2008 жылғы 8 желтоқсандағы Бюджеттік кодекстің 33 - бабы 3-тармағының 2) тармақшасына сәйкес БҰЙЫРАМЫН:

      1. Қоса беріліп отырған "Өкілдік шығындар" бөлінетін бюджеттік бағдарламасын бөлу қағидалары бекітілсін.

      2. Қазақстан Республикасы Сыртқы істер министрлігінің Валюта-қаржы департаменті:

      1) осы бұйрықты заңнамада белгіленген тәртіппен Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркеуден өткізген күннен кейін күнтізбелік он күн ішінде Қазақстан Республикасы нормативтік құқықтық актілерінің эталондық бақылау банкіне енгізу үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Сыртқы істер министрлігінің ресми интернет-ресурсында орналастыруды қамтамасыз етсін.

      3. Осы бұйрықтың орындалуын бақылау Қазақстан Республикасы Сыртқы істер министрлігінің Жауапты хатшысы А.Б. Қарашевқа жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрі

      _________________ Б. Сұлтанов

      2017 жылғы 1 наурыз

"Өкілдік шығындар" бөлінетін бюджеттік бағдарламаны бөлу қағидалары 1-тарау. Жалпы ережелер

      1. Осы "Өкілдік шығындар" бөлінетін бюджеттік бағдарламасын бөлу қағидалары (бұдан әрі - Қағидалар) Қазақстан Республикасының 2008 жылғы 4 желтоқсандағы Қазақстан Республикасының Бюджет кодексінің 33-бабы 3-тармағының 2)-тармақшасына сәйкес әзірленген және "Өкілдік шығындар" бөлінетін бюджеттік бағдарламаны бөлу тәртібін анықтайды.

      2. Осы Қағидаларда келесі ұғымдар пайдаланады:

      1) "Өкілдік шығындар" бөлінетін бюджеттік бағдарламасы – өкілдік шығындарды талап ететін іс-шараларды қаржыландыруға қаражат бөлуді көздейтін, Қазақстан Республикасы Сыртқы істер министрлігі (бұдан әрі – Министрлік) әкімшісі болып табылатын бюджеттік бағдарлама.

      2) өкілдік шығындар – тиісті қаржы жылына арналған және республикалық бюджеттік бағдарламалар әкімшілеріне шетелдік делегацияларды қабылдауға, отырыстар, конференциялар, кеңестер, семинарлар, салтанатты және ресми іс-шаралар өткізуге, сондай-ақ Қазақстан Республикасы Президентінің, Қазақстан Республикасы Тұңғыш Президентінің – Елбасының, Қазақстан Республикасы Премьер-Министрінің, Қазақстан Республикасы Мемлекеттік хатшысының, Қазақстан Республикасы Сыртқы істер министрінің, халықаралық байқау миссияларының құрамында шет мемлекеттердегі сайлауларға Қазақстан Республикасынан байқаушы ретінде жіберілетін республикалық бюджет есебіндегі мемлекеттік органдардың лауазымды адамдарының шетелге іссапарлары барысында өкілдік мақсаттарға бөлінетін қаражат.

      3. Шетелдік делегацияларды қабылдауға, отырыстар, конференциялар, кеңестер, семинарлар, салтанатты және ресми іс-шаралар өткізуге жұмсалатын өкілдік шығындарға мыналар жатады:

      1) Қазақстан Республикасына іс-шараларға қатысу үшін шақырылатын тұлғалардың өмір сүруіне және белгіленген пунктіге дейінгі көлік шығындарын төлеу;

      2) Қазақстан Республикасы Президентінің 2006 жылғы 12 қазандағы № 201 Жарлығымен бекітілген Қазақстан Республикасының Мемлекеттік Протоколында (бұдан әрі – Қазақстан Республикасының Мемлекеттік Протоколы) көзделген ресми қабылдаулар (таңғы ас, түскі ас, кешкі ас);

      3) ресми қабылдауларды музыкалық сүйемелдеу;

      4) кәдесыйлар, естелік сыйлықтар сатып алу;

      5) автокөліктік қызмет көрсету;

      6) аудармашылардың қызметтеріне ақы төлеуге;

      7) залды жалға алу;

      8) Министрліктің басшылығы рұқсат берген басқа шығыстар.

      4. Халықаралық байқау миссияларының құрамында шет мемлекеттердегі сайлауларға Қазақстан Республикасынан байқаушы ретінде жіберілетін Республикалық бюджет есебіндегі мемлекеттік органдардың лауазымды адамдарының өкілдік шығындарына жатады:

      1) автокөліктік қызмет көрсету, жанар-жағармай материалдары;

      2) аудармашылардың қызметтері үшін төлемдер;

      3) егер автокөлік жүргізушісі және/немесе аудармашы Қазақстан Республикасының атынан байқаушы жіберілген байқау өтетін жерде тұрақты тұрмаса, олардың қонақүйде тұруына және тамақтануына ақы төлеу;

      4) Еуропадағы қауіпсіздік және ынтымақтастық ұйымының Демократиялық институттар мен адам құқықтары жөніндегі бюросындағы сайлауды байқау миссиялары жұмысының қорытындылары бойынша Министрлікке ұсынатын шот-фактуралары бойынша шығындар:

      әуежайдан қонақүйге/қонақүйден әуежайға трансфер;

      қала ішінде жол жүрулер (өту орнына байқаушыларды апару/алып келу);

      ел ішіндегі сапарлар (байқаушы орналасқан жеріне/жерінен);

      байланыс үшін шығындар (СИМ-карталар/ұялы телефондарды пайдалану);

      брифингтер үшін шығындар (брифингтер, дебрифингтер өткізу, брифингке материалдар дайындау, кофе-брейктер).

2-тарау. "Өкілдік шығындар" бөлінетін бюджеттік бағдарламасы бойынша қаражат бөлу тәртібі

      5. Министрлік республикалық бюджеттік бағдарламалар әкімшілерінің ұсыныстары негізінде және кезекті қаржы жылына арналған республикалық бюджетте өкілдік шығындар үшін көрсетілген қаражат көлеміне сүйене отырып, өкілдік шығындарды талап ететін іс-шаралар жоспарын (бұдан әрі – Жоспар) жасайды.

      Министрлік Жоспарға сәйкес және тиісті қаржы жылына бекітілген шектеу шегінде республикалық бюджеттік бағдарламалар әкімшісінің өкілдік шараларға арналған қаражатты бөледі.

      Бір жыл ішінде, республикалық бюджеттік бағдарламалар әкімшілерінің ұсыныстары негізінде, Министрлік жоспарланбаған іс-шараларды өткізудің саяси маңыздылығын және бөлінген қаражат көлемін ескере отырып, Жоспарды түзетеді.

      6. Министрлік Республикалық бюджеттік бағдарламалар әкімшілерінің республикалық бюджетте өкілдік шығындарға қаражатты бөлу туралы өтініштерін мынадай жағдайларда қарастырады:

      1) іс-шараны өткізу қажеттілігінің негіздемесі;

      2) делегацияның деңгейі мен форматы бойынша келу бағдарламалары (республикалық бюджеттік бағдарламалар әкімшісі бекітеді);

      3) іс-шаралар дайындау мен әткізудің жұмыс жоспары (республикалық бюджеттік бағдарламалар әкімшісі бекітеді);

      4) іс-шараларға қатысатын тұлғалардың нақты санын растайтын құжаттар;

      5) шығыстардың әрбір бабын негіздемесімен қоса шығыстар жиынтығы;

      Тиісті республикалық бюджеттік бағдарламалар әкімшілерінің өкілдік шығыстарды өтеуге қаражат бөлу туралы өтініш жасаған жағдайда нақты шығыстарды растайтын құжаттарды да (түбіртектерді, шот-фактураларды, жөнелтпе құжаттарды, болған жағдайда келісімшарттарды) ұсыну қажет.

      7. Осы Қағидалардың 3-тармағының 3), 4), 7) тармақшаларында көзделген өкілдік шығындар бойынша республикалық бюджеттік бағдарламалар әкімшілері тауарлар мен қызметтер құнын, сондай-ақ көрсетілген тауарлар мен қызметтерді ұсынатын ұйымның деректемелерін көрсете отырып, құжаттарды береді және ұқсас тауарларды, жұмыстарды және қызметтерді жеткізушілерден кемінде 2 (екі) балама бағаларды ұсынады.

      8. Министрлік осы Қағидалардың қосымшасына сәйкес Жоспардың және республикалық бюджеттік бағдарламалар әкімшілерінің өтініштері негізінде республикалық бюджеттік бағдарламалар әкімшілеріне өкілдік шығындарға қаражат бөлуді жүзеге асырады.

      9. Өкілдік шығындарға арналған қаражатты бөлу Министрліктің Аппарат басшысының (бұдан әрі – Аппарат басшысы) немесе оның міндетін атқаратын адамның бұйрығымен ресімделеді.

      Іс-шараларға қатысу үшін Қазақстан Республикасына шақырылатын тұлғалардың қонақүйде тұруын және баратын пунктіне дейінгі көліктік шығындарын төлеуге, Қазақстан Республикасы Президентінің, Қазақстан Республикасы Премьер-Министрінің, Қазақстан Республикасы Мемлекеттік хатшысының, Қазақстан Республикасы Сыртқы істер министрінің шет мемлекеттерге сапарлары барысында өкілдік мақсаттарға арналған, сондай-ақ халықаралық байқау миссияларының құрамында шет мемлекеттердегі сайлауларға Қазақстан Республикасының атынан байқаушылар ретінде жіберілетін республикалық бюджет есебіндегі мемлекеттік органдардың лауазымды адамдары үшін автокөліктік қызмет көрсетуге және аудармашылардың қызметтерін төлеуге арналған қаражат бөлінген жағдайда, Аппарат басшысының бұйрығы Қазақстан Республикасы Сыртқы істер министрінің немесе оның міндетін атқаратын адамның қарары негізінде қабылданады.

      Шетелдік делегацияларды "аса жоғары деңгейде" және/немесе "жоғары деңгейде" қабылдаған жағдайда, Қазақстан Республикасының Мемлекеттік Протоколына сәйкес делегация деңгейі Аппарат басшысының бұйрығында көрсетіледі.

      Аппарат басшысының өкілдік шығындарға қаражат бөлу туралы бұйрығы жоспарланған іс-шара басталғанға дейін қабылданады.

      Объективті себептерге байланысты Аппарат басшысының бұйрығын жоспарланған іс-шара басталғанға дейін қабылдау мүмкін болмаған жағдайда, Аппарат басшысы іс-шара өткен күннен бастап екі айдан аспайтын мерзімде өкілдік шығындарды өтеу туралы бұйрықты қабылдайды.

      Егер делегацияның Қазақстан Республикасында болу бағдарламасында өзгеше көзделмесе Қазақстан Республикасына шақырылған шетелдік делегациялардың қатысушыларына іс-шараларға қатысу үшін межелі пунктінде тұру үшін қаражат бөлу кезінде іс-шарадан 1 (бір) күн бұрын және 1 (бір) күн өте есептік уақыт алынады.

      Шетелдік делегацияның қатысушысына тасымалдау шығынына қаражат бөлген жағдайда, Қазақстан Республикасының аумағының шегінде іс-шараның өткізудің соңғы пунктіне дейін бағыты ескеріледі.

      Шетелдік делегацияларды "аса жоғары деңгейде" және/немесе "жоғары деңгейде" қабылдаған жағдайда іс-шараның деңгейін анықтауды Министрлік Қазақстан Республикасының Мемлекеттік протоколына сәйкес жүзеге асырады.

      Шетелдік делегациялардың Қазақстан Республикасына сапарлары барысында екіжақты қатынастар деңгейіне байланысты және өзара тепе-теңдік қағидатын ескере отырып, Қазақстан тарапынан басшы ретінде мемлекеттік органның бірінші басшысымен не оның орынбасарымен келісім бойынша Қазақстан Республикасының Мемлекеттік протоколында көрсетілмеген өзге лауазымды адам айқындалады, бұл ретте мұндай адам Министрліктің Мемлекеттік протокол қызметімен келісілуі тиіс.

      Қазақстан Республикасы Сыртқы істер министрінің немесе оның міндетін атқарушы тұлғаның қатысуымен экспорттық-импорттық қызмет және инвестициялар тарту мәселелері бойынша "жоғары деңгейде" өткізілетін іс-шараларды қоспағанда, Қазақстан Республикасының Мемлекеттік протоколына сәйкес шетелдік делегациялар үшін ресми қабылдауларды өткізу кезінде Қазақстан Республикасы тарапынан қатысушылардың саны шетелдік делегациялар тарапынан болатын қатысушылардың санынан аспауы тиіс.

      10. Өкілдік шығындарға бөлінген ақша қаржы жылының ішінде пайдаланылмаған немесе ішінара пайдаланылған жағдайда, бюджеттік бағдарламаның әкімшісі Министрлікке түсімдер мен төлемдер бойынша қаржыландырудың жиынтық жоспарына, бюджетті атқару жөніндегі орталық уәкілетті орган бекітетін міндеттемелер бойынша қаржыландырудың жиынтық жоспарына кейіннен өзгерістер енгізе отырып, өкілдік шығындарға қаражат бөлу туралы Аппарат басшысының бұйрығына өзгерістерді уақытылы енгізу үшін өкілдік шығындарға бөлінген ақшаның пайдаланылмаған немесе ішінара пайдаланылған сомалары туралы мәліметті жолдайды.

      11. Бюджетті атқару жөніндегі орталық уәкілетті орган Аппарат басшысының бұйрығы негізінде Қазақстан Республикасының бюджет заңнамасына сәйкес түсімдер мен төлемдер бойынша қаржыландырудың жиынтық жоспарына, міндеттемелер бойынша қаржыландырудың жиынтық жоспарына өзгерістер енгізеді.

      12. Қазақстан Республикасы Президентінің, Қазақстан Республикасы Тұңғыш Президентінің – Елбасының, Қазақстан Республикасы Премьер-Министрінің, Қазақстан Республикасы Мемлекеттік хатшысының, Қазақстан Республикасы Сыртқы істер министрінің шетелдік сапарлары, сондай-ақ халықаралық байқау миссиясының құрамында шет мемлекеттердегі сайлауларға Қазақстан Республикасынан байқаушы ретінде жіберілетін республикалық бюджет есебіндегі мемлекеттік органдардың лауазымды адамдарын іссапарға жіберу кезіндегі өкілдік шығындарға қолма-қол шетел валютасын бөлу мынадай тәртіппен жүзеге асырылады:

      бөлінген қаражатты айырбастау үшін Министрлік бюджетті атқару жөніндегі орталық өкілетті органда шетел валютасында шот ашады;

      Қазақстан Республикасының Ұлттық Банкінің (бұдан әрі — ҚР ҰБ) орталық филиалы бюджетті атқару жөніндегі орталық уәкілетті органның өтініші бойынша шетел валютасын айырбастайды және оны бюджетті атқару жөніндегі орталық уәкілетті органның шетел валютасындағы шотына аударады;

      бюджетті атқару жөніндегі орталық өкілетті орган ҚР ҰБ орталық филиалының үзіндісі негізінде Министрліктің шетел валютасындағы шотына шетел валютасын есептеуді жүргізеді;

      Аппарат басшысының уәкілдік шығындарға қаражат бөлу туралы қабылданған бұйрығының негізінде Министрлік Қазақстан Республикасы Қаржы министрлігі Қазынашылық комитетінің Нұр-Сұлтан қаласы бойынша Қазынашылық департаментінде (Қазынашылық департаменті) қолма-қол шетел валютасын алу мақсатында Министрліктің лауазымды адамына сенімхат береді;

      Қазынашылық департаменті ҚР ҰБ-да қолма-қол шетел валютасын алу үшін Министрліктің лауазымды адамына сенімхат береді;

      ҚР ҰБ Министрліктің лауазымды адамына көрсетілген сомаға сәйкес қолма-қол шетел валютасын береді;

      Министрліктің лауазымды адамы алынған қолма-қол шетел валютасын Министрліктің кассасына сол күні жолдайды;

      Өкілдік шығындарға қаражат Министрліктің кассасынан өкілдік шығындарға қаражат алуға уәкілетті республикалық бюджеттік бағдарламалар әкімшілерінің лауазымды адамдарына беріледі.

      13. 2008 жылғы 4 желтоқсандағы Қазақстан Республикасының Бюджеттік кодексінің 4-бабының 9), 14) тармақшаларына сәйкес шетелдік делегацияларды қабылдауға, отырыстар, конференциялар, кеңестер, семинарлар, салтанатты және ресми іс-шаралар өткізуге өкілдік шығындарға қаражат алған республикалық бюджеттік бағдарламалардың әкімшілері Министрлікке тоқсан сайын келесі есепті айдың он бесінші күнінен кешіктірмей көрсетілген қаражатты пайдаланғаны туралы есеп береді.

      Осы өкілдік шығындар үшін қаражат алған республикалық бюджет есебінен ұсталатын мемлекеттік органдардың лауазымды адамдарын халықаралық байқау миссиясының құрамында шет мемлекеттердегі сайлауларға Қазақстан Республикасынан байқаушы немесе өкілдік шығындарға қаражат алуға уәкілетті тұлғалар іс-шараны өткізгеннен кейін күнтізбелік он күн ішінде Министрлікке Қазақстан Республикасы Орталық сайлау комиссиясының төрағасы немесе оның міндетін атқарушы тұлға бекіткен және елтаңбалы мөрімен расталған өкілдік мақсаттарға арналған шығындар бойынша актіні, сондай-ақ тиісті тауарларды, жұмыстарды және қызметтерді сатқан ұйымның мөрімен расталған сатып алынған тауарлардың, жұмыстардың және қызметтердің құны мен көлемін көрсете отырып, растайтын құжаттарды (түбіртектерді, шот-фактураларды, жөнелтпе құжаттарды, келісімшарттарды) беруі тиіс.

      Қазақстан Республикасы Президентінің, Қазақстан Республикасы Тұңғыш Президенті – Елбасының, Қазақстан Республикасы Премьер-Министрінің, Қазақстан Республикасы Мемлекеттік хатшысының, Қазақстан Республикасы Сыртқы істер министрінің шетелдік сапарлары кезінде жұмсалатын өкілдік шығындар үшін қаражат алуға уәкілетті лауазымды адамдар іс-шараны өткізгеннен кейін күнтізбелік он күн ішінде Министрлікке республикалық бюджеттік бағдарламалар әкімшісінің елтаңбалы мөрімен расталған және Қазақстан Республикасы Президентінің, Қазақстан Республикасы Мемлекеттік хатшысының шетелдік сапарлары кезінде Қазақстан Республикасының Президенті Кеңсесінің Бастығы, Қазақстан Республикасы Тұңғыш Президенті – Елбасының шетелдік сапарлары кезінде Қазақстан Республикасының Тұңғыш Президенті – Елбасы Кеңсесінің Бастығы, Қазақстан Республикасы Премьер-Министрінің шетелдік сапарлары кезінде Қазақстан Республикасы Премьер-Министрінің Кеңсесі Басшысының орынбасары, Қазақстан Республикасы Сыртқы істер министрінің шетелдік сапарлары кезінде Қазақстан Республикасы Сыртқы істер министрлігінің Аппарат басшысы растаған өкілдік мақсаттарға арналған шығындар бойынша актіні береді.

Өкілдік шығындардың нормалары

      Ескерту. Қосымша жаңа редакцияда – ҚР Сыртқы істер министрінің 16.10.2019 № 11-1-4/538 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      Қазақстан Республикасының Мемлекеттік Протоколында көзделген ресми қабылдаулар жүргізу кезінде Қазақстан Республикасы тарапынан қатысушылардың саны шетелдік делегациялар тарапынан қатысушылардың санынан аспауы тиіс.