Ескерту. Күші жойылды - ҚР Бас Прокурорының 04.01.2023 № 3 (алғашқы ресми жарияланған күнінен кейін қолданысқа енгізіледі) бұйрығымен.

      Атқарушылық іс жүргізу бойынша есептілікті жетілдіру мақсатында, 2017 жылғы 30 маусымдағы "Прокуратура туралы" Қазақстан Республикасы Заңының 37-бабының 6) тармақшасын басшылыққа алып, БҰЙЫРАМЫН:

      1. Мыналар:

      1) осы бұйрықтың 1-қосымшасына сәйкес "Сот актілерін орындау бойынша жұмыс туралы" № 4 есептің нысаны;

      2) осы бұйрықтың 2-қосымшасына сәйкес "Сот актілерін орындау бойынша жұмыс туралы" № 4 есептің нысанын қалыптастыру жөніндегі нұсқаулық бекітілсін.

      2. Осы бұйрықтың 3-қосымшасына сәйкес Қазақстан Республикасы Бас Прокурорының кейбір бұйрықтарының күші жойылды деп танылсын.

      3. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) мыналарды:

      1) осы бұйрықты Қазақстан Республикасы Әділет министрлігінде мемлекеттік тіркелуді;

      2) осы бұйрықты Қазақстан Республикасы Бас прокуратурасының интернет-ресурсында орналастыруды;

      3) осы бұйрықты құқықтық статистика және арнайы есепке алу субъектілеріне, Комитеттің аумақтық органдарына мәлімет және қызмет барысында қолдану үшін жіберуді қамтамасыз етсін.

      4. Осы бұйрықтың орындалуын бақылау Комитет Төрағасына жүктелсін.

      5. Осы бұйрық алғашқы ресми жарияланған күннен кейін он күнтізбелік күн өткен соң қолданысқа енгізіледі.

      Ескерту. Нысан жаңа редакцияда - ҚР Бас Прокурорының 20.11.2020 № 143 (бірінші ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      № 4-нысан. Сот актілерін орындау бойынша жұмыс туралы есеп

      № 1-кесте. Атқарушылық құжаттардың қозғалысы

      Кестенің жалғасы

      №4-нысан. Сот актілерін орындау бойынша жұмыс туралы есеп.

      № 2-кесте. Орындауға келіп түскен атқарушылық құжаттар бойынша өндіріп алулардың мөлшері, теңгемен

      Кестенің жалғасы

      Кестенің жалғасы

      №4 нысан. Сот актілерін орындау бойынша жұмыс туралы есеп

      №3-кесте. Алименттерді өндіріп алу туралы

"Сот актілерін орындау бойынша жұмыс туралы" № 4 есептің нысанын қалыптастыру жөніндегі нұсқаулық

1-тарау. Жалпы ережелер

      1. Осы "Сот актілерін орындау бойынша жұмыс туралы" № 4 есептің нысанын қалыптастыру жөніндегі нұсқаулық (бұдан әрі – Нұсқаулық) Қазақстан Республикасы сот актілерін орындау бойынша құқықтық статистика және арнайы есепке алу субъектілері Атқарушылық іс жүргізу органдарының автоматтандырылған ақпараттық жүйесіне (бұдан әрі – АІО ААЖ) енгізген электрондық ақпараттық есепке алу құжаттарының (бұдан әрі – ЭАЕҚ) негізінде "Сот актілерін орындау бойынша жұмыс туралы" № 4 есептің нысанын (бұдан әрі – № 4 есеп нысаны) қалыптастыруға арналған.

      2. Есептің және ЭАЕҚ-ның нысандарын әзірлеуді Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет) субъектілермен келісе отырып жүзеге асырады.

      3. Субъектілер Қазақстан Республикасының Әділет министрлігі (бұдан әрі – ҚР ӘМ) және оның аумақтық органдары (бұдан әрі – ҚР ӘМ аумақтық бөлімшелері), жеке сот орындаушылары болып табылады.

2-тарау. ЭАЕҚ-ны АІО ААЖ-ға енгізу

      4. ЭАЕҚ-ны АІО ААЖ-ға енгізу және есепке алу ҚР ӘМ аумақтық бөлімшелері және жеке сот орындаушылары жүргізеді.

      5. ЭАЕҚ-ға мәліметтерді толтыруды, олардың толықтығы мен дұрыстығын, сондай-ақ уақтылы берілуін оларды толтырған адамдар қамтамасыз етеді.

      6. ЭАЕҚ-да атқарушылық құжатты есепке алу және оның қозғалысы, сондай-ақ олардың орындалу нәтижелері бойынша барлық қажетті деректемелер электронды толтырылуға жатады.

      7. Субъектілер төмендегі ЭАЕҚ:

      1) Осы Нұсқаулықтың 1-қосымшасына сәйкес "Атқарушылық құжаттарды есепке алу жөніндегі электронды ақпараттық есепке алу құжатын" (бұдан әрі – 4.0-нысан);

      2) Осы Нұсқаулықтың 1-қосымшасына сәйкес "Атқарушылық құжаттардың қозғалысы және олардың орындау нәтижелері туралы электрондық ақпараттық есепке алу құжатын" (бұдан әрі – 4.1-нысан) енгізуді жүзеге асырады.

      8. 4.0 нысанды ЭАЕҚ "Атқарушылық iс жүргiзу және сот орындаушыларының мәртебесi туралы" Қазақстан Республикасы Заңының (бұдан әрі – Заң) 9-бабына сәйкес атқарушылық құжаттар бойынша, сондай-ақ осы Заңның 38-бабы 1-тармағы 1) - 9) тармақшаларының тәртібінде атқарушылық іс жүргізуді қозғаудан бас тартқан жағдайда енгізіледі.

      9. 4.1-нысанды ЭАЕҚ төменде көрсетілген шешімдердің бірі қабылданған атқарушылық құжаттар бойынша енгізіледі:

      1) Заңның 40-бабының тәртібінде орындау мерзімін шегеру, ұзарту (сот шешімі бойынша);

      2) Заңның 49-бабымен көзделген негіздер бойынша атқарушылық іс жүргізуді аяқтау;

      3) Заңның 42-бабымен көзделген негіздер бойынша атқарушылық іс жүргізуді тоқтату;

      4) Заңның 46-бабымен көзделген негіздер бойынша атқарушылық іс жүргізуді қайта жаңғырту;

      5) алименттерді өндіріп алу туралы атқарушылық іс жүргізулер бойынша берешек сомасын анықтау туралы қаулы шығару;

      6) орындау тәсілі мен тәртібін өзгерту;

      7) бұрын қабылданған шешімнің күшін жойғаннан кейін атқарушылық іс жүргізуді қайта бастау;

      8) аумақтылығы бойынша жіберу/қабылдау туралы;

      9) борышкердің шығуын шектеу (шектеуді алу) туралы;

      10) лицензиялар мен рұқсаттарды беруге уақытша тыйым салу/ алу туралы;

      11) борышкерге бұрын берілген лицензиялар мен рұқсаттардың әрекетін тоқтату (тоқтатуды алу) туралы;

      12) борышкердің мүлкіне тыйым салу/алу туралы

      13) атқарушылық іс жүргізулерді біріктіру;

      14) ұстап қалуды жүргізу үшін атқарушылық құжатты жіберу.

      11. Аумақтылығы бойынша жіберілген, бірақ ҚР ӘМ-нің жіберген аумақтық бөлімшесіне келіп түспеген атқарушылық құжат сот актілерін орындау жөніндегі тиісті органға келіп түскенге дейін есептен алынбайды.

      ҚР ӘМ-нің аумақтық бөлімшесі атқарушылық іс жүргізуді аумақтылығы бойынша жіберген кезде осы Нұсқаулықтың 3-қосымшасына сәйкес нысан бойынша "Атқарушылық құжатты орындау үшін аумақтылығы бойынша жіберу туралы" №1-нысандағы толтырылған бақылау карточкасын (бұдан әрі - №1-карточка), сондай-ақ атқарушылық іс жүргізу материалдарын (борышкердің тиісті ауданның, қаланың немесе облыстың аумағында тұрып жатқанын растайтын анықтама, атқарушылық құжаттың ішінара орындалғаны туралы анықтама, болған жағдайда, сот орындаушысының атқарушылық құжатты аумақтылығы бойынша жолдауы туралы қаулы) жібереді.

      Атқарушылық құжатты қабылдаған аумақтық бөлімше осы Нұсқаулықтың 4-қосымшасына сәйкес нысан бойынша "Атқарушылық құжатты орындау үшін аумақтылығы бойынша қабылдау туралы" № 2 нысанды бақылау карточкасын (бұдан әрі - № 2 карточка) толтырады, оны атқарушылық құжатты есептен алу үшін ҚР ӘМ-нің тиісті аумақтық бөлімшесіне жібереді.

      № 1 және № 2 карточкалары – атқарушылық құжаттардың қозғалысын есепке алуға және аумақтылығы бойынша жіберілген және келіп түскен әрбір атқарушылық құжат бойынша басқа аймақтардағы ҚР ӘМ-нің аумақтық бөлімшелерімен салыстырып тексеру жүргізуге арналған.

3-тарау. Есепті қалыптастыру

      12. Есепті Комитет және оның аумақтық органдары Комитеттің автоматтандырылған ақпараттық жүйесінде қалыптастырады.

      13. Есеп ЭАЕҚ-ның 4.0 және 4.1 нысандарының мәліметтерінің негізінде қалыптасады.

      14. Есеп 3 кестеден тұрады:

      1) № 1 кесте "Атқарушылық құжаттардың қозғалысы" (бұдан әрі – № 1 кесте)

      2) № 2 кесте "Атқаруға келіп түскен атқарушылық құжаттар бойынша өндіріп алулардың мөлшері" (бұдан әрі – № 2 кесте);

      3) № 3 кесте "Алименттерді өндіріп алу туралы" (бұдан әрі – № 3 кесте).

      15. № 1-кестеде атқарушылық құжаттардың қозғалысы көрінеді.

      16. 1-бағанда есептік кезеңнің басындағы атқарушылық іс жүргізулердің қалдығы ескеріледі (бұл ретте 1-тоқсан, жартыжылдық, 9 ай және жыл ішіндегі жұмыс нәтижелері бойынша есептік кезеңнің басындағы қалдық өзгеріссіз қалады және ағымдағы жылдың 1 қаңтарындағы жағдай бойынша аяқталмаған атқарушылық іс жүргізулердің санын көрсетеді).

      17. 2-бағанда есептік кезеңде келіп түскен атқарушылық құжаттар бойынша қозғалған атқарушылық іс жүргізулер көрсетіледі, бұл ретте атқарушылық іс жүргізудің қозғалған күні есептік кезеңнің күніне сәйкес болады.

      18. Олардың ішінде қайта қозғалған атқарушылық іс жүргізулер 3-бағанда көрсетіледі.

      19. 4-бағанда ортақ борышкерлердің атқару парақтары ескеріледі. Егер ортақ тәртіпте өндіріп алу туралы бірнеше атқарушылық құжат болса, онда есепке алу № 1 атқару парағы бойынша (бірінші тіркелген атқарушылық құжат бойынша) жүргізіледі.

      Ортақ тәртіпте өндіріп алу туралы атқарушылық құжаттарды тіркеу бірінші негізгі құжат бойынша жүзеге асырылады.

      Ортақ тәртіпте өндіріп алуға жататын атқарушылық құжаттар қылмыстық немесе азаматтық іс қаралған ҚР ӘМ-нің аумақтық бөлімшесінде ғана есепке алынады.

      Борышкер өзге облыс аумағында тұрып жатқан (немесе жазасын өтеп жүрген) жағдайда сот орындаушысы "Атқарушылық iс жүргiзу және сот орындаушыларының мәртебесi туралы" Қазақстан Республикасы Заңының 52-бабына сәйкес (бұдан әрі – Заң) жекелеген атқарушылық іс-әрекеттерді өткізу туралы қаулыны жібереді.

      20. 5-бағанда аумақтылығы бойынша қабылданған атқарушылық іс жүргізулер көрсетіледі.

      Құжат бір атқарушылық органдағы бір сот орындаушысынан басқа сот орындаушысына берілген жағдайда атқарушылық құжат № 4 есеп нысанында бір рет ескеріледі.

      Атқарушылық іс жүргізуді қабылдаған кезде оның нөмірі сақталады, атқарушылық іс жүргізу нөмірін қосып жазуға және өзгертуге жол берілмейді.

      21. 6-бағанда – есептік кезеңде сот орындаушысының күші жойылған қаулыларының саны, 7-бағанда бұдан бұрын қабылданған шешім күшін жойғаннан кейін қайта басталған атқарушылық іс жүргізулер есепке алынады.

      23. 8-бағанда есептік кезеңде аумақтылығы бойынша орындауға жіберілген атқарушылық құжаттар есепке алынады.

      Атқарушылық құжаттарды аумақтылығы бойынша жіберу ҚР ӘМ-нің аумақтық бөлімшесі арқылы жүргізіледі.

      24. 9-бағанда есептік кезеңде орындауда болған атқарушылық іс жүргізулердің жалпы саны көрсетіледі. Аумақтылығы бойынша жіберілген атқарушылық құжаттар есепке алынбайды (ағымдағы жылы қозғалған атқарушылық іс жүргізулердің жыл басындағы қалдығы және күші жойылғаннан кейін қайта басталған атқарушылық іс жүргізулер).

      25. 10-бағанда іс жүргізуі есептік кезеңде аяқталған атқарушылық құжаттардың жалпы саны көрсетіледі. Атқарушылық іс жүргізу Заңның 49-бабында көзделген жағдайларда аяқталған болып саналады.

      26. 10-бағанның 11-бағанында қайта қозғалған атқарушылық іс жүргізулер бойынша аяқталған атқарушылық іс жүргізулердің саны есепке алынады.

      27. 12-бағанда сот орындаушысы борышкерден ақша қаражатын толықтай өндіріп алған немесе атқарушылық құжатта көзделген басқа да әрекеттер орындалған (борышкерге тиесілі мүлік өндіріп алушыға тапсырылды, жауапкер ү-жаңдан шығарып жіберілді немесе оған талап қоюшы кіргізілді, иеліктегі үй бөлінді немесе басқа да әрекеттер) атқарушылық құжаттар есепке алынады. Бұл ретте, атқарушылық іс жүргізудің аяқталғаны міндетті түрде белгіленеді және орындау талаптарында "сот орындаушысы" деп көрсетіледі.

      28. 10-бағанның 13-бағанында атқарушылық құжат ұсынылғанға дейін борышкер орындаған атқарушылық іс жүргізулердің саны көрсетіледі.

      14-баған Заңның 48-бабы негізінде өндіріп алушыға кері қайтарылған атқарушылық құжаттардың санын көрсетеді. 15-бағанда Заңның 49-бабы 3) тармақшасы негізінде кері қайтарылған атқарушылық құжаттар есепке алынады.

      29. 16-бағанда Заңның 47-бабы 1-тармағы 1-6), 7-1), 8), 8-1), 9) тармақшаларының негізінде іс жүргізулер тоқтатылған атқарушылық құжаттар есепке алынады.

      30. 17-бағанда егер өндіріп алушы немесе борышкер болып табылатын заңды тұлғаны тарату аяқталған болса, құқықтық мұрагер болмаса немесе атқарушылық құжат орындау үшін банкроттық басқарушыға немесе оңалтуды басқарушыға, не борышкер болып табылатын заңды тұлғаның тарату комиссиясына жіберілген болса, іс жүргізулері тоқтатылған атқарушылық құжаттар көрсетіледі.

      31. 18-бағанда белгіленген мерзімнен артық мерзімде аяқталған атқарушылық құжаттардың саны көрсетіледі (Заңның 39-бабы).

      Сот шешімін немесе өзге де атқарушылық құжатты орындау мерзіміне Заңның 42-бабында көзделген тәртіпте іс жүргізуді тоқтату уақыты енгізілмейді. Мерзімдерді есептеу кезінде олар мерзімді өндіріп алуларға байланысты емес атқарушылық іс жүргізулер бойынша ғана белгіленгенін ескеру қажет.

      32. 19-бағанда есептік кезеңнің соңына орындалмаған құжаттардың қалдығы есепке алынады, олардың ішінде 20-бағанда ішінара орындалған атқарушылық іс жүргізулер көрсетіледі.

      34. 21-бағанда кезеңдік орындауға жіберілген атқарушылық құжаттар көрсетіледі.

      35. 22-бағанда барлық тоқтата тұрылған атқарушылық іс жүргізулердің саны көрсетіледі. Олардың ішінде 23-бағанда – оның негізінде атқарушылық құжат берілген Қазақстан Республикасының заңнамалық актілерімен сот актісін орындауды тоқтата тұру құқығы ұсынылған сот немесе лауазымды адам қаулы шығарған, сондай-ақ сот белгілі бір мерзімге орындауды кейінге қалдыруды, мерзімін ұзартуды ұсынған жағдайда тоқтата тұрумен байланысты.

      36. 24-бағанда борышкер болып танылған заңды тұлға қайта құрылған немесе заңмен белгіленген тәртіппен сот дәрменсіздігі (банкроттық) туралы іс жүргізуді қозғау туралы шешімді қабылдаған, сот мәжбүрлеп тарату туралы шешім қабылдаған жағдайлардағы тоқтата тұрылған атқарушылық іс жүргізулердің саны көрсетіледі.

      25-бағанда Заңның 38-бабы 1-тармағының 1)-13) тармақшалары тәртібінде атқарушылық іс жүргізуді қозғаудан бас тарту туралы шығарылған қаулылардың жалпы саны есепке алынады.

      37. 1-жолда үкімдер бойынша айыппұлдар туралы атқарушылық құжаттар ескеріледі.

      38. 2-жолда сотталғандардың мүлкін тәркілеу туралы атқарушылық құжаттар ескеріледі, 3-жолда үкім шығарылғанға дейін, Қазақстан Республикасы Қылмыстық-процестік кодекстің 17-тарауына сәйкес заңсыз жолмен алынған мүлікті тәркілеу туралы атқарушылық құжаттар ескеріледі.

      39. Жеке және заңды тұлғалардың пайдасына өндіріп алу туралы үкімдер бойынша атқарушылық құжаттар туралы мәліметтер 4-жолда, мемлекет пайдасына 5-жолда, оның ішінде қылмыстық құқық бұзушылықпен келтірілген материалдық залалды өндіріп алу 6-жолда көрсетіледі.

      40. 7-жолда мемлекет пайдасына өндіріп алынған, 8-жолда – мемлекеттік кәсіпорынның, мемлекеттік мекеменің пайдасына өндіріп алу, 9-жолда – материалдық залалды өндіріп алу, 10-жолда – кінәлары бойынша залал өндіріп алынған лауазымды адамдардан өндіріп алу, 11-жолда – мемлекеттің кірісіне мемлекеттік бажды өндіріп алу туралы атқарушылық құжаттар көрсетіледі.

      41. 12-жолда мемлекеттен өндіріп алу туралы атқарушылық құжаттар ескеріледі.

      42. 13-жолда лауазымды тұлғалардың заңсыз әрекеттерімен байланысты зиянды мемлекеттен өндіріп алу көрсетіледі.

      43. Меншік нысанына қарамастан заңды тұлғалардың және кәсіпкерлік қызметпен айналысатын адамдардың пайдасына өндіріп алу 14-жолда, оның ішінде екінші деңгейдегі банктерден өндіріп алу 15-жолда көрсетіледі.

      44. 16-жолда жеке тұлғалардың пайдасына өндіріп алу туралы, атқарушылық құжаттар көрсетіледі, оның ішінде жалақыны немесе зейнетақыны және жәрдемақыны, алиментті өндіріп алу туралы 17-19-жолдарда көрсетіледі. Алиментті өндіріп алу туралы 19-жолдың 20-24-жолдарда кәмелетке толмағандарды асырауға, жұбайын (зайыбын) асырауға алименттерді өндіріп алу туралы, ата-анасын асырауға алименттерді өндіріп алу туралы, қамқоршылық және қорғаншылық органдарының пайдасына, аға-інілері мен апа-сіңлілерінің (қарындастарының) пайдасына алименттерді өндіру туралы мәліметтер көрсетіледі.

      45. 25-жолда халықаралық, шетелдік соттар және төрелік шешімдері бойынша атқарушылық құжаттар көрсетіледі.

      46. 26-жолда атқарушылық әрекеттерді жасау кезінде келтірілген шығыстарды өтеу туралы сот орындаушысының қаулысы бойынша мәліметтер көрсетіледі.

      47. 27-жолда сот орындаушысының қаулысы бойынша атқарушылық санкцияларды өндіріп алу туралы мәліметтер көрсетіледі.

      48. 28-жолда мәжбүрлеп орындату туралы прокурордың қаулысы бойынша атқарушылық құжаттар көрсетіледі.

      49. 29-жолда жеке сот орындаушысы қызметі төлемінің сомасын бекіту туралы оның қаулысы бойынша мәліметтер көрсетіледі.

      50. 30-жолда жеке тұлғадан берешегін өндіріп алу туралы салық бұйрықтары көрсетіледі.

      51. 31-жолда нотариустың атқарушылық жазбалары бойынша өндіріп алулар көрсетіледі.

      52. Соттардың әкімшілік істер туралы қаулылары бойынша айыппұлдар 32-жолда көрсетіледі, олардың ішінде 33-жолда соттың әкімшілік қаулылары бойынша сот шығындары есепке алынады, уәкілетті органның қаулылары бойынша айыппұлдар 34-жолда есепке алынады.

      54. 35-жолда әкімшілік істер бойынша мүлікті тәркілеу туралы атқарушылық құжаттар көрсетіледі.

      55. 36-жолда мүліктік емес сипаттағы өзге де атқарушылық құжаттар (үй-жайдан шығарып жіберу, оған кіргізу, жұмысқа қалпына келтіру туралы, заттық дәлелдемелерді жою туралы, құрылысты бұзу және борышкерлерді белгілі бір әрекеттерді жасауға мәжбүрлеу туралы атқарушылық құжаттар) көрсетіледі. 36-жолдан 37-жолға үй-жайдан шығарып жіберу (оған кіргізу), 38-жолға заңсыз құрылысты бұзу, 39-жолға баламен қарым-қатынас тәртібі көрсетіледі.

      55-1. 40-жолда атқарушылық іс жүргізулердің қорытынды сомасы көрсетіледі.

      56. № 2 кестеде атқарушылық құжаттар бойынша өндіріп алулардың барлық түрлері көрсетіледі. Барлық сомалар жеке және заңды тұлғалардың, сондай-ақ мемлекеттің пайдасына ақшалай қаражаттың іс жүзінде келіп түскенін растайтын бухгалтерлік есеп құжаттарының негізінде ұлттық валюта – теңгемен көрсетіледі.

      57. 1-бағанда есептік кезеңнің басындағы сомалардың қалдығы ескеріледі, 2-бағанда есептік кезеңде келіп түскен қозғалған атқарушылық іс жүргізулер бойынша сома көрсетіледі.

      58. Қайта қозғалған атқарушылық іс жүргізулер бойынша сома 3-бағанда көрсетіледі, ортақ тәртіпте өндіріп алуға жататын сома 4-бағанда ескеріледі.

      59. 5-бағанда аумақтылығы бойынша қабылданған сомалар есепке алынады.

      60. 6-бағанда есептік кезеңде сот орындаушысының күші жойылған қаулылары бойынша сомалар есепке алынады, 7-бағанда бұдан бұрын қабылданған шешім күшін жойғаннан кейін қайта басталған атқарушылық іс жүргізулер бойынша сомалар есепке алынады.

      61. 8-бағанда есептік кезеңде аумақтылығы бойынша орындауға жіберілген сомалар есепке алынады.

      62. 9-бағанға есептік кезеңде аумақтылығы бойынша жіберілген атқарушылық құжаттарды есепке алмастан, есептік кезеңде өндіріп алуға жататын барлық сомалар кіреді.

      Алименттерді өндіріп алу туралы атқарушылық іс жүргізулер бойынша тұрақты сомаларды, сондай-ақ берешектерді анықтау туралы қаулыға сәйкес соманы көрсету қажет.

      63. 10-бағанда есептік кезеңде іс жүргізуі аяқталған не тоқтатылған құжаттар бойынша сомалар көрсетіледі, 11-бағанда 10-бағаннан қайта қозғалған атқарушылық іс жүргізулер бойынша сомалар есепке алынады.

      65. 10-бағанның 12-бағанында тікелей сот орындаушысы өндіріп алған сомалар көрсетіледі.

      Бұл ретте, 12-бағанға сот орындаушысы толық көлемде орындалған атқарушылық құжаттар бойынша ғана өндіріп алған сомалар қосылады.

      66. 13-бағанда борышкер атқарушылық құжат ұсынылғанға дейін төлеген атқарушылық құжаттар бойынша сомалар есепке алынады, 14-бағанда Заңның 48-бабы негізінде өндіріп алушыға кері қайтарылған құжаттар бойынша сомалар көрсетіледі.

      67. 15-бағанда Заңның 49-бабы 3) тармақшасының негізінде қайтарылған сома ескеріледі.

      68. 16-бағанда Заңның 47-бабы 1-тармағы 1-6), 7-1), 8), 8-1), 9) тармақшаларының негізінде іс жүргізу тоқтатылған атқарушылық құжаттар бойынша сомалар көрсетіледі.

      69. 17-бағанда егер өндіріп алушы немесе борышкер болып табылатын заңды тұлғаны тарату аяқталған болса, құқықтық мұрагер болмаса немесе атқарушылық құжат орындау үшін банкроттық басқарушыға немесе сауықтыруды басқарушыға, не борышкер болып табылатын заңды тұлғаның тарату комиссиясына жіберілген болса, іс жүргізулер тоқтатылған атқарушылық құжаттар бойынша сома көрсетіледі.

      70. 18-бағанда Заңның 39-бабында белгіленгеннен артық мерзімде аяқталған атқарушылық құжаттардың сомасы көрсетіледі.

      71. 19-бағанда есептік кезеңнің соңындағы құжаттардың қалдық сомасы көрсетіледі, олардың ішінде 20-бағанда ішінара өндіріп алынған сомалар көрсетіледі.

      72. 21-бағанда кезеңдік орындауға жіберілген атқарушылық құжаттар бойынша сомалар есепке алынады.

      22-бағанда барлық тоқтатыла тұрылған атқарушылық іс жүргізулердің сомасы көрсетіледі. Олардың ішінде 23-бағанда – соның негізінде атқарушылық құжат берілген Қазақстан Республикасының заңнамалық актілерімен сот актісін орындауды тоқтата тұру құқығы ұсынылған лауазымды адам немесе сот қаулы шығарған, сондай-ақ сот белгілі бір мерзімге орындауды кейінге қалдыруды, мерзімін ұзартуды ұсынған жағдайда тоқтата тұрумен байланысты.

      74. 24-бағанда борышкер болып танылған заңды тұлға қайта құрылған немесе заңмен белгіленген тәртіппен сот дәрменсіздігі (банкроттық) туралы іс жүргізуді қозғау жөніндегі шешімді қабылдаған, сот мәжбүрлеп тарату туралы шешім қабылдаған жағдайлардағы тоқтата тұрылған атқарушылық іс жүргізулердің саны көрсетіледі.

      75. 25-бағанда борышкер ерікті түрде төлеген атқарушылық санкцияның өндіріп алынған 10% сомалары көрсетіледі.

      75-1. 26-бағанда Заңның 38-бабы 1-тармағының 1)-13) тармақшалары тәртібінде атқарушылық іс жүргізуді қозғаудан бас тарту туралы қаулылар бойынша сома есепке алынады.

      76. № 2 кестенің жолдарын қалыптастыру № 1 кесте жолдарының қалыптастырылуына ұқсас.

      77. Алименттерді өндіріп алу туралы № 3-кестеде алименттерді өндіріп алу туралы атқарушылық іс жүргізулер бойынша борышкерлердің саны (есептік кезеңде орындауда болған атқарушылық іс жүргізулердің жалпы санынан), оларды асырауға алименттер өндіріп алынатын адамдардың саны, сондай-ақ атқарушылық іс жүргізулердің қозғалысы есепке алынады.

      Алименттер бойынша борышкерліктің сомалары борышкерлікті белгілеу туралы қаулылардың негізінде ескеріледі.

4-тарау. Есепті қалыптастыру мерзімдері

      78. Есеп тоқсан сайын, үдемелі қорытындымен қалыптастырылады.

      79. Комитеттің аумақтық органдары есебі бойынша статистикалық кесімді есептік кезеңнен кейінгі айдың 6-күніне сағат 15.00-де растайды.

      Комитеттің аумақтық органдарының статистикалық кесімді растауы Комитеттің аумақтық басқармасы бастығының есепке қол қоюымен тең.

      80. Комитет республика бойынша жиынтық есептерді Комитет Төрағасына қол қою үшін есептік кезеңнен кейінгі айдың 8-күніне ұсынады.

      81. Мемлекеттік және жеке сот орындаушыларының жиынтық есебіне Комитеттің аумақтық органдарының бастықтары, облыстардың, мемлекеттік маңызы бар қалалардың, астананың Әділет департаменттерінің басшылары және облыстардың, республикалық маңызы бар қалалардың, астананың жеке сот орындаушыларының аймақтық палаталарының басшылары (Комитет статистикалық кесімді бекіткеннен кейін) қол қояды, олар орындардағы олардың сақталуын қамтамасыз етеді (Комитетке жолдамастан).

5-тарау. АІО ААЖ-нде ЭАЕҚ-ға түзетулер енгізу

      82. АІО ААЖ-ға енгізілген ЭАЕҚ деректемелерін түзетуді ҚР ӘМ аумақтық бөлімшелері және жеке сот орындаушылары өз бастамалары бойынша немесе Комитеттің және оның аумақтық органдарының бастамалары бойынша жүзеге асырады.

      83. ЭАЕҚ түзету фактілері бойынша құқықтық статистика субъектісі осы бұзушылықтарға жағдай жасаған себептерді анықтай отырып және кінәлі адамдарды заңмен белгіленген жауаптылыққа тарта отырып шаралар қабылдайды.

      84. Бекітілген кесімдердегі есеп көрсеткіштері дұрыстығының бұрмалануына әкеп соққан мәліметтерді түзету фактілері бойынша Комитеттің аумақтық органына дереу хабарлама жолданады.

      85. Комитеттің аумақтық органы ББСЖ ААЖ-да жүргізілген түзетулер туралы хабарламаны тексеруді жүзеге асырады және Комитеттің аумақтық органына хабарлама келіп түскен сәттен бастап 5 күндік мерзімде Комитетке (атқарушылық іс жүргізудің толассыз нөмірін, өзгертілетін деректеменің атауын, алдыңғы және жаңа көрсеткішті көрсете отырып) хабарлайды.

Атқарушылық құжатты есепке алу жөніндегі электронды ақпараттық есепке алу құжаты

      Ескерту. 1-қосымша жаңа редакцияда - ҚР Бас Прокурорының 20.11.2020 № 143 (бірінші ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Атқарушылық құжаттың қозғалысы және оның орындалу нәтижелері туралы электронды ақпараттық есепке алу құжаты

№ 1 бақылау карточкасы. "Атқарушылық құжатты орындау үшін аумақтылығы бойынша жіберу туралы"

      1. Атқарушылық құжаттың нөмірі _____________________/_/_/_/_/_/_/_/_/_/_/

      2. Атқарушылық іс жүргізудің нөмірі __________________/_/_/_/_/_/_/_/_/_/_/

      3. Атқарушылық құжатты аумақтылығы бойынша жіберген аумақтық органның атауы ______

      4. Атқарушылық құжаттың атауы_____________________________________ кіммен берілді _________________________________________________________________ атқарушылық құжаттың берілген күні 20 __ жылғы "__"______________ келіп түскен күні 20 __ жылғы "__"__________

      борышкер _______________________________________________________

      мекенжайы: _____________________________________________________

      ________________________________________________________________

      өндіріп алушы ___________________________________________________

      ________________________________________________________________

      мекенжайы: _____________________________________________________

      ________________________________________________________________

      талаптың мәні, өндіріп алу сомасы: _________________________________

      ________________________________________________________________

      ________________________________________________________________

      ________________________________________________________________

      өндіріп алу түрі __________________________________________________

      5. Атқарушылық құжат қайда жіберілді (аумақтық органның атауы) ______________________

      6. Атқарушылық құжаттың жіберілген күні, шығыс нөмірі _____________/_/_/_/_/_/_/_/_/_/_/_/

      7. Атқарушылық құжат қалай жіберілді (почта байланысы арқылы, хабарламамен, қолма-қол және т.б., атқарушылық құжатты қабылдау туралы мәліметтер болса көрсетілсін) ______________________________________________________

      Сот орындаушысы ________________________________________________

      (Тегі, аты, әкесінің аты (бар болса) толық, анық) (қолы)

      Мөр басуға арналған орын

№ 2 бақылау карточкасы. "Атқарушылық құжатты орындау үшін аумақтылығы бойынша қабылдау туралы"

      1. Атқарушылық құжаттың нөмірі ______________________/_/_/_/_/_/_/_/_/_/_/

      2. Қозғалған атқарушылық іс жүргізудің нөмірі ____________________/_/_/_/_/_/_/_/_/_/_/

      3. Атқарушылық құжатты аумақтылығы бойынша қабылдаған аумақтық органның атауы _______________________________

      4. Атқарушылық құжаттың атауы_____________________________________ кіммен берілді _________________________________________________________________ атқарушылық құжаттың берілген күні 20__ жылғы "____"________________________

      борышкер _______________________________________________________

      ________________________________________________________________

      мекенжайы: _____________________________________________________

      ________________________________________________________________

      өндіріп алушы ___________________________________________________

      ________________________________________________________________

      мекенжайы: _____________________________________________________

      ________________________________________________________________

      талаптың мәні, өндіріп алу сомасы: _________________________________

      ________________________________________________________________

      ________________________________________________________________

      ________________________________________________________________

      өндіріп алу түрі __________________________________________________

      5. Атқарушылық құжат қайдан келді (аумақтық органның атауы, шығыс нөмірі) ____________

      6. Атқарушылық құжаттың қабылданған күні, кіріс нөмірі _____________/_/_/_/_/_/_/_/_/_/_/_/

      7. Атқарушылық құжат қалай қабылданды (почта байланысы арқылы, хабарламамен, қолма-қол және т.б.) _________________________

      Сот орындаушысы ________________________________________________

      (Тегі, аты, әкесінің аты (бар болса) толық, анық) (қолы)

      Мөр басуға арналған орын

4.0, 4.1 нысанды ЭАЕҚ деректемелік құрамының анықтамалығы

      Ескерту. 5-қосымша алып тасталды - ҚР Бас Прокурорының 20.11.2020 № 143 (бірінші ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Күші жойылды деп танылсын:

      1) "Сот актілерін орындау бойынша жұмыс туралы" № 4 нысанды есепті және оның құрылуы жөніндегі нұсқаулықты бекіту туралы" Қазақстан Республикасы Бас Прокурорының міндетін атқарушының 2015 жылғы 24 ақпандағы № 38 бұйрығы (Нормативтік құқықтық актілерді мемлекеттік тіркеу тізілімінде № 10567 санымен тіркелген, "Әділет" ақпараттық-құқықтық жүйесінде 2015 жылғы 9 сәуірде жарияланған);

      2) "Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтарына өзгерістер енгізу туралы" Қазақстан Республикасы Бас Прокурорының 2017 жылғы 26 қыркүйектегі № 108 бұйрығы (Нормативтік құқықтық актілерді мемлекеттік тіркеу тізілімінде № 15888 болып тіркелді, Қазақстан Республикасының нормативтік құқықтық актілердің Эталондық бақылау банкінде 2017 жылғы 20 қазанда жарияланған);

      3) "Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтарына өзгерістер енгізу туралы" Қазақстан Республикасы Бас Прокурорының міндетін атқарушының 2019 жылғы 1 тамыздағы № 80 бұйрығы (Нормативтік құқықтық актілерді мемлекеттік тіркеу тізілімінде № 19206 санымен тіркелген, Қазақстан Республикасының нормативтік құқықтық актілердің Эталондық бақылау банкінде 2019 жылғы 14 тамызда жарияланған).