ЗҚАИ-ның ескертпесі!
      Осы бұйрықтың қолданысқа енгізілу тәртібін 5 т. қараңыз

      "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес БҰЙЫРАМЫН:

      1. Қоса беріліп отырған "Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғыларды Қазақстан Республикасының аумағына әкелуге қорытындылар және (немесе) олардың импортына лицензия беру" мемлекеттік қызметін көрсету қағидалары бекітілсін.

      2. "Байланыс саласындағы мемлекеттік көрсетілетін қызметтер стандарттарын бекіту туралы" Қазақстан Республикасы Ақпарат және коммуникациялар министрінің 2018 жылғы 27 желтоқсандағы № 549 бұйрығының 1-тармағының 4) тармақшасының күші жойылды деп танылсын (Нормативтік құқықтық актілерді мемлекеттік тіркеу тізілімінде № 18078 болып тіркелген, 2019 жылғы 8 қаңтарда Қазақстан Республикасы нормативтік құқықтық актілерінің эталондық бақылау банкінде жарияланған).

      3. Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;

      3) осы бұйрық мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.

      5. Осы бұйрық алғаш ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ұлттық экономика министрлігі

"Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғыларды Қазақстан Республикасының аумағына әкелуге қорытындылар және (немесе) олардың импортына лицензия беру" мемлекеттік қызметін көрсету қағидалары

1-тарау. Жалпы ережелер

      1. Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар (бұдан әрі – РЭҚ) мен жоғары жиілікті құрылғыларды (бұдан әрі –ЖЖҚ) Қазақстан Республикасының аумағына әкелуге қорытындылар және (немесе) олардың импортына лицензия беру мемлекеттік қызметін көрсету қағидалары (бұдан әрі – Қағидалар) "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабы 1) тармақшасына сәйкес әзірленген және азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғыларды Қазақстан Республикасының аумағына әкелуге қорытындылар және (немесе) олардың импортына лицензия беру тәртібін айқындайды.

      Азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ пен ЖЖҚ-ны Қазақстан Республикасының аумағына әкелу "Тарифтік емес реттеу шаралары туралы" Еуразиялық экономикалық комиссия алқасының 2015 жылғы 21 сәуірдегі № 30 шешіміне (бұдан әрі – ЕЭК шешімі) сәйкес жүзеге асырылады.

      Осы Қағидалардың талаптары барлық жеке және заңды тұлғаларға қолданылады (бұдан әрі – көрсетілетін қызметті алушы).

      2. Осы Қағидаларда мынадай ұғымдар пайдаланылады:

      1) жоғары жиілікті құрылғылар – телекоммуникациялар саласында пайдалануды қоспағанда, электромагниттік энергияны өнеркәсіптік, ғылыми, медициналық, тұрмыстық немесе басқа мақсаттарда шоғырландыруға және пайдалануға арналған жабдық және (немесе) аспаптар;

      2) бірыңғай тізілім (бұдан әрі – бірыңғай тізілім) – Еуразиялық экономикалық одақтың (бұдан әрі – Одақ) кедендік аумағына әкелген кезде азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және ЖЖҚ импортына Қағидаларға 1-қосымшаға сәйкес берілетін лицензия (бұдан әрі – лицензия) немесе үшінші елмен саудада тарифтік емес реттеудің шаралары қолданылатын, бірыңғай тауарлар тізіліміне енгізілген жеке тауарларды уақытша әкелуге, әкетуге және олардың транзитіне Қағидаларға 2-қосымшаға сәйкес берілетін қорытынды (бұдан әрі – рұқсат беру құжаты) талап етілмейтін РЭҚ және ЖЖҚ-ның бірыңғай тізілімі;

      3) радиоэлектрондық құралдар – көмекші жабдықты қоса алғанда, радиотолқындарды таратуға және (немесе) қабылдауға арналған және бір немесе бірнеше таратушы және (немесе) қабылдаушы құрылғылардан не олардың құрамаларынан құралатын техникалық құрал.

      4) бір реттік лицензия – сыртқы сауда келісімшартының негізінде сыртқы сауда қатысушысына берілетін және белгілі бір мөлшерде лицензияланатын тауардың экспорты және (немесе) импортына құқық беретін лицензия.

      3. Бірыңғай тізілімді байланыс саласындағы Одаққа мүше мемлекеттік органдар ұсынған ұсыныстар негізінде Еуразиялық экономикалық комиссия (бұдан әрі – ЕЭК) қалыптастырады.

      Бірыңғай тізілім Одақтың ресми сайтында "Интернет" ақпараттық-телекоммуникациялық желісінде орналастырылады.

2-тарау. Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғыларды Қазақстан Республикасының аумағына әкелуге қорытындылар және (немесе) олардың импортына лицензия беру тәртібі

      4. Одақтың кедендік аумағына әкелуге тыйым салынған азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және (немесе) ЖЖҚ тізбесі ЕЭК шешімімен қабылданған және осы Қағидаларға 3-қосымшада айқындалған.

      5. Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ мен ЖЖҚ-ны Қазақстан Республикасының аумағына әкелуге қорытындылар және (немесе) олардың импортына лицензия беру мемлекеттік көрсетілетін қызмет болып табылады (бұдан әрі – мемлекеттік көрсетілетін қызмет).

      Мемлекеттік көрсетілетін қызметті Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті (бұдан әрі – көрсетілетін қызметті беруші) көрсетеді.

      Мемлекеттік қызмет көрсету процесінің сипаттамаларын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі осы Қағидаларға 4-қосымшаға сәйкес "Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғыларды Қазақстан Республикасының аумағына әкелуге қорытындылар және (немесе) олардың импортына лицензия беру" мемлекеттік көрсетілетін қызмет стандартында (бұдан әрі – Стандарт) көрсетілген.

      6. Көрсетілетін қызметті алушы қорытындыны немесе лицензияны алу үшін көрсетілетін қызметті берушіге Стандартың 8-тармағына сәйкес құжаттарды электрондық түрде www.egov.kz "электрондық үкімет" веб-порталы (бұдан әрі – портал) арқылы ұсынады.

      7. Көрсетілетін қызметті берушінің кеңсесі құжаттар келіп түскен күні оларды қабылдайды, тіркейді және көрсетілетін қызметті берушінің жауапты құрылымдық бөлімшесіне орындауға жолдайды.

      Көрсетілетін қызметті берушінің жауапты құрылымдық бөлімшесінің қызметкері көрсетілетін қызметті алушының құжаттарын тіркеген сәттен бастап, екі жұмыс күні ішінде ұсынылған құжаттардың толықтығын тексереді және құжаттардың толық топтамасы ұсынылмаған жағдайда мемлекеттік қызметтерді көрсетуден бас тарту туралы дәлелді жауапты жолдайды.

      8. Көрсетілетін қызметті алушы қорытындыны және (немесе) лицензияны алу үшін құжаттардың толық топтамасын және оларда қамтылған дұрыс мәліметтерді ұсынған жағдайда, көрсетілетін қызметті берушінің жауапты құрылымдық бөлімшесінің қызметкері алты жұмыс күні ішінде қорытындыны және (немесе) лицензияны қалыптастырады.

      Көрсетілетін қызметті алушының "жеке кабинетінде" мемлекеттік көрсетілген қызметтің нәтижесін алу мерзімі көрсетілген мемлекеттік қызметті көрсетуге берген сұратудың қабылданғаны туралы мәртебесі көрсетіледі.

      Көрсетілетін қызметті беруші беретін лицензия бір реттік болып табылады.

      9. Мемлекеттік қызметті көрсетуден бас тарту Стандарттың 9-тармағында көрсетілген негіздер бойынша жүзеге асырылады.

      10. РЭҚ және ЖЖҚ алты айдан аспайтын мерзімге, егер олар:

      1) шетелдік ресми делегациялардың Қазақстан Республикасының аумағында болуын қамтамасыз етуге;

      2) Қазақстан Республикасының аумағында өткізілетін спорттық жарыстар мен өзге де мәдени-бұқаралық іс-шаралар өткізуге;

      3) Қазақстан Республикасының аумағында өткізілетін көрмелерде көрсетуге;

      4) Қазақстан Республикасының аумағында ғылыми-зерттеу және эксперименттік жұмыстарды жүргізуге;

      5) сәйкестікті растау (сертификаттау немесе сәйкестікті декларациялау) мақсаттарында сынақтар жүргізуге арналған болса, олар көрсетілетін қызметті берушінің қорытындысы негізінде Қазақстан Республикасының аумағына әкелінеді.

      11. РЭҚ және ЖЖҚ-ны лицензиясыз немесе қорытындысыз немесе бірыңғай тізілімге енгізу туралы мәліметтерсіз әкелу мынадай жағдайларда жүзеге асырылады:

      1) ЕЭК шешімімен белгіленген және осы Қағидаларға 5-қосымшаға сәйкес РЭҚ және ЖЖҚ Одақтың кеден аумағына әкелу кезінде лицензия, қорытынды немесе бірыңғай тізілімнен мәліметтерді ұсыну талап етілмейтін, азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және (немесе) ЖЖҚ тізбесіне енгізілген;

      2) РЭҚ және (немесе) ЖЖҚ әуе, су кемелерінің борт жабдықтарының құрамына енгізілген;

      3) РЭҚ және ЖЖҚ үшінші мемлекеттердің аумақтарында тіркелген халықаралық тасымалдау көлік құралдарында (босағыларды қоса алғанда) орнатылған;

      4) РЭҚ және ЖЖҚ оларды пайдалану (қолдану, пайдалану) құқығынсыз әкелінеді;

      5) Одақтың кедендік аумағында, Одақтың кедендік аумағында дайындалатын көлік және басқа да техникалық құралдарды жөндеуге немесе орнатуға арналған және РЭҚ және ЖЖҚ дайындау нәтижесінде немесе жөндеуден кейін алынған көлік және басқа да техникалық құралдар құрамында одақтың кедендік аумағынан кері әкетуге жатады.

      12. Мемлекеттік қызметтер көрсету мәселелері бойынша көрсетілетін қызметті берушінің, оның лауазымды адамдарының шешіміне, әрекетіне (әрекетсіздігіне) шағым, көрсетілетін қызметтерді беруші басшысының атына, жоғары тұрған мемлекеттік органға, мемлекеттік қызметтер көрсету сапасын бағалау және бақылау жөніндегі уәкілетті органға Қазақстан Республикасының заңнамасына сәйкес беріледі.

      "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 25-бабының 2-тармағына сәйкес көрсетілетін қызметті берушінің атына келіп түскен көрсетілетін қызметті алушының шағымы, ол тіркелген күнінен бастап 5 (бес) жұмыс күні ішінде қаралуы тиіс.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы, ол тіркелген күнінен бастап 15 (он бес) жұмыс күні ішінде қаралуы тиіс.

      Мемлекеттік қызмет көрсету нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.

      13. Көрсетілетін қызметті беруші мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету кезеңдері туралы деректер мемлекеттік қызметтерді көрсету мониторингінің ақпараттық жүйесіне автоматты режимде түседі.

Азаматтық мақсаттағы, оның ішінде басқа тауарлардың құрамына кіріктірілген не кіретін радиоэлектрондық құралдар мен жоғары жиілікті құрылғылардың импортына лицензия

      Ескерту:

      КК.АА.ЖЖЖЖ – күні, айы, жылы;

      КО СЭҚ ТН – Кеден одағының сыртқы экономикалық қызмет номенклатурасының тауары.

Үшінші елдермен саудада тарифтік емес реттеу шаралары қолданылатын тауарлардың бірыңғай тізбесіне енгізілген жекелеген тауарларды уақытша әкелуге, әкетуге және транзиттеуге қорытынды (рұқсат беретін құжат)

      Қазақстан Республикасы Цифрлық даму, инновациялар және аэроғарыш өнеркәсібі

      министрлігінің Телекоммуникациялар комитеті (Қорытындыны берген Кеден одағына

      мүше мемлекеттің мемлекеттік билік органының атауы)

      Берілді _________________________________________________________

      (Ұйымның атауы, заңды мекенжайы, елі /жеке тұлғалар үшін тегі, аты, әкесінің аты

      (бар болған жағдайда)

      Орын ауыстыру түрі ______________________________________________

      (Орын ауыстыру түрі)

      ______________

      (Тауарлардың бірыңғай тізбесінің бөлімі)                   (КО СЭҚ ТН коды *)

      Алушы/жөнелтуші_______________________________________________

      _______________________________________________________________

      (Атауы, заңды мекенжайы, елі)

      Межелі/жөнелту елі ______________________________________________

      Әкелу (әкету) мақсаты ____________________________________________

      Уақытша әкелу (әкету) мерзімі _____________________________________

      Негіздемесі _____________________________________________________

      Қосымша ақпарат ________________________________________________

      Транзит елі ______________________________________________________

      (Аумақ бойынша транзит)

      Қолы _________                                     Күні _____________

      Қорытынды "___"___ _____жыл бойынша жарамды

      Басшы __________________________________________________________

      Тегі, аты, әкесінің аты (бар болған жағдайда),       қолы

      Ескертпе:

      ТН КО СЭҚ – сыртқы экономикалық қызмет номенклатурасының тауары.

Одақтың кедендік аумағына әкелуге тыйым салынған азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және (немесе) ЖЖҚ тізбесі

      Ескерту:

      КО СЭҚ ТН – Кеден одағының сыртқы экономикалық қызмет номенклатурасының тауары;

Одақтың кедендік аумағына әкелу кезінде бірыңғай тізілімнен лицензия, қорытынды немесе мәліметтер ұсыну талап етілмейтін, азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және (немесе) ЖЖҚ тізбесі

      1. Тұрмыстық СВЧ-пештер және тұрмыстық индукциялық пештер.

      2. Радиожиіліктер белдеулерін (радиожиіліктер мен қуатты) пайдаланатын жоғары жиілікті құрылғылар.

      3. Дауысты, бейнені, деректерді және (немесе) басқа да ақпарат түрлерін беру немесе қабылдау үшін әртүрлі қолданылатын, оның ішінде басқа тауарлардың құрамына кіріктірілген не кіретін радиоэлектрондық құралдар:

      1) Ұялы байланыс желілеріне (ұялы телефондар, сондай-ақ ұялы байланыс желілерінде қолданылатын модемдер), оның ішінде басқа құрылғылардың құрамына кіріктірілген не кіретін қабылдау құрылғысын қамтитын соңғы (абоненттік) беру аппаратурасы;

      2) 433,075 – 434,790 МГц радиожиілік жолағында жұмыс істейтін, таратқыштың шығу қуаты 10 мВт-дан аспайтын радиостанциялар;

      3) таратқыштың шығу қуаты 0,5 Вт-дан аспайтын, 446, 0 – 446,1 МГц жолағында жұмыс істейтін радиостанциялар;

      4) 26,965 – 27,860 МГц радиожиілік жолағында жұмыс істейтін, таратқыштың шығу қуаты 5 Вт-дан аспайтын 27 МГц диапазонындағы радиостанциялар;

      5) 2400 – 2483,5 МГц радиожиіліктерінің жолағында жұмыс істейтін, таратқыштың шығу қуаты 100 мВт-дан аспайтын, оның ішінде басқа құрылғылардың құрамына кіріктірілген немесе кіретін IEEE 802.15 стандартының әрекет ету радиусы аз қабылдағыш құрылғысын қамтитын таратушы аппаратура;

      6) IEEE 802.11 стандартының, 2400 – 2483,5 МГц радиожиілік жолағында жұмыс істейтін, таратқыштың шығу қуаты 100 мВт-дан аспайтын, оның ішінде басқа құрылғылардың құрамына кіріктірілген немесе кіретін қабылдағыш құрылғыны қамтитын тарататын соңғы (абоненттік) аппаратура;

      7) 5150 – 5350 МГц, 5650 – 5850 МГц және 57 – 66 ГГц радиожиіліктерінің жолақтарында жұмыс істейтін, таратқыштың шығу қуаты 100 мВт-тан аспайтын, соның ішінде басқа құрылғылардың құрамына қоса салынған немесе кіретін IEEE 802.11 стандартының әрекет ету радиусы аз қабылдағыш құрылғысын қамтитын таратқыш (абоненттік) аппаратурасы;

      8) 2500 – 2690 МГц және 3400 – 3600 МГц радиожиіліктер жолақтарында жұмыс істейтін, таратқыштың шығу қуаты 1 Вт – тан аспайтын, соның ішінде басқа құрылғылардың құрамына кіріктірілген немесе кіретін (3400-3600 МГц радиожиіліктер жолағы Ресей Федерациясына қатысты қолданылмайды) IEEE 802.16 және IEEE 802.16 e (WiMAX) стандарттары, қабылдау құрылғысы, IEEE 802.16 және IEEE 802.16 e (WiMAX) кіретін таратқыш соңғы (абоненттік) аппаратурасы;

      9) жерсеріктік хабар таратуды қоса алғанда, теледидар және радио хабарларын тарату бағдарламаларын қабылдауға арналған радиосәулелендіру құрылғылары жоқ радиоқабылдағыш құралдар, есту қабілеті бұзылған (ақауы бар) адамдарға арналған есту аппараттары мен радиотренажерлер, дербес радиоқабылдау құрылғылары, спутниктік радионавигация жүйелері, оның ішінде басқа құрылғылардың құрамына кіріктірілген не кіретін радиоқабылдағыш құрылғылары жоқ радиоқабылдағыш құралдар;

      10) 1880 – 1900 МГц радиожиілік жолағында жұмыс істейтін, таратқыштың шығу қуаты 10 мВт-дан аспайтын "DECT" технологиясының шнурсыз телефон аппараттарының базалық және абоненттік блоктары;

      11) 457 кГц радиожиілікте жұмыс істейтін дүлей апаттардан зардап шеккендерді анықтауға және құтқаруға арналған құрылғылар;

      12) 13,553 – 13,567 МГц радиожиілік жолағында жұмыс істейтін радиожиілікті сәйкестендіру құрылғылары;

      13) штрихкод заттаңбаларын, RFID-таңбаларды өңдеуге және осы заттаңбалар мен таңбалардан алынған, 433,05 – 434,79 (433,92 +/- 0,2%) радиожиіліктер жолағында жұмыс істейтін ақпаратты беруге арналған қуаты 10 мВт-дан аспайтын радиоэлектрондық құралдар;

      14) 433,050 – 434,79 МГц радиожиіліктер жолағында жұмыс істейтін, таратқыштың шығу қуаты 10 мВт-дан аспайтын қашықтан басқару және телеметрияны беру, телебасқару, сигнал беру, деректерді беру және басқа да осыған ұқсас берілістердің шағын радиусы аппаратурасы (құрылғылары);

      15) апат сигналдарын беруге арналған күзет радиосигнализациясы, 26,945 МГц және 26,960 МГц радиожиіліктерінде жұмыс істейтін, таратқыштың шығу қуаты 2 Вт аспайтын; радиожиілік жолағында жұмыс істейтін 433,05 – 434,79 (433,92 +/- 0,2%) қуаты 5 мВт – дан аспайтын; 868-868,2 МГц радиожиілік жолағында жұмыс істейтін, таратқыштың шығу қуаты 10 мВт-дан аспайтын Автоматты радио таратқыштардың құрылғылары;

      16) 230 МГц – ке дейінгі радиожиіліктер жолақтарында жұмыс істейтін және 108 – 144 МГц, 148 – 151 МГц, 162,7 – 163,2 және 168,5-174 МГц радиожиіліктер жолақтарын пайдаланбайтын, таратқыштың шығу қуаты 10 мВт-дан аспайтын есту қабілеті бұзылған (ақауы бар) адамдарға арналған аспаптар мен аксессуарлардың (есту аппараттары мен радиотренажерлерінің) сымсыз жүйелері;

      17) 28,0 – 28,2 МГц және 40,66 – 40,70 МГц радиожиіліктер жолақтарында жұмыс істейтін, таратқыштың шығу қуаты 1 Вт -дан аспайтын және 2400-2483,5 МГц радиожиіліктер жолақтарында жұмыс істейтін, таратқыштың шығу қуаты 10 мВт-дан аспайтын ұшақтар, катерлер және т. б. модельдерін радиобасқару аппаратурасы;

      18) 26957 – 27283 кГц радиожиілік жолағында жұмыс істейтін, таратқыштың шығу қуаты 10 мВт-дан аспайтын балалар радиохабар құрылғылары мен радиобасқару ойыншықтары;

      19) 38,7 – 39,23 МГц және 40,66 – 40,7 МГц радиожиіліктерінің жолақтарында, таратқыштың шығу қуаты 10 мВт - дан аспайтын, сондай-ақ 863,933-864,045 МГц радиожиіліктерінің жолақтарында, таратқыштың шығу қуаты 2 мВт-дан аспайтын балалар радиосигналдық және радиосигналдық құрылғылары, сондай-ақ балаға радиобақылау құрылғылары;

      20) 66 – 74 МГц және 87,5 – 92 МГц радиожиіліктерінің жолақтарында жұмыс істейтін, таратқыштың рұқсат етілген сәулелену қуаты 10 мВт-ға дейін қоса алғанда ("караоке" үлгісіндегі) радиомикрофондар.

      Ескертпе:

      СВЧ-жоғары жиілікті;

      МГц-мегагерц;

      ГГц-гигагерц;

      IEEE-Электротехника және электроника инженерлер институты;

      DECT-сандық жақсартылған сымсыз байланыс;

      WiMAX-микротолқынды қол жеткізудің дүниежүзілік үйлесімділігі;

      мВТ-милливатт;

      Вт-ватт.

ЖЖҚ үшін радиожиіліктер жолақтарының немесе радиожиіліктің номиналдық мәндерінің тізбесі

      Ескертпе:

      МГц-мегагерц;

      кГц-килогерц;

      ГГц-гигагерц;

      Вт -Ватт.

Азаматтық мақсаттағы РЭҚ және ЖЖҚ, оның ішінде басқа тауарлардың құрамына кіріктірілген не кіретін тауарлардың импортына лицензия алуға өтініш

      Ескерту:

      КК.АА.ЖЖЖЖ – күні, айы, жылы;

      КО СЭҚ ТН – Кеден одағының сыртқы экономикалық қызмет номенклатурасының тауары.

Тауарлардың экспорты мен импортын лицензиялау жөніндегі қызметке қойылатын біліктілік талаптары және оларға сәйкес келетінін растайтын құжаттар көрсетілген құжаттардың тізбесі.

      Қазақстан Республикасы цифрлық даму, инновациялар және аэроғарыш өнеркәсібі министрлігінің Телекоммуникациялар комитетіне

Импорттан өзгеше жағдайларда, азаматтық мақсаттағы, оның ішінде басқа тауарлардың құрамына кіріктірілген не кіретін РЭҚ және ЖЖҚ Қазақстан Республикасының аумағына әкелуге қорытынды (рұқсат беру құжатын) беруге өтініш

      Орын ауыстыру түрі __________________________________________

      (Орын ауыстыру түрі)

      ______________

      (Тауарлардың бірыңғай тізбесінің бөлімі)                   (КО СЭҚ ТН коды *)

      Алушы/жөнелту___________________________________________

      _________________________________________________________

      (Атауы, заңды мекенжайы, елі)

      Межелі/жөнелту елі _______________________________________

      Әкелу (әкету) мақсаты _____________________________________

      Уақытша әкелу (әкету) мерзімі ______________________________

      Негіземесі _______________________________________________

      Қосымша ақпарат _________________________________________

      Транзит елі _______________________________________________

      (Аумақ бойынша транзит)

      Қолы_________                               Күні__________

      Қорытынды "___" _____жыл бойынша жарамды

      __________________________                   _________________________

      (тегі, аты, әкесінің аты                               (лауазымы)

      (болған кезде)

      Ескертпе:

      КО СЭҚ ТН-Кеден одағының сыртқы экономикалық қызметі номенклатурасының тауары.

Әкелінетін РЭҚ және (немесе) ЖЖҚ туралы ақпарат