Қазақстан Республикасының Қарулы Күштері үшін әскери-техникалық мамандардың қажетті санын даярлауды қамтамасыз ету мақсатында Қазақстан Республикасының Үкіметі қаулы етеді:
1. Қосымшаға сәйкес Қазақстан Республикасы Қорғаныс министрлігінің әскери-техникалық мектептері оларды қосу жолымен "Қазақстан Республикасы Қорғаныс министрлігінің әскери-техникалық мектебі" (бұдан әрі - Кәсіпорын) республикалық мемлекеттік қазыналық кәсіпорны болып қайта ұйымдастырылсын.
2. Мемлекеттік басқарудың уәкілетті органы, сондай-ақ Кәсіпорынға қатысты мемлекеттік меншік құқығындағы субъектінің функцияларын жүзеге асырушы органы болып, Қазақстан Республикасының Қорғаныс министрлігі (бұдан әрі - Уәкілетті орган) айқындалсын.
3. Азаматтарды әскери-техникалық және өзге де мамандықтар бойынша
даярлау (қайта даярлау) Кәсіпорын қызметінің негізгі нысанасы болып
айқындалсын.
4. Уәкілетті орган бір ай мерзімде:
1) Кәсіпорынның жарғысын бекітсін және оның әділет органдарында
мемлекеттік тіркелуін қамтамасыз етсін;
2) осы қаулыдан туындайтын өзге де шараларды қабылдасын.
5. "Республикалық мемлекеттік кәсіпорындардың тізбесі туралы"
Қазақстан Республикасы Үкіметінің 1996 жылғы 25 маусымдағы N 790
P960790_ қаулысына (Қазақстан Республикасының ПҮКЖ-ы, 1996 ж., N 29, 256-құжат) мынадай толықтыру енгізілсін:
көрсетілген қаулымен бекітілген, республикалық мемлекеттік
кәсіпорындар тізбесінің "Қазақстан Республикасының Қорғаныс министрлігі"
бөлімі мынадай мазмұндағы реттік нөмірі 21-9 жолмен толықтырылсын:
"21-9. Қазақстан Республикасы
Қорғаныс министрлігінің
әскери-техникалық мектебі"
республикалық мемлекеттік
қазыналық кәсіпорны Астана қаласы".
6. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкіметінің
2000 жылғы 15 мамырдағы
N 718 қаулысына
қосымша
Қазақстан Республикасы Қорғаныс министрлігінің қайта
ұйымдастырылған әскери-техникалық мектептерінің
Тізбесі
1. Қазақстан Республикасы Қорғаныс министрлігінің Ақтау
әскери-техникалық мектебі, Ақтау қаласы;
2. Қазақстан Республикасы Қорғаныс министрлігінің Ақтөбе
әскери-техникалық мектебі, Ақтөбе қаласы;
3. Қазақстан Республикасы Қорғаныс министрлігінің Алматы
әскери-техникалық мектебі, Алматы қаласы;
4. Қазақстан Республикасы Қорғаныс министрлігінің Атырау
әскери-техникалық мектебі, Атырау қаласы;
5. Қазақстан Республикасы Қорғаныс министрлігінің Қарағанды
әскери-техникалық мектебі, Қарағанды қаласы;
6. Қазақстан Республикасы Қорғаныс министрлігінің Қызылорда
әскери-техникалық мектебі, Қызылорда қаласы;
7. Қазақстан Республикасы Қорғаныс министрлігінің Павлодар
әскери-техникалық мектебі, Павлодар қаласы;
8. Қазақстан Республикасы Қорғаныс министрлігінің Петропавл
әскери-техникалық мектебі, Петропавл қаласы;
9. Қазақстан Республикасы Қорғаныс министрлігінің Семей
әскери-техникалық мектебі, Семей қаласы;
10. Қазақстан Республикасы Қорғаныс министрлігінің Тараз
әскери-техникалық мектебі, Тараз қаласы;
11. Қазақстан Республикасы Қорғаныс министрлігінің Түркістан
әскери-техникалық мектебі, Түркістан қаласы;
12. Қазақстан Республикасы Қорғаныс министрлігінің Орал
әскери-техникалық мектебі, Орал қаласы;
13. Қазақстан Республикасы Қорғаныс министрлігінің Өскемен
әскери-техникалық мектебі, Өскемен қаласы;
14. Қазақстан Республикасы Қорғаныс министрлігінің Шымкент
әскери-техникалық мектебі, Шымкент қаласы;
15. Қазақстан Республикасы Қорғаныс министрлігінің Щучинск
әскери-техникалық мектебі, Щучинск қаласы.
Оқығандар:
Қобдалиева Н.М.
Орынбекова Д.К.