"Есірткі, психотроптық заттар, сол тектестер мен прекурсорлар және олардың заңсыз айналымы мен теріс пайдаланылуына қарсы іс-қимыл шаралары туралы" 1998 жылғы 10 шілдедегі Қазақстан Республикасының Заңы 16-бабының 1-тармағына сәйкес БҰЙЫРАМЫН:

      1. "Қазақстан Республикасында бақылауға жататын есірткі құралдарын, психотроптық заттар мен олардың прекурсорларын медициналық мақсатта пайдалану қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 26 қаңтардағы № 32 бұйрығына (Нормативтік құқықтық актілерді мемлекеттік тіркеу тізілімінде № 10404 болып тіркелген, "Әділет" ақпараттық – құқықтық жүйесінде 2015 жылғы 31 наурызда жарияланған) мынадай өзгерістер енгізілсін:

      көрсетілген бұйырықпен бекітілген Қазақстан Республикасында бақылауға жататын есірткі құралдарын, психотроптық заттар мен олардың прекурсорларын медициналық мақсатта пайдалану қағидаларында:

      1- тармақ мынадай редакцияда жазылсын:

      "1. Осы Қазақстан Республикасында бақылауға жататын есірткі, құралдарын, психотроптық заттар мен олардың прекурсорларын медициналық мақсатта пайдалану қағидалары (бұдан әрі – Қағидалар) "Есірткі, психотроптық заттар, сол тектестер мен прекурсорлар және олардың заңсыз айналымы мен теріс пайдаланылуына қарсы іс-қимыл шаралары туралы" 1998 жылғы 10 шілдедегі Қазақстан Республикасының Заңына (бұдан әрі – Заң) сәйкес әзірленді және құрамында Қазақстан Республикасында бақылауға жататын есірткі құралдарының, психотроптық заттар мен олардың прекурсорларының тізіміне (бұдан әрі – Тізім) енгізілген есірткі құралдарын, психотроптық заттар мен олардың прекурсорлары бар дәрілік заттарды медициналық мақсатта пайдалану тәртібін белгілейді";

      2-тармақтың 2) тармақшасы мынадай редакцияда жазылсын:

      "2) дәрілік заттардың, медициналық бұйымдардың айналысы саласындағы мемлекеттік орган - денсаулық сақтау саласындағы уәкілетті органның ведомствосы;";

      6 және 7 - тармақтар мынадай редакцияда жазылсын:

      "6. Облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдары ағымдағы жылғы 15 наурызға қарай дәрілік заттардың, медициналық бұйымдардың айналысы саласындағы мемлекеттік органға келесі күнтізбелік жылға арналған облыстар, республикалық маңызы бар қалалар, астана үшін есірткі құралдарына, психотроптық заттарға және олардың прекурсорларына жиынтық өтінімді ұсынады.

      7. Дәрілік заттардың, медициналық бұйымдардың айналысы саласындағы мемлекеттік орган ағымдағы жылғы 1 сәуірге қарай есірткі құралдарының, психотроптық заттардың, олардың аналогтарының және прекурсорларының айналысы саласындағы уәкілетті мемлекеттік органға келесі күнтізбелік жылға арналған Қазақстан Республикасында медициналық мақсатта пайдалану үшін есірткі құралдарына, психотроптық заттарға және олардың прекурсорларына жиынтық өтінімді ұсынады.";

      13-тармақ мынадай редакцияда жазылсын:

      "13. Медициналық мақсатта Қазақстан Республикасының аумағында тіркелген және медициналық қолдануға рұқсат етілген және дәрілік заттардың, медициналық бұйымдардың мемлекеттік тізіліміне енгізілген, құрамында есірткі, психотроптық заттар мен олардың прекурсорлары бар дәрілік заттар пайдаланылады.";

      33-тармақтың 1) тармақшасы мынадай редакцияда жазылсын:

      "1) Қазақстан Республикасының дәрілік заттардың, медициналық бұйымдардың мемлекеттік тізілімінде тіркелмеген және Қазақстан Республикасында қолдануға рұқсат етілмеген дәрілік заттарға рецепт жазып беруге";

      53-тармақ мынадай редакцияда жазылсын:

      "53. Денсаулық сақтау ұйымдарында құрамында есірткі, психотроптық заттар мен олардың прекурсорлары бар дәрілік заттар нөмірленген, тігілген, денсаулық сақтау ұйымдары мен дәрілік заттардың, медициналық бұйымдардың айналысы саласындағы мемлекеттік органның аумақтық бөлімшелері басшыларының мөрі мен қолдары қойылған, осы Қағидаларға 11-қосымшаға сәйкес дәріхана қоймаларындағы есірткіні, психотроптық заттар мен олардың прекурсорларының есепке алу, 1 осы Қағидаларға 2-қосымшаға сәйкес бөлімшелерде және кабинеттердегі құрамында есірткі, психотроптық заттар мен олардың прекурсорлары бар дәрілік заттарды есепке алу, осы Қағидаларға 13-қосымшаға сәйкес дәріханада заттық-сандық есепке алуға жататын есірткіні, психотроптық заттар мен олардың прекурсорларының есепке алу, 14-қосымшаға сәйкес мейіргерлер посттарындағы құрамында есірткі, психотроптық заттар мен олардың прекурсорлары бар дәрілік заттарды есепке алу журналдарында заттық-сандық есепке алуға жатады.";

      58-тармақ мынадай редакцияда жазылсын:

      "58. Нақты қалдықтың кітаптағы қалдықтан айырмашылығы анықталған жағдайда денсаулық сақтау ұйымының басшысы анықтаған сәттен бастап тәулік ішінде бұл туралы дәрілік заттардың, медициналық бұйымдардың айналысы саласындағы мемлекеттік органды және ішкі істер органының аумақтық бөлімшесін хабардар етеді.";

      70-тармақ мынадай редакцияда жазылсын:

      "70. Әр айдың бірінші күнінде материалдық жауапты тұлға нақты бар арнайы рецептуралық бланкілерді кітаптағы қалдықпен салыстырып, осы Қағидаларға 20-қосымшаға сәйкес нысан бойынша арнайы рецептуралық бланкілерді салыстыру актісін жасайды.

      Салыстыру нәтижелері бойынша айырмашылық анықталған жағдайда денсаулық сақтау ұйымының басшысы анықтаған сәттен бастап тәулік ішінде бұл туралы дәрілік заттардың, медициналық бұйымдардың айналысы саласындағы мемлекеттік органның аумақтық бөлімшесін хабардар етеді.";

      83-тармақ мынадай редакцияда жазылсын:

      "83. Дәрілік заттардың, медициналық бұйымдардың айналысы саласындағы объектілерде Тізімнің ІІ, ІІІ, ІV Кестесінің құрамында есірткі құралдары, психотроптық заттар мен прекурсорлар бар жарамсызданған, жалған, жарамдылық мерзімі өткен және Қазақстан Республикасы заңнамасының талаптарына сәйкес келмейтін (ақауы бар, сынған) басқа дәрілік заттарды жою үшін ұйым басшысының бұйрығымен құрамына ұйымның басшысы мен жауапты тұлғасы, ішкі істер органдарының және халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесінің өкілдері кіретін, тұрақты жұмыс істейтін комиссия құрылады.";

      84-2-тармақ мынадай редакцияда жазылсын:

      "84-2. Дәрілік заттардың, медициналық бұйымдардың айналысы саласындағы объектілерде Тізімнің ІІ, ІІІ, ІV Кестелеріндегі құрамында есірткі құралдары, психотроптық заттар мен олардың прекурсорлары бар жарамсыз, жалған, жарамдылық мерзімі өтіп кеткен және Қазақстан Республикасы заңнамасының талаптарына сәйкес келмейтін басқа (ақауы бар, сынған) дәрілік заттарды, сондай-ақ дәрілік заттар өндірісінен және (немесе) дәрілік заттарға қатыссыз сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері әрі қарай қайта өңдеуге жатпайтын қалдықтарды жою фактісі осы Қағидаларға 27-қосымшаға сәйкес нысан бойынша дәрілік заттардың жою актісімен ресімделеді.";

      27 - қосымша осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Денсаулық сақтау министрлігінің дәрі-дәрмекпен қамтамасыз ету және стандарттау департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күнінен бастап күнтізбелік он күннің ішінде қазақ және орыс тілдерінде, қағаз және электрондық түрдегі оның көшірмесін ресми жариялау және Қазақстан Республикасы нормативтік құқықтық актілерінің Эталондық бақылау банкінде қосу үшін "Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты ресми жариялағаннан кейін Қазақстан Республикасы Денсаулық сақтау министрлігінің интернет-ресурсында орналастыруды;

      4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Ішкі істер министрі

      _______________________

      2019 жылғы "___" __________

Дәрілік заттардың, медициналық бұйымдардың айналысы саласындағы объектілерде Тізімнің ІІ, ІІІ, ІV Кестесіндегі құрамында есірткі құралдары, психотроптық заттар мен олардың прекурсорлары бар дәрілік заттарды, сондай-ақ дәрілік заттар өндірісінен және (немесе) дәрілік заттарға жатпайтын сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері әрі қарай қайта өңдеуге келмейтін жартылай өнімдертдін қадықтарын; сынықтардан (талдаулардан) қалған құрамында есірткі құралдары, психотроптық заттар мен олардың прекурсорлары бар сұйықтықты жою актісі

      _____________________ қ.                              ______________________

      Комиссия мынадай құрамда:

      1) Дәрілік заттардың, медициналық бұйымдардың айналысы саласындағы объекті басшысының тегі, аты, әкесінің аты (бұдан әрі – Т.А.Ә.) (бар болса);

      2) Дәрілік заттардың, медициналық бұйымдардың айналысы саласындағы жауапты адам басшысының Т.А.Ә. (бар болса);

      3) Ішкі істер органдары өкілінің Т.А.Ә. (бар болса) лауазымы;

      4) Халықтың санитариялық-эпидемиологиялық саламаттылығы саласындағы

      мемлекеттік органның аумақтық бөлімшелерінің өкілінің Т.А.Ә. (бар болса) лауазымы

      20__ж. "____" _________ ден 20__ж. "____" ________ дейінгі кезеңге мынадай атаулар бойынша:

      __________________________________________________________________________

      (ампулаларда, ұнтақтарда, таблеткаларда, данада, граммда, миллилитрде)

      құрамында есірткі құралдары, психотроптық заттар мен олардың прекурсорлары бар

      жарамсыз, жалған, жарамдылық мерзімі өтіп кеткен және Қазақстан Республикасы

      заңнамасының талаптарына сәйкес келмейтін басқа (ақауы бар, сынған) дәрілік заттарды,

      сондай-ақ дәрілік заттар өндірісінен және (немесе) дәрілік заттарға жатпайтын сынақтардан

      (талдаулардан) кейінгі шикізат, материалдар, материалдардың, сынамалардың қалғандары,

      жартылай өнімдері әрі қарай қайта өңдеуге жатпайтын қалдықтарды (керектісін сызу)жоюды

      жүргізді.

      жаншу; өртеу, 1:100 арақатынаста сумен араластыру, бейтараптандыру және пайда

      болған суспензияны немесе ерітіндіні өндірістік кәрізге ағызу арқылы жойылды (керектісін сызу).

      Төраға: ___________________________ (қолы)

      Комиссия мүшелері: ________________ (қолы)

      ___________________________________ (қолы)

      ___________________________________ (қолы)

      ___________________________________ (қолы)