Ресей Федерациясының Yкiметi жалға алған "Байқоңыр" кешенiнiң мүлкiне бухгалтерлiк есеп жүргізудi қамтамасыз ету мақсатында Қазақстан Республикасының заңнамасына сәйкес Қазақстан Республикасының Yкiметi қаулы етеді:
1. Қазақстан Республикасының Көлiк және коммуникациялар министрлiгi Аэроғарыш комитетiнiң "Байқоңырбаланс" мемлекеттiк мекемесi (бұдан әрi - Мекеме) құрылсын.
2. Мекеме қызметiнiң негiзгi мәнi Ресей Федерациясының Yкiметi жалға алған "Байқоңыр" кешенiнiң және Ресей авиациялық-ғарыш агенттiгі ұйымдарының қарамағындағы мүлiкке бухгалтерлiк есеп жүргiзу болып белгiленсiн.
3. Қазақстан Республикасы Көлiк және коммуникациялар министрлiгiнiң Аэроғарыш комитетi заңнамада белгiлеген тәртiппен:
1) Мекеменiң Жарғысын бекiтсiн және оның әдiлет органдарында мемлекеттiк тiркелуiн қамтамасыз етсiн;
2) осы қаулыдан туындайтын өзге де шараларды қабылдасын.
4. <*>
Ескерту. 4-тармақтың күші жойылды - ҚР Үкіметінің 2004.06.01. N 604
қаулысымен
.