"Өсiмдiк шаруашылығындағы мiндеттi сақтандыру туралы" Қазақстан Республикасының 2004 жылғы 10 наурыздағы Заңына сәйкес Қазақстан Республикасының Үкiметi қаулы етеді:
1. "Ауыл шаруашылығын қаржылық қолдау қоры" жабық акционерлiк қоғамы өсiмдiк шаруашылығындағы мiндеттi сақтандыруды мемлекеттiк қолдауға арналған республикалық бюджеттен бөлiнетiн қаражатты басқару жөнiндегi агент (бұдан әрi - агент) болып айқындалсын.
2. Қазақстан Республикасының Қаржы министрлiгi белгіленген тәртiппен агентке өсiмдiк шаруашылығындағы мiндеттi сақтандыруды қолдауға бөлiнетiн бюджет қаражатын аудару үшiн арнайы шот ашсын.
3. Қазақстан Республикасының Ауыл шаруашылығы министрлiгi:
агентпен өсiмдiк шаруашылығындағы мiндеттi сақтандыруды қолдауға бөлiнген бюджет қаражатын басқаруға шарт жасассын;
осы қаулыдан туындайтын өзге де шараларды қабылдасын.
4. Өсiмдiк шаруашылығындағы мiндеттi сақтандыруды қолдауға бөлiнген бюджет қаражатынан жылына 0,5 % мөлшерiнде агенттiң қызметiне ақы төлеу мөлшерi белгіленсiн.