Ескерту. Күші жойылды - Атырау облыстық мәслихатының 16.10.2009 № 250-IV шешімімен.

      Атырау облыстық Мәслихатының ХІІ сессиясы шешім етті:
      1. Облыстық Мәслихаттың 2000 жылғы 28 тамыздағы VI сессиясында қабылданған "Атырау облысының Құрметті азаматы" атағы туралы Ережеге қосымша 5-тармақ енгізілсін (жалғанды).
      2. Облыс әкімі:
      Атырау облысының Құрметті азаматына біржолғы сыйлықақы мен мемлекеттік өтемақы төлеудің тетіктерін анықтап, облыстық Мәслихат сессиясының бекітуіне ұсынсын;
      бұл мақсатқа жұмсадатын қаржыны облыстық бюджетте қарайтын болсын.

      Облыстық Мәслихат ХІІ
      сессиясының төрағасы                       У. Бисенұлы

      Облыстық Мәслихат хатшысы                  Х. Табылдиев

Атырау облыстық Мәслихаты  
2001 жылғы 11 шілдедегі № 133-ІІ
шешіміне № 1 қосымша    

      5. Атырау облысынгың Құрметті азаматына берілетін жеңілдіктер:
      осы атақты тапсырған кезде иегерге 200 (екі жүз) мың теңге көлемінде біржолғы сыйақы төленеді;
      ай сайын үш еселенген бірайлық есептік көрсеткіш көлемінде төлемақы төленеді.