1. Қоса берiлiп отырған Қазақстан Республикасының Yкiметi мен Халықаралық Қайта Құру және Даму Банкi арасындағы Бiрлескен экономикалық зерттеулер бағдарламасын әзiрлеу және iске асыру жөнiндегi техникалық ынтымақтастық туралы келiсiмнiң (бұдан әрi - Келiсiм) жобасы мақұлдансын.
2. Қазақстан Республикасы Премьер-Министрiнiң бiрiншi орынбасары Александр Сергеевич Павловқа Келiсiмге қағидатты сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасы Yкiметiнiң атынан оған қол қоюға өкiлеттiк берiлсiн.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасы мен Халықаралық Қайта Құру және
Даму Банкi арасындағы Бiрлескен экономикалық зерттеулер
бағдарламасын әзiрлеу және iске асыру жөнiндегi
техникалық ынтымақтастық туралы келiсiм
Бұдан әрi Тараптар деп аталатын Қазақстан Республикасының Yкiметi (бұдан әрi "Yкiмет" деп аталатын) мен Халықаралық Қайта Құру және Даму Банкi (бұдан әрi "Банк" деп аталатын) елдегi реформалар процесiн одан әрi iлгерi бастыру мақсатында Бiрлескен экономикалық зерттеулер бағдарламасын (бұдан әрi - БЭЗБ) әзiрлеу және iске асыру жөнiндегi техникалық ынтымақтастық туралы келiсiмге (бұдан әрi "Келiсiм" деп аталатын) келдi. Осы Келiсiмде БЭЗБ негiзгi принциптерi және нысандарының түсiнiгi баяндалған.
1-бөлiм. БЭЗБ шеңберiндегi техникалық ынтымақтастық, Yкiметтiң пiкiрiнше, бiрiншi кезектегi ұлттық басымдықтар болып табылатын және Банктiң ерекше құзыретi мен тәжiрибесi шеңберiндегi экономикалық және әлеуметтiк даму салаларындағы техникалық ынтымақтастықты бiлдiредi.
2-бөлiм . Келiсiмдi iске асыру мақсатында Қазақстан Республикасының заңнамасына сәйкес 1 шiлдеден 30 маусымға дейiнгi жұмыс кезеңi мен қаржы жылы (1 қаңтардан 31 желтоқсанға дейiн) пайдаланылады.
3-бөлiм.
Yкiмет Экономика және бюджеттiк жоспарлау министрлiгiн Келiсiм шеңберiнде туындайтын барлық мәселелер бойынша ақпарат алмасу жүзеге асырылатын, сондай-ақ БЭЗБ процесiне және нәтижелерiне үнемi бақылау жасалатын уәкiлеттi орган ретiнде тағайындайды.
Атауы өзгерген немесе Экономика және бюджеттік жоспарлау министрлiгінің осы Келiсiмдi iске асыру жөнiндегi функциясын беру жағдайында Үкiмет Банкке тиiстi хабарлама жiбередi.
Ескерту. 3-бөлімге өзгерту енгізілді - Қазақстан Республикасы Үкіметінің 2004.11.16
N 1203
Қаулысымен.
4-бөлiм
. Yкiмет алдағы жұмыс кезеңiне БЭЗБ шеңберiндегi техникалық ынтымақтастықтың жыл сайынғы бағдарламасын (бұдан әрi - Жыл сайынғы бағдарлама деп аталатын) және Yкiмет атынан және ол арқылы БЭЗБ бойынша әкiмшiлiк қаржы сметасын бекiтуге уәкiлеттi ресми тұлғаны тағайындайды. Банк өз кезегiнде Қазақстандағы өкiлiн тағайындайды.
Әр жұмыс кезеңiне арналған жыл сайынғы бағдарлама мен әкiмшiлiк-қаржы сметасы Келiсiмнiң ажырамас бөлiгi болып табылады.
Ескерту. 4-бөлімге өзгерту енгізілді - Қазақстан Республикасы Үкіметінің 2004.11.16
N 1203
Қаулысымен.
5-бөлiм.
(а) Әрбiр жұмыс кезеңiнiң басында Тараптар өздерiнiң өкiлдерi арқылы Жыл сайынғы бағдарламаға енгiзiлуге тиiс зерттеулердi және басқа да шараларды талқылайды.
(б) Осы шолудың негiзiнде және өзара келiсiм бойынша Тараптар алдағы қаржы жылына арналған Жыл сайынғы бағдарламаны және тиiстi әкiмшiлiк қаржы сметасын бекiтедi, бұл орайда әрбiр жұмыс кезеңi үшiн мына жәйттер айқындалуға тиiс:
(i) алдағы жұмыс кезеңi iшiнде орындау немесе орындауды одан әрi жалғастыру үшiн Банк Yкiметке техникалық немесе өзге консультациялық қызметтер көрсетедi деп күтiлiп отырған БЭЗБ шеңберiндегi зерттеулер мен өзге де iс-шаралар;
(іi) осындай iс-шаралар өткiзу үшiн Банк қызметшiлерiнiң және консультанттардың құрамы мен санына қойылады деп күтілетін талаптар;
(iii) Yкiмет төлейтiн қоса қаржыландыру сомасы.
(в) Техникалық тапсырмалар зерттеу мәнiне жауапты Қазақстан Республикасының тиiстi мемлекеттiк органдары мен Банк арасында келiсiледi. Техникалық тапсырмалардың көшiрмелерiн Банк әлдеқандай iс-шараларды iске асыру басталғанға дейiн қарауға Yкiметке бередi.
6-бөлiм.
Үш жылдық кезең iшiнде Үкiмет қоса қаржыландырудағы өз үлесiн ықтимал ұлғайту құқығымен оның тиiсiнше 2005 жылғы 1 шілдеден 2006 жылғы 30 маусымға дейiнгi, 2006 жылғы 1 шілдеден 2007 жылғы 30 маусымға дейiнгi және 2007 жылғы 1 шiлдеден 2008 жылғы 30 маусымға дейiнгі әр жұмыс кезеңiндегі жалпы құнының елу пайызы (50 %) мөлшерiнде БЭЗБ-ны қаржыландыруға қатысады.
Үкiмет үлесiнен асып түсетiн соманы Yкiмет Жыл сайынғы бағдарламаның құнына аударуға құқылы. Бұл орайда қаржы жылының қорытындылары бойынша орын алған артық соманы Yкiмет келесi Жыл сайынғы бағдарламадағы өзiнiң үлесiн төлеу есебiне есептейдi.
Ескерту. 6-бөлімге өзгерту енгізілді - Қазақстан Республикасы Үкіметінің 2004.11.16
N 1203
Қаулысымен.
7-бөлiм. БЭЗБ-ны iске асыру барысында Банк пен консультанттар көрсеткен қызметтер құны сметалар жасаудың стандартты банк рәсiмдерiне және Тараптар арасындағы уағдаластыққа сәйкес айқындалатын ставкалар бойынша нақты шығыстар негiзiнде жыл сайын есептелiп отырады.
8-бөлiм. Yкiмет қосымша қаржыландыру сомасын Банкке дер кезiнде беру үшiн барлық қажеттi iс-әрекеттердi жасауға мiндеттi.
9-бөлiм. БЭЗБ-ны iске асыру барысында Тараптар Жыл сайынғы бағдарламаны iске асыру барысына қатысты жүйелi түрде пiкiр алысып тұрады және өзара келiсiп алып, оған өздерiнiң көзқарасына орай маңызды саналатын өзгерiстер енгiзе алады.
10-бөлiм.
а) Банк жұмыс тәртiбiмен көрсетiлетiн қызметтердiң тиiстi есебiн жүргiзедi және Yкiметтiң орынды сұрау салуы бойынша Yкiметтi осындай ақпаратпен қамтамасыз етедi.
б) Банк қызметкерлерi және/немесе консультанттар әр қаржы жылында тоқсан сайын Жыл сайынғы бағдарламаға және осы жұмыс кезеңiне арналған әкiмшiлiк-қаржы сметасына сәйкес уәкілетті органға уәкiлеттi органмен келiсiлген нысан бойынша және талаптарға сәйкес қаржының пайдаланылғандығы туралы есеп пен Банк көрсеткен қызметтер туралы есеп бередi. Көрсетiлген есептер уәкiлеттi органға әрбiр есептік тоқсан аяқталғаннан кейiн тиiсiнше екi және үш ай iшiнде ұсынылады. Банк қызметкерлерi және/немесе консультанттар әр жұмыс кезеңiнен кейiн үш ай iшiнде уәкiлетті органмен келiсiлген нысан бойынша және талаптарға сәйкес қаражаттың пайдаланылғандығы және Банк көрсеткен қызметтер туралы жылдық есептi де ұсынады.
Ескерту. 10-бөлімге өзгерту енгізілді - Қазақстан Республикасы Үкіметінің 2004.11.16
N 1203
Қаулысымен.
11-бөлiм. Банктiң сұрау салуы түскен кезде Үкiмет БЭЗБ шеңберiнде келiсiлген мiндеттердi орындау үшiн Банк тартқан консультанттардың келуiне, болуына және кетуiне аса қысқа мерзiм iшiнде жәрдем бередi.
12-бөлiм.
а) Талдамалық зерттеулер өткiзу мақсатында Yкiмет уәкiлеттi органның қызметкерлерiн Банктiң орталық офисiне жiбере алады.
б) Yкiмет қызметкерлерiнiң Банктiң орталық офисiнде болуын қамтамасыз ету жөнiндегi шығыстар Жыл сайынғы бағдарламаға енгiзiлуi тиiс.
13-бөлiм. Yкiмет, Банк қызметшiлерiнiң немесе консультанттардың қызмет мiндеттерiн қасақана бұзу оқиғаларын қоспағанда, осы келiсiм шеңберiнде қызметтер көрсету барысында Банктiң, оның қызметкерлерiнiң немесе шетелдiк консультанттардың iс-әрекетi, консультациясы немесе әрекетсiздiгi үшiн Банкке немесе оның қызметкерлерiне қойылған үшiншi бiр тараптың кез-келген талабы салдарынан Банкке және оның қызметкерлерiне нұқсан келмеуiн қамтамасыз етедi.
14-бөлiм. БЭЗБ өткiзу нәтижесiнде жасалған ұсыныстарды пайдалану туралы шешiм қабылдау Yкiметінiң мiндетi болып табылады.
15-бөлiм.
(а) Осы Келiсiм шеңберiнде қызметтер көрсету кезiнде Банк өзге қызметтi жүзеге асыру кезiндегiдей қамқорлық жасап, құлшыныс бiлдiредi. Банк Yкiметпен консультация өткiзiп алып, әлдеқандай себептер салдарынан белгiлi бiр Техникалық тапсырмада көзделген қызметтер мерзiмiнде аяқталмайды немесе Банк өз қызметiнде қолданатын әдеттегi стандарттар мен ережелерге сәйкес орындала алмайды деп тапса, Банк өз мiндеттемелерiн орындаудың мүмкiн болмау себептерiн көрсетiп Yкiметтi хабардар етiп, Тараптар өзгенi келiспейтiн болса осындай қызметтер көрсетудi тоқтата тұра алады. Банк хабардар етілген күннен бастап отыз (30) күн өткен соң осындай қызметтер көрсету жөнiндегi бұдан былайғы жауапкершiлiктен босатылады. Орындалмаған қызметтер үшiн Yкiмет жасаған төлемдер сомасын Банк өтеуге тиiс.
(б) Yкiмет Техникалық тапсырмаға сәйкес Банк көрсететiн қызметтердiң әлдеқандай түрiне кез-келген сәтте толық көлемiнде немесе iшiнара қажеттiлiк жоқ деп тапса, Yкiметтiң Банктi хабардар етуге құқығы бар және осы хабарлама алынған соң бұл қызметтер Банктiң атынан көрсетiлмеуге немесе оның өзi көрсетпеуге тиiс. Yкiмет Банкке жоғарыда аталған қызметтердi әзiрлеу барысында немесе оларды көрсетуге байланысты Банк ұшыраған шығындарды өтейдi.
16-бөлiм. Тараптардың өзара келiсiмi бойынша осы Келiсiмге жазбаша нысанда өзгерiстер мен толықтырулар енгiзiлуi мүмкiн. Кез-келген мұндай өзгерiс осы Келiсiмнiң ажырамас бөлiгi болып табылады.
17-бөлiм. Тараптар, сондай-ақ осы Келiсiмнiң шеңберiнде қажет болатын қосымша келiсiмдер жасасуы мүмкiн.
18-бөлiм. Осы Келiсiмнiң немесе кез-келген қосымша келiсiмдердiң ережелерiн не Тараптардың өзара қарым-қатынастарын қозғайтын кез-келген мәселелердi түсiндiруге немесе қолдануға қатысты Тараптардың арасындағы қандай да болсын дау-дамай келiссөздер және/немесе консультациялар арқылы шешiледi.
19-бөлiм. Әрбiр тарап басқа тарапты жазбаша хабардар ету арқылы осы Келiсiмнiң күшiн тоқтата алады. Келiсiм тиiстi тараптың хабарламасын алған күннен бастап алты айдан кейiн күшiн тоқтатады. Осы Келiсiмнiң тараптары осындай хабарлама алғаннан кейiн сол сәттегi ағымды iс-шараларды қажеттi дәйектiлiкпен тоқтату және шешiлмеген барлық қаржы мәселелерiн тез арада реттеу жөнiнде барлық тиiстi шараларды қолдануы тиiс.
20-бөлiм. Келiсiм қол қойылған күнiнен бастап күшiне енедi және 2008 жылдың 10 шiлдесiне дейiн қолданылады.
___________ қаласында 2002 жылдың "__"_______________ екi түпнұсқа данада, әрқайсысы орыс және ағылшын тiлдерiнде жасалды, және де барлық мәтiндердiң күшi бiрдей. Осы Келiсiмнiң ережелерiн түсiндiруде келiспеушiлiктер туындаған жағдайда Тараптар ағылшын тiлiндегi мәтiндi басшылыққа алатын болады.
Ескерту. 20-бөлімге өзгерту енгізілді - Қазақстан Республикасы Үкіметінің 2004.11.16
N 1203
Қаулысымен.
Қазақстан Республикасының Yкiметi
үшiн және атынан
Уақыты:
Халықаралық Қайта Құру
және Даму Банкi
үшiн және атынан
Уақыты: