Табиғи және техногендiк сипаттағы төтенше жағдайлардың алдын алу және жою, тау-кен және кенге қатысты емес өнеркәсiп ұйымдарында, сондай-ақ, пайдалы қазбаларды өндiрумен байланысы жоқ жер асты құрылыстарын салу және пайдалану объектiлерiнде профилактикалық қызмет көрсету жөнiндегi жұмыстарды жетiлдiру, авариялық-құтқару қызметтерiнде бiрыңғай басшылық қағидатын жүзеге асыру мақсатында Қазақстан Республикасының Yкiметi қаулы етеді:
1. "Құрамына тау-кен құтқарушылар бөлiмшелерi кiретiн әскерилендiрiлген тау-кен құтқару бөлiмдерiнiң штабы" қазыналық кәсiпорны (бұдан әрi - Кәсiпорын) Қазақстан Республикасының Энергетика, индустрия және сауда министрлiгiнiң қарамағынан Қазақстан Республикасының Төтенше жағдайлар жөнiндегi агенттiгiнiң қарамағына берiлсiн.
2. Кәсiпорынды мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асырушы органы болып Қазақстан Республикасының Төтенше жағдайлар жөнiндегi агенттiгi белгiленсiн.
3. Төтенше және авариялық жағдайларда тау-кен құтқару және өзге де арнаулы жұмыстарды орындау, тау-кен ұйымдарында және кенге қатысты емес өнеркәсiпте, пайдалы қазбаларды өндiрумен байланысы жоқ жер асты құрылыстарын салу және пайдалану объектiлерiнде өрттен, су басуы мен кен қалдықтарының құлауынан, газ жарылыстары мен шаң-тозаңнан қорғау Кәсiпорын қызметiнiң негiзгi нысанасы болып белгiленсiн.
4. Қазақстан Республикасының Төтенше жағдайлар жөнiндегi агенттiгi заңнамада белгiленген тәртiппен:
1) Кәсiпорынның "Қазақстан Республикасы Төтенше жағдайлар жөнiндегi агенттiгiнiң "Кен" әскерилендiрiлген авариялық-құтқару қызметi" республикалық мемлекеттiк қазыналық кәсiпорны болып қайта аталуын;
2) Кәсiпорын жарғысын бекiтудi және оның әдiлет органдарында
тiркелуiн;
3) осы қаулыдан туындайтын өзге де шараларды қабылдауды қамтамасыз
етсiн.
5. "Республикалық мемлекеттiк кәсiпорындардың тiзбесi туралы"
Қазақстан Республикасы Yкiметiнiң 1996 жылғы 25 маусымдағы N 790
қаулысына (Қазақстан Республикасының ПYКЖ-ы, 1996 ж., N 29, 256-құжат)
мынадай өзгерiс пен толықтыру енгiзiлсiн:
көрсетiлген қаулымен бекiтiлген Республикалық мемлекеттiк
кәсiпорындардың тiзбесiндегi:
1) реттiк нөмiрi 26-жол алынып тасталсын;
2) мынадай мазмұндағы реттiк нөмiрi 109-9-жолмен толықтырылсын.
"109-9. "Кен" әскерилендiрiлген
авариялық-құтқару қызметi"
республикалық мемлекеттiк
қазыналық кәсiпорны Лениногорск қаласы".
6. Осы қаулы қол қойылған күнінен бастап күшiне енедi.
Қазақстан Республикасының
Премьер-Министрі
Оқығандар:
Қобдалиева Н.М.
Орынбекова Д.К.