Ескерту. Күші жойылды – ҚР Денсаулық сақтау министрінің 03.11.2020 № ҚР ДСМ-179/2020 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасы Кодексінің 7-бабы 1-тармағының 70-2) тармақшасына сәйкес БҰЙЫРАМЫН:

      1. Осы бұйрыққа қосымшаға сәйкес Дәрілік заттардың ұтымды пайдалануына бағалау жүргізу қағидалары бекітілсін.

      2. Қазақстан Республикасы Денсаулық сақтау министрлігінің Фармация комитеті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күнінен бастап күнтізбелік он күннің ішінде қазақ және орыс тілдеріндегі қағаз және электрондық түрдегі оның көшірмесін ресми жариялау және Қазақстан Республикасының нормативтік құқықтық актілерінің Эталондық бақылау банкіне қосу үшін "Қазақстан Республикасының заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты ресми жариялағаннан кейін Қазақстан Республикасы Денсаулық сақтау министрлігінің интернет-ресурсына орналастыруды;

      4) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Денсаулық сақтау вице-министрі К.Т. Надыровқа жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Дәрілік заттардың ұтымды пайдаланылуына бағалау жүргізу қағидалары

1-тарау. Жалпы ережелер

      1. Осы Дәрілік заттардың ұтымды пайдаланылуына бағалау жүргізу қағидалары (бұдан әрі – Қағидалар) 2009 жылғы 18 қыркүйектегі "Халық денсаулығы және денсаулық сақтау жүйесі туралы" Қазақстан Республикасы Кодексінің (бұдан әрі – Кодекс) 7-бабы 1-тармағының 70-2) тармақшасына сәйкес әзірленді және денсаулық сақтау ұйымдарында дәрілік заттардың ұтымды пайдаланылуына бағалау жүргізу тәртібін айқындайды.

      2. Осы Қағидаларда мынадай негізгі терминдер мен анықтамалар пайдаланылады:

      1) денсаулық сақтау саласындағы уәкілетті орган (бұдан әрі – уәкілетті орган) – азаматтардың денсаулығын сақтау, медицина және фармацевтика ғылымы, медициналық және фармацевтикалық білім беру, дәрілік заттар мен медициналық бұйымдардың айналысы, медициналық көрсетілетін қызметтердің сапасын бақылау саласында басшылықты және салааралық үйлестіруді жүзеге асыратын орталық атқарушы орган;

      2) денсаулық сақтау ұйымының дәрiлiк формуляры – қазақстандық ұлттық дәрілік формулярдың негізінде қалыптастырылған және уәкілетті орган айқындайтын тәртіппен денсаулық сақтау ұйымының басшысы бекіткен, тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде медициналық көмек көрсетуге арналған дәрілік заттардың тізбесі;

      3) дәрілік зат – затты не заттардың құрамасын білдіретін немесе қамтитын, адам организмімен байланысқа түсетін, адамның ауруларын емдеуге, олардың профилактикасына немесе оның физиологиялық функцияларын фармакологиялық, иммунологиялық не метаболизмдік әсер ету арқылы қалпына келтіруге, түзетуге немесе өзгертуге немесе адамның аурулары мен жай-күйінің диагностикасына арналған зат;

      4) дәрілік заттардың ұтымды пайдаланылуы – жеткілікті уақыт кезеңі ішінде және неғұрлым аз шығындармен пациенттің жеке-дара қажеттіліктеріне сай келетін мөлшерлерде клиникалық көрсетілімдерге сәйкес келетін дәрі-дәрмекпен емдеу;

      5) дәрілік заттың халықаралық патенттелмеген атауы - дәрілік заттың Дүниежүзілік денсаулық сақтау ұйымы ұсынған атауы;

      6) дәрілік препарат – диагностикалау, емдеу мен профилактика үшін қолданылатын дәрілік нысан түріндегі дәрілік зат;

      7) жағымсыз реакция – организмнің дәрілік (зерттелетін) препаратты қолдануға байланысты және осы дәрілік (зерттелетін) препараттың қолданылуымен ықтимал өзара байланыстың болуы шамаланатын байқаусызда болған, қолайсыз реакциясы;

      8) клиникалық фармаколог – "емдеу ісі", "педиатрия", "жалпы медицина" бейіндері бойынша жоғары медициналық білімі бар, клиникалық фармакология бойынша резидентурадан немесе қайта даярлаудан өткен және клиникалық фармаколог маманының сертификаты бар маман;

      9) клиникалық хаттама – белгілі бір ауру немесе клиникалық жағдай кезінде пациентке медициналық көмек көрсетуге қойылатын жалпы талаптарды белгілейтін құжат;

      10) Қазақстандық ұлттық дәрілік формуляр – тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде медициналық ұйымдардың дәрілік формулярларын әзірлеу және дәрілік заттарды сатып алу тізімдерін қалыптастыру үшін міндетті негіз болып табылатын, клиникалық қауіпсіздігі мен тиімділігі дәлелденген дәрілік заттардың, сондай-ақ орфандық (сирек кездесетін) дәрілік препараттардың тізбесі;

      11) дәрілік заттың саудалық атауы – дәрілік зат тіркелетін атау;

      12) формулярлық жүйе – дәрілік заттарды ұтымды пайдалануға бағытталған, дәрілік формулярлар үшін дәрілік заттарды кезең-кезеңмен бағалау және іріктеу, дәрілік формулярларды қолдау және тиісті нұсқау мен тізбе түрінде ақпарат беру жүйесі;

      3. Денсаулық сақтау ұйымдарында дәрілік заттардың ұтымды пайдаланылуын бағалау дәрілік заттардың ұтымды пайдаланылуына ішкі және сыртқы бағалау жүргізу жолымен жүзеге асырылады.

2-тарау. Денсаулық сақтау ұйымдарының дәрілік заттардың ұтымды пайдаланылуына ішкі бағалау жүргізу тәртібі

      4. Денсаулық сақтау ұйымдары жыл сайын 1-жартыжылдық ішінде өткен жылға дәрілік заттардың ұтымды пайдаланылуына ішкі бағалау (бұдан әрі – ішкі бағалау) жүргізеді.

      5. Ішкі бағалау Қазақстан Республикасының қолданыстағы заңнамасының және осы Қағилардың талаптарына дәрілік заттардың пайдаланылуының сәйкестігін бағалауды білдіреді.

      6. Ішкі бағалауды клиникалық фармакологтың міндетті түрде қатысуымен денсаулық сақтау ұйымы деңгейінде медициналық көмектің сапасын басқару жөніндегі қызметті жүзеге асыратын денсаулық сақтау ұйымының құрылымдық бөлімшесі (бұдан әрі – құрылымдық бөлімше) жүргізеді. Денсаулық сақтау ұйымында клиникалық фармаколог болмаған жағдайда, оларды сырттан тартуға болады.

      7. Құрылымдық бөлімше және клиникалық фармаколог денсаулық сақтау ұйымының медициналық ақпараттық жүйесіне рұқсатпен қамтамасыз етіледі.

      8. Денсаулық сақтау ұйымының ішкі бағалауына:

      1) денсаулық сақтау ұйымының формулярлық комиссиясының қызметі;

      2) дәрілік заттарды жоспарлау және сатып алу;

      3) дәрілік заттарды тағайындаудың негізділігін мониторингтеу жүйесі;

      4) инфекциялық бақылау жүйесі;

      5) дәрі-дәрмектік қателерді жинау және мониторингтеу жүйесі;

      6) дәрілік заттардың жағымсыз реакцияларын тіркеу жүйесі;

      7) дәрілік заттардың тұтынылуын талдау;

      8) дәрілік заттарды оларды белгілі бір кезең аралығында тұтыну көлеміне қарай үш сынып бойынша бөлу арқылы дәрілік заттарға жұмсалатын қаржылық шығындардың пайдаланылуының ұтымды болуына талдау жүргізу (бұдан әрі - AВС (эй би си) және дәрілік заттардың пайдаланылу тиімділігін бағалау: өмірді құтқаруға және қолдауға қажетті (маңызды) өмірлік-маңызды дәрілік заттар; қаупі төмен, бірақ елеулі ауруларды емдеу кезіндегі тиімді қажетті дәрілік заттар; тиімділігі күмәнді, симптоматикалық көрсетілімдер бойынша пайдаланылатын қымбат тұратын екінші дәрежелі (болмашы) дәрілік заттар (бұдан әрі – VEN (вен).

      9. Дәрілік заттардың ұтымды пайдаланылуын қамтамасыз ету үшін денсаулық сақтау ұйымы:

      1) дәрілік заттарды жоспарлаудың, сатып алудың, сақтаудың, бөлудің және пайдаланудың, оның ішінде тәуекел дәрежесі жоғары дәрілік заттар айналысының стандартты операциялық рәсімдерін (СОР) қамтитын, денсаулық сақтау ұйымдарында дәрілік заттардың айналысы тәртібін сипаттайтын құжатты;

      2) денсаулық сақтау ұйымының бейінін ескере отырып, жұмыс істеу кезінде пациентке және (немесе) медицина қызметкерлеріне зиян келтірудің жоғары тәуекелі бар (жоғары тәуекел дәрежесі бар) дәрілік заттардың тізімін әзірлейді және денсаулық сақтау ұйымының басшысымен бекітеді.

      10. Дәрілік заттарды тағайындаудың негізділігін мониторингтеу жүйесі осы Қағидаларға 1-қосымшаға сәйкес нысандар бойынша дәрілік заттарды тағайындаудың негізділігін бағалау үшін деректер жинауды және дәрілік заттарды тағайындаудың негізділігін бағалауды қамтиды.

      Дәрілік заттарды тағайындаудың негізділігіне мониторинг жүргізу үшін пайдаланылуының неғұрлым жоғары клиникалық және экономикалық әсері бар басым топтары және оларды бағалау индикаторлары айқындалады.

      Басым топтарға мыналар жатады:

      1) қымбат тұратын;

      2) көп мөлшерде пайдаланылатын;

      3) микробқа қарсы;

      4) қауіп тобындағы пациенттерді (егде жастағы адамдар, балалар, жүкті әйелдер, қарқынды терапия бөлімшесінің пациенттері) емдеу үшін қолданылатын;

      5) елеулі жағымсыз реакциялары, арнайы терапиялық индексі;

      6) анағұрлым жиі кездесетін ауруларды емдеу үшін қолданылатын;

      7) денсаулық сақтау ұйымының дәрілік формулярына енгізу бойынша қаралудағы дәрілік заттар;

      8) денсаулық сақтау ұйымының дәрілік формулярына енгізілген жаңа дәрілік заттар.

      Дәрілік заттарды тағайындаудың негізділігін бағалауға ұсынылатын индикаторлар:

      1) дәрілік зат пайдаланылған көрсетілімдердің Қазақстандық ұлттық дәрілік формулярдың (бұдан әрі – ҚҰФ) формулярлық баптарындағы дәрілік заттардың көрсетілімдеріне, дәрілік заттың медициналық қолдану жөніндегі нұсқаулықтарға, клиникалық хаттамаларға, халықаралық клиникалық нұсқауларға сәйкестігі;

      2) дәрілік затты пайдалану бойынша клиникалық шектеулерді сақтау;

      3) дозалау режимін сақтау;

      4) дәрілік затты енгізу жолының пациенттің жай-күйіне, жасына, дәрілік заттың фармацевтикалық сипаттамаларына сәйкестігі;

      5) дәрілік заттың құны болып табылады.

      9. Инфекциялық бақылау жүйесі микробқа қарсы препараттарды пайдалану бойынша мультидисциплинарлық топты құруды және жұмыс істеуін, ауруханаішілік инфекцияларды стационарлық деңгейде сараптауды және амбулаториялық деңгейде микробқа қарсы препараттарды тағайындаудың негізділігін мониторингтеуді қамтиды.

      Микробқа қарсы препараттарға төзімділікті ұстау мақсатында оларды амбулаториялық деңгейде тағайындау үлесі айқындалады.

      10. Дәрі-дәрмектік қателерді жинау және мониторингтеу жүйесі осы Қағидаларға 2-қосымшаға сәйкес нысан-хабарламаларды жинауды, толтыруды, анықталған дәрі-дәрмектік қателерді талдауды, оларды туындататын себептерді жою және болдырмау жөніндегі іс-шараларды әзірлеуді қамтиды.

      Дәрі-дәрмектік қателер туралы хабарламаны емдеу процесінің барлық қатысушылары (дәрігер, фармацевт, мейіргер, пациент, кәмелетке толмаған адамның заңды өкілі, әрекетке қабілетсіз адамның қамқоршысы) оларды қарау үшін оқиға болған және (немесе) дәрі-дәрмектік қателер анықталған сәттен бастап 24 сағаттан кешіктірмей құрылымдық бөлімшеге жібереді.

      Мемлекеттік медициналық ұйымдар дәрі-дәрмектік қателер туралы нысан-хабарламаларды жинау және есепке алу үшін жылына бір рет толтырылған дәрі-дәрмектік қателер туралы нысан-хабарламаларды ағымдағы жылғы 25 қазаннан кешіктірмей "Денсаулық сақтауды дамыту республикалық орталығы" шаруашылық жүргізу құқығындағы республикалық мемлекеттік кәсіпорнына (бұдан әрі – Орталық) жібереді.

      11. Дәрілік заттардың жағымсыз реакцияларын тіркеу жүйесі дәрілік заттардың және медициналық бұйымдардың айналысы саласындағы мемлекеттік сараптама ұйымына дәрілік заттың жанама әсері немесе жағымсыз реакциясы туралы карта-хабарламаларды толтыруды және беруді қамтиды.

      12. Дәрілік заттардың тұтынылуын талдау белгіленген тәуліктік дозаны және пайдаланылған дәрілік заттардың саны бойынша нақты деректерді ескере отырып жүргізіледі.

      Дәрілік заттарды тұтынуды талдау нәтижелері дәрілік заттарды немесе жекелеген фармакологиялық топтарды сатып алуды одан әрі мониторингтеу және жоспарлау, сондай-ақ оларды тұтыну үрдісін айқындау үшін пайдаланылады.

      13. АВС (эй би си) талдауы:

      1) денсаулық сақтау ұйымы деңгейінде әртүрлі дәрілік заттарды немесе фармакологиялық топтарды сатып алуды;

      2) белгілі бір нозология кезінде дәрілік заттарды немесе фармакологиялық топтарды қолдануды;

      3) бір фармакологиялық топтың ішінде белгілі бір дәрілік заттарды пайдалануды;

      4) көрсетілетін медициналық көмек бейініне сәйкес денсаулық сақтау ұйымдарының дәрілік заттарға жұмсалатын қаржылық шығындардың орындылығын;

      5) қаржылық шығындардың сырқаттанушылық құрылымына сәйкестігін бағалау үшін жүргізіледі.

      14. VEN (вен) талдауы дәрілік заттың тиімділігінің дәлелділік деңгейімен айқындалатын клиникалық маңыздылығы дәрежесі бойынша дәрілік затты саралау үшін жүргізіледі.

      Дәрілік заттарды сатып алудың АВС (эй би си) және VEN (вен) талдауларының нәтижелері Кодекстің 7-бабы 1-тармағының 70) тармақшасына сәйкес бекітілетін Қазақстандық ұлттық дәрілік формулярды, белгілі бір аурулары (жай-күйлері) бар азаматтардың жекелеген санаттарын тегін және (немесе) жеңілдікпен амбулаториялық қамтамасыз етуге арналған дәрілік заттар мен медициналық бұйымдардың тізбесін қалыптастыру, сондай-ақ денсаулық сақтау ұйымдарының дәрілік формулярларын әзірлеу тәртібіне сәйкес денсаулық сақтау ұймының дәрілік формулярын әзірлеу және қалыптастыру кезінде қолданылады.

      15. Дәрілік заттардың ұтымды пайдаланылуын ішкі бағалау нәтижелері денсаулық сақтау ұйымының формулярлық комиссиясының отырысында қаралады.

      16. Денсаулық сақтау ұйымының формулярлық комиссиясының шешімі бойынша үш айдың ішінде сәйкессіздіктерді жою және дәрілік заттардың ұтымды пайдаланылуын одан әрі жақсарту бойынша шаралар қабылданады.

      17. Анықталған сәйкессіздіктерді жою жөніндегі іс-шаралар білім беру және (немесе) жедел сипатта болады және дәрілік заттарды пайдалану кезінде жұмыста қателіктер жіберген адамдар тобына немесе жеке маманға жіберіледі.

      18. Білім беру шаралары медицина және фармацевтика қызметкерлері үшін дәрілік заттарды ұтымды пайдалану бойынша біліктілікті арттыру курстары түрінде оқыту іс-шараларын өткізуді қамтиды.

      19. Жедел шаралар денсаулық сақтау ұйымының дәрілік формулярындағы өзгерістерді және (немесе) кейбір дәрілік заттарды пайдалануға шектеулер енгізуді және (немесе) емдеудің жаңа стандарттарын қайта қарауды және енгізуді және (немесе) медициналық жабдықты сатып алуды және (немесе) жаңа зертханалық әдістерді енгізуді және (немесе) штат кестесінде өзгерістерді қамтиды.

      20. Дәрілік заттардың ұтымды пайдаланылуын ішкі бағалау нәтижелері бағалау жүргізілген күннен бастап 20 жұмыс күні өткен соң денсаулық сақтау ұйымының интернет-ресурсында орналастырылады.

3-тарау. Денсаулық сақтау ұйымдарында дәрілік заттардың ұтымды пайдаланылуына сыртқы бағалау жүргізу тәртібі

      23. Денсаулық сақтау ұйымдарында дәрілік заттардың ұтымды пайдаланылуын сыртқы бағалау (бұдан әрі – сыртқы бағалау) ұсынымдар әзірлеу және медицина және фармацевтика қызметкерлерін дәрілік заттарды ұтымды пайдалануға оқыту жолымен дәрілік заттарды қолданудың тиімділігін арттыру мақсатында жүзеге асырылады.

      24. Сыртқы бағалауды екі жылда бір рет кезеңділігімен Орталық жүргізеді.

      25. Сыртқы бағалауды жүргізу үшін Орталықта уәкілетті органның ақпараттық жүйелеріне және денсаулық сақтау ұйымдарының медициналық ақпараттық жүйелеріне қолжетімділік бар.

      26. Сыртқы бағалау осы Қағидаларға 3 және 4-қосымшаларға сәйкес стационарлық және амбулаториялық-емханалық көмек көрсететін ұйымдар үшін дәрілік заттардың ұтымды пайдаланылуын бағалау индикаторларының (бұдан әрі – индикаторлар) негізінде жүзеге асырылады.

      27. Индикаторлардың сәйкестігін бағалау құжаттарды зерделеу және талдау, бақылау және персонал арасында сұрау жүргізу арқылы жүзеге асырылады.

      28. Сыртқы бағалау нәтижелері ұсынымдармен бірге тиісті денсаулық сақтау ұйымына қарау және шаралар қабылдау үшін жіберіледі.

      29. Денсаулық сақтау ұйымдарын сыртқы бағалау нәтижелері бойынша жиынтық ақпарат дәрілік заттардың ұтымды пайдаланылуын жақсарту жөніндегі уәкілетті органға ұсынымдар әзірлеу үшін Қазақстан Республикасы Денсаулық сақтау министрлігінің Формулярлық комиссиясына жіберіледі.

      30. Орталық ішкі немесе сыртқы бағалау нәтижелері бойынша медицина және фармацевтика қызметкерлерін оқыту іс-шараларын жүргізеді. Біліктілікті арттыру циклдерінде оқу мерзімі кемінде 54 сағат.

      31. Денсаулық сақтау ұйымдары Кодекстің 86-2-бабының 3-тармағына сәйкес дәрілік заттарды ұтымды пайдалануды қамтамасыз етеді.

      32. Орталық бірыңғай тегін телефон желісі/байланыс орталығы арқылы медицина және фармацевтика қызметкерлері мен халыққа дәлелді медицина қағидаттары негізінде дәрілік заттар туралы дұрыс ақпаратты, сондай-ақ дәрілік заттарды қолдану және өзара іс-қимылдың қиын жағдайлары кезінде консультациялық көрсетілетін қызметтерді ұсынады.

1-нысан. Дәрілік препараттарды тағайындаудың негізділігін бағалау үшін деректер жинау

      Деректерді жинау күні / кезеңі:____________________________________________________
                                                (күні, айы, жылы)
      Бағаланатын ДЗ / ДЗ фармакологиялық тобы / нозология: _____________________________
      _______________________________________________________________________________
      Бағалау жүргізілетін денсаулық сақтау ұйымының бөлімшелері:________________________
      _______________________________________________________________________________
      Деректерді жинау әдісі:

2-нысан. Дәрілік заттарды тағайындаудың негізділігін бағалау парағы

      Бөлімше _________________________________________________________________
      Ауру тарихының №________________________________________________________
      Емдеуші дәрігер __________________________________________________________
      (тегі, инициалдары)
      Пациент_________________________________________________________________
      (тегі, аты, әкесінің аты (бар болса)
      Туған күні ___. ______. _____ Жынысы:

3-нысан. Антибиотикопрофилактика сараптамасын бағалау парағы

      Бөлімше _________________________________________________________________
      Ауру тарихының №________________________________________________________
      Емдеуші дәрігер __________________________________________________________
      (тегі, инициалдары)
      Пациент_________________________________________________________________
      (тегі, аты, әкесінің аты (бар болса)
      Туған күні ___. ______. _____ Жынысы:

4-нысан. Антибиотикотерапия сараптамасын бағалау парағы

      Бөлімше _______________________________________________________________
      Ауру тарихының №_______________________________________________________
      Емдеуші дәрігер _________________________________________________________
      (тегі, инициалдары)
      Пациент________________________________________________________________
      (тегі, аты, әкесінің аты (бар болса)
      Туған күні ___. ______. _____ Жынысы:

Дәрі-дәрмектік қателер туралы нысан-хабарлама

      Дәрі-дәрмектік қатеге күдік туындаған кезде осы нысанды-хабарламаны толтыруыңызды өтінеміз.

      Өтінеміз, барлық бөлімдерді барынша толық толтырыңыз (көк/қара шарикті қаламмен немесе компьютерде). Пациент және нысан- хабарламаны ұсынған адам туралы мәліметтер құпия болып қалады.

      Дәрі-дәрмектік қателер туралы нысан-хабарламаны толтырған тұлға туралы ақпарат

      Дәрі-дәрмектік қате салдарынан жағымсыз реакцияны бастан өткерген пациент туралы ақпарат

      Күдік тудыратын дәрі-дәрмектік қате туралы ақпарат

      __________________________________________________________________________

      Препараттарды енгізуге байланысты:

      __________________________________________________________________________

      Препараттарды сақтаумен және дайындаумен байланысты:

      Берілді / жіберілді:

      __________________________________________________________________________

      (таңдалған қатені сипаттау)

Стационарлық көмек көрсететін ұйымдарға арналған дәрілік заттардың ұтымды пайдаланылуын бағалау индикаторлары

      *Нәтижелерді сандық бағалау мынадай параметрлер бойынша жүргізіледі:

      1) Әрбір индикатор 2 балдық шкала бойынша бағаланады, мұнда:

      - 2 балл – барлық растаушы құжаттармен сыртқы бағалау индикаторына толық сәйкестік, барлық процестер орындалады;

      - 1 балл – сыртқы бағалау индикаторына ішінара сәйкестік, растайтын құжаттардың кейбіреуі жоқ, немесе құжаттар бар, бірақ процесс орындалмайды, немесе процесс орындалады, бірақ құжаттар жоқ;

      - 0 балл – сыртқы бағалау индикаторына сәйкессіздік, растайтын құжаттар жоқ, процестер орындалмайды немесе ішінара орындалады.

      2) Балдардың жиынтық саны – 56.

      Нәтижелердің сапалы бағалануы бағалау эквиваленттерінің шкаласы бойынша жүргізіледі, бұл ретте баллдардың ең көп саны 100%-ға теңестіріледі:

      - 90-100% – "Өте жақсы";

      - 75-89%– "Жақсы";

      - 50-74%– "Қанағаттанарлық";

      - <50%– "Қанағаттанарлықсыз".

Амбулаториялық-емханалық көмек көрсететін ұйымдар үшін дәрілік препараттардың пайдаланылуын бағалау индикаторлары

      *Нәтижелерді сандық бағалау мынадай параметрлер бойынша жүргізіледі:

      1) Әрбір индикатор 2 балдық шкала бойынша бағаланады, мұнда:

      - 2 балл – барлық растаушы құжаттармен сыртқы бағалау индикаторына толық сәйкестік, барлық процестер орындалады;

      - 1 балл – сыртқы бағалау индикаторына ішінара сәйкестік, растайтын құжаттардың кейбіреуі жоқ, немесе құжаттар бар, бірақ процесс орындалмайды, немесе процесс орындалады, бірақ құжаттар жоқ;

      - 0 балл – сыртқы бағалау индикаторына сәйкессіздік, растайтын құжаттар жоқ, процестер орындалмайды немесе ішінара орындалады.

      2) Балдардың жиынтық саны – 60.

      Нәтижелердің сапалы бағалануы бағалау эквиваленттерінің шкаласы бойынша жүргізіледі, бұл ретте баллдардың ең көп саны 100%-ға теңестіріледі:

      - 90-100% – "Өте жақсы";

      - 75-89% – "Жақсы";

      - 50-74% – "Қанағаттанарлық";

      - <50% – "Қанағаттанарлықсыз".