Ескерту. Күші жойылды - ҚР Білім және ғылым министрінің 15.03.2021 № 111 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
БҰЙЫРАМЫН:
1. "Орта білімнен кейінгі білім берудің кәсіптік оқу бағдарламалары бойынша мамандар даярлау жүзеге асырылатын мамандықтар тізбесін бекіту туралы" Қазақстан Республикасы Білім және ғылым министрінің міндетін атқарушының 2013 жылғы 19 тамыздағы № 347 бұйрығына (Қазақстан Республикасының нормативтік құқықтық актілерді мемлекеттік тіркеу тізімінде № 8731 болып тіркелген, 2013 жылғы 30 қазандағы № 243 (28182) "Егемен Қазақстан" газетінде жарияланған) мынадай өзгерістер енгізілсін:
тақырыбы мынадай редакцияда жазылсын:
"Орта білімнен кейінгі білімнің білім беру бағдарламалары бойынша кадрларды даярлау жүзеге асырылатын мамандықтар тізбесін бекіту туралы";
1-тармақ мынадай редакцияда жазылсын:
"1. Қоса беріліп отырған Орта білімнен кейінгі білімнің білім беру бағдарламалары бойынша кадрларды даярлау жүзеге асырылатын мамандықтар тізбесі бекітілсін.";
көрсетілген бұйрықпен бекітілген Орта білімнен кейінгі білім берудің кәсіптік оқу бағдарламалары бойынша мамандар даярлау жүзеге асырылатын мамандықтар тізбесі осы бұйрыққа қосымшаға сәйкес редакцияда жазылсын.
2. Қазақстан Республикасы Білім және ғылым министрлігі Техникалық және кәсіптік білім департаменті (Н.Ж. Оспанова) заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық мемлекеттік тіркелген күннен бастап күнтізбелік он күн ішінде оның көшірмесін баспа және электронды түрде қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрық мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін мерзімді басылымдарға жіберуді;
4) осы бұйрықты Қазақстан Республикасының Білім және ғылым министрлігінің интернет-ресурсында орналастыруды қамтамасыз етсін;
5) осы бұйрық Қазақстан Республикасының Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі департаментіне осы тармақтың 1), 2), 3) және 4) тармақшаларында қарастырылған іс-шаралардың орындаулы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау Қазақстан Республикасының Білім және ғылым вице-министрі Б.А. Асыловаға жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Білім және ғылым министрі |
Е. Сағадиев |
Орта білімнен кейінгі білімнің білім беру бағдарламалары бойынша кадрларды даярлау жүзеге асырылатын мамандықтар тізбесі
Мамандықтың коды | Білім профилі, мамандық атауы |
0100000 – Білім беру | |
0101000 | Мектепке дейінгі тәрбие және оқыту |
0102000 | Тәрбие жұмысын ұйымдастыру (деңгейлер бойынша) |
0103000 | Дене тәрбиесі және спорт |
0105000 | Бастауыш білім беру |
0111000 | Негізгі орта білім беру |
0300000 – Медицина, фармацевтика | |
0302000 | Медбикелік іс |
0500000 – Қызмет көрсету, экономика және басқару | |
0513000 | Маркетинг |
0515000 | Менеджмент (қолдану аясы және салалары бойынша) |
0516000 | Қаржы (салалар бойынша) |
0518000 | Есеп және аудит (салалар бойынша) |
0519000 | Экономика (салалар бойынша) |
0800000 – Мұнай-газ және химия өндірісі | |
0809000 | Мұнай және газ кен орындарын пайдалану (бейін бойынша) |
0900000 – Энергетика | |
0902000 | Электрмен қамтамасыз ету |
0911000 | Электр және электрлі механикалық жабдықтарды техникалық пайдалану, қызмет көрсету және жөндеу (түрлері бойынша) |
0915000 | Гидроэнергетика |
1000000 – Металлургия және машина жасау | |
1014000 | Машина жасау технологиясы (түрлері бойынша) |
1200000 – Өндіру, құрастыру, пайдалану және жөндеу (салалар бойынша) Көлікті пайдалану | |
1201000 | Автомобиль көлігіне техникалық қызмет көрсету, жөндеу және пайдалану |
1216000 | Элеватор, ұн тартатын, жармалық және құрама жем өндірісі |
1219000 | Нан пісіру, макарон және кондитерлік өндірісі |
1226000 | Тамақтандыру кәсіпорындарының өнім өндіру технологиясы және оны ұйымдастыру |
1300000 – Байланыс, телекоммуникация және ақпараттық технологиялар. Электрондық техника | |
1302000 | Автоматтандыру және басқару (бейін бойынша) |
1304000 | Есептеу техникасы және бағдарламалық қамтамасыз ету (түрлері бойынша) |
1305000 | Ақпараттық жүйелер |
1306000 | Радиоэлектроника және байланыс (түрлері бойынша) |
1400000 – Құрылыс және коммуналдық шаруашылық | |
1401000 | Ғимараттар мен құрылымдарды салу және пайдалану |
1410000 | Автомобиль жолдары мен аэродромдар құрылысы |
