Ескерту. Бұйрықтың тақырыбы жаңа редакцияда – ҚР Білім және ғылым министрінің 17.11.2016 № 663 (01.01.2017 бастап қолданысқа енгізіледі) бұйрығымен.

      "Неке (ерлі-зайыптылық) және отбасы туралы" Қазақстан Республикасы Кодексінің 117-бабының 6-тармағына сәйкес БҰЙЫРАМЫН:

      1. Қоса беріліп отырған Жетім балаларды және ата-аналарының қамқорлығынсыз қалған балаларды есепке алуды ұйымдастыру және олар туралы ақпаратқа қол жеткізу қағидалары бекітілсін.

      2. Қазақстан Республикасы Білім және ғылым министрлігінің Балалардың құқықтарын қорғау комитеті (3. Оразалиева):

      1) осы бұйрықтың белгіленген тәртіппен Қазақстан Республикасы Әділет министрлігінде тіркелуін;

      2) осы бұйрықты Қазақстан Республикасының Әділет министрлігінде мемлекеттік тіркеуден өткеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Білім және ғылым министрлігінің ресми интернет-ресурсында орналастыруды қамтамасыз етсін.

      3. Осы бұйрықтың орындалуын бақылау Қазақстан Республикасының Білім және ғылым вице-министрі Е.Н. Иманғалиевке жүктелсін.

      4. Осы бұйрық алғашқы ресми жарияланғаннан кейін күнтізбелік он күн өткен соң қолданысқа енгізіледі.

Жетім балаларды және ата-аналарының қамқорлығынсыз қалған балаларды есепке алуды ұйымдастыру және олар туралы ақпаратқа қол жеткізу қағидалары

      Ескерту. Қағида жаңа редакцияда – ҚР Білім және ғылым министрінің 17.11.2016 № 663 (01.01.2017 бастап қолданысқа енгізіледі) бұйрығымен.

1-тарау. Жалпы ережелер

      1. Осы жетім балаларды және ата-аналарының қамқорлығынсыз қалған балаларды есепке алуды ұйымдастыру және олар туралы ақпаратқа қол жеткізу қағидалары (бұдан әрі - Қағидалар) "Неке (ерлі-зайыптылық) және отбасы туралы" Қазақстан Республикасы Кодексінің (бұдан әрі - Кодекс) 117-бабының 6-тармағына сәйкес әзірленген және оларды отбасына тәрбиелеуге беру мақсатында жетім балаларды, ата-анасының қамқорлығынсыз қалған балаларды есепке алуды ұйымдастыру және олар туралы ақпаратқа қол жеткізу тәртібін белгілейді.

      2. Осы Қағидаларда мынадай анықтаулар пайдаланылады:

      1) ата-аналарының (ата-анасының) қамқорлығынсыз қалған бала (балалар) – ата-ана құқықтарының шектелуiне немесе олардан айырылуына, хабарсыз кеткен деп танылуына, қайтыс болған деп жариялануына, әрекетке қабiлетсiз немесе әрекет қабiлетi шектелген деп танылуына, бас бостандығынан айыру орындарында жазасын өтеуiне, бала тәрбиелеуден немесе оның құқықтары мен мүдделерiн қорғаудан жалтаруына, оның ішінде баланы тәрбиелеу немесе медициналық ұйымнан алудан бас тартуына байланысты, сондай-ақ ата-ана қамқоршылығы болмаған және Қазақстан Республикасының заңдарында көзделген өз құқықтары мен мүдделерінің қажетті қорғалуын қамтамасыз етуге мұқтаж болған өзге де жағдайларда жалғыз ата-анасының немесе екеуінің де қамқорлығынан айырылған бала (балалар);

      2) Республикалық деректер банкіндегі жетім балалардың, ата-аналарының қамқорлығынсыз қалған балалардың бастапқы есебі – бұл жетім балаларды, ата-аналарының қамқорлығынсыз қалған балаларды анықтаған сәттен бастап есепке алу және оларды анықталған жері бойынша бір ай ішінде орналастыруды қамтамасыз ету;

      3) жетім бала (балалар) – ата-анасының екеуі де немесе жалғыз анасы (әкесі) қайтыс болған бала (балалар);

      4) Жетім балалардың, ата-анасының қамқорлығынсыз қалған балалардың және балаларды өз отбасына тәрбиелеуге қабылдауға тілек білдірген адамдардың республикалық деректер банкі (бұдан әрі – Республикалық деректер банкі) – жетім балалар, ата-анасының қамқорлығынсыз қалған балалар туралы, сондай-ақ жетім балаларды, ата-анасының қамқорлығынсыз қалған балаларды өз отбасына тәрбиелеуге қабылдауға тілек білдірген адамдар туралы мәліметтерді қамтитын деректер базасы;

      5) Республикалық деректер банкіндегі жетім балалардың, ата-аналарының қамқорлығынсыз қалған балалардың орталықтандырылған есебі – бұл Қазақстан Республикасының аумағында орналастыруды қамтамасыз ету үшін Республикалық деректер банкіне өңірлік есепке қойған сәттен бастап екі ай ішінде орналыстырылмаған жетім балалардың, ата-аналарының қамқорлығынсыз қалған балалардың есебі;

      6) Республикалық деректер банкіндегі жетім балалардың, ата-аналарының қамқорлығынсыз қалған балалардың өңірлік есебі – бұл облыста, республикалық маңызы бар қалада және астанада Республикалық деректер банкіне бастапқы есепке қойған сәттен бастап бір ай мерзімде орналастырылмаған жетім балалардың, ата-аналарының қамқорлығынсыз қалған балалардың есебі.

      3. Жетім балаларды, ата-анасының қамқорлығынсыз қалған балаларды толық және жан-жақты есепке алу үшiн Республикалық деректер банкінің бастапқы, өңірлік және орталықтандырылған есебіне алу жүргiзiледi.

2 - тарау. Жетім балаларды және ата-аналарының қамқорлығынсыз қалған балаларды есепке алуды ұйымдастыру тәртібі

      4. Жетім балаларды, ата-аналарының қамқорлығынсыз қалған балаларды анықтауды ата-ананың қамқорлығының болмауы туралы өздеріне белгілі болған барлық жеке және заңды тұлғалар жүзеге асырады.

      5. Жетім балаларды, ата-аналарының қамқорлығынсыз қалған балаларды анықтаған немесе олар туралы ақпарат түскен кезде олар анықталған күннен бастап бір жұмыс күні ішінде ауданның, облыстық маңызы бар қаланың, республикалық маңызы бар қаланың және астананың органы осы Қағидаларға 1-қосымшаға сәйкес нысан бойынша баланың сауалнамасына (электронды нысанда) олар туралы мәліметтерді енгізу арқылы Республикалық деректер банкінің бастапқы есебіне қояды.

      5-1. Жетім балалар мен ата-анасының қамқорлығынсыз қалған балаларға арналған ұйымның басшысы, әлеуметтік педагогі (әлеуметтік қызметкері) (бұдан әрі – әлеуметтік педагог) баланы ұйымға орналастырылған күннен бастап 1 (бір) жұмыс күні ішінде танысу үшін еңбек заңнамасына сәйкес демалыс және мереке күндерінен басқа жұмыс күндерін ескере отырып балаларды өз отбасына тәрбиелеуге қабылдауға тілек білдірген адамдармен танысу және қарым-қатынас жасау үшін "Бару кестесін" қалыптастырады.

      Басшы, әлеуметтік педагог "Бару кестесін" түзеткен жағдайда, баланың сауалнамасы 1 (бір) жұмыс күні ішінде "Бару кестесін" бекітетін органға келісуге жіберіледі.

      6. Кодекстің 117-бабының 5-тармағына сәйкес жетім балалардың, ата-аналарының қамқорлығынсыз қалған балалардың тұратын жері бойынша ауданның, облыстық маңызы бар қалалардың, республикалық маңызы бар қалалардың және астананың органы олар туралы мәліметтер түскен күннен бастап бір ай ішінде баланы отбасына тәрбиелеуге (асырап алуға, қорғаншылыққа немесе қамқоршылыққа, патронатқа, баланы қабылдайтын отбасына) беру арқылы орналастыруды қамтамасыз етеді .

      7. Ауданның, облыстық маңызы бар қалалардың, республикалық маңызы бар қалалардың, астананың органы баланың сауалнамасына мынадай құжаттарды бар болғанда тіркейді:

      1) баланың жеке басын куәландыратын құжаттар (туу туралы куәлік электрондық нысанда немесе оның қағаз түріндегі көшірмесі, жеке куәлік);

      2) Қазақстан Республикасы Білім және ғылым министрінің 2015 жылғы 16 қаңтардағы № 13 бұйрығымен (Қазақстан Республикасының нормативтік-құқықтық актілерін мемлекеттік тіркеу тізілімінде № 10288 болып тіркелген) бекітілген Қазақстан Республикасының азаматтары болып табылатын балаларды асырап алуға беру туралы рұқсат беру мүмкіндігі (мүмкін еместігі) туралы қорытынды беретін комиссияның қызметі мен құрамын айқындаудың қағидаларына сәйкес балаларды асырап алуға беру туралы рұқсат беру мүмкіндігі (мүмкін еместігі) туралы комиссия қорытындысының көшірмесі;

      3) ата-анасы (ата-аналары) қайтыс болған бала үшін ата-анасының (ата-аналарының) қайтыс болғаны туралы куәліктің көшірмесі немесе хабарлама;

      4) адасып қалған (тастанды) балаға осы Қағидаларға 2-қосымшаға сәйкес нысан бойынша адасып қалған (тастанды) баланы жеткізу туралы акт;

      5) ата-аналық құқықтардан бас тартқан балаға осы Қағидаларға 3-қосымшаға сәйкес нысан бойынша ата-аналық құқықтардан бас тарту және бала асырап алуға келісім беру туралы өтініш;

      6) тастап кеткен балаға осы Қағидаларға 4-қосымшаға сәйкес нысан бойынша баланы денсаулық сақтау ұйымында тастап кету туралы акт;

      7) баланың жеке басын куәландыратын құжаты болмаған жағдайда осы Қағидаларға 5-қосымшаға сәйкес нысан бойынша Қазақстан Республикасының азаматтарын тіркеу және құжаттандыру туралы қолдаухат;

      8) адасып қалған (тастанды) балаға осы Қағидаларға 6-қосымшаға сәйкес нысан бойынша тұрғылықты мекенжайын анықтау туралы қолдаухат;

      9) адасып қалған (тастанды) балаға осы Қағидаларға 7-қосымшаға сәйкес нысан бойынша адасып қалған (тастанды) баланы жеткізу туралы актіде көрсетілген мекенжайға бару актісі;

      10) осы Қағидаларға 8-қосымшаға сәйкес нысан бойынша баланың туыс-туғандарының бар-жоғы туралы анықтама;

      11) жетім балалар және ата-аналарының қамқорлығынсыз қалған балалар үшін осы Қағидаларға 9-қосымшаға сәйкес нысан бойынша жетім балалар мен ата-аналарының қамқорлығынсыз қалған балаларға арналған ұйым басшысының асырап алуға келісімі;

      12) осы Қағидаларға 10-қосымшаға сәйкес нысан бойынша Қазақстан Республикасының аумағында және одан тыс жерде тұратын туыстарынан, Қазақстан Республикасының азаматтарынан асырап алуға ұсынылған балалардан бас тартуларын растайтын қолхат;

      13) осы Қағидаларға 11-қосымшаға сәйкес нысан бойынша баланың денсаулық жағдайы туралы дәрігердің қорытындысы.

      14) осы Қағидаларға 12-қосымшаға сәйкес нысан бойынша 0-ден 5 жасқа дейінгі баланың дамуындағы психологиялық және әлеуметтік ерекшеліктер туралы есеп;

      15) осы Қағидаларға 13-қосымшаға сәйкес нысан бойынша 6 жас және одан да асқан баланың дамуындағы психологиялық және әлеуметтік ерекшеліктер туралы есеп.

      8. Осы Қағидалардың 7-тармағында көрсетілген құжаттардың бірі бар болған жағдайда, баланың сауалнамасы түзетілуге тиіс.

      9. Жетім балаларды, ата-аналарының қамқорлығынсыз қалған балаларды Республикалық деректер банкінің бастапқы есебіне қою күні ретінде ауданның, облыстық маңызы бар қалалардың, республикалық маңызы бар қалалардың және астананың органы баланың ресімделген сауалнамасын Республикалық деректер банкінде тіркеген күні саналады.

      10. Республикалық деректер банкінің бастапқы есебіне қойылған күннен бастап бір ай өткен соң нақты тұрғылықты жері бойынша отбасына тәрбиелеуге орналастырылмаған жетім балалар, ата-аналарының қамқорлығынсыз қалған балалар Республикалық деректер банкінің өңірлік есебіне автоматты түрде ауыстырылады.

      11. Республикалық деректер банкінің өңірлік есебінде тұрған ата-аналарының қамқорлығынсыз қалған балалардың есебін облыстың, республикалық маңызы бар қаланың және астананың органы жүргізеді.

      12. Жетім баланы, ата-аналарының қамқорлығынсыз қалған баланың сауалнамасына Республикалық деректер банкінің өңірлік есебі нөмірі берілген күн оны Республикалық деректер банкінің өңірлік есебіне қою күні болып саналады.

      13. Осы Қағидалардың 7-тармағында көрсетілген құжаттары бар болған жағдайда отбасына тәрбиелеуге (асырап алуға, қорғаншылық немесе қамқоршылыққа, патронатқа, баланы қабылдайтын отбасына) орналастырылмаған жетім балалардың, ата-аналарының қамқорлығынсыз қалған балалардың сауалнамалары Республикалық деректер банкінің өңірлік есебіне қойылған күннен бастап екі ай ішінде Республикалық деректер банкінің орталықтандырылған есебіне автоматты түрде ауыстырылады.

      14. Жетім баланы, ата-аналарының қамқорлығынсыз қалған баланың сауалнамасына Республикалық деректер банкінің орталықтандырылған есебі нөмірі берілген күн ата-анасының қамқорлығынсыз қалған баланы Республикалық деректер банкінің орталықтандырылған есебіне қою күні болып саналады.

      15. Жалғыз ата-анасы немесе екеуі де:

      1) бас бостандығынан айыру орындарында;

      2) іздестірілуде;

      3) ата-ана құқықтарынан шектелген;

      4) ұзақ мерзімді емделуде болған жағдайда балалар Республикалық деректер банкінің орталықтандырылған есебіне қойылмайды.

      16. Ата-анасы ата-ана құқықтарынан айырылған балалардың сауалнамалары ата-ана құқықтарынан айыру туралы сот шешімі заңды күшіне енген күннен бастап алты ай өткен соң Республикалық деректер банкінің өңірлік немесе орталықтандырылған есебіне ауыстырылады.

      17. Бала туралы мәліметтер өзгерген кезде немесе жаңартылған кезде оның сауалнамасында республикалық деректер банкінде қамтылған, орналасқан жері бойынша ауданның, облыстық маңызы бар қаланың, Республикалық маңызы бар қаланың, астананың органы бала мәліметтер келіп түскен күннен бастап жеті жұмыс күні ішінде баланың сауалнамасына мынадай өзгерістер енгізеді:

      ата-аналарының қамқорлығынсыз қалған балалардың ата-аналарының қамқорлығынсыз балалардың ата-аналардың (жалғыз ата-анасының) қамқорлығынсыз қалудың (болмауының) жайдайы өзгеруі туралы;

      балалардың денсаулық жағдайы, балалардың дамуының психологиялық және әлеуметтік ерекшеліктері туралы;

      ата-аналарының қамқорлығынсыз қалған балаларға арналған бір ұйымнан басқа ұйымға ауыстыру туралы;

      кәсіптік оқу орнына оқуға түсу туралы.

      18. Баланың табылған жері бойынша ауданның, облыстық маңызы бар қаланың, республикалық маңызы бар қаланың, астананың органы үш жасқа дейінгі жетім балалардың, ата-аналарының қамқорлығынсыз қалған балалардың фотосуреттерін жылына бір рет, үш жастан он сегіз жасқа дейінгілердікін – үш жылда бір рет жаңартады.

      19. Ата-анасының қамқорлығынсыз қалған балалардың сауалнамалары олар отбасына орналасқан жағдайда (қорғаншылық немесе қамқоршылық, патронаттық тәрбие, бала асырап алу, баланы қабылдайтын отбасы) кәмелет жасқа толғанға дейін толық әрекетке қабілеттілікке ие болған, ата-аналарына (ата-анасына) қайтарылған, сот оларды қайтыс болған немесе хабар-ошарсыз кеткен деп таныған кезде Республикалық деректер банкінің бастапқы, өңірлік және орталықтандырылған есебінен автоматты түрде алынады.

3-тарау. Жетім балалар және ата-аналарының қамқорлығынсыз қалған балалар туралы ақпаратқа қол жеткізу тәртібі

      20. Органдар мен Қазақстан Республикасының балалар құқықтарын қорғау саласындағы уәкілетті органы "Дербес деректер және оларды қорғау туралы" 2013 жылғы 21 мамырдағы Қазақстан Республикасының Заңына сәйкес Республикалық деректер банкіне енгізілген ата-аналарының қамқорлығынсыз қалған балалар туралы құпиялы ақпаратты қорғауды қамтамасыз етеді.

      21. Республикалық деректер банкінің бастапқы, өңірлік және орталықтандырылған есебінде тұрған ата-аналарының қамқорлығынсыз қалған балалар туралы ақпаратқа қол жеткізуді органдар мен Қазақстан Республикасының балалар құқықтарын қорғау саласындағы уәкілетті органы соттың, прокуратура, ішкі істер органдарының сұрауы негізінде ұсынады, сондай-ақ балаларды өз отбасына тәрбиелеуге қабылдауға тілек білдірген адамдар Республикалық деректер банкінде тіркелген және Кодекстің 118-3 бабының 1-тармағына сәйкес Республикалық деректер банкінің мәліметтерін жария етпеу туралы міндеттемелерді қабылдаған жағдайда іске асырылады.

Баланың сауалнамасы

      "Есепке қою" бөлімі

      "Ата-аналары, аға-інілері мен апа-сіңілілері және басқа да туыстары" бөлімі

      Аға-інілері мен апа-сіңілері туралы мәлімет

      Биологиялық ата-аналары туралы мәлімет

      Жақын туыстары туралы мәлімет

      Аға-інілері мен апа-сіңілері туралы ақпарат

      _______________________________________________________________________

      Биологиялық ата-аналар туралы ақпарат

      Жақын туыстары туралы ақпарат

      ____________________________________________________________________

      "Баланың медициналық картасы" бөлімі

      Диагнозы

      "Мүлік туралы мәліметтер" бөлімі

      Әкімшілік-аумақтық объектілер сыныптаушысында автоматты түрде іздеу ______ көше (шағын аудан) ______

      облыс ___________________________ үй _____________________________________

      аудан _________________________________________ корпус ____________________

      Елді мекен ____________________________________ пәтер______________________

      Мүлкінің бар болуы бар

      жоқ

      үлесі бар

      Баспана алу үшін есепке қойылды алу үшін есепке қойылды

      есепке қойылмаған

      Баспана алу үшін есепке қойылған күні "____"________________ ____жыл

      Мүліктің түрі: жылжымалы мүлік

      Мүліктің түрі: қаржы қаражаттары

      Мүліктің иесі: иесінің тегі, аты, әкесінің аты (бар болса)

      Түрі:      банктегі шоты            Қаржы ұйымының бизнес-сәйкестендiру нөмiрi

      зейнетақы қорлары

      депозит

      басқа

      "Құжаттар" бөлімі

      Жеке басын куәландыратын құжаттар

      Құжаттардың үлгісі: жеке куәлік      Кім берген: Әділет министрлігі

      туу туралы куәлік      Ішкі істер министрлігі

      паспорт            Азаматтық хал актілерді тіркеу бөлімі

      Әкімдік

      Шетел мелекеттің тіркеу органы

      Нөмірі _______________________            Берілген күні "_____" __________ ____жыл

      Сериясы _______________________

      Қосымша

      Құжаттардың үлгісі: туынды ақпаратты жариялауға келісім Берген күні "____" ___________ ______жыл

      Баланың шешімі: келісті/ келіспеді

      Атауы:

      Қосымша

      "Фото альбом" бөлімі

      Фотосуретті жүктеу

      "Оқу, ермегі" бөлімі

      Мінезі

      Ермегі, әуестенуі, қабілеттігі

      Жарыстарға, үйірмелерге, өзіндік әрекетіне қатысқан

      "Асырап алуға берілгені туралы" бөлім

      "Есептер" бөлімі

      "Орналастыру хронологиясы" бөлімі

      Орналастыру хронологиясы

      "Жұмысқа орналастыру, интернаттан      кейінгі орналастыру" бөлімі

Адасып қалған (тастанды) баланы жеткізу туралы акт

      Ескерту. 2-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Мен, ________________________________________________________________

                  (лауазымы, атағы, тегі, аты әкесінің аты (бар болған жағдайда),

      ____ сағ ____ мин _____________________________________________________

      (Ішкі істер орган бөлінісінің атауы)

      азамат(-ша), ішкі істер органының қызметкері _____________________________

      _____________________________________________________________________

      (тегі, аты әкесінің аты (бар болған жағдайда), жұмыс орны, лауазымы,

      мекен-жайы, телефоны)

      _____________________________________________________________________

                  (баланы тапқан орны, уақыты және мән-жайлары)

      табылған баланы жеткізгені туралы осы актіні жасадым.

      Баланың белгілері _____________________________________________________

                  (жынысы, жас шамасы, сөйлей ала ма, ұлты, ерекше белгілері)

      _____________________________________________________________________

      Баланың үстіндегі киімдері _____________________________________________

      Мыналарды анықтау мүмкін болды ______________________________________

                  (баланың, оның ата-анасының, оларды алмастырытын адамдардың)

      _____________________________________________________________________

      тегі, аты әкесінің аты (бар болған жағдайда), баланың жасы, ата-анасының

      тұрғылықты жері, жұмыс орны, лауазымы,

      _____________________________________________________________________

      іс үшін маңызды басқа да деректер)

      _____________________________________________________________________

      (сырт қарағанда баланың дені сау, ауру, дене жарақаттары бар)

      Қолы ________________________________________________________________

      (акт жасаған адамның лауазымы, атағы, тегі, аты әкесінің аты (бар болған жағдайда),

      _____________________________________________________________________

      баланы жеткізген адамның тегі, аты әкесінің аты (бар болған жағдайда)

      Бала 20___ жылғы "____" _____ ______ сағ. _____ минутта, _______

      _________________________________________________________ тапсырылды.

      Қолы ________________________________________________________________

      (ата-анасына, оларды алмастыратын адамдарға)

      Бала _______________________________________________________ жіберіледі

      (денсаулық сақтау ұйымының атауы, жетім балалар, ата-аналарының қамқорлығынсыз

      қалған балаларға арналған ұйымдар)

      Баланы қабылдадым ___________________________________________________

      (лауазымы, тегі, аты әкесінің аты (бар болған жағдайда))

      Тапсырдым ___________________________________________________________

      (лауазымы, тегі, аты әкесінің аты (бар болған жағдайда))

      20___ жылғы "___" ______ сағат _____ минут ___

Ата-аналық құқықтардан бас тарту және бала асырап алуға келісім беру туралы ӨТІНІШ

      Ескерту. 3-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Мен, _________________________________________________________________

      (тегі, аты, әкесінің аты (бар болған жағдайда))

      Отбасылық жағдайы ___________________________________________________

      Нақты тұрғылықты мекенжайы __________________________________________

      Тіркелуі ______________________________________________________________

      20___ жылғы "__" _________________ перзентханасын

      (басқа денсаулық сақтау ұйымында)

      ___________________________________________________________

      (елді мекеннің атауы) туылған баламнан

      _____________________________________________________________________

      (тегі, аты, әкесінің аты (бар болған жағдайда)) бас тартамын (баладан бас тарту себебін көрсету)

      оны мемлекеттің толық қамтамасыз етуіне беруді сұраймын және төмендегіні мәлімдеймін:

      менің баламды Қазақстан Республикасының азаматтары немесе шетелдік азаматтар асырап алатынын түсінемін;

      аталған баланы асырап алуға қандай да бір күш қолданусыз және ешкімнің мәжбүрлеп көндіруінсіз ерікті түрде келісім беремін;

      осы баланы асырап алғаннан кейін бала мен қабылдаушы ата-аналар арасында бала-ата-ана ретінде үнемі қарым-қатынас орнайтынын түсінемін;

      бала асырап алу мақсатында бала және оның немесе оның анасы және әкесі арасында бұрынғы қарым-қатынастарды тоқтататын келісім беремін;

      Осы өтініш арқылы жоғарыда аталған мақұлдауларды толық түсінетінімді мәлімдеймін.

      Бала асырап алушылардың таңдауын қорғаншылық және қамқоршылық жөніндегі функцияларды жүзеге асыратын органдарға сенемін, асырап алушыларға және асырап алушыларды таңдау бойынша қорғаншылық және қамқоршылық жөніндегі функцияларды жүзеге асыратын органдарға наразылық білдірмеймін. Баланы асырап алуға берудің құқықтық салдары түсіндірілді.

      тері-венерологиялық есепте тұрмын (тұрған жоқпын, белгісіз);

      психоневрологиялық есепте тұрмын (тұрған жоқпын, белгісіз);

      наркологиялық диспансерде есепте тұрмын (тұрған жоқпын, белгісіз) есепте (қажет еместі сызып тастау)

      Баланың басқа ата-анасы туралы деректер (өтініш берушінің келісімімен беріледі):

      __________________________________________________________________

      (тегі, аты, әкесінің аты (бар болған жағдайда), тұратын жері)

      Осы өтінішті өз еркіммен жаздым.

      Өтінішті жазу күні __________________________________________________

      Толық тегі, аты, әкесінің аты (бар болған жағдайда), ______________________

      Қолы _________

      Жеке басты куәләндыратын құжаттың деректері мәліметі _________________

      (№, кім және қашан берілді)

      Өтінішті толтыру күні _______________________________________________

      Куәгердің өтініші (заңмен немесе жағдайға байланысты талап етілсе, мысалы,

      сауатсыздық немесе адамның мүгедектігі болған жағдайда)

      __________________________________________________________________

      Келісімді куәландыру үшін тағайындалған уәкілетті адамның куәлігі тегі, аты,

      әкесінің аты (бар болған жағдайда): ___________________________________

      Лауазымы: _________________________________________________________

      Жоғарыда аталған немесе белгіленген адам (және куәгер (лер) осы күні келіп, аталған

      құжатқа менің қатысуымен қол қойғанын растаймын.

      (қолы) (тегі, аты, әкесінің аты (бар болған жағдайда)) мөрдің орны

      Заңгер (қолы) (тегі, аты, әкесінің аты (бар болған жағдайда))

      Психолог (қолы) (тегі, аты, әкесінің аты (бар болған жағдайда))

      Емдеуші дәрігер: (қолы) (тегі, аты, әкесінің аты (бар болған жағдайда))

      Ескерту: анасы баласынан перзентханада бас тарпаған жағдайда еркін нысанда нотариуспен куәландырылған өтініш қажет.

Баланы денсаулық сақтау ұйымында тастап кету туралы акт

      Ескерту. 4-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      20__ жылғы "___" __________

      "_____" _________ жылы туған, _________________________________________

      ________________________________________________________ мекенжайында

      тұратын, _______________________________________ мекенжайында тіркелген

      (мекенжайы, басқа да мәліметтер кімнің сөзінен жазылған, төлқұжатының

      сериясы __________________, _________________ берілгенін көрсету) азаматша

      _____________________________________________________________________

      (тегі, аты, әкесінің аты (бар болған жағдайда), некеде немесе некеде жоқ)

      ұл (қыз) баланы туып 20__ жылғы "___" __________ баланы асырап алуға келісімді немесе баланы мекемеге толық мемлекеттік қамтамасыз етілуіне уақытша орналастыру туралы өтінішті ресімдеген жоқ (баланың тегі, аты, әкесінің аты (бар болған жағдайда) қандай құжаттың негізінде жазылғанын, әкесі және басқа туыстары туралы мәлімет бар жоқтығын көрсету).

      _____________________________________________________________________

      (тегі, аты, әкесінің аты (бар болған жағдайда) және басқа мәліметтер)

      Емдеуші дәрігер:

      _____________________________________________________________________

      (тегі, аты, әкесінің аты (бар болған жағдайда), күні, қолы)

      Заңгер:

      _____________________________________________________________________

      (тегі, аты, әкесінің аты (бар болған жағдайда), күні, қолы)

      Денсаулық сақтау ұйымының басшысы

      _____________________________________________________________________

      (тегі, аты, әкесінің аты (бар болған жағдайда) күні, қолы)

      Мөрдің орны

Қазақстан Республикасының азаматтарын тіркеу және құжаттандыру туралы ҚОЛДАУХАТ

      Ескерту. 5-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      _____________________________________________________________________

      (баланың тәрбиеленіп жатқан ұйымның атауы)

      _____________________________________________________________________

      Сізден Қазақстан Республикасының азаматшасы

      _____________________________________________________________________

      (азаматшаның тегі, аты, әкесінің аты (бар болған жағдайда)), бар мәліметті көрсету)

      _____________________________________________________________________

      тіркеу және құжаттандыру туралы мәліметті беруді сұрайды.

      Мәлімет баланың мәртебесін анықтау және оны одан әрі орналастыру үшін қажет.

      Қосымша мәліметтер жоқ.

      Ұйым басшысы тегі, аты, әкесінің аты (бар болған жағдайда)

Тұрғылықты мекенжайын анықтау туралы ҚОЛДАУХАТ

      Ескерту. 6-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      ______________________________________ (сұраныс жасаған органның атауы)

      Қорғаншылық және қамқоршылық жөніндегі функцияларды жүзеге асыратын орган

      Қазақстан Республикасында тұратын азаматшаның

      _____________________________________________________________________

      _____________________________________________________________________

      (тегі, аты, әкесінің аты (бар болған жағдайда), өз балаларын қалдырып немесе тастап

      кеткен әйел туралы басқа да бар мәліметтерді көрсету) мекенжайы туралы мәліметтерді

      белгілеу үшін жеке құрамына бағдарлауларыңызды сұрайды.

      Анасының немесе туыс-туғандарының тұратын жері анықталған жағдайда олардың балаға қатысты мүддесін (баланы алып кету келісімі немесе одан бас тарту туралы жазбаша нотариус куәландырған өтінішін алу) білулеріңізді сұраймыз.

      Аталған мәліметтер баланың мәртебесін растау және оны одан әрі орналастыру үшін қажет.

      Басшы тегі, аты, әкесінің аты (бар болған жағдайда)

Адасып қалған (тастанды) баланы жеткізу туралы актіде көрсетілген мекенжайға бару актісі

      Ескерту. 7-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Бару күні _____________________________________________________________

      Барған орынның мекенжайы ____________________________________________

      _____________________________________________________________________

      Тексеру жүргізген қызметкердің тегі, аты, әкесінің аты (бар болған жағдайда), лауазымы (білім беру органының, бала тәрбиеленетін ұйымның маманы, әлеуметтік педагог)

      _____________________________________________________________________

      Аталған мекенжайда тұратынын азаматтар туралы мәліметтер, баланың анасы туралы қандай мәліметтер бар ___________________________________

      (тегі, аты, әкесінің аты (бар болған жағдайда), басқа мәліметтер, олар аталған мекенжайда қай уақыттан бастап тұрады)

      Ескерту: Акт үш адамның қолымен (тегі, аты, әкесінің аты (бар болған жағдайда), лауазымын көрсету), білім беру органының дөңгелек елтаңбалы мөрімен куәландыру.

Баланың туыс-туғандарының бар-жоғы туралы анықтама

      Ескерту. 8-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      (Тәрбиеленушінің тегі, аты, әкесінің аты (бар болған жағдайда), туған күні, тәрбиеленіп жатқан ұйымның атауы)

      _____________________________________________________________________

      Туыстары ____________________________________________________________

      (тегі, аты, әкесінің аты (бар болған жағдайда), тұратын жері, мекен-жайы)

      Аталған мәліметтер (тәрбиеленушінің жеке ісінен, көршілерінің, ішкі істер органдарының мәліметтері бойынша, басқа тұлғалардың сөзінен)

      _____________________________________________________________________

      _____________________________________________________________ алынды.

      Анықтама құзыретті органға ұсыну үшін берілді.

      Басшы тегі, аты, әкесінің аты (бар болған жағдайда)

Жетім балалар және ата-аналарының қамқорлығынсыз қалған балаларға арналған ұйым басшысының асырап алуға келісімі

      Ескерту. 9-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Бұрыштама мөртабан

      Құзыретті органдарға

      _____________________________________________________________________

      (бала күтіп-бағылатын білім беру, медициналық және басқа да ұйымның атауы)

      _____________________________________________________________________

      (баланың тегі, аты, әкесінің аты (бар болған жағдайда))

      _____________________________________________________________________

      _________________________ азаматтарға (азаматтығы (өз еркімен көрсетіледі),

      тұрғылықты мекен-жайы) асырап алуға келісімін береді.

      Бала __________________________________ бастап дейін ___________ болды.

      (ұйымның атауы)

      Болу кезінде балаға ата-анасы, туыс-туғандары келген жоқ.

      _____________________________________________________________________

      (тегі, аты, әкесінің аты (бар болған жағдайда), мекен-жайын, қорғаншылық және

      қамқоршылық жөніндегі функцияларын жүзеге асыратын органның бала таңдап алуға

      берген жолдаманың № және күнін көрсету) Қазақстан Республикасының азаматтарына

      ұсынылды.

      Ұйымның басшысы

      тегі, аты, әкесінің аты

      (бар болған жағдайда)

      Мөрдің орны

Қазақстан Республикасының аумағында және одан тыс жерде тұратын Қазақстан Республикасының азаматтарынан асырап алуға ұсынылған балалардан бас тартуларын растайтын қолхат

      Ескерту. 10-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      ___________________________________________________________ басшысына

      (бала тәрбиеленетін ұйымның атауы) азаматтардан, тегі, аты, әкесінің аты

      (бар болған жағдайда), тұратын мекенжайы, телефоны

      _____________________________________________________________________

      Біз бала асырап алуға үміткер ретінде білім беру органдарында тіркелдік

      (кезектің № және күні) _______________________________________________

      Бізге төмендегі балалар ұсынылды:

      1. ___________________________________________________________________

      2. ___________________________________________________________________

      3. ___________________________________________________________________

      4. ___________________________________________________________________

      5. ___________________________________________________________________

      Осымен _____________________________________________________________

      (бас тарту себептерін көрсету: денсаулығына байланысты, бізге ұқсамайды,

      ауыр науқасты, аға-інілері немесе апа-сіңлілері бар байланысты аталған балаларды

      асырап алудан бас тартатымызды растаймыз)

      Күні, асырап алушының

      (асырап алушылардың) қолы

      Бұрыштама мөртабан

Баланың денсаулық жағдайы туралы дәрігердің қорытындысы

      Ескерту. 11-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Әр бетте тексеру жүргізген дәрігердің қолы, тегі, аты, әкесінің аты (бар болған жағдайда) және жеке мөрі көрсетіледі.

      Толтыру күні

      Бұрыштама мөртабан

0-ден 5 жасқа дейінгі баланың дамуындағы психологиялық және әлеуметтік ерекшеліктер туралы есеп

      Ескерту. 12-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Әр бетте есепті толтырған маманның қолы, Т.А.Ә. (бар болған жағдайда) және мөрі.

      Толтыру күні

      Бұрыштама мөртабан

6 жас және одан да асқан баланың дамуындағы психологиялық және әлеуметтік ерекшеліктер туралы есеп

      Ескерту. 13-қосымша жаңа редакцияда - ҚР Оқу-ағарту министрінің м.а. 16.06.2023 № 171 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Әр бетте есепті толтырған маманның қолы, тегі, аты, әкесінің аты (бар болған жағдайда) және мөрі.

      Толтыру күні