен бекiтіледi, кестенiң көшiрмесi Құзыреттi органға ұсынылады;
барлық шығыстар, салықтар және алымдар бойынша төлемдерден кейiн Концессионерге оң ақша ағынын, сондай-ақ акционерлiк капиталға қайтарымдылықтың барынша аз деңгейiн қамтамасыз ету.
2. Бастапқы инвестициялық шығындар:
1) бастапқы инвестициялық шығындар - 1) қаржылық-экономикалық модельдiң базалық параметрi; 2) мынадай шығыстар жиынтығы (инвестициялық шығыстардың баптары):
жоба алдындағы шығыстар - жобалау-сметалық құжаттама (бұдан әрi - ЖСҚ) бойынша шығыстардан басқа, құрылыс басталғанға дейiнгi Жобаны iске асырумен байланысты шығыстар, оның iшiнде Концессионердiң акционерлерi Жобаны iске асыруға қажеттi құжаттарды дайындауды ұйымдастыру жөніндегі шығындаған, активтер түрiнде капиталдандырылған, және Концессионердiң меншiгiне тиiстi тәртiппен берiлген шығыстар;
Концессионердiң ЖСҚ-ны дайындауға арналған шығыстары - толық ЖСҚ әзiрлеу бойынша мердiгерлiк ұйымдардың қызметтерiне арналған шығыстар;
мемлекеттiк органдардың комиссиялары және алымдары - жергiлiктi және республикалық бюджетке комиссиялар, алымдар және басқа да төлемдер, Жобаны iске асыру мақсатында жобалауды, құрылысты, тiркеудi ұйымдастыру барысында Концессионерлер төлейтiн басқа да алымдар мен төлемдер және Жобаны iске асыру мақсатындағы басқа да iс-шаралар;
құрылыс шығыстары - құрылыс материалдарын, қажеттi жабдықты сатып алу, мердiгерлiк ұйымдардың жасалған жұмыстары үшiн қызметтерiн төлеу жөніндегі шығыстар және ЖСҚ-да көзделген өзге де шығыстар;
құрылыс кезiндегi әкiмшiлiк және басқару шығыстары - Концессионердiң басқару персоналының еңбекақысына арналған шығыстар, iлеспе салықтар, коммуналдық шығыстар, байланыс шығыстары, әкiмшiлiк мақсатта ғимараттарды жалға алу немесе сатып алумен байланысты шығыстар, көлiк және iссапар шығыстары және Концессионер қызметiн басқару және әкiмшiлiк етудi жүзеге асырумен байланысты өзге де шығыстар;
қаржы шығындары - құрылыс кезiнде инфрақұрылымдық облигациялар бойынша сыйақылар, сақтандыруға арналған шығыстар, инфрақұрылымдық облигациялар шығару және айналысқа енгiзудi ұйымдастыру жөніндегі шығыстар және жобаны қаржыландыруды ұйымдастырумен байланысты өзге де шығыстар;
2) бастапқы инвестициялық шығыстардың мөлшерi мыналарға сәйкес анықталады: ЖСҚ, әкiмшiлiк шығыстардың бюджетi, мемлекеттiк органдар өтетiп алатын белгіленген алымдар, мердiгерлiк және қаржы ұйымдарының қызметтерiне бағалар, облигацияларды орналастыру барысында анықталған инфрақұрылымдық облигациялар (купондық ставкалар) бойынша сыйақылар мөлшерi, Концессионердiң акциялық капиталына кiргiзілген ақшалай емес жарналар мөлшерi;
3) "бастапқы инвестициялық шығыстар" базалық параметрi инвестициялық шығындар баптары бойынша өзгерiстерге сәйкес Жобаны жүзеге асыру барысында түзетілуi мүмкiн;
4) Объект құны құрылыс аяқталғаннан соң Объектiге меншiк құқығын мемлекеттiк тiркеу сәтiне Концессионер iс жүзiнде төлеген бастапқы инвестициялық шығындардан құралады;
5) инфрақұрылымдық облигациялық заем (заемдар) жөнiндегi кепiлдеменiң сомасы 2.4. тармақта көзделген Объектiнiң құнына сәйкес келедi.
3. Қаржыландыру (көздерi, шарттары, түрлерi және т.с.с.):
1) бастапқы инвестициялық шығындар мыналардың есебiнен жабылады:
1) акционерлiк капитал; 2) инфрақұрылымдық облигациялық қарыздар; және, қажет болған жағдайда, 3) басқа қарыздар мен кредиттер;
2) акционерлiк-капиталды Концессионердiң құзыреттi органдарының құрылтай құжаттарына және шешiмдерiне сәйкес акционерлер қалыптастырылады. Қаржы-экономикалық модельдiң базалық сценарийiндегі акционерлiк капиталдың мөлшерi _________ құрайды;
3) қарыз алу шарттары: қарыз мөлшерi, қарыз мерзiмi, сыйақы ставкасы;
4) инфрақұрылымдық облигацияларды шығару мен орналастыруды облигацияларды шығару анықтамалығына сәйкес Концессионер жүзеге асырады. Инфрақұрылымдық облигациялық қарыздарды тарту шарттары Құзыреттi органмен келiсіледi. Қаржы-экономикалық модельдiң базалық сценарийiндегi облигациялық қарыздың мөлшерi _________ құрайды. Басқа қарыздар мен кредиттер мөлшерi - 0 теңге;
5) инфрақұрылымдық облигациялық қарыздарды тарту шарттары - 1) қаржы-экономикалық модельдiң базалық параметрi; 2) мыналар:
инфрақұрылымдық облигациялық қарыз мөлшерi (пайдаланудың бiрiншi жылының басына негiзгi қарыз). Қаржы-экономикалық модельдiң базалық сценарийiндегi инфрақұрылымдық облигациялық қарыздың мөлшерi _________ құрайды. Басқа қарыздар мен кредиттердiң мөлшерi - 0 теңге;
инфрақұрылымдық облигациялық қарыз бойынша сыйақы ставкасы, Қаржы-экономикалық модельдiң базалық сценарийiндегі облигациялық қарыздар бойынша сыйақы ставкасы тең;
инфрақұрылымдық облигациялардың айналыс мерзiмi, қаржы-экономикалық модельдiң базалық сценарийiндегі облигациялардың айналыс мерзiмi _____ жылға тең;
инфрақұрылымдық облигацияларды шығару анықтамалығында айтылған өзге де шарттар;
6) акциялар мен инфрақұрылымдық облигацияларды орналастыру жолымен тартылған қаражаттарды игеру, ЖСҚ мен мердiгерлiк ұйымдармен шарттар негiзiнде құрылатын Қаражаттарды игеру жоспарына сәйкес жүргiзiледi, Қаражаттарды игеру жоспары Концессионердiң ұйымдарымен бекiтіледi;
7) Жобаны iске асыру ретiне қарай Құзыреттi орган ескертуiнен кейiн Концессионер Қаражаттарды игеру жоспарына өзгерiстер енгізуi мүмкiн;
8) Концессионер, Келiсiмде көзделген жағдайларды қоспағанда, Қаражаттарды игеру жоспарына енгiзілген өзгерiстерге және қаржылық нарық конъюнктурасының өзгерiстерiне сәйкес қаржы қаражаттарын тарту мөлшерiн, мерзiмiн және тәртiбiн Құзыреттi органның келiсiмiмен өзгертуге құқылы.
4. Бухгалтерлiк және салықтық есепке алу:
1) бухгалтерлiк және салық есептерi Қазақстан Республикасының заңнамаларына және Концессионердiң есеп саясаты негiзiнде бухгалтерлiк есеп стандарттарына сәйкес жүргізiледi;
2) Концессионер Объектiнi басқаруға және күтiп ұстауға арналған шығыстарды Концессионердiң есеп саясатының шеңберiнде салық заңнамасына және бухгалтерлiк есепке алу стандарттарына сәйкес ескередi;
3) пайдалану кезiндегi күрделi шығыстар Концессионердiң есеп саясаты шеңберiнде бухгалтерлiк есепке алу стандарттарына және салық заңнамаларына сәйкес Концессионермен ескеріледi;
4) Объект Концессионер теңгерiмiнде болады, бухгалтерлiк және салықтық есептер мақсатындағы амортизациялық аударымдар Қазақстан Республикасының заңнамаларына, сәйкес Концессионердiң есептiк саясаты шеңберiндегi бухгалтерлiк есеп стандарттарына есептеледi;
5) қаржы-экономикалық модельдiң базалық сценарийiнде пайдалану құқығын iске асырған сәттен бастап 10 жылға дейiнгi мерзiмде мүлiкке, жерге салық және корпоративтік табыс салығы бойынша жеңілдiктерден тұратын салық режимi қолданылды.
5. Кiрiстердi қалыптастыру:
1) Концессионер кiрiстерi - тасымалдауды жүзеге асыру үшiн Объектiнi Концессионердiң ұсынғаны үшiн тасымалдаушылардың төлемдерi түрiндегі Концессионердiң Объектiнi пайдалану құқығын iске асыруы нәтижесiнде алынған кiрiстер,
кiрiстер = тариф х жүк ағындары + тариф х жолаушылар ағындары;
2) тариф - 1) қаржы-экономикалық модельдiң базалық параметрi;
2) Концессионерге тасымалдауды жүзеге асыру үшiн Объектiнi пайдалану төлемi;
3) тасымалдаушылар тарифтi тасымалдауға өтiнiм бергеннен кейiн Концессионермен жасалатын Тасымалдауды ұйымдастыру жөнiндегi келiсiмге сәйкес төлейдi. Өтінім беру ережелерiн Концессионер белгiлейдi;
4) тариф құнын есептеудi Концессионер жүргiзедi және қажет болған жағдайда уәкiлеттi органдармен келiсiмделедi.
5) тариф құнын есептеу тариф мынадай шарттарды орындау үшiн жеткiлiктi кiрiстердiң қалыптасуын қамтамасыз ететiндей етiп жүргiзiледi:
тариф қолданылған кезеңде Объектiнi басқаруға және күтіп ұстауға арналған барлық шығыстарды жабу;
жоспарлы күрделі жөндеудi жүзеге асыру үшін резервтер қалыптастыру;
инфрақұрылымдық облигациялық және басқа да қарыздар мен кредиттер бойынша сыйақы төлемдерiн жабу;
инфрақұрылымдық облигацияларды өтеу немесе сатып алу кестесiне сәйкес облигацияларды өтеу (немесе оларды сатып алу) және Концессионердiң басқа мiндеттемелерiн өтеу;
Концессионерге барлық шығыстар, салықтар және алымдар бойынша төлемдерден кейiн оң ақша ағынын, сондай-ақ акционерлiк капиталға қайтарымның барынша аз деңгейiн қамтамасыз ету;
6) қаржы-экономикалық модельдiң базалық сценарийiндегі тариф мөлшерi мыналарды құрайды:
жүк тасымалына арналған тариф: _________ (ҚҚС қоспағанда);
жолаушы тасымалына арналған тариф: _________ (ҚҚС қоспағанда);
7) тариф деңгейiнiң қаржы-экономикалық модельдiң 5.5.1-5.5.5 тармақтарына сәйкестiгін қамтамасыз ететiндей етiп тариф жыл сайынғы негiзде индекстеледi. Қаржы-экономикалық модельдiң базалық сценарийiнде тарифтi индекстеу мөлшерi _________ құрайды;
8) жүк ағыны, жолаушылар ағыны - 1) қаржы-экономикалық модельдiң базалық параметрi; 2) 1 жылға тең мерзiмде Концессионермен жасалған тасымалдауды ұйымдастыру жөніндегі келiсiмге сәйкес тасымалдаушылар орындаған жүк тасымалының және жолаушы тасымалының көлемi;
9) қаржы-экономикалық модельдiң базалық сценарийiндегі жүк ағынының мөлшерi жылына мың тоннаны құрайды;
10) қаржы-экономикалық модельдiң базалық сценарийiндегi жолаушы ағынының мөлшерi жылына мың вагон-километрдi құрайды. Жолаушы ағынының өсуi болжанбайды;
11) қаржы-экономикалық модельдiң базалық сценарийiндегi жүк ағынының өсуi Объектiнi пайдаланудың алғашқы 10 жылында жылына бұдан әрi жылына 0%.
6. Концессионер шығыстары:
1) Концессионер шығыстары - бұл:
Объектінi басқаруға және күтiп ұстауға арналған шығыстар - 1) қаржы-экономикалық модельдiң базалық параметрi; 2) Объектiнi тасымалдаушылардың пайдалануына беру, Объектіге қызмет көрсетумен және тасымалдаудың жүзеге асыру үшiн Объектiнi ұсыну жөніндегі Концессионердiң қызметiне байланысты тысқары ұйымдарға төлемдер, әкiмшiлiк және жалпы шығыстар, ағымдағы жөндеуге және Объектiнi және қосалқы инфрақұрылымды күтiп ұстауға арналған шығыстар;
инфрақұрылымдық облигациялық қарыздар және басқа да қарыздар мен кредиттер бойынша сыйақы шығыстары;
инфрақұрылымдық облигацияларды өтеу немесе сатып алу кестесiне сәйкес инфрақұрылымдық облигациялық қарыздарды өтеуге қызмет көрсету, сатып алу, басқа да қарыздар мен кредиттердi өтеуге қызмет көрсету;
жоспарлы күрделi жөндеуге немесе жоспарлы күрделi жөндеудi жүзеге асыру үшiн резерв қалыптастыруға арналған шығыстар;
2) жыл сайынғы шығыстар бюджетiн Концессионер болжамдар, жасалған келiсiмдер, қарыздар мен кредиттер бойынша сыйақыларды төлеу жөніндегі мiндеттемелер, күрделi жөндеу үшiн резерв қалыптастыру жоспары, сондай-ақ заемдар мен несиелер және инфрақұрылымдық облигацияларды сатып алу бойынша негiзгi қарызды өтеу жоспары негiзiнде қалыптастырады;
3) қаржы-экономикалық модельдiң базалық сценарийiнде күрделi жөндеу үшiн резервте Объектiнi басқару және күтiп ұстауға арналған шығыстардың мөлшерi 2009 жылдың 1 қаңтарына арналған баға бойынша _________ (ҚҚС қоспағанда) құрайды;
4) инфрақұрылымдық облигациялық заемдар мен басқа да несиелер бойынша сыйақы мөлшерi - бұл әрбiр заемдар мен несиелер бойынша сыйақы төлемiнiң сомасы. Қаржылық-экономикалық модельдiң базалық сценарийiнде облигациялық заемдар бойынша сыйақының жиынтық мөлшерi былайша есептеледi:
облигациялық заем бойынша сыйақы мөлшерi = облигациялық заем бойынша негiзгi қарыз сомасы х облигациялық заем бойынша купон ставкасы.
7. Облигациялық қарызды және басқа да кредиттiк мiндеттемелердi өтеуге қызмет көрсету:
1) негiзгі қарызды өтеуге қызмет көрсету - бұл негiзгi қарыз бойынша төлемдерге осы төлемдердi ұйымдастыру бойынша шығыстарды қосқанда: қаржылық ұйымдардың қызметтерiне шығыстар, комиссиялар және алымдар мен басқа да шығыстар;
2) облигациялық қарыздарды және басқа да қарыздар мен кредиттердi өтеуге қызмет көрсету негiзгi қарызды өтеу кестесiне сәйкес Концессионердiң барлық негізгі қарызы Келiсiм мерзiмi аяқталғанға дейiн толығымен өтелетiндей етiп жүргізiледi;
3) облигациялық қарыздар бойынша негiзгі қарызды өтеу облигацияларды шығару анықтамалығының шарттарына және Қазақстан Республикасының заңнамаларына сәйкес жүргiзiледi.
8. Акционерлiк капитал:
1) акционерлiк капитал - Концессионердiң акцияларын орналастыру жолымен қалыптасқан, орналастыру бағасы бойынша Концессионер акцияларының жиынтық құнына тең капитал;
2) акционерлiк капиталға қайтарымдылықтың барынша аз деңгейi - 1) қаржы-экономикалық модельдiң негiзгi көрсеткішi; 2) акционерлiк капиталдың номиналды қайтарымдылық мерзiмi кезiнде - пайдалана бастаған сәттен 10 жыл - Келiсiмнiң қолданылу мерзiмiнде 8% кем емес Концессионердiң акционерлiк капиталына кiрiстiлiктiң iшкi ставкасы;
3) акционерлiк капиталға қайтарымдылықтың барынша аз деңгейi Концессионердiң еркiн ақша ағынымен қамтамасыз етіледi;
4) дивидендтер акционерлерге Қазақстан Республикасының заңнамаларына сәйкес таза пайда алған сәттен бастап төленедi.
9. Макроэкономикалық орта:
1) макроэкономикалық орта - 1) қаржы-экономикалық модельдiң базалық параметрi; 2) Қазақстан Республикасының аумағында экономиканы дамытудың негiзгi индикаторларының жиынтығы, мыналарды қоса алғанда:
өнеркәсiп өнiмiнiң көлемi;
жүктердi көлiктiң барлық түрiмен тасымалдау;
сыртқы сауда айналымы;
жан басына шаққанда орташа қаржылық кiріс;
бюджеттің ағымдағы сальдосы;
салық салу, жинақтаушы зейнетақы қорлары, көлiк және табиғи монополияларды реттеу саласындағы нормативтiк-құқықтық актілер;
бәсекелес орта (Концессионерлерге көрсетiлетiн қызметтерге ұқсас қызмет көрсету тарифтерi);
2) макроэкономикалық ортаның өзгеруi болып қаржылық-әкiмшілiк индикаторлардың, макроэкономикалық көрсеткiштердiң, нормативтiк-құқықтық актілердiң, бәсекелес ортаның және әлеуметтiк-саяси жағдайдың елеулi кешендi өзгерiстерi түсiндiріледi.
10. Тараптардың мiндеттемелерi:
1) осы келiсiмдi құрылыс басталғанға және инфрақұрылымдық облигацияларды орналастырғанға дейiн а) Құзыреттi органның бастамасымен бұзған жағдайда, Құзыреттi орган Концессионерге Жобаны iске асыру мақсатында жұмсалған барлық шығыстардың өтелуiн қамтамасыз етедi, ал Концессионер Жобаны iске асыру барысында жұмсалған шығыстардан құралған барлық активтердi Құзыреттi органға тапсырады; б) Концессионердiң бастамасымен бұзған жағдайда, Концессионер Жобаны iске асыру барысында жұмсалған шығыстардан құралған барлық активтердi Құзыретті органға тапсырады;
2) осы Келiсiмдi инфрақұрылымдық облигацияларды орналастырғаннан кейiн, бiрақ пайдалану басталғанға дейiн а) Құзыреттi органның бастамасымен бұзған жағдайда, Құзыреттi орган Концессионерге Келiсiм бұзылған сәтте Концессионер жұмсаған бастапқы инвестициялық шығыстардың сомасына тең соманың өтелуiн қамтамасыз етедi, ал Концессионер Жобаны iске асыру барысында жұмсалған шығыстардан құралған барлық активтердi Құзыретті органға тапсырады; б) Концессионердiң бастамасымен бұзған жағдайда, Концессионер Жобаны iске асыру барысында жұмсалған шығыстардан құралған барлық активтердi Құзыретті органға тапсырады, Құзыреттi орган кепiлдеме сомасының шеңберiнде Жобаны iске асыру мақсатында тартылған инфрақұрылымдық облигациялық қарыздар жөніндегі мiндеттемелердiң орындалуын қамтамасыз етедi;
егер Концессионердiң банкротқа ұшырауы оның құрылтайшысының iс-әрекетi салдарынан болса, онда Концессионердiң қаржысының жеткіліксiздігі жағдайында, құрылтайшы Қазақстан Республикасының заңнамасына сәйкес кредит берушілер алдында субсидиялық жауапкершілiктi алады;
3) мына жағдайларда:
темiр жол желiсiнiң балама учаскелерiнде төмендетілген тариф бекiту нәтижесiнде тарифтiң бәсекеге қабiлетсiздiгi;
объектіні басқару мен күтiп-ұстауға және негiзгі қарызды өтеу бойынша және сыйақы бойынша шығыстарды ұлғайту нәтижесiнде тарифтiң бәсекеге қабiлетсiздігі;
Концессионер қызметтерiн ұсыну және пайдалану үшiн кедергiлер туғызу нәтижесінде жүк ағынының және жолаушы ағынының төмен деңгейi;
экономикалық дағдарысты немесе стагнацияны, ереуiлдердi, жаппай ретсiздiктердi, әскери iс-қимылдарды және басқаларды қосқанда, макроэкономикалық және әлеуметтік-саяси ортаның өзгеруi, егер бұл мынадай жағдайлардың нәтижесiнде қаржы-экономикалық модельдi iске асыруға кедергi келтірсе:
Концессионер Объектiнi басқару және ұстау жөнiндегi шығыстарды төлеудi жүзеге асыра алатын жай-күйде болмаса;
Концессионердiң мiндеттемелер бойынша сыйақының кезектi төлемдерiн жүзеге асыруға қаражаты жоқ;
Концессионердiң мiндеттемелердi өтеу жоспарына сәйкес негiзгi қарыз бойынша кезектi төлемдердi жүзеге асыруға қаражаты жоқ.
Тараптар осы қосымшаның 10-тармағының 3) тармақшасындағы 5, 6 және 7 абзацтарында оқиғалардың орын алу дерегiн мойындағаннан кейiн 30 календарлық күн iшiнде қаржы-экономикалық модельдi iске асыруға кедергілердi жою үшiн шаралар қабылдайды. Бұл кедергiлердi жою және қалыптасқан берешектердi өтеу бойынша iс-әрекеттердi жүзеге асыру мүмкiн болмаған жағдайда, Құзыреттi орган Концессионердiң инфрақұрылымдық облигациялық қарыздар бойынша барлық орындалмаған мiндеттемелерiн өтеудi қамтамасыз етедi, ал Концессионер Объектiге Келiсiм шеңберiнде алынған барлық құқықтарын Құзыреттi органға немесе басқа уәкiлеттi тұлғаға тапсырады;
4) осы қосымшаның 10-тармағының 3) тармақшасындағы 5, 6 және 7-абзацтарында жазылған оқиғаның орын алу дерегі Концессионердiң қаржы-шаруашылық қызметiнiң нәтижелерi бойынша қаржы-экономикалық модельдi iске асыру туралы тоқсандық есепте (бұдан әрi - Есеп) тiркеледi және Құзыреттi органға жiберіледi;
5) Есеп бухгалтерлiк және қаржылық есептіліктен және түзету енгiзiлген қаржы-экономикалық моделi бар Жобаны iске асыру барысы туралы түсiндiрме жазбалардан тұрады;
6) Құзыреттi орган Есептi 30 күнтiзбелiк күн iшiнде қарайды және осы қосымшаның 10-тармағының 3) тармақшада жазылған оқиғалардың орын алуын мойындау немесе мойындамау туралы шешiм қабылдайды, және осы қосымшаның 10-тармағының 3) тармақшада жазылған мiндеттемелердi өзiне алады;
7) Концессионердiң барлық шығыстары бойынша төлемдерден және акционерлiк капиталға барынша аз қайтарымдылық деңгейiн қамтамасыз еткеннен кейiн еркiн ақша қаражаттарының қалыптасуын туғызатын жоғары деңгейлi жүк ағыны және жолаушы ағыны болған жағдайда, Концессионер берiлген қаражаттарды мынадай мақсаттарға бағыттайды:
инфрақұрылымдық облигацияларды және басқа да мiндеттемелердi жеделдетiп өтеу - еркiн ақша қаражаттары мөлшерiнен 70%-ға дейiн;
мiндеттемелер бойынша сыйақы ставкасынан жоғары резервтегi капиталға кiрiс алу мүмкiндігі болған жағдайда инфрақұрылымдық облигацияларды сатып алу және өзге де мiндеттемелердi өтеу үшiн резерв қалыптастыру - еркiн ақша қаражаттары мөлшерiнен 70%-ға дейiн;
жоспардан тыс күрделi жөндеу, Объектiнi жақсарту және жаңғырту - еркiн ақша қаражаттары мөлшерiнен 20%-ға дейiн;
Қазақстан Республикасының заңнамасына сәйкес Концессионердiң қалауы бойынша өзге де мақсаттар - еркiн ақша қаражаттары мөлшерiнен 10%-ға дейiн.