Ескерту. Күші жойылды – ҚР Қаржы нарығын реттеу және дамыту агенттігі Басқармасының 20.01.2021 № 2 (алғашқы ресми жарияланған күннен кейін күнтізбелік он күн өткен соң қолданысқа енгізілсін) қаулысымен.
      РҚАО-ның ескертпесі!
      Осы қаулының қолданысқа енгізілу тәртібін 2-тармақтан қараңыз

      Қазақстан Республикасының нормативтік құқықтық актілерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қазақстан Республикасының Ұлттық Банкі Басқармасының "Жинақтаушы зейнетақы қорларының зейнетақымен қамсыздандыру туралы шарттар бойынша зейнетақы активтері мен міндеттемелерін бірыңғай жинақтаушы зейнетақы қорына беру қағидаларын бекіту туралы" 2013 жылғы 26 шілдедегі № 187 қаулысына (Нормативтік құқықтық актілерді мемлекеттік тіркеу тізілімінде № 8671 тіркелген, "Заң газеті" газетінде 2013 жылғы 25 қыркүйекте № 144 (2345) жарияланған) мынадай өзгеріс пен толықтыру енгізілсін:

      көрсетілген қаулымен бекітілген Жинақтаушы зейнетақы қорларының зейнетақымен қамсыздандыру туралы шарттар бойынша зейнетақы активтері мен міндеттемелерін бірыңғай жинақтаушы зейнетақы қорына беру қағидаларында:

      мынадай редакцияда 30-1-тармағымен толықтырылсын:

      "30-1. Жинақтаушы зейнетақы қорының бірыңғай жинақтаушы зейнетақы қорына зейнетақымен қамсыздандыру туралы шарттары бойынша зейнетақы активтері мен міндеттемелерін толық көлемде беру фактілерін анықтаған жағдайда бірыңғай жинақтаушы зейнетақы қоры әрбір жинақтаушы зейнетақы қоры бойынша әзірленетін және осы жинақтаушы зейнетақы қорымен келісілетін және жинақтаушы зейнетақы қорларының бірыңғай жинақтаушы зейнетақы қорына зейнетақымен қамсыздандыру туралы шарттары бойынша зейнетақы активтері мен міндеттемелерін қосымша актісімен ресімделетін қосымша іс-шараларға сәйкес жинақтаушы зейнетақы қорларының бірыңғай жинақтаушы зейнетақы қорына зейнетақымен қамсыздандыру туралы шарттары бойынша зейнетақы активтері мен міндеттемелерін қосымша беру жүзеге асырылады.

      Қосымша іс-шаралар жоспарында зейнетақымен қамсыздандыру туралы шарттар бойынша зейнетақы активтері мен міндеттемелерін жинақтаушы зейнетақы қорының беруін және бірыңғай жинақтаушы зейнетақы қорының қабылдауын қамтамасыз ету үшін қажетті іс-шараларды жүргізу (іске асыру) тәртібі көзделеді.

      Бірыңғай жинақтаушы зейнетақы қорының, жинақтаушы зейнетақы қорының және басқа да мүдделі тараптарының (қажет болған кезде) бірінші басшылары немесе олардың орнындағы адамдар қол қойған қосымша іс-шаралар жоспары келісуге Қазақстан Республикасының Ұлттық Банкіне барлық мүдделі тараптары оған қол қойған күнінен бастап үш жұмыс күнінен кешіктірмейтін мерзімде жіберіледі.

      Қазақстан Республикасының Ұлттық Банкі ұсынылған қосымша іс-шаралар жоспарын қарайды және жоспарланған іс-шаралардың тізбесімен және (немесе) оларды іске асыру мерзімдерімен келіспеген жағдайда, қосымша іс-шаралар жоспарын алған күннен бастап үш жұмыс күнінен кешіктірмейтін мерзімде зейнетақымен қамсыздандыру туралы шарттар бойынша зейнетақы активтері және міндеттемелері қосымша іс-шаралар жоспарына сәйкес беруге жоспарланып отырған бірыңғай жинақтаушы зейнетақы қорының және жинақтаушы зейнетақы қорының атына ескертулерімен бірге хат жібереді.

      Қазақстан Республикасының Ұлттық Банкінің ескертулері ескеріле отырып түзетілген қосымша іс-шаралар жоспары Қазақстан Республикасының Ұлттық Банкінің хатын алған күннен бастап екі жұмыс күні ішінде уәкілетті органға ұсынылады.

      Бірыңғай жинақтаушы зейнетақы қорына қосымша іс-шаралар жоспарында анықталған зейнетақымен қамсыздандыру туралы шарттар бойынша жинақтаушы зейнетақы қоры зейнетақы активтері мен міндеттемелерді беру күні мыналарды электронды форматта қалыптастырады және Орталық жинақтаушы зейнетақы қоры зейнетақы активтері мен міндеттемелерді бірыңғай жинақтаушы зейнетақы қорына беру тиіс салымшылардың (алушылардың) тізімін жібереді.

      Бірыңғай жинақтаушы зейнетақы қоры жинақтаушы зейнетақы қорынан ақпарат алған күні:

      автоматтандырылған ақпарат жүйесінің деректер базасында Қағидалардың осы тармағының алтыншы бөлігінде көрсетілген салымшылардың (алушылардың) тізімдері бойынша кредиторларды анықтау мүмкін емес зейнетақы активтері бойынша кредиторлық берешекті есепке алу үшін салымшылардың (алушылардың) жеке зейнетақы шоттарын және "анықтағанға дейінгі басқа да сомалар" шоттарын ашады;

      Қағидалардың осы тармағының алтыншы бөлігінде көрсетілген салымшыларға (алушыларға) жеке зейнетақы шоттарын ашу туралы хабарламаны Орталыққа жібереді;

      Қағидалардың осы тармағының алтыншы бөлігінде көрсетілген салымшыларға (алушыларға) жеке зейнетақы шоттарын ашу туралы ақпаратты жинақтаушы зейнетақы қорына жібереді.

      Орталық бірыңғай жинақтаушы зейнетақы қорынан Қағидалардың осы тармағының алтыншы бөлігінде көрсетілген салымшылар (алушылар) тізімдері бойынша мәліметтерді алған күні:

      міндетті зейнетақы жарналары есебінен зейнетақымен қамсыздандыру туралы шартты жасаған жеке тұлғалардың бірыңғай тізімінде жинақтаушы зейнетақы қоры белгісін бірыңғай жинақтаушы зейнетақы қорына өзгертеді;

      бірыңғай жинақтаушы зейнетақы қорына міндетті зейнетақы жарналары есебінен зейнетақымен қамсыздандыру туралы шартты жасаған жеке тұлғалардың бірыңғай тізіміне ақпараттың енгізілгендігі немесе енгізілмегендігі туралы хаттаманы жібереді;

      жинақтаушы зейнетақы қорына салымшылардың (алушылардың) жеке зейнетақы шоттарының жабылуы туралы ақпаратты жібереді.

      Жинақтаушы зейнетақы қоры Орталық және бірыңғай жинақтаушы зейнетақы қоры берген ақпарат негізінде автоматтандырылған ақпарат жүйесінің деректер базасында Қағидалардың осы тармағының алтыншы бөлігінде көрсетілген салымшылардың (алушылардың) жеке зейнетақы шоттарын жабуды жүзеге асырады.";

      31-тармақ мынадай редакцияда жазылсын:

      "31. Әрбір жеке жинақтаушы зейнетақы қоры (зейнетақы активтерін инвестициялық басқаруды жүзеге асыратын ұйым) бойынша іс-шаралар жоспарында көзделген мерзімдерге сәйкес бірыңғай жинақтаушы зейнетақы қорының және жинақтаушы зейнетақы қорының (зейнетақы активтері инвестициялық басқаруды жүзеге асыратын ұйымның) органдарының тиісті шешімдері негізінде бірыңғай жинақтаушы зейнетақы қорының және жинақтаушы зейнетақы қорының (зейнетақы активтерін инвестициялық басқаруды жүзеге асыратын ұйымның) өкілдерінен комиссия (бұдан әрі – комиссия) құрылады.

      Комиссия жойылуға тиіс құжаттар мен ақпарат тізбесін анықтайды.

      Жинақтаушы зейнетақы қорларының автоматтандырылған ақпарат жүйесінің деректер базасында сақталатын салымшылардың (алушылардың) зейнетақы жинақтары туралы ақпаратты, сондай-ақ зейнетақы жинақтары құпиясынан тұратын өзге де мәліметтерді қамтитын ақпарат, егер комиссия шешіміне сәйкес өзгеше айқындалмаса, жойылуға тиіс.

      Осы тармақтың үшінші бөлігінде көрсетілген ақпаратты жою туралы актіге бірыңғай жинақтаушы зейнетақы қорының және жинақтаушы зейнетақы қорының бірінші басшылары немесе олардың орнындағы тұлғалар қол қояды және олардың мөрлерімен расталады.

      Комиссия Қағидалардың осы тармағының үшінші бөлігінде көзделген ақпаратты жоймау не ішінара жою туралы шешім қабылдаған кезде осы ақпарат бірыңғай жинақтаушы зейнетақы қорында сақталады.".

      2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2014 жылғы 1 қаңтардан бастап туындаған құқықтық қатынастарға қолданылады.