Халықаралық автомобиль тасымалдауларын жүзеге асыру барысында рұқсат беру жүйесін орындау тәртібі мен шарттарын айқындау мақсатында  Бұйырамын : 
      1. Қазақстан Республикасында халықаралық автомобиль тасымалдауларын жүзеге асыру барысында қолданылатын рұқсат беру жүйесі жөніндегі қоса берілген Ережелер бекітілсін. 
      2. Қазақстан Республикасы Көлік және коммуникациялар министрлігінің Көліктік бақылау комитеті (Қ.Б.Есжанов) көрсетілген Ережелерді Әділет министрлігінде мемлекеттік тіркеуді қамтамасыз етсін. 
      3. Осы бұйрықтың орындалуына бақылау жасау Бірінші вице-министр Қ.С.Кәрібжановқа жүктелсін. 
      4. Осы бұйрық Қазақстан Республикасының Әділет министрлігінде мемлекеттік тіркелген күннен бастап күшіне енеді. 

       Министр

Қазақстан Республикасы  
Көлік және коммуникациялар
министрінің       
1999 жылғы 13 желтоқсандағы
N 904-І бұйрығымен   
Бекітілген       

  Қазақстан Республикасында халықаралық автомобиль
тасымалдарын жүзеге асыру үшiн рұқсат беру
жүйесiн қолдану жөнiндегi
Ереже 

1. Жалпы ережелер 

      1. Осы Қазақстан Республикасында халықаралық автомобиль тасымалдарын жүзеге асыру үшiн рұқсат беру жүйесiн қолдану жөнiндегi осы ереже (бұдан әрi - Ереже) мына автокөлiк құралдарының иелерi үшiн мiндеттi халықаралық автомобиль тасымалдарын жүзеге асыру кезiнде рұқсат беру жүйесінің тәртiбi мен орындалу шартын айқындайды: 
      1) өзiнің жабдықталуы бойынша жүргiзушiсiн қосқанда тоғыздан астам адам тасымалдау үшiн жарамды және жолаушылар мен жүктердi халықаралық тасымалдауға арналған автобустар; 
      2) жүк автомобильдерi (жүк көтергіштiгi 3,5 тоннадан астам). 

      2. Осы Ережеде мынадай түсiнiктер пайдаланылады: 
      1) арнайы құжат - сериясы, реттiк нөмiрi және қорғау дәрежесi бар құжат (рұқсат, арнайы рұқсат); 
      2) рұқсат қағаз - автокөлiк құралының келуiне және кетуiне рұқсат беретiн немесе транзитпен жүруге құқық беретiн құжат; 
      3) арнайы рұқсат - iрi өлшемдi және ауыр салмақты көлiк құралдарының жүруiне құқық беретiн құжат; 
      4) транзиттiк тасымалдау - бару және шығу мекендерi осы мемлекеттің аумағынан тысқары орналасқан мемлекеттің аумағы арқылы жолаушылар мен жүктердi тасымалдау; 
      5) үшiншi мемлекет - тасымалдаушының автокөлiк құралы шығу (бару) мекенiнде тiркелмеген, аумағында бару (шығу) мекенi орналасқан шетел тасымалдаушысының мемлекетiне және мемлекетке аумағында бару (шығу) мекенi орналасқан қатысы бар мемлекет; 
      6) тұрақты жолаушы тасымалы - тасымалдың бастапқы және соңғы бекеттерiн, автобустар және бағдарлық таксилердiң қозғалысының тоқтау бекеттерiн және олардың қозғалыс кестесiн көрсете отырып алдын-ала келiсiлген жол бағдарлары бойынша тасымал; 
      7) тұрақты емес жолаушы тасымалы - тасымалдаушылар мен жай және заңды тұлғалар арасындағы, аралық бекеттерде жолаушыларды отырғызбай, бiр реттiк тасымалдау негiзiнде орындалатын тасымалдар. Бұл ретте автобустармен бағдардың барлық ұзақтығында жолаушылардың бiр ғана тобын жөнелту бекетiне жеткiзiледi немесе, дербес құрамы өзгерiссiз қалатын жолаушылар тобы автокөлiк құралының тiркелу мемлекетiнен басқа мемлекетке тасымалданады, ал автокөлiк құралы жолаушыларсыз қайтады.<*> 
       Ескерту: 2-тармақ толықтырылды ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      3. Қазақстан Республикасының аумағы бойынша автокөлiк құралдарының жүрiп өтуiне рұқсат беру жүйесi Қазақстан Республикасының заң және өзге де нормативтi құқықтық актiлерiмен, Қазақстан Республикасы мен шетел мемлекеттерiнiң арасындағы халықаралық автомобиль қатынасы туралы үкiметаралық келiсiмдермен айқындалады және халықаралық автомобиль тасымалдарын мемлекеттiк реттеудi қамтамасыз ету мақсатында қолданылады. 

      4. Автокөлiк құралдарының Қазақстан Республикасының аумағы арқылы жүрiп өтуiне өзiне шетелдiк автокөлiк құралының Қазақстан Республикасының аумағына кiруi қосылады, соның iшінде үшiншi мемлекеттiң аумағына, белгiленген бiр мекенге бару және шығу мекендерi Қазақстан Республикасының аумағының шегiнде Қазақстан Республикасының аумағы бойынша соның iшiнде үшiншi бiр мемлекеттің аумағына шетелдік автокөлiк құралының транзиттi жүріп өтуi, ауыр салмақты және iрi көлемді отандық автокөлiк құралдарының жүріп өтуi. 

      5. Автокөлiк құралдарының Қазақстан Республикасының аумағы арқылы өтуiне құқық ретiнде арнайы құжат - рұқсат, ал ауыр салмақты және iрi көлемдi көлiк құралдарының өтуi үшiн - арнайы рұқсат қызмет етедi. Рұқсат (арнайы рұқсат) өткiзу бекеттерiнде немесе өзге объектiлерде берiледi және Қазақстан Республикасы Көлiк және коммуникациялар министрлiгiнiң Көлiктiк бақылау комитетiмен (бұдан әрi - Комитет) бақыланады. 
      Үшiншi мемлекеттiң аумағында орналасқан шығу мекенiнен Қазақстан Республикасының аумағындағы бару мекенiне дейiн, не болмаса Қазақстан Республикасының аумағындағы шығу мекенiнен үшiншi мемлекеттің аумағындағы бару мекенiне дейiн жолаушылардың және (немесе) жүктердің тасымалдарын жүзеге асыратын шетелдiк автокөлiк құралдары үшiн үшiншi елдерге/ден тасымалдауды орындауға рұқсат беретiн арнайы құжаттың болуы қажет. 
      Үшiншi елдерге/ден жүк тасымалын жүзеге асыру кезiнде, әрбiр тасымалға шетел автокөлiк құралының үшiншi елден Қазақстан Республикасының аумағына немесе Қазақстан Республикасының аумағынан үшiншi елге жүк тасымалына құқық беретiн жеке рұқсат берiлуге тиiс.<*> 
      Шетелдiк тасымалдаушылар Қазақстан Республикасының аумағы арқылы автокөлiк құралдарының өтуiн тиiстi рұқсатсыз (рұқсаттар бланкiлерi келiсiлгеннен көп болғанда не болмаса тасымалдаушы мемлекетiмен рұқсат беру жүйесi болмағанда) жүзеге асыру ниетiн бiлдiрген жағдайда Көлiктiк бақылау комитетiнiң органдары Қазақстан Республикасының аумағы арқылы автокөлiк құралдарының өтуi үшiн заңдарда белгiленген мөлшерде алымды ала отырып рұқсат бередi. 
       Ескерту: 5-тармақ толықтырылды, өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен ,  Көлік және коммуникациялар министрінің 2004 жылғы 9 ақпандағы N 52-І  бұйрығымен .

      6. Шетелдiк көлiк құралдарына жүксiз Қазақстан Республикасының аумағына транзиттiк бағыттағылардан басқаларына кiруге рұқсат мемлекетаралық келiсімдерде қаралған жағдайда жүзеге асырылады. 

      7. Қазақстан Республикасы, егер Қазақстан Республикасының заңнамасымен және Қазақстан Республикасы бекiткен халықаралық келiсiмдермен басқасы көрсетілмесе, аумағының iшiнде шетелдiк автокөлік құралдарымен жолаушыларды және жүктердi тасымалдауға болмайды. <*> 
       Ескерту: 7-тармақ толықтырылды ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      8. Қазақстан Республикасының аумағында Қазақстан Республикасының аумағы арқылы транзиттiк рейстен керi бағытта келе жатқан шетелдiк автокөлiк құралын жолай тиеу кезiнде Қазақстан Республикасының аумағынан шығуға рұқсаттың болуы қажет. 

      9. Шетел автокөлiк құралдарының жүргiзушiлерiнiң, жүктерге ерiп жүрушi немесе жолаушылар ретiнде жол жүрушi тұлғалардың Қазақстан Республикасының аумағында болуы "Шетел азаматтарының Қазақстан Республикасында болуын құқықтық реттеудiң жекелеген мәселелерi" Қазақстан Республикасы Үкiметiнiң 2000 жылғы 28 қаңтардағы N 136 қаулысымен бекiтiлген, Шетел азаматтарының Қазақстан Республикасына келуiнiң және болуының, сондай-ақ олардың Қазақстан Республикасынан кетуiнiң тәртiбiмен реттеледi.<*> 
       Ескерту: 9-тармақ жаңа редакцияда жазылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      10. Рұқсат бланкiлерiмен тең негiзде айырбасты анықтау, Қазақстан Республикасы мен басқа мемлекеттер арасында Халықаралық автомобиль тасымалдарына рұқсат беру жүйесi туралы хаттаманы келiсу және қол қою жөнiндегi құзыреттi орган Қазақстан Республикасының Көлiк және коммуникациялар министрлiгi болып табылады. 
      Өзара (теңдестiк шарттарында) келiсiлген рұқсат бланкiлерiнiң санымен алмасуды Келiсiмнің шарттарымен тараптардың атқарушы органдары жүргiзедi, ал рұқсаттар саны келiсiлгеннен артық болғанда немесе осы тараптардың арасында Халықаралық келiсiмдер болмаса, тасымалдаушылардың өтуi заңдарда белгiленген төлем тәртiбiне және алымдар ставкаларына сәйкес жүзеге асырылады. 

      11. Тасымалдаушылардың өтуге рұқсат беру жүйесiнің және ауыр салмақты және iрi көлемдi көлiк құралдарының Қазақстан Республикасының аумағы арқылы өту ережелерiн сақтауына бақылауды Қазақстан Республикасы Көлiк, коммуникациялар және туризм министрлiгiнiң Көлiктiк бақылау комитетi жүзеге асырады. 

      12. Көлiктiк бақылау комитетi және оның Аумақтық Көлiктiк бақылау басқармалары рұқсат беру жүйесiн iске асыру кезiнде мыналарды жүзеге асырады:<*> 
      1) рұқсат беру жүйесiн тиiмдi пайдалануды мемлекеттiк реттеудi және бақылауды; 
      2) халықаралық тасымалдарды жүзеге асыратын қазақстандық және шетелдiк автокөлiк құралдарының өтуiн, қозғалыс кестелерiн, тұрақ орындарын, тиеу, түсiру (қайта тиеу) орындарын белгiлеудi; 
      3) халықаралық автомобиль тасымалдарын жүзеге асыратын қазақстандық тасымалдаушыларға шетелдiк рұқсат бланкiлерiн берудi; 
      4) автокөлiк құралының көлемi мен салмағы артық болғанда тасымалдаушыларға (шетелдiктердi қоса) арнайы рұқсат бланкiлерiн берудi; 
      5) шетел тасымалдаушыларының кiрудi, шығуды, транзитпен өтудi жүзеге асыруына қазақстандық рұқсат бланкiлерiн берудi; 
      6) шетелдiк тасымалдаушыларға Қазақстан Республикасының аумағы арқылы кейiннен үшiншi мемлекеттің аумағында орналасқан бару мекенi шекарасына дейiн, не болмаса үшiнші мемлекеттiң аумағынан Қазақстан Республикасының аумағындағы бару мекенiне дейiн тасымалдауды жүзеге асыру кезiнде рұқсат бланкiлерiн берудi; 
      7) солармен халықаралық автомобиль тасымалдары саласында рұқсат берусiз жүйе қолданылатын мемлекеттерде тiркелген автокөлiк құралдарының Қазақстан Республикасының аумағына уақытша кiруiне тiркеу талондарын берудi. 
       Ескерту: 12-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І  бұйрығымен .

      13. Қазақстан Республикасы Үкiметiнiң 1995 жылғы 25 сәуiрдегi N 557  қаулысына  сәйкес Қазақстан Республикасы аумағында халықаралық автомобиль тасымалдарын ұйымдастырып дамыту және жетiлдiру шаралары туралы Iшкi iстер министрлiгiнiң және Көлiктiк бақылау комитетiнiң органдары Қазақстан Республикасының аумағында халықаралық тасымалдарды жүзеге асыратын шетелдiк автокөлiк құралдарының жүрiп-тұруын бақылайды, егер қолданылатын халықаралық келiсiмдерде өзге жүрiп-тұру мерзiмi көзделмесе, Қазақстан Республикасының заңдарына сәйкес олардың кiру уақытынан бастап 30 күннiң iшiнде шығуын қамтамасыз етедi. Шетелдiк тасымалдаушы транзиттiк жол жүрудi жүзеге асырған жағдайда, оның болу мерзiмi, тура бағытта және керi бағытта жүру кезiндегi Қазақстан Республикасының аумағында нақты болу уақыты болып табылады.<*> 
       Ескерту: 13-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      14. Тиiстi рұқсатсыз және автомобиль тасымалдары саласындағы үкiметаралық келiсiмдердiң ережелерiн, сондай-ақ Қазақстан Республикасындағы қолданылып жүрген заңдарды бұзумен халықаралық тасымалдарды жүзеге асыратын шетел тасымалдаушыларының автокөлiк құралдарына Қазақстан Республикасының аумағы арқылы өтуi Қазақстан Республикасының заңдарына сәйкес шаралар қолданылады. 

      15. Рұқсат қағазы автокөлiк құралында болуы тиiс және бақылау жасауға өкiлеттi тұлғалардың талабы бойынша көрсетiлуi тиiс. 

      16. Шекарадан Қазақстан Республикасының аумағындағы бару мекенiне дейiн кiру кезiнде және Қазақстан Республикасындағы шығу мекенiнен Қазақстан Республикасының шекарасына дейiн, сондай-ақ шығу және бару мекендерi Қазақстан Республикасының аумағынан тысқарыда орналасқан деген шартпен Қазақстан Республикасының аумағы арқылы шетелдiк автокөлiк құралдары тасымалдарды жүзеге асыруы кезiнде алым белгiленген заңды тәртiпке сәйкес алынады. 
      Шетелдiк автокөлiк құралдарын Қазақстан Республикасының аумағы арқылы шығу мекенiнен үшiншi мемлекеттiң аумағында орналасқан бару мекенiне дейiн кейiннен шығумен шекараға дейiн, не болмаса, үшiншi мемлекеттің аумағынан Қазақстан Республикасының аумағындағы бару мекенiне дейiн тасымалдарды жүзеге асыру кезiнде алым (бұдан әрi үшiншi елдерге/ден) белгiленген заңды тәртiпке сәйкес алынады. 
      Үшiншi елдерге/ден алым Қазақстан Республикасының аумағы арқылы шетелдiк автокөлiк құралдарының транзиттiк өту жағдайында алынбайды. Мемлекетiмен тиiстi халықаралық келiсiмдер жасалмаған шетелдiк тасымалдаушы кiруге, шығуға немесе транзитпен өтуге рұқсат қағазы болмаса үшiншi елдерге/ден алым белгiленген заңды тәртiппен төленедi. Шетелдiк автокөлiк құралының елдерге/ден өтуi үшiн алым "Қазақстан Республикасының аумағы арқылы автокөлiк құралдарының жүрiп өтуi үшiн алынатын алымдар туралы" Қазақстан Республикасы Үкiметiнің 1998 жылғы 31 желтоқсандағы N 1397  қаулысында  көзделген басқа алымдардан босатпайды. 

      16-1. Қазақстан Республикасы мен шетел мемлекеттерi арасында автобустармен жолаушыларды тасымалдау Келiсiмдерде ескерiлген шарттарға сәйкес жүзеге асырылады. 
      Тұрақты тасымалды ұйымдастыру жөнiндегi ұсыныстар Келiсушi Жақтардың құзыреттi органдарымен бiр-бiрiне алдын ала берiледi. Келiсушi Жақтардың құзыреттi органдары жүру бағдарларын, қозғалыс кестелерiн, қолданылатын тарифтердi, тасымалдаушы жолаушыларды отырғызуды және немесе түсiрудi жүзеге асыруға тиiстi тоқтау бекеттерiн, сондай-ақ осы бағдарда жолаушы тасымалдарын жүзеге асыру мерзiмдерiн келiседi. 
      Тұрақты жолаушы тасымалдарын жүзеге асыру кезiнде тасымалдаушы қызмет көрсетуге сәйкесiнше шарт жасай отырып, халықаралық қатынастағы автобустардың автовокзалға (автостанцияға) келуiн және кетуiн мiндеттi түрде қамтамасыз етуге тиiс. 
      Тұрақты емес жолаушы тасымалдарын автобустармен жүзеге асыру кезiнде Басқармамен расталған жолаушылардың тiзiмi бар болуы қажет.<*> 
       Ескерту: 16-1-тармақпен толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      17. Iрi көлемдi және ауыр салмақты көлiк құралдарының өтуi Комитеттiң аумақтық басқармалары (Бұдан әрi - Басқарма) беретiн арнайы рұқсат бойынша жүзеге асырылуы тиiс. 
      Жолдардың және жасанды құрылыстардың үдемелi тозуына әкелетiн, қозғалысқа кедергі жасайтын ауыр салмақты және iрi көлемдi көлiк құралдарының өтуi үшiн алынатын алымның мөлшерiн оларды ұстауға, жөндеуге, өткiзудi ұйымдастыруға, қозғалыс қауiпсiздiгін қамтамасыз етуге арналған қосымша жұмыс көлемдерiн өтейтiн шығындармен анықталады және "Қазақстан Республикасының аумағы арқылы автокөлiк құралдарының жүрiп өтуi үшiн алынатын алымдар туралы" Қазақстан Республикасы Үкiметiнiң 1998 жылғы 31 желтоқсандағы N 1397 қаулысына сәйкес алынады. 
      Жоғарыда тiзiлген көлiк құралдарының жалпы пайдаланымдағы автомобиль жолдары арқылы және Қазақстан Республикасы қалаларының аумағы арқылы жүрiп өту ережесiн Қазақстан Республикасының Көлiк және коммуникациялар министрлiгi белгілейдi. 

      18. Қазақстан Республикасы мен шетел мемлекеттерi арасындағы жүктердi, жолаушылар мен багаждарды халықаральқ тасымалдау халықаралық автомобиль қатынасы үшiн ашық мекендер арқылы жүзеге асырылуы керек. 

      19. Шетелдiк тасымалдаушылар үкiметаралық келiсiмдер мен Қазақстан Республикасының Заңдарының бұзылуы анықталса, рұқсат беру жүйесiн қолданылуын бақылауды iске асыратын атқарушы органдар Қазақстан Республикасының Көлiк және коммуникациялар министрлiгiнiң Қазақстан Республикасының Сыртқы iстер министрлiгi арқылы шаралар қолдану үшiн бұзушылар туралы ақпарат бередi. 

      20. Рұқсат бланкiлерiн беру Қазақстан Республикасының аумағы бойынша көлiк құралдарының жүрiп өтуi үшiн алымды төлегеннен кейiн жүзеге асырылады.<*> 
      Қазақстан Республикасы арқылы автокөлiк құралдарының өтуiне сондай-ақ iрi көлемдi және ауыр салмақты көлiк құралдарын өткiзу үшiн алынған қаражат ұлттық валюта теңгемен Қазақстан Республикасы Ұлттық Банкiнiң төлем күнiндегi бағамы бойынша аударылады және "Бюджет жүйесi туралы" Қазақстан Республикасының Заңында белгіленген тәртiпте есептеледi. 
      Автокөлiк құралдарының Қазақстан Республикасының аумағы арқылы өтуi үшiн алынатын алымдарды уақытында ұстауға жауапкерлiк Қазақстан Республикасының Көлiк және коммуникациялар министрлiгiне жүктеледi. 
       Ескерту: 20-тармақ өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

  2. Отандық автокөлiк құралдарының иелерiне рұқсат беру
бланкiлерiн бөлу және беру тәртiбi  

      21. Қазақстандық тасымалдаушыларға шетелдiк рұқсат беру бланкiлерiн ресiмдеудi және берудi Басқармалар жүргiзедi. 

      22. Басқармалар автомобиль көлiгiн және автожолдарды бақылау басқармасының, автомобильмен тасымалдау және рұқсат беру жүйесiн бақылау бөлiмiне, тасымалдаушылар жөнiнде 1, 2-қосымшаларға сәйкес толық мәлiметтi көрсете отырып, тапсырыстарды табыс етедi. 

      23. Алынған тапсырыстар бойынша Комитеттiң төрағасы бекiтетiн рұқсат бланкiлерiн бөлу жөнiнде рұқсат қағазы жасалады. 

      24. Көлiктiк бақылау комитетi үстiмiздегi жылдың 1 желтоқсанынан кешiктiрмей шетелдiк рұқсат беру бланкiлерiнiң келесi жылға қажеттi санын және алмасуды анықтау мәселесi бойынша халықаралық қатынас туралы келiсiмге қол қойылған тиiстi мемлекеттердiң құзыреттi органдарымен келiссөздер жүргiзуде шетелдiк рұқсат беру бланкiлерiнiң түрлерi мен елдерiне қарай үстiмiздегi жылы берiлген саны туралы мәлiметтердi Көлiк және коммуникациялар министрлiгiне жолдайды. 

      25. Комитет қазақстандық тасымалдаушылар үшiн шетелдiк рұқсат беру бланкiлерiн аумақтық басқармалар арқылы қазақстандық тасымалдаушылардан түскен өтiнiштердi және олардың бұрынғы кезеңдерде iс жүзiнде пайдаланылуын ескере отырып, бөледi.

      26. Рұқсат бланкiлерiн алғаннан кейiн рұқсат қағазына сәйкес, Басқармалар көлiк құралдарының иелерiне (тасымалдаушыларға) рұқсат бланкiлерiн берудi жүзеге асырады.<*>
       Ескерту: 26-тармақ өзгертілді - ҚР Көлік және коммуникациялар министрінің 2001 жылғы 10 шілдедегі N 217-І  бұйрығымен .

      27. Бөлiнген рұқсат бланкiлерiнiң саны тасымалдаушылардың берген тапсырыстарынан аз болған жағдайда, мүмкiндiгi бар тасымалдаушылар арасында Комитет рұқсат бланкiлерiн тапсырыс санына теңбе-тең бөлу арқылы жүргiзедi.<*>
       Ескерту: 27-тармақ өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      28. Қазақстан Республикасы мен Қытай Халық Республикасы арасында жолаушылар мен жүктердi халықаралық тасымалдауды тұрақты жүзеге асыруға рұқсат бланкiлерi, тұрақты халықаралық автобус бағытына қызмет етуге құқылы қолында келiсiмi, құзыреттi органдармен келiсiлген жүру бағытының сұлбасы, жүру кестесi, тарифтерi, жолаушыларды отырғызуды және (немесе) түсiрудi жүзеге асыруға тиiстi тоқтау бекеттерi, сондай-ақ тасымалдауды орындаудың белгiленген мерзiмi бар тасымалдаушыларға берiледi.<*>
       Ескерту: 28-тармақ жаңа редакцияда жазылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      29. Шетелдiк рұқсат беру бланкiлерiн алуға отандық тасымалдаушылардың өтiнiшi негiз болып табылады.

      30. Шетелдiк рұқсат беру бланкiлерi мынадай жағдайларда берiлмейдi:
      1) Автомобиль көлiгiмен жолаушыларды және жүктердi халықаралық тасымалдауға лицензияның жоқтығы;
      2) халықаралық тасымалдарды орындауда тасымалдаушының бұрын жiберген бұзушылықтары;
      3) тасымалдаушы өтiнген шетелдiк мемлекеттiң рұқсат беру 
бланкiлерiнiң жоқтығы;
      4) тасымалдаушылар үшiн рұқсат беру бланкiлерiнiң өтiнген санынан артық сұранысы, олардың басқа өтiнушілермен толық талап етiлген жағдайдағы тасымалдаушылар үшiн рұқсат беру бланкiлерiнiң өтiнген санынан артық сұранысы;
      5) бұрын алынған, пайдаланылған рұқсаттарды қайтармауы.<*>
       Ескерту: 30-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      31. Әрбiр автокөлiк құралына немесе автопоезға бiр рейс (ол жаққа және керi қарай) жасауға, бұдан өзгесi рұқсаттың өзiнде айтылмаған болса, құқық беретiн жеке рұқсат беру бланкiсi берiлуi керек. 

      32. Комитеттің шетелдiк рұқсат беру бланкiлерiнiң деректемелерi Қазақстан Республикасы мен шетел мемлекетiнiң арасындағы рұқсат беру жүйесi туралы Хаттамаға сәйкес қабылданған тiлде толтырылады, мөрi (мөртаңба) және бланкiнi берген тұлғаның қолы қойылып берiледi. 
      Бұл ретте бланкiнiң сәйкес графаларына тасымалдаушының атауы мен оның толық мекен-жайы жазылады.<*>
       Ескерту: 32-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      33. Iс жүзiндегi ережелердi және тасымалдау шарттарын бұзушы тасымалдаушылар әрi қарай рұқсат беру бланкілерiн алу құқығынан айрылуы мүмкiн, сондай-ақ олардан халықаралық тасымалдауларды жүзеге асыру лицензиясы алынуы мүмкiн.

      34. Басқарма бастықтары рұқсат бланкiлерiнiң берiлуiне, олардың тiкелей мақсатқа пайдаланылуына дербес жауап бередi.     

  3. Рұқсат бланкiлерiн жасау, есепке
 алу және пайдалану

       35. Рұқсат және арнайы рұқсат бланкілерi қатаң есептегi бланкiлер болып табылады.

       36. Қазақстан Республикасының аумағы бойынша шетелдiк автокөлiк құлардарымен халықаралық автомобиль тасымалдарын орындауға арналған рұқсат бланкiсiн Қазақстан Республикасының Көлiк және коммуникациялар министрлiгi әзiрлейдi және бекiтедi, типографиялық тәсiлмен дайындалады, реттiк нөмiрi және қорғау дәрежесi болады. 
      Қазақстан Республикасы Көлiк және коммуникациялар министрлiгiмен бекiтiлген үлгіде, орталықтанған бланкiлiк өнiмдердi дайындау фирмасында қатаң есептегi бланкiлер дайындалады.

      37. Жалпы қабылданған халықаралық нормалар мен стандарттарға сәйкес бланкінің беттiк жағында орналастырылған, бiр iзге салынған рұқсат бланкiсiнiң мынадай реквизиттерi болуы керек:
      1) аумағында берiлген рұқсаттың күшi бар мемлекеттiң атауы;
      2) рұқсат бланкiсiнiң нөмiрi, рұқсат етiлген сапар саны;
      3) тасымалдаушының атауы және оның толық мекен-жайы;
      4) орны және рұқсат бланкiсiн берген күнi;
      5) рұқсат бланкiсiн берген құзыреттi атқарушы органның қолы және мөрi;
      6) қозғалыс бағыты;
      7) шекарада жiберу мекенi;
      8) көлiк құралының атауы, оның нөмiрi және моделi;
      9) автокөлiк құралының жүк көтергiштiгi;
      10) автокөлiк құралының жүксiз жабдықталған салмағы.

      38. Рұқсат бланкiсiнiң келесi жағында:
      1) берiлген рұқсат жүргiзушіде немесе жүктi шығарып салушыда болуы тиiс және бақылауды жүргiзуге уәкiлеттендiрiлген тұлғаның талабы бойынша көрсетiлуi керектiгi туралы алғы шарты; 
      2) бақылаушы органдардың белгi және мөр қоятын орны; 
      3) тасымалданатын жүктiң салмағы; 
      4) түсiру немесе бару мекенi көрсетiледi. 
      Рұқсатты үшiншi тұлғаға беруге тыйым салынады. Тасымалдаушы Қазақстан Республикасында қолданылып жүрген заңдарда көрсетiлген, тәртiптердi және автомобиль көлiгi және жол қозғалысы үшiн әкiмшілiк алғы шарттарды сақтауға мiндетті. Рұқсат беру қағазы басқа тараптың Құзыреттi органының толтырылған реквизиттерi, қолы мен мөрi болмаса, сондай-ақ оны беру орны бойынша немесе түзетiлген жазбалардың расталмауынсыз Басқарманың қолы мен мөрiнсiз жарамсыз. Рұқсат бланкiлерiнде түзету жазбалары Басқарманың мөрiмен расталады.<*> 
       Ескерту: 38-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      39. Рұқсат бланкiлерiнiң Қазақстан Республикасы мен шетел мемлекеттерiнiң арасындағы халықаралық автомобиль тасымалдарына рұқсат ету жүйесiн құру Туралы хаттама келiсілгенде түрi өзгертілуi мүмкiн, жеке жағдайда Тараптардың өзара келiсiмi бойынша олар бiр iзге салынуы мүмкiн. 

      40. Заңды тұлғаларға бланкiлердi беру жүк құжаттамасымен сенiмхат болған жағдайда, жеке тұлғаларға жүк құжаттамасымен жеке басын растайтын құжаты болған жағдайда Қазақстан Республикасы аумағы арқылы өтуi үшiн алым төлегеннен кейiн жүзеге асырылады. 
      Қазақстандық тасымалдаушылар пайдаланған шетел рұқсат бланкiлерi оларды беру орны бойынша Басқармаларға мiндеттi тапсырылуға жатады.<*> 
       Ескерту: 40-тармақ толықтырылды - ҚР Көлік және коммуникациялар министрінің 2001 жылғы 10 шілдедегі N 217-І  бұйрығымен .

      41. Басқармалар Қазақстан Республикасының Мемлекеттiк кiрiс министрлiгiне жинақталған ақпарат беру үшiн Комитетке, берiлген рұқсат беру бланкiлерiнiң түрлерi және елдер бойынша саны туралы ақпаратты және Республикалық бюджетке аударылған автокөлiк құралдарының жүруiнен алынған алым туралы, сондай-ақ аумақтық Салық комитеттерiмен салыстырылған тексеру актiсiн есеп беру айынан кейiнгi әр айдың 5 күнiне дейiн тапсырады. 

  4. Автокөлiк құралдарын көліктік бақылау
бекеттерiнде тексеру тәртiбi<*> 

       Ескерту: 4-бөлімнің атауы өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      42. Қазақстан Республикасының автомобиль қатынасы үшiн ашық аумағында немесе Қазақстан Республикасы шекарасының өткiзу бекетiнде орналасқан көлiктiк бақылау бекетi (КББ) қызметкерi автомобиль құралдарының жүруiне бақылауды мынадай тәртiпте жүзеге асырады:<*> 
      1) жүру құжаттарын, (рұқсат қағазы, тауар-көлiк жүк құжаты (СМR), халықаралық жолда тасымалдау кiтапшаларын (ТIR Саrnеt), жол парағын, техникалық төлқұжатын тахографтың немесе жүргiзушілердiң еңбек және демалыс режимiн есепке алуды тiркеу парағын тексеру;<*> 
      2) рұқсат қағазы болмаған жағдайда осы Ережеге сәйкес әрекет жасау; 
      3) тауар-көлiк жүкқұжаты, жол парағы, техникалық төлқұжаты болмаған жағдайда автокөлiк құралы жол полициясының қызметкерлерiмен бiрлесiп Жол полициясы басқармасының айып төлеу алаңына жөнелтiледi, ал Қазақстан Республикасының мемлекеттiк шекарасының өткiзу бекетiнде шетелдiк автокөлiк құралдарының қозғалысын жiбермеу жөнiндегi шаралар қолданылады. 
       Ескерту: 42-тармақ өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      42-1. Жолаушыларды тұрақты тасымалдау кезiнде КББ қызметкерi: 
      автокөлiктегi құзыреттi органның мөрiмен расталған (шетелдiк тасымалдаушылар үшiн аталған құжаттар Қазақстан Республикасының Көлiк және коммуникациялар министрлiгiнiң бланкiсiнде ресiмделедi және оның мөрiмен расталады, ал отандық тасымалдаушылар үшiн бағыты оның аумағы бойынша өтетiн мемлекеттiң құзыреттi органы растайды) жолаушыларды осы бағыт бойынша тасымалдау куәлiгiн не оның рұқсат көшiрмесiнiң түпнұсқасының; 
      бағыты оның аумағы бойынша өтетiн мемлекеттің құзыреттi органымен келiсiлген осы бағыт бойынша қозғалыс кестесiнiң (автобустың салонында) түпнұсқасы немесе көшiрмесiнiң; 
      бағыты олардың аумағы бойынша өтетiн мемлекеттердiң құзыреттi органдарымен келiсiлген шекара өткелдерiн көрсете отырып (автобустың салонында) бағыт сұлбасының бар болуын тексередi.<*> 
       Ескерту: 42-1-тармақпен толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      42-2. Жолаушыларды тұрақты емес тасымалдау кезiнде КББ қызметкерi: 
      халықаралық автомобиль тасымалдарын жүзеге асыруға құқық беретiн (шетелдiк тасымалдаушыларда - егер олардың iшкi заңнамасымен ескерiлген болса), есептiк құжаттардың (лицензиялардың); 
      егер Келiсiммен ескерiлген болса, Қазақстан Республикасының аумағы бойынша жол жүруге рұқсаттың; 
      Басқармамен расталған жолаушылардың тiзiмiнiң; 
      шетел автокөлiк құралының кiруiн (рұқсатсыз жүйе қолданылатын мемлекеттердiң тасымалдаушылары үшiн) тiркеу талонының бар болуын тексередi.<*> 
       Ескерту: 42-2-тармақпен толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      43. Автокөлiк құралдарын тексере өлшеу және көлемдiк парамертлерiн өлшеу бiр уақытта жүзеге асырылады: 
      1) белгiленген параметрлерден асып кетсе "Қазақстан Республикасының аумағы бойынша автокөлiк құралдарының жүрiп өтуiне алым туралы" Қазақстан Республикасы Үкiметiнiң 1998 жылғы 31 желтоқсандағы N 1397  қаулысымен  бекiтiлген Қазақстан Республикасының аумағы бойынша автокөлiк құралдарының жүрiп өтуiне алымдар төлеу және ставкалар тәртiбiне сәйкес ауыр салмақты және iрi көлемдi автокөлiк құралдарының жүруiне алымды есептеу жүргiзіледi. "Қазақстан Республикасының автомобиль жолдары бойынша, ауыр салмақты және iрi көлемдi автокөлiк құралдарын жiберу жөнiндегi" Қазақстан Республикасы Көлiк және коммуникациялар министрiнiң 1997 жылғы 4 желтоқсандағы N 605 бұйрығымен бекiтiлген нұсқаулыққа сәйкес жүзеге асырылады. Өлшеу көрсеткiштерi және жол құжаттарының оқу негiзiнде арнайы рұқсат беру ресiмделедi. Тиiстi алымды төлегеннен кейiн белгiленген бағыт бойынша Қазақстан Республикасының аумағы бойынша ауыр салмақты және iрi көлемдi автокөлiк құралдарының жүруiне арнайы рұқсат берiледi; 
      2) арнайы рұқсаты бар болғанда арнайы рұқсатта көрсетiлген мәлiметтермен автокөлiк құралдарының нақты салмақты және көлемдi параметрлерiн салыстыру жүргiзiледi. Арнайы рұқсат қағазында көрсетiлген автокөлiк құралдарының қандай да бiр параметрлерiнiң асып кеткенiн тапса, СББ қызметкерi Қазақстан Республикасының автокөлiк жолдары бойынша ауыр салмақты және iрi көлемдi автокөлiк құралдарын өткiзу нұсқаулығына сәйкес әрекет етедi. Автокөлiк құралының салмақ қабылдау платформасы арқылы қозғалыс жылдамдығы 40 км/сағ. аспағанда бiлiкке түсетiн ең жоғарғы күш 5% асырылуына автопоездың нақты массасы арнайы рұқсатта көрсетiлгеннен аспаса рұқсат етiледi.<*>
       Ескерту: 43-тармақпен толықтырылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

      44. КББ қызметкерi автокөлiк құралдарының жол жүру бұзушылықтары туралы және оның Қазақстан Республикасының заңнамасына сәйкес қолданған шаралары туралы жоғары тұрған басшылыққа белгiленген тәртiппен хабарлауға мiндеттi.<*>
       Ескерту: 44-тармақ жаңа редакцияда жазылды - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен .

      45. СББ қызметкері Қазақстан Республикасының аумағы арқылы автокөлік құралдарының жүріп өтуіне бақылау жасауды тіркеу журналына сәйкес мәліметтерді тіркеуді жүргізеді.

      46. Тіркеудің ақысыз талондарын берумен, автокөлік құралдарының жүріп өтуінің рұқсатсыз жұмыс жүйесі туралы сәйкес халықаралық келісімдермен бекітілген мемлекеттердің автокөлік құралдарының уақытша шығуын тіркеуді жүргізеді.
      Тіркеу талоны бақылаудан өту туралы СББ мөрімен жойылуы керек.<*>
       Ескерту: 46-тармақ өзгертілді - ҚР Көлік және коммуникациялар министрінің 2001 жылғы 10 шілдедегі N 217-І   бұйрығымен . 

                               Қазақстан Республикасы
                             Көлік және коммуникациялар
                         министрінің 1999 жылғы 13 желтоқсан
                            N 904-І бұйрығымен бекітілген
                              Қазақстан Республикасында
                         халықаралық автомобильтасымалдарын
                            жүзеге асыру үшін рұқсат беру
                         жүйесін қабылдау жөніндегі ережеге
                                     1-қосымша<*>

       Ескерту: 1-қосымша өзгертілді - ҚР Көлік және коммуникациялар
министрінің 2001 жылғы 10 шілдедегі N 217-І   бұйрығымен . 

Рұқсат бланкілеріне жинақталған тапсырыс

____________________________________________________________________
 Реттік N! Рұқсат беру  ! Жалпы сұраныс !Соның ішінде тоқсан бойынша
          түрінің атауы   барлығы, дана 
____________________________________________________________________                                         І   !   ІІ  !  ІІІ  ! ІҮ
____________________________________________________________________
  1           2                3          4       5      6      7 ____________________________________________________________________           Қазақстандық рұқсат ету бланкілері
____________________________________________________________________
   1.   !Транзитті жүріп
         өтудің кіруіне,
         шығуына
____________________________________________________________________
   2.   !Үшінші
         мемлекеттерге
         тасымалдауға
____________________________________________________________________                Шетелдік рұқсат беру бланкілері
____________________________________________________________________
   3.   !Транзитті жүріп
         өтудің кіруіне,
         шығуына
____________________________________________________________________
   4.   !Үшінші
         мемлекеттерге
         тасымалдауға
____________________________________________________________________                                  2                 1
     3, 4 жолдар тасымалдаушыларды  көрсетумен елдер  бойынша толтырылыды
     1
      Елдердің тізбесі АВТО-3 есеп беруде
     2  
      Тасымалдаушыларды 3-қосымшаға сәйкес нысан бойынша көрсету

                               Қазақстан Республикасы
                             Көлік және коммуникациялар
                         министрінің 1999 жылғы 13 желтоқсан
                            N 904-І бұйрығымен бекітілген
                              Қазақстан Республикасында
                         халықаралық автомобильтасымалдарын
                            жүзеге асыру үшін рұқсат беру
                         жүйесін қабылдау жөніндегі ережеге
                                     2-қосымша<*>

      Ескерту: 2-қосымша толықтырылды - ҚР Көлік және коммуникациялар
министрінің 2001 жылғы 10 шілдедегі N 217-І   бұйрығымен . 

                  Рұқсат бланкісіне тапсырыс

 _______________________________________________________________
 Реттік ! Тасымалдаушының атауы,!Автокөлік! Жүктердің атауы
 N        заңды мекен жайы,      құралдары. және тасымалдау
          телефоны               ның саны,   көлемі
                                 дана
_______________________________________________________________
     1         2                    3              4
 ______________________________________________________________   

таблицаның жалғасы
_______________________________________________________________
Сапар шығу елі! Қажетті рұқсат  !Санаттар және  !  Лицензияның N
                беру саны,дана   түрлер бойынша    мен сериясы
____________________________________________________________________
      5              6             7                     8
____________________________________________________________________