1. 1998 жылғы 9 маусымда Астана қаласында түркi тiлдес мемлекеттердiң Басқосуы өткiзiлсiн.
2. Қазақстан Республикасының делегациясы N 1 қосымшаға сәйкес бекiтiлсiн.
3. Басқосудың өткiзiлуiне байланысты негiзгi шаралар бағдарламасы бекiтiлсiн (N 2 қосымша).
4. Қазақстан Республикасының Үкiметi, Қазақстан Республикасы Президентiнiң Iс Басқармасы iс-шаралардың Мемлекет басшыларының жұмыс бабындағы сапарлары үшiн көзделген көлемде өткiзiлуiн қамтамасыз етсiн, ресми делегациялар мүшелерiн, сарапшылар мен iлесiп жүрген адамдарды орналастыру мен оларға қызмет көрсету, баспа өнiмдерiн жасап шығару және кәдесыйлар сатып алу жөнiнде қажеттi шаралар қолдансын.
5. Қазақстан Республикасы Президентiнiң Iс Басқармасына Мемлекет басшылары мен делегация мүшелерi орналасатын жайларды айқындау тапсырылсын.
6. Қазақстан Республикасы Президентiнiң Әкiмшiлiгi:
- Қазақстан Республикасының Сыртқы iстер министрлiгiмен бiрлесiп Басқосу шеңберiндегi iс-шараларға құжаттық, ақпараттық және техникалық қызмет көрсетiлуiн қамтамасыз етсiн;
- Қазақстан Республикасы Президентiнiң Iс Басқармасымен, Сыртқы iстер министрлiгiмен, Республикалық ұланмен бiрлесiп ресми делегацияларды әуежайда күтiп алу мен шығарып салуды және түркi тiлдес мемлекеттердiң делегацияларына Қазақстан Республикасы Президентiнiң атынан ресми қабылдау ұйымдастырсын.
7. Түркi тiлдес мемлекеттер делегацияларына қызмет көрсету деңгейiн арттыру мақсатында N 3 қосымшаға сәйкес оларға министрлiктер бекiтiлiп берiлсiн.
8. Қазақстан Республикасының Қорғаныс, Көлiк және коммуникациялар министрлiктерi түркi тiлдес Мемлекеттер басшыларының арнаулы ұшақтарының Қазақстан Республикасының аумағы арқылы ұшып өтуiн қамтамасыз ететiн болсын. Көлiк және коммуникациялар министрлiгi арнаулы ұшақтарға техникалық қызмет көрсетудi, олардың тұрағы мен жанармай құюды қамтамасыз етсiн.
9. Қазақстан Республикасы Президентiнiң Күзет қызметi, Қазақстан Республикасының Ұлттық қауiпсiздiк комитетi, Iшкi iстер министрлiгi Мемлекет басшыларының қауiпсiздiгiн, әуежайда, жүрiп өту маршруттары бойынша және делегациялардың баратын жерлерiнде қоғамдық қауiпсiздiк пен тәртiптi қамтамасыз ететiн болсын.
10. Астана қаласының әкiмi ресми делегацияларды күтiп алу мен шығарып салу, жүрiп өту маршруттары бойынша, астана әуежайы мен көшелерiн безендiру жөнiндегi барлық ұйымдық шаралардың орындалуын қамтамасыз етсiн.
11. Қазақстан Республикасының Ақпарат және қоғамдық келiсiм министрлiгi Басқосу шеңберiндегi iс-шаралардың бұқаралық ақпарат құралдары арқылы жария етiлуiн қамтамасыз етсiн.
12. Қазақстан Республикасының Үкiметi Басқосудың хаттамалық iс-шараларын өткiзу жөнiндегi шығыстар мен көлiк шығыстарын бекiтiлген сметаға сәйкес республикалық және жергiлiктi бюджет қаражаты есебiнен жүргiзсiн.
Қазақстан Республикасының
Президентi
Қазақстан Республикасы
Президентiнiң
1998 жылғы 18 мамырдағы
N 3853 өкiмiне
N 1 қосымша
1998 жылғы 9 маусымда түркi тiлдес мемлекеттер
Басқосуына қатысатын Қазақстан Республикасы ресми
делегациясының құрамы жөнiндегi ұсыныстар
Назарбаев Н.Ә. Қазақстан Республикасының
Президентi
Балғымбаев Н.Ө. Қазақстан Республикасының
Премьер-Министрi
Кекiлбаев Ә.К. Қазақстан Республикасының
Мемлекеттiк Хатшысы
Есiмов А.С. Қазақстан Республкасы Президентi
Әкiмшiлiгiнiң Басшысы
Әбiқаев Н.Ә. Қазақстан Республикасы
Президентiнiң Бiрiншi көмекшiсi
Тоқаев Қ.К. Қазақстан Республикасының Сыртқы
iстер министрi
Көшербаев Қ.Е. Қазақстан Республикасының Бiлiм,
мәдениет және денсаулық сақтау
министрi
Школьник В.С. Қазақстан Республикасының Ғылым
министрi - Ғылым академиясының
президентi
Қазақстан Республикасы
Президентiнiң
1998 жылғы 18 мамырдағы
N 3953 өкiмiне
N 2 қосымша
Түркi тiлдес мемлекеттер Басқосуын өткiзу
БАҒДАРЛАМАСЫ
1998 жылғы 9 маусым
Астана қаласы
13.00-15.00 Астана қаласының әуежайына түркi тiлдес
мемлекеттер басшыларының келуi. Қазақстан
Республикасының Президентi Н.Ә. Назарбаев
күтiп алады.
Күтiп алуға мыналар қатысады:
Тоқаев Қ.К., Жақсыбеков Ә.Р., бекiтiлген
министрлiк басшысы. Мемлекет басшылары
келгеннен кейiн делегациялардың орналасу
жайларына барады.
15.00 Қазақстан Республикасы Президентiнiң өз
Резиденциясына жүрiп кетуi
15.35-15.55 Қазақстан Республикасы Президентiнiң
Резиденциясына Мемлекет басшыларының
келуi және Қазақстан Республикасының
Президентiмен кездесу (камин залы)
16.00-17.30 Басқосу мәжiлiсi (үлкен мәжiлiс залы,
4 қабат)
17.40-18.00 Баспасөз конференциясын өткiзу
(баспасөз залы)
19.30-21.00 Қазақстан Республикасының Президентi
атынан ресми қабылдау.
Мемлекет басшыларының Астана қаласынан 10 маусмда кесте бойынша қайтуы.
Қазақстан Республикасы
Президентiнiң 1998 жылғы 18 мамырдағы
N 3953 өкiмiне
N 3 қосымша
Түркi тiлдес мемлекеттердiң ресми делегацияларына
бекiтiлiп берiлген министрлiктердiң
ТIЗIМI
1. Стратегиялық жоспарлау және Әзербайжан
реформалар жөнiндегi агенттiк Республикасының
делегациясына
2. Ақпарат және қоғамдық келiсiм Өзбекстан
министрлiгi Республикасының
делегациясына
3. Бiлiм, мәдениет және денсаулық Қырғыз
сақтау министрлiгi Республикасының
делегациясына
4. Әдiлет министрлiгi Түркменстан
делегациясына
5. Экология және табиғи ресурстар Түрiк Республикасының
министрлiгi делегациясына