"Мемлекеттік кәсiпорын туралы" Қазақстан Республикасының 1995 жылғы 19 маусымдағы N 2335 Заңына сәйкес Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Білiм және ғылым министрлігінiң республикалық мемлекеттiк қазыналық кәсіпорындары (бұдан әрі - кәсiпорындар) құрылсын:
1) "Meктепке дейiнгi балалық шақ" республикалық орталығы";
2) "Республикалық бiлiктiлiктi растау және беру орталығы";
3) "Оқулық" республикалық ғылыми-практикалық орталығы";
4) "Ұлттық аккредиттеу орталығы";
5) "Ұлттық бiлiм беру сапасын бағалау орталығы".
2. Кәсiпорындар қызметiнiң негiзгi мәнi бiлiм беру саласындағы өндiрiстiк-шаруашылық қызметтi жүзеге асыру болып анықталсын.
3. Қазақстан Республикасы Бiлiм және ғылым министрлiгi кәсiпорындарды мемлекеттiк басқару органы болып белгiленсiн.
4. Қазақстан Республикасы Бiлiм және ғылым министрлiгi заңнамада белгiленген тәртiппен:
1) кәсіпорындардың жарғыларын Қазақстан Республикасы Қаржы министрлiгiнiң Мемлекеттiк мүлік және жекешелендіру комитетiне бекiтуге енгiзсiн;
2) кәсiпорындардың әділет органдарында мемлекеттiк тiркелуін қамтамасыз етсiн;
3) ocы қаулыдан туындайтын өзге де шараларды қабылдасын.
5. Қазақстан Республикасы Үкiметiнiң кейбір шешiмдерiне мынадай толықтырулар енгізілсін:
1) "Республикалық мемлекеттiк кәсiпорындардың тізбесi туралы" Қазақстан Республикасы Үкiметiнiң 1996 жылғы 25 маусымдағы N 790
қаулысында
(Қазақстан Республикасының ПҮКЖ-ы, 1996 ж., N 29, 256-құжат):
көрсетiлген қаулымен бекiтiлген республикалық мемлекеттiк кәсiпорындардың тiзбесiнде:
"Қазақстан Республикасының Бiлiм және ғылым министрлiгi" деген бөлiм мынадай мазмұндағы реттiк нөмiрлерi 470-184-1, 470-184-2, 470-184-3, 470-184-4, 470-184-5-жолдармен толықтырылсын:
"470-184-1 "Мектепке дейiнгi балалық шақ"
республикалық орталығы" республикалық
мемлекеттiк қазыналық кәсіпорны Астана қаласы
470-184-2 "Республикалық бiлiктiлiктi растау
және беру орталығы" республикалық
мемлекеттiк қазыналық кәсiпорны Астана қаласы
470-184-3 "Оқулық" республикалық ғылыми-
практикалық орталығы" республикалық
мемлекеттiк қазыналық кәсiпорны Астана қаласы
470-184-4 "Ұлттық аккредиттеу орталығы"
республикалық мемлекеттiк қазыналық
кәсіпорны Астана қаласы
470-184-5 "Ұлттық бiлiм беру сапасын бағалау
орталығы" республикалық мемлекеттiк
қазыналық кәсiпорны Астана қаласы";
2) "Қазақстан Республикасы Бiлiм және ғылым министрлiгiнiң мәселелерi" туралы Қазақстан Республикасы Үкiметiнiң 2004 жылғы 28 қазандағы N 1111
қаулысында
:
көрсетiлген қаулымен бекiтiлген Қазақстан Республикасы Бiлiм және ғылым министрлiгiнiң қарамағындағы ұйымдардың тiзбесiнде:
"Республикалық мемлекеттiк кәсiпорындар" деген 1-бөлім мынадай мазмұндағы реттік нөмiрлерi 77-1, 77-2, 77-3, 77-4, 77-5-жолдармен толықтырылсын:
"77-1. "Мектепке дейiнгi балалық шақ" республикалық орталығы
77-2. Республикалық бiлiктiлiктi растау және беру орталығы
77-3. "Оқулық" республикалық ғылыми-практикалық орталығы
77-4. Ұлттық аккредиттеу орталығы
77-5. Ұлттық бiлiм беру сапасын бағалау орталығы".