1. Қоса берiлiп отырған Қылмыстың алдын алуға және жолын кесуге
жәрдемдескен, қоғамдық тәртiптi қорғауға қатысатын азаматтарды көтермелеу
ережесi бекiтiлсiн.
2. Облыстардың, Астана және Алматы қалаларының әкiмдерiне жергiлiктi
бюджеттердi әзiрлеу кезiнде қылмыстың алдын алуға және жолын кесуге
жәрдемдескен, қоғамдық тәртiптi қорғауға қатысатын азаматтарды
көтермелеуге ақы төлеуге қаражат көздеу ұсынылсын.
3. Осы қаулы 2001 жылғы 1 қаңтардан бастап күшiне енедi.
Қазақстан Республикасының
Премьер-Министрі
Қазақстан Республикасы Үкiметiнiң
2000 жылғы 12 тамыздағы
N 1243 қаулысымен
бекiтiлген
Қылмыстың алдын алуға және жолын кесуге жәрдемдескен,
қоғамдық тәртiптi қорғауға қатысатын азаматтарды көтермелеу
ережесi
Осы Ереже қылмыстың алдын алуға және жолын кесуге жәрдемдескен, қоғамдық тәртiптi қорғауға қатысатын азаматтарды көтермелеу мәселесiн реттейдi.
1. Қылмыстың алдын алуға және жолын кесуге жәрдемдескен, қоғамдық тәртiптi қорғауға қатысатын азаматтарды көтермелеу мәселелерiн облыстар, қалалар мен аудандар әкiмдерiнің шешiмiмен құрылатын комиссиялар (бұдан әрi - комиссия) қарайды.
2. Комиссияның құрамына жергiлiктi өкiлдi органдардың, жергiлiктi атқарушы органдар мен iшкi iстер органдарының өкiлдерi енгiзiледi.
3. Қылмыстың алдын алуға және жолын кесуге, қоғамдық тәртiптi қорғауға, қоғамдық қауiпсiздiктi қамтамасыз етуге белсендi қатысатын азаматтарды ақшалай сыйақымен көтермелеу жөнiндегi ұсыныстарды комиссияның қарауына iшкi iстер органдары ұсынады.
4. Комиссия қабылдаған шешiм - көтермелеу үшiн, ал комиссия қабылдаған шешiмге сәйкес iшкi iстер органы басшысының бұйрығы - көтермелеуге ақы төлеу үшiн негiз болып табылады.
5. Ақшалай сыйақының мөлшерiн комиссия қоғамдық тәртiптi қамтамасыз етуге көтермеленетiн адамның қосқан үлесiн және ол немесе оның қатысуымен жолы кесiлген құқыққа қарсы әрекеттiң нәтижесiнде келтiрiлуi мүмкiн залалдың көлемiн ескере отырып белгiлейдi және ол, әдетте, 10 есе айлық
есептiк көрсеткiштен аспайды.
6. Ақшалай сыйақы төлеудi, көтермелеуге ұсыныс енгiзген iшкi iстер
органдары жергiлiктi бюджеттердiң қаражаты есебiнен жүргiзедi.
7. Көтермелеуге ақы төлеуге арналған қаражат iшкi iстер органдары
шығыстарының құрамында жеке бағдарламамен көзделедi.
Оқығандар:
Қобдалиева Н.М.
Қасымбеков Б.А.