Ескерту. Тақырыбы жаңа редакцияда – ҚР Президентінің 01.07.2026 № 1337 (01.07.2026 бастап қолданысқа енгізіледі) Жарлығымен.
"Қазақстан Республикасының Құрылтайы және оның депутаттарының мәртебесі туралы" Қазақстан Республикасы Конституциялық заңының 51-бабының 6-тармағына сәйкес Қазақстан Республикасы Құрылтайының депутаттарына автомобиль көлігімен қызмет көрсету тәртібі туралы ереже бекітілсін (қоса беріліп отыр).
Ескерту. Кіріспе жаңа редакцияда – ҚР Президентінің 01.07.2026 № 1337 (01.07.2026 бастап қолданысқа енгізіледі) Жарлығымен.
|
Қазақстан Республикасының Президентi |
| Қазақстан Республикасы Президентінің 1996 жылғы 16 қаңтардағы № 2775 өкімімен БЕКІТІЛГЕН |
Қазақстан Республикасы Құрылтайының депутаттарына автомобиль көлігімен қызмет көрсету тәртібі туралы ЕРЕЖЕ
Ескерту. Ереже жаңа редакцияда – ҚР Президентінің 01.07.2026 № 1337 (01.07.2026 бастап қолданысқа енгізіледі) Жарлығымен.
1. Қазақстан Республикасы Құрылтайының депутаттарына автомобиль көлігімен қызмет көрсетуді "Қазақстан Республикасы Құрылтайының қызметін шаруашылық қамтамасыз ету департаментінің көлік шаруашылығы" шаруашылық жүргізу құқығындағы республикалық мемлекеттік кәсіпорны жүзеге асырады.
2. Осы Ереженің 3-тармағында көрсетілген лауазымды адамдарды қоспағанда, Құрылтай депутаттарына кезекші жеңіл автокөліктермен және автобустармен қызмет көрсетіледі.
3. Құрылтай Төрағасы мен оның орынбасарларына, сондай-ақ тұрақты комитеттердің төрағаларына оларға дербес бекітілген автокөліктермен қызмет көрсетіледі.
4. Автокөліктер, депутаттардың Құрылтайдың және оның үйлестіруші әрі жұмыс органдарының тапсырмаларын орындауы үшін шығуын қоспағанда, тек Қазақстан Республикасы астанасының шегінде беріледі.
5. Осы Ереженің 2-тармағында көрсетілген Құрылтай депутаттарына айына 75 сағат мөлшерінде автокөлікті пайдалану лимиті белгіленеді.
6. Кезекші автокөліктер қызметтік сапарлар үшін жұмыс күндері сағат 8:00-ден 20:00-ге дейін, сенбі күні сағат 8:00-ден 15:00-ге дейін, жұмыстан тыс уақытта тек әуежайға, теміржол вокзалдарына немесе автовокзалдарға бару үшін ғана пайдаланылады.
7. Демалыс және мереке күндері, сондай-ақ қызметтік емес сапарлар үшін автокөлік белгіленген тарифтер бойынша ақылы негізде беріледі.
8. Құрылтай депутаттарын, Құрылтай Төрағасы мен оның орынбасарларын және тұрақты комитеттердің төрағаларын қоспағанда, жұмыс орнына және тұратын жеріне жеткізу үшін жеңіл автокөліктер мен автобустар беріледі.
9. "Қазақстан Республикасы Құрылтайының қызметін шаруашылық қамтамасыз ету департаменті" мемлекеттік мекемесі автокөлік құралдарының санын, жеңіл автокөліктер мен автобустардың қозғалыс бағыттарын айқындайды, автокөлікті пайдаланғаны үшін ақылы қызметтердің тарифтерін белгілейді және оның нысаналы пайдаланылуына бақылауды жүзеге асырады.
