"Селекциялық жетістіктерді қорғау туралы" Қазақстан Республикасы Заңының 3-1 бабының 2-тармағының 2) тармақшасына, "Қазақстан Республикасының Патент Заңы" Қазақстан Республикасы Заңының 4-бабының 2-тармағының 2) тармақшасына, "Тауар белгілері, қызмет көрсету белгілері, географиялық нұсқамалар және тауарлар шығарылған жерлердің атаулары туралы" Қазақстан Республикасы Заңының 3-бабының 2-тармағының 2) тармақшасына, "Интегралдық микросхемалар топологияларын құқықтық қорғау туралы" Қазақстан Республикасы Заңының 4-бабының 2) тармақшасына, "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Қазақстан Республикасы Әділет министрінің өзгерістер мен толықтырулар енгізілетін кейбір бұйрықтарының тізбесі бекітілсін.

      2. Қазақстан Республикасы Әділет министрлігінің Зияткерлік меншік құқығы комитеті Қазақстан Республикасы заңнамасында белгіленген тәртіппен:

      1) осы бұйрықты мемлекеттік тіркеуді;

      2) осы бұйрықты Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Әділет вице-министріне жүктелсін.

      4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Жасанды интеллект және

      цифрлық даму министрлігі

Қазақстан Республикасы Әділет министрінің өзгерістер мен толықтырулар енгізілетін кейбір бұйрықтарының тізбесі

      1. "Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімінде тіркеу және оған өзерістер енгізу қағидаларын бекіту туралы" Қазақстан Республикасы Әділет министрінің 2018 жылғы 28 тамыздағы № 1316 бұйрығына (Нормативтік құқықтық актілерді мемлекеттік тіркеу тізілімінде № 17322 болып тіркелген) мынадай өзгерістер мен толықтырулар енгізілсін:

      тақырыбы мынадай редакцияда жазылсын:

      "Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдерінде тіркеу және оларға өзгерістер енгізу қағидаларын бекіту туралы";

      1-тармақ мынадай редакцияда жазылсын:

      "1. Қоса беріліп отырған Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдерінде тіркеу және оларға өзгерістер енгізу қағидалары бекітілсін.";

      Осы бұйрықпен бекітілген Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімінде тіркеу және оған өзерістер енгізу қағидаларында:

      тақырыбы мынадай редакцияда жазылсын:

      "Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдерінде тіркеу және оларға өзгерістер енгізу қағидалары";

      1-тармақ мынадай редакцияда жазылсын:

      "1. Патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдерінде тіркеу және оларға өзгерістер енгізу қағидалары (бұдан әрі – Қағидалар) "Селекциялық жетістіктерді қорғау туралы" Қазақстан Республикасының Заңына, "Қазақстан Республикасының Патент Заңы" Қазақстан Республикасының Заңына, "Тауар белгілері, қызмет көрсету белгілері, географиялық нұсқамалар және тауарлар шығарылған жерлердің атаулары туралы" Қазақстан Республикасының Заңына, "Интегралдық микросхемалар топологияларын құқықтық қорғау туралы" Қазақстан Республикасының Заңына, "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңына сәйкес әзірленді және патенттік сенім білдірілген өкіл қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдерінде тіркеу және оларға өзгерістер енгізу тәртiбiн белгiлейдi.";

      2-тармақ мынадай редакцияда жазылсын:

      "2. Осы Қағидаларда мынадай негізгі ұғымдар мен терминдер қолданылады:

      1) кандидат – патенттік сенім білдірілген өкіл қызметімен айналысуға үміттену құқығы бар тұлға;

      2) Комиссия – Патенттік сенім білдірілген өкілдердің қызметі мәселелері жөніндегі комиссия;

      3) көрсетiлетiн қызметтi алушы – жеке тұлға, патенттік сенім білдірілген өкілге кандидат;

      4) патенттiк сенiм бiлдiрiлген өкiл – Қазақстан Республикасының заңнамасына сәйкес уәкiлеттi орган мен сараптама ұйымы алдында жеке және заңды тұлғалардың өкiлi болу құқығы берiлген Қазақстан Республикасының азаматы;

      5) Тізілімдер – Тауар белгілері, географиялық нұсқамалар, тауар шығарылған жердің атаулары саласындағы Қазақстан Республикасының патенттік сенім білдірілген өкілдердің тізілімі және Өнертабыстар, пайдалы модельдер, өнеркәсіптік үлгілер, селекциялық жетістіктер саласындағы Қазақстан Республикасының патенттік сенім білдірілген өкілдердің тізілімі.

      "Патенттік сенім білдірілген өкіл қызметімен айналысуға үміткер адамдарды аттестаттаудан өткізу" және "Патенттік сенім білдірілген өкіл куәлігін беру" мемлекеттік қызметтері Қазақстан Республикасы Әділет министрлігінің Зияткерлік меншік құқығы комитетімен көрсетіледі (бұдан әрі – көрсетілетін қызметті беруші).

      Осы Қағидаларға өзгерістер немесе (және) толықтырулар енгізу кезінде, уәкілетті орган "электрондық үкімет" ақпараттық-коммуникацялық инфрақұрылымының операторына, Бірыңғай байланыс орталығына, көрсетілген қызметті берушіге тиісті нормативтік құқықтық акт әділет органдарына мемлекеттік тіркелгеннен кейін 10 (он) жұмыс күні ішінде осындай өзгерістер және (немесе) толықтырулар туралы ақпаратты жібереді.

      "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына сәйкес көрсетілетін қызметті беруші Қазақстан Республикасы Көлік және коммуникациялар министрі міндетін атқарушының 2013 жылғы 14 маусымдағы № 452 бұйрығымен бекітілген "Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларын бекіту туралы" қағидаларда белгіленген тәртіппен мемлекеттік қызмет көрсету кезеңі туралы деректерді мемлекеттік қызметтер көрсетудің мониторингі ақпараттық жүйесіне енгізуді қамтамасыз етеді (Нормативтік құқықтық актілерді мемлекеттік тіркеу тізілімінде № 8555 болып тіркелген).";

      2-тараудың тақырыбы мынадай редакияда жазылсын:

      "2-тарау. Патенттік сенім білдірілген өкілдің қызметімен айналысуға үміткер адамдарды аттестаттаудан өткізу, патенттік сенім білдірілген өкілдердің тізілімдеріне тіркеу және оларға өзгерістер енгізу тәртібі";

      4-тармақ мынадай редакцияда жазылсын:

      "4. Зияткерлік меншік құқықтарын сақтау және қорғау саласында кемінде төрт жыл жұмыс тәжірибесі бар немесе патенттік сенім білдірілген өкілдер палатасында кемінде бір жыл тағылымдамадан өткен адамдар аттестаттауға жіберіледі.

      Патенттік сенім білдірілген өкіл қызметімен айналысуға үміткер адамдарды аттестаттау Қазақстан Республикасының заңнамасын және зияткерлік меншік саласындағы Қазақстан Республикасы ратификациялаған халықаралық шарттарды білуге арналған тестілеу нысанында өткізіледі.

      Патенттік сенім білдірілген өкіл патенттік сенім білдірілген өкіл қызметімен айналысуға үміткер адамдардың аттестаттаудан өткізу және оларға патенттік сенім білдірілген өкіл куәлігін беру нәтижелері бойынша қызметін келесі саладағы мамандануына сәйкес жүзеге асырады:

      1) тауар белгілері, географиялық нұсқамалар, тауар шығарылған жердің атаулары;

      2) өнертабыстар, пайдалы модельдер, өнеркәсіптік үлгілер, селекциялық жетістіктер.";

      5-тармақ мынадай редакцияда жазылсын:

      "5. Аттестаттаудан өту үшін көрсетілетін қызметті алушы "электрондық үкімет" веб-порталы арқылы мынадай құжаттарды жібереді:

      1) осы Қағидалардың 1, 1-1 қосымшаларына сәйкес нысан бойынша қазақ немесе орыс тілдерінде электрондық цифрлық қолтаңбамен (бұдан әрі – ЭЦҚ) куәландырылған патенттік сенім білдірілген өкіл қызметімен айналысуға үміткер адамдарды аттестаттауға жіберу туралы өтініш;

      2) зияткерлік меншік құқықтарын сақтау және қорғау саласында кемінде төрт жыл жұмыс өтілі бар немесе патенттік сенім білдірілген өкілдер палатасында кемінде бір жыл тағылымдамадан өткен еңбек қызметін растайтын құжаттың электрондық көшірмесі;

      3) осы Қағидалардың 2-қосымшасына сәйкес нысан бойынша патенттік сенім білдірілген өкіл қызметімен айналысуға үміткер адамдарды аттестаттаудан өткізуге арналған мәліметтер.";

      Осы Қағидалардың 2-қосымшадағы көрсетiлген мәлiметтер аттестаттау емтиханына келген кезде көрсетілетін қызметті алушымен ұсынатын құжаттардың түпнұсқаларымен салыстырылады.";

      8-тармақ мынадай редакцияда жазылсын:

      "8. Аттестаттауға:

      1) Қазақстан Республикасының заңдарына сәйкес кәсiпкерлiк қызметпен айналысуға тыйым салынған адамдар;

      2) қылмыс жасағаны үшiн заң тәртiбiнде белгiленген өтелмеген немесе алынбаған соттылығы бар;

      3) осы Заңға сәйкес патенттiк сенiм бiлдiрiлген өкiлдердiң тiзiлiмдерінен шығарылған адамдар;

      4) уәкiлеттi органның және оның ведомстволық бағыныстағы ұйымдарының қызметкерлерi, сондай-ақ олардың жақын туыстары, жұбайы (зайыбы) болып табылатын адамдар жiберiлмейдi.";

      12-тармақ мынадай редакцияда жазылсын:

      "12. Тестiлеуге енгiзiлуi тиiстi сұрақтар тiзбесiн аттестаттау комиссиясымен бекiтедi. Кандидаттардың бiлiмiн бағалауға арналған сұрақтар патенттiк сенiм бiлдiрiлген өкiлдерге қызметтi жүзеге асыру үшiн бiлудi қажет ететiн құқық пәндерiнiң тақырыптарына ("Селекциялық жетiстiктердi қорғау туралы", "Қазақстан Республикасының Патент заңы", "Тауар белгілері, қызмет көрсету белгілері, географиялық нұсқамалар және тауарлар шығарылған жерлердің атаулары туралы", "Интегралдық микросхемалар топологияларын құқықтық қорғау туралы" Қазақстан Республикасының Заңдары), сондай-ақ зияткерлік меншік саласындағы ратификацияланған халықаралық шарттарға сәйкес келуi және бiреуi дұрыс болатын жауаптардың кемiнде төрт нұсқасын қамтиды.

      Тестiлеу компьютерлiк техниканы пайдалана отырып өткiзiледi. Тестiлеуге бөлiнген уақыт тоқсан минутты құрайды.

      Тест құпия ақпарат болып табылады және еркiн жариялауға жатпайды.

      Аттестаттауды өткiзер алдында көрсетілетін қызметті беруші кандидатты аттестаттауды өткiзу тәртiбi, ұзақтығы және iрiктеу рәсiмiнiң мазмұны туралы хабардар етедi.";

      13-тармақ мынадай редакцияда жазылсын:

      "13. Көрсетілетін қызметті беруші аттестаттау күнi, уақыты мен орны, аттестаттаудан өтушiнiң тегi, аты, әкесiнiң аты (бар болған жағдайда), тестiлеу нәтижесi көрсетiлетiн хаттама жүргiзiледi.";

      15-тармақ мынадай редакцияда жазылсын:

      "15. Тестiлеудiң дұрыс жауаптарын есептеу қолданылатын компьютерлiк бағдарламаның көмегiмен автоматты түрде жүргiзiледi. Тестiлеу нәтижелерi принтерде екi данада басылып шығарылады және аяқтала салысымен бiрден үмiткерге жеке қол қойдыру арқылы танысу үшiн ұсынылады.

      Тестiлеу нәтижелерi бар парақтың бiр данасы үмiткерге тапсырылады, екiншiсi көрсетілетін қызметті берушіге берiледi.";

      16-тармақ мынадай редакцияда жазылсын:

      "16. Егер дұрыс жауаптардың саны ұсынылған сұрақтардың жалпы санының 70 % және одан жоғары құраса, кандидат тестiлеуден өттi деп саналады.

      Жауапты орындаушы тестiлеу нәтижесi бойынша хаттама дайындайды және екі жұмыс күні ішінде оны құрылымдық бөлiмшенiң басшысы мен көрсетiлетiн қызметтi берушiнiң уәкiлеттi тұлғасына қол қоюға жолдайды.

      Хаттамаға көрсетілетін қызметті берушінің басшысы немесе оның міндетін атқарушы тұлға тарапынан қол қойылады.

      Хаттама көрсетiлетiн қызметтi алушының "жеке кабинетiне" электрондық құжат нысанында көрсетiлетiн қызметтi берушiнiң уәкiлеттi тұлғасының ЭЦҚ жолданады.";

      17-тармақ мынадай редакцияда жазылсын:

      "17. Аттестаттау аттестацияға жіберу туралы өтініш түскен күннен бастап атқарылатын қызмет көрсетушінің орналасқан жері бойынша 10 жұмыс күні ішінде өткізіледі.";

      18-тармақ мынадай редакцияда жазылсын:

      "18. Көрсетiлетiн қызметтi алушының қалауы бойынша мемлекеттік қызмет патенттік сенім білдірілген өкілдерді аттестаттауға рұқсат беру және патенттік сенім білдірілген өкіл куәлігін алу туралы өтініш негізінде осы Қағидалардың 5, 5-1 қосымшаларына сәйкес нысан бойынша "бір өтініш" қағидаты бойынша "Патенттік сенім білдірілген өкіл куәлігін беру" мемлекеттік қызметінің жиынтығымен көрсетіледі.";

      20-тармақ мынадай редакцияда жазылсын:

      "20. Патенттік сенім білдірілген өкілдің куәлігін алу үшін кандидат "электрондық үкімет" веб-порталы арқылы осы Қағидалардың 6 және 6-1-қосымшаларына сәйкес нысан бойынша мемлекеттік немесе орыс тілдерінде кандидаттың ЭЦҚ-мен куәландырылған электрондық құжат нысанында патенттік сенім білдірілген өкілдің куәлігін беру туралы өтініш жолдайды.

      Көрсетілетін қызметті алушының жеке басын куәландыратын құжат туралы мәліметтерді мемлекеттік ақпараттық жүйелерден "электрондық үкімет" шлюзі арқылы алады.

      Көрсетiлетiн қызметтi алушы өтінішті "жеке кабинетiнде" берген кезде мемлекеттiк қызмет көрсету үшiн сұрау салудың қабылданғаны туралы мәртебе көрсетіледі.

      Патенттiк сенiм бiлдiрiлген өкiлдiң куәлiгi үш жұмыс күнi iшiнде беріледі.";

      22-тармақ мынадай редакцияда жазылсын:

      "22. Уәкілетті орган құжаттардың түскен күні оны қабылдауды және тіркеуді жүзеге асырады.

      Еңбек заңнамасына сәйкес жұмыс уақыты аяқталғаннан кейін, демалыс және мереке күндері өтініш беруші жүгінген жағдайда, өтінішті қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.

      Көрсетілетін қызметті алушы өтініштің осы Қағидалардың 6, 6-1-тармақтарындағы насандағы сәйкес келмеген жағдайда, көрсетілетін қызметті беруші көрсетілетін қызметті алушыға өтініш қандай талаптарға сәйкес келмейтінін көрсете отырып, хабарлама жібереді.

      Өтінішті сәйкестендіру мерзімі бір жұмыс күнін құрайды.

      Көрсетілетін қызметті алушы хабарламаны алған күннен бастап бір жұмыс күні ішінде оны талаптарға сәйкес келтірмеген жағдайда, көрсетілетін қызметті беруші өтінішті одан әрі қараудан бас тарту жолдайды.

      Көрсетілетін қызметті беруші өтінішті қарау нәтижелері бойынша осы Қағидалардың 8 және 8-1-қосымшаларына сәйкес нысан бойынша патенттік сенім білдірілген өкілдің куәлігін ресімдейді және оны бір жұмыс күні ішінде құрылымдық бөлімшенің басшысына келісуге жібереді.";

      2-тараудың 4-параграф тақырыбы мынадай редакцияда жазылсын:

      "4-тарау. Патенттiк сенiм бiлдiрiлген өкiлдердiң тiзiлiмдеріне және оларға өзгерiстер енгiзудi тiркеу";

      24-тармақ мынадай редакцияда жазылсын:

      "24. Тiзiлiмдерге куәлiк алған патенттiк сенiм бiлдiрiлген өкiлдердiң және олардың алдағы уақыттағы өзгерiстерi туралы мәлiметтерi енгiзiледi. Тiзiлiмдер уәкiлеттi органмен жүргiзiледi және уәкiлеттi органның интернет-ресурсында орналастырылады.";

      25-тармақ мынадай редакцияда жазылсын:

      "25. Тiзiлiмдерге келесi мәлiметтер көрiнiс табады:

      1) куәлiк нөмiрi болып табылатын реттiк тiркеу нөмiрi;

      2) патенттiк сенiм бiлдiрiлген өкiлдi тiркеу күнi;

      3) патенттiк сенiм бiлдiрiлген өкiлдiң тегi, аты, әкесiнiң аты (бар болған жағдайда);

      4) тұрақты тұрғылықты жерi;

      5) хат алмасу үшiн мекенжайы, сондай-ақ телефон, электрондық почта мекенжайы;

      6) жұмыс орны, лауазымы;

      7) куәлiктi беру немесе жiберу туралы мәлiметтер;

      8) тоқтата тұру туралы мәлiметтер;

      9) Тiзiлiмдерден алып тастау жөнiндегi мәлiметтер";

      1-қосымша осы тізбенің 1-қосымшасына сәйкес жаңа редакцияда жазылсын;

      1-1 қосымша осы тізбенің 2-қосымшасына сәйкес жаңа редакцияда толықтырылсын;

      3-қосымша алынып тасталсын;

      4-қосымша осы тізбенің 3-қосымшасына сәйкес жаңа редакцияда жазылсын;

      5-қосымша осы тізбенің 4-қосымшасына сәйкес жаңа редакцияда жазылсын;

      5-1 қосымша осы тізбенің 5-қосымшасына сәйкес жаңа редакцияда толықтырылсын;

      6-қосымша осы тізбенің 6-қосымшасына сәйкес жаңа редакцияда жазылсын;

      6-1 қосымша осы тізбенің 7-қосымшасына сәйкес жаңа редакцияда толықтырылсын;

      7-қосымша осы тізбенің 8-қосымшасына сәйкес жаңа редакцияда жазылсын;

      8-қосымша осы тізбенің 9-қосымшасына сәйкес жаңа редакцияда жазылсын;

      8-1 қосымша осы тізбенің 10-қосымшасына сәйкес жаңа редакцияда толықтырылсын.

      2. "Апелляциялық кеңестің қарсылықтарды қарау қағидаларын бекіту туралы" Қазақстан Республикасы Әділет министрінің 2018 жылғы 28 тамыздағы № 1317 бұйрығына (Нормативтік құқықтық актілерді мемлекеттік тіркеу тізілімінде № 17324 болып тіркелген) келесі өзгерістер енгізілсін:

      Осы бұйрықпен бекітілген Апелляциялық кеңестің қарсылықтарды қарау қағидаларында:

      2-тармақтың 2), 5), 7), 8), 9) тармақшалары мынадай редакцияда жазылсын:

      "2) қорғау құжаттары – Қазақстан Республикасының зияткерлік меншік саласындағы заңдарына сәйкес берілетін құжаттар (өнертабыстарға, өнеркәсіптік үлгілерге, пайдалы модельдерге патенттер, селекциялық жетістіктерге патенттер, тауар белгілеріне, қызмет көрсету белгілеріне куәліктер, географиялық нұсқамаларды, тауарлар шығарылған жерлердің атауларын пайдалану құқығына куәліктер);

      5) өнеркәсіптік меншік объектілері – өнертабыстар, пайдалы модельдер, өнеркәсіптік үлгілер, тауар белгілері мен қызмет көрсету белгілері, географиялық нұсқамалар, тауарлар шығарылған жерлердің атаулары, селекциялық жетістіктер;

      7) патенттік сенім білдірілген өкіл – Қазақстан Республикасының заңнамасына сәйкес уәкiлеттi орган мен сараптама ұйымы алдында жеке және заңды тұлғалардың өкiлi болу құқығы берiлген Қазақстан Республикасының азаматы;

      8) сараптама ұйымы – Қазақстан Республикасы Әділет министрлігі Зияткерлік меншік құқықтары комитетінің "Ұлттық зияткерлік меншік институты" шаруашылық жүргізу құқығындағы республикалық мемлекеттік кәсіпорны;

      9) тараптар – Апелляциялық кеңесте қарсылықтарды қарауға қатысатын жеке және (немесе) заңды тұлғалар, оның ішінде патенттік сенім білдірілген өкілдер, заң консультанттары, адвокаттар немесе сенімхат бойынша өзге де өкілдер;";

      7-тармақ мынадай редакцияда жазылсын:

      "7. Қарсылық және оған қоса берілетін материалдар Апелляциялық кеңеске уәкілетті органның кеңсесі арқылы қазақ немесе орыс тілдерінде қағаз немесе электрондық форматта еркін жазбаша нысанда ұсынылады. Қарсылық әрбір өнеркәсіптік меншік объектісі бойынша жеке беріледі.";

      9-тармақта 2) тармақша мынадай редакцияда жазылсын:

      "2) қарсылық патенттік сенім білдірілген өкіл, заң консультанты, адвокат немесе өзге де өкіл арқылы берілген жағдайда, заңнамада белгіленген тәртіппен берілген сенімхат. Сенімхатта қарсылықты, толықтыруларды, оның ішінде қарсылықты қарау мерзімін ұзарту, Апелляциялық кеңестің отырыс өткізу күнін ауыстыру және қарсылықты кері қайтарып алу туралы өтінішхаттар мен өтініштерді беру, сондай-ақ Апелляциялық кеңестің отырысына қатысу өкілеттіктері көрсетіледі. Сенімхат қазақ немесе орыс тілінде ұсынылады, ал сенімхат шет ел тілінде берілген жағдайда, оның қазақ немесе орыс тіліндегі нотариаттық куәландырылған аудармасы ұсынылады. Сенімхаттың көшірмесі ұсынылған жағдайда, өтініш беруші Апелляциялық кеңеске келген кезде сенімхаттың түпнұсқасын ұсынады (түпнұсқалық расталғаннан кейін сенімхаттың түпнұсқасы қайтарылуға жатады);";

      10-тармақ мынадай редакцияда жазылсын:

      "10. Қарсылыққа қарсылық білдірген тұлға қол қояды және қол қойылған күні көрсетіледі. Заңды тұлға атынан қарсылыққа лауазымын көрсете отырып ұйымның басшысы немесе уәкілетті тұлға қол қояды. Қарсылыққа мұндай тұлғаның лауазымы мен өкілеттіктерін растайтын құжаттардың көшірмелері де қоса беріледі.

      Қарсылық патенттік сенім білдірілген өкіл, заң консультанты, адвокат немесе сенімхат бойынша өзге де өкіл арқылы берілсе қарсылыққа тиісінше патенттік сенім білдірілген өкіл, заң консультанты, адвокат немесе сенімхат бойынша өзге де өкіл қол қояды.";

      19-тармақ мынадай редакцияда жазылсын:

      "19. Апелляциялық кеңес отырыс өткізілетін күнді:

      1) қарсылықты өздерінің қатысуынсыз қарау туралы өтінішхаттарды берген жағдайды қоспағанда тараптар келмеген;

      2) тараптардың қосымша дәлелдемелерді ұсынуы қажет екені туралы өтінішхат берген;

      3) тараптардың дәлелдерін және (немесе) қарсылыққа байланысты мән-жайларды қосымша зерделеу қажет болған жағдайларда ауыстырады.";

      27-тармақ мынадай редакцияда жазылсын:

      "27. Қабылданған шешімге сотқа шағым жасалуы мүмкін.".

      3. "Тауар белгісін Қазақстан Республикасында жалпыға бірдей белгілі деп тану жөніндегі комиссия туралы ережені бекіту туралы" Қазақстан Республикасы Әділет министрінің 2018 жылғы 28 тамыздағы № 1318 бұйрығына (Нормативтік құқықтық актілерді мемлекеттік тіркеу тізілімінде № 17323 болып тіркелген) келесі өзгерістер енгізілсін:

      Осы бұйрықпен бекітілген Тауар белгісін Қазақстан Республикасында жалпыға бірдей белгілі деп тану жөніндегі комиссия туралы ережесінде:

      2-тармақ мынадай редакцияда жазылсын:

      "2. Тауар белгісін Қазақстан Республикасында жалпыға бірдей белгілі деп тану жөніндегі комиссия Қазақстан Республикасы Әділет министрлігінің жанындағы алқалы орган болып табылады.";

      3-тармақ мынадай редакцияда жазылсын:

      "3. Тауар белгісін Қазақстан Республикасында жалпыға бірдей белгілі деп тану жөніндегі комиссия өз қызметінде Қазақстан Республикасының Конституциясын, Қазақстан Республикасының заңдары мен халықаралық шарттарын, өзге де нормативтік құқықтық актілерді, сондай-ақ осы Ережені басшылыққа алады.";

      4-тармақ мынадай редакцияда жазылсын:

      "4. Ережеде келесі ұғымдар қолданылады:

      1) өтініш беруші – тауар белгісін немесе тауар белгісі ретінде пайдаланылатын белгілемені Қазақстан Республикасында жалпыға бірдей белгілі тауар белгісі ретінде тану туралы Комиссияға өтініш берген жеке немесе заңды тұлға;

      2) патенттік сенім білдірілген өкіл – Қазақстан Республикасының заңнамасына сәйкес уәкiлеттi орган мен сараптама ұйымы алдында жеке және заңды тұлғалардың өкiлi болу құқығы берiлген Қазақстан Республикасының азаматы;

      3) сараптама ұйымы – Қазақстан Республикасы Әділет министрлігі Зияткерлік меншік құқықтары комитетінің "Ұлттық зияткерлік меншік институты" шаруашылық жүргізу құқығындағы республикалық мемлекеттік кәсіпорны;

      4) тауар белгісін Қазақстан Республикасында жалпыға бірдей белгілі деп тану жөніндегі комиссия (бұдан әрі – Комиссия) – тауар белгісін немесе тауар белгісі ретінде пайдаланылатын белгілемені Қазақстан Республикасында жалпыға бірдей белгілі тауар белгісі ретінде тану туралы өтініштерді қарау жөніндегі уәкілетті орган жанындағы алқалы орган;

      5) уәкілетті орган – Қазақстан Республикасының Әділет министрлігі (бұдан әрі – Министрлік).";

      5-тармақ мынадай редакцияда жазылсын:

      "5. Комиссия:

      1) жеке немесе заңды тұлғалардың тауар белгісін немесе тауар белгісі ретінде пайдаланылатын белгілемені Қазақстан Республикасында жалпыға бірдей белгілі тауар белгісі ретінде тану туралы Министрлікке түсетін өтініштерін қарайды;

      2) дауларды қарау үшін мемлекеттік органдардың тиісті бейіндегі мамандарын және сараптама ұйымның қызметкерлерін тартады, сондай-ақ қажет болған жағдайда жұмыс кездесулерін ұйымдастырады;

      3) Комиссия отырыстарында өтініш беруші және (немесе) оның өкілдерін тыңдайды, сондай-ақ оларға сұрақтар қояды;

      4) тауар белгісін немесе тауар белгісі ретінде пайдаланылатын белгілемені жалпыға бірдей белгілі деп тану туралы шешім немесе мұндай танудан бас тарту туралы шешім қабылдайды, ол өтініш берушіге мұндай шешім қабылданған кезден бастап он жұмыс күні ішінде жіберіледі.";

      6-тармақ мынадай редакцияда жазылсын:

      "6. Комиссияның құрамы Қазақстан Республикасы Әділет министрінің (не оның орнын алмастыратын тұлғаның) бұйрығымен бекітіледі және Министрліктің Зияткерлік меншік құқығы комитетінің және сараптама ұйымының кемінде бес қызметкерлерінен тұрады.";

      10-тармақ мынадай редакцияда жазылсын:

      "10. Комиссияның жұмыс органының функциялары Министрліктің Зияткерлік меншік құқығы комитетінің Өнеркәсіптік меншік саласындағы дауларды сотқа дейін қарастыру басқармасына жүктеледі.";

      13-тармақ мынадай редакцияда жазылсын:

      "13. Комиссияның шешіміне сотқа шағым жасалуы мүмкін.".

      4. "Апелляциялық кеңес туралы ережені бекіту туралы" Қазақстан Республикасы Әділет министрінің 2018 жылғы 28 тамыздағы № 1320 бұйрығына (Нормативтік құқықтық актілерді мемлекеттік тіркеу тізілімінде № 17328 болып тіркелген) келесі өзгерістер енгізілсін:

      Осы бұйрықпен бекітілген Апелляциялық кеңес туралы ережесінде:

      4-тармақта 4) және 5) тармақшалар мынадай редакцияда жазылсын:

      "4) сараптама ұйымы – Қазақстан Республикасы Әділет министрлігі Зияткерлік меншік құқықтары комитетінің "Ұлттық зияткерлік меншік институты" шаруашылық жүргізу құқығындағы республикалық мемлекеттік кәсіпорны;

      5) тараптар – Апелляциялық кеңесте қарсылықтарды қарауға қатысатын жеке және (немесе) заңды тұлғалар, оның ішінде патенттік сенім білдірілген өкілдер, заң консультанттары, адвокаттар немесе сенімхат бойынша өзге де өкілдер.";

      6-тармақ мынадай редакцияда жазылсын:

      "6. Апелляциялық кеңестің құрамы Қазақстан Республикасы Әділет министрінің (не оның орнын алмастыратын тұлғаның) бұйрығымен бекітіледі.

      Апелляциялық кеңестің құрамына кәсіпкерлік жөніндегі, агроөнеркәсіптік кешенді дамыту саласындағы, селекциялық жетістіктерді қорғау саласындағы, өнертабыстарды, пайдалы модельдерді және өнеркәсіптік үлгілерді қорғау саласындағы, ғылым, инновациялық қызметті мемлекеттік қолдау, ақпарат және қоғамдық даму, денсаулық сақтау саласындағы және тауар белгілерін, географилық нұсқамаларды және тауарлар шығарылған жерлердің атауларын қорғау саласындағы уәкілетті органдардың өкілдерін қоса алғанда, тақ санды (кемінде бес) мүше кіреді.";

      12-тармақ мынадай редакцияда жазылсын:

      "12. Апелляциялық кеңестің жұмыс органының функциялары Министрліктің Зияткерлік меншік құқығы комитетінің Өнеркәсіптік меншік саласындағы дауларды сотқа дейін қарастыру басқармасына жүктеледі.";

      23-тармақ мынадай редакцияда жазылсын:

      "23. Қабылданған шешімге сотқа шағым жасалуы мүмкін".

      5. "Селекциялық жетiстiктердің, өнеркәсiптiк меншiк объектiлерiнің, тауар таңбалары және тауар шығарылған жерлердiң атауларының, интегралдық микросхемалар топологияларын тіркеу өтінімдеріне сараптама жасау қағидаларын бекіту туралы" Қазақстан Республикасы Әділет министрінің 2018 жылғы 29 тамыздағы № 1349 бұйрығына (Нормативтік құқықтық актілерді мемлекеттік тіркеу тізілімінде № 17459 болып тіркелген) келесі өзгерістер мен толықтырулар енгізілсін:

      Осы бұйрықпен бекітілген Селекциялық жетістіктердің өтінімдеріне алдын ала сараптама жүргізу қағидаларында:

      11-тармақ мынадай редакцияда жазылсын:

      "11. Өтінімді сараптама ұйымы олардың келіп түскен күнін қойып және тіркеу нөмірін бере отырып тіркейді. Өтінім қағаз жеткізгіште берілген жағдайда өтінім беруші өтінімді қабылдау туралы сараптама ұйымы қойған деректемелері (тіркеу нөмірі және түскен күні) бар өтінімнің бір данасын почта арқылы өтінім берушіге жіберу арқылы бес жұмыс күні ішінде хабардар етіледі.";

      14-тармақ мынадай редакцияда жазылсын:

      "14. Өтінім берілген күннен бастап бір ай ішінде және селекциялық жетістік атауының дұрыстығын тексеру нәтижелері болған кезде сараптама ұйымы ол бойынша алдын ала сараптама жүргізеді. Алдын ала сараптама жүргізу барысында өтінімнің басымдық күні белгіленеді, қажетті құжаттардың болуы және олардың белгіленген талаптарға сәйкестігі тексеріледі.

      Алдын ала тексеру кезінде өтініште болуы немесе оған тіркелуі тиіс құжаттардың болуы және мазмұны тексеріледі;

      Заңның 5-бабының 2-тармағында көзделген жағдайларда, оның өкілінің өкілеттігін куәландыратын сенімхаттың болуы және дұрыстығын қоса алғанда, өтініш беру тәртібін сақтау;

      өтінімнің заңдылығы мен тәртібін оның берілген күніне қарағанда бұрынғы басымдықты қолдану кезінде сақтау.";

      17-тармақ мынадай редакцияда жазылсын:

      "17. Егер өтiнiмдi алдын ала сараптау барысында селекциялық жетiстiктiң атауы Заңның белгiленген талаптарына сәйкес келмейтiн және (немесе) оның құжаттарына қойылатын талаптарды бұза отырып ресiмделсе, өтініш беруші анықталған кемшіліктерді анықтап, селекциялық жетістіктің жаңа атауын және (немесе) түзетілген құжаттарды жіберуді ұсынған күннен бастап үш ай ішінде өтініш жібереді.";

      19-тармақ мынадай редакцияда жазылсын:

      "19. Алдын ала сараптама ұсыныстарына үш ай ішінде жауап бермеген жағдайда, сараптама жасау ұйымы өтініш беруші шешім қабылданған күннен бастап бес жұмыс күні ішінде ішінде хабардар етілетін өтінішті одан әрі қараудан бас тартуға шешім қабылдайды.";

      20-тармақ мынадай редакцияда жазылсын:

      "20. Егер алдын ала сараптама нәтижесінде өтінімнің белгіленген талаптарға сәйкес келетіні анықталса, сараптама ұйымы өтінімді одан әрі қарау туралы шешім қабылдайды және өтінім берушіні шешім қабылданған кезден бастап бес жұмыс күні ішінде алдын ала сараптаманың оң нәтижесі туралы хабардар етеді.";

      22-тармақ мынадай редакцияда жазылсын:

      "22. Егер мемлекеттік комиссия оң қорытындыға ие болса, сараптама ұйымы Заңның 10-бабының 4-тармағына сәйкес бес жұмыс күні ішінде патент беру туралы шешім қабылдайды және он жұмыс күні ішінде өтініш берушіні қабылданған шешімді хабардар етеді.";

      23-тармақ мынадай редакцияда жазылсын:

      "23. Мемлекеттiк комиссияның терiс қорытындысы болған жағдайда, сараптама ұйымы Заңның 10-бабының 5-тармағына сәйкес бес жұмыс күнi iшiнде патент беруден бас тарту туралы шешiм қабылдайды, ол өтiнiш берушiге бес жұмыс күнi iшiнде хабарланады.";

      24-тармақ мынадай редакцияда жазылсын:

      "24. Алдын ала қарау нәтижесінде қосымша қарау туралы шешім қабылданған өтініш туралы ақпаратты жариялау бюллетеньде Заңның 8-бабының 6-тармағына сәйкес шешім қабылданған күннен бастап бес жұмыс күні ішінде жасалады.";

      26-тармақ мынадай мазмұнда алтыншы, жетінші, сегізінші, тоғызыншы абзацтармен толықтырылсын:

      "Электрондық өтінім берілген жағдайда өтінім бойынша хат-хабар алмасу сараптама ұйымның www.kazpatent.kz сайтындағы "Жеке кабинет" арқылы жүргізіледі.

      Өтінім беруші немесе оның өкілі "Жеке кабинет" арқылы электрондық құжат түрінде жауаптар, өтініштер, қосымша және басқа материалдарды орналастыра алады.

      Сараптама ұйымның сұраулары, ескертулері немесе шешімдері жолдаған күннен бастап есептелетін мерзімдер "Жеке кабинетке" орналастырылған күннен бастап есептеледі.

      Сараптама ұйымның шешімдері, сұраулары, ескертулері және басқа құжаттары электрондық құжат түрінде, электрондық цифрлық қолтаңбамен қол қойылған түрде өтінім берушіге жолдануы мүмкін.";

      1-қосымша осы тізбенің 11-қосымшасына сәйкес жаңа редакцияда жазылсын;

      2-қосымша осы тізбенің 12-қосымшасына сәйкес жаңа редакцияда жазылсын.

      Осы бұйрықпен бекітілген, Өнеркәсіптік меншік объектілеріне арналған өтінімдерге сараптама жүргізу қағидалары:

      9-тармақтың 3) тармақшасы мынадай редакцияда жазылсын:

      "3) әрбір аналогты сипаттауда тікелей мәтінде оның ақпарат көзі көрсетіледі (библиографиялық деректер), аналогты сипаттайтын белгілер көрсетіледі, соның ішінде өтінім берілген өнертабыстың маңызды белгілерімен сәйкес келетіндер ерекшеленеді, сондай-ақ өтінім берушіге белгілі, қажет техникалық нәтижеге жетуге кедергі болатын себептер көрсетіледі;";

      41-тармақ мынадай редакцияда жазылсын:

      "41. Баспа нысанында берілетін нуклеотидтер және (немесе) амин қышқылдары тізбегінің тізбесі ДЗМҰ ST.26 стандартына сәйкес ресімделеді.";

      45-тармақ мынадай редакцияда жазылсын:

      "45. Пайдалы модельге арналған өтінімде Заңның 18-бабының 2-тармағында көзделген құжаттар қамтылуға тиіс.

      Сызбалар және басқа материалдар пайдалы модельдің мәнін түсіну үшін қажет болған жағдайда ұсынылады. Түсіндірмелік материалдар графикалық бейнелер (схемалар, суреттер, графиктер, эпюрлер, осциллограммалар), фотосуреттер және кестелер түрінде рәсімделеді. Суреттер пайдалы модельді сызбалар немесе схемалар арқылы көрсету мүмкін болмаған жағдайда ұсынылады.

      Сызбалар, схемалар және суреттер жеке (жеке бір) парақтарда ұсынылады, олардың оң жақ жоғарғы бұрышында пайдалы модельдің атауы көрсетіледі.Ұсынылатын сызбалар және басқа материалдар сипаттама мәтінімен үйлестірілуі тиіс. Сызбалардағы барлық белгілер сипаттамада сілтеме арқылы көрсетілуі қажет.";

      49-тармақ мынадай редакцияда жазылсын:

      "49. "Пайдалы модельдің мәні" бөлімінің сипаттамасын жасауға қойылатын талаптар, сондай-ақ пайдалы модельді жүзеге асыру мүмкіндігін растайтын мәліметтер осы Қағидалардың 10, 11, 12, 13, 14, 15, 16, 17 (адамдарды және жануарларды емдеудің терапиялық және хирургиялық тәсілдерінен басқа), 18-тармақтарында көрсетілген өнертабысқа арналған өтінім бойынша талаптармен бірдей.";

      57-тармақтың бесінші абзацы мынадай редакцияда жазылсын:

      "Ресми уәкілеттік берілген осы коллекция-депозитарийге сақтау беру туралы құжат микроорганизмдердің жаңа штаммына, өсімдіктер немесе жануарлар жасушаларының өсіндісіне жататын өнертабысқа және пайдалы модельге арналған өтінімге қоса беріледі.";

      63-тармақ мынадай редакцияда жазылсын:

      "63. Өтінімге ресми сараптама жүргізу кезінде мыналар:

      өтінімде қамтылатын және қоса берілетін құжаттардың болуы;

      өтінім берген үшін ақы төленгені туралы құжаттың болуы;

      өнертабыстың мәнін талдаусыз, өнертабыстың бірлік талаптарының сақталуын қоса алғанда, Заңмен белгіленген өтінімді ресімдеуге қойылатын, талаптардың сақталуы;

      қосымша материалдарды ұсынудың белгіленген тәртібінің сақталуы;

      өнертабысты ӨХС бойынша сыныптаудың дұрыстығы.

      Мәлімделген ұсынысты Заңның 6-бабының 3-тармағына сәйкес өнертабыс ретінде танылмайтын шешімдер қатарына жатқызу, 1971 жылғы 24 наурыздағы Страсбург Халықаралық патенттік сыныптау туралы келісіммен (бұдан әрі – ХПС) белгіленген өнертабысты Халықаралық патенттік сыныптама бойынша жіктеудің дұрыстығы тексеріледі";

      64-тармақ мынадай мазмұнда 16) тармақшамен толықтырылсын:

      "16) мәлімделген ұсынысты Заңның 6-бабының 3-тармағына сәйкес өнертабыс ретінде танылмайтын шешімдер қатарына жатқызу;";

      67-тармақ мынадай екінші абзацпен толықтырылсын:

      "67. Егер формальды сараптама жүргізу барысында ұсынылған шешімнің 6-баптың 3-тармағына сәйкес өнертабыстар қатарына жатпайтыны анықталса, патент беруден бас тарту туралы шешім қабылданады және өтініш берушіге бес жұмыс күні ішінде хабарланады. Патент беруден бас тарту туралы сараптама ұйымның шешіміне қарсы апелляциялық кеңеске шағымдануға болады.";

      81-тармақ мынадай мазмұнда жиырма бесінші абзацпен толықтырылсын:

      "Егер олардың әрқайсысының техникалық нәтижеге және осы белгілердің жаңа мәндеріне әсер ету фактісі белгілі болса немесе олардың өзара байланысы белгілі тәуелділіктер, заңдылықтар негізінде алынуы мүмкін болса, сандық белгінің (белгілердің) өзгеруіне, осындай белгілердің өзара байланыста ұсынылуына не оның түрінің өзгеруіне негізделген өнертабыстар да өнертабыс деңгейіне сәйкес деп таныла алмайды;";

      83-баптың сегізінші абзацы мынадай редакцияда жазылсын:

      "Қаралған адамның патентке қабілеттілігі анықталған жағдайда (қаралған) өнертабыстар (өнертабыстар), өтінім берушіге формуланы одан өнертабыстың сипаттамасын алып тастау жолымен түзету қажеттігі туралы сұрау салу жіберіледі. Патент қабілеттілігін бағалау жүргізілмеген немесе осы өнертабысты (осындай өнертабыстардың әрқайсысын) тиісті төлемі бар тәуелсіз тармаққа бөлу жолымен. Оларға белгіленген мерзімде сұратылған материалдар немесе көрсетілген мерзімді тиісті төлеммен ұзарту туралы өтінішхат ұсынылмаған жағдайда, Заңның 22-бабының 8-тармағына сәйкес өтінім кері қайтарып алынған болып есептеледі.";

      85-тармақты мынадай мазмұнда жиырма жетінші, жиырма сегізінші, жиырма тоғызыншы абзацтармен толықтырылсын:

      "Өтінім құжаттарының өзгерістері өтініш берушінің бастамасы бойынша енгізілгенге қатысты деген мәселені шешкен кезде мыналарды ескеру қажет:

      өтінім берушінің сараптаманың жазбаша хабарламасы бойынша өтінім материалдарына енгізген және оны дайындау кезінде жіберілген өтінім құжатына қойылатын талаптардың бұзылуын жоюға бағытталған өзгерістер өтініш берушінің бастамасы бойынша енгізілген болып есептелмейді;

      өтініш беруші ұсынған өтінім құжаттарына енгізілген барлық басқа өзгерістер, сараптамадан кез келген жазбаша хабарламаны, соның ішінде сұранысты алғаннан кейін немесе мұндай хабарламаны алмай енгізілген өзгерістер өтініш беруші бастамашы болған құжаттарға енгізілген өзгерістер болып табылады.";

      86-тармақ мынадай редакцияда жазылсын:

      "86. Өнертабысқа өтінім пайдалы модельге патент беруге өтінімге өнертабысқа патент бергенге дейін ауыстырылады. Патент беру туралы шешім шыққаннан кейін өтінішхат түскен кезде, өтінім берушіге өтінімді қайта өзгерту мүмкін еместігі туралы хабарлама өтінішхат түскен күннен бастап бес жұмыс күні ішінде жіберіледі.

      Адамдарды немесе жануарларды емдеудің терапевтік және хирургиялық тәсілдері патенттеу объектілері болып табылатын өтінімдерге қатысты пайдалы модельге патент беруге арналған өтінімге түрлендіру жүргізілмейді.

      Өтінімде адамдарды немесе жануарларды емдеудің терапевтік және хирургиялық әдістерінен басқа пайдалы модельдер ретінде танылған объектілерді қамтитын өнертабыстар тобы мәлімделген жағдайда, онда түрлендіру соңғысына қатысты жүзеге асырылады.

      Осындай өзгерту туралы өтінішхат түскенде өзгертуді жүзеге асыру үшін қажетті барлық мәліметтердің болуы тексеріледі, сондай-ақ ол өнертабысқа патент беру туралы шешім қабылданғанға дейін берілгені және өтінішхатқа белгіленген көлемде тиісті төлем туралы құжат қоса берілгені анықталады.

      Өтінішхат белгіленген талаптарға сәйкес ресімделмеген жағдайда, өтінім берушіге ол туралы хабарланады. Өзгерту туралы өтінішхатпен және белгіленген көлемде тиісті төлем туралы құжатпен бірге біз мезгілде пайдалы модельге патент беру туралы өтініш, сипаттама, формула, сызбалар, реферат ұсынылады.

      Талап етілетін құжаттар өтінішхатпен бірге немесе өтінішхат түскен күннен бастап бір ай ішінде ұсынылмаған жағдайда, өтінішхат берілмеген болып саналады, ол туралы өтінім берушіге белгіленген мерзім өткен күннен бастап бес жұмыс күні ішінде тиісті хабарлама жіберіледі.

      Өзгерілуі болмаған өтінім өнертабысқа өтінім болып қалады.

      Өзгертуге өтінішхат белгіленген талаптарға сәйкес ресімделеді және Заңның 28-бабының 1-тармағымен белгіленген мерзімді сақтай отырып ұсынылады, сондай-ақ онымен бірге белгіленген көлемде тиісті төлем туралы құжат ұсынылады. Өтінім берушіге жасалған өзгерту туралы және өтінімді әрі қарай қарау пайдалы модельге қойылатын талаптарға сәйкес жүргізілетіні туралы хабарлама өзгерген күннен бастап бір ай мерзімде жіберіледі.

      Өтінімді өзгерту туралы өтінішхат келіп түскен күні өтінім беруші өнертабысқа өтінімді түзететін, нақтылайтын қосымша материалдарды не өнертабыстың өзгерген формуласын ұсынған жағдайда, өзгерту туралы өтінішхатты қарағанға дейін осы материалдарды тексеру жүргізіледі.

      Өнертабыстарға қайтарылған немесе қайтарылған болып есептелетін өтінімдерге өзгерту жүргізілмейді.

      Егер, өзгерту туралы өтінішхат қайтарылған болып саналатын өтінімге қатысты Заңның 22-бабының 3 және 8-тармақтарына сәйкес келіп түссе және өтінішхатпен бірге өткізілген мерзімді қалпына келтіру туралы өтініш ұсынылса, соңғысы Заңның 22-бабының 13-тармағына сәйкес қаралады.

      Өтінім берушіден оған бұрын орын алған өзгерту туралы хабарлама жібергеннен кейін пайдалы модельге өтінімді өнертабысқа өтінімге қайта өзгерту туралы өтінішхат түскен кезде, өтінім берушіге осындай өтінішхат түскен күннен бастап бес жұмыс күні ішінде өзгертуді жүзеге асыру мүмкін емес деген хабарлама жіберіледі.

      Өтінім берушінің оған өнертабысқа өтінімін пайдалы модельге өзгерту жүзеге асырылғаны туралы хабарлама жіберілгеннен кейін түскен өнертабысқа өтінімді пайдалы модельге өзгерту туралы берген өтінімді жарамсыз деп есептеу туралы өтініші өтінімді қайта өзгерту үшін негіз болып табылмайды.";

      88-тармақ мынадай редакцияда жазылсын:

      "88. Өтінім берушінің өтінішхаты бойынша өнертабысқа патент беруге өтінімге сараптама, егер мәлімделген өнертабыс патенттеудің қолайлы жағдайлары көзделген объектілерге жататын болса, тездетіліп жүргізіледі.

      Патенттеудің қолайлы шарттары көзделген объектілері ретінде қоршаған ортаны ластайтын зиянды заттарды азайтуға бағытталған электр және (немесе) жылу энергиясын өндіру үшін жаңартылатын энергия көздерін күн сәулесінің энергиясы, жел энергиясы, гидродинамикалық су энергиясы; геотермальдық энергия: топырақтың, жерасты суларының, өзендердің, су айдындарының жылуы, қолданып, ойлап табылған сондай-ақ бастапқы энергия ресурстарының антропогендік көздері: биомасса, биогаз және органикалық қалдықтардан алынатын өзге де отынды қамтитын өнертабыстар, ақпараттық-коммуникациялық технологиялар саласындағы технологияларды қамтитын өнертабыстар, пайда болу және таралу қаупі төнген кезде шектеу шаралары, оның ішінде карантин енгізілетін инфекциялық ауруларды, сондай-ақ онкологиялық ауруларды диагностикалау, алдын алу және емдеу саласындағы өнертабыстар танылады.

      Өнертабысқа патент беруге арналған өтінімге жеделдетілген сараптама жүргізу туралы өтінішхат өтінім берілген күннен бастап екі айдан кешіктірілмей сараптаманың кез келген кезеңінде беруге құқылы.

      Өтінішхатпен бір мезгілде формальды және мәні бойынша тездетілген сараптамаға төлемді растайтын құжат тапсырылады.

      Формальды және мәні бойынша тездетілген сараптамаға төлемді растайтын құжат тапсырылмаған жағдайда өтінішхат берілмеген болып табылады, ол туралы өтінім берушіге өтінішхат берілмеген деп танылған күннен бастап бес жұмыс күні ішінде тиісті хабарлама жіберіледі.

      Өнертабысқа патент беруге арналған сараптаманы жеделдетіп жүргізу, егер жеделдету туралы өтініш аяқталғанға дейін берілген жағдайда, ресми сараптаманы жеделдетіп жүргізуді және мәні бойынша сараптаманы жеделдетіп жүргізуді қамтиды.

      Ресми сараптаманы жеделдетіп жүргізу өтінішхат келіп түскен күннен бастап он жұмыс күні ішінде, ақпараттық іздестіруді жеделдетіп жүргізу өтінішхат келіп түскен күннен бастап екі ай ішінде, іздестіру туралы есеп келіп түскеннен кейін екі ай ішінде мәні бойынша сараптаманы жеделдетіп жүргізу жүргізіледі.

      Техника деңгейін айқындау үшін ақпараттық іздестіруді жеделдетіп жүргізу ресми сараптама оң аяқталғаннан кейін екі ай ішінде жеделдетіп сараптама жүргізгені үшін ақы төленген жағдайда жүргізіледі.

      Өтінімге мәні бойынша сараптаманы жеделдетіп жүргізу іздеу туралы есеп келіп түскеннен кейін жүзеге асырылады және мәні бойынша сараптама басталған күннен бастап екі ай ішінде сараптама ұйымы өтініш берушіге жолдайды:

      патент беру туралы шешімді, егер мәлімделген өнертабыс (өнертабыстар тобы) патентке қабілеттілік талаптарына сәйкес келсе, өнертабыс сипаттамасы мен формуласы қойылған талаптарға сәйкес келсе, ал реферат пен сипаттама сол берілген түрінде жариялануы мүмкін болса;

      өтінім құжаттарына толықтырулар, нақтылаулар немесе түзетулер, қажеттігі, көзделген жағдайдарда белгіленген төлемдер туралы сұрау салуды;

      патент беруден бас тарту туралы шешім:

      өтiнiм берiлген өнертабыс өтiнiш берушi сұраған құқықтық қорғау көлемiнде өнертабыстың патент қабiлеттiлiгi талаптарына сәйкес келмейтiнi анықталған кезде;

      егер өтiнiм өнертабыс ретiнде қорғалмайтын объектiлерге қатысты болса;

      егер өтiнiм берушi ұсынылған формулада өтiнiмнiң бастапқы материалдарында жоқ белгiлердiң болуы туралы немесе өнертабыс ретiнде қорғалатын объектiден басқа, өнертабыс ретiнде қорғалатын объектiлерге жатпайтын ұсынысты да сипаттайтын болса немесе оған қатысты өнертабыс бiрлiгi талаптары бұзылуына байланысты қарау өткiзiлмегенi туралы хабарланғаннан кейiн өнертабыс формуласын өзгертпесе берiледi.

      Тездетілген сараптама жүргізу мерзімін өтінім беруші тездетілген сараптама жүргізу туралы өтінішхатты, сондай-ақ тездетілген сараптама жүргізу үшін белгіленген төлемді растайтын құжатты ұсынған кезде ұсынған күннен бастап есептеу басталады. Белгіленген төлемді растайтын құжат ұсынылмаған жағдайда тездетілген сараптама жүргізу туралы өтінішхат назарға алынбайды, ол туралы өтінім берушіге өтініш берілмеген деп саналған күннен бастап бес жұмыс күні ішінде тиісті хабарлама жіберіледі.

      Өтінімге тездетілген сараптама жүргізуді есептеу мерзімі өтінім берушіден, сараптаманың хабарламалары мен сұратуларына жауаптарды, тиісті төлемді растайтын құжатты қоса алғанда, қажетті құжаттарды алғанға дейін тоқтатыла тұрады.

      Тездетілген сараптама жүргізу туралы өтінішхат патенттеудің қолайлы жағдайлары көзделген объектілер тізіміне кірмейтін өнертабыстарға өтінімдерге қатысты назарға алынбайды.";

      99-тармақ мынадай редакцияда жазылсын:

      "99. Өтінімге сараптама жүргізу кезінде:

      мәлімделген ұсыныстың Заңның 7-бабының 1-тармағына сәйкес пайдалы модель ретінде қорғалатын техникалық шешімдерге сәйкестігі, мәлімделген ұсыныспен техникалық сипаттағы нәтижеге қол жеткізуді қамтамасыз ету;

      мәлімделген ұсыныстың Заңның 6-бабының 3-тармағына сәйкес пайдалы модель ретінде танылмайтын шешімдер санына сәйкестігі;

      мәлімделген ұсыныстың Заңның 6-бабының 3-1-тармағына сәйкес патенттер берілмейтін шешімдер қатарына сәйкестігі;

      өтінімде қамтылуға немесе оған қоса берілуге тиіс құжаттардың болуы;

      пайдалы модельдің бірлігі талаптарын сақтауы;

      өтініш беруші ХПК сәйкес жүзеге асырған пайдалы модельді жіктеудің дұрыстығы (мұндай жіктеу, егер ол жоқ болса, жүргізіледі);

      өтінімде сараптама ұйымына берілген күннен ерте басымдықты сұратудың негізділігі;

      қосымша материалдарды ұсынудың белгіленген тәртібін сақтау тексеріледі.";

      мынадай мазмұндағы 151-1-тармақпен толықтырылсын:

      "151-1. Өтінімді электрондық форматта беру кезінде сараптама ұйымымен хат алмасуды жүргізу.

      Өтінім электрондық түрде берілген жағдайда, өтінім бойынша хат алмасу сараптама ұйымының www.kazpatent.kz сайтындағы "Жеке кабинет" арқылы жүзеге асырылады. Жауаптар, өтінішхаттар, қосымша және өзге де материалдар өтінім беруші немесе оның өкілі тарапынан "Жеке кабинетте" электрондық цифрлық қолтаңбамен қол қойылған электрондық құжат нысанында орналастырылады.

      Сараптама ұйымының сұрау салуын, хабарламасын немесе шешімін жіберу күнінен бастап есептелетін мерзімдер олардың "Жеке кабинетте" орналастырылған күнінен бастап есептеледі. Сараптама ұйымының шешімдері, сұрау салулары, хабарламалары және өзге де құжаттары өтінім берушіге электрондық цифрлық қолтаңбамен қол қойылған электрондық құжат нысанында жіберілуі мүмкін.";

      1-қосымша осы тізбенің 13-қосымшасына сәйкес жаңа редакцияда жазылсын;

      2-қосымша осы тізбенің 14-қосымшасына сәйкес жаңа редакцияда жазылсын;

      Тауар белгілеріне, қызмет көрсету белгілеріне, географиялық нұсқамаларға және тауар шығарылған жерлердің атауларына өтінімдерге сараптама жүргізу қағидаларында;

      3-тармақ мынадай редакцияда жазылсын:

      "3. Өтінім сараптама ұйымының кеңсесі, сараптама ұйымының ресми сайты www.kazpatent.kz (бұдан әрі – сараптама ұйымының сайты) немесе "электрондық үкімет" www.egov.kz веб-порталы (бұдан әрі – Портал) арқылы беріледі.

      Өтінім:

      өтініш берушіні, сондай-ақ оның орналасқан немесе тұратын мекен-жайын көрсете отырып, белгіге сараптама жүргізу туралы өтініш. Өтінім шетелдік өтінім берушілер тарапынан берілген жағдайда, өтінім берушінің атауы мен мекенжайының транслитерациясы қазақ немесе орыс тілінде толтырылады;

      белгіге сараптама жүргізу туралы өтініш, онда өтінім беруші, сондай-ақ оның орналасқан жері немесе тұрғылықты жері көрсетіледі;

      мәлімделетін белгі;

      ТКҚХС-ға сәйкес тауарлардың және (немесе) көрсетілетін қызметтердің тізбесі.

      Өтінімге:

      сараптама жасау бойынша қызметі үшін төлемді растайтын құжат көшірмесі;

      іс жүргізу өкіл арқылы жүргізілген жағдайда сенімхаттың көшірмесі;

      ұжымдық тауар таңбасын өз атына тiркеуге уәкiлеттi ұйымның атауын, бұл таңбаны тiркеу мақсатын, осы таңбаны пайдалануға құқылы субъектiлер тiзбесiн, ұжымдық тауар таңбасымен белгiленетiн тауарлар мен көрсетiлетiн қызметтердiң тiзбесi мен бiрыңғай сапасын немесе өзге де сипаттамаларын, оны пайдалану шарттарын, оны пайдалануды бақылау тәртiбiн, ұжымдық тауар таңбасы жарғысының ережелерiн бұзғаны үшiн жауаптылықты қамтитын ұжымдық тауар таңбасы жарғысы (ұжымдық тауар таңбасына өтiнiм берiлген жағдайда) қоса берілу тиiс;

      жеделдетілген сараптама жүргізу туралы өтінішхат (сұраған кезде).

      Өтінім осы Қағидаларға 1-қосымшаға тиісті түрде берілуі тиіс. Қағаз жүзіндегі өтінім екі данада беріледі.

      Өтінім беруші сараптаманың кез келген кезеңінде өтінім берілген күннен бастап бес айдан кешіктірмей жеделдетілген сараптама жүргізу туралы өтінішхат жіберуге құқылы.

      Өтінішпен бір мезгілде өтінімді жеделдетілген түрде қарау үшін белгіленген төлемді растайтын құжат ұсынылады. Белгіленген төлем болмаған кезде өтінішхат берілмеген болып есептеледі, ол туралы өтінім берілген күннен бастап бес жұмыс күні ішінде өтініш берушіге тиісті хабарлама жіберіледі.

      Өтініммен бір мезгілде жеделдетілген сараптама жүргізу туралы өтінішхат берген кезде алдын ала сараптама он жұмыс күні ішінде, толық сараптама өтінім берілген күннен бастап үш ай ішінде жүргізіледі.

      Өтінім бергеннен кейін өтініш келіп түскен кезде алдын ала сараптама жеті жұмыс күні ішінде, толық сараптама – өтінішхат берілген және жеделдетілген сараптама жүргізгені үшін ақы төленген күннен бастап бір ай ішінде, сондай-ақ белгіні тауар белгісі ретінде тіркеуге қарсылық беру мерзімі өткен кезде жүргізіледі.

      Өтінімнің жеделдетілген сараптамасын есептеу мерзімі сараптаманың сұрау салуы бойынша өтініш берушіден қажетті мәліметтерді алғанға дейін тоқтатыла тұрады.

      Өтініш беруші Заңның 13-бабының 4), 5), 7) тармақшаларында көзделген құқықтарды пайдаланған жағдайда жеделдетілген алдын ала және толық сараптама жүргізу мерзімдері тоқтатыла тұрады.";

      12-тармақ мынадай редакцияда жазылсын:

      "12. Қарастыруға қабылданған өтінім бойынша мәлімет алдын ала сараптама аяқталған күннен бастап бес жұмыс күні ішінде бюллетенде жарияланады.

      Бюллетенде өтінім бойынша мәліметтер осы Қағидалардың 11-тармағымен белгіленген көлемде жарияланады.

      Кез-келген мүдделі тұлға жарияланған күннен бастап екі ай ішінде Заңның 11-2 бабының 1-тармағына сәйкес Заңның 6 және 7-баптарында көзделген негіздер бойынша мәлімделген белгіні тауар белгісі ретінде тіркеуге қарсылық білдіруге сараптама ұйымына беруге құқылы.

      Түпкілікті шешім шығарылғаннан кейін сараптама ұйымы 5 жұмыс күні ішінде Заңның 11-2 бабының 1-тармағында көзделген тәртіппен қабылданған шешім туралы қарсылық берген өтініш берушіге хабарлама жібереді.";

      13-тармақ мынадай редакцияда жазылсын:

      "13. Толық сараптама өтінім берілген күннен бастап жеті ай ішінде жүргізіледі.

      Сараптама ұйымы толық сараптаманың кез келген сатысында толық сараптама жүргізу мүмкін болмайтын қосымша немесе нақтылаушы мәліметтерді сұратады.

      Сұрау салу өтініш берушіге жіберілген кезде толық сараптама жүргізу мерзімі сұрау салу жіберілген күннен бастап үш айдан аспайтын мерзімге ұзартылады.

      Өтінімнің сараптамасын есептеу мерзімі сараптаманың сұрау салуына жауап алынғанға дейін тоқтатыла тұрады. Өтініш беруші белгіленген мерзімде қосымша материалдарды не көрсетілген мерзімді ұзарту туралы өтінішті ұсынбаған жағдайда іс жүргізу тоқтатылады және өтінім кері қайтарып алынды деп есептеледі.

      Толық сараптаманың сұрау салуына жауап немесе алдын ала сараптаманың сұрау салуына жауап беру мерзімін ұзарту туралы өтініш болмаған кезде белгіленген мерзімдер өткеннен кейін өтінім бойынша іс жүргізу тоқтатылады, бұл туралы өтініш берушіге белгіленген мерзім өткен күннен бастап бес жұмыс күні ішінде тиісті хабарлама жіберіледі.";

      15-тармақ мынадай редакцияда жазылсын:

      "15. Тек келесі элементтерден тұратын белгілердің ажыратылатын реңкi жоқ:

      Тауарлардың (көрсетілетін қызметтердің) белгiлi бiр түрiн белгiлеу үшiн жалпыға ортақ қолданысқа енген;

      жалпыға бірдей пайдалануға енгізілген белгі бұл әртүрлі өндірушілердің сол тауар (қызмет) немесе сол түрдегі тауар (қызмет) үшін ұзақ уақыт пайдалануы нәтижесінде белгілі бір тауар (қызмет) түрін, яғни түр түсінігін көрсететін белгі.

      жалпыға ортақ қабылданған рәмiздер мен терминдер болып табылатын;

      жалпыға ортақ қабылданған рәмiздер мемлекетті, әрекет ету немесе шаруашылық саласын символмен көрсететін белгілер болып табылады.

      Жалпыға ортақ қабылданған терминдерге сонымен қатар белгілі ғылым мен техника саласына сәйкес түрлі лексикалық белгілер жатады.

      Жалпыға ортақ қабылданған терминнің мағынасы тұтынушылардың кең ауқымына мәлім болуы міндетті емес. Термин тауар таңбасы тіркеуге берілген тауарлар өндіру мен қызметтерді ұсынуға байланысты нақты ғылым және техника саласындағы мамандардың белгілі ауқымына орнатылған болып табылады.

      Терминді анықтаудың негізгі көздері болып терминологиялық сөздіктер, мамандандырылған әдебиет болып табылады.

      Тауарлардың түрін, сапасын, санын, қасиетін, мақсатын, құндылығын, оларды өндіру немесе өткізу орны мен уақытын, сондай-ақ қызмет көрсету орнын көрсететін белгілер жатады.

      Ондай белгілерге атап айтқанда келесі категориядағы белгілер жатады:

      тауар сапасы;

      тауар қасиетін көрсететін;

      материал немесе шикізат құрамын көрсететін;

      тауар салмағын, көлемін, бағасын көрсететін;

      тауар дайындау мерзімін көрсету;

      өндірісті басту тарихы туралы мәліметтер;

      тауар өндірушінің орналасқан жері болып қабылдана алатын толық немесе ішінара географиялық атаулардан тұратын белгілер.

      Тауар (қызмет) түрі – жеке тағайындау және белгілермен ерекшеленетін тауарлар жиынтығы.

      Тауар сапасы – тағайындауына сәйкес нақты және алдағы сұранысты қанағаттандыруға қолжетімділігін шарттайтын тауардың тұтынушылық белгілерінің жиынтығы.

      Тауар ерекшелігі – иелену және қолдану барысында өзінің нақты тағайындауына байланысты көрініс табатын, сатып алушыға әсер ететін физикалық және физикалық емес ерекшеліктер.

      Тауар құндылығы – тауардың тұтынушыға қатысты маңыздылығы мен пайдалығын көрсететін сипаттама.

      Саны – мөлшері, салмағы, көлемі, саны жағынан сипаттау категориясы.

      Тауарды өндіру мен сату уақыты – белгіде тауарды өндіруді, өндірушіден тұтынушыға берілу уақытын жалпы көрсететін жылды, айды, күнді қолдану.

      ПХА-ны болатын дәрілік заттар немесе олардың негіздері;

      Қызмет көрсету орны – қызмет көрсетілетін аумақты көрсететін географиялық атау.

      Тауар таңбасы ретінде дәрілік заттарға берілген белігіге сараптама жүргізу барысында Дүниежүзілік халықаралық денсаулық сақтау ұйымымен қалыптастырылатын ПХА ескеріледі.

      тауарларды немесе көрсетiлген қызметтердi белгiлеу үшiн пайдаланылатын олармен тiкелей сипаттық байланысы бар белгілер;

      Сипаттық белгілерге тауарды немесе қызметті жалпы немесе олардың қандайд да бір ерекшеліктерін сипаттайтын белгілер жатады.

      Белгілеудің айырым қабілетін белгілеу үшін энциклопедияларды, анықтамалықтарды, түсіндірме және басқа да сөздіктерді, Интернет желісінен алынған мәліметтерді қоса алғанда, ақпарат пайдаланылады.

      Сипаттық белгі ретінде тану үшін энциклопедиялардағы, анықтамалардағы, сөздіктердегі, сонымен қатар Интернет желісіндегі мәліметтер қолданылады.";

      16-тармақтың алтыншы абзацы мынадай редакцияда жазылсын:

      "Белгілеу белгісі немесе элементі (элементтері), егер біріктірілген, немесе соншалықты біріктірілген болса, оларды бөлек қарау мүмкін болмаса, "бірыңғай" болып саналады. Бұл жағдайда сөздік элементтерді тек сақталмайтын сөздік элементтерден біріктіру сөздің тұтастай қорғалуына әкеп соқпайды.";

      17-тармақ мынадай редакцияда жазылсын:

      "17. Тауар таңбасы ретінде келесіні бейнелейтін белгілер тіркелмейді:

      - мемлекеттік елтаңбалар, тулар, эмблемалар және олардың элементтері;

      - халықаралық ұйымдардың қысқартылған немесе толық атаулары, олардың елтаңбалары, тулар, эмблемалар және олардың элементтері;

      - ресми бақылау, кепілдік және сынамалық таңбалар, мөрлер, олимпиадалық символика, наградалар және басқа да айырым белгілері, сондай-ақ олардың элементтері;

      - сертификаттау белгілері және олардың элементтері;

      - жоғарыда аталған белгілермен шатастыру дәрежесіне дейін ұқсас белгілер.

      Мемлекеттік елтаңбаларын, туларын және эмблемаларын бейнелейтін белгілеріне сарапатама жасалғанда Париж конвенциясының 6-бабына сәйкес қорғалатын белгілердің халықаралық базасында іздеу жүргізіледі.";

      18-тармақтың алтыншы абзацы мынадай редакцияда жазылсын:

      "Тауардың өндірілген орны мен қызметтердің көрсетілу орнына қатысты жалған немесе жаңылыстыруы мүмкін белгілерге тұтынушыны өтініш берушінің орналасқан жері туралы жаңылыстыруы мүмкін географиялық атауларды қамтитын белгілер жатады.";

      23-тармақтың 3) тармақшасы мынадай редакцияда жазылсын:

      "3) бұрын географиялық нұсқамалар және тауарлардың шыққан жерлерінің атаулары ретінде тіркелген және тіркеуге өтініш берілген, бұрынғы басымдығы бар тауарлардың арасында;";

      25-тармақ мынадай редакцияда жазылсын:

      "25. Сөздік белгілердің ұқсастығы салыстыру арқылы анықталады:

      стандартты шрифтпен де, арнайы графикалық нұсқада да жасалған сөздік белгілермен;

      сөздік элементтерді қамтитын аралас белгілермен;

      сөздік белгілердің ұқсастығы мынадай критерийлер негізінде айқындалады: фонетика (дыбыстық ұқсастық), графика (визуалды ұқсастық) және семантика (мағынасы бойынша ұқсастық);

      Аталған критерийлер комбинацияларда ескерілуі мүмкін.

      Егер ауызша элементтер екі немесе одан да көп сөзден тұрса, сараптама әрбір сөзді жеке-жеке және оның жалпы белгілеуге әсерін ескереді.";

      32-тармақ мынадай редакцияда жазылсын:

      "32. Әріптік және цифрлық элементтердің ұқсастығын анықтағанда, сөздік белгілердің дыбыстық ұқсастығы қолданылмайды.

      Әріптердің және цифрлық элементтердің ұқсастығы келесі сипаттамаларға негізделген графикалық (көрнекі) көрсеткіштер бойынша анықталады:

      жалпы көркемдік әсер;

      шрифт түрі;

      әріптердің сипатын ескере отырып графикалық жазу (мысалы, басылған немесе жазылған, бас әріппен немесе кіші әріппен);

      бір-біріне қатысты әріптердің орналасуы;

      алфавит;

      түс немесе түстер үйлестері.";

      44-тармақтың бірінші абзацы мынадай редакцияда жазылсын:

      "44. Заңның 7-бабы 1-тармағының 1), 2), 3) тармақшаларында көрсетілген тауар белгісімен араласу дәрежесіне дейін ұқсас белгіні тіркеуге иесінің жазбаша келісімімен жол беріледі, ұқсас тауар белгісі иесінің жазбаша келісімі қабылданбайды.";

      47-тармақ мынадай редакцияда жазылсын:

      "47. Егер өтінімде көрсетілген белгі Заңның 6 және 7-баптарында белгіленген талаптарға толық немесе ішінара сәйкес келмесе, өтінімдегі тауарлар мен (немесе) қызметтерге қатысты, сараптама ұйымы алдын ала кері қайтару немесе ішінара тіркеу туралы сараптама қорытындысын шығарады.

      Егер тауар белгісінде Заңның 6-бабының 1 2-тармақтарында көрсетілген белгілер болса, және олар осы Қағиданың 16-тармағына сәйкес доминантты орын алмайтын болса, алдын ала ішінара тіркеу туралы сараптама қорытындысы шығарылады, оған тәуелсіз құқықтық қорғау берілмейтін элементтер (дискламация) көрсетіледі.

      Алдын ала кері қайтару немесе ішінара тіркеу туралы сараптама қорытындысында келесі мәліметтер қамтылады:

      өтінімде көрсетілген белгі;

      өтінімдегі белгі түрі;

      хат-хабар алмасу мекен-жайы;

      өтінім берушінің атауы немесе аты-жөні (бар болса, әкесінің аты);

      ДЗМҰ ST.3 стандарты бойынша ел коды;

      өтінім нөмірі;

      өтінім берілген күн;

      конвенциялық преференция күні, сонымен қатар өтінімнің негізінде белгіленген өтінім нөмірі, күні және ел коды, егер конвенциялық преференция сұралса;

      көрме преференция күні, егер көрме преференция сұралса;

      ТКҚХС бойынша сыныптарға бөлінген тауарлар мен қызметтер тізімі;

      құқықтық қорғауға жатпайтын элементтер;

      өтінімде көрсетілген белгі коллективті тауар белгісі ретінде тіркелетінін көрсету;

      тауар белгісі түсті тіркеуге жатса, түс немесе түстер комбинациясын көрсету;

      толық немесе ішінара кері қайтару себебі, оның негіздемесі және Заң нормаларына сілтемелер.

      Алдын ала ішінара тіркеу туралы қорытынды шығарылғаннан кейін, өтінім берушіге немесе оның өкіліне алдын ала ішінара тіркеу туралы сараптама қорытындысы жіберіледі.

      Егер өтінім беруші ішінара тіркеу туралы алдын ала сараптама қорытындысына келісетін болса, тіркеу туралы шешім шығарылғаннан кейін бес жұмыс күні ішінде өтінім берушіге немесе оның өкіліне тіркеу туралы хабарлама жіберіледі, оған ішінара тіркеу шешімі және тауар белгісін тіркеуге арналған төлем шоты қосылады.

      Егер өтінім беруші ішінара тіркеу туралы алдын ала сараптама қорытындысына келісетінін жазбаша түрде ұсынбаса, сараптама қорытындысы жолданған күннен бастап бес ай өткеннен кейін сараптама ұйымы соңғы қорытынды шығарады және тауар белгісінің ішінара тіркеу туралы шешім қабылданады. Бұл қорытынды және шешім бес жұмыс күні ішінде өтінім берушіге немесе оның өкіліне тіркеу туралы хабарлама және тауар белгісін тіркеуге арналған төлем шоты қосылып жіберіледі.

      Егер өтінім беруші алдын ала сараптама қорытындысына келіспесе, тіркеуден бас тарту немесе ішінара тіркеу туралы алдын ала сараптама қорытындысы жолданған күннен бастап үш ай ішінде өтінім беруші негізделген қарсылық және қарсылықты қарау үшін төлемді растайтын құжат ұсынуға құқылы.

      Қарсылық қаралғаннан кейін сараптама ұйымы оның түскен күнінен бастап үш ай ішінде соңғы қорытынды шығарады, ал жедел қарау жағдайында қарсылық түскен күннен бастап бір ай ішінде болады.

      Егер бір ай ішінде төлемді растайтын құжат ұсынылмаса, қарсылық ұсынылмаған болып есептеледі, бұл туралы өтінім берушіге белгіленген мерзім аяқталған күннен бастап бес жұмыс күні ішінде тиісті хабарлама жіберіледі.";

      59-тармақ мынадай мазмұндағы екінші абзацпен толықтырылсын:

      "Өтінім беруші алдын ала ішінара тіркеу туралы немесе тіркеуден бас тарту туралы қорытынды берілгеннен кейін өтінім материалына өзгерістер, толықтырулар, нақтылаулар немесе түзетулер енгізсе, және аталған өзгерістер бас тарту негіздерін жойса, өтінім беруші жазбаша түрде қарсылық білдіре алады.";

      62-тармақ мынадай редакцияда жазылсын:

      "62. Өтінім берушінің бастамасымен берілген өтінімге сәйкес өтінім материалына өзгерістер, толықтырулар, нақтылаулар және түзетулер енгізу үшін тауар белгісін тіркеу өтінім материалына өзгерістер енгізуге арналған төлем құжаты қоса беріледі.

      Егер өтінім берілген сәтте төлем құжаты болмаған жағдайда, сараптама ұйымы өтінім берушіге шот қоса берілген ескерту хат жібереді.

      Төлем жасау мерзімі ескерту хат жіберілген күннен бастап бір айды құрайды.

      Төлемді растайтын құжат ұсынылмаған жағдайда, өзгерістерді енгізу туралы өтінім қарауға қабылданбайды, бұл туралы өтінім берушіге бес жұмыс күні ішінде хабарланады.";

      5-тараудың 1-параграфтың тақырыбы мынадай редакцияда жазылсын:

      "1-параграф. Географиялық нұсқамаға және тауар шығарылған жер атауына өтінім беру тәртібі";

      мынадай мазмұндағы 73-1-тармақпен толықтырылсын:

      "73-1. Географиялық нұсқамаға, тауардың шыққан жерінің атауына өтінімде қамтылатын құжаттарға қойылатын талаптар.

      Географиялық нұсқамаға өтінім бір ғана географиялық нұсқамаға қатысты болуы тиіс және Заңның 29-бабының 2-тармағында көрсетілген мәліметтерді қамтуы қажет.

      Тауардың шыққан жерінің атауына өтінім бір ғана тауар шыққан жерінің атауына қатысты болуы тиіс және Заңның 29-бабының 2 және 4-тармақтарында көрсетілген мәліметтерді қамтуы қажет.

      Мемлекеттік тіркеуге өтініште келесі мәліметтер болуы тиіс:

      өтінім берушінің (өтінім берушілердің) толық атауы, ел кодын ДЗМҰ стандарты st.3 бойынша көрсету;

      заңды тұлғаның немесе жеке кәсіпкердің мемлекеттік тіркелгендігі туралы мәліметтер (Қазақстан Республикасының өтінім берушілері үшін);

      өтінім берушінің (өтінім берушілердің) нақты орналасқан жері немесе тұрғылықты мекенжайы;

      өкіл арқылы іс жүргізу жүргізілген жағдайда өкіл туралы толық мәліметтер;

      хат-хабар алмасу үшін толық мекен-жай.

      Өтінімде ұсынылған белгі тауардың шыққан жерінің атауы ретінде сөздік болуы тиіс.

      Географиялық нұсқама ретінде аралас белгіні беруге жол беріледі.

      Құқықтық қорғау сұралған тауар түрі бір нақты тауар ретінде көрсетілуі тиіс, жалпы немесе топтық ұғымдарды қолдануға жол берілмейді.

      Тауардың белгілі бір сапасы, беделі немесе басқа сипаттамаларын сипаттау кезінде оның өндірісінде қолданылған бастапқы шикізат, сондай-ақ физикалық (форма, сыртқы көрініс, салмақ, көлем), химиялық (органикалық және бейорганикалық заттардың құрамы, элементтік құрам), микробиологиялық (ферменттердің қолданылуы, микроорганизмдердің болуы), органолептикалық (иіс, консистенция, түс, тактильдік сипаттамалар, хош иіс, дәм) немесе басқа қасиеттері туралы толық мәліметтер берілулері тиіс. Сипаттамада осы қасиеттердің қайсысы тауардың географиялық шығу тегіне, соның ішінде табиғи жағдайлардың, жергілікті орта ерекшеліктерінің, дәстүрлі өндіріс әдістерінің немесе сәйкес аймаққа тән басқа факторлардың әсерінен айтарлықтай қалыптасатыны ашық көрсетілуі қажет.

      "Тауардың шығарылған (өндірілген) орнын (географиялық объектінің шекараларын) көрсету" бағанында тауарды тікелей өндіру жүзеге асырылатын шекараларды нақты көрсету қамтылуға тиіс. Географиялық объектінің шекаралары координаттар, жергілікті жердің табиғи шекаралары – өзендер, таулар, көлдер; әкімшілік шекаралар немесе басқа тәсілдермен сипатталуы мүмкін.

      Өтінімге қоса берілетін құжаттар.

      Тауар сипаттамаларының шығарылған (өндірілген) жерімен байланысына қатысты мәліметтер географиялық жағдайлардың, табиғи факторлардың және (немесе) тиісті аумаққа тән адами факторлардың тауардың белгілі бір қасиеттерін, беделін не өзге де сипаттамаларын қалай қалыптастыратынын немесе қамтамасыз ететінін егжей-тегжейлі сипаттауды қамтуға тиіс. Көрсетілген мәліметтер тауардың осы қасиеттері оның географиялық шығу тегіне тікелей байланысты екенін және белгіленген аумақтан тыс жерде қол жеткізуге болмайтынын растауға тиіс.

      Тауарды өндіру тәсілін, оны сақтау және тасымалдау шарттарын сипаттау (егер бұл тауардың сипаттамаларын қалыптастыруға және сақтауға айтарлықтай әсер етсе) технологиялық процестің барлық кезеңдерін, қолданылатын әдістер мен операцияларды, қолданылатын жабдықты, сондай-ақ бастапқы шикізат пен материалдарға қойылатын талаптарды егжей-тегжейлі баяндауды қамтуы тиіс. Сипаттамада, егер олар оның белгілі бір қасиеттерінің, беделінің немесе өзге де сипаттамаларының қалыптасуына, сақталуына немесе тұрақтылығын қамтамасыз етуге елеулі әсер етсе, тауарды сақтау және тасымалдау шарттары мен режимдерін (температуралық, ылғалдылық, уақытша және өзге де параметрлер) көрсету қажет. Ұсынылған мәліметтер тауар айналымының өндірістік процестері мен шарттары оның географиялық шығу тегімен қалай байланысты екенін және мәлімделген қасиеттердің сақталуын қамтамасыз ететінін анықтауға мүмкіндік беруі тиіс.

      Тауарды өндіру жөніндегі қызметті жүзеге асыру құқығын растайтын мәліметтерге: Егер тауарды өндіру Қазақстан Республикасының заңнамасына сәйкес лицензиялануға немесе арнайы рұқсат етілуге жататын болса, лицензиялар, рұқсаттар немесе өзге де рұқсат беру құжаттары жатады.

      Жергілікті атқарушы органның қорытындысы.

      Егер атауы географиялық нұсқама ретінде мәлімделетін географиялық объект Қазақстан Республикасының аумағында болса, өтінімге жергілікті атқарушы органның осы географиялық объектінің шекарасында өтінім беруші тауардың ерекше қасиеттерін қалыптастыруға елеулі әсер ететін тауар өндірісінің ең болмағанда бір сатысын жүзеге асыратыны туралы қорытындысы қоса беріледі.

      Егер атауы тауар шығарылған жердің атауы ретінде мәлімделетін географиялық объект Қазақстан Республикасының аумағында болса, өтінімге өтінім беруші мәлімделген тауарды осы географиялық объектінің шекарасында өндіретіні туралы жергілікті атқарушы органның қорытындысы қоса беріледі.

      Географиялық нұсқамаға өтінім, тауардың шыққан жерінің атауына өтінім және оларға қоса берілген құжаттар қазақ немесе орыс тілінде ұсынылуы тиіс. Егер құжаттар басқа тілде берілсе, өтінім беруші өтінім берілген күннен бастап бір ай ішінде оларды қазақ немесе орыс тіліне аударып тапсыруы қажет.";

      74-тармақ мынадай редакцияда жазылсын:

      "74. Географиялық нұсқама, тауардың шыққан жерінің атауына сараптама өтінім берілген күннен бастап үш ай ішінде жүргізіледі.

      Сараптама ұйымы сараптама жүргізудің кез келген сатысында сараптама жүргізу үшін қажетті қосымша немесе нақтылаушы мәліметтерді сұратуға құқылы.

      Өтінім берушіге сұрау салу жолданған жағдайда, сараптама жүргізу мерзімі сұрау салу жіберілген күннен бастап үш айдан аспайтын мерзімге ұзартылуы мүмкін.

      Өтінім берушінің өтініші бойынша, егер өтініш жауап беру үшін белгіленген мерзім аяқталғанға дейін келіп түскен жағдайда, сұрау салуға жауап беру мерзімі алты айдан аспайтын мерзімге ұзартылуы мүмкін.

      Сараптама сұрауына жауап немесе сұрау салуға жауап беру мерзімін ұзарту туралы өтініш белгіленген мерзімдер аяқталғаннан кейін келіп түспеген жағдайда, өтінім бойынша іс жүргізу тоқтатылады, бұл туралы өтінім берушіге белгіленген мерзім аяқталған күннен бастап бес жұмыс күні ішінде тиісті хабарлама жіберіледі.";

      мынадай мазмұндағы 74-1-тармақпен толықтырылсын:

      "74-1. Сараптама жүргізу барысында өтінімде көрсетілген белгі Қазақстан Республикасының осы Заңының 26, 27, 29-баптарында белгіленген талаптарға сәйкестігі тексеріледі.";

      мынадай мазмұндағы 74-2-тармақпен толықтырылсын:

      "74-2. Географиялық нұсқамалар және тауарлардың шыққан жерінің атаулары ретінде мынадай белгілер тіркелмейді:

      тауардың өндірілген орнына қатысты жаңылыстыруы мүмкін географиялық объектілердің атауларын білдіретін белгілер.

      Тауардың өндірілген орнына қатысты жаңылыстырушы белгі деп тауардың нақты өндірілген орнына байланысты емес географиялық объектіні көрсететін белгі танылады.

      Тауардың нақты өндірілген орнын формальды түрде көрсеткенімен, тауар басқа аумақтан шыққан деген қате түсінік қалыптастыратын белгілер.

      Тауардың шыққан жері туралы қате түсінік беретін белгі деп формальды түрде нақты географиялық объектінің атауын қамтығанымен, тұтынушыда тауардың басқа жерде өндірілгені туралы әсер қалдыратын белгі танылады.

      Тауарлардың өндірілген орнына байланысты емес географиялық объектілердің атауларын қамтитын белгілер.

      Тауардың өндірілген орнына байланысты емес белгі деп географиялық объектінің атауын қамтығанымен, тіркеу сұралып отырған тауарлардың нақты өндірілген немесе шыққан орнына қатысы жоқ объектіні білдіретін белгі танылады.

      осы тектес тауарларға қатысты бұрын географиялық нұсқама немесе тауардың шыққан жерінің атауы ретінде тіркелген белгілер.

      Осы тектес тауарларға қатысты бұрын тіркелген белгі деп аталған тауар түрі үшін географиялық көрсеткіш немесе тауардың шыққан жерінің атауы ретінде құқықтық қорғауға ие болған белгі танылады, осыған байланысты оны қайта тіркеуге жол берілмейді.

      егер мұндай географиялық нұсқаманы немесе тауардың шыққан жерінің атауын пайдалану тұтынушыны тауарға немесе оның өндірушісіне қатысты жаңылыстыруы мүмкін болса, басқа тұлғаның атына бұрын тіркелген белгімен бірдей немесе ұқсас белгілер.

      Тұтынушыны жаңылыстыруы мүмкін белгі деп басқа тұлғаның атына бұрын тіркелген белгімен бірдей немесе ұқсас болып, тұтынушыда тауардың шығу тегі немесе оның өндірушісі туралы қате түсінік қалыптастыратын белгі танылады.";

      2-қосымша осы тізбенің 15-қосымшасына сәйкес жаңа редакцияда жазылсын.

      Интегралдық микросхемалар топологияларын тіркеу туралы өтінімдерге сараптама жүргізу қағидаларында:

      4-тармақ мынадай редакцияда жазылсын:

      "4. Өтінім сараптама ұйымына кеңсе арқылы, почта арқылы немесе сараптама ұйымының ресми www.qazpatent.kz сайты немесе электрондық үкіметтің www.egov.kz веб-порталы арқылы беріледі.";

      5-тармақтың 3) тармақшасының екінші абзацы мынадай редакцияда жазылсын:

      "Өтінімге интегралдық микросхемалар топологияларын тіркеуге арналған өтінімді қабылдау және оған сараптама жүргізу үшін төлемнің жасалғанын растайтын құжат қоса беріледі.";

      6-тармақ мынадай редакцияда жазылсын:

      "6. Өтінім және оған қоса берілетін құжат қазақ және орыс тілдерінде ұсынылады. Егер өтінімнің өзге құжаттары басқа тілде ұсынылса, өтінімге олардың аудармасы қоса беріледі.

      Аударма өтініммен бір мезгілде немесе өтінім түскен күннен бастап екі ай ішінде ұсынылуға тиіс.";

      17-тармақ мынадай редакцияда жазылсын:

      "17. Iс жүргiзу мемлекеттiк немесе орыс тiлiнде жүргiзiледi. Оқуға келмейтін материалдар қаралмайды. Мұндай материалдарды ұсынған тұлғаға тиісті хабарлама жіберіледі.";

      18-тармақтың бірінші абзацы мынадай редакцияда жазылсын:

      "18. Интегралдық микросхемалар топологияларының мемлекеттік тізілімінде топология тіркелгенге дейін өтінім беруші өтінім материалдарын толықтыруға, нақтылауға және түзетуге құқылы.";

      20-тармақ мынадай редакцияда жазылсын:

      "20. Сараптама ұйымымен бес жұмыс күні ішінде өтінімді қарастыру барысында: өтiнiште мазмұндалуға немесе оған қоса тiркелуге тиiс құжаттардың болуы;

      өтiнiш құжаттарына қойылатын осы Қағиданың белгiленген талаптарының сақталуы тексерiледi.

      Өтiнiштi қарау топологияның түпнұсқалылығы, өтiнiш берушiнiң өтiнiште көрсетiлген мәлiметтердi немесе олардың дұрыстығын қорғауға құқығы тексерiлмей жүзеге асырылады. Сараптама сұрауына жауап алынғанға дейін өтінімге сараптама жүргізу мерзімінің есептелуі тоқтатыла тұрады. Сараптама нәтижесінде құжаттардың белгіленген талаптарға сәйкес келетіні анықталған жағдайда, сараптамалық ұйым интегралдық микросхемалар топологиясын тіркеу туралы шешім қабылдайды.";

      21-тармақ мынадай редакцияда жазылсын:

      "21. Осы Қағидалардың 5-тармағында көзделген құжаттар өтінімде болмаған жағдайда немесе құжаттарды тікелей қайта жаңғыртуға кедергі келтіретін ресімдеу кемшіліктері (парақтардың форматына, жиек өлшемдеріне қойылатын талаптардың бұзылуы, басып шығару сапасы) анықталған кезде, өтінім берушіге оларды түзету немесе жоқ құжаттарды ұсыну туралы ұсыныспен, жіберілген күнінен бастап бір ай мерзімде жауап беру үшін сұрау жіберіледі. Өтінім беруші белгіленген мерзімде сұратылған материалдарды ұсынбаған жағдайда, өтінім қайтарып алынған болып есептеледі және іс жүргізу тоқтатылады, бұл туралы өтінім беруші үш жұмыс күні ішінде хабардар етіледі.".

Қазақстан Республикасының патенттік сенім білдірілген өкілінің қызметімен айналысуға үміткер адамды тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша аттестаттауға жіберу туралы өтініш

      Мені тауар белгілері, географиялық нұсқамалар, тауар шығарылған жердің атаулары салаласындағы мамандандыру бойынша Қазақстан Республикасының патенттік сенім білдірілген өкіліне аттесттауға өтуге рұқсат беруді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Телефон нөмірі:

      E-mail:

      Факс:

      Талап етілетін құжат топтамасы:

      - патенттік сенім білдірілген өкіл қызметімен айналысуға үміткер адамдардың аттестаттаудан өтуі үшін мәліметтер;

      - зияткерлік меншік құқықтарын сақтау және қорғау саласында кемінде төрт жыл жұмыс өтілі бар немесе патенттік сенім білдірілген өкілдер палатасында кемінде бір жыл тағылымдамадан өткен еңбек қызметін растайтын құжаттың электрондық көшірмесі.

      Қосымша _____ парақта.

      Азамат _______________________________________ күні:__________

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

Қазақстан Республикасының патенттік сенім білдірілген өкілінің қызметімен айналысуға үміткер адамды өнертабыстар, пайдалы модельдер, өнеркәсіптік үлгілер, селекциялық жетістіктер саласындағы мамандандыру бойынша аттестаттауға жіберу туралы өтініш

      Мені өнертабыстар, пайдалы модельдер, өнеркәсіптік үлгілер, селекциялық жетістіктер салалары бойынша Қазақстан Республикасының патенттік сенім білдірілген өкіліне аттесттауға өтуге рұқсат беруді сұраймын.

      Мені өнертабыстар, пайдалы модельдер, өнеркәсіптік үлгілер, селекциялық жетістіктер салалары бойынша Қазақстан Республикасы патенттік сенім білдірілген өкілге аттесттауға өтуге рұқсат беруді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Телефон нөмірі:

      E-mail:

      Факс:

      Талап етілетін құжат топтамасы:

      - патенттік сенім білдірілген өкіл қызметімен айналысуға үміткер адамдардың аттестаттаудан өтуі үшін мәліметтер;

      - зияткерлік меншік құқықтарын сақтау және қорғау саласында кемінде төрт жыл жұмыс өтілі бар немесе патенттік сенім білдірілген өкілдер палатасында кемінде бір жыл тағылымдамадан өткен еңбек қызметін растайтын құжаттың электрондық көшірмесі.

      Қосымша ___ парақта.

      Азамат ______________________________________ күні:__________

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

"Патенттік сенім білдірілген өкіл қызметімен айналысуға үміткер адамдарды аттестаттаудан өткізу" мемлекеттік қызмет көрсетуге қойылатын негізгі талаптардың тізбесі

Қазақстан Республикасының патенттік сенім білдірілген өкілінің қызметімен айналысуға үміткер адамды тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша аттестаттауға рұқсат беру және патенттік сенім білдірілген өкіл куәлігін беру туралы өтініш

      Мені тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша Қазақстан Республикасының патенттік сенім білдірілген өкілге аттесттауға өтуге рұқсат беруді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Аттестаттау емтиханын тапсыру қорытындысы бойынша оң шешімнен кейін Қазақстан Республикасының патенттік сенім білдірілген өкіл куәлігін беруіңізді сұраймын.

      Телефон нөмірі:

      E-mail:

      Факс:

      Талап етілетін құжат топтамасы:

      - патенттік сенім білдірілген өкіл қызметімен айналысуға үміткер адамдардың аттестаттаудан өтуі үшін мәліметтер;

      - зияткерлік меншік құқықтарын сақтау және қорғау саласында кемінде төрт жыл жұмыс өтілі бар немесе патенттік сенім білдірілген өкілдер палатасында кемінде бір жыл тағылымдамадан өткен еңбек қызметін растайтын құжаттың электрондық көшірмесі.

      Қосымша _____ парақта.

      Азамат__________________________________________күні:________

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

Қазақстан Республикасының патенттік сенім білдірілген өкілінің қызметімен айналысуға үміткер адамды өнертабыстар, пайдалы модельдер, өнеркәсіптік үлгілер, селекциялық жетістіктер саласындағы мамандандыру бойынша аттестаттауға рұқсат беру және патенттік сенім білдірілген өкіл куәлігін беру туралы өтініш

      Мені өнертабыстар, пайдалы модельдер, өнеркәсіптік үлгілер, селекциялық жетістіктер саласындағы мамандандыру бойынша Қазақстан Республикасының патенттік сенім білдірілген өкілге аттесттауға өтуге рұқсат беруді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Аттестаттау емтиханын тапсыру қорытындысы бойынша оң шешімнен кейін Қазақстан Республикасының патенттік сенім білдірілген өкіл куәлігін беруіңізді сұраймын.

      Телефон нөмірі:

      E-mail:

      Факс:

      Талап етілетін құжат топтамасы:

      - патенттік сенім білдірілген өкіл қызметімен айналысуға үміткер адамдардың аттестаттаудан өтуі үшін мәліметтер;

      - зияткерлік меншік құқықтарын сақтау және қорғау саласында кемінде төрт жыл жұмыс өтілі бар немесе патенттік сенім білдірілген өкілдер палатасында кемінде бір жыл тағылымдамадан өткен еңбек қызметін растайтын құжаттың электрондық көшірмесі.

      Қосымша _____ парақта.

      Азамат__________________________________________күні:________

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

Тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша Қазақстан Республикасының патенттік сенім білдірілген өкіл куәлігін беру туралы өтініш

      Маған тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша Қазақстан Республикасының патенттік сенім білдірілген өкіл куәлігін беруді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Қосымша: ___ парақта.

      Азамат ___________________________________________ күні: ______

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

Өнертабыстар, пайдалы модельдер, өнеркәсіптік үлгілер, селекциялық жетістіктер салсындағы мамандандыру бойынша Қазақстан Республикасының патенттік сенім білдірілген өкіл куәлігін беру туралы өтініш

      Маған өнертабыстар, пайдалы модельдер, өнеркәсіптік үлгілер, селекциялық жетістіктер саласындағы мамандандыру бойынша Қазақстан Республикасының патенттік сенім білдірілген өкіл куәлігін беруіңізді сұраймын.

      Шынайы мәліметтер ұсынғаным үшін дербес жауап беремін, сондай-ақ аталған мемлекеттік қызметті көрсету кезінде ақпараттық жүйелердегі Заңмен қорғалатын құпияны құрайтын мәліметтерді пайдалануға келісемін.

      Қосымша: ____ парақта.

      Азамат ___________________________________________ күні: ______

      (қолы) (тегі, аты, әкесінің аты (бар болған кезде)

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

"Патенттік сенім білдірілген өкіл куәлігін беру" мемлекеттік қызмет көрсетуге қойылатын негізгі талаптардың тізбесі

ҚАЗАҚСТАН РЕСПУБЛИКАСЫНЫҢ ПАТЕНТТIК СЕНIМ БIЛДIРIЛГЕН ӨКIЛДIҢ КУӘЛIГI

      Тауар белгілері, географиялық нұсқамалар, тауар шығарылған жердің атаулары саласындағы мамандандыру бойынша Қазақстан Республикасының Патенттiк сенiм бiлдiрiлген өкiлi ретiнде тiркелген [Тегi] [Аты] [Әкесiнiң аты (болған жағдайда)] берiлдi.

      Тiркеу туралы жазба ___ жылғы "___" _______ №____ Қазақстан Республикасының тауар белгілері, географиялық нұсқамалар, тауар шығарылған жердің атаулары саласындағы патенттік сенім білдірілген өкілдерінің тізіліміне енгiзiлген.

      [Қол қоюшының лауазымы] [Қол қоюшының тегi, аты, әкесiнiң аты (болған жағдайда)]

ҚАЗАҚСТАН РЕСПУБЛИКАСЫНЫҢ ПАТЕНТТIК СЕНIМ БIЛДIРIЛГЕН ӨКIЛДIҢ КУӘЛIГI

      Өнертабыстар, пайдалы модельдер, өнеркәсіптік үлгілер, селекциялық жетістіктер саласындағы мамандандыру бойынша Қазақстан Республикасның Патенттiк сенiм бiлдiрiлген өкiлi ретiнде тiркелген [Тегi] [Аты] [Әкесiнiң аты (болған жағдайда)] берiлдi.

      Тiркеу туралы жазба ___ жылғы "___" _______ №____ Қазақстан Республикасының өнертабыстар, пайдалы модельдер, өнеркәсіптік үлгілер, селекциялық жетістіктер саласындағы патенттік сенім білдірілген өкілдерінің тізіліміне енгiзiлген.

      [Қол қоюшының лауазымы] [Қол қоюшының тегi, аты, әкесiнiң аты (болған жағдайда)]

Ұқсас әріптер және олардың сәйкестігі