"Қазақстан Республикасындағы еңбек туралы" Қазақстан Республикасының 1999 жылғы 10 желтоқсандағы Заңына сәйкес және жергiлiктi жерлерде еңбек туралы заңнаманың сақталуын бақылауды ұйымдастыру Қазақстан Республикасының еңбек және халықты әлеуметтiк қорғау органдарының жүйесiн жетiлдiру мақсатында Қазақстан Республикасының Үкiметi қаулы етеді:
1. Облыстық, Астана және Алматы қалаларының еңбек және халықты әлеуметтік қорғау басқармаларының мемлекеттiк еңбек инспекцияларының және Қазақстан Республикасы Еңбек және халықты әлеуметтiк қорғау министрлiгiнiң зейнетақылар мен жәрдемақылар тағайындау жөнiндегi өкiлдiктерiнің (бұдан әрi - Аумақтық органдар) базасында жалпы штат саны 520 бiрлiк лимитiмен мемлекеттiк мекемелерi - аумақтық органдары құрылсын.
2. Облыстардың және Астана мен Алматы қалаларының өкiлдерiне облыстық еңбек және халықты әлеуметтiк қорғау басқармалары мүлігінің бiр бөлiгiн Аумақтық органдарға беру ұсынылсын.
3. Қазақстан Республикасының Еңбек және халықты әлеуметтiк қорғау министрлiгi белгiленген тәртiппен:
1) Аумақтық органдар туралы ереженi бекiтсiн және оларды мемлекеттiк тiркеудi қамтамасыз етсiн;
2) екi айлық мерзiмде "Қазақстан Республикасындағы еңбек туралы" Қазақстан Республикасы Заңының 102-бабын iске асыру жөнiнде Қазақстан Республикасының Үкiметiне ұсыныс енгiзсiн;
3) бiр айлық мерзiмде Қазақстан Республикасы Үкiметiнің бұрын қабылдаған шешiмдерiн осы қаулыға сәйкес келтiру туралы ұсыныстаренгiзсiн;
4) осы қаулыдан туындайтын өзге де шараларды қабылдасын.
4. Қазақстан Республикасы Үкiметiнiң кейбiр шешiмдерiне мынадай
өзгерiстер мен толықтырулар енгiзiлсiн:
1) күші жойылды - ҚР Үкіметінің 2001.07.21 N 985 қаулысымен.2) күші жойылды - ҚР Үкіметінің 2001.02.09 N 214 қаулысымен.
Ескерту. 4-тармаққа өзгеріс енгізілді - ҚР Үкіметінің 2001.07.21 N 985; 2001.02.09. N 214 қаулысымен.
5. "Еңбек қорғау туралы" Қазақстан Республикасы Заңын күшiне енгiзу туралы" Қазақстан Республикасы Жоғарғы Кеңесінің 1993 жылғы 22 қаңтардағы N 1915-ХII қаулысын жүзеге асыру туралы" Қазақстан Республикасы Министрлер Кабинетiнің 1993 жылғы 17 желтоқсандағы N 1270 қаулысының (Қазақстан Республикасының ПҮКЖ-ы, 1993 ж., 49, N 593-құжат) күшi жойылды деп танылсын.
6. Осы қаулы 2001 жылдың 1 қаңтарынан бастап күшiне енедi.
Қазақстан Республикасы
Премьер-Министрінің
бірінші орынбасары
Мамандар:
Қобдалиева Н.М.
Орынбекова Д.К.