1. Қазақстан Республикасының сақтандыру және қайта сақтандыру ұйымдары үшін (бұдан әрі - сақтандыру ұйымдары) сақтандыру резервтеріне аударудың мынадай нормативтері белгіленсін:
1) сақтандырудың өмірді сақтандырудан басқа, ерікті түрлері бойынша - сақтандыру төлемдерінің нақты түскен сомасының 75 процентінен кем емес;
2) тарифтері заңмен белгіленген сақтандырудың өмірді сақтандырудан басқа міндетті түрлері бойынша - міндетті сақтандырудың осы түріне заңда белгіленген сақтандыру төлемдері сомасының 75 процентінен кем емес;
3) тарифтері заңмен белгіленбеген сақтандырудың өмірді сақтандырудан басқа міндетті түрлері бойынша - сақтандыру төлемдерінің нақты түскен сомасының 75 процентінен кем емес;
4) өмірді сақтандыру бойынша - сақтандыру төлемдерінің нақты түскен сомасының 100 проценті.
2. Сақтандыру резервтері сақтандыру ұйымдары жүзеге асыратын сақтандыру түрлерінің әрқайсысы бойынша жеке құралады.
3. Сақтандыру ұйымы сақтандыру резервтерінің қажетті мөлшерін әр айдың соңғы жұмыс күніндегі жағдай бойынша айына кем дегенде бір рет есептеп, түзетіп отырады.
4. Сақтандыру ұйымы өз міндеттемелерін қайта сақтандырған кезде сақтандыру резервтерін тек осы қаулының 1-тармағында белгіленген мөлшердегі міндеттемелердің қалған сомасы бойынша қалыптастыратын болады.
5. Сақтандыруды қадағалау департаменті (Мекішев А.А.):
1) Заң департаментімен (Шәріпов С.Б.) бірлесіп осы қаулыны Қазақстан
Республикасының Әділет министрлігінде мемлекеттік тіркеуден өткізу
шараларын қабылдасын;
2) Қазақстан Республикасының Әділет министрлігінде мемлекеттік
тіркеуден өткізілген күннен бастап он күндік мерзімде осы қаулыны
Қазақстан Республикасы Ұлттық Банкінің мүдделі бөлімшелеріне және
сақтандыру (қайта сақтандыру) ұйымдарына жіберсін.
6. Осы қаулының орындалуына бақылау жасау Қазақстан Республикасы
Ұлттық Банкінің Төрағасы Г.А. Марченкоға жүктелсін.
Ұлттық Банкі
Төрағасы
Оқығандар:
Қасымбеков Б.А.
Омарбекова А.Т.
