"Қазақстан Республикасындағы мемлекеттік әлеуметтік тапсырыс, стратегиялық әріптестікті іске асыруға арналған мемлекеттік тапсырыс, үкіметтік емес ұйымдарға арналған гранттар және сыйлықақылар туралы" Қазақстан Республикасы Заңының 4-1-бабының 4) тармақшасына сәйкес БҰЙЫРАМЫН:

      1. Мыналар:

      1) осы бұйрыққа қосымшаға сәйкес Мемлекеттік әлеуметтік тапсырыс стандарты бекітілсін.

      2. Қазақстан Республикасы Қоғамдық даму министрлігінің Азаматтық қоғам істері комитеті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күннен бастап күнтізбелік он күн ішінде оны қазақ және орыс тілдерінде Қазақстан Республикасының нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарында ресми жариялауға жіберуді;

      4) осы бұйрықты ресми жариялағаннан кейін оны Қазақстан Республикасы Қоғамдық даму министрлігінің интернет-ресурсына орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларымен көзделген іс-шаралардың орындалуы туралы мәліметтерді Қазақстан Республикасы Қоғамдық даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Қоғамдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Мемлекеттік әлеуметтік тапсырыс стандарты

1-тарау. Жалпы ережелер

      1. Осы Мемлекеттік әлеуметтік тапсырыс стандарты (бұдан әрі – Стандарт) "Қазақстан Республикасындағы мемлекеттік әлеуметтік тапсырыс, стратегиялық әріптестікті іске асыруға арналған мемлекеттік тапсырыс, үкіметтік емес ұйымдарға арналған гранттар және сыйлықақылар туралы" Қазақстан Республикасының Заңы 4-1-бабының 4) тармақшасына сәйкес әзірленген және үкіметтік емес ұйымдар көрсететін қызметтердің сапасына, шарттарына, мазмұнына қойылатын талаптарды, сондай-ақ олардың сапасын бағалау өлшемшарттарын белгілейді.

      2. Осы Стандарт келесі көрсетілетін қызметтерге қолданылады:

      1) оқыту қызметтері;

      2) консультациялық қызметтер;

      3) ақпараттық және әдістемелік қызметтер;

      4) зерттеу-аналитикалық қызметтер;

      5) іс-шараларды ұйымдастыру бойынша қызметтер;

      6) азаматтық (ресурстық) орталықты ұйымдастыру бойынша қызметтер.

      2-1. Мемлекеттік әлеуметтік тапсырыс стандарттары:

      мемлекеттік әлеуметтік тапсырыс шеңберінде көзделген көрсетілетін қызметтерді мемлекеттік сатып алу жөніндегі конкурстық құжаттаманы әзірлеу кезінде;

      үкіметтік емес ұйымдардың мемлекеттік әлеуметтік тапсырыс арқылы әлеуметтік жобаларды іске асыруы кезінде;

      мемлекеттік әлеуметтік тапсырыс арқылы көрсетілген қызметтердің іске асырылуына мониторинг жүргізу және нәтижелерін бағалау кезінде қолданылады.

      3. Осы Стандартта мынадай айқындаулар қолданылады:

      1) әлеуметтік бағдарлама – өзара байланысты әлеуметтік жобалар кешені;

      2) әлеуметтік жоба – әлеуметтік мәні бар салалардағы мақсаттарға қол жеткізуге бағытталған, бір жыл ішінде және үш жылға дейін іске асырылатын ұйымдастырушылық, экономикалық және техникалық шаралардың жиынтығы;

      3) байқау – бұл заттарды нақты қабылдаудың мақсатты процесі, оның нәтижелері сипаттамада жазылады;

      4) вебинар – орналасқан жеріне қарамастан барлық тілек білдірушілер қатыса алатын тікелей трансляция режимінде ұйымдастырылған онлайн-семинар, дәріс, курс, таныстырылым;

      5) дәріс – бұл кез келген мәселе, әдіс, тақырып бойынша материалды ауызша жүйелі және дәйекті ұсынуды қамтитын жаңа білімді хабарлау әдісі;

      6) жаттықтырушыларға арналған тренинг – қатысушылардың әртүрлі санаттарына арналған тренингтерді, оның ішінде жаттықтырушыларға арналған тренингтерді әзірлеу мен өткізудің практикалық тәжірибесі бар жаттықтырушы-консультанттар өткізетін, кәсіби дағдыларды және жеке өсуді жетілдіру саласында ересектерге арналған әртүрлі жетекші оқыту іс-шараларын дайындау жөніндегі мамандандырылған тренинг;

      7) интерактивті әдістер – белгілі бір білімді талдау, түсіндіру, талқылау, практикада қолдану, міндеттерді шешу нұсқаларын әзірлеу, әртүрлі жағдайларда мінез-құлық тәсілдерін құрастыру процестеріне қатысушыларды белсенді тартуға негізделген оқытудың қазіргі заманғы әдістер тобы;

      8) консалтингтік жоба – консультант пен Тапсырыс берушінің ұйымды, саланы, бағытты оңтайландыру және дамыту жөніндегі міндеттер кешенін шешетін кезең-кезеңімен құрылған бірлескен қызметі;

      9) консультация – жағдайды түсіндіру және осы жағдайға байланысты проблемаларды ықтимал шешуді ұсыну мақсатында заңды немесе жеке тұлғаға көрсетілетін қызмет нысаны;

      10) мемлекеттік әлеуметтік тапсырыс – үкіметтік емес ұйымдар бюджет қаражаты есебінен орындайтын, әлеуметтік саладағы міндеттерді шешуге бағытталған, бәсекелес ортаға жүзеге асыру үшін берілген орталық және (немесе) жергілікті атқарушы органдардың әлеуметтік бағдарламаларын, әлеуметтік жобаларын, функцияларын іске асыру нысаны;

      11) мемлекеттік әлеуметтік тапсырыстың өнім берушісі (бұдан әрі – Өнім беруші) – мемлекеттік әлеуметтік тапсырысты жүзеге асыруға арналған шарт бойынша әлеуметтік бағдарламаларды, әлеуметтік жобаларды іске асыратын үкіметтік емес ұйым;

      12) оқыту мектебі – қатысушылардың оқытудың бірнеше деңгейін меңгеруін болжайтын, қисынды құрылған оқыту блоктары; әрбір блокта оқыту әртүрлі нысанды пайдалана отырып құрылған және белгілі бір уақыт аралықтарымен іске асырылған;

      13) оқыту курсы – қатысушылардың белгілі бір тақырыпты терең теориялық және практикалық зерделеуін болжайтын оқыту нысаны;

      14) оқыту консультация беру – консультант идеяларды жинап, шешімдерді талдап қана қоймай, сонымен қатар консультация берілетін адамға және (немесе) ұйымға дәрістер, семинарлар, құралдар нысанында тиісті теориялық және практикалық ақпаратты ұсына отырып, олардың туындауы үшін негіз дайындайды;

      15) сауалнама – қоғамның қандай да бір мәселелер бойынша пікірін анықтау үшін ақпарат жинау әдісі (сауалнама жүргізу, онлайн сұрау, сұхбат беру, фокус-топ, контент-талдау, ми шабуылы, "құпия сатып алушы");

      16) семинар – қатысушы жаңа білімнің белгілі бір көлемін және оларды практикалық қолдану тәсілдерін қабылдауын болжайтын белсенді оқыту нысаны;

      17) сараптамалық консультация беру – консультант диагностиканы, оларды енгізу бойынша шешімдер мен ұсыныстарды әзерлеуді дербес жүзеге асырады;

      18) тапсырыс беруші (бұдан әрі – Тапсырыс беруші) – республикалық және жергілікті бюджеттік бағдарламалардың әкімшілері;

      19) техникалық ерекшелік – бұл мемлекеттік әлеуметтік тапсырыс арқылы сатып алынған көрсетілетін қызметтердің функционалдық, техникалық, сапалық және пайдалану сипаттамасы;

      20) тренинг – теориялық білім мен практикалық дағдыларды кешенді игеруге, қажетті дағдыларды қалыптастыруға, тиімді мінез-құлық пен іс-әрекет тәсілдерін меңгеруге, типтік қиындықтарды еңсеру тәсілдерін анықтауға және тұжырымдауға бағытталған белсенді оқыту нысаны;

      21) тағылымдама – маманның кәсіптік қызметтің жаңа әдістерін, технологиялары мен элементтерін игеруіне бағытталған, олар туындаған және қолданылатын кәсіптік оқыту түрі;

      22) табыс тарихы (кейс) – сандық және/немесе сапалық нәтижелерді көрсете отырып, жобаның және/немесе көрсетілетін қызметтің нақты тұтынушының және/немесе ұйымның жағдайына оң әсерінің қысқаша сипаттамасы.

      23) үкіметтік емес ұйым – ортақ мақсаттарға жету үшін азаматтар және (немесе) мемлекеттік емес заңды тұлғалар Қазақстан Республикасының заңнамасына сәйкес ерікті негізде құрған коммерциялық емес ұйым (саяси партияларды, кәсіптік одақтарды және діни бірлестіктерді қоспағанда);

      24) шеберлік-сыныбы – жаңа технологиямен, жаңа әдістемелермен, авторлық әзірлемелермен танысуға мүмкіндік беретін білім мен дағдыларды беру, тәжірибе алмасу нысаны;

      25) ішкі мониторинг – басшылар мен басқа да мүдделі тараптарды әлеуметтік жобаның қаншалықты сәтті орындалғаны, қойылған мақсаттарға қаншалықты қол жеткізілгені және ресурстардың қалай пайдаланылатыны туралы мәліметтермен қамтамасыз ету үшін алдын ала таңдалған индикаторлардың мәндері туралы ақпаратты жүйелі түрде жинау.

2-тарау. Қызметтің сапасына қойылатын талаптар

      4. Қызметтің сапасына қойылатын негізгі талаптар қызмет көрсетудің толық циклін қамтамасыз ету, көрсетілетін қызметті тұтынушылардың ақпараттандырылуы және қанағаттануы, көрсетілетін қызметті тұтынушылардың қамтылу деңгейі, практикалық қолдану болып табылады.

      5. Өнім беруші қызмет көрсетудің толық циклін, қызмет көрсету процесін ұйымдастыру үшін дайындық жұмыстарын, тікелей қызметті көрсетуді, көрсетілетін қызметті жүзеге асырудың ішкі мониторингін қоса алғанда қаматамасыз етеді.

      6. Оқыту, консультациялық, ақпараттық және әдістемелік, зерттеу-талдамалық қызметтердің, сондай-ақ іс-шараларды ұйымдастыру және азаматтық (ресурстық) орталық жөніндегі қызметтердің қатысушыларын хабардар етуді өнім беруші мынадай бір немесе бірнеше:

      1) бұқаралық ақпарат құралдарында (бұдан әрі - БАҚ) жариялау, оның ішінде хабарландыру-шақыруды интернет желісіне, жеке сайтына немесе нысаналы топтың арасындағы ең танымал сайттарға орналастыру;

      2) Өнім берушінің базасында, әлеуетті қатысушылардың жұмыс және (немесе) оқыту орындарында ақпараттық материалдарды ресімдеу;

      3) оқыту қызметтерінің әлеуетті қатысушыларының жұмыс орындарына ақпараттық парақтарды, шақыртуларды тарату;

      4) жария іс-шаралардағы хабарламалар-таныстырылымдар;

      5) телефон қоңырау - шақырту;

      6) оқыту іс-шаралары туралы ақпараттарды мекенжайлық электрондық жөнелтулер тәсілдерімен жүзеге асырады.

      7. Өнім беруші "Ақпаратқа қол жеткізу туралы" Қазақстан Республикасының Заңы 8-бабының 4) тармақшасына және 9-бабына сәйкес қызметті жүзеге асырудағы мемлекеттік бюджеттен бөлінген қаражатты пайдалануға қатысты ақпаратқа қол жеткізуді қамтамасыз етеді.

      8. Үкіметтік емес ұйымдардың қызмет көрсетуі кезінде қатысушылардың қанағаттану және практикалық қолдану көрсеткіштері осы Стандартқа қосымшаның 1, 2, 3, 4 және 5-кестелерінде көрсетілген.

      9. Көрсетілетін қызметті тұтынушылардың қамтылу деңгейі әлеуметтік жобаның мақсатына, сандық индикаторларына (ең төмен және ең жоғарғы мәндері) байланысты.

      9-1. Қызмет көрсетудің сапасы мен шарттарына қойылатын талаптар бойынша мәндерді Тапсырыс беруші техникалық ерекшелікте қызмет көрсетуді әлеуметтік жобалардың мақсаттарына, міндеттеріне және қаржыландыру көлемдеріне қарай белгілейді.

3-тарау. Қызмет көрсету жағдайына қойылатын талаптар

      10. Оқыту қызметтерін көрсететін Өнім беруші осы Стандартқа қосымшаның 7-кестесіне сәйкес оқыту қызметтерін көрсету жағдайына қойылатын талаптарды орындау қажет.

      11. Оқыту қызметтерді, штатта білікті мамандар болған кезде Өнім берушінің мамандары немесе Өнім беруші іс-шараның ұйымдастыру процестерін қамтамасыз еткен жағдайда тартылған білікті мамандар көрсетеді.

      12. Оқыту қызметтерін көрсететін тұлға:

      1) осы Стандартқа қосымшадағы 7-кестеде көрсетілген оқыту қызметтерін көрсету жағдайына қойылатын талаптарға сәйкес қаралатын мәселелерде теориялық дайындығының жеткілікті деңгейіне ие;

      2) оқыту қызметтерін өткізудің практикалық тәжірибесі бар.

      13. Мемлекеттік әлеуметтік тапсырыс 1 (бір) қаржылық жылдан асатын мерзімге орналастырылған кезде, Өнім беруші оқыту қызметтерін көрсету үшін материалдық-техникалық базасына қойылатын шартты осы Стандартқа қосымшаның 8-кестесіне сәйкес орындайды.

      14. Консультациялық қызметтерді Өнім берушінің мамандары және (немесе) консультация беру жұмысынан практикалық тәжірибесі бар тартылған консультанттар:

      1) бөлек әдістерді, жұмыс тәсілдерін қолдану, үлгілік құжаттарды дайындау мәселелері бойынша консультациялар үшін – кемінде 6 (алты) ай;

      2) тұтынушылардың әртүрлі санатына көрсетілетін қызметтер сапасын жақсарту, қаржыландыруды тарту, есептерді дайындау үшін құжаттарды әзірлеу бойынша консультациялар үшін – кемінде 1 (бір) жыл;

      3) басқару процестерін орнату және жетілдіру бойынша, сондай-ақ проблемалық жағдайларды шешу үшін кешенді әдістерді қолдану бойынша консультациялар үшін – кемінде 2 (екі) жыл жүзеге асырады.

      15. Консультациялық қызметтер көрсету үшін консультант:

      1) консультация беру шеңберіндегі тақырыптар бойынша білімді меңгерген;

      2) кеңес беру үшін жеткілікті кеңес беру дағдыларын меңгерген;

      3) үкіметтік емес ұйымдардың қызметінің ерекшелігі және консультациялық көрсетілетін қызметтерді тұтынушылардың қажеттіліктер спектрі туралы ақпаратты біледі.

      16. Ақпараттық және әдістемелік қызметтерді штатта қоғаммен байланыс жөніндегі білікті және (немесе) дайындалған мамандары болған жағдайда Өнім берушінің мамандары немесе Өнім беруші қызмет көрсету процестерін қамтамасыз еткен жағдайда тартылған білікті және (немесе) даярланған мамандар өткізеді.

      17. Ақпараттық және әдістемелік қызметтерді көрсету үшін қоғаммен байланыс жөніндегі маман:

      1) Ақпараттандыру, БАҚ және жарнама туралы заңнаманың негіздерін меңгерген;

      2) қоғаммен байланыс саласындағы халықаралық және ұлттық кәсіби және этикалық кодекстерді сақтайды;

      3) үкіметтік емес ұйымдардың қызметінің ерекшелігі және ақпараттық және әдістемелік қызметтерді тұтынушы нысанылы топтардың қажеттіліктер спектрі туралы ақпараттарды біледі.

      18. Тартылған мамандардың саны ақпараттық және әдістемелік қызметтердің күрделілік деңгейімен, қолда бар қаржыландыру көлемімен айқындалады.

      19. Зерттеу-аналитикалық қызметтерді штатта білікті мамандар болған кезде Өнім берушінің мамандары немесе Өнім беруші зерттеу-аналитикалық қызметтерін ұйымдастырудың процестерін қамтамасыз еткен жағдайда тартылған білікті мамандар жүзеге асырады.

      20. Зерттеудің қиындық деңгейіне, сондай-ақ зерттеу әдістерін пайдалану ерекшелігіне байланысты далалық зерттеулер (сұхбаттар, сауалнама жүргізушілер) жүргізу үшін мамандар, сарапшылар (техникалық ерекшеліктері талаптарына сүйеніп социолог, экономист, психолог, заңгер) зерттеу-аналитикалық қызметтер көрсетеді.

      21. Зерттеу-талдамалық қызметтерді көрсетуге тартылатын мамандар:

      1) зерттеулер жүргізу саласында білімді меңгерген және (немесе) олардың практикалық тәжірибесі бар;

      2) жағдайлар мен алынған деректердің объективті және тәуелсіз талдауын жүргізеді;

      3) тұжырымды қалыптастыру және ұстанымдарды әзірлеу кезінде болған жағдайды, сондай-ақ оның дамуын бағалауға ықтимал нұсқаларды және тәсілдерді келтіреді.

      22. Іс-шараларды ұйымдастыру бойынша көрсетілетін қызметтерді штатта іс-шараларды жүргізуші, әкімші болған кезде Өнім берушінің мамандары немесе Өнім беруші іс-шараларды ұйымдастырудың процестерін қамтамасыз еткен жағдайда тартылған білікті және (немесе) даярланған мамандар өткізеді.

      23. Өнім беруші Азаматтық (ресурстық) орталықтың жұмысын ұйымдастыру бойынша қызмет көрсету үшін :

      1) әлеуетті қатысушылардың және қызметті тұтынушылардың дерекқорын қалыптастырады;

      2) қызметтерді көрсетуге білікті мамандарды, оның ішінде әр облыстан, қаладан, ауданнан тартады(қажет болған жағдайда);

      3) қызмет көрсету барысы және нәтижелері туралы ақпаратты БАҚ-та, әлеуметтік желілерде жариялайды;

      4) мамандардың шығуын қамтамасыз етеді (көшпелі консультациялар жүргізу кезінде).

      24. Мемлекеттік әлеуметтік тапсырыс 1 (бір) қаржылық жылдан асатын мерзімге орналасқан жағдайда Өнім беруші осы Стандартқа қосымшадағы 9-кестеде көрсетілген тиісті материалдық-техникалық базаға қойылатын шартты орындайды.

4-тарау. Қызметтің мазмұнына қойылатын талаптар

      25. Оқыту қызметтері мынадай нысандарда көрсетіледі:

      1) семинар;

      2) тренинг, жаттықтырушыларға арналған тренинг;

      3) шеберлік сыныбы;

      4) дәріс;

      5) вебинар, бейнесабақ;

      6) оқыту мектебі;

      7) оқыту курсы;

      8) тағылымдама.

      26. Оқыту қызметін көрсетудің толық циклі мынадай 3 кезеңнен тұрады:

      1) оқыту қызметін көрсету үшін материалдарды дайындау және (немесе) әзірлеу;

      2) оқыту қызметін көрсету;

      3) оқыту қызметін көрсету процесінің ішкі мониторингі.

      27. Оқыту қызметтерін көрсету кезінде оқыту қызметтерін әлеуетті тұтынушыларды ақпараттандыру үшін Өнім беруші мынадай ақпаратты құрайтын ақпараттық парақтарды әзірлейді:

      1) оқыту қызметінің тақырыбын қоса алғанда көрсетілетін қызмет нысанының атауы;

      2) бағдарлама және қаралатын мәселелер;

      3) жаттықтырушылар (ұқсас іс-шаралар өткізу саласындағы тәжірибенің қысқаша сипаттамасы);

      4) оқудың болжанатын нысандары мен әдістері, оның ішінде интерактивті әдістер;

      5) оқыту-әдістемелік және ақпараттық материалдардың, сертификаттардың болуы;

      6) өткізу мерзімі және орны, оқыту іс-шарасының барысындағы жұмыс режимі;

      7) қатысу шарттары, оның ішінде басқа қалалықтар үшін қатысу шарттары;

      8) жауапты адамдар және оқыту іс-шараларына қатысуға тіркелудің тәсілдері туралы ақпарат.

      28. Консультациялық қызмет мынадай нысандарда жүзеге асырылады:

      1) көрсетудің әдістері бойынша:

      жеке кездесулер (жеке, топтық);

      сенім телефондарын қосқанда, телефон арқылы консультациялар;

      интернет-ресурстары арқылы консультациялар;

      2) көлемі және ұзақтығы бойынша:

      бір реттік консультация;

      консалтингтік жоба;

      3) нысаналы топпен өзара іс-қимыл жасау тәсілі бойынша:

      сараптамалық консультация беру;

      процестік консультация беру;

      оқыту бойынша консультация беру.

      29. Консультациялық қызметтер көрсетудің толық циклі мынадай кезеңдерден тұрады:

      1) қызмет көрсету үшін материалдарды дайындау және (немесе) әзірлеу;

      2) консультация өткізу;

      3) консультация беру нәтижелерінің ішкі мониторингі.

      30. Консультациялық қызметтер көрсету кезінде консультациялық қызметті тұтынушыларды ақпараттандыру үшін Өнім беруші келесі ақпараттардан тұратын ақпараттық парақтарды әзірлейді:

      1) консультациялар нысанының атауы және мазмұны;

      2) осы консультацияларды алуы мүмкін тұтынушылардың санаты;

      3) қызметтерді тұтынушылар үшін консултациялардың нәтижелері;

      4) консультанттар (аты-жөні Т.А.Ә. (болған жағдайда), қызмет саласы және (немесе) ерекшелігі, жұмыс тәжірибесі);

      5) консультация алу жағдайы мен тәртібі.

      31. Консультацилық қызметті тұтынушыға ыңғайлы жағдай жасалады: консультация берушімен сөйлесу үшін ыңғайлы орын, консультация барысын бекіту мүмкіндігі, консультация тақырыбы бойынша ақпараттық және әдістемелік материалдарға қол жетімділігі.

      32. Консультация тақырыбына байланысты консультант тұтынушы үшін консультация қызметінің түрлері бойынша Өнім берушіде бар ресуртарға негізделіп баспа және (немесе) электронды түрде ақпараттық және әдістемелік материалдар топтамасын дайындайды.

      33. Ақпараттық және әдістемелік қызметті көрсету мынадай нысандарда жүзеге асырылады:

      1) ақпараттық іс-шаралар өткізу:

      БАҚ-тың қатысуымен іс-шаралар (баспасөз-конференциялар, баспасөз-турлары, брифингтер);

      интернет ресурстарды құру және ілгерілету, виртуалды диалог алаңдарын қоса алғандағы әлеуметтік желілермен жұмыс;

      ақпараттық және таныстырылым материалдары (буклеттер, брошюралар, плакаттар, флаерлар, парақшалар, бейнероликтер, баннерлер, бюллетеньдер);

      ақпараттық-ағартушылық (промо-акциялар, ақпараттық топтар);

      2) әдістемелік материалдарды әзірлеу: модульдар, бағдарламалар, сценариилер, көрнекіліктер.

      34. Ақпараттық және әдістемелік қызметті көрсетудің толық циклі мынадай кезеңдерден тұрады:

      1) қызмет көрсету материалдарын дайындау және (немесе) әзірлеу;

      2) ақпараттық және әдістемелік қызметтері жүргізу;

      3) ақпараттық және әдістемелік қызметтердің ішкі мониторингі.

      35. Ақпараттық-әдістемелік материалдарды әзірлеу және шығару процесі келесі кезеңдерден тұрады:

      1) ақпараттық және әдістемелік материалдардың түрін және тақырыбын айқындау;

      2) деректерді жинау және жүйелендіру;

      3) материалдардың техникалық сипаттамаларын айқындау (баспадағы парақтар саны, айдарлардың, бөлімдердің, тақырыптық парақтардың, болжанатын бейнетүсірілімдердің болуы (фотолар, суреттер);

      4) материалдардың беттелуі және таралымы;

      5) материалдарды тарату (оның ішінде электрондық тарату арқылы).

      36. Зерттеу-талдамалық қызметтер мынадай нысандарда көрсетіледі:

      1) зерттеу объектісі бойынша:

      қоғамдық және сараптамалық пікірді зерделеу;

      жобалардың/бағдарламаларды мониторингілеу және бағалау;

      саланың/объектінің даму үрдісін талдау;

      халық топтарының қажеттіліктерін бағалау;

      басқару жүйесі тиімділігін бағалау;

      заңнамалық актілерді сараптау;

      2) зерттеу әдістері бойынша:

      бақылау;

      сауал;

      сауалнама жүргізу;

      онлайн сұрау;

      сұхбат алу (жартылай құрылымдық, терең сұхбатты қоса алғанда);

      фокус-топ;

      контент-талдау;

      ой шабуылы;

      "Құпия сатып алушы";

      3) талдаудың тереңдігі бойынша:

      барлау зерттеуі;

      сипаттама зерттеу;

      талдамалық зерттеу.

      37. Зерттеу-аналитикалық қызметтерді көрсетудің толық циклі келесі кезеңнен тұрады:

      1) зерттеу бағдарламасын әзірлеу (техникалық ерекшеліктерге сәйкес);

      2) деректерді жинау бойынша жұмысты ұйымдастыру;

      3) алынған ақпаратты өңдеу және деректер талдауы;

      4) тұжырым мен ұстанымдарды қоса алғанда қорытынды құжатты дайындау.

      Зерттеудің қиын деңгейіне және таңдалған әдістеріне байланысты осы Стандартқа қосымшадағы 10-кестеде көрсетілген ақпаратты жинаудың шарттарын ескеру қажет.

      38. Өнім берушінің мамандары Тапсырыс берушінің техникалық ерекшеліктерде көрсеткен формат бойынша қорытынды құжатты жасайды.

      Зерттеу қорытындысы бойынша құжат мақсаттарға, күтілетін нәтижелерге және зерттеудің қиындығына байланысты есеп, баяндама, құжаттама немесе портфель түрінде ұсынылады.

      Қорытынды құжатқа таңдалған зерттеу әдістеріне байланысты және техникалық ерекшеліктің талаптарына сәйкес растайтын материалдар қоса беріледі. Растайтын құжаттарға сауалнама бланкілері (толтырылған сауалнамалардың жалпы санының кемінде 3% - ы ұсынылады), сұхбат хаттамалары (бланкілері), деректерді өңдеу барысында алынған кестелер мен диаграммалар, жүргізілген жұмыс туралы фото/бейне/аудио есептер жатуы мүмкін.

      Зерттеу-аналитикалық қызметтерді көрсету мерзімін осы Стандартқа қосымшаның 11-кестесінде көрсетілген талаптарға сәйкес Тапсырыс беруші айқындайды.

      39. Өнім беруші Тапсырыс берушімен келісім бойынша зерттеу жүргізу үшін қажетті ақпараттарды алу мақсатында мемлекеттік органдарға сұрау жолдауға құқылы.

      40. Іс-шараларды ұйымдастыру бойынша қызметтер мынадай нысандарда жүзеге асырылады:

      1) ақпараттық-пікірталастық іс-шаралар;

      2) демалыс және ойын іс-шаралары;

      3) спорттық іс-шаралар.

      Тапсырыс беруші іс-шараларды ұйымдастыру жөніндегі әлеуметтік жобаның техникалық ерекшелігін әзірлеу кезінде бір міндетті шешуге бағытталған, осы Стандарттың 13-кестесінде көрсетілген бірнеше нысанның жиынтығын көздейді.

      41. Іс-шараларды ұйымдастыру бойынша қызметтердің толық циклі мынадай кезеңдерді құрайды:

      1) іс-шараларды ұйымдастыру бойынша дайындық жұмыстары;

      2) іс-шараларды өткізу;

      3) нәтижелердің ішкі мониторингі.

      42. Өнім беруші іс-шараны ұйымдастыру қызметтерін көрсету кезінде:

      1) Тапсырыс берушінің нұсқауы бойынша іс-шараны көзбен көретін безендіруді бір немесе бірнеше санамаланған тәсілмен (баннер, стенд, созу, көрнекі ақпаратты көрсету және беру құрылғысы) қамтамасыз етеді;

      2) электрондық және (немесе) баспа БАҚ-та жарық көрген барлық материалдардың көрсетілуімен жарияланымдар тізбесін жүргізеді;

      3) республикалық деңгейдегі іс-шараларды іске асыру кезінде республикалық БАҚ-та және өңірлік деңгейдегі іс-шараларды іске асыру кезінде өңірлік БАҚ-та 5 (бес) тақырыптық жарияланымды, сондай-ақ әлеуметтік желілерде 3 (үш) жарияланымды орналастыру арқылы әр іс-шараның жариялануын қамтамасыз ету.

      43. Азаматтық (ресурстық) орталық қызметтерді келесі нысандарда жүзеге асырады:

      1) институционалды және ұйымдастырушылық әлеуетін дамытуға бағытталған үкіметтік емес ұйымдарды оқыту;

      2) мемлекеттік органдармен өзара іс-қимыл арқылы азаматтық қоғамның дамуын және қоғамда пайда болған әлеуметтік проблемаларды шешу мәселелері бойынша үкіметтік емес ұйымдар мен азаматтарға консультация беру;

      3) азаматтық қоғамның дамуы мәселелері бойынша үкіметтік емес ұйымдар мен азаматтарға әдістемелік көмек көрсету, үкіметтік емес ұйымдардың мен мемлекеттік органдармен өзара іс-қимылы;

      4) үкіметтік емес ұйымдар, азаматтар, мемлекеттік органдар үшін өз қызметтері туралы ақпаратты ұсыну;

      44. Азаматтық (ресурстық) орталықтың қызметтер көрсетуінің толық циклі мынадай кезеңдерді құрайды:

      1) қызмет көрсету үшін материалдарды дайындау және (немесе) әзірлеу;

      2) қызмет көрсету;

      3) көрсетілген қызметтердің ішкі мониторингі.

      45. Осы Стандарттардың талаптары арнайы әлеуметтік қызметтер көрсететін орталықтарға қолданылмайды.

      46. Азаматтық (ресурстық) орталық қызметті пайдалану үшін келесі ақпараттарды қамтитын қызметтерді тұтынушылар үшін ақпараттық және көрсетілім топтамаларын әзірлейді:

      1) орталықтың атауы;

      2) орталық қызметінің тізбесі;

      3) орталықтың жұмыс кестесі;

      4) орталық қызметкерлерінің байланыс деректері;

      5) кері байланыс жүйесі (арыздар, қызметтің сапасын арттыру бойынша ұсыныстар).

5-тарау. Қызметтерді көрсету нәтижелерінің сапасын бағалау өлшемшарттары

      47. Оқыту қызметтерін көрсету сапасын бағалаудың өлшемшарттары осы Стандартқа қосымшадағы 1-кестеде оқыту қызметтері сапасына қойылатын талаптарда көрсетілген.

      48. Консультациялық қызметтеріді көрсету сапасын бағалаудың өлшемшарттары осы Стандартқа қосымшадағы 2-кестеге сәйкес консультациялық қызметтер сапасына қойылатын талаптарда көрсетілген.

      49. Ақпараттық және әдістемелік қызметтерді көрсету сапасын бағалаудың өлшемшарттары осы Стандартқа қосымшадағы 12-кестеде көрсетілген.

      50. Зерттеу-аналитикалық қызметтерді көрсету сапасын бағалаудың өлшемшарттары осы Стандартқа қосымшадағы 10 және 11-кестелерде көрсетілген.

      51. Іс-шараларды ұйымдастыру бойынша қызмет көрсету нәтижелерінің сапасын бағалаудың өлшемшарттары осы Стандартқа қосымшадағы 13-кестеде көрсетілген.

      52. Азаматтық (ресурстық) орталықтың жұмысын ұйымдастыру бойынша көрсетілетін қызметтердің сапасын бағалау оқыту, консультациялық, зерттеу-талдамалық, ақпараттық және әдістемелік көрсетілетін қызметтердің және азаматтық (ресурстық) орталықтың көрсетілетін қызметтер пакетіне кіретін іс-шараларды ұйымдастыру бойынша көрсетілетін қызметтердің сапасына қойылатын талаптар негізінде жүргізіледі.

      Ескерту. Қосымша жаңа редакцияда - ҚР Ақпарат және қоғамдық даму министрінің 26.07.2021 № 260 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-кесте. Оқыту қызметтері сапасына қойылатын талаптар

      * Оқыту қызметтерін тұтынушылардың қанағаттану деңгейін бағалау үшін іс-шараның барлық қатысушыларынан жауап алынады. Бағалау шәкілі 1-ден 5-ке дейін қолданылады, мұнда 1 – толық қанағаттандырмайды, 5 – толық қанағаттандырады. Қанағаттанудың жалпы деңгейін есептеу үшін формула қолданылады: (алынған балдардың жалпы сомасы/қатысушылар саны)/5) * 100.

2-кесте. Консультациялық қызметтер сапасына қойылатын талаптар

      * Консультациялық көрсетілетін қызметтерді тұтынушылардың қанағаттану деңгейін бағалау үшін консультациялар журналында тіркелген тұтынушылардың жалпы санының кемінде 20% - ы сұралады. Бағалау әкілі 1-ден 5-ке дейін қолданылады, мұнда 1 – толық қанағаттандырмайды, 5 – толық қанағаттандырады. Қанағаттанудың жалпы деңгейін есептеу үшін формула қолданылады: (алынған балдардың жалпы сомасы/сұралған қатысушылардың саны)/5) * 100.

      * Практикалық қолданылуын бағалау үшін консультациялар нәтижелеріне мониторинг жүргізіледі, алынған ақпарат консультациялар журналының тиісті бағанында тіркеледі. Пайыздар былайша есептеледі: нәтижелері бойынша тұтынушы алынған ұсынымдарды және (немесе) материалдарды /консультациялардың жалпы санына қолданған консультациялар саны * 100.

3-кесте. Зерттеу-талдамалық қызметтер сапасына қойылатын талаптар

4-кесте. Іс-шараларды ұйымдастыру бойынша көрсетілетін қызметтер сапасына қойылатын талаптар

      * Іс-шараларды ұйымдастыру бойынша көрсетілетін қызметтерді тұтынушылардың қанағаттану деңгейін бағалау үшін қатысушылардың жалпы санының кемінде 10% - ы сұралады. Бағалау шәкілі 1-ден 5-ке дейін қолданылады, мұнда 1 – толық қанағаттандырмайды, 5 – толық қанағаттандырады. Қанағаттанудың жалпы деңгейін есептеу үшін формула қолданылады: (алынған балдардың жалпы сомасы/сұралған қатысушылардың саны)/5) * 100.

5-кесте. Іс-шараларды ұйымдастыру бойынша қызметтер сапасына қойылатын талаптар

      * Практикалық қолдануды бағалау үшін қатысушылардың жалпы санының кемінде 10% - ы жауап алады. Пайыздар былайша есептеледі: практикалық қолданылуын растайтын сұралғандардың саны/сұралғандардың жалпы санына * 100.

7-кесте. Оқыту қызметтерін көрсету жағдайына қойылатын талаптар

8-кесте. Оқыту қызметтерін көрсету үшін материалдық-техникалық базаға қойылатын шарт

      * Аталған талаптар әлеуетті өнім берушіге оның жеңімпазы айқындалған және онымен шарт жасалған жағдайда белгіленеді

9-кесте. Азаматтық (ресурстық) орталықтың жұмысын ұйымдастыру бойынша қызмет көрсету үшін материалдық-техникалық базаға қойылатын шарт

10-кесте. Зерттеу-талдамалық қызметтерін көрсету бойынша ақпаратты жинауға қойылатын шарт

11-кесте. Зерттеу-талдамалық қызметтерді көрсету мерзімдеріне қойылатын талаптар

12-кесте. Ақпараттық және әдістемелік қызметтерді көрсету сапасын бағалау өлшемшарттары

13-кесте. Іс-шараларды ұйымдастыру бойынша қызметтерді көрсету сапасын бағалау өлшемшарттары