Ескерту. Бұйрықтың күші жойылды – ҚР Премьер-Министрінің Бірінші орынбасары – ҚР Қаржы министрінің 18.02.2020 № 161 (01.01.2021 бастап қолданысқа енгізіледі) бұйрығымен.
      РҚАО-ның ескертпесі!
      Бұйрық 01.01.2021 ж. бастап қолданысқа енгізіледі

      Қазақстан Республикасының аумағында білім беруге жеке тұлға жұмсаған шығыстар туралы мәліметтерді растау туралы мемлекеттік кірістер органдары талаптарының нысанын және оны толтыру қағидаларын бекіту туралы

      "Салық және бюджетке төленетін басқа да міндетті төлемдер туралы" 2008 жылғы 10 желтоқсандағы Қазақстан Республикасы Кодексінің (Салық кодексі) 606-4-бабы 1-тармағының 1-тармақшасына және 4-тармағына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Қазақстан Республикасының аумағында білім беруге жеке тұлға жұмсаған шығыстар туралы мәліметтерді растау туралы мемлекеттік кірістер органдары талаптарының нысаны;

      2) осы бұйрыққа 2-қосымшаға сәйкес Қазақстан Республикасының аумағында білім беруге жеке тұлға жұмсаған шығыстар туралы мәліметтерді мемлекеттік кірістер органдары талаптарының нысанын толтыру қағидалары бекітілсін.

      2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіпте:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықты Қазақстан Республикасы Әділет министрлігінде мемлекеттік тіркелгеннен кейін он күнтізбелік күн ішінде оны мерзімді баспа басылымдарында және "Әділет" ақпараттық-құқықтық жүйесінде ресми жариялануға жолдануын:

      3) осы бұйрықты Қазақстан Республикасының Әділет министрлігінен алған күннен бастап бес жұмыс күні ішінде оны Қазақстан Республикасының нормативтік құқықтық актілерінің эталондық бақылау банкіне орналастыру үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдануын;

      4) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.

      3. Осы бұйрық 2021 жылғы 1 қаңтардан бастап қолданысқа енгізіледі және ресми жариялануға тиіс.

      "КЕЛІСІЛДІ"

      Қазақстан Республикасы

      Білім және ғылым министрі

      Е. Сағадиев ____________

      2016 жылғы "__"_______

Қазақстан Республикасының аумағында білім беруге жеке тұлға жұмсаған шығыстар туралы мәліметтерді растау туралы мемлекеттік кірістер органдары талаптарының нысаны

Қазақстан Республикасының аумағында білім беруге жеке тұлға жұмсаған шығыстар туралы мәліметтерді растау туралы мемлекеттік кірістер органдары талаптарының нысанын толтыру қағидалары
1-тарау. Жалпы ереже

      1. Осы Қазақстан Республикасының аумағында жеке тұлғаның білім беруге жұмсаған шығыстары туралы мәліметтерді растау туралы мемлекеттік кірістер органдары талаптарының нысанын толтыру қағидалары (бұдан әрі - Қағида) "Салық және бюджеттке төленетін басқа да міндетті төлемдер туралы" 2008 жылғы 10 желтоқсандағы Қазақстан Республикасы Кодексінің (Салық кодексі) 606-4-бабы 1-тармағының 1-тармақшасына және 4-тармағына сәйкес әзірленді және Қазақстан Республикасының аумағында жеке тұлғаның білім беруге жұмсаған шығыстары туралы мәліметтерді растау туралы мемлекеттік кірістер органдары талаптарының нысаны толтыру тәртібін айқындайды (бұдан әрі - Мәлімет).

      2. Мәліметтерді білім беру ұйымдары:

      1) электрондық салық төлеуші ретінде тіркеу есебінде тұрғандар - веб-қосымша арқылы немесе хабарламаға кепілдікті жеткізуді қамтамасыз ететін ақпараттық-коммуникациялық желі бойынша жіберу арқылы электрондық тәсілмен және электрондық цифрлық қолтаңбамен расталады;

      2) электрондық салық төлеуші ретінде тіркеу есебінде тұрмағандар - хабарламасы бар тапсырыс хатпен почта арқылы ұсынады.

      3. Білім беру ұйымдары Республикасының аумағында жеке тұлғаның білім беруге жұмсаған шығыстары туралы мәліметтерді растау туралы мемлекеттік кірістер органдарының талаптарын алған күннен бастап, отыз жұмыс күні ішіңде береді.

2-тарау. Қазақстан Республикасының аумағында білім беруге жеке тұлға жұмсаған шығыстар туралы мемлекеттік кірістер органдары талаптарының нысанын толтыру

      4. Нысанда Қазақстан Республикасының аумағында жеке тұлғаның білім беруге жұмсаған шығыстары туралы мәліметтерді растайтын мәліметтер көрсетіледі.

      5. Мәлімет әрбір қарыз бөлігінде бөлек беріледі.

      6. Мәлімет өзіне мынадай деректерді қамтиды:

      1) 1-бағанда - жолдың рет нөмірі;

      2) 2-бағанда - жеке тұлғаның жеке сәйкестердіру нөмірі;

      3) 3-бағанда - жеке тұлғаның тегі, аты, әкесінің аты (егер ол жеке басын куәландыратын құжатта көрсетілсе);

      4) 4-бағанда - Көрсетілген қызметтің атауы;

      5) 5-бағанда - Көрсетілген қызметтің сомасы;

      6) 6-бағанда - құжаттың атауы;

      7) 7- бағанда - құжаттың күні;

      8) 8-бағанда - құжаттың нөмірі.