Ескерту. Күші жойылды – ҚР Әділет министрінің 09.06.2023 № 367 (01.07.2023 бастап қолданысқа енгізіледі) бұйрығымен.

      БҰЙЫРАМЫН:

      1. "Жылжымайтын мүлік объектілеріне мемлекеттік техникалық тексеру нұсқаулығын бекіту туралы" Қазақстан Республикасы Әділет министрінің 2014 жылғы 13 ақпандағы № 57 бұйрығына (Нормативтік құқықтық актілерді мемлекеттік тіркеу тізілімінде № 9173 болып тіркелген, 2014 жылғы 7 наурызда "Әділет" ақпараттық-құқықтық жүйесінде жарияланған) мынадай өзгерістер енгізілсін:

      тақырыбы мынадай редакцияда жазылсын:

      "Жылжымайтын мүлік объектілерін мемлекеттік техникалық зерттеп-қарау жөніндегі нұсқаулығын бекіту туралы";

      кіріспесі мынадай редакцияда жазылсын:

      "Жылжымайтын мүлікке құқықтарды мемлекеттік тіркеу туралы" Қазақстан Республикасы Заңының 18-1-бабы 4-1) тармақшасына сәйкес БҰЙЫРАМЫН:";

      1-тармақ мынадай редакцияда жазылсын:

      "1. Қоса беріліп отырған Жылжымайтын мүлік объектілерін мемлекеттік техникалық зерттеп-қарау жөніндегі нұсқаулығы бекітілсін.";

      Жылжымайтын мүлік объектілеріне мемлекеттік техникалық тексеру нұсқаулығына мынадай өзгерістер енгізілсін:

      тақырыбы мынадай редакцияда жазылсын:

      "Жылжымайтын мүлік объектілерін мемлекеттік техникалық зерттеп-қарау жөніндегі нұсқаулығы";

      1-тармақ мынадай редакцияда жазылсын:

      "1. Осы жылжымайтын мүлік объектілерін мемлекеттік техникалық зерттеп-қарау жөніндегі нұсқаулығы (бұдан әрі - Нұсқаулық) "Жылжымайтын мүлікке құқықтарды мемлекеттік тіркеу туралы" Қазақстан Республикасының 2007 жылғы 26 шілдедегі № 310 Заңына (бұдан әрі - Заң) сәйкес әзірленді және құқықтары мемлекеттік тіркеуге жататын жылжымайтын мүлік объектілеріне техникалық зерттеп-қарау жүргізілуін нақтылайды.";

      4-тармақ мынадай редакцияда жазылсын:

      "4. Жылжымайтын мүлік объектілерін мемлекеттік техникалық зерттеп-қарау жұмысы мыналардан:

      1) нақты шекараларымен оған енгізілген құрылыстар және ғимараттары мен жер учаскелерінің жоспарын жасаудан;

      2) учаскеде орналасқан негізгі құрылыстардың әрбір қабаты бойынша жоспарларын жасаудан;

      3) учаскеде орналасқан барлық құрылыстар мен ғимараттардың техникалық ахуалын белгілей отырып, олардың конструктивтік элементтерінің техникалық сипаттамасын жасаудан;

      4) есептеу жұмыстарын жасау және болашақта жылжымайтын мүлікке тіркелген құқықтардың бірыңғай мемлекеттік тізілімін толтыру үшін пайдаланылатын жылжымайтын мүлік объектілерінің техникалық паспорттарына зерттеп-қараудың нәтижелерін енгізуден тұрады.";

      6, 7, 8, және 9-тармақтар мынадай редакцияда жазылсын:

      "6. Үлкен өлшеуішті аумақтарға техникалық зерттеп-қарау жүргізу үшін 1:10000, 1:5000, 1:2000, 1:1000, 1:500 және 1:200 масштабтардағы топографиялық материалдарды пайдалануға жол беріледі.

      7. Жер учаскесін түсіру процесі кезінде барлық құрылыстар мен құрылысжайлар өлшенеді, учаскенің және оның жекелеген бөлімдерінің (қоныстарының) шекараларының ұзындығы өлшенеді, жылжымайтын мүлік объектісінің нақты тұрған жері (мекенжайы) белгіленеді. Ортақ үлестік меншік құқығындағы объектіге зерттеп-қарау жүргізген кезде зерттеп-қарау тек тапсырыс беруші-меншік иесіне тиесілі жер учаскесі мен құрылыстары өлшенеді.

      Бір жылжымайтын мүлік объектісінің бірнеше меншік иелері болған жағдайда, қажет болған жағдайда әрбір меншік иесі техникалық паспорт даярлауға тапсырыс бере алады. Бір меншік иесінің техникалық паспорт даярлау барысында, екінші меншік иесіне техникалық паспорт объектіге шықпай алдыңғы зерттеп-қарау материалдары бойынша (кіру мүмкіндігі болмаған жағдайда) даярланып беріледі. Берілетін бірдей техникалық паспорттардың есебін жүргізу үшін, техникалық паспорттың сыртқы бетінде дананың нөмірі жөнінде белгі қойылуы тиіс, ол уәкілетті органның түгендеу ісінде сақталады. Бұл жағдайда өзге меншік иесіне берілген техникалық паспорттар жойылмайды.

      8. Жылжымайтын мүлік объектісінде ауыртпалықтар мен талаптар болған кезде мемлекеттік техникалық зерттеп-қарауға және оған техникалық паспорт беруге жатады, өйткені техникалық паспорт құқық белгілеуші құжат болып есептелмейді. Жер учаскесіне сәйкестік құжаттар болған жағдайда, меншік иесінің қалауы бойынша техникалық паспорт даярлана отырып, зерттеп-қарау жүргізіледі.

      9. Барлық өлшеулер дәлдікпен және кейінгі жер учаскесінің жоспары сызылатын абриске енгізіледі. Абрис жердің жоспарын сызуға арналған алғашқы құжат болып табылады. Абриске түзету енгізуге жол берілмейді, жекелеген түзетулер нақты және оларға ескертпе болуы қажет. Абристі таза етіп жасау мақсатында қайта сызуға тыйым салынады. Абристе оның сызылған күні, жылыжмайтын мүлік объектісінің мекен - жайы, объектінің меншік иесі (өзге де заттық құқық иесі) түсіруді орындаған маманның және техникалық зерттеп-қарау жүргізу бөлімі басшысының (әрі қарай - бөлім басшысы) тегі мен қолы көрсетіледі. Абрис қарындашпен немесе электронды түрде сызылады. Абристің сапасында өзгерістер жоқ болса онда абрис ретінде алдыңғы мемлекеттік техникалық зерттеп-қарау жүргізу құжаттары пайдаланылады. Жылжымайтын мүлік объектісін зерттеп-қарау жүргізу кезінде жобалық құжаттаманың көшірмесін пайдалануға болады. Онда құрылыстың пайдалану мақсаты, зерттеп-қаралған құрылыстар және ғимараттар, литер тізбесі, бөлмелер нөмірі, қайта жасақталған құрылыстар мен құрылыс жайлар нөмірі, сондай-ақ анықталған бұзушылықтар көрсетіледі. Абристегі қасбет сызығы парақтың төменгі сызығымен параллель сызылады. Абристегі жазулар мен сандар анық және олар жататын паралель сызыққа орналастырылады.";

      67-тармақ мынадай редакцияда жазылсын:

      "67. Жылжымайтын мүлікті мемлекеттік техникалық зерттеп-қарау жүргізу жұмыстары аяқталған соң жылжымайтын мүліктің меншік иесі (өкілеті тұлғасы) абриске қол қояды.";

      79-тармақ мынадай редакцияда жазылсын:

      "79. Құрылыстар мен жеке үй-жайлар көп жағдайларда тікбұрышты кескінде болады, бірақ тексеру жүргізу кезінде қисық сызықты кескіндегі үй-жайлар да кездеседі. Бұл жағдайларда мұндай пішіндерді жай кескіндей бөлу керек және олардың әрбірінің ауданын есептеп және нәтижесін қосу қажет.";

      95-тармақ мынадай редакцияда жазылсын:

      "95. Үй-жайлардың және оның құрамдас бөліктерінің үлгілері оның мақсаты бойынша белгіленеді. Үй-жайдың және оның бөліктерінің (бөлменің) үлгілерін анықтау үй-жайды табиғи зерттеп-қарау жүргізу кезінде жүргізіледі.";

      5-тараудың тақырыбы мынадай редакцияда жазылсын:

      "5-тарау. Автомобиль жолдарын мемлекеттік техникалық зерттеп-қарау";

      116-тармақ мынадай редакцияда жазылсын:

      "116. Автомобиль жолдарының техникалық зерттеп-қарау объектілері мыналар:

      үлкен жылдамдықты жолдар;

      магистральдық көшелер;

      жалпы қалалық маңызы бар;

      аудандық маңызы бар.

      Жергілікті қозғалыс көшелері мен жолдары:

      тұрғын аудандардың;

      өнеркәсіптік және қоймалық аудандардың:

      көлік жүретін жолдары:

      жаяу жүргіншілер жолдары;

      алаңдар:

      елді мекендердің басты алаңдары;

      тұрғын және өнеркәсіптік аудандардың алаңдары;

      театрлар, клубтар, стадиондар мен басқа да қоғамдық ғимараттардың алдындағы алаңдар;

      сауда ғимараттарының алаңдары;

      вокзал алаңдары;

      көлік алаңдары;

      көпір алды алаңдар болып табылады.";

      123 және 124-тармақтар мынадай редакцияда жазылсын:

      "123. Жаяу жүрушілер өткелдері мен алаңдарды зерттеп-қарау кезінде олардың ені, ұзындығы, конструкция элементтерінің материалы, төсем жабыны мен қоршау материалы белгіленуі тиіс.

      124. Автомомбиль жолдарында орналасқан жасанды құрылыс-жайлар, көпірлер, виадуктар, өткерме жолдар, эстакадалар мемлекеттік техникалық зерттеп-қарау жатады.";

      126 және 127-тармақтар мынадай редакцияда жазылсын:

      "126. Көпірлер мен өткерме жолдарды зерттеп-қарау кезде төсемі бойынша ұзындығы қалыптар мен көпірлерде қалыптардың артқы шегі аралығындағы арақашықтығы:

      тірек ось аралығындағы жекелеген аралықтардың ұзындығы;

      сүйеніштер аралығының ені;

      тротуралар немесе сақтандырғыш жолақтардың көлікпен жүру бөлігінің ені;

      көпірдің биіктігі, көпір үстінен межеленген сулар, көкжиегіне дейінгі мен судың төменгі деңгейіне дейінгі арақашықтығы (МЖЖ);

      көпірдің саңлауы және оның жекелеген аралықтары, көпірдің саңлауы барлық аралықтардың саңлауларының соммасы аралық саңлауы жоғары су көкжиегі деңгейінде өлшенген жарықтағы аралас тіректер арасындағы арақашықтық;

      аралық құрылыс биіктігі;

      аралық құрылыс және тіректердің негізгі өлшемдері ұзындығы, ені және қимасы;

      фермалар, тіректер, тақтайлар осі арасының арақашықтығы өлшенеді.

      127. Жер асты өткелдерін зерттеп-қарау кезінде: оның ені, ұзындығы, биіктігі өлшенеді, қабырға материалы, жабуы, іргетасы, баспалдақ сандары көрсетіледі.";

      134-тармақ мынадай редакцияда жазылсын:

      "134. Автомобиль жолдары және өтетін жолдарды мемлекеттік техникалық зерттеп-қарау кезінде өлшем бірлігіне өту ені 20 метр болғанда - 1 км жол ұзындығы қолданылады. Өту жолының еніне тратуарлардың техникалық ені, жол жиегі, жаяу жүргін жолдар, жасыл желектердің ауданы, көліктерді қоюға арналаған орындары косылады.";

      6-тараудың тақырыбы мынадай редакцияда жазылсын:

      "6-тарау. Теміржолдарды мемлекеттік техникалық зерттеп-қарау";

      145 және 146 тармақтар мынадай редакцияда жазылсын:

      "145 "Теміржол көлігі туралы" Қазақстан Республикасының Заңына сәйкес теміржолдардың мемлекеттік техникалық зерттеп-қарауға жататын жылжымайтын мүлік объектілері:

      магистральдык теміржолдар;

      станциялық теміржолдар;

      кіре беріс теміржолдары;

      басқа да құрылысжайлар болып табылады.

      146. Ғимараттар мен құрылысжайларды техникалық зерттеп-қарау кезінде тексерілетін объектілердің мақсатын анықтау қажет.";

      152, 153 және 154-тармақтар мынадай редакцияда жазылсын:

      "152. Станциялық платформаларды зерттеп-қарау кезінде платформалардың ені, ұзындығы, жабыны, станциялық платформаның, рельстің басынан басталатын биіктігі, платформалардың түсетін баспалдақтарының және қоршауларының өлшемдері анықталады.

      153. Жаяу жүргіншілердің өтпелерін зерттеп-қарау кезде конструкцияның ені, ұзындығы, биіктігі, элементтерінің материалдары, төсем жабыны, қоршаулардың материалы белгіленуі тиіс.

      154. Теміржолдың бойында орналасқан жасанды құрылыстар: көпірлер, виадуктар, өткерме жолдар, эстакадалар мемлекеттік техникалық зерттеп-қарауға жатады.";

      156-тармақ мынадай редакцияда жазылсын:

      "156. Өтпелерді зерттеп-қарау кезінде өтпенің ені, көлденең алаңдардың, көлбеулердің, төсем материалының, автоматты немесе қол шлагбаумның болуы және қызметтік үйлердің мөлшерлері белгіленеді.";

      158 және 159-тармақтар мынадай редакцияда жазылсын:

      "158. Көпірлерді және өткерме жолдарды зерттеп-қарау кезінде:

      темір жолдар сипатына сәйкес тіреулері бар көпірлерің төсем бойынша ұзындығы - тіреулердің қалыптардың артқы шегі арасындағы қашықтық;

      тірек осьтерінің арасындағы жекелеген аралықтардың ұзындығы;

      таяныштар арасындағы ені;

      тротуарлардың немесе сақтандырғыш жолақтардың көлік жүретін бөлігінің ені;

      көпірдің биіктігі (көпірдің үстінен межеленген (МЖЖ) сулардың төменгі деңгейіне дейінгі қашықтық;

      көпірдің және оның жекелеген аралықтарының саңылаулары (көпірдің саңылауы - барлық аралықтар саңылауларының сомасы, аралықтың саңылауы жоғарғы сулардың жиегі деңгейінде өлшенген аралас тіреулер арасындағы жарықтың қашықтық);

      аралық құрылыстың биіктігі;

      аралық құрылыстар мен тіреулердің негізгі өлшемдері, ұзындығы, ені және қимасы;

      фермалар, тіреулер, тақтайлар біліктерінің арасындағы арақашықтық өлшенеді.

      159. Станциялық жерасты өткелдерін зерттеп-қарау кезінде ені, ұзындығы, биіктігі өлшенеді, қабырғалардың, жабындардың, іргетастың материалдары, сатылардың саны көрсетіледі.";

      166-тармақ мынадай редакцияда жазылсын:

      "166. Қарауға қол жетімді құрылыс жайдың техникалық жай-күні жүргізілген зерттеп-қарау негізінде олардың конструктивті элементтері бойынша белгіленеді. Темір жолдардың техникалық жай-күні пайдаланушы ұйым арнайы өлшеуіш құралдармен анықтайды.";

      169-тармақ мынадай редакцияда жазылсын:

      "169. Аталған құрылыс жайлардың техникалық жай-күні темір жолдардан басқа олардың конструктивті элементтерін заттай көзбен көріп зерттеп-қарау арқылы анықталады.";

      7-тараудың тақырыбы мынадай редакцияда жазылсын:

      "7-тарау. Жасыл екпелерді мемлекеттік техникалық зерттеп-қарау";

      191, 192, 193 және 194-тармақтар мынадай редакцияда жазылсын:

      "191. Жасыл екпелердің мемлекеттік техникалық зерттеп-қарау объектілері: жасыл екпелер, оның ішінде, ағаштар, бұталар, гүлзарлар, көгалдар; құрылыстар, оның ішінде орындықтар, жолдар, мүсіндер, шағын сәулет нысандары болып табылады.

      192. Техникалық сипаттамаларды айқындау мыналардан:

      нақты шекараларын енгізе отырып, жер учаскесінің түсірілімінен;

      жергілікті жерге бекітілуден;

      сызықтық өлшеулерді жүргізуден;

      жер учаскесінің жоспарын жасаудан, учаскеде орналасқан объектілердің ахуалды сызбаларын жасаудан;

      техникалық сипаттамадан;

      материалдарды айқындаудан;

      ағаштардың түрлерін, жасын анықтаудан;

      есептеу жұмыстарын жүргізу және жылжымайтын объектілердіңе техникалық паспортына зерттеп-қарау жүргізу нәтижелерін енгізуден тұрады.

      193. Ағымдағы зерттеп-қарап тексерулер жаңа екпелер егілгенде немесе кесілгенде жүргізіледі, жер учаскесінің шекаралары өзгерген жағдайда техникалық паспорт жаңартылады.

      194. Жасыл екпелерді зерттеп-қарау кезінде объектілердің жалпы алатын ауданы, оның ішінде ағаштар, бұталар, гүлзарлар, көгалдар, жолдар, құрылыстар мен құрылыс жайлардың аудандары белгіленеді.";

      196-тармақ мынадай редакцияда жазылсын:

      "196. Объектін есепке алу үшін зерттеп-қарау кезінде, ол жолдармен немесе ішкі ахуалдың басқа тұрақты контурларымен шектелген шартты учаскелерге бөлінеді.";

      8-тараудың тақырыбы мынадай редакцияда жазылсын:

      "8-тарау. Қалалық электр көлігі желілерін бастапқы және кейінгі мемлекеттік техникалық зерттеп-қарау";

      214-тармақ мынадай редакцияда жазылсын:

      "214. Қалалық электр көлігі желісін техникалық зерттеп-қарау объектілері:

      трамвай депосы (барлық құрылыстарымен, құрылысжайлармен, трамвай жолдарымен және байланыс торабымен, сондай-ақ депоға кіреберістегі жолдар мен байланыс торабы);

      троллейбус депосы (барлық құрылыстарымен, ғимараттарымен және байланыс торабымен, сондай-ақ депоға кіреберістегі байланыс торабы);

      тартымды қосалқы кіші станция;

      трансформаторлық қосалқы кіші станция;

      трамвайдың немесе троллейбустың соңғы пунктіндегі станция (аралық пункттегі күту павильоны);

      барлық конструктивті элеметтері бар (жоғарғы, төменгі құрылыстар және жер төсемі) трамвай жолдары, кәріз құрылғылар және бағыт шегіндегі төсем жабыны (тас төсем) бағыт шегіндегі трамвайдың байланыс торабы;

      қуат беретін, қоректендіретін және сорғыш (кері қарай) кәбіл желісі;

      жоғары вольтті электр желісі болып табылады.";

      9-тараудың тақырыбы мынадай редакцияда жазылсын:

      "9-тарау. Көпірлер мен өткерме жолдарды мемлекеттік техникалық зерттеп-қарау";

      253 және 254 тармақтар мынадай редакцияда жазылсын:

      "253. Мыналар:

      көпірлер,

      өткерме жолдар,

      тоннельдер

      құрылыс жайлар көпірлер мен өткерме жолдарды бастапқы және кейінгі техникалық зерттеп-қарау объектілері болып табылады.

      254. Техникалық сипаттамаларды айқындау:

      нақты шекаралар енгізіле отырып жер учаскелері түсірілімдерен;

      жергілікті жерге бекітілуден;

      сызықтық өлшеулерді жүргізуден;

      жер учаскесінің жоспарын жасаудан, учаскеде орналасқан объектілердің ахуалдық сызбаларын жасаудан;

      техникалық сипаттамадан;

      материалдарды айқындаудан;

      есептеу жұмыстарын жүргізу және жылжымайтын объектілердің техникалық паспортына зерттеп-қарау нәтижелерін енгізуден тұрады.";

      269 және 270-тармақтар мынадай редакцияда жазылсын:

      "269. Тоннелді зерттеп-қарау кезінде оның ені, биіктігі, ұзындығы, қабырғалардың, материалдары жабындардың, өзгеріске ұшыраған жіктері, ағынды суларға арналған дренаж арналарын, гидрооқшаулаудың тұтастығы өлшенеді.

      270. Жаяу жүргіншілер өткелдерін зерттеп-қарау кезінде конструкция элементтерінің ені, ұзындығы, материалы, төсем жабыны, қоршау материалы белгіленуге тиіс.";

      272-тармақ мынадай редакцияда жазылсын:

      "272. Көпірлер мен өткерме жолдарды зерттеп-қарау кезінде:

      тіреулері бар көпірлердің төсемі бойынша ұзындығы (тіреулердің артқы шегі арасындағы арақашықтық);

      тірек осьтерінің арасындағы жекелеген аралықтардың ұзындығы;

      таяныштар арасының ені;

      тротуралардың немесе сақтандырғыш жолақтардың көлік жүретін бөлігінің ені;

      көпірдің биіктігі (көпірдің межеленген үстінен (МЖЖ) сулардың төменгі деңгейіне дейінгі арақашықтық;

      көпірдің және оның жекелеген аралықтарының саңылаулары (көпірдің саңылауы - барлық аралықтар саңлауларының соманы; аралық саңылауы жоғарғы сулардың жиегі деңгейінде өлшенген аралас тіреулер арасындағы жарықтың арақашықтығы);

      аралық құрылыстың биіктігі;

      аралық құрылыстар және тіреулердің негізгі ұзындығы, ені және қимасы;

      Көпірлер мен жол өтпелері сызбаларында көрсетілген фермалар, тіреулер, тіреуіштер осі арасының арақашықтығы өлшенеді.";

      276-тармақ мынадай редакцияда жазылсын:

      "276. Осы құрылыс жайлардың техникалық жай - күйі оның коснструктивті элементтерін нақты көзбен көріп зерттеп-қарау арқылы анықталады.";

      285 және 286-тармақтар мынадай редакцияда жазылсын:

      "285. Көпірлер мен өткерме жолдар электронды өлшеу құралдарымен: оның ішінде: биік емес - 3 метрге дейінгілері қада және сатылар көмегімен, 3 метрден жоғары болса, биіктік өлшегіш немесе төмен түсірілетін және электронды өлшегіштің көмегімен өлшенеді. Ескі құрылыс жайларға ғимараттарға зерттеп-қарау кезінде жұмыс қауіпсіздігіне толық сенім болған жағдайда ғана оларға тексеру және өлшеу жүргізілуі мүмкін.

      286. Құрылыстар қия беткейлерде және тік жарларда орналасқан болса, орындаушылар өлшеу немесе зерттеп-қарауды жүргізу қия беттен құлау қаупін туғызатын жерлерде техникалық қауіпсіздік талаптарын сақтауға міндетті, орындаушылар қалыңдығы 12 мм-ден кем емес мықты арқандармен сақтануға тиіс. Мұндай жерлерде жаңбырдан кейін, жердің беті мұз немесе қар жамылған кезде өндірістік жұмыстарды жүргізуге тыйым салынады.";

      10-тараудың тақырыбы мынадай редакцияда жазылсын:

      "10-тарау. Жағалауларға мемлекеттік техникалық зерттеп-қарау жүргізу";

      287-тармақ мынадай редакцияда жазылсын:

      "287. Жағалаулардың және олардың құрамдастарының техникалық зерттеп-қарау объектілеріне жағалаулар мен өзге де құрылыс жайлар жатады.";

      297-тармақ мынадай редакцияда жазылсын:

      "297. Екінші қасбет жолдың орнына жиек қабырға немесе жиек жолы, ал одан соң су қаймалары желілері бар, жүру бағыттары біржақты сияқты болып табылатын жағалауларды мемлекеттік техникалық зерттеп-қарау жүргізу кезінде объектінің ұзындығы мен ені, жабын материалы және сәулеттік безендендірілуі айқындалады.";

      299-тармақ мынадай редакцияда жазылсын:

      "299. Жағалауларға мемлекеттік техникалық зерттеп-қарау кезінде Жағалаулар сызбалары мен кестелерінде көзделген тірек қабырғалардың түрлері мен конструктивті құрылымдылық элементтерін анықтау қажет.";

      303-тармақ мынадай редакцияда жазылсын:

      "303. Түсетін жерлерді мемлекеттік техникалық зерттеп-қарау кезінде оның көлденеңінен бойынша ені мен ұзындығы, баспалдақтар саны, тірек қабырғаның, жағалаудың негізгі сызығына қарсы ішкі тереңдігі және түсетін жердің жоспарын жасау үшін қажет басқа да өлшеулер; қоршаулар сыртқа шығатын құбырлар аузы анықталады.";

      305-тармақ мынадай редакцияда жазылсын:

      "305. Мемлекеттік техникалық зерттеп-қарау бойынша мамандар орындайтын камералдық жұмыстарға:

      жоспар жасау;

      оны тушьпен сызу;

      учаскелердің аудандарын және басқа да көрсеткіштерді есептеу;

      қажетті есептер мен сипаттамалар жатады.";

      11-тараудың тақырыбы мынадай редакцияда жазылсын:

      "11-тарау. Құбыр жолдарын (сумен жабдықтау және кәріз, жылу желілері, магистральдық мұнай құбырлары мен газ құбырлары объектілерін) мемлекеттік техникалық зерттеп-қарау";

      316 және 317-тармақтар мынадай редакцияда жазылсын:

      "316. Мыналар:

      зерттеп-қарау құдықтары, камералары, қайта қосылу камералары, енгізу және шығару, жылжытпалар, өрт гидранттары мен фасон бөліктері бар су құбырлары мен кәріз желілері;

      су айдайтын мұнаралар;

      су тартқыштар, магистральдар, 1 және 2 көтергіштердің сорғы станциялары, дюкерлер;

      сұйытылған газдың аула аумағы, топтық, резервуарлық құрылғылары;

      кентарлық, көше, кварталаралық, аула, жерасты және жерүсті газ құбырлары құбыр жолдарын (сумен жабдықтау және кәріз, жылу желілері, магистралдық мұнай құбырлары мен газ құбырлары объектілерін) техникалық тексеру объектілері болып табылады.

      теміржол астындағы өтпелерінен әкімшілік, өндірістік ғимараттар мен құрылыстар, сондай-ақ олар орналасқан жер учаскелері;

      су қабылдағыштар, сумен жабдықтаудың ашық көздерінің жағалаулары;

      бөгеттер мен дамбалар;

      су қоймалары;

      инфильтрациялық су қабылдағыштар;

      өзі ағатын және сифондық желілер;

      артезиан су ұңғымалары;

      санитариялық қорғау аймақтары және ондағы құрылыстар;

      су құбырларының тазалағыш құрылыстары, тұндырғыштар, сүзгілер, жарықтандырғыштар, реогенттік шаруашылық, оның ішінде каогулянт, әк және хлор қоймалары, таза су резервуарлары;

      кәрізді тазалау құрылыстары, құмқаққыштар, торлар, тұндырғыштар, геосүзгілер, аэросүзгілер, жоғары жүктелетін биосүзгілер, аэротенктер, метантенктер, суару алаңдары мен сүзгіден өткізу алаңдары, биологиялық тоғандар мен тұнба алаңдар.

      жылу желілері және олардың құрылыстары;

      әкімшілік ғимараттар, қазандықтар, бойлер және басқа да құрылыстар;

      кәсіпшілік су құбырлары;

      магистральдық су құбырлары;

      мұнай мен газды тасымалдау үшін олардың есепке алынатын өзге де дербес объектілермен ұштасу нүктелерінің арасындағы жоғары және орташа қысымды шеттету;

      МЖЖ, қорғаныс қабырғалары, көшкінге қарсы және селге қарсы инженерлік құрылыстар;

      жеке тұрған газды реттеу пункттері;

      шкафтық реттеу қондырғылары;

      сұйытылған газдың аула аумағындағы, топтық, резервуарлық қондырғылары;

      кентаралық, көше, кварталаралық, аула, жер асты және жер үсті газ құбырларынан тұрады;

      Техникалық сипаттамаларды анықтау мыналардан:

      нақты шекарасы салынған жер учаскесінің түсірілімінен;

      желі торабының жер бетіне шығуларының жергілікті жерге байланыстылығы;

      құдықтар арасындағы тіке және кері бағыттағы желілік өлшемдерінің жүргізілуінен;

      жер учаскесінің жоспарын, желі сызбасын, учаскеде орналасқан құрылыстардың қабат сайынғы жоспарын, сондай-ақ қызметтік құрылыстарды жасаудан;

      учаскеде орналасқан құрылыстардың техникалық жағдайын анықтай отырып, желі және конструктивті элементтердің техникалық сипаттамасынан;

      құдықтың, сондай-ақ құбырлардың және олардың орналасқан жеріне байланысты құдық ішіндегі бекіту арматурасының материалын және габариттерін өлшеуді анықтаудан;

      есептеу жұмыстарын жүргізуден және техникалық зерттеп-қарау нәтижелерін жылжымайтын мүлік объектілерінің техникалық паспорттарына енгізуден;

      құдықтың көлденен және бойлық тіліктерін сызу және оның жабдығына ерекшеліктер жасаудан тұрады.

      317. Сумен жабдықтау және кәріз объектілеріне, жылу желісіне, магистральдық мұнай құбырларына және газ құбырларына зерттеп-қарауды жүргізу үшін топографиялық материалдарды, геодезиялық түсірілімдердің планшетінен алынған көшірмелерді, кварталдар мен көлік жүретін жолдардың жоспарларын, сондай-ақ жоғарыда көрсетілген объектілер орналасқан аумақтың басқа да жоспарларын, басқа материалдардың сипаттамасын пайдалануға рұқсат беріледі.";

      320-тармақ мынадай редакцияда жазылсын:

      "320. Нақты зерттеп-қарау кезінде:

      1) құдықтардың көлік жүретін жолдарда (көшелерде) немесе топтық құрылыс кварталдарында орналасуы, желінің ұзындығы;

      2) құбырлар мен лотоктардың бағыты, тереңдігі, олардың өлшемдері, материалы белгіленуі тиіс. Конструктивті ерекшеліктері мен техникалық жағдайы жобалық-сметалық құжаттама және бұрынғы зерттеп-қараудың материалдарының қосымша материалдары көмегімен анықталады;

      3) жылу желілері үшін жылу трассаларының құрылғылары (тіректерде, эстакадаларда, өтетін немесе жартылай өтетін, өтуге болмайтын арналарда немесе арнасыз құбыр жүргізуде);

      4) тұрақты бағдарларға (ғимараттарға, күрделі құрылыстарға және т.б.) қатысты камералардың, компенсаторлардың және жылу трассасының басқа да құрылыстарының жергілікті жердегі жағдайы;

      5) құбырлардың, қалыпты бөліктердің материалы мен диаметрі, жылу өткізбеу құбырларының материалы мен қалыңдығы, ұзындығы;

      6) магистральдық мұнай құбырлары және газ құбырлары үшін құбырлар қабырғасының материалы, диаметрі, қалыңдығы және оқшаулануы, тасымалданатын өнімнің қысымы, құбыр жүргізу түрі (жер асты, жер үсті, коллектор, дюкер арқылы және басқалар).";

      336-тармақ мынадай редакцияда жазылсын:

      "336. Қарауға қолжетімді құбырлар мен құрылыстардың техникалық жағдайы оларды конструктивті элементтері бойынша тікелей зерттеп-қарау арқылы анықталады, арнасыз жүргізілетін құбырлардың және қарауға қолжетімді емес өзге де құрылыстардың техникалық жағдайы нормативтік қызмет мерзімдері бойынша тиісті есептеулер арқылы белгіле.";

      349-тармақ мынадай редакцияда жазылсын:

      "349. Карточканың оң жақ төменгі бұрышына мөртабан қойылады, онда зерттеп-қарау масштабы мен зерттеп-қарау күні, құдықтың (камераның) нөмірі, орындаушының қолы көрсетіледі.";

      351-тармақ мынадай редакцияда жазылсын:

      "351. Су құбыры мен кәріздің, жылу желілерінің, магистральдық мұнай құбырлары мен газ құбырларының (артұңғымалар, жерасты резервуарлары, су қысымы мұнаралары, жылукүш жабдығы, арнайы құрылыстар, қайта айдайтын станциялар, мұнай өнімдерін құятын пункттер және т.б.) ерекше күрделі құрылыстарына жобалық құрылыс құжаттамасы болған кезде және алдын ала нақты зерттеп-қаралған бұрынғы тексерулердің іс жүзінде жарамды материалдарына, түгендеу жоспарларынан басқа масштабты, тік тіліктерді жасау керек. Жоғарыда көрсетілген материалдар болмаған жағдайда, құрылыстың схемалық сызбасы жасалады.";

      354-тармақ мынадай редакцияда жазылсын:

      "354. Тікелей зерттеп-қарауға қолжетімді емес құбырлардың тозуы қызмет мерзімдерін, қолданылған материалдардың сапасын, пайдалану режимін, жөндеу көлемін және уақтылығын, климаттық жағдайларды және басқа да мән-жайларды ескере отырып, оларды пайдаланудың нақты уақыты бойынша анықталады. Құрылыстардың, коммуникациялардың, стационарлық жабдықтың және т.б. техникалық жағдайы олардың конструктивті элементтерін нақты көзбен көріп зерттеп-қарау арқылы анықталады. Объектілердің техникалық яғни тозу жағдайы, тікелей зерттеп-қарау мүмкіндігінің болмауына байланысты келтірілген формулалардың бірі бойынша анықталады:

      И= Ф/С х 100, 1)

      И=Ф/(Ф+ П) х 100, 2)

      И=(С-П)/С х 100, 3)

      Мұнда И - объектінің тозуы; Ф - объект қызметінің нақты мерзімі; С - қызметінің орташа мерзімі (№ 4 кесте); Я - қызмет объектісінің болжамды қалдық мерзмі.";

      12-тараудың тақырыбы мынадай редакцияда жазылсын:

      "12-тарау. Электр желілеріне мемлекеттік техникалық зерттеп-қарау жүргізу";

      363 және 364-тармақтар мынадай редакцияда жазылсын:

      "363. Мыналар:

      жоғары кернеулі электр берудің әуе желілері;

      төмен кернеулі электр берудің әуе желілері;

      жоғары кернеулі электр берудің кабельдік желілері;

      төмен кернеулі электр берудің кабельдік желілері;

      көше жарықтандыру желілері;

      электр станциялары;

      шағын электр станциялары;

      басқа да құрылыстар электр желілері мен олардың құрамдастарының техникалық зерттеп-қарау объектілері болып табылады.

      364. Электр желілері объектілеріне техникалық зерттеп-қарау жұмыстарын ұйымдастыру кезінде мынадай реттілік сақталуға тиіс:

      объектімен алдын ала танысу;

      абрис жасау және қажетті өлшеулер жүргізу;

      объектінің және оның негізгі жабдықтарын құрылымы, материалы, типі, маркасы мен басқа да негізгі деректері көрсетіле отырып, алғашқы техникалық сипаттамасын жасау, сондай-ақ тозу пайызын анықтау;

      объектінің жоспарын сызу;

      объектінің техникалық паспортын жасау.";

      368-тармақ мынадай редакцияда жазылсын:

      "368. Нақты жағдайда зерттеп-қарау және электр желілерінің түсіру пайдаланушы мекеме қызметкерлерінің қатысуымен жүргізу қажет.";

      381-тармақ мынадай редакцияда жазылсын:

      "381. Электр желілерінің барлық зерттеп-қараулатың техникалық жағдайы, жалпы алғанда, олардың қызмет жылдарының орташа мерзімі есебіне байланысты, пайдаланушы кәсіпорының өкілімен бірге, жекелеген конструктивтік элементтер бойынша желілерді сыртқы зерттеп-қарау арқылы алынған есеп нәтижелері кейіннен зерттеп-қараулында анықталады.";

      1,2,3,4,5,6,7-қосымшаларының жоғарғы оң жақ бұрышы мынадай редакцияда жазылсын:

      8-қосымшаны осы бұйрықтың 1-қосымшасына сәйкес жаңа редакцияда жазылсын;

      9-қосымшаны осы бұйрықтың 2-қосымшасына сәйкес жаңа редакцияда жазылсын;

      10,11,12,13,14,15,16,17-қосымшаларының жоғарғы оң жақ бұрышы мынадай редакцияда жазылсын:

      2. Қазақстан Республикасы Әдiлет министрлiгiнiң Тiркеу қызметi және заң қызметін ұйымдастыру департаменті қамтамсыз етсін:

      1) осы бұйрықтың мемлекеттiк тіркеуін;

      2) осы бұйрық мемлекеттік тіркелген күннен бастап күнтізбелік он күн ішінде оның көшірмелерінің қағаз және электрондық түрде қазақ және орыс тілдерінде ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрықтың ресми жариялаудан кейін Қазақстан Республикасы Әдiлет министрлiгiнiң интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау Қазақстан Республикасы Әдiлет министрiнiң жетекшiлiк ететін орынбасарына жүктелсін.

      4. Осы бұйрық алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi.

      "КЕЛІСІЛДІ"

      Қазақстан Республикасы

      Ақпарат және коммуникациялар

      министрінің міндетін атқарушы

      ____________ Н. Мауберлинова

      "__"_________ 2018 жыл

      ________________________________________________________________________________

      (мемлекеттік кәсіпорын атауы)

      жылжымайтын мүлік объектісінің техникалық сипаттамаларының өзгеруі туралы

      ҚОРЫТЫНДЫ

      1. Облыс ________________________________________________________________________

      2. Аудан ________________________________________________________________________

      3. Қала (ауыл, елді мекен) __________________________________________________________

      4. Қаладағы аудан ________________________________________________________________

      5. Мекенжайы ___________________________________________________________________

      6. Кадастр нөмірі _________________________________________________________________

      Мемлекеттік техникалық зерттеп-қарау деректерінің негізінде жылжымайтын мүлік

      объектісінің жалпы ауданының өзгергені белгілі болды:

      ________________________________________________________________________________

      (объектінің атауы)

      құрылыс салынған алаңы ________________ шаршы метр құрады

      жалпы алаңы ___________________________ шаршы метр құрады

      пайдалы алаңы _________________________ шаршы метр құрады

      тұрғын алаңы __________________________ шаршы метр құрады

      негізгі алаңы _________________________ шаршы метр құрады

      балкон/лоджия алаңы ___________________ шаршы метр құрады

      құрамдас саны/ негізгі (тұрғын) жайлардың саны ______________________________________

      қабаттылығы/ қабат _______________________________________________________________

      өзге де техникалық сипаттамалары __________________________________________________

      Өзгерістер: ____________________________________________________ нәтижесінде болған.

      ____ жыл "____"_____________

      Директор: _______________________________________________________________________

      (Тегі, аты, әкесінің аты (бар болған жағдайда), қолы)

      Бөлім бастығы: _________________________________________________________ Мөр орны

      (Тегі, аты, әкесінің аты (бар болған жағдайда), қолы)

      Орындаушы: ____________________________________________________________________

      (Тегі, аты, әкесінің аты (бар болған жағдайда), қолы)

      ________________________________________________________________________________

      Ескерту: мәліметтер болмаған жағдайда сызықша қойылады

      ________________________________________________________________________________

      (мемлекеттік кәсіпорын атауы)

      Жылжымайтын мүлік объектісінің болуы және бұзылуы туралы

      ҚОРЫТЫНДЫ

      1. Облыс________________________________________________________________________

      2. Аудан ________________________________________________________________________

      3. Қала (ауыл, елді мекен)__________________________________________________________

      4. Қаладағы аудан ________________________________________________________________

      5. Мекенжайы ___________________________________________________________________

      6. Кадастр нөмірі _________________________________________________________________

      Мемлекеттік техникалық зерттеп-қарау деректерінің негізінде белгілі болды:

      ________________________________________________________________________________

      (объектінің атауы)

      Берілген күні ______ жыл "___" ____________________________________________________

      Филиал директоры: _______________________________________________________________

      (Тегі, аты, әкесінің аты (бар болған жағдайда), қолы)

      Бөлім бастығы: _________________________________________________________ Мөр орны

      (Тегі, аты, әкесінің аты (бар болған жағдайда), қолы)

      Орындаушы: ____________________________________________________________________

      (Тегі, аты, әкесінің аты (бар болған жағдайда), қолы)