1. Дала жағдайында геологиялық барлау, топографиялық-геодезиялық және iздестiру жұмыстарымен шұғылданатын қызметкерлердiң далалық жабдықталым ақшасының салық салынуға жатпайтын мөлшерi - тәулiгiне 2 айлық есептiк көрсеткiш болып бекiтiлсiн.
2. "Геологиялық барлау, топографиялық-геодезиялық және iздестiру жұмыстарымен шұғылданатын қызметкерлерге дала жұмысы үшiн ақы төлеудiң мөлшерi туралы" Қазақ КСР Министрлер Кабинетiнiң 1991 жылғы 5 қарашадағы N 674 P910674_ қаулысына мынадай өзгерiстер енгiзiлсiн:
көрсетiлген қаулымен бекiтiлген Геологиялық барлау, топографиялық-геодезиялық және iздестiру жұмыстарымен шұғылданатын қызметкерлерге дала жұмысы үшiн ақы төлеу туралы ережеде:
1) 1-тармақтың екiншi және үшiншi абзацтары алынып тасталсын;
2) 4-тармақ мынадай редакцияда жазылсын:
"4. Салық салынуға жатпайтын далалық жабдықталым ақшасының мөлшерi
Қазақстан Республикасының заңнамасына сәйкес анықталады.";
3) 7-тармақтағы "қызмет бабындағы командировканы төлеу туралы" деген
сөздер алынып тасталсын;
4) 8-тармақ алынып тасталсын.
3. Осы қаулы 2002 жылғы 1 қаңтардан бастап күшіне енедi.
Қазақстан Республикасының
Премьер-Министрі
Мамандар:
Багарова Ж.А.,
Қасымбеков Б.А.