БҰЙЫРАМЫН:

      1. "Сәулет, қала құрылысы және құрылыс қызметі саласында инжинирингтік қызметтер көрсету қағидаларын бекіту туралы" Қазақстан Республикасы Ұлттық экономика министрінің 2015 жылғы 3 ақпандағы № 71 бұйрығына (Нормативтік құқықтық актілерді мемлекеттік тіркеу тізілімінде № 10401 болып тіркелген, 2015 жылғы 20 наурызда "Әділет" ақпараттық-құқықтық жүйесінде жарияланған) мынадай өзгерістер мен толықтыру енгізілсін:

      көрсетілген бұйрықпен бекітілген Сәулет, қала құрылысы және құрылыс қызметі саласында инжинирингтік қызметтер көрсету қағидаларында:

      1-тараудың тақырыбы мынадай редакцияда жазылсын:

      "1-тарау. Жалпы ережелер";

      2-тараудың тақырыбы мынадай редакцияда жазылсын:

      "2-тарау. Инжинирингтік қызметтерді ұйымдастыру";

      3-тараудың тақырыбы мынадай редакцияда жазылсын:

      "3-тарау. Техникалық қадағалауды жүзеге асыру бойынша инжинирингтік қызметтер көрсету";

      10-тармақта:

      19) тармақша мынадай редакцияда жазылсын:

      "19) пайдалануға беруге объектінің дайындығын растайды, "Құрылыс-монтаждау жұмыстарының сапасы және орындалған жұмыстардың жобаға сәйкестігі туралы қорытындылардың, сәйкестік туралы декларацияның нысандарын бекіту туралы" Қазақстан Республикасы Инвестициялар және даму министрінің 2017 жылғы 24 сәуірдегі № 235 бұйрығымен (Нормативтік құқықтық актілерді мемлекеттік тіркеу тізілімінде № 15150 болып тіркелген) (бұдан әрі – № 235 Бұйрық) бекітілген нысан бойынша құрылыс-монтаждау жұмыстарының сапасы туралы қорытынды береді;";

      25) тармақша мынадай редакцияда жазылсын:

      "25) мемлекеттік сәулет-құрылыс бақылау органдарына ай сайынғы негізде осы Қағидаларға 4-қосымшаға сәйкес нысан бойынша құрылыстың барысы туралы және орындалған жұмыстардың сапасы туралы (фотоесептерді қоса бере отырып) ұдайы есептер ұсынады;";

      4-тараудың тақырыбы мынадай редакцияда жазылсын:

      "4-тарау. Авторлық қадағалау бойынша инжинирингтік қызметтерді ұйымдастыру";

      21-тармақ мынадай редакцияда жазылсын:

      "21. Жобаны авторлық қадағалау авторлық қадағалау жүргізуге құқығы бар тапсырыс беруші мен жобаның авторы және (немесе) әзірлеушінің не сарапшының арасында жасалған шарт негізінде жүзеге асырылады.";

      5-тараудың тақырыбы мынадай редакцияда жазылсын:

      "5-тарау. Жобаны басқару бойынша инжинирингтік қызметтер көрсету";

      35-1-тармақ мынадай редакцияда жазылсын:

      "35-1. Тапсырыс берушімен құрылыс-монтаждау жұмыстарының сапасы туралы қорытынды беру туралы сауал жолдаған күннен бастап үш жұмыс күні ішінде жобаны басқару бойынша қызмет көрсететін ұйым және аталған ұйымның штаттық құрамындағы техникалық қадағалуды жүзеге асыратын тұлға тапсырыс берушіге № 235 Бұйрықтың 1-қосымшасына сәйкес қол қойылған құрылыс монтаждау жұмыстарының сапасы туралы қорытындының нысанын ұсынады.";

      осы бұйрыққа қосымшаға сәйкес 4-қосымшамен толықтырылсын.

      2. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Ұлттық экономика министрлігі

Құрылыстың барысы туралы және орындалған жұмыстардың сапасы туралы есеп

      ________ кезеңге

      Объект: ___________________________________________________________________

                        атауы, орналасқан жері, жауапкершілік деңгейі

      Тапсырыс беруші: __________________________________________________________

                  заңды/жеке тұлғаның атауы, мемлекеттік органдар, бизнес сәйкестендіру нөмірі

                        (бұдан әрі - БСН)/жеке сәйкестендіру нөмірі (бұдан әрі – ЖСН)

      Бас мердігер (мердігер): _____________________________________________________

      заңды тұлғаның атауы, БСН, мемлекеттік лицензияның нөмірі, лицензияның санаты

      Бас жобалаушы (жобалаушы): ________________________________________________

      заңды тұлғаның атауы, БСН, мемлекеттік лицензияның нөмірі, лицензияның санаты

      Авторлық қадағалаушы: _____________________________________________________

      заңды тұлғаның атауы, БСН/ сарапшының тегі, аты, әкесінің аты (болған жағдайда),

      ЖСН, аттестаттың нөмірі, жауапкершілік деңгейі

      Техникалық қадағалаушы: ___________________________________________________

      аккредиттелген заңды тұлғаның атауы, БСН/ сарапшының тегі, аты, әкесінің аты,

      ЖСН,аттестаттың нөмірі, жауапкершілік деңгейі

      Сарапшы: ________________________________________________________________

      тегі, аты, әкесінің аты (болған жағдайда), ЖСН, аттестаттың нөмірі, мамандануы,

                              жауапкершілік деңгейі

      Қызметті немесе белгілі бір іс-әрекеттерді жүзеге асыруды бастау немесе тоқтату

      туралы xабарламаны қабылдау туралы талонның № және алынған күні

      _________________

      кестенің жалғасы

      Қосымша: фотоесеп (ескертулер, ағымдағы жағдайы)

      Сарапшының қолы ________ (________)       Жасалған және қол қойылған күні __________