БҰЙЫРАМЫН:
1. "Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы" Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығына (Нормативтік құқықтық актілерді мемлекеттік тіркеу тізілімінде № 18404 болып тіркелген) мынадай өзгерістер мен толықтыру енгізілсін:
көрсетілген бұйрықпен бекітілген Асыл тұқымды мал шаруашылығын дамытуды, мал шаруашылығы өнімдерінің өнімділігін және сапасын арттыруды субсидиялау қағидаларында (бұдан әрі – Қағидалар):
6-тармақ мынадай редакцияда жазылсын:
"6. Субсидиялардың көлемін қалыптастыруды және бөлуді ЖАО (көрсетілетін қызметті берушілер) осы Қағидаларға 1-қосымшада белгіленген субсидия түрлері мен нормаларына сәйкес тиісті қаржы жылына арналған бюджет қаражаты шегінде мыналарды ескере отырып жүзеге асырады:
аудандардың/қалалардың жергілікті атқарушы органдарының ағымдағы жылға қажетті субсидиялар көлемдері туралы ұсынатын ақпараты;
алдыңғы жылы игерілген субсидия көлемдері туралы қорытынды деректер;
өңірлік ерекшеліктер;
ауыл шаруашылығы өнімін өндірумен айналысатын кәсіпорындардың санымен және үлесімен айқындалатын импортқа тәуелді бағыттарды қоса салғанда, өңірде ауыл шаруашылығы өндірісінің басым мамандануы.
Субсидиялар көлемі бірліктердің (бас, килограмм, доза, дана) санын осы Қағидаларға 1-қосымшада белгіленген тиісті субсидиялар нормативтеріне көбейту жолымен айқындалады.
Алдыңғы қаржы жылында (жылдарында) берілген және мақұлданған өтінімдер бойынша субсидиялардың төленбеу нәтижесінде қалыптасқан тауар өндірушілер алдындағы орындалмаған міндеттемелер бойынша берешек болған кезде,тиісті берешек сомасы ағымдағы қаржы жылына арналған субсидия көлемін жоспарлау кезінде есептеуге қосылады.
Барлық субсидия бағыттары бойынша жалпы қажеттілік көлемі әрбір субсидия түрі бойынша қажеттіліктерді қосу арқылы анықталады.
Маслихаттың тиісті кезеңге арналған облыстық бюджетті бекіту туралы шешімі қоса берілген, ұсынылған субсидия көлемдеріне тиісті жылдың 10 қаңтарынан кешіктірмей ЖАО (көрсетілетін қызметты беруші) басшысы ЭЦҚ-мен қол қояды және СМАЖ арқылы Министрлікке келісуге жібереді.
Қаржыландыру көлемін қайта бөлу немесе ұлғайту, субсидия түрлеріне қосымша қаражат бөлуді көздейтін жалпы қаржы көлемін түзету үшін негіз болған кезде, ЖАО (көрсетілетін қызметті беруші) СМАЖ-да тиісті түзетулер енгізеді және оларды СМАЖ арқылы Министрлікке келісуге жібереді.
Осы Қағидаларға 1-қосымшада көрсетілген субсидиялардың жекелеген түрлері бойынша өтінімдер саны жеткіліксіз болған жағдайда, сондай-ақ пайдаланылмаған қаражат болған кезде, қаржы жылы ішінде ЖАО (көрсетілетін қызметті беруші) көрсетілген қаражатты осы Қағидаларға 1-қосымшада көрсетілген қаражат жетіспейтін субсидияның басқа түрлеріне қайта бөледі.
ЖАО (көрсетілетін қызметті беруші) субсидиялауды мониторингтеу үшін жыл сайын, есепті жылдан кейінгі жылғы 1 ақпанға дейін Министрлікке мыналарды ұсынады:
осы Қағидаларға 1-қосымшада белгіленген субсидия түрлері бойынша осы Қағидаларға 4-2-қосымшаға сәйкес нысан бойынша субсидиялардың пайдаланылуы туралы ақпарат;
мал шаруашылығын дамытудың негізгі көрсеткіштері нәтижелеріне қол жеткізуді (мал басы мен құс санының ұлғаюы, асыл тұқымды мал басының өсуі, ауыл шаруашылығы өнімдерін өндіру көлемінің ұлғаюы, өнімділіктің өсуі, өнім сапасының артуы), субсидиялардың импортқа тәуелділікті төмендетуге және экспорттық әлеуетті дамытуға әсері, салалар кесіндісінде бюджет қаражатын пайдалану тиімділігін бағалай отырып, субсидияларды пайдалану тиімділігі туралы талдамалық ақпарат.";
көрсетілген Қағидаларға 1-қосымша осы бұйрыққа 1-қосымшаға сәйкес жаңа редакцияда жазылсын;
осы бұйрыққа 2-қосымшаға сәйкес 4-2-қосымшамен толықтырылсын.
2. Қазақстан Республикасы Ауыл шаруашылығы министрлігінің Мал шаруашылығы департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ауыл шаруашылығы министрі |
А. Сапаров |
"КЕЛІСІЛДІ"
Қазақстан Республикасы
Бәсекелестікті қорғау және
дамыту агенттігі
"КЕЛІСІЛДІ"
Қазақстан Республикасы
Қаржы министрлігі
"КЕЛІСІЛДІ"
Қазақстан Республикасы
Ұлттық экономика министрлігі
"КЕЛІСІЛДІ"
Қазақстан Республикасы
Жасанды интеллект және цифрлық
даму министрлігі
"КЕЛІСІЛДІ"
Қазақстан Республикасы
Стратегиялық жоспарлау және
реформалар агенттігінің
Ұлттық статистикалық бюросы
Субсидиялау бағыттары мен нормативтерінің тізбесі
Р/с № | Субсидиялар түрлері | Өлшем бірлігі | 1 бірлікке арналған субсидиялар нормативтері, теңге |
Етті және етті-сүтті мал шаруашылығы | |||
1. | Ет және ет-сүт бағытындағы отандық асыл тұқымды тұқымдық бұқа сатып алу | Сатып алынған бас | 260 000 |
2. | Ірі қара малдың асыл тұқымды аналық басын сатып алу: | Сатып алынған бас | |
2.1 | Отандық | 260 000 | |
2.2 | Тәуелсіз Мемлекеттер Достастығы елдерінен, Украинадан әкелінген | 390 000 | |
2.3 | Австралиядан, Солтүстік және Оңтүстік Америка елдерінен, Еуропа елдерінен әкелінген | 525 000 | |
3. | Ет бағытындағы асыл тұқымды ірі қара малдың төлін өсіру шығындарын арзандату | Бас | 15 000 |
4. | Бордақылау алаңдарына бордақылауға немесе ет өңдеу кәсіпорындарына союға өткізілген ірі қара малдың еркек дарағының (оның ішінде сүтті немесе сүтті-етті еркек дарақтар) құнын арзандату | Тірі салмақтың килограмы | 300 |
5. | Ірі қара малды союмен және етін бастапқы өңдеумен айналысатын ет өңдеу кәсіпорындарының сиыр етін өткізу құнын арзандату | Сатылған сиыр етінің килограмы | 175 |
Сүтті және сүтті-етті мал шаруашылығы | |||
1. | Ірі қара малдың асыл тұқымды аналық басын сатып алу | Сатып алынған бас | |
1.1 | Отандық | 350 000 | |
1.2 | Тәуелсіз Мемлекеттер Достастығы елдерінен, Украинадан әкелінген | 390 000 | |
1.3 | Австралиядан, Солтүстік және Оңтүстік Америка елдерінен, Еуропа елдерінен әкелінген | 700 000 | |
2. | Сүт өндірісінің құнын арзандату | Өткізілген немесе өзінің өңдеу кәсіпорнына немесе цехына орны ауыстырылған килограмм | |
2.1 | 600 бастан басталатын бағымдағы сиырлары бар шаруашылықтар | 45 | |
2.2 | 400 бастан басталатын бағымдағы сиырлары бар шаруашылықтар | 30 | |
2.3 | Саны 50 бастан басталатын бағымдағы сиырлары бар шаруашылықтар | 20 | |
2.4 | Ауыл шаруашылығы өндірістік кооперативі | Өңдеу кәсіпорнына немесе цехына өткізілген килограмм | 20 |
3. | Ірі қара мал эмбриондарының сатып алу құнын арзандату | Дана | 80 000 |
Мал шаруашылығы | |||
1. | Асыл тұқымдық орталықтардың, асыл тұқымды жануарлардың ұрығы мен эмбриондарын өткізу жөнiндегi дистрибьютерлік орталықтардың және ұрықтандырушы-техниктердің тауар өндірушілердің және ауыл шаруашылығы кооперативтеріндегі ірі қара малдың аналық басын қолдан ұрықтандыру бойынша көрсеткен қызметтерінің құнын субсидиялау | Ағымдағы жылы ұрықтандырылған бас | 5 000 |
2. | Сүтті/сүтті-етті және етті/етті-сүтті бағыттардағы асыл тұқымды бұқаның ұрығын сатып алу | Сатып алынған доза | |
2.1 | бір жынысты | 10 000 | |
2.2 | екі жынысты | 5 000 | |
Етті құс шаруашылығы | |||
1. | Ата-енелік/ата-тектік нысандағы асыл тұқымды тәуліктік балапандарды сатып алу | Сатып алынған бас | 600 |
2. | Тауық етін өндіру құнын төмендету | Өткізілген немесе өзінің өңдеу кәсіпорнына немесе цехына орны ауыстырылған килограмм | |
2.1 | 15 000 тоннадан басталатын нақты өндіріс | 80 | |
2.2 | 10 000 тоннадан басталатын нақты өндіріс | 70 | |
2.3 | 5 000 тоннадан басталатын нақты өндіріс | 60 | |
2.4 | 500 тоннадан басталатын нақты өндіріс | 50 | |
Жұмыртқалы құс шаруашылығы | |||
1. | Асыл тұқымды құстардан алынған жұмыртқа бағытындағы финалдық нысандағы тәуліктік балапан сатып алу | Сатып алынған бас | 60 |
Қой шаруашылығы | |||
1. | Отандық асыл тұқымды қой басын сатып алу | Сатып алынған бас | 26 000 |
2. | Импортталған асыл тұқымды аналық қой басын сатып алу | 52 000 | |
3. | Импортталған асыл тұқымды тұқымдық қошқарлар сатып алу | 260 000 | |
4. | Асыл тұқымды ұсақ малдың төлін өсіру шығындарын арзандату | Бас | 4 000 |
5. | Бордақылау алаңдарына бордақылауға немесе ет өңдеу кәсіпорындарына союға өткізілген ұсақ малдың еркек дарағының құнын арзандату | Сатылған бас | 3 000 |
5.1 | Бордақылау алаңдарына бордақылауға немесе ет өңдеу кәсіпорындарына союға өткізілген ұсақ малдың еркек дарағының құнын арзандату (маусымдық жеткізілімдер) | Сатылған бас | 7 000 |
6. | Қой эмбриондарын сатып алу құнын арзандату | Дана | 80 000 |
7. | Асыл тұқымдық орталықтардың, асыл тұқымды жануарлардың ұрығы мен эмбриондарын өткізу жөнiндегi дистрибьютерлік орталықтардың және ұрықтандырушы-техниктердің тауар өндірушілердің және ауыл шаруашылығы кооперативтеріндегі аналық қой басын қолдан ұрықтандыру бойынша көрсеткен қызметтерінің құнын субсидиялау | Ұрықтандырылған бас/шағылыстыру маусымы | 1 500 |
8. | Қайта өңдеуге өткізілген биязы және жартылай биязы жүннің құнын арзандату | ||
8.1. | Сапаның 60 басталатын жүн | Өткізілген килограмм | 200 |
8.2. | Сапаның 50 басталатын жүн | Өткізілген килограмм | 150 |
9. | Қайта өңдеуге өткізілген қылшық және жартылай қылшық жүннің құнын арзандату | Өткізілген килограмм | 25 |
Жылқы шаруашылығы | |||
1. | Мініс және мініс-жегін жылқылардың отандық тұқымдарының асыл тұқымды аналық басымен селекциялық және асыл тұқымдық жұмыстарды жүргізу | Бас/ шағылыстыру маусымы | 20 000 |
2. | Өнімділік бағытындағы асыл тұқымды тұқымдық айғырлар сатып алу | Сатып алынған бас | 175 000 |
3. | Асыл тұқымдық орталықтардың шет елдік селекцияның мініс бағытындағы асыл тұқымды тұқымдық айғырларды сатып алу | Сатып алынған бас | Облыстардың, республикалық маңызы бар қалалардың және астананың жергілікті атқарушы органдары (бұдан әрі – ЖАО) белгілейді |
4. | Қазақстан Республикасының аумағында өсірілген мініс және мініс-жегін жылқылар тұқымдарының асыл тұқымды мал басын күтіп-бағуға жұмсалған шығындарды өтеу | Бас/жылына бір рет | ЖАО белгілейді |
Түйе шаруашылығы | |||
1. | Асыл тұқымды тұқымдық түйелер сатып алу | Сатып алынған бас | 175 000 |
Шошқа шаруашылығы | |||
1. | Асыл тұқымды шошқалар сатып алу | Сатып алынған бас | 100 000 |
2. | Ет өңдеу кәсіпорындарына немесе сою пункттеріне өткізілген немесе союға ауыстырылған шошқалардың құнын арзандату | Бас | 2 000 |
Өңірлердің ерекшеліктері мен мамандануын ескере отырып, ЖАО қалауы бойынша жергілікті бюджеттен бөлінетін бюджет қаражаты есебінен | |||
1. | Ауыл шаруашылығы жануарлары басының азығына жұмсалған шығындар құнын арзандату | Бас | ЖАО белгілейді |
2. | Ешкілердің асыл тұқымды аналық басын сатып алу | Сатып алынған бас | 70 000 |
3. | Бие сүтін өндіру мен өңдеудің құнын арзандату | Килограмм | 60 |
4. | Түйе сүтін өндіру мен өңдеудің құнын арзандату | Килограмм | 55* |
5. | Бал өндірісінің құнын арзандату | Өткізілген килограмм | 200 |
Асыл тұқымды аталық малды сатып алуды субсидиялау тек тауар өндірушіде (асыл тұқымдық орталықтарды, асыл тұқымды бұқаларды тауарлық табындарға/шаруашылықтарға жалға беретін бордақылау алаңдарын қоспағанда) аналық мал басы болған жағдайда ғана жүзеге асырылады.
Асыл тұқымды жануарлардың барлық түрлерін (етті бағыттағы құстардың ата-енелік/ата-тектік нысандағы асыл тұқымды тәуліктік балапанын, асыл тұқымды құстан алынған жұмыртқа бағытындағы финалдық нысандағы тәуліктік балапанын, асыл тұқымды шошқаларды қоспағанда) сатып алу бекітілген нормативке дейін, бірақ оның сатып алу құнының 50%-ынан аспайтын мөлшерде субсидияланады.
Сүтті/сүтті-етті және етті/етті-сүтті тұқымды асыл тұқымды бұқаның ұрығын сатып алу құнының 50%-на дейін белгіленген нормативтер мөлшерінде субсидияланады.
"Ауыл шаруашылығы жануарлары басының азығына жұмсалған шығындар құнын арзандату" бағыты бойынша субсидиялар "Азаматтық қорғау туралы" Қазақстан Республикасы Заңының 48-бабына сәйкес табиғи және техногендік сипаттағы төтенше жағдай жарияланған кезде немесе Қазақстан Республикасы Экология және табиғи ресурстар министрлігінің "Қазгидромет" шаруашылық жүргізу құқығындағы республикалық мемлекеттік кәсіпорны берген ауа райы жағдайлары туралы анықтамамен расталған, өңірде азық дайындауға теріс әсер еткен қалыптан тыс ауа райы жағдайлары басталған кезде беріледі. Бұл талап Атырау, Маңғыстау, Қызылорда облыстары мен Ұлытау облысындағы ауыл шаруашылығы жануарларының аналық мал басына қолданылмайды.
"Ауыл шаруашылығы жануарлары басының азығына жұмсалған шығындар құнын арзандату" бағыты бойынша субсидиялау жергілікті бюджеттен қосымша бюджет қаражаты бөлінген және/немесе басқа бюджеттік бағдарламалардан қайта бөлінген және/немесе бөлінген бюджет қаражаты жеткілікті болған кезде жүзеге асырылады.
Ескертпе:
* жергілікті бюджеттен қосымша бюджет қаражатын бөлу кезінде және/ немесе басқа бюджеттік бағдарламалардан қайта бөлу кезінде және/немесе бөлінген бюджет қаражаты жеткілікті болған кезде "Түйе сүтін өндіру мен өңдеудің құнын арзандату" бағыты бойынша субсидиялаудың ағымдағы нормативін СМАЖ-да Қазақстан Республикасы Ауыл шаруашылығы министрліктің келісуі бойынша бөлінген бюджет қаражатының сомасына байланысты 55 теңгеден 190 теңгеге дейін ұлғайтуға жол беріледі.
Қайда ұсынылады: Қазақстан Республикасы Ауыл шаруашылығы министрлігіне
Әкімшілік деректерді өтеусіз негізде жинауға арналған нысан www.gov.kz интернет-ресурсында орналастырылған
Әкімшілік нысанның атауы: Мал шаруашылығына арналған субсидияны пайдалану туралы ақпарат
Әкімшілік деректерді өтеусіз негізде жинауға арналған нысанның индексі: № 1-МШСП
Кезеңділігі: жылдық
Есепті кезеңі: 20__ж
Әкімшілік деректерді өтеусіз негізде жинауға арналған нысанды ұсынатын тұлғалар тобы: облыстардың, республикалық маңызы бар қалалардың және астананың жергілікті атқарушы органдары
Әкімшілік деректерді өтеусіз негізде жинауға арналған нысанды ұсыну мерзімі:
жыл сайын, есепті жылдан кейінгі жылғы 1 ақпанға дейінгі мерзімде.
Бизнес сәйкестендіру нөмірі |
|
Жинау әдісі: қағаз түрінде.
Облыс/қала_________________________________________
Жылы _________________________________________
Әкімшілік-аумақтық объектілердің жіктеуіші бойынша коды __________
Саланың атауы | Субсидия түрлерінің атауы | Өлшем бірлігі | Субсидиялау нормативі, теңге | Бөлінді | Игерілді | Қалдық (+/-), теңге | Игерілмеу себептері | ||
Субсидия көлемі |
Субсидия сомасы, теңге | Субсидия көлемі | Субсидия сомасы, теңге (4*7) | ||||||
1 | 2 | 3 | 4 | 5 | 6 | 7 | 8 | 9 | 10 |
Атауы_________________________________________________________
Мекенжайы____________________________________________________
Телефоны______________________________________________________
Электрондық почтасының мекенжайы______________________________
Орындаушы____________________________________________________
аты, әкесінің аты (бар болса), тегі, телефоны
Басшы немесе оның міндеттерін атқарушы адам _____________________
____________________________________________________________________
аты, әкесінің аты (бар болса), тегі, телефоны
Есептің тапсырылған күні 20 ___ жылғы " " __________
Ескертпе: Әкімшілік деректерді өтеусіз негізде жинауға арналған "Мал шаруашылығына арналған субсидияны пайдалану туралы ақпарат" нысанын толтыру бойынша түсіндірме осы нысанға қосымшада келтірілген.
| Әкімшілік деректерді өтеусіз негізде жинауға арналған "Мал шаруашылығына арналған субсидияны пайдалану туралы ақпарат" нысанына қосымша |
Әкімшілік деректерді өтеусіз негізде жинауға арналған "Мал шаруашылығына арналған субсидияны пайдалану туралы ақпарат" нысанын толтыру бойынша түсіндірме (индексі: № 1-МШСП нысан, кезеңділігі: жыл сайын)
1-тарау. Жалпы ережелер
1. Осы түсіндірме әкімшілік деректерді өтеусіз негізде жинауға арналған "Мал шаруашылығына арналған субсидияны пайдалану туралы ақпарат" нысанын (бұдан әрі – Нысан) толтыру бойынша бірыңғай талаптарды айқындайды.
2. Нысанды облыстардың, республикалық маңызы бар қалалардың және астананың жергілікті атқарушы органдары толтырады және Қазақстан Республикасы Ауыл шаруашылығы министрлігіне жібереді.
3. Нысанға басшы не оның міндеттерін атқарушы адам аты-жөнін көрсете отырып, қол қояды.
4. Нысанды облыстардың, республикалық маңызы бар қалалардың және астананың жергілікті атқарушы органдары ұсынады.
5. Нысан мемлекеттік және орыс тілдерінде толтырылады.
2-тарау. Нысанды толтыру бойынша түсіндірме
6. Нысанның 1-бағанында субсидияланатын саланың атауы көрсетіледі (етті және етті-сүтті мал шаруашылығы, сүтті және сүтті-етті мал шаруашылығы, мал шаруашылығы, етті және жұмыртқалы құс шаруашылығы, қой шаруашылығы, жылқы шаруашылығы, түйе шаруашылығы, шошқа шаруашылығы, сондай-ақ "Өңірлердің ерекшеліктері мен мамандануын ескере отырып, жергілікті атқарушы органдарының қалауы бойынша жергілікті бюджеттен бөлінетін бюджет қаражаты есебінен" бөлімінде көзделген субсидия түрлері бойынша).
7. Нысанның 2-бағанында осы Қағидаларға 1-қосымшада белгіленген субсидия түрлерінің атауы көрсетіледі.
8. Нысанның 3-бағанында өлшем бірлігі көрсетіледі (килограмм, бас, дана, доза).
9. Нысанның 4-бағанында осы Қағидаларға 1-қосымшада белгіленген әрбір субсидия түрі бойынша субсидиялау нормативі көрсетіледі.
10. Нысанның 5-бағанында тиісті субсидия түрлері бойынша жоспарланған көлем көрсетіледі.
11. Нысанның 6-бағанында тиісті субсидия түрлері бойынша бөлінген бюджет қаражатының сомасы көрсетіледі.
12. Нысанның 7-бағанында тиісті субсидия түрлері бойынша нақты субсидияланған көлем көрсетіледі.
13. Нысанның 8-бағанында бөлінген бюджет қаражатының нақты игерілген сомасы көрсетіледі.
14. Нысанның 9-бағанда игерілмеген бюджет қаражатының қалдығы (бар болса) көрсетіледі.
15. Нысанның 10-бағанда бюджет қаражатының игерілмеу себептері (игерілмеген қалдық болған жағдайда) көрсетіледі.
