БҰЙЫРАМЫН:

      1. "Бас бостандығынан айыруға сотталғандармен тәрбие жұмысын жүргізу қағидасын бекіту туралы" Қазақстан Республикасы Ішкі істер министрінің 2014 жылғы 13 тамыздағы № 508 бұйрығына (Нормативтік құқықтық актілерді мемлекеттік тіркеу тізілімінде № 9729 болып тіркелген) мынадай өзгерістер енгізілсін:

      Көрсетілген бұйрықпен бекітілген Бас бостандығынан айыруға сотталғандармен тәрбие жұмысын жүргізу қағидаларында:

      26-тармақ мынадай редакцияда жазылсын:

      "Сотталғандарға тәртіптік жазалаулар ҚАК-тің 133-бабында көзделген тәртіпте мекеме бастығының немесе оның міндетін атқарушы адамның не оның орынбасарының қаулысымен осы Қағидаларға 9-қосымшаға сәйкес нысанда қолданылады.

      Бұзушылық фактісі бойынша сотталғанмен ЖТЖ күнделігіне тіркеумен тәрбиелік сипаттағы әңгіме жүргізіледі, қажеттілігіне қарай психологиялық көмек, психотүзету іс-шаралар өткізіледі.

      Мекеме әкімшілігі көтермелеу немесе жазалау шараларын қолдану туралы қаулы шығарылған күннен бастап келесі жұмыс күнінен кешіктірмей ҚАЖ орталықтандырылған автоматтандырылған деректер базасына (бұдан әрі - ОАДБ) осы мәліметтерді енгізеді.

      Егер тәртіптік жазалау басқа мекемелер арқылы транзитпен жүруі (бұдан әрі – транзиттік мекеме) кезінде салынған жағдайда транзиттік мекеме әкімшілігі тәртіптік жазалауға тарту туралы қаулы бар материалдарды сотталғанның жеке ісіне қоса береді.

      ТИ-ға жабу транзиттік мекемеде орындалады, транзиттік мекемедегі ТИ-ға жабу орындалмаған жағдайда не толығымен орындалмаса, осы жазалау мекемеге келген күні, соның ішінде тиісті іс-шараларды өткізумен карантинде болған күндерді есепке алумен орындалады.

      Сотталған жіберілген мекемеге келген күні, оның әкімшілігі жеке ісіне қоса берілген, тәртіптік жазалауларға тарту туралы материалдардың негізінде тиісті мінез-құлық дәрежесін бере отырып, ОАДБ-ға тиісті мәліметтерді енгізеді.

      Мекеме әкімшілігі келесі жұмыс күнінен кешіктірмей прокурорға сотталғанға қатысты тәртіптік жаза қолдану туралы қаулының көшірмесін жолдайды.";

      27-тармақ мынадай редакцияда жазылсын:

      "Сотталғанның мінез-құлық дәрежесі ҚАК-тің 95-бабына сәйкес мекеме комиссиясы отырысында айқындалады.

      Мекеме әкімшілігі мінез-құлық дәрежесін айқындау немесе өзгерту туралы қаулы шығарылған күннен бастап үш жұмыс күні ішінде ОАДБ-ға осы мәліметтерді енгізеді.

      Сотталғанды бір түрдегі мекемеден басқа мекемеге ауыстырған жағдайда мінез-құлық дәрежесіне бұрын қойылған баға оның мінез-құлық дәрежесін ҚАК-де көзделген мерзімдерде мекеме комиссиясы қараған кезге дейін сақталады.

      ҚАК 96-бабының бірінші және үшінші бөліктеріне сәйкес басқа түрдегі мекемеге ауыстырған жағдайда сотталған мекемеге келгенде оның мінез-құлқын ҚАК-де көзделген мерзімдерде мекеме комиссиясы қараған кезге дейін белгілі мінез-құлық дәрежесі белгіленбеген деп танылады.

      Қазақстан Республикасы Қылмыстық кодексінің 6-бабын қолдану негізінде сотталған басқа түрдегі мекемеге ауысқан жағдайда сотталғанда мекемеге келгеннен кейін алдыңғы қауіпсіздік түріндегі мекемеде белгіленген жазаны өтеу жағдайлары мен мінез-құлық дәрежесі сақталады.";

      31-тармақ мынадай редакцияда жазылсын:

      "Мекеме комиссиясының басқа жағдайға ауыстыру туралы шешіміне хаттама жасалады, үзінді жеке iске қоса тiгіледі, ал ЖТЖ күнделiгiне тиісті жазба жазылады.

      Мекеме әкімшілігі жазаны өтеу жағдайларын айқындау немесе өзгерту туралы қаулы шығарылған күннен бастап не анықталған сипаттайтын мәліметтер белгіленген күннен бастап үш жұмыс күні ішінде ОАДБ-ға осы мәліметтерді енгізеді.".

      2. Қазақстан Республикасы Ішкі істер министрлігінің Қылмыстық-атқару жүйесі комитеті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Ішкі істер министрлігінің интернет-ресурсына орналастыруды;

      3) осы бұйрықты мемлекеттік тіркегеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.