Қазақстан Республикасының Үкіметі қаулы етеді:
1. Қазақстан Республикасының Энергетика және минералдық ресурстар министрлігі заңнамада белгіленген тәртіппен "Қазақойл" ұлттық мұнайгаз компаниясы" жабық акционерлік қоғамымен (бұдан әрі - "Қазақойл" ҰМК) бірлесіп:
1) бір апта мерзімде 2000 және 2001 жылдары "Қазақойл" ҰМК шоттарына түскен 55 200 000 (елу бес миллион екі жүз мың) АҚШ доллары сомасындағы ақшаны "Теңізшевройл" жауапкершілігі шектеулі әріптестігі (бұдан әрі - ТШО) мен "Қазақойл" ҰМК арасындағы 1993 жылғы 2 сәуірдегі Қазақстан Республикасында сатып алу үшін өтемдер төлеуге қатысты Заем туралы шарт бойынша қарыз пайызын өтеу есебіне республикалық бюджеттің кірісіне жіберілуін қамтамасыз етсін;
2) екі ай мерзімде ТШО, "Қазақойл" ҰМК мен Трансошен Шеврон Компани арасындағы 1993 жылғы 2 сәуірдегі Қазақстан Республикасында сатып алу үшін өтемдер төлеуге қатысты Заем туралы шарт және ТШО, "Қазақойл" ҰМК мен Трансошен Шеврон Компани арасындағы 1993 жылғы 2 сәуірдегі Қазақстан Республикасындағы ақшалай қаражатты беру туралы сұранысқа ақы төлеуге қатысты Заем туралы шарт бойынша негізгі борыш пен қарыз пайызын өтеу
есебіне түсімдерді Қазақстан Республикасының Ұлттық қорына жіберу
бөлігінде ТШО-ны құру және оның қызметіне қатысты шарттарға өзгерістер мен
толықтырулар енгізу жөнінде шаралар қабылдасын.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Мамандар:
Багарова Ж.А.
Қасымбеков Б.А.