Қазақстан Республикасы Президентiнiң "Қазақстан Республикасының әуе кеңiстігін пайдалану және авиация қызметi туралы" 1995 жылғы 20 желтоқсандағы N 2697 заң күшi бар Жарлығының 31-1-бабының 1-тармағына және "Азаматтық авиацияны мемлекеттiк реттеу туралы" Қазақстан Республикасының 2001 жылғы 15 желтоқсандағы Заңының 10-бабына сәйкес Қазақстан Республикасының Yкiметi қаулы етеді:
1. "Қазақстан Республикасы өнiмнiң сәйкестiгiн бақылау туралы" Қазақстан Республикасы Үкiметiнің 2000 жылғы 29 қарашадағы N 1787
қаулысына
(Қазақстан Республикасының ПYКЖ-ы, 2000 ж., N 51, 586-құжат) мынадай толықтырулар енгiзiлсiн:
көрсетiлген қаулымен бекiтiлген Мiндеттi түрде сертификаттауға жататын өнiмдер мен қызмет көрсетулердiң тiзбесінде:
"Қазақстан Республикасында мiндеттi түрде сертификаттауға жататын қызмет түрлерiнiң номенклатурасы" деген 20-бөлiм мынадай мазмұндағы жолдармен толықтырылсын:
"азаматтық авиация саласындағы қызмет көрсетулер, соның iшінде:
авиациялық техникаға техникалық қызмет көрсету және жөндеу жөніндегі;
авиациялық қауiпсiздiктi қамтамасыз ету жөнiндегi;
әуеайлаққа техникалық қызмет көрсету, оны ұстау және жөндеу жөнiндегi;
ұшуларды жарық техникалық қамтамасыз ету және әуежай, әуеайлақ, аэронавигация объектiлерiн энергиямен жабдықтау жөнiндегі;
азаматтық әуе кемелерiн, әуежай объектiлерi мен қызметтерiн жанар-жағармай материалдарымен және арнайы сұйықтықтармен қамтамасыз ету жөнiндегi;
азаматтық әуе кемелерiн, жолаушыларды қабылдау, шығарып салу және оларға қызмет көрсету, қолжүктi, жүктердi, почтаны өңдеу жөнiндегi;
әуе қозғалысына қызмет көрсету жөнiндегi;
ұшуларды және авиациялық электр байланысын радиотехникалық қамтамасыз ету жөнiндегi;
азаматтық әуе кемелерiн және басқа тұтынушыларды арнайы автокөлiк құралдарымен қамтамасыз ету жөнiндегi;
жолаушылар мен жүк тасымалдарын сату және брондау жөнiндегi;
азаматтық авиация оқу орындарының қызмет көрсетулерi;
азаматтық әуе кемелерiн пайдаланушының қызмет көрсетулерi;
аса жеңіл авиация саласындағы қызмет көрсетулер".