БҰЙЫРАМЫН:
1. "Жиіліктер белдеулерін, радиожиіліктерді (радиожиілік арналарын) иелікке беру, радиоэлектрондық құралдар мен жоғары жиілікті құрылғыларды пайдалану, сондай-ақ азаматтық мақсаттағы радиоэлектрондық құралдардың электромагниттік үйлесімділігін есептеуді жүргізу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 21 қаңтардағы № 34 бұйрығына (Нормативтік құқықтық актілерді мемлекеттік тіркеу тізілімінде № 10730 болып тіркелген) мынадай өзгертулер мен толықтыру енгізілсін:
Бұйрықтың кіріспесі мынадай редакцияда жазылсын:
"Байланыс туралы" Қазақстан Республикасы Заңының 8-бабы 1-тармағының 19-12) тармақшасына және "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес БҰЙЫРАМЫН:";
Көрсетілген бұйрықпен бекітілген жиіліктер белдеулерін, радиожиіліктерді (радиожиілік арналарын) иелікке беру, радиоэлектрондық құралдар мен жоғары жиіліктi құрылғыларды пайдалану, сондай-ақ азаматтық мақсаттағы радиоэлектрондық құралдардың электромагниттік үйлесімділігін есептеуді жүргізу Қағидаларында:
1-тармақ мынадай редакцияда жазылсын:
"1. Жиілік белдеулерін, радиожиіліктерді (радиожиілік арналарды) иелікке беру, радиоэлектрондық құралдар мен жоғары жиілікті құрылғыларды пайдалану, сондай-ақ азаматтық мақсаттағы радиоэлектрондық құралдардың электромагниттік үйлесімділігін есептеуді жүргізу қағидалары (бұдан әрі – Қағидалар) "Байланыс туралы" Қазақстан Республикасы Заңының 8-бабы 1-тармағының 19-12) тармақшасына және "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес әзірленді және жиіліктер белдеулерін, радиожиіліктерді (радиожиілік арналарын) иелікке беру, радиоэлектрондық құралдар (бұдан әрі – РЭҚ) мен жоғары жиілікті құрылғыларды (бұдан әрі – ЖЖҚ) пайдалану, сондай-ақ азаматтық мақсаттағы РЭҚ-тің электромагниттік үйлесімділігін (бұдан әрі – ЭМҮ) есептеуді жүргізудің жалпы тәртібін айқындайды";
10-қосымшасының 5-тармағы мынадай редакцияда жазылсын:
"5. РЭҚ және ЖЖҚ иелері "Байланыс туралы" Қазақстан Республикасы Заңының 28-7-бабында көрсетілген талаптарды сақтауға міндетті";
11-қосымша осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Цифрлық даму, инновациялар және аэроғарыш өнеркәсібі министрі |
Б. Мусин |
Байланыс түрлері бойынша кодтар
код № | Байланыс түрі |
10 | Эфирлік-аналогтық телевизия |
11 | Эфирлік-кәбілдік телевизия (MMDS) |
20 | Радиохабартарату |
30 | Ұялы байланыс/мобильді байланыс (GSM/DCS. CDMA, 3G/UMTS, 4G/LTE. 5G/IMT) |
31 | Транкингтік |
32 | Радиотелефондық |
33 | УҚТ-диапазонындағы радиобайланыс (стационарлық радиостанциялар) |
34 | ҚТ-диапазонындағы радиобайланыс |
35 | УҚТ-диапазонындағы радиобайланыс (жылжымалы радиостанциялар) |
41 | Радиорелелік байланыс (магистралдық желілер) |
42 | Радиорелелік байланыс (аймақтық желілер) |
43 | Радиорелелік байланыс (жергілікті желілер) |
44 | Радиорелелік байланыс (телевизиялық сигналдарды тарату желілері) |
50 | Спутниктік байланыс (байланыс және радиохабар тарату үшін пайдаланылатын жер станциялары) |
51 | Спутниктік байланыс (ғарыш аппараттарын басқару үшін пайдаланылатын жер станциялары) |
60 | КЖС-технологиясы пайдаланылған кезде сымсыз радиоға қолжетiмдiлiк жүйелерi (WLL) |
61 | Сымсыз радиоға қолжетiмдiлiк жүйелерi (УҚТ-диапазонындағы) |
65 | Эфирлік цифрлық телевизия |
66 | Төртінші буынның ұтқыр байланысы (LTE өндірістің ішкі мақсаттары үшін) |
67 | ҰТ-диапазонындағы радиобайланыс |
68 | ОТ-диапазонындағы радиобайланыс |
69 | Теңіз радиобайланысы (жағалау, радиолокация станциялары, радиомаяктар және т.б.) |
Қазақстан Республикасы әкімшілік-аумақтық бөлінісінің объектілерін белгілеу жүйесіндегі кодтар
код № | Аумақ |
900 | Қазақстан Республикасы |
901 | Астана қаласы |
902 | Ақмола облысы |
904 | Ақтөбе облысы |
907 | Алматы облысы |
910 | Алматы қаласы |
915 | Атырау облысы |
917 | Шығыс Қазақстан облысы |
919 | Жамбыл облысы |
926 | Батыс Қазақстан облысы |
930 | Қарағанды облысы |
933 | Қызылорда облысы |
937 | Қостанай облысы |
943 | Маңғыстау облысы |
945 | Павлодар облысы |
948 | Солтүстік Қазақстан облысы |
958 | Түркістан облысы |
959 | Шымкент қаласы |
960 | Абай облысы |
961 | Жетісу облысы |
962 | Ұлытау облысы |
CDMA – Code Division Multiple Access (Кодтық бөлінуі бар көптік қолжетімділік);
GSM – Global System for Mobile Communications (Мобильді байланыстың жаһандық жүйесі);
LTE – Long Term Evolution (Ұзақ мерзімді даму);
MMDS – Multichannel Multipoint Distribution System (көп арналы көп нүктелі тарату жүйесі);
UMTS – Universal Mobile Telecommunications System (Әмбебап мобильді телекоммуникацилық жүйесі);
WLL – Wireless Local Loop (Сымсыз қолжетімділік жүйесі);
ҰТ – ұзын толқындар;
ҚТ – қысқа толқындар;
ОТ – орта толқындар;
УҚТ- ультра-қысқа толқындар;
КЖС – кеңжолақты сигнал.
