БҰЙЫРАМЫН:

      1. "Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларын бекіту туралы" Қазақстан Республикасының Ауыл шаруашылығы министрінің 2015 жылғы 30 қаңтардағы № 9-1/71 бұйрығына (Нормативтік құқықтық актілерді мемлекеттік тіркеу тізілімінде № 12183 болып тіркелген, 2015 жылғы 17 қарашада "Әділет" ақпараттық-құқықтық жүйесінде жарияланған) мынадай өзгерістер енгізілсін:

      кіріспесі мынадай редакцияда жазылсын:

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының 6-бабы 1-тармағының 14) тармақшасына, және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-тармағының 1) тармақшасына сәйкес БҰЙЫРАМЫН:";

      көрсетілген бұйрықпен бекітілген Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидалары осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Ауыл шаруашылығы министрлігінің Қаржы құралдары және микрокредит беру департаменті белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Қаржы министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

      "КЕЛІСІЛДІ"

      Қазақстан Республикасы

      Цифрлық даму, инновациялар және

      аэроғарыш өнеркәсібі министрлігі

Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидалары

1-тарау. Жалпы ережелер

      1. Осы Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасы Заңының 6-бабы 1-тармағының 14) тармақшасына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабының 1) тармақшасына сәйкес әзірленді және агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау тәртібін, сондай-ақ "Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау" мемлекеттік қызметті көрсету (бұдан әрі – мемлекеттік көрсетілетін қызмет) тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) ауыл шаруашылығы мәселелері жөніндегі жергілікті атқарушы орган – ауыл шаруашылығы саласындағы функцияларды жүзеге асыратын облыстардың, республикалық маңызы бар қалалардың, астананың жергілікті атқарушы органдарының құрылымдық бөлімшесі (бұдан әрі – ауыл шаруашылығы мәселелері жөніндегі ЖАО (көрсетілетін қызметті беруші));

      2) банк – "Қазақстан Республикасындағы банктер және банк қызметі туралы" 1995 жылғы 31 тамыздағы Қазақстан Республикасы Заңына сәйкес банк қызметiн жүзеге асыруға құқылы коммерциялық ұйым болып табылатын заңды тұлға;

      3) жеке кабинет – пайдаланушының (қарыз алушының, кепілгердің/сақтандыру ұйымының, ауыл шаруашылығы мәселелері бойынша ЖАО-ның (көрсетілетін қызметті берушінің)) субсидиялауға арналған электрондық тізілімдегі жеке веб-парақшасы;

      4) жеке шот – субсидиялауға арналған электрондық тізілімде қамтылған, субсидиялауға арналған өтінімдерді тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін жазбалар жиынтығы;

      5) кепілдік – қарыз алушының міндеттемелері бойынша банк алдында кепілгердің ортақ жауапкершілігін ішінара растайтын құжат;

      6) кепілгер – "ҚазАгро" Холдингі" акционерлік қоғамының кепілдіктер беруге уәкілетті еншілес ұйымы (бұдан әрі – "ҚазАгро" Холдингі" АҚ-ның кепілдік беру жөніндегі ЕҰ);

      7) кепілдік бойынша төлем/сақтандыру төлемі – талап ету құқығы пайда басталған кезде кепілдік/сақтандыру сомасы көлемі шегінде кепілгер/сақтандыру ұйымы кредиторға төлейтін қаражат сомасы;

      8) кепілдік жөніндегі комиссия/сақтандыру сыйлықақысы – қарыз алушы және (немесе) ауыл шаруашылығы мәселелері жөніндегі ЖАО (көрсетілетін қызметті беруші) кепілгерге/сақтандыру ұйымына соңғылардың талап ету құқығы басталған кезде кредиторға кредиттің кепілдендірілген/сақтандырылған бөлігін төлеуді жүргізу міндеттемелерін қабылдағаны үшін төлемдер түрінде төлейтін қаражат сомасы;

      9) кепілдік көлемі/сақтандыру сомасы – оған кепілдік берілген немесе талап ету құқығы басталған кезде кепілгердің/сақтандыру ұйымының кредитор алдындағы жауапкершілігінің шекті көлемі болып табылатын қарыздың бір бөлігі сақтандырылған қаражат сомасы;

      10) кепілдік шарты – қарыз алушы, банк және кепілгер арасында жасалған үшжақты жазбаша келісім;

      11) кепілдендіру бойынша субсидия алуға арналған алдын ала өтінім – кепілдендіру бойынша субсидия алуға өтінім бергенге дейін кепілгердің субсидиялаудың ақпараттық жүйесінде субсидия сомасын резервке қою арналған электрондық өтінімі;

      12) кепілдендіру бойынша субсидия алуға арналған өтінім – қарыз алушының кредиттері бойынша берілген комиссияның бір бөлігін субсидиялауға берілетін кепілгердің электрондық өтініші;

      13) кредит – банктің Қазақстан Республикасының ұлттық валютасында ақылылық, мерзімділік, қайтарымдылық, қамтамасыз етілу және нысаналы мақсат шарттарымен кредит шарты бойынша қарыз алушыға беретін қарыз қаражаты;

      14) қарыз алушы – кредитормен қарыз шартын жасасқан жеке немесе заңды тұлға, сондай-ақ дара кәсіпкер (оның ішінде шаруа (фермер) қожалығы);

      15) кредитор – екінші деңгейдегі банктер, банктік операцияларды жүзеге асыру құқығына тиісті лицензиясы бар агроөнеркәсіптік кешен саласындағы ұлттық басқарушы холдингтің еншілес ұйымдары, сондай-ақ агроөнеркәсіптік кешен саласындағы лизингтік компаниялар, кредиттік серіктестіктер мен микроқаржы ұйымдары;

      16) кредиттік шарт – банк пен кәсіпкер арасындағы жазбаша келісім, оның шарты бойынша банк кәсіпкерге кредит береді. Кредит шартына кредиттік желіні ашу туралы келісім де кіреді;

      Ислам Банкі үшін кредиттік шарт қаржыландыру шарты деп түсініледі – ислам банкі мен кәсіпкер арасында жасалған жазбаша келісім, оның талаптары бойынша ислам банкі кәсіпкер-сатып алушыға немесе тауар сатушыға коммерциялық кредит береді. Қаржыландыру шартына сондай-ақ бас қаржыландыру келісімі жатады, оның шеңберінде ислам банкі мен кәсіпкер коммерциялық кредит (қаржыландыру) беру туралы жекелеген шарттар жасасады. Коммерциялық кредит деп исламдық банктердің кәсіпкердің сауда делдалы ретінде кәсіпкердің сауда қызметін кәсіпкерге тауар бағасынан және тауарға үстеме бағадан қалыптасатын тауарды сату бағасы бойынша төлемді кейінге қалдыра отырып немесе бөліп-бөліп төлей отырып тауарды сату жолымен қаржыландыруы түсініледі;

      17) көрсетілетін қызметті жеткізуші – мемлекеттік сатып алу туралы заңнамаға сәйкес ауыл шаруашылығы мәселелері жөніндегі ЖАО (көрсетілетін қызметті беруші) айқындайтын субсидиялаудың ақпараттық жүйесіне қол жеткізуді және оны сүйемелдеуді қамтамасыз ететін тұлға;

      18) сақтандыру ұйымы – қаржы нарығын және қаржы ұйымдарын реттеу, бақылау және қадағалау жөніндегі уәкілетті органның тиісті лицензиясы негізінде сақтандыру шарттарын жасасу және орындау жөніндегі қызметті жүзеге асыратын заңды тұлға;

      19) субсидиялаудың ақпараттық жүйесі – субсидиялау процестерін орындау жөніндегі қызметтерді көрсетуге арналған, "электрондық үкімет" веб-порталымен өзара іс-қимыл жүргізуге, сондай-ақ өтінімді субсидиялау шарттарына сәйкестігіне автоматты түрде тексеру арқылы оны өңдеуге мүмкіндік беретін ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдастырылып, ретке келтірілген жиынтығы;

      20) субсидиялаудың ақпараттық жүйесінің веб-порталы (бұдан әрі – веб-портал) – Интернет желісінде орналастырылған, субсидиялаудың ақпараттық жүйесіне қолжетімділік беретін интернет-ресурс;

      21) субсидиялауға арналған өтінімдердің электрондық тізілімі (бұдан әрі - тізілім) – субсидия алуға арналған өтінімдер туралы, сондай-ақ қарыз алушылар, кредиторлар туралы мәліметтер жиынтығы және субсидиялаудың ақпараттық жүйесінде көрсетілген өзге де мәліметтер;

      22) талап ету құқығы – оның басталуымен кепілдендіру/сақтандыру шарты кепілдік бойынша төлемді/сақтандыру төлемін жүзеге асыруды көздейтін оқиға;

      23) ұсыныс – электрондық цифрлық қолтаңбалар қойылған, қарыз алушы мен сақтандыру ұйымының субсидиялау шартын жасасуға арналған бірлескен электрондық ұсынысы;

      24) "электрондық үкіметтің" веб-порталы – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополия субъектілерінің желілеріне қосылуға техникалық шарттар беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болатын ақпараттық жүйе;

      25) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесiлiлiгiн және мазмұнының өзгермейтіндігін растайтын, ұлттық куәландырушы орталығы берген электрондық цифрлық нышандар жиыны.

      3. Кепілдік бойынша комиссияның бір бөлігін субсидиялау осы Қағидаларға 1-қосымшаға сәйкес қызмет түрлері бойынша және мынадай талаптарға сәйкес келетін кредиттік шарттар бойынша жүзеге асырылады::

      1) банктер инвестицияларға және айналым қаражатын толықтыруға беретін (оның ішінде жаңартылатын негізде), бұл ретте айналым қаражатының мөлшері кредит сомасының 50 (елу) пайызынан (бұдан әрі – %) аспайды. Егер осы кредиттің мөлшері қарыз алушының жалпы кредиттелетін сомасының 50 (елу) %-ынан аспаса, 100 (жүз) % айналым қаражатын толықтыруға бағытталған кредит бойынша кепілдікті субсидиялауға жол беріледі;

      2) кредит мерзімі – 10 (он) жылдан аспайды;

      3) сыйақы мөлшерлемесі немесе ислам қағидаттарында қаржыландыруға қолданылатын кірістілік мөлшерлемесі теңгемен жылдық 17 (он жеті) %-дан артық емес мөлшерде;

      4) кредит валютасы – теңге;

      5) жеңілдікті кезең өткеннен кейін негізгі борышты жыл сайын тең үлестермен өтеумен

      6) ең жоғары сомасы 3 (үш) миллиард теңгеден артық емес;

      7) нысаналы мақсаты негізгі құралдарды сатып алу, құрылыс, ауыл шаруашылығы жануарларын, техника мен технологиялық жабдықты сатып алуға айналым қаражатын толықтыру болып табылады.

      4. Кепілдік мөлшері – (осы Қағидалардың 5-тармағын қоспағанда) негізгі берешек сомасының 50 (елу) %-ынан артық емес.

      5. Басым инвестициялық жобалар бойынша кепілдік мөлшері жоба пайдалануға берілгенге дейін 85 (сексен бес) %-дан аспайды. Жобаны пайдалануға бергеннен кейін кепілдік мөлшері осы Қағидалардың 4-тармағына сәйкес мөлшерге дейін төмендейді.

      Басым инвестициялық жобалардың тізбесі осы Қағидаларға 2-қосымшаға сәйкес айқындалған.

      Жоба бойынша ғимараттар мен құрылыс-жайларды пайдалануға беру актісін уәкілетті органда тіркеу және (немесе) уәкілетті органда техниканы тіркеу және /немесе құны жоба құнының кемінде 50 (елу) %-ын құрайтын жабдықтарды және (немесе) биологиялық активтерді қабылда-беру актісіне қол қою жобаны пайдалануға беру болып есептеледі.

      6. Кепілдік беру үшін комиссия кепілдік соммасының 30 (отыз) %-нан аспайды, бұл ретте кепілдік соммасының 29,9 (жиырма тоғыз бүтін оннан тоғыз) % -дан аспайтын бір реттік субсидиялау жүзеге асырылады.

      7. Сақтандыру сыйлықақысы бойынша комиссияның бір бөлігін субсидиялау мынадай шарттарға сәйкес келетін қарыз шарты бойынша жүзеге асырылады:

      1) сыйақы мөлшерлемесі немесе ислам қағидаттарында қаржыландыруға қолданылатын кірістілік мөлшерлемесі теңгемен жылдық 17 (он жеті) %-дан артық емес мөлшерде;

      2) ең жоғары сомасы 1,5 миллиард теңгеден артық емес;

      3) нысаналы мақсаты негізгі құралдарды сатып алу, құрылыс, ауыл шаруашылығы жануарларын, техника мен технологиялық жабдықты сатып алуға айналым қаражатын толықтыру болып табылады.

      8. Сақтандыру сомасы кредит бойынша негізгі берешек сомасының 50 (елу) %-нан артық болмауы тиіс.

      9. Сақтандыру сыйлықақысы сақтандыру сомасының 30 (отыз) %-ынан артық болмауы тиіс, бұл ретте сақтандыру сыйлықақысының 50 (елу) %-дан аспайтын бір реттік субсидиялау жүзеге асырылады.

      10. Кредитордың сақтандыру шарты бойынша талап ету құқығы қарызды өтеудің екінші кезегінде басталады. Егер қарыздың өтелмеген/мерзімі өткен бөлігінің мөлшері берілген қарыз сомасының 50 (елу) %-ынан артық болмаса, сақтандыру шарты сақтандыру төлемін жүзеге асыруды көздемейді.

      11. Егер қарыздың өтелмеген/мерзімі өткен бөлігінің мөлшері берілген қарыз сомасының 50 (елу) %-нан артық болса, сақтандыру ұйымы берілген қарыздың 50 (елу) %-ы мен өтелмеген/мерзімі өткен бөлік мөлшері арасындағы айырмашылықтан аспайтын мөлшерде сақтандыру төлемін жүзеге асырады.

      12. Субсидиялау шарты сақтандыру шартының мерзімі аяқталғанға дейін бұзылған жағдайда субсидиялау шартын қайта жасасуға жол берілмейді.

      13. Ұсыныс берілгенге дейін 30 (отыз) жұмыс күнінен ерте жасалған сақтандыру шарттары субсидиялауға жатпайды.

      14. Ауыл шаруашылығы мәселелері жөніндегі ЖАО (көрсетілетін қызметті беруші) агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау жөніндегі жеке ай сайынғы қаржыландыру жоспарын (бұдан әрі – Қаржыландыру жоспары) бекіткеннен кейін 3 (үш) жұмыс күні ішінде оны веб-порталда орналастырады.

2-тарау. Субсидия алу шарттары

      15. Кепілдендіру бойынша субсидиялар мынадай шарттар сақталған кезде төленеді:

      1) кепілгер кепілдік шарты жасалғаннан кейін осы Қағидаларға 3-қосымшаға сәйкес нысан бойынша кепілдендіру бойынша субсидия алуға арналған өтінімді "электрондық үкімет" веб-порталының субсидиялаудың ақпараттық жүйесімен өзара іс-қимылы арқылы электронды түрде беруі;

      2) субсидиялаудың ақпараттық жүйесінде кепілдендіру бойынша субсидия алуға арналған өтінімді тіркеуі;

      3) субсидиялаудың ақпараттық жүйесінде деректері субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорларымен ақпараттық өзара іс-қимылы нәтижесінде расталған кепілгерде жеке шотының болуы.

      16. Сақтандыру бойынша субсидиялар мынадай шарттар сақталған кезде төленеді:

      1) сақтандыру ұйымы Қағидаларға 4-қосымшаға сәйкес нысан бойынша сақтандыру бойынша субсидиялауға арналған өтінімді "электрондық үкімет" веб-порталының субсидиялаудың ақпараттық жүйесімен өзара іс-қимылы арқылы электронды түрде беруі;

      2) сақтандыру бойынша субсидиялауға арналған өтінімді субсидиялаудың ақпараттық жүйесінде тіркеуі;

      3) субсидиялаудың ақпараттық жүйесінде деректері субсидиялаудың ақпараттық жүйесінің "Заңды тұлғалар" немесе "Жеке тұлғалар" мемлекеттік дерекқорларымен ақпараттық өзара іс-қимылы нәтижесінде расталған қарыз алушыда және сақтандыру ұйымында жеке шоттарының болуы;

      4) веб-порталда осы Қағидаларға 5-қосымшаға сәйкес нысан бойынша жасалған агроөнеркәсіптік кешен субъектілерінің қарыздарын сақтандыру шеңберіндегі қолданыстағы (бұзылмаған және тоқтатылмаған) субсидиялау шартын сақтандыру бойынша субсидиялауға берілген өтінімнің болуы.

      17. Мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік көрсетілетін қызметті алуға қойылатын негізгі талаптар тізбесі осы Қағидаларға 6-қосымшаға сәйкес "Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау" мемлекеттік көрсетілетін қызмет стандартында баяндалған.

      Веб-портал мен субсидиялаудың ақпараттық жүйесінің ақпараттық өзара іс-қимылы "Ақпараттандыру туралы" 2015 жылғы 24 қарашадағы Қазақстан Республикасы Заңының 43-бабына сәйкес жүзеге асырылады.

      18. Субсидия беру үшін қажетті мәліметтерді қамтыған субсидиялаудың ақпараттық жүйесі істен шыққан жағдайда, ауыл шаруашылығы мәселелері жөніндегі ЖАО (көрсетілетін қызметті беруші) туындаған ахуал туралы оны жоюға кірісетін субсидиялаудың ақпараттық жүйесіне қолжетімділік беретін көрсетілетін қызметті жеткізушіні дереу хабардар етеді.

      Бұл ретте, көрсетілетін қызметтерді жеткізуші туындаған істен шығуды жою жөніндегі жұмысты жүргізгеннен кейін 1 (бір) жұмыс күні ішінде техникалық проблема туралы хаттама жасайды және оған ауыл шаруашылығы мәселелері жөніндегі ЖАО (көрсетілетін қызметті беруші) қол қояды.

      Ауыл шаруашылығы мәселелері жөніндегі ЖАО (көрсетілетін қызметті беруші) Мемлекеттік көрсетілетін қызметтер туралы заңның 5-бабы 2-тармағының 11) тармақшасына сәйкес субсидия алу сатысы туралы дерекетерді мемлекеттік қызмет көрсету мониторингтің ақпараттық жүйесіне енгізуді қамтамасыз етеді.

3-тарау. Субсидияларды төлеу тәртібі

1-параграф. Кепілдендіру бойынша субсидиялар төлеу тәртібі

      19. Веб-портал (бұдан әрі – жеке кабинет) арқылы тізілім деректеріне қол жеткізуді ұсыну үшін:

      1) кепілгер субсидиялардың ақпараттық жүйесінде өздігінен тіркеу үшін ЭЦҚ алады;

      2) кепілгер жыл сайын көрсетілетін қызметті жеткізушіге ЭЦҚ-сы бар өзектендірілген жұмыскерлердің тізімін жолдайды.

      Ауыл шаруашылығы мәселелері жөніндегі ЖАО (көрсетілетін қызметті беруші) жыл сайын 20 қаңтарға дейін көрсетілетін қызметті жеткізушіге ЭЦҚ-сы бар өзектендірілген жұмыскерлердің тізімін жолдайды.

      Субсидиялаудың ақпараттық жүйесіне қол жеткізу Қазақстан Республикасы Ауыл шаруашылығы министрлігіне өтеусіз негізде тұрақты онлайн режимінде ұсынылады.

      20. Жеке кабинетте тіркелу үшін кепілгер мынадай мәліметтерді көрсетеді:

      1) бизнес сәйкестендіру нөмірі, толық атауы, бірінші басшының тегі, аты, әкесінің аты (бар болса) және жеке сәйкестендіру нөмірі;

      2) байланыс деректері (почталық мекенжайы, телефоны, электрондық почта мекенжайы);

      3) екінші деңгейдегі банктің ағымдағы шотының деректемелері.

      Жоғарыда көрсетілген мәліметтер өзгерген жағдайда, кепілгер 1 (бір) жұмыс күні ішінде жеке кабинетке енгізілген жеке шот деректерін өзгертеді.

      21. Осы Қағидаларға 7-қосымшаға сәйкес нысан бойынша кепілдендіру бойынша субсидия алуға арналған алдын ала өтінімді қалыптастыру және тіркеу жеке кабинетте мынадай тәртіппен жүргізіледі:

      1) банкке кредит алуға өтінім келіп түскен кезде (кепілгерге кепілдік беруге өтініммен одан әрі жүгіну ниетімен) банк кепілдендіру бойынша субсидия алуға алдын ала өтінім қалыптастырылатын кепілгерге хабарлайды;

      2) кепілдендіру бойынша субсидия алуға арналған алдын ала өтінім ЭЦҚ-ны пайдалана отырып, кепілгердің қол қоюы арқылы субсидиялаудың ақпараттық жүйесінде тіркеледі және ауыл шаруашылығы мәселелері жөніндегі ЖАО-ның (көрсетілетін қызметті берушінің) жеке кабинетінде қолжетімді болады. Ауыл шаруашылығы мәселелері жөніндегі ЖАО-ның (көрсетілетін қызметті берушінің) электрондық мекенжайына кепілдендіру бойынша субсидия алуға арналған алдын ала өтінімнің қарауына келіп түскені туралы электрондық хабарлама жіберіледі.

      Кепілдік шартын жасасқаннан кейін кепілгер кепілдендіру бойынша субсидия алуға арналған алдын ала өтінімді қайтарып алады және кепілдендіру бойынша субсидия алуға өтінім береді.

      22. Осы Қағидаларға 3-қосымшаға сәйкес нысан бойынша кепілдендіру бойынша субсидия алуға арналған өтінімді қалыптастыру және тіркеу жеке кабинетте мынадай тәртіппен жүргізіледі:

      1) субсидиялаудың ақпараттық жүйесін тексеру үшін қажетті мәліметтерді енгізе отырып, кепілдендіру бойынша субсидия алуға арналған өтінім қалыптастырылады;

      2) кепілдендіру бойынша субсидия алуға арналған өтінім ЭЦҚ-ны пайдалана отырып, кепілгердің қол қоюы арқылы субсидиялаудың ақпараттық жүйесінде тіркеледі және ауыл шаруашылығы мәселелері жөніндегі ЖАО-ның (көрсетілетін қызметті берушінің) жеке кабинетінде қолжетімді болады. Ауыл шаруашылығы мәселелері жөніндегі ЖАО-ның (көрсетілетін қызметті берушінің) электрондық мекенжайына кепілдендіру бойынша субсидия алуға арналған өтінімнің қарауына келіп түскені туралы электрондық хабарлама жіберіледі.

      23. Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы кепілдендіру бойынша субсидиялауға өтінім тіркелген сәттен бастап 1 (бір) жұмыс күні ішінде тиісті хабарламаға ЭЦҚ қою арқылы оның қабылдағанын растайды. Субсидиялауға өтінімді растау электрондық құжат түрінде субсидиялаудың ақпараттық жүйесінде кепілгердің жеке кабинетіне жіберіледі.

      Егер ауыл шаруашылығы мәселелері жөніндегі ЖАО (көрсетілетін қызметті беруші) төлем шоттарын қалыптастырғанға дейін кепілдендіру бойынша субсидия алуға тіркелген өтінімде деректердің сәйкессіздігі анықталған жағдайда, кепілгер қайтарып алу себептерін көрсете отырып, кепілдендіру бойынша субсидия алуға арналған өтінімді қайтарып алады.

      24. Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы кепілдендіру бойынша субсидиялауға өтінім берген сәттен бастап 2 (екі) жұмыс күні ішінде оның осы Қағидаларда белгіленген талаптарға сәйкестігін тексереді және тексеру қорытындылары бойынша Қаржыландыру жоспарына сәйкес "Қазынашылық-клиент" ақпараттық жүйесіне жүктелетін кепілдендіру бойынша субсидияны төлеуге арналған төлем шотын субсидиялаудың ақпараттық жүйесінде қалыптастырады.

      Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы осы Қағидаларға 8-қосымшаға сәйкес нысан бойынша субсидияны аудару туралы хабарламаны не мемлекеттік көрсетілетін қызмет стандартының 9-тармағында көзделген жағдайларда және негіздер бойынша осы Қағидаларға 9-қосымшаға сәйкес нысан бойынша мемлекеттік қызметті көрсетуден бас тарту туралы хабарламаны дайындайды.

      Субсидияны аудару туралы хабарлама не мемлекеттік қызметті көрсетуден бас тарту туралы хабарлама электрондық құжат нысанында субсидиялаудың ақпараттық жүйесінде тіркеу кезінде кепілгер көрсеткен электрондық почта мекенжайына, сондай-ақ кепілгердің субсидиялаудың ақпараттық жүйесіндегі жеке кабинетіне жіберіледі.

      25. Субсидиялар көлемі тиісті айға арналған Қаржыландыру жоспарында көзделген бюджет қаражатының көлемінен асатын кепілдендіру бойынша субсидия алуға арналған өтінімдер бойынша төлем өтінімдер келіп түскен күнге сәйкес кезектілік бойынша келесі айда жүзеге асырылады.

      Жобаларға кепілдік беруге бөлінген бюджет қаражатының жетіспеушілігі туындаған жағдайда, ауыл шаруашылығы мәселелері жөніндегі ЖАО (көрсетілетін қызметті беруші) кепілгерді ағымдағы қаржы жылында жобаларға кепілдік беруді тоқтата тұру туралы хабардар етеді.

      26. Субсидиялау мынадай жағдайларда тоқтатылады:

      1) заңды күшіне енген сот шешімі бойынша кепілгердің шоттарына тыйым салынуы;

      2) кепілгердің субсидия алудан бас тарту туралы жазбаша өтініші;

      3) кепілдік шартының бұзылуы.

2-параграф. Сақтандыру бойынша субсидияларды төлеу тәртібі

      27. Сақтандыру бойынша субсидиялау мынадай процестерді қамтиды:

      1) ұсыныс қабылдау;

      2) субсидиялау шартын жасасу;

      3) қарыз алушыны субсидиялау кестесін қалыптастыру;

      4) сақтандыру бойынша субсидиялауға өтінім беру;

      5) субсидияларды төлеу;

      6) субсидиялау шартын өзгерту;

      7) субсидиялау шартын тоқтату.

      28. Субсидиялаудың ақпараттық жүйесінде жеке шот ашу үшін қарыз алушыда және сақтандыру ұйымында ЭЦҚ болуы тиіс.

      Қарыз алушы және сақтандыру ұйымы жеке шоттар ашқан кезде тіркелу үшін мынадай мәліметтерді көрсетеді:

      1) жеке тұлғалар және дара кәсіпкерлер үшін: жеке сәйкестендіру нөмірі, аты, әкесінің аты (бар болса), тегі;

      2) заңды тұлғалар және бірлескен кәсіпкерлік нысанындағы дара кәсіпкерлер үшін: бизнес сәйкестендіру нөмірі, толық атауы; бірінші басшысының аты, әкесінің аты (бар болса), тегі және жеке сәйкестендіру нөмірі;

      3) байланыс деректері (почталық мекенжайы, телефоны, электрондық почта мекенжайы);

      4) екінші деңгейдегі банктің ағымдағы шотының деректемелері.

      Жоғарыда көрсетілген деректер өзгерген жағдайда, қарыз алушы және сақтандыру ұйымы 1 (бір) жұмыс күні ішінде жеке кабинетке енгізілген жеке шот деректерін өзгертеді.

      29. Осы Қағидаларға 10-қосымшаға сәйкес нысан бойынша ұсыныстар қабылдау веб-портал арқылы тиісті жылдың 1 ақпанынан бастап жүзеге асырылады.

      30. Ұсынысты қарыз алушы береді және ол сақтандыру ұйымының ЭЦҚ-сымен расталады.

      31. Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы, ұсынысты алған күннен бастап 2 (екі) жұмыс күні ішінде веб-порталда мынадай іс-қимылдарды:

      1) ұсынысты субсидиялаудың ақпараттық жүйесінде тіркеуді;

      2) ұсыныстың осы Қағидаларда белгіленген субсидиялау шарттарына сәйкестігін тексеруді, оның ішінде сақтандыру шарты талаптарының осы Қағидаларға 11-қосымшаға сәйкес белгіленген сақтандыру шарттарына қойылатын талаптарға сәйкестігін тексеруді;

      3) ұсыныс бойынша шешімді қабылдау мен ресімдеуді жүзеге асырады.

      32. Ауыл шаруашылығы мәселелері жөніндегі ЖАО-ның (көрсетілетін қызметті берушінің) ұсыныс бойынша шешімі:

      1) сақтандыру ұйымының атауын және орналасқан жерін;

      2) өтінімі бойынша субсидиялау шартын жасасу/жасасудан бас тарту туралы шешім қабылданған қарыз алушының атауы мен орналасқан жерін және, бас тартылған жағдайда, осындай бас тарту себептерінің тізбесін;

      3) кредит (қарыз) сомасын;

      4) сыйақы мөлшерлемесін;

      5) кредит беру мерзімін;

      6) кредиттің нысаналы мақсатын;

      7) сақтандыру сомасын;

      8) сақтандыру мерзімін;

      9) субсидиялау мерзімін;

      10) ағымдағы жылы төленетін субсидиялау сомасын қамтиды.

      33. Ұсыныс бойынша шешімге ауыл шаруашылығы мәселелері жөніндегі ЖАО-ның (көрсетілетін қызметті берушінің) бірінші басшысының не оны алмастыратын адамның ЭЦҚ-сы қойылады.

      Ұсыныс бойынша шешім қарыз алушының және сақтандыру ұйымының субсидиялаудың ақпараттық жүйесіндегі жеке шотына жіберіледі.

      34. Субсидиялау шарты веб-порталда ауыл шаруашылығы мәселелері жөніндегі ЖАО-ның (көрсетілетін қызметті берушінің) шешімі негізінде қарыз алушы, сақтандыру ұйымы және ауыл шаруашылығы мәселелері жөніндегі ЖАО-ның (көрсетілетін қызметті берушінің) арасында 3 (үш) жұмыс күні ішінде қарыз алушы, сақтандыру ұйымы ауыл шаруашылығы мәселелері жөніндегі ЖАО-ның (көрсетілетін қызметті берушінің) ұсыныс бойынша оң шешім туралы хабарламасын алған күннен бастап электрондық нысанда жасалады.

      35. Қарыз алушы, сақтандыру ұйымы немесе ауыл шаруашылығы мәселелері жөніндегі ЖАО (көрсетілетін қызметті беруші) ұсыныс бойынша шешім қабылдаған күннен бастап 10 (он) жұмыс күні ішінде субсидиялау шартына қол қоймаған жағдайда, ауыл шаруашылығы мәселелері жөніндегі ЖАО-ның (көрсетілетін қызметті берушінің) бұрын қабылдаған шешімі жойылады. Қайталама ұсынысты қалыптастыру осы Қағидалардың талаптарына сәйкес жүзеге асырылады.

      36. Субсидиялау шарты мынадай жағдайларда оны бұзуды көздейді:

      1) қарыз алушының немесе сақтандыру ұйымының субсидиялар алудан бас тартуы туралы жазбаша өтініші;

      2) қарыз алушының қарыз шарты бойынша кредитор алдындағы міндеттемелерін толық өтеуі;

      3) қарыз алушының сақтандыру сыйлықақысының субсидияланбайтын бөлігін өтеу бойынша сақтандыру ұйымы алдындағы міндеттемелерін орындамауы;

      4) сақтандыру шартын бұзу немесе тоқтату.

      37. Сақтандыру ұйымы субсидиялау шартына қол қойылғаннан кейін 14 (он төрт) жұмыс күні ішінде веб-порталда сақтандыру ұйымы және ауыл шаруашылығы мәселелері жөніндегі ЖАО (көрсетілетін қызметті беруші) ЭЦҚ қоятын, осы Қағидаларға 12-қосымшаға сәйкес нысан бойынша қарыз алушыны субсидиялау кестесін қалыптастырады.

      38. Сақтандыру бойынша субсидиялауға арналған өтінімді сақтандыру ұйымы тиісті жылдың 1 ақпаннан бастап береді.

      Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы сақтандыру бойынша субсидиялауға өтінімді алған сәттен бастап 1 (бір) жұмыс күні ішінде тиісті хабарламаға ЭЦҚ-мен қол қою жолымен оның қабылданғанын растайды. Субсидиялауға арналған өтінімді растау туралы хабарлама электрондық құжат нысанында сақтандыру ұйымының субсидиялаудың ақпараттық жүйесіндегі жеке кабинетіне жіберіледі.

      Егер, ауыл шаруашылығы мәселелері жөніндегі ЖАО (көрсетілетін қызметті беруші) төлем шоттарын қалыптастырғанға дейін тіркелген сақтандыру бойынша субсидиялауға арналған өтінімде деректердің сәйкессіздігі анықталған жағдайда, сақтандыру ұйымы қайтару себебін көрсете отырып, сақтандыру бойынша субсидиялауға арналған өтінімді қайтарып алады.

      39. Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы сақтандыру бойынша субсидиялауға арналған өтінім берілген сәттен бастап 2 (екі) жұмыс күні ішінде оның осы Қағидаларда белгіленген талаптарға сәйкестігін тексеруді жүзеге асырады және тексеру қорытындылары бойынша қаржыландыру жоспарына сәйкес сақтандыру сыйлықақысы бойынша субсидияны сақтандыру ұйымының банктік шотына аудару үшін "Қазынашылық-клиент" ақпараттық жүйесіне жүктелетін субсидияларды төлеуге арналған төлем шоттарын субсидиялаудың ақпараттық жүйесінде қалыптастырады.

      Ауыл шаруашылығы мәселелері жөніндегі ЖАО-ның (көрсетілетін қызметті берушінің) жауапты орындаушысы осы Қағидаларға 8-қосымшаға сәйкес нысан бойынша субсидияны аудару туралы хабарламаны немесе мемлекеттіккөрсетілетін қызмет стандартының 9-тармағында көзделген жағдайларда және негіздер бойынша осы Қағидаларға 9-қосымшаға сәйкес нысан бойынша мемлекеттік қызметті көрсетуден бас тарту туралы хабарламаны дайындайды.

      Субсидияны беру туралы хабарлама не мемлекеттік қызметті көрсетуден бас тарту туралы хабарлама электрондық құжат нысанында субсидиялаудың ақпараттық жүйесінде тіркеу кезінде сақтандыру ұйымы көрсеткен электрондық почта мекенжайына, сондай-ақ кепілгердің субсидиялаудың ақпараттық жүйесіндегі жеке кабинетіне жіберіледі.

      40. Субсидиялар көлемі тиісті айға арналған Қаржыландыру жоспарында көзделген бюджет қаражатының көлемінен асатын сақтандыру бойынша субсидия алуға субсидия алуға арналған өтінімдер бойынша субсидияларды төлеу өтінімдер келіп түскен күнге сәйкес кезектілік бойынша келесі айда жүзеге асырылады.

      41. Сақтандыру ұйымы субсидиялау шартын өзгерту/бұзу үшін негіз болып табылатын оқиға туындаған кезде субсидиялаудың ақпараттық жүйесінде ауыл шаруашылығы мәселелері жөніндегі ЖАО-ны (көрсетілетін қызметті берушіні) осындай оқиға туралы 3 (үш) жұмыс күні ішінде хабардар етеді.

      42. Ауыл шаруашылығы мәселелері жөніндегі ЖАО (көрсетілетін қызметті беруші ) сақтандыру ұйымынан хабарлама алған күннен бастап 5 (бес) жұмыс күні ішінде субсидиялау шартын өзгертуге/бұзуға шешім қабылдайды және ресімдейді және қабылданған шешімнің көшірмесін қоса бере отырып, бұл туралы қарыз алушыны және сақтандыру ұйымын субсидиялаудың ақпараттық жүйесінде хабардар етеді.

      43. Сақтандыру ұйымы субсидиялау шарты өзгергеннен кейін 5 (бес) жұмыс күні ішінде веб-порталда сақтандыру ұйымы және ауыл шаруашылығы мәселелері жөніндегі ЖАО (көрсетілетін қызметті беруші) ЭЦҚ-мен қол қойылатын қарыз алушыны субсидиялау кестесіне өзгерістер қалыптастырады

      44. Субсидиялау шарты қарыз алушы мен сақтандыру ұйымы ауыл шаруашылығы мәселелері жөніндегі ЖАО-ның тиісті шешімі туралы хабарламаны алған күннен бастап өзгертілген/бұзылған болып есептеледі.

4-тарау. Мемлекеттік қызмет көрсету мәселесі бойынша көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану тәртібі

      45. Мемлекеттік қызметтер көрсету мәселелері бойынша ауыл шаруашылығы саласындағы ЖАО-ның (көрсетілетін қызметті берушінің) шешіміне, әрекеттіне (әрекетсіздігіне) шағым облыстың, республикалық маңызы бар қаланың, астананың жергілікті атқарушы органы (бұдан әрі – жергілікті атқарушы орган) басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Қарыз алушының, кепілгердің, сақтандыру ұйымының шағымы Мемлекеттік көрсетілетін қызметтер туралы заңның 25-бабының 2-тармағына сәйкес:

      жергілікті атқарушы орган – оны тіркеген күннен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде қарауға жатады.

      46. Жергілікті атқарушы органның, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Мемлекеттік көрсетілетін қызметтер туралы заңның 25-бабының 4-тармағына сәйкес қажет болған жағдайда 10 (он) күнінен аспайтын мерзімге ұзартылады:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу.

      Шағымды қарау мерзімі ұзартылған жағдайда, шағымдарды қарау бойынша өкілеттік берілген лауазымды адам шағымды қарау мерзімі ұзартылған сәттен бастап 3 (үш) жұмыс күні ішінде шағым берген қарыз алушыға, кепілгерге, сақтандыру ұйымына ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      Қарыз алушы, кепілгер, сақтандыру ұйымы мемлекеттік қызмет көрсету нәтижелерімен келіспеген жағдайда, көрсетілетін қызметті алушы Мемлекеттік көрсетілетін қызметтер туралы заңның 4-бабы 1-тармағының 6) тармақшасына сәйкес сотқа жүгінеді

Қызмет түрлері

Басым инвестициялық жобалардың тізбесі

Кепілдендіру бойынша субсидия алуға арналған өтінім

      (Кімге) _________________________________________________________________________

      (облыстың, республикалық маңызы қаланың, астананың жергілікті атқарушы органына)

      (кімнен) ________________________________________________________________________

      (кепілгердің толық атауы)

      Осымен "ҚазАгро" Холдингі" акционерлік қоғамының кепілдік беру жөніндегі

      еншілес ұйымы (бұдан әрі – Кепілгер) Қазақстан Республикасы Ауыл шаруашылығы

      министрінің 2015 жылғы 30 қаңтардағы № 9-1/71 бұйрығымен (Нормативтік құқықтық

      актілерді мемлекеттік тіркеу тізілімінде № 12183 тіркелген) бекітілген Агроөнеркәсіптік

      кешен субъектілерінің қарыздарын кепілдендіру мен сақтандыру шеңберінде субсидиялау

      қағидаларына сәйкес Кепілгер, ___________ (қарыз алушының аты, әкесінің аты (бар болса),

      тегі (бұдан әрі – АӘТ)/атауы) және ____________ (екінші деңгейдегі банктің атауы (бұдан әрі

      – банк)) арасында кепілдік шартына қол қойылғанын хабарлайды.

      Кепілдік кредиттік шарт бойынша _________ (қарыз алушының АӘТ/атауы)

      ____________ (банктің атауы) алдындағы міндеттемелердің орындалуын қамтамасыз ету

      ретінде берілді.

      Жоғарыда баяндалғанға байланысты, сізден _________тенге (кепілдеме соммасынан

      29,9 (жиырма тоғыз бүтін оннан тоғыз) пайыз (бұдан әрі – %) мөлшерінде субсидияны

      мынадай дерекетемелерге аударуды сұраймыз:

      Төлемді тағайындаған кезде қарыз алушының АӘТ/атауын және кепілдік құны

      аударылатын кепілдік шартының күнін көрсетуді сұраймыз.

      1. Өтінім беруші туралы мәліметтер.

      АӘТ/атауы________________________________________________________________

      жеке сәйкестендіру нөмірі (бұдан әрі – ЖСН)/бизнес-сәйкестендіру нөмірі (бұдан әрі –

      БСН) _____________________________________________________________________

      басшының АӘТ ____________________________________________________________

      мекенжайы: _______________________________________________________________

      телефон (факс) нөмірі: ______________________________________________________

      2. Екінші деңгейдегі банктегі шот бойынша мәліметтер:

      БСН ______________________________________________________________________

      Бенефициар коды (бұдан әрі – Кбе) ____________________________________________

      Банк деректемелері: ________________________________________________________

      Банктің атауы: _____________________________________________________________

      БСК (банктік сәйкестендіру коды) _____________________________________________

      ЖСК (жеке сәйкестендіру коды) ______________________________________________

      БСН ______________________________________________________________________

      Кбе ______________________________________________________________________

      3. Банк және қарыз алушы арасында жасалған кредит шарты (бұдан әрі – КШ) туралы мәліметтер:

      кестенің жалғасы

      4. Кепілдік шарты туралы мәліметтер (бұдан әрі – КШ):

      Ұсынылған ақпараттың дұрыстығын растаймыз, Қазақстан Республикасының заңнамасына сәйкес дұрыс емес мәліметтер берілгені үшін жауапкершілік туралы хабардармыз және заңмен қорғалатын құпияны құрайтын мәліметтерді пайдалануға, сондай-ақ дербес деректер мен өзге де ақпаратты жинауға, өңдеуге, сақтауға, шығарып алуға және пайдалануға келісім береміз.

      Кепілгер 20__ жылы "__" __________ сағат ____ қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылы "__" ___________сағат ____ қабылдады:

      ЭЦҚ-дан алынған деректері

      ЭЦҚ қою күні мен уақыты

Сақтандыру бойынша субсидиялауға арналған өтінім

      Осымен, _________________________ сақтандыру ұйымы "Облыстық бюджеттерге, республикалық маңызы бар қалалар және астана бюджеттеріне берілетін агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялауға арналған нысаналы ағымдағы трансферттер" тиісті бюджеттік бағдарлама шеңберінде 20__ жылғы "____" __________ №__________ субсидиялау шартына сәйкес №____________ шотына (шоттың нөмірі көрсетілсін) 20__ жылғы "__" _______ бастап 20__ жылғы "__" _______ дейінгі кезеңге _______________________ теңге сомасына субсидия төлеуді сұрайды.

      Осымен:

      1) сақтандыру шарты Қазақстан Республикасы Ауыл шаруашылығы министрінің 2015 жылғы 30 қаңтардағы № 9-1 / 71 бұйрығымен (Нормативтік құқықтық актілерді мемлекеттік тіркеу тізілімінде № 12183 тіркелген) бекітілген Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларында белгіленген сақтандыру шарттарына қойылатын талаптарға сәйкес келсе;

      2) қарыз алушының қызметі қаржылық берешекті және жеделдетілген оңалту рәсімін қайта құрылымдау жағдайларын қоспағанда, ұйымдық-құқықтық нысанын өзгерту, тарату немесе банкроттық сатысында емес, сондай-ақ қызметі Қазақстан Республикасының қолданыстағы заңнамасына сәйкес тоқтатылмаса;

      3) қарыз алушыда кредиттік шарт бойынша қаражатты мақсатсыз пайдалану фактілері болмаса;

      4) қарыз алушыда кредиттік шарт бойынша негізгі борышты және/немесе сыйақыны өтеу бойынша мерзімі өткен міндеттемелер болмаса;

      5) қарыз алушы сақтандыру сыйлықақысының субсидияланбайтын бөлігін толық көлемде төлегені расталады.

      Сақтандыру ұйымы 20__ жылы "__" __________ сағат ____ қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылы "__" ___________сағат ____ қабылдады:

      ЭЦҚ-дан алынған деректері

      ЭЦҚ қою күні мен уақыты

Агроөнеркәсіптік кешен субъектілерінің қарыздарын сақтандыру шеңберінде субсидиялау шарты

      Бұдан әрі ауыл шаруашылығы мәселелері жөніндегі ЖАО деп аталатын ________________ облысының (қаланың) басқармасының атынан 20___ жылғы "____" __________ №__________ сенімхаттың негізінде әрекет ететін ________________ бір тараптан, бұдан әрі "Сақтандыру ұйымы" деп аталатын ________________ атынан ________________ негізінде әрекет ететін ________________ екінші тараптан, бұдан әрі "Қарыз алушы" деп аталатын ________________ атынан ________________ негізінде әрекет ететін ________________ үшінші тараптан, бұдан әрі бірлесіп "Тараптар", ал жеке-жеке "Тарап" деп аталатындар, төмендегілер туралы осы Сақтандыру сыйақысының бір бөлігін субсидиялау шартын (бұдан әрі – шарт) жасасты.

1-тарау. Терминдер мен айқындамалар

      1. Осы шартта Қазақстан Республикасы Ауыл шаруашылығы министрінің 2015 жылғы 30 қаңтардағы № 9-1 / 71 бұйрығымен (Нормативтік құқықтық актілерді мемлекеттік тіркеу тізілімінде № 12183 болып тіркелген) бекітілген Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларына (бұдан әрі – Субсидиялау қағидалары) сәйкес ұғымдар пайдаланылады.

2-тарау. Шарттың нысанасы

      2. Осы шарт сақтандыру ұйымына қаражат аудару тәртібі мен талаптарын, сақтандыру ұйымының субсидиялау қаражатын пайдалануын ауыл шаруашылығы мәселелері жөніндегі ЖАО мониторингтеу талаптарын, Тараптардың жауапкершілігін және өзгеде талаптарды көздейді.

3-тарау. Шарттың талаптары

      3. Осы шарт бойынша ауыл шаруашылығы мәселелері жөніндегі ЖАО шартта айқындалатын талаптарда Субсидиялау қағидаларына 12-қосымшаға сәйкес нысан бойынша қарыз алушыны субсидиялау кестесіне (бұдан әрі – субсидиялау кестесі) сәйкес "Облыстық бюджеттерге, республикалық маңызы бар қалалар және астана бюджеттеріне берілетін агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялауға арналған нысаналы ағымдағы трансферттер" тиісті бюджеттік кіші бағдарламасы бойынша бөлінген ақша сомасы шегінде субсидиялауды жүзеге асыруға міндеттенеді.

      4. Сақтандыру ұйымы осы Қағидаларға 9-қосымшаға сәйкес нысан бойынша субсидиялауға арналған өтінімді ауыл шаруашылығы мәселелері жөніндегі ЖАО-ға жолдайды, бұл ретте субсидиялар сомасы субсидиялау кестесіне сәйкес айқындалады.

      5. Ауыл шаруашылығы мәселелері жөніндегі ЖАО субсидиялауға арналған өтінімді алғаннан кейін 2 (екі) жұмыс күні ішінде оның субсидиялау кестесіне сәйкестігін тексеруді жүзеге асырады және тиісті төлем шоттарын қазынашылық органдарына жолдайды.

4-тарау. Тараптардың құқықтары мен міндеттері

      6. Ауыл шаруашылығы мәселелері жөніндегі ЖАО:

      1) осы шартта белгіленген, Тараптар үшін көзделген міндеттемелерді орындау мерзімдерінің сақталуын бақылауды жүзеге асыруға және олардың уақтылы орындалуын талап етуге;

      2) сақтандыру ұйымынан қарыз алушының өтеу кестесіне сәйкес төлемдерді жүзеге асыру бойынша кредитордың алдындағы міндеттемелерін орындау барысы туралы құжаттар мен ақпаратты сұратуға;

      3) өзінің құқықтарын және өзіне жүктелген міндеттерді іске асыру үшін сақтандыру ұйымынан қажетті ақпаратты, оның ішінде коммерциялық және банк құпиясы қамтылған мәліметтерді, субсидиялау рәсіміне қатысатын қарыз алушы туралы құжаттар мен ақпаратты сұратуға және оларды алуға құқылы.

      7. Ауыл шаруашылығы мәселелері жөніндегі ЖАО шартта көзделген мерзімдерде субсидиялардың сомаларын сақтандыру ұйымының арнайы шотына аударуға міндеттенеді.

      8. Қарыз алушы мен сақтандыру ұйымы қарыз алушыны субсидиялауды тоқтату жағдайын қоспағанда, ауыл шаруашылығы мәселелері жөніндегі ЖАО-дан осы шарт шеңберінде көзделген сақтандыру сыйақысының субсидияланатын бөлігін уақтылы аударуды талап етуге құқылы.

      9. Сақтандыру ұйымы , ауыл шаруашылығы мәселелері жөніндегі ЖАО-ға Субсидиялау қағидаларына 8-қосымшаға сәйкес нысан бойынша субсидиялауға арналған өтінімді ұсынуға міндетті.

5-тарау. Тараптардың жауапкершілігі

      10. Осы шарт бойынша Тараптар осы шартқа және Қазақстан Республикасының заңдарына сәйкес осы шарттан туындайтын міндеттемелерді орындамағаны және/немесе тиісінше орындамағаны үшін жауапкершілікте болады.

6-тарау. Еңсерілмейтін күштің мән-жайлары

      11. Тараптар, егер орындай алму еңсерілмейтін күштің мән-жайлары салдарынан болса, осы шарт бойынша өз міндеттемелерін орындамағаны, не тиісінше орындамағаны үшін жауапкершіліктен босатылады.

      12. Еңсерілмейтін күштің мән-жайларының басталуынан Тараптар осы шарт бойынша міндеттемелерін орындай алмаса, басталу сәтінен бастап 10 (он) жұмыс күні ішінде екінші Тарапты осындай мән-жайлар туралы уақтылы хабардар етуі тиіс. Бұл ретте еңсерілмейтін күштің мән-жайларының сипаты, әрекет ету кезеңі, басталу фактісі уәкілетті мемлекеттік органдардың тиісті құжаттарымен расталуы тиіс.

      13. Уақтылы хабарламаған жағдайда, Тарап екінші Тарапқа хабарламау немесе уақтылы хабарламаудан келтірілген зиянды өтеуге міндетті.

      14. Еңсерілмейтін күштің мән-жайларының басталуы олардың әрекет ету кезеңіне осы шарттың орындалу мерзімін ұлғайтуға алып келеді.

      15. Егер осындай мән-жайлар қатарынан 3 (үш) ай бойы жалғасатын болса, онда Тараптардың кез келгені осы шарт бойынша міндеттемелерін одан әрі орындаудан бас тартуға құқылы.

7-тарау. Қорытынды ережелер

      16. Хат-хабар тиісті түрде ресімделген жағдайда (хат-хабар бланкінде ұсынылса, басшының қолы қойылса және тіркеу нөмірі, күні бар болса, ол тиісті түрде ресімделген болып саналады), қолма-қол табысталса, почта арқылы немесе қатысушы Тараптың мекенжайына курьерлік байланыс арқылы жеткізілсе, тиісті түрде ұсынылған немесе жолданған болып саналады.

      17. Осы шарт талаптарын, оның ішінде осы шарттың қолданылу мерзімін кез келген өзгерту, тоқтату субсидиялау шартын өзгерту/бұзу үшін негіз болып табылатын оқиғаның басталғаны туралы кепілгерден/сақтандыру ұйымынан ауыл шаруашылығы мәселелері жөніндегі ЖАО хабарламаны алған күннен бастап 5 (бес) жұмыс күні ішінде ресімделеді.

      18. Осы шарт бойынша туындайтын барлық талаптар Қазақстан Республикасының заңнамасына және осы шартқа сәйкес қойылады. Бұл ретте Тараптар дауларды, наразылықтарды міндетті түрде сотқа дейінгі тәртіппен шешу туралы уағдаласты. Барлық жағдайларда қолданылатын заңнама Қазақстан Республикасының заңнамасы болып табылады.

      19. Осы шартқа қол қойған кезде қарыз алушы дербес деректерді жинауға, өңдеуге, сондай-ақ оларды бизнесті мемлекеттік қолдау шараларының субъектілік мониторингі бойынша ақпараттық жүйесін құру жөніндегі жоба шеңберінде бюджетті атқару жөніндегі уәкілетті органға сұрау салу бойынша беруге келісім береді.

      20. Осы шарт барлық Тараптардың уәкілетті өкілдері қолдарын қойған күннен бастап күшіне енеді және субсидиялау кестесіне сәйкес сақтандыру шарттары мерзімінің соңына дейін қолданылады.

      21. Шарт мынадай жағдайларда бұзылады:

      1) қарыз алушының немесе сақтандыру ұйымының субсидиялар алудан бас тарту туралы жазбаша өтініші;

      2) қарыз алушының қарыз шарты бойынша кредитор алдындағы міндеттемелерін толық өтеуі;

      3) қарыз алушының сақтандыру сыйақысының субсидияланбайтын бөлігін төлеу бойынша сақтандыру ұйымы алдындағы міндеттемелерін орындамауы;

      4) кепілдендіру/сақтандыру шартын бұзу немесе тоқтату.

      22. Осы шартта реттелмеген мәселелер Қазақстан Республикасының заңнамасымен реттеледі.

      23. Осы шарт заңды күші бірдей мемлекеттік және орыс тілдерінде 6 (алты) данада, Тараптардың әрқайсысы үшін мемлекеттік және орыс тілдерінде бір-бірден екі данадан жасалды.

      24. Тараптардың мекенжайлары, банктік деректемелері, қолтаңбалары:

      Қарыз алушы қол қойды:

      Электрондық цифрлық қолтаңбадан (бұдан әрі – ЭЦҚ) алынған деректер_____________

      ЭЦҚ қою күні мен уақыты _________________________________

      Сақтандыру ұйымы қол қойды:

      ЭЦҚ-дан алынған деректер _____________________________________

      ЭЦҚ қою күні мен уақыты _____________________________________

      Ауыл шаруашылығы мәселелері жөніндегі ЖАО қол қойды:

      ЭЦҚ-дан алынған деректер _____________________________________

      ЭЦҚ қою күні мен уақыты _________________________________

"Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау" мемлекеттік көрсетілетін қызмет стандарты

Кепілдендіру бойынша субсидия алуға арналған алдын-ала өтінім

      Кімге___________________________________________________________________________

      (облыстық жергілікті атқарушы орган)

      кімнен__________________________________________________________________________

      (Кепілгердің толық аты)

      Осымен "ҚазАгро" Холдингі" акционерлік қоғамының кепілдік беру жөніндегі еншілес ұйымы (бұдан әрі – Кепілгер) Қазақстан Республикасы Ауыл шаруашылығы министрінің 2015 жылғы 30 қаңтардағы № 9-1/71 бұйрығымен (Нормативтік құқықтық актілерді мемлекеттік тіркеу тізілімінде № 12183 тіркелген) бекітілген Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларына сәйкес ___________ (қарыз алушының аты, әкесінің аты (бар болса), тегі (бұдан әрі – АӘТ)/атауы) __________ қарыз алушының аты, әкесінің аты (бар болса), тегі (бұдан әрі – АӘТ)/атауы) және ____________ (екінші деңгейдегі банктің (бұдан әрі – банк) атауы) кредитке өтінім берді, сол өтінім мақұлданған жағдайда кепілдемеге өтінім беру жоспарлануда.

      Кепілдік кредиттік шарт бойынша _______ (қарыз алушының атауы) _______ (банктің атауы) алдындағы міндеттемелердің орындалуын қамтамасыз ету ретінде берілді.

      Жоғарыда баяндалғанға байланысты, сізден _________тенге (кепілдеме соммасынан 29,9 (жиырма тоғыз бүтін оннан тоғыз) пайыз (бұдан әрі – %) мөлшерінде субсидияны мынадай дерекетемелерге аударуды сұраймыз:

      Өтінім беруші туралы мәліметтер

      АӘТ/атауы______________________________________________________

      жеке сәйкестендіру нөмірі (бұдан әрі – ЖСН)/бизнес-сәйкестендіру нөмірі (бұдан әрі –

      БСН) ________________________________________________

      басшының АӘТ _________________________________________________

      мекенжайы: ____________________________________________________

      телефон (факс) нөмірі: ___________________________________________

      2. Екінші деңгейдегі банктегі шот бойынша мәліметтер:

      БСН______________________________________________________________________

      Бенефициар коды (бұдан әрі – Кбе)____________________________________________

      Банк деректемелері:_________________________________________________________

      Банктің атауы:_____________________________________________________________

      БСК (банктік сәйкестендіру коды)_____________________________________________

      ЖСК (жеке сәйкестендіру коды)_______________________________________________

      БСН______________________________________________________________________

      Кбе_______________________________________________________________________

      3. Банк және қарыз алушы арасында жасалған кредит шарты (бұдан әрі – КШ) туралы мәліметтер:

      кестенің жалғасы

      4. Кепілдік шарты туралы мәліметтер (бұдан әрі – КШ):

      Ұсынылған ақпараттың дұрыстығын растаймыз, Қазақстан Республикасының заңнамасына сәйкес дұрыс емес мәліметтер берілгені үшін жауапкершілік туралы хабардармыз және заңмен қорғалатын құпияны құрайтын мәліметтерді пайдалануға, сондай-ақ дербес деректер мен өзге де ақпаратты жинауға, өңдеуге, сақтауға, шығарып алуға және пайдалануға келісім береміз.

      Кепілгер 20__ жылы "__" __________ сағат ____ қол қойып, жіберді:

      Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ қою күні мен уақыты

      Өтінімді қабылдау туралы хабарлама:

      Жұмыс органы 20__ жылы "__" ___________сағат ____ қабылдады:

      ЭЦҚ-дан алынған деректері

      ЭЦҚ қою күні мен уақыты

Субсидияны аудару туралы хабарлама

      Құрметті_______________________________________________________________________

      (кепілгердің/сақтандыру ұйымының атауы)

      Сіздің 20 ___ жылғы ______ № ________ өтініміңіз бойынша мемлекеттік қызмет көрсетілді және Сіздің № __________есептік шотыңызға 20 ___ жылғы "____"_________төлем шотымен _________ теңге мөлшерінде комиссия бөлігі сомасы аударылғаны туралы хабарлаймыз.

Мемлекеттік қызмет көрсетуден бас тарту туралы хабарлама

      Құрметті______________________________________________________________________

      (кепілгердің/сақтандыру ұйымының атауы)

      Сіздің 20 ___ жылғы "__" _________ № __________ өтініміңіз бойынша мемлекеттік қызмет көрсетуден:

      _______________________________________________________________

      _________________________________________себепті бас тартылды.

Ұсыныс

      Қарыз алушы: ___________________________________________________________________

      (жеке тұлғаның аты, әкесінің аты (бар болса), тегі (бұдан әрі – АӘТ) немесе заңды тұлғаның

      толық атауы)

      Сақтандыру ұйымы: ______________________________________________________________

      (сақтандыру ұйымының атауы)

      Кімге:__________________________________________________________________________

      (ауыл шаруашылығы мәселелері жөніндегі жергілікті атқару органның атауы)

      1. Қарыз алушы туралы мәліметтер:

      1.1 АӘТ/тауы;

      1.2 Бірінші басшының АӘТ және жеке сәйкестендіру нөмірі ((бұдан әрі – ЖСН);

      1.3 ЖСН/бизнес сәйкестендіру нөмірі (бұдан әрі – БСН);

      1.4 Байланыс деректері (почталық мекенжайы, телефоны, электрондық почта мекенжайы).

      2. Кредитор туралы мәліметтер:

      2.1 Атауы;

      2.2 Бірінші басшының АӘТ;

      2.3 БСН;

      2.4 Байланыс деректері (почталық мекенжайы, телефоны, электрондық почта мекенжайы).

      3. Қарыз туралы ақпарат:

      3.1 Кредит (лизинг) сомасы;

      3.2 Кредит беру валютасы (теңге/АҚШ доллары/еуро/ресей рублі);

      3.3 Кредит беру мерзімі;

      3.4 Кредиттің (лизингтің) нысаналы мақсаты.

      4. Сақтандыру ұйымы туралы мәліметтер:

      4.1 Атауы;

      4.2 Бірінші басшының АӘТ;

      4.3 БСН;

      4.4 Банктік деректемелер;

      4.5 Байланыс деректері (почталық мекенжайы, телефоны, электрондық почта мекенжайы).

      5. Сақтандыру туралы ақпарат:

      5.1 Жоспарланған сақтандыру мерзімі;

      5.2 Жоспарланған сақтандыру сомасы (теңге/АҚШ доллары/еуро);

      5.3 Сақтандыру сыйлықақысының жоспарланған мөлшері.

      Осымен қарыз алушы мен сақтандыру ұйымы:

      1) сақтандыру шартының жобасы Агроөнеркәсіптік кешен субъектілерінің қарыздарын кепілдендіру мен сақтандыру шеңберінде субсидиялау қағидаларында белгіленген сақтандыру шарттарына қойылатын талаптарға сәйкес келетінін;

      2) қаржылық берешекті және жеделдетілген оңалту рәсімін қайта құрылымдау жағдайларын қоспағанда, Қарыз алушының қызметі ұйымдық-құқықтық нысанын өзгерту, тарату немесе банкроттық сатысында емес, сондай-ақ қызметі Қазақстан Республикасының қолданыстағы заңнамасына сәйкес тоқтатылмағанын;

      3) сақтандыру сыйлықақысының бір бөлігін субсидиялаудан бас тартылған жағдайда қарыз алушы сақтандыру ұйымына сақтандыру сыйлықақысының субсидияланбаған бөлігінің қалдығын төлеуге міндеттенін растайды.

      Қарыз алушы қол қойды:

      Электрондық цифрлық қолтаңбадан алынған деректер

      (бұдан әрі – ЭЦҚ) ________________

      ЭЦҚ қою күні мен уақыты _________________________________________

      Сақтандыру ұйымы қол қойды:

      ЭЦҚ-дан алынған деректер ________________________________________

      ЭЦҚ қою күні мен уақыты _________________________________________

      Ұсынысты қабылдау/қабылдаудан бас тарту туралы хабарлама:

      Бас тарту себебі __________________________________________________

      Ауыл шаруашылығы мәселелері жөніндегі жергілікті атқарушы орган (көрсетілетін қызметті беруші) қабылдады:

      ЭЦҚ-дан алынған деректер ________________________________________

      ЭЦҚ қою күні мен уақыты _______________________________________

Сақтандыру шарттарына қойылатын талаптар

      Сақтандыру шарты мынадай талаптарға сәйкес болуы тиіс:

      1) сақтандыру қаражаты агроөнеркәсіптік кешен саласында пайдаланылған қарыз шарттары бойынша жүзеге асырылады;

      2) мерзімін ұзарту құқығымен сақтандыру шарты;

      3) сақтандыру сомасы кредит бойынша негізгі борыш сомасының 50 (елу) %-ынан аспайды;

      4) сақтандыру сыйлықақысы сақтандыру сомасының 30 (отыз) %-ынан аспайды.

Қарыз алушыны субсидиялау кестесі

      Агроөнеркәсіптік кешен субъектісінің атауы ___________________________

      Субсидиялау шартының нөмірі, жасалған күні _________________________

      Кредитордың атауы ________________________________________________

      Қарыз шартының нөмірі, жасалған күні ______________________________

      Қарыз шартының нысаналы мақсаты ________________________________

      Қарыз шартының сомасы, мың теңге ________________________________

      Қарыз шартының мерзімі, жыл _____________________________________

      Жалпы сыйақы мөлшерлемесі, % ___________________________________

      Сақтандыру сыйлықақысы бойынша комиссияның жалпы мөлшері (кредиттің барлық кезеңі үшін), теңге ________________________, оның ішінде:

      1) агроөнеркәсіптік кешен субъектісінің төлеуі көзделетін сақтандыру сыйлыақысының мөлшері (кредиттің бүкіл кезеңі үшін), теңге ______

      2) мемлекеттің төлеуі көзделетін сақтандыру сыйлыақысының мөлшері (кредиттің бүкіл кезеңі үшін), теңге ______

      Қарыз туралы қосымша ақпарат (бар болса): ____________________________________

      Сақтандыру ұйымы қол қойды:

      Электрондық цифрлық қолтаңбадан алынған деректер (бұдан әрі –ЭЦҚ)_____________

      ___________________________________________________________________________

      ЭЦҚ қою күні мен уақыты ____________________________________________________

      Ауыл шаруашылығы мәселелері жөніндегі жергілікті атқарушы органы (көрсетілетін қызметті беруші) қол қойды:

      ЭЦҚ-дан алынған деректер ___________________________________________________

      ЭЦҚ қою күні мен уақыты ____________________________________________________