Қазақстан Республикасы Президентiнiң "Мемлекеттiк кәсiпорын туралы" 1995 жылғы 19 маусымдағы N 2335 Заң күшi бар
Жарлығына
сәйкес Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Iшкi iстер министрлiгiнiң шаруашылық жүргiзу құқығы бар "Оқу-спорт орталығы" республикалық мемлекеттiк кәсiпорыны (бұдан әрi - Кәсiпорын) құрылсын.
2. Кәсiпорынның мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асырушы орган ретiнде Қазақстан Республикасының Iшкi iстер министрлiгi белгiленсiн.
3. Кәсiпорын қызметiнiң негiзгi мәнi мынадай болып анықталсын:
1) спорт ғимараттарын, спорттық жабдықтарды басқарумен және пайдаланумен байланысты қызметтердi жүзеге асыру;
2) спорт ғимараттарын ұстау, дамыту және құрылысы.
4. Қазақстан Республикасының Iшкi iстер министрлiгi заңдармен белгiленген тәртiпте:
1) Кәсiпорынның жарғысын бекiтсiн және оны әдiлет органдарында тiркеуден өткiзудi қамтамасыз етсiн;
2) осы қаулыдан туындайтын өзге де шараларды қабылдасын.
5. "Республикалық мемлекеттiк, кәсiпорындар тiзбесi туралы" Қазақстан Республикасы Үкiметiнiң 1996 жылғы 25 маусымдағы N 790
қаулысына
(Қазақстан Республикасының ПYАЖ-ы, 1996 ж., N 29, 265-құжат) мынадай толықтыру енгiзiлсiн:
көрсетiлген қаулымен бекiтiлген Республикалық мемлекеттiк кәсiпорындар тiзбесiнде:
"Қазақстан Республикасының Iшкi iстер министрлiгi" деген бөлiмде мынадай мазмұндағы реттiк нөмiрi 461-11-жолмен толықтырылсын:
"461-11 "Оқу-спорт орталығы"
республикалық мемлекеттiк
кәсiпорыны (шаруашылық
жүргiзу құқығы бар) Алматы қаласы".