БҰЙЫРАМЫН:

      1. "Қорғаныстық зерттеулерді қаржыландыру қағидаларын бекіту туралы" Қазақстан Республикасы Қорғаныс министрінің 2017 жылғы 1 тамыздағы № 403 бұйрығына (Нормативтік құқықтық актілерді мемлекеттік тіркеу тізілімінде № 15602 болып тіркелген, Қазақстан Республикасы нормативтік құқықтық актілерінің эталондық бақылау банкінде 2017 жылғы 15 қыркүйекте жарияланған) мынадай өзгерістер енгізілсін:

      көрсетілген бұйрықпен бекітілген Қорғаныстық зерттеулерді қаржыландыру қағидаларында:

      2-тармақтың 5) тармақшасы мынадай редакцияда жазылсын:

      "5) ҚЗК-ның уәкілетті органы – ҚЗК қызметін қамтамасыз етуді, осы Қағидаларға 2-қосымшаға сәйкес нысан бойынша қорғаныстық зерттеулерді жүргізуге Өтінімдер тізбесін (бұдан әрі – Тізбе) жасауды, сондай-ақ қорғаныстық зерттеулерді қаржыландыру бойынша ҚР ҚМ іс-шараларын ұйымдастыруды жүзеге асыратын ғылым саласындағы ҚР ҚМ уәкілетті құрылымдық бөлімшесі (бұдан әрі – уәкілетті орган);";

      3, 4, 5, 6 және 7-тармақтар мынадай редакцияда жазылсын:

      "3. Тапсырыс беруші әрбір қорғаныстық зерттеу тақырыбына жеке Өтінім жасайды және уәкілетті органға жыл сайын 1 қыркүйекке дейін, қосымша Өтінімді – Қазақстан Республикасы Қорғаныс министрінің нұсқауын алғаннан кейін күнтізбелік он күн ішінде жолдайды.

      4. Уәкілетті орган Тапсырыс берушілердің Өтінімдерін жинауды жүзеге асырады және жыл сайын 15 қыркүйекке дейін Тізбенің жобасын жасайды және оны Қорғаныс министрінің бірінші орынбасары – ҚР ҚК БШ бастығына бекітуге енгізеді.

      5. Қосымша Өтінімді уәкілетті орган Қорғаныс министрінің бірінші орынбасары – ҚР ҚК БШ бастығымен бекітпей қосымша түрінде Тізбеге енгізеді.

      6. Жобаларды жинау жөніндегі ақпаратты уәкілетті орган Өтінімдер тізбесі бекітілгеннен кейін үш жұмыс күні ішінде ҚР ҚМ интернет-ресурсына орналастырады.

      7. ҚЗК-ның құрамын уәкілетті орган кемінде 15 адамды құрайтын ҚЗК мүшелерінің тақ санынан құрады және ол Қазақстан Республикасы Қорғаныс министрінің бұйрығымен бекітіледі.";

      19 және 20-тармақтар мынадай редакцияда жазылсын:

      "19. Уәкілетті орган бекітілген Тізбені Жоба беруге ниет білдірген заңды және жеке тұлғаларға жолдайды.

      20. Әлеуетті орындаушы он бес жұмыс күні ішінде бекітілген Тізбені алғаннан кейін Жоба әзірлейді және уәкілетті органға жолдайды.";

      22-тармақ мынадай редакцияда жазылсын:

      "22. Уәкілетті орган Әлеуетті органнан Жобаны алғаннан кейін бес жұмыс күні ішінде Жобаға сараптау жүргізу үшін Жобаны Қазақстан Республикасы Тұңғыш Президенті – Елбасы атындағы Ұлттық қорғаныс университетінің Әскери ғылыми-зерттеулер орталығына (бұдан әрі – ҰҚУ ӘҒЗО) жолдайды.";

      26 және 27-тармақтар мынадай редакцияда жазылсын:

      "26. ҰҚУ ӘҒЗО уәкілетті органға сараптық қорытындыны отыз күнтізбелік күн ішінде Жобаны алғаннан кейін жолдайды.

      27. ӘҒЗО-дан Жобаларға қорытындылар алғаннан кейін уәкілетті орган ҚЗК-ның кезекті отырысы күніне дейін он күнтізбелік күннен кешіктірмей қорытындыны ҚЗК мүшелеріне қарауға жолдайды.";

      29, 30 және 31-тармақ мынадай редакцияда жазылсын:

      "29. ҚЗК отырысының хаттамасы негізінде уәкілетті орган Қазақстан Республикасы Қорғаныс министрінің бұйрығымен бекітілетін (бұдан әрі – Бұйрық), Тапсырыс берушіні, тақырыптар атауын, орындаушыны, қатысушылар құрамын, Жобаның құны мен орындау мерзімін қамтитын Қорғаныстық зерттеулер тізбесін жасайды.

      30. Бекітілген Тізбе Жобаны орындаушысымен және оны қаржыландырушымен шарт жасау үшін негіздеме болып табылады.

      31. Тізбе бекітілген сәттен бастап уәкілетті орган он күнтізбелік күн ішінде қорғаныстық зерттеулерді қаржыландыруға бюджеттік өтінім құрайды және Қазақстан Республикасы Қорғаныс министрлігі Экономика және қаржы департаментіне (бұдан әрі – ЭҚД) жолдайды.";

      33, 34, 35 және 36-тармақтар мынадай редакцияда жазылсын:

      "33. Уәкілетті орган Бұйрықтан үзінділерді Орындаушыға шарттың жобасын әзірлеу үшін және Тапсырыс берушіге техникалық ерекшелікті әзірлеу үшін жолдайды.

      34. Бұйрықтан үзінділер алғаннан кейін күнтізбелік он күн ішінде Орындаушы уәкілетті органға шарттың жобасын жолдайды, Тапсырыс беруші уәкілетті органға техникалық ерекшелікті жолдайды.

      35. Уәкілетті орган шарттың жобасын және техникалық ерекшелікті алғаннан кейін Орындаушымен шарт жасау бойынша жұмысты жүргізеді.

      36. Қорғаныстық зерттеулерді жүргізу нәтижесі талаптары Тапсырыс берушінің техникалық ерекшелігінде сипатталған қорғаныстық зерттеулерді жүргізу туралы есеп (бұдан әрі – Есеп) болып табылады.

      Уәкілетті орган ҚЗК-ның кезекті отырысына дейін күнтізбелік қырық бес күн бұрын Тапсырыс берушілердің және ӘҒЗО-ның өкілдерінен Есептерге қорытынды алуды ұйымдастырады. Есеп бойынша қорытынды еркін нысанда ресімделеді. Есеп беру ҚЗК-ның отырысында қабылданады.";

      42-тармақ мынадай редакцияда жазылсын:

      "42. ҰҚУ ӘҒЗО уәкілетті органға жолданатын ЭДБ есептерін жасайды, оны өзектілендіруді және сақталуын жүзеге асырады.";

      Осы қағиданың 2-қосымшасы осы бұйрықтың қосымшасына сәйкес жаңа редакцияда жазылсын.

      2. Қазақстан Республикасы Қорғаныс министрлігінің Әскери ғылым және инновациялар басқармасы Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықтың көшірмесін мемлекеттік тіркелген күннен бастап күнтізбелік он күн ішінде қағаз және электрондық түрде Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      3) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсында орналастыруды;

      4) мемлекеттік тіркелген күннен бастап күнтізбелік он күн ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.

      3. Осы бұйрықтың орындалуын бақылау Қазақстан Республикасы Қорғаныс министрінің орынбасары генерал-лейтенант Т.С. Мұхтаровқа жүктелсін.

      4. Осы бұйрық лауазымды адамдарға, оларға қатысты бөлігінде жеткізілсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қорғаныстық зерттеулерді жүргізуге өтінімдер тізбесі

      Уәкілетті органның бастығы

      Әскери атағы ______________________________ тегі, аты-жөнінің бас әріптері

      (қолы)

      Күн                                                                  Мөрдің орны

      (Уәкілетті орган)

      Ескертпе: барлық бағандар Times New Roman қарпімен, 14 көлемде толтырылады.